ကမ္ဘာဦးကျမ်း

အခန်းကြီး ၉

ဘုရားက များပြားစွာ မွေးဖွား၍ပွားများကြ

CROSS REFERENCES

ကမ္ဘာ ၁း၂၆-၂၇

ကမ္ဘာ ၁း၂၆-၂၇
၂၆ တဖန်ဘုရားသခင်က၊ ငါတို့ပုံသဏ္ဍာန်နှင့်အညီ တသဏ္ဍာန်တည်း လူကိုဖန်ဆင်းကြစို့။ သူသည် ပင်လယ်ငါးတို့ကို၎င်း၊ မိုးကောင်းကင်ငှက်တို့ကို၎င်း၊ သားယဉ်တို့ကို၎င်း၊ မြေတပြင်လုံးနှင့်တကွ၊ မြေပေါ်မှာ တွားတတ်သော တိရစ္ဆာန်အပေါင်းတို့ကို၎င်း၊ အုပ်စိုးစေ၊ ဟုအမိန့်တော်ရှိ၏။

ကမ္ဘာ ၅း၁
၁ အာဒံ၏ သားစဉ်မြေးဆက် စာရင်းဟူမူကား၊ လူကို ဖန်ဆင်းတော်မူသော ကာလ၌ ၊ မိမိပုံသဏ္ဍာန်နှင့်အညီ၊ ဘုရားသခင်ဖန် ဆင်းတော်မူ၏။

၁ ကော ၁၁း၇
၇ ယောက်ျားသည် ဘုရားသခင်၏ ပုံသဏ္ဍာန်၊ ဘုန်းအသရေတော် ဖြစ်သောကြောင့် မိမိခေါင်းကိုမဖုံးရ။ မိန်းမမူကား၊ ယောက်ျား၏ ဘုန်းအသရေဖြစ်၏။

ဧဖက် ၄း၂၃
၂၃ သန့်ရှင်းခြင်း ပါရမီအားဖြင့် ဘုရားသခင်နှင့် အတူအမျှ၊ ဖန်ဆင်းသော လူသစ်ကို ယူတင်ဝတ်ဆောင်မည် အကြောင်း၊ ခရစ်တော်၏ စကားကို ကြားနာရသည်ဖြစ်၍၊

ကောလော ၃း၁၀
၁၀ ဖန်ဆင်းတော်မူသောသူ၏ ပုံသဏ္ဍာန်နှင့်အညီ၊ မှန်သောပညာအားဖြင့် အသစ်ပြုပြင်သော လူသစ်ကို ယူတင်ဝတ်ဆောင်သောသူ ဖြစ်ကြ၏။

ယာကုပ် ၃း၉
၉ ငါတို့သည် လျှာဖြင့်ခမည်းတော်ဘုရားသခင်ကို ကောင်းကြီးပေးတတ်ကြ၏။ ဘုရားသခင်၏ ပုံသဏ္ဍာန်တော်နှင့်အညီ ဖန်ဆင်းသောလူတို့ကို၊ လျှာဖြင့် ကျိန်ဆဲတတ်ကြ၏။

၁ ဘုရားသခင်သည်လည်း၊ နောဧနှင့် သူ၏သားတို့ကို ကောင်းကြီးပေးတော်မူ၍၊ သင်တို့သည် များပြားစွာ မွေးဖွားလျက် မြေကြီးကို ပြည့်စေကြလော့။ ၂ မြေတိရစ္ဆာန်၊ မိုးကောင်းကင် ငှက်အစရှိသော၊ မြေပေါ်မှာ လှုပ်ရှားတတ်သမျှနှင့်၊ ပင်လယ် ငါးအပေါင်းတို့သည်၊ သင်တို့ရှေ့မှာ ကြောက်ရွံ့တုန်လှုပ်ခြင်းသဘော ရှိရကြလိမ့်မည်။ ထိုတိရစ္ဆာန်တို့ကို သင်တို့လက်၌ ငါအပ်၏။ ၃ အသက်ရှင်၍ လှုပ်ရှားတတ်သမျှသည်၊ အသီးအရွက်ကဲ့သို့၊ သင်တို့စားစရာဖို့ ဖြစ်ရမည်။ ခပ်သိမ်းသောအရာတို့ကို သင်တို့၌ ငါအပ်ပေး၏။ ၄ သို့သော်လည်း၊ အသက်တည်းဟူသော အသွေးနှင့်တကွ အသားကိုမစားရ။ ၅ အကယ်၍ သင်တို့ အသက်တည်းဟူသော၊ သင်တို့အသွေးကို ငါတောင်းမည်။ လူ၊ တိရစ္ဆာန်အပေါင်းတို့၌ ငါတောင်းမည်။ ခပ်သိမ်းသော လူတို့၏ ညီအစ်ကို၌ ၊ လူ၏အသက်ကို ငါတောင်းမည်။ ၆ အကြင်သူသည် လူ၏အသွေးကိုသွန်း၏။ ထိုသူ၏အသွေးကို လူလက်ဖြင့် သွန်းရမည်။ အကြောင်းမူကား ဘုရားသခင်သည် မိမိပုံသဏ္ဍာန်နှင့်အညီ လူကို ဖန်ဆင်းတော်မူ၏။ [A] ၇ သင်တို့သည် သားကိုဖွား၍ များပြားကြလော့။ မြေကြီးပေါ်မှာ အလွန်မွေးဖွား၍ များပြားကြလော့၊ ဟုမိန့်တော်မူ၏။

နောက်ထပ် ရေမလွှမ်းမိုးမည့်အကြောင်း သက်တန့်ထား

၈ တဖန် ဘုရားသခင်သည်၊ နောဧနှင့် သူ၏သားတို့ကို မိန့်တော်မူသည်ကား၊ ၉ သင်တို့နှင့်၎င်း၊ နောက်ဖြစ်လတံ့သော အမျိုးအနွယ်နှင့်၎င်း၊ ၁၀ သင်တို့ထံမှာ အသက်ရှင်သော တိရစ္ဆာန်တည်းဟူသော၊ ငှက်၊ သားယဉ်၊ သားရဲရှိသမျှ သင်္ဘောထဲက ထွက်ဆင်းသမျှမှစ၍၊ မြေတိရစ္ဆာန် အပေါင်းတို့နှင့်၎င်း၊ ငါသည် ကိုယ်တိုင် ပဋိညာဉ်ပြု၏။ ၁၁ သင်တို့နှင့်ငါပြုသော ပဋိညာဉ်ဟူမူကား၊ ရေလွှမ်းမိုးခြင်းအားဖြင့်၊ ခပ်သိမ်းသော သတ္တဝါတို့သည် နောက်တဖန်မဆုံးရကြ။ မြေကြီးကို ဖျက်ဆီးဖို့ရာ နောက်တဖန် ရေလွှမ်းမိုးခြင်းမရှိရ။ ၁၂ ထိုမှတပါး၊ ငါတဖက်၊ သင်တို့နှင့် သင်တို့ထံမှာ အသက်ရှင်သမျှသော တိရစ္ဆာန်တို့တဖက်၌၊ သားမြေးအစဉ်အဆက်မပြတ်၊ ငါပြုသောပဋိညာဉ်၏ လက္ခဏာသက်သေဟူမူကား၊ ၁၃ ငါ၏သက်တံ့ကို မိုးတိမ်၌ ငါထား၏။ ထိုသက်တံ့သည် မြေကြီးနှင့် ငါပြုသော ပဋိညာဉ်၏ သက်သေ ဖြစ်လိမ့်မည်။ ၁၄ ငါသည် မိုးကိုအုံ့စေသောအခါ၊ မိုးတိမ်၌ သက်တံ့သည် ထင်ရှားလိမ့်မည်။ ၁၅ ထိုအခါ ငါတဖက်သင်တို့မှစ၍၊ အသက်ရှင်သော သတ္တဝါ၊ တိရစ္ဆာန်ရှိသမျှ တို့တဖက်၌ရှိသော၊ ငါ၏ပဋိညာဉ်ကို ငါအောက်မေ့သဖြင့်၊ ခပ်သိမ်းသော သတ္တဝါတို့ကို ဖျက်ဆီးခြင်းငှါ၊ နောက်တဖန် ရေလွှမ်းမိုးခြင်းမရှိရ။ ၁၆ မိုးတိမ်၌ သက်တံ့ရှိသည်ကို ငါကြည့်ရှုသဖြင့်၊ ဘုရားသခင်နှင့် မြေကြီးပေါ်မှာ အသက်ရှင်သောသတ္တဝါ၊ တိရစ္ဆာန်အပေါင်းတို့ စပ်ကြားမှာရှိသော ထာဝရပဋိညာဉ်ကို ငါအောက်မေ့မည်။ ၁၇ ဤသည်ကား၊ ငါနှင့် မြေကြီးပေါ်မှာရှိသော သတ္တဝါအပေါင်းတို့၏ စပ်ကြားမှာ၊ ငါအမြဲဖွဲ့သော ပဋိညာဉ်၏ လက္ခဏာ သက်သေဖြစ်သတည်း၊ ဟုနောဧကို ဘုရားသခင် မိန့်တော်မူ၏။

နောဧ စပျစ်ရည်မူး၍ ခါနာန်ကိုကျိန်

CROSS REFERENCES

ကမ္ဘာ ၂း၂၅
၂၅ ထိုသူလင်မယား နှစ်ဦးတို့သည်၊ အဝတ်မဝတ်ဘဲနေ၍၊ ရှက်ကြောက်ခြင်းနှင့် %fo(a) ကင်းလွတ်ကြ၏။ %ln

ကမ္ဘာ ၃းရ
၇ ထိုသူနှစ်ယောက်တို့သည် မျက်စိပွင့်လင်း၍၊ မိမိတို့၌အဝတ်အချည်းစည်း ရှိသည်ကိုသိမြင်လျှင်၊မိမိတို့ဝတ်ရန်ဖို့ သင်္ဘောသဖန်းပင် အရွက်တို့ကို ချုပ်စပ်၍ ခါးစည်းကိုလုပ်ကြ၏။s လူလင်မယားထံဘုရားရှင်လာ

ကမ္ဘာ ၉း၂၀-၂၂
၂၀ နောဧသည် လယ်လုပ်သော အတတ်ကိုပြုစု၍၊ စပျစ်ဥယျာဉ်ကို စိုက်လေ၏။

တရားဟော ၂၈း၄၈
၄၈ ထာဝရဘုရား စေလွှတ်တော်မူသော ရန်သူ၏ အမှုကို သင်သည် မွတ်သိပ်ခြင်း၊ ရေငတ်ခြင်း၊ အဝတ်အချည်းစည်းရှိခြင်းနှင့်တကွ၊ အရာရာ၌ ဆင်းရဲစွာ ဆောင်ရွက်ရလိမ့်မည်။ သင်သည် မပျက်စီးမှီ တိုင်အောင် သင့်လည်ပင်း၌ သံထမ်းပိုးကို တင်ထားတော်မူမည်။

၂ ဓမ္မ ၆း၂၀
၂၀ ထိုနောက် ဒါဝိဒ်သည် နန်းတော်သားတို့ကို ကောင်းကြီးပေးခြင်းငှာ သွား၍ ရောက်သောအခါ၊ ရှောလု၏သမီး မိခါလသည် ဆီး၍ ကြိုလျက်၊ လျှပ်ပေါ်သောသူသည် အရှက်မရှိဘဲ ကိုယ်အဝတ်ကို ချွတ်သကဲ့သို့၊ ယနေ့ ကျွန်ယောကျ်ား ကျွန်မိန်းမများရှေ့တွင် အဝတ်တော်ကို ချွတ်သော ဣသရေလ ရှင်ဘုရင်သည်၊ ယနေ့ အဘယ်မျှလောက် ဘုန်းကြီး တော်မူပါသည်တကား၊ ဟုဆို၏။

ယောဘ ၁း၂၀-၂၁
၂၀ ထိုအခါ ယောဘသည် ထ၍၊ မိမိဝတ်လုံကို ဆုတ်လေ၏၊၊ ဆံပင်ကိုလည်းရိတ်၍ မြေပေါ်မှာဝပ်လျက်ကိုးကွယ်ပြီးလျှင်၊ ငါသည်အဝတ်မပါဘဲ အမိဝမ်းထဲကထွက်လာ၏၊၊

ယောဘ ၂၄းရ
၇ ချမ်းသောကာလ၌ ကိုယ်ကို ဖုံးလွှမ်းစရာအဝတ်မရှိ၊၊ အချည်းစည်း အိပ်ရကြ၏၊၊

ဟေရှာယ ၂၀း၂-၄
၂ ထာဝရဘုရားက၊ သင်သည်သွား၍ ခါးစည်းသော လျှော်တေအဝတ်နှင့် ခြေနင်းကို ချွတ်လော့ ဟုအာမုတ်သား ဟေရှာယကို မိန့်တော်မူသည်အတိုင်း၊ သူသည်ပြု၍ အဝတ်ကိုမဝတ်၊ ခြေနင်းကို မစီးဘဲ သွားလာလျက်နေ၏။

ဟေရှာယ ၄ရး၃
၃ သင်သည် အဝတ်အချည်းစည်းရှိ၍၊ အရှက်ကွဲခြင်းကိုခံရမည်။ ငါသည် အပြစ်ဒဏ်ကိုပေးမည်။ အဘယ်သူနှင့်မျှ မိဿဟာယမဖွဲ့။%fo(a)

ယေရမိမြည် ၁း၈
၈ ယေရုရှလင်မြို့ပြစ်မှားသောအပြစ်သည် အလွန်များသောကြောင့်၊ ရွံရှာဖွယ်ဖြစ်လေ၏။ သူ့ကိုရိုသေဘူးသောသူအပေါင်းတို့သည် သူ၌အချည်းစည်းရှိခြင်းကိုမြင်သောကြောင့် မထီမဲ့မြင်ပြုကြ၏။ သူသည်လည်းညည်းတွား၍နောက်သို့ပြန်သွားလေ၏။

ယေဇ ၁၆း၈
၈ တဖန်ငါသည်လျှောက်သွား၍ သင့်ကိုမြင်သောအခါ၊ သင်၌ချစ်လိုဘွယ်သောအချိန် အရွယ်ရှိသောကြောင့်၊ ငါသည်ကိုယ်အဝတ်စွန်းကိုဖြန့်၍၊ သင်၌အချည်းစည်းရှိခြင်းကိုဖုံးအုပ်၏။ ကျိန်ဆိုခြင်းပြု၍သင်နှင့်ပဋိညာဉ်ဖွဲ့သဖြင့်၊ သင်သည်ငါ၏ခင်ပွန်းဖြစ်လေ၏။%fo(b)

ယေဇ ၁၆း၃၆
၃၆ အရှင်ထာဝရဘုရားမိန့်တော်မူသည်ကား၊ သင်၏ရည်းစားများ၊ စက်ဆုပ်ရွံ့ရှာဘွယ်သော ရုပ်တုအပေါင်းတို့နှင့် မှားယွင်းခြင်းအားဖြင့်၎င်း၊ သူတို့အားပေးသော သားသမီးတို့၏အသွေးအားဖြင့်၎င်း၊ သင်သည်ကိုယ်ရှက်ကြောက်ခြင်း၊ အဝတ်အချည်းစည်းရှိခြင်းကိုထင်ရှားစွာဖေါ်ပြသောကြောင့်၊

ယေဇ ၂၃း၁၈
၁၈ ထိုသို့မတရားသောမေထုန်ကိုပြုခြင်း၊ အဝတ်အချည်းစည်းရှိခြင်း ကိုထင်ရှားဖော်ပြသောကြောင့်၊ ငါသည်သူ့အစ်မကို ရွံရှာသကဲ့သို့၊ သူ့ကိုလည်းရွံရှာ၏။

ဟောရှေ ၂း၉-၁၀
၉ သို့ဖြစ်၍၊ စပါးရိတ်ရာကာလ၌ ငါ့စပါးကို၎င်း၊ စပျစ်ရည်လုပ်ရာကာလ၌ ငါ့စပျစ်ရည်ကို၎င်း၊ သူ၏ကိုယ်ကိုဖုံးလွှမ်းစရာ ငါ့သိုးမွေးနှင့်ပိုက်ဆန်ကို၎င်း၊ ငါသိမ်းယူမည်။

မိက္ခာ ၁း၈
၈ ထိုအမှုကြောင့် ငါသည် ငိုကြွေးမြည်တမ်းမည်။ အဝတ်ကိုချွတ်၍ အချည်းစည်းလည်သွားမည်။ မြေခွေးကဲ့သို့အူလျက်၊ ကုလားအုပ်ငှက်ကဲ့သို့ မြည်လျက်နေမည်။

နာဟုန် ၃း၅
၅ ထိုအမှုသည် ယာကုပ်လွန်ကျူး၍၊ ဣသရေလအမျိုး ပြစ်မှားသောကြောင့် ရောက်သတည်း။ ယာကုပ်လွန်ကျူးရာ ကားအဘယ်သို့နည်း။ ရှမာရိမြို့မဟုတ်လော။ ယုဒ၏ မြင့်ရာအရပ်ကား အဘယ်မှာရှိသနည်း။ ယေရုရှလင်မြို့၌ ရှိသည်မဟုတ်လော။

ဟဗက္ကုတ် ၂း၁၅
၁၅ မိမိအိမ်နီးချင်း၌ အဝတ်အချည်းစည်းရှိခြင်းကိုမြင်လို၍၊ သူ့ကိုယစ်မူးစေခြင်းငှါ သေရည်သေရက်ကို လောင်း၍သောက်စေသောသူသည်အမင်္ဂလာရှိ၏။

မဿဲ ၂၅း၃၆
၃၆ ငါသည် အဝတ်အချည်းစည်း ရှိသောအခါ၊ သင်တို့သည် အဝတ်နှင့် ဖုံးလွှမ်းကြ၏။ ငါသည် အနာရောဂါ စွဲသောအခါ၊ သင်တို့သည် ကြည့်ရှုပြုစုကြ၏။ ငါသည် ထောင်ထဲမှာ နေရသောအခါ၊ သင်တို့သည် ငါ့ထံသို့ လာကြ၏၊ ဟုမိန့်တော်မူလျှင်၊

ယာကုပ် ၂း၁၅-၁၆
၁၅ ညီအစ်ကိုနှမတို့သည် အဝတ်အချည်းစည်းရှိ၍၊ နေ့တိုင်းစားရသောအစာမရှိသောအခါ၊

မာကု ၅း၁၅
၁၅ အထံတော်သို့ ရောက်သောအခါ၊ နတ်ဆိုး လေဂေါင်စွဲသောသူသည် အဝတ်ကိုဝတ်၍ ပကတိစိတ်နှင့် ထိုင်နေသည်ကို မြင်လျှင်၊ ကြောက်ရွံ့ခြင်းသို့ ရောက်ကြ၏။

ရော ၈း၃၆
၃၆ အကယ်စင်စစ် ကိုယ်တော်အတွက် အကျွန်ုပ်တို့သည်၊ အစဉ်မပြတ် အသေသတ်ခြင်းကို ခံရကြပါ၏။ သတ်ဖို့ရာ ထားသော သိုးကဲ့သို့၊ အကျွန်ုပ်တို့ကို သူတပါး မှတ်တတ်ကြပါ၏၊၊ ဟုကျမ်းစာလာသည် နှင့်အညီ၊ ဆင်းရဲငြိုငြင်ခြင်း၊ ညှဉ်းဆဲနှိပ်စက်ခြင်း၊ မွတ်သိပ်ခြင်း၊ အဝတ်အချည်းစည်းရှိခြင်း၊ ဘေးနှင့်တွေ့ကြုံခြင်း၊ ကွပ်မျက်ခြင်းကို ခံရသော်လည်း၊ ထိုအမှုတို့တွင် အဘယ်အမှုသည်၊ ခရစ်တော်၏ ချစ်ခြင်း မေတ္တာတော်နှင့်၊ ငါတို့ကို ကွာစေမည်နည်း။

ဗျာ ၃း၁ရ-၁၈
၁၇ သင်ကလည်း၊ ငါသည် ဥစ္စာရတတ်၏။ ဘဏ္ဍာများကိုဆည်းဖူးပြီ။ တစုံတခုကိုမျှ မလိုဟုပြောဆို၍၊ ကိုယ်တိုင်ပင်ပန်းခြင်း၊ သနားဘွယ်ဖြစ်ခြင်း၊ ဆင်းရဲခြင်း၊ မျက်စိကန်းခြင်း၊ အဝတ်အချည်းစည်း ရှိခြင်းဖြစ်သည်ကို၊ မသိပါတကား။

ဗျာ ၁၆း၁၆
၁၆ အသံတော်ကား သူခိုးကဲ့သို့ ငါလာ၏။ အဝတ် အချည်းစည်းနှင့် သွားလာ၍၊ သူတပါးရှေ့၌ ရှက်စရာအကြောင်းမရှိ စေခြင်းငှာ နိုးလျက်နေ၍၊ ကိုယ်အဝတ်ကို စောင့်သောသူသည် မင်္ဂလာရှိ၏။ s သတ္တမဖလား အလွန်ပြင်းထန်သောမြေလှုပ်

၁၈ သင်္ဘောထဲက ထွက်ဆင်းသော နောဧသားတို့၏ အမည်ကား ရှေမ၊ ဟာမ၊ ယာဖက်တည်း။ ဟာမသည် ခါနာန်၏ အဘဖြစ်၏။ ၁၉ ဤသူတို့သည် နောဧ၏သား သုံးယောက်ဖြစ်၍၊ မြေကြီးတပြင်လုံး၌ နှံ့ပြားကြ၏။ ၂၀ နောဧသည် လယ်လုပ်သော အတတ်ကိုပြုစု၍၊ စပျစ်ဥယျာဉ်ကို စိုက်လေ၏။ ၂၁ စပျစ်ရည်ကိုလည်း သောက်၍ ယစ်မူးသဖြင့်၊ မိမိတဲ၌ အဝတ်မခြုံဘဲနေလေ၏။ [B] ၂၂ ခါနာန်၏အဘ ဟာမသည်၊ မိမိအဘ၌ အဝတ်အချည်းစည်း ရှိသည်ကိုမြင်လျှင်၊ ပြင်မှာရှိသော အစ်ကိုနှစ်ယောက်ကို ပြောလေ၏။ ၂၃ ရှေမနှင့် ယာဖက်တို့သည် အဝတ်ကိုယူ၍ ပခုံးပေါ်မှာတင်ပြီးလျှင်၊ နောက်သို့ဆုတ်သွား၍ မိမိအဘ၌ ၊ အဝတ်အချည်းစည်း ရှိသည်ကို ဖုံးကြ၏။ သူတို့သည် အပြင်သို့ မျက်နှာပြုသောကြောင့်၊ မိမိအဘ၌ အဝတ်အချည်းစည်း ရှိသည်ကို မမြင်ရ။ ၂၄ နောဧသည် ယစ်မူးခြင်းပျောက်၍ နိုးသောအခါ၊ မိမိ၌ သားငယ်ပြုသည်ကိုသိလျှင်၊ ၂၅ ခါနာန်သည် ကျိန်ခြင်းကိုခံပါစေ။ အစ်ကိုတို့၏ ကျွန်တို့၌ ကျွန်ဖြစ်ပါစေ၊ ဟုဆို၏။ ၂၆ တဖန် ရှေမ၏ဘုရားသခင် ထာဝရဘုရားသည် မင်္ဂလာရှိတော်မူစေသတည်း။ ခါနာန်သည် ရှေမ၏ ကျွန်ဖြစ်ပါစေ။ ၂၇ ဘုရားသခင်သည် ယာဖက်ကို ကျယ်စေတော်မူသဖြင့်၊ ရှေမ၏တဲတို့တွင်နေပါစေ။ ခါနာန်မူကား၊ သူ၏ကျွန်ဖြစ်ပါစေ၊ ဟုဆိုလေ၏။ ၂၈ နောဧသည် ရေလွှမ်းမိုးသောနောက်၊ အနှစ်သုံးရာ ငါးဆယ်အသက်ရှင်၍၊ ၂၉ အသက်ပေါင်း ကိုးရာငါးဆယ် စေ့သော် အနိစ္စရောက်လေ၏။