၁ ယေရှုခရစ်၏ကျွန် [A] ဖြစ်သော ပေါလုနှင့် တိမောသေသည်၊ ဖိလိပ္ပိမြို့၌ ရှိသောသင်းအုပ်တို့နှင့် သင်းထောက်တို့မှစ၍၊ ယေရှုခရစ်၏ သန့်ရှင်းသူအပေါင်းတို့ကို ကြားလိုက်ပါ၏။ ၂ သခင်ယေရှုခရစ်နှင့် ငါတို့အဘတည်းဟူသော ဘုရားသခင့် အထံတော်က၊ ကျေးဇူးတော်နှင့် ငြိမ်သက်ခြင်းသည် သင်တို့၌ ရှိပါစေသော်။

ပေါလုဖိလိပ္ပိအသင်းသားများအတွက် ဆုတောင်း

CROSS REFERENCES

ရော ၁း၈

၁ ကော ၁း၄-၆

ရော ၁း၈
၈ သင်တို့၏ ယုံကြည်ခြင်းအရာသည်၊ မြေတပြင်လုံး၌ အနှံ့အပြားကျော်စောသည်ဖြစ်၍၊ သင်တို့အကြောင်းကြောင့် ယေရှုခရစ်တော်အားဖြင့်၊ ငါ၏ဘုရားသခင် ကျေးဇူးတော်ကို ရှေ့ဦးစွာငါချီးမွမ်း၏။

၁ ကော ၁း၄-၆
၄ အထက်က ခရစ်တော်၏ သက်သေကို၊ သင်တို့တွင် တည်စေသည်ရှိသော်၊

ဧဖက် ၁း၁၅-၁၆
၁၅ ထိုကြောင့် သင်တို့သည် သခင်ယေရှုကို ယုံကြည်ခြင်းနှင့်၊ သန့်ရှင်းသူ အပေါင်းတို့ကို ချစ်ခြင်း အကြောင်းကို၊ ငါသည် ကြားပြီးလျှင်၊

ဖိလိ ၁း၃-၅
၃ ငါသည် ဆုတောင်းပဌနာ ပြုသောအခါခါ၊

ကောလော ၁း၃-၅
၃ သင်တို့သည် ယေရှုခရစ်ကို ယုံကြည်၍၊ သန့်ရှင်းသူအပေါင်းတို့ကို ချစ်ကြသည်၊၊ ဟုငါတို့သည်ကြားသဖြင့်၎င်း၊

၁ သက် ၁း၂-၄
၂ ငါတို့အဘတည်းဟူသော ဘုရားသခင့်ရှေ့တော်၌၊ သင်တို့သည် ယုံကြည်သောစိတ်နှင့် အကျင့်ကိုကျင့်ခြင်း၊ ချစ်သောစိတ်နှင့် ကြိုးစားအားထုတ်ခြင်း၊

၁ သက် ၂း၁၃
၁၃ ငါတို့ဟောပြောသော ဘုရားသခင်၏ နှုတ်ကပတ်တရားကို၊ သင်တို့သည် ခံယူကြသောအခါ၊ လူ၏ နှုတ်ထွက်စကားကို မခံမယူဘဲ၊ ဘုရားသခင်၏ နှုတ်ကပတ်တော် အမှန်ဖြစ်သည်နှင့်အညီ၊ ယုံကြည်ခြင်းသို့ ရောက်သော သင်တို့အထဲ၌၊ ပြုပြင်သော ဘုရားသခင်၏ နှုတ်ကပတ်တရားကို၊ ခံယူကြသည် အကြောင်းအရာကို ငါတို့သည်ထောက်၍၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏။ sသက်သာလောနိတ် အသင်းသားများ ယုဒယုံကြည်သူများကဲ့သို့ဖြစ်

၃ ငါသည် ဆုတောင်းပဌနာ ပြုသောအခါခါ၊ ၄ ဝမ်းမြောက်သောစိတ်နှင့် သင်တို့ရှိသမျှအဘို့ကို၊ အစဉ်ဆုတောင်း ပဌနာပြုလျက်၊ သင်တို့ကို အောက်မေ့သောအခါခါ၊ ၅ သင်တို့သည် ရှေ့ဦးစွာသော နေ့ရက်မှစ၍၊ ယခုတိုင်အောင် ဧဝံဂေလိတရားကို ဆက်ဆံ၍၊ ခံစားကြောင်းကို ငါထောက်သဖြင့်၊ ဘုရားသခင်၏ ကျေးဇူးတော်ကို ချီးမွမ်းပါ၏။ [B] ၆ သင်တို့တွင် ကောင်းသောအမှုကို ပြုစပြုတော်မှုသောသူသည်၊ ယေရှုခရစ်၏ နေ့ရက်တိုင်အောင် ပြီးစီးလျက်၊ ပြုတော်မူမည်၊ ဟုငါသဘောကျ၏။ ၇ ရှိသမျှသောသင်တို့၏ အမှုအရာ၌၊ ဤသို့ငါယူအပ်၏။ အကြောင်းမူကား၊ ငါခံရသော ကျေးဇူးတော်ကို၊ သင်တို့အပေါင်းသည် ဆက်ဆံကြသည်ဖြစ်၍၊ ငါသည် အကျဉ်းခံရသော်၎င်း၊ ဧဝံဂေလိတရားဘက်၌ သက်သေခံ၍၊ ထိုတရားကို တည်စေသော်၎င်း၊ သင်တို့ကို အောက်မေ့၏။ ၈ ငါသည် သင်တို့အပေါင်းကို၊ ယေရှုခရစ်၏ မေတ္တာကရုဏာနှင့် အဘယ်မျှလောက် လွမ်းသည်၊၊ ဟုဘုရားသခင်သည် ငါ့သက်သေဖြစ်တော်မူ၏။

ပေါလုဆုတောင်းပေးသော အချက်များ

၉ ငါသည် အဘယ်သို့ဆုတောင်းသနည်း ဟူမူကား၊ သင်တို့သည် ခြားနားသောအရာတို့ကို၊ ပိုင်ခြားစေခြင်းငှါ ဥာဏ်ပညာ အမျိုးမျိုးရှိလျက်၊ ၁၀ မေတ္တာပါရမီတိုးပွါး၍ ပြည့်စုံမည်အကြောင်းကို ၎င်း၊ ၁၁ ယေရှုခရစ်အားဖြင့် ဘုရားသခင် ၏ ဘုန်းအသရေတော်ကို ထင်ရှားစေတတ်သော၊ ဖြောင့်မတ်ခြင်းအကျင့်နှင့် သင်တို့သည်ပြည့်စုံ၍၊ ခရစ်တော်၏ နေ့ရက်တိုင်အောင် စိတ်ကြည်ဖြူလျက်၊ တိမ်းလဲခြင်းအမှုနှင့် ကင်းလွတ်လျက် ရှိမည်အကြောင်းကို၎င်း၊ ငါဆုတောင်းပဌနာပြု၏။

ပေါလုအကျဉ်းခံသောကြောင့် ဧဝံဂေလိမမြစ်တား

၁၂ ညီအစ်ကိုတို့၊ ငါ၌ ရောက်သောအမှုအရာတို့သည်၊ ဧဝံဂေလိတရားကို မမြစ်တားသည် သာမက၊ ပြုစုရာဖြစ်သည်၊ ဟုသင်တို့သိစေခြင်းငှါ ငါအလိုရှိ၏။ ၁၃ ထိုသို့သောအားဖြင့် ခရစ်တော်ကြောင့်၊ ငါခံရသော ချည်နှောင်ခြင်းအမှုအရာသည်၊ နန်းတော်၌ အနှံ့အပြားထင်ရှားသည်သာမက၊ ခပ်သိမ်းသောအရပ်၌ ထင်ရှား၏။ ၁၄ သခင်ဘုရား၌ ညီအစ်ကိုအများတို့သည်၊ ငါခံရသော ချည်နှောင်ခြင်းကြောင့်၊ ယုံမှားသောစိတ်နှင့် ကင်းလွတ်၍၊ ကြောက်ရွံ့ခြင်း မရှိဘဲ၊ နှုတ်ကပတ် တရားတော်ကို၊ သာ၍ ဟောပြောဝံ့ကြ၏။

ခရစ်တော်၏ တရားဟောသောကြောင့် ဝမ်းမြောက်

၁၅ လူအချို့တို့သည် ငြူစူရန်တွေ့ချင်သော သဘောနှင့်၊ ခရစ်တော်၏တရားကို ဟောပြောကြ၏။ အချို့တို့သည် စေတနာစိတ်နှင့် ဟောပြောကြ၏။ ၁၆ ငါသည် ဧဝံဂေလိတရားကို ထောက်မဘို့ရာ၊ ခန့်ထားသောသူ ဖြစ်ကြောင်းကို၊ ဤသူတို့သည်သိ၍၊ ခရစ်တော်၏တရားကို၊ မေတ္တာစိတ်နှင့် ဟောပြောကြ၏။ ၁၇ ထိုသူတို့သည် ကြည်ဖြူသော စိတ်မရှိ၊ ချည်နှောင်ခြင်းကို ငါခံရသည်တွင်၊ သာ၍ဆင်းရဲစေမည်၊ ဟုအကြံရှိ၍၊ ရန်တွေ့ချင်သောစိတ်နှင့် ဟောပြောကြ၏။ ၁၈ သို့ဖြစ်၍အဘယ်သို့နည်း။ လျှို့ဝှက်၍ ဟောပြောသည်ဖြစ်စေ၊ သစ္စာရှိ၍ ဟောပြောသည်ဖြစ်စေ၊ အဘယ်သို့သောအားဖြင့် ဟောပြောသည်ဖြစ်စေ၊ ခရစ်တော်၏တရားကို ဟောပြောခြင်းရှိ၏။ ထိုအကြောင်းကြောင့် ငါသည် ယခုဝမ်းမြောက်၏။ နောင်၌လည်း ဝမ်းမြောက်လိမ့်မည်။

ပေါလုအသက်ရှင်ဘို့နှင့် သေဘို့မရွေးတတ်

CROSS REFERENCES

ရော ၁၄း၈

၂ ကော ၅း၁၅

ဂလာ ၂း၂၀

ရော ၁၄း၈
၈ အသက်ရှင်လျှင်၊ သခင်ဘုရားအဘို့ အလိုငှါရှင်၏။ သေလျှင်လည်း သခင်ဘုရားအဘို့ အလိုငှါသေ၏။ ထိုကြောင့် အသက်ရှင်သည်ဖြစ်စေ၊ သေသည်ဖြစ်စေ၊ သခင်ဘုရားဆိုင်တော်မူ၏။

၂ ကော ၅း၁၅
၁၅ လူအပေါင်းတို့သည် သေလျက်နေကြသည်ဟူ၍၎င်း၊ အသက်ရှင်သောသူတို့သည် တဖန်ကိုယ်အလိုသို့လိုက်၍ မရှင်၊ သူတို့အတွက်ကြောင့် အသေခံပြီးမှ ထမြောက်တော်မူသောသူ၏ အလိုသို့လိုက်၍ ရှင်စေမည်အကြောင်း၊ လူအပေါင်းတို့အတွက်ကြောင့် အသေခံတော်မူသည်ဟူ၍၎င်း၊ ငါတို့သည် သဘောထားလျက်၊ ခရစ်တော်၏ ချစ်ခြင်းမေတ္တာတော်သည် ငါတို့ကို အနိုင်အထက် သွေးဆောင်၏။

ဂလာ ၂း၂၀
၂၀ ငါသည် ခရစ်တော်နှင့်အတူ လက်ဝါးကပ်တိုင်မှာ အသေခံပြီ။ သို့သော်လည်း အသက်ရှင်သေး၏။ ထိုသို့ဆိုသော် ငါသည်ကိုယ်တိုင်မရှင်၊ ခရစ်တော်သည် ငါ၌ရှင်တော်မူ၏။ ကိုယ်ခန္ဓာ၌ ယခုငါရှင်သောအသက်သည်၊ ဘုရားသခင်၏ သားတော်ကို ယုံကြည်ခြင်းအားဖြင့် တည်၏။ သားတော်သည် ငါ့ကိုချစ်၍၊ ငါ့အဘို့ ကိုယ်ကိုကိုယ် စွန့်တော်မူ၏။

၁၉ အဘယ်သို့နည်းဟူမူကား၊ ငါသည် အလျှင်းရှက်ကြောက်ခြင်း မရှိ၊ ရဲရင့်ခြင်းနှင့်ပြည့်စုံ၍ အသက်ရှင်သည်ဖြစ်စေ၊ သေသည်ဖြစ်စေ၊ ငါ့ကိုယ်ခန္ဓာ၌ ခရစ်တော်သည်၊ အစဉ်မပြတ်ဂုဏ်အသရေ ထင်ရှားတော်မူသကဲ့သို့၊ ၂၀ ယခုပင်ထင်ရှားတော်မူမည်၊၊ ဟုငါမြော်လင့်အားကြီး၍ တောင့်တသည်နှင့်အညီ၊ သင်တို့ဆုတောင်းသဖြင့်၎င်း၊ ယေရှုခရစ်၏ ဝိညာဉ်တော် မစသဖြင့်၎င်း၊ ဤအကြောင်းအရာသည်၊ ငါ့ကိုကယ်တင်သော အကြောင်းအရာဖြစ်မည်၊ ဟုငါသိ၏။ ၂၁ ငါအသက်ရှင်သည်အရာမှာ ခရစ်တော်ဖြစ်၏။ သေလျှင်မူကား၊ သာ၍အကျိုးရှိ၏။ [C] ၂၂ ဤကိုယ်ခန္ဓာ၌ ငါသည် အသက်ရှင်လျှင်၊ ငါပြုသောအမှု၏ အကျိုးကား၊ ထိုသို့သောအကျိုးဖြစ်၏။ သို့သော်လည်း အဘယ်အကျိုးကို ရွေးယူရမည်၊ ဟုငါမသိ။ ၂၃ ထိုအကျိုးနှစ်ပါး၏ အကြား၊ ငါသည်ယခုကျဉ်းမြောင်း စွာနေရ၏။ စုတေ့၍ ခရစ်တော်နှင့်အတူ နေခြင်းငှါ၊ တောင့်တလိုချင်သော စိတ်ရှိ၏။ သာ၍ အလွန်ထူးမြတ်သော အကျိုးဖြစ်၏။ ၂၄ သို့သော်လည်း ကိုယ်ခန္ဓာ၌ နေရလျှင်၊ သင်တို့၌သာ၍ အကျိုးရှိလိမ့်မည်။ ၂၅ ထိုသို့ရှိလိမ့်မည်၊ ဟုယုံမှားခြင်းနှင့် ကင်းလွတ်သည်ဖြစ်၍၊ သင်တို့ရှိရာသို့ ငါတဖန် ရောက်လာသောအားဖြင့်၊ သင်တို့သည် ယေရှုခရစ်ကိုအမှီပြု၍၊ ငါ့အတွက်ကြောင့်သာ၍ ဝါကြွားဝမ်းမြောက်ခြင်းရှိ စေခြင်းငှါ၊ ၂၆ သင်တို့သည် ယုံကြည်ခြင်း၌ တိုးပွါးဝမ်း မြောက်မည်အကြောင်း၊ ငါသည်ကိုယ်ခန္ဓာ၌နေ၍၊ သင်တို့ရှိသမျှနှင့် ပေါင်းဖေါ်ရမည်၊ ဟုငါသိ၏။

ဆင်းရဲခံခြင်းအခွင့်ကို ကျေးဇူးတော်အားဖြင့်ရကြ၏

CROSS REFERENCES

တမန် ၁၄း၂၂

တမန် ၁၄း၂၂
၂၂ ထိုသို့ပြန်ကြစဉ်၊ တပည့်တော်များ၏ စိတ်နှလုံးကို မြဲမြံခိုင်ခံ့စေသဖြင့်၊ ယုံကြည်ခြင်း၌ တည်ကြည်မည်အကြောင်း နှိုးဆော်ချီပင့်၍၊ ငါတို့သည် များပြားသော ဆင်းရဲဒုက္ခကို ခံ၍၊ ဘုရားသခင်၏ နိုင်ငံတော်သို့ ဝင်ရကြမည်၊ ဟုဟောပြောပြညွှန်ကြ၏။

၂၇ သင်တို့သည် ရန်သူများကြောင့် အလျှင်းမကြောက်ရွံ့မတုန်လှုပ်ဘဲ၊ တပါးတည်းသော စိတ်ဝိညာဉ်၌ တည်၍၊ ဧဝံဂေလိတရားနှင့် ဆိုင်သော ယုံကြည်ခြင်းအဘို့ အလိုငှါ၊ တညီတညွတ်တည်း ကြိုးစားအားထုတ်ကြသည် အကြောင်းအရာကို၊ ငါရောက်လျှင် သင်တို့နှင့် မျက်မှောက်တွေ့သည်ဖြစ်စေ၊ ကွာလျက်နေသည်ဖြစ်စေ၊ ငါကြားသိရပါမည်အကြောင်း၊ ခရစ်တော်၏ ဧဝံဂေလိတရားနှင့် အထိုက်အလျောက်၊ ဝတ်ကြီးဝတ်ငယ်များကိုပြု၍ သာနေကြလော့။ ၂၈ ထိုသို့ရန်သူများကြောင့် အလျှင်းမကြောက်ရွံ့ မတုန်လှုပ်သော အကြောင်းအရာသည်၊ သူတို့၌ ပျက်စီးခြင်း၏ နိမိတ်လက္ခဏာဖြစ်၏။ ဘုရားသခင် စီရင်တော်မူသောအားဖြင့် သင်တို့၌ကား၊ ကယ်တင်ခြင်း၏ နိမိတ်လက္ခဏာဖြစ်၏။ ၂၉ အကြောင်းမူကား၊ သင်တို့သည် အထက်ကမြင်သည်အတိုင်း၊ ယခုလည်း ကြားသည်အတိုင်း၊ ငါခံရသော တိုက်လှန်ခြင်းကို ခံရသည်နည်းတူ၊ သင်တို့သည် ခံရကြသည်ဖြစ်၍၊ ခရစ်တော်ကို ယုံကြည်ခြင်းအခွင့်မှတပါး၊ ခရစ်တော်အတွက်ကြောင့် ဆင်းရဲခံခြင်းအခွင့်ကို၊ ကျေးဇူးတော်အားဖြင့် ရကြ၏။ [‌D]