ကမ္ဘာဦးကျမ်း

အခန်းကြီး ၄၉

ယာကုပ်သားများ၏ အနာဂတ်အကြောင်းပြော

၁ ထိုရောအခါ၊ ယာကုပ်သည် မိမိသားတို့ကိုခေါ်၍၊ သင်တို့သည် စည်းဝေးကြလော့။ နောင်ကာလအခါ၊ သင်တို့၌ ဖြစ်လတံ့သော အမှုအရာများကို ငါဟောပြောမည်။ ၂ ယာကုပ်၏သားတို့၊ စည်းဝေး၍ကြားကြလော့။ အဘ ဣသရေလ၏စကားကို နားထောင်ကြလော့။

သားဦးရုဗင်နှင့် ပတ်သက်၍

၃ အိုရုဗင်၊ သင်သည်ငါ့သားဦး၊ ငါ့အစွမ်းသတ္တိ၊ ငါ့ခွန်အားအစအဦး၊ ဘုန်းအထွဋ်၊ တန်ခိုးအထွဋ်ဖြစ်၏။ ၄ သို့သော်လည်း ရေကဲ့သို့ပွက်ထသော သဘောရှိသည်ဖြစ်၍၊ ထူးမြတ်ခြင်းသို့ မရောက်ရ။ အကြောင်းမူကား၊ သင်သည် အဘ၏အိပ်ယာကို တက်၍ ညစ်ညူးစေ၏။ ငါ့ခုတင်ထက်သို့ တက်လေပြီတကား။

ရှိမောင်နှင့်လေဝိနှင့် ပတ်သက်၍

၅ ရှိမောင်နှင့်လေဝိသည် ညီအစ်ကိုဖြစ်၏။ အဓမ္မအမှုကို ကြံသည်အတိုင်း ပြီးစီးကြပြီ။ ၆ ငါ့ဝိညာဉ်သည် သူတို့လျှို့ဝှက်ခြင်းအမှုထဲသို့ မဝင်ရ။ ငါ့ဘုန်းသည် သူတို့စည်းဝေးရာနှင့် အသင်းမဖွဲ့ရ။ သူတို့သည် အမျက်ထွက်၍ လူအသက်ကို သတ်ကြပြီ။ ကိုယ်အလိုသို့လိုက်၍ မြို့ကိုဖြိုဖျက်ကြပြီ။ ၇ သူတို့ ပြင်းစွာထွက်သောအမျက်၊ ကြမ်းတမ်းစွာသော ဒေါသသည် ကျိန်ခြင်းကိုခံပါစေသော်။ ယာကုပ်အမျိုး၊ ဣသရေလအနွယ်သားတို့တွင် သူတို့ကို ငါကွဲပြားပျံ့လွင့်စေမည်။

ယုဒနှင့်ပတ်သက်၍

၈ အိုယုဒ၊ သင်သည် ညီအစ်ကိုတို့ ချီးမွမ်းရသောသူဖြစ်၏။ သင်၏လက်သည် သင်၏ရန်သူ လည်ပင်းပေါ်မှာ ရှိလိမ့်မည်။ အဘ၏သားတို့သည် သင့်ရှေ့မှာဦးညွတ်ချကြလိမ့်မည်။ ၉ ယုဒသည် ခြင်္သေ့ဖြစ်၏။ ငါ့သား၊ သင်သည် ဖမ်းယူကိုက်စားရာမှ တက်လာခဲ့၏။ ဝပ်လျက်နေ၏။ ခြင်္သေ့ကဲ့သို့၎င်း၊ ခြင်္သေ့မ ကဲ့သို့၎င်း၊ ဝပ်တွားတတ်၏။ အဘယ်သူ နှိုးဆော်ဝံ့မည်နည်း။၁၀ ရှိလောမရောက်မှီတိုင်အောင်၊ ရာဇလှံတံသည် ယုဒထံမှ၎င်း၊ မင်းအာဏာသည် သူ၏အမျိုးအနွယ်ထံမှ၎င်း၊ မရွေ့ရ။ ရှိလော၌ လူမျိုးတို့သည် ဆည်းကပ်ကြလိမ့်မည်။ ၁၁ မိမိမြည်းကို စပျစ်နွယ်ပင်၌၎င်း၊ မြည်းကလေးကို အမြတ်ဆုံးသော စပျစ်နွယ်ပင်၌၎င်း၊ ချည်နှောင်၍၊ မိမိအဝတ်ပုဆိုးများကို စပျစ်သီးအသွေးတည်းဟူသော စပျစ်ရည်ဖြင့်လျှော်လိမ့်မည်။ ၁၂ သူ၏မျက်စိသည် စပျစ်ရည်နှင့်နီလိမ့်မည်။ သွားသည်လည်း နို့နှင့်ဖြူလိမ့်မည်။

ဇာဗုလုန်နှင့်ပတ်သက်၍

၁၃ ဇာဗုလုန်သည် ပင်လယ်ကမ်းနားမှာနေ၍၊ သင်္ဘောဆိပ်ဖြစ်လိမ့်မည်။ သူ၏လယ်သည် ဇိဒုန်မြို့တိုင်အောင် ကျယ်ဝန်းလိမ့်မည်။

ဣသခါနှင့်ပတ်သက်၍

၁၄ ဣသခါသည် တောင်ကြားမှာဝပ်လျက် အားကြီးသောမြည်းဖြစ်၏။ ၁၅ ငြိမ်ဝပ်ရာ အရပ်ကောင်း၍၊ မြေသာယာသည်ကို မြင်သဖြင့်၊ မိမိပခုံးပေါ်မှာ ထမ်းပိုးကိုတင်ထမ်း၍ အခွန်ပေးသောကျွန်ဖြစ်လေ၏။

ဒန်နှင့်ပတ်သက်၍

၁၆ ဒန်သည် ဣသရေလအနွယ် တစ်စုံတစ်ပါးကဲ့သို့၊ မိမိလူတို့ကို စီရင်လိမ့်မည်။ ၁၇ ဒန်သည် လမ်း၌နေသောမြွေ ဖြစ်လိမ့်မည်။ မြင်းစီးသောသူကို နောက်သို့လဲစေခြင်းငှာ လမ်းကြားမှာနေ၍၊ မြင်းခြေကို ကိုက်တတ်သောမြွေဆိုး ဖြစ်လိမ့်မည်။ ၁၈ အိုထာဝရဘုရား၊ ကယ်တင်တော်မူခြင်း ကျေးဇူးကို အကျွန်ုပ် မျှော်လင့်လျက်နေပါပြီ။

ဂဒ်နှင့်ပတ်သက်၍

၁၉ ဂဒ်မူကား၊ စစ်သူရဲတို့သည် သူ့ကိုတိုက်ကြ၍၊ သူသည်ပြန်တိုက်လိမ့်မည်။

အာရှာနှင့်ပတ်သက်၍

၂၀ အာရှာ၌ ဖြစ်သောအစာသည် အရသာနှင့်ပြည့်စုံ၍၊ မင်း၏ခဲဘွယ်စားဘွယ်တို့ကို ထုတ်ပေးလိမ့်မည်။

နဿလိနှင့်ပတ်သက်၍

၂၁ နဿလိသည် လှသောအခက်အလက်နှင့် ပြည့်စုံ၍၊ ကျယ်ဝန်းသော သပိတ်ပင် ဖြစ်၏။

ယောသပ်နှင့်ပတ်သက်၍

CROSS REFERENCES

ကမ္ဘာ ၁ရး၁
၁ ထို့နောက်၊ အာဗြံသည် အသက်ကိုးဆယ့်ကိုးနှစ် ရှိသောအခါ၊ ထာဝရဘုရားသည် အာဗြံအား ထင်ရှားတော်မူ၍၊ ငါသည် အနန္တတန်ခိုးရှင် ဘုရားသခင်ဖြစ်၏။ ငါ့ရှေ့မှာ သွားလာ၍ စုံလင်ခြင်းရှိလော့။

ကမ္ဘာ ၂၈း၃
၃ အနန္တတန်ခိုးရှင်ဘုရားသခင်သည် ကောင်းကြီးပေး၍ တိုးပွားစေသဖြင့်၊ သင်သည် အမျိုးကြီးဖြစ်မည်အကြောင်းနှင့် များပြားစေတော်မူစေသတည်း။

ကမ္ဘာ ၃၅း၁၁
၁၁ တဖန် ဘုရားသခင်က၊ ငါသည် အနန္တတန်ခိုးရှင် ဘုရားသခင် ဖြစ်၏။ တိုးပွားများပြားလော့။ လူတမျိုးမက၊ အမျိုးမျိုးတို့သည် သင်၌ ဖြစ်ကြလိမ့်မည်။ ရှင်ဘုရင်တို့သည် သင်၏အမျိုးအနွယ်၌ ဖြစ်ကြလိမ့်မည်။

ကမ္ဘာ ၄၃း၁၄
၁၄ ထိုသူသည် သင်တို့အစ်ကိုတစ်ယောက်နှင့် ဗင်္ယာမိန်ကို လွှတ်လိုက်မည်အကြောင်း၊ သင်တို့သည် သူ့စိတ်နှင့်တွေ့ရသောအခွင့်ကို အနန္တတန်ခိုးရှင် ဘုရားသခင် ပေးတော်မူပါစေသော်။ သို့ရာတွင် ငါသည် သားဆုံးခြင်းကိုခံရလျှင် ခံရတော့မည်၊ ဟုသားတို့အား ဆိုသည်အတိုင်း၊

ကမ္ဘာ ၄၈း၃
၃ ထိုအခါ ယာကုပ်က အနန္တတန်ခိုးရှင် ဘုရားသခင် (God Almighty, El Shaddai) သည်၊ ခါနာန်ပြည် လုဇမြို့၌ ငါ့အားထင်ရှား၍ ကောင်းကြီးပေးတော်မူလျက်၊

ကမ္ဘာ ၄၉း၂၅
၂၅ သင့်ကို မစတော်မူသော သင့်အဘ၏ ဘုရားသခင်အားဖြင့်၎င်း၊ သင့်ကို ကောင်းကြီးပေးတော်မူသော အနန္တတန်ခိုးရှင်အားဖြင့်၎င်း၊ ခိုင်မာလျက်ရှိ၏။ ထိုဘုရားသည် အထက်မိုးကောင်းကင်၏မင်္ဂလာ၊ အောက်နက်နဲသော အရပ်၏မင်္ဂလာ၊ သားမြတ်နှင့်ဆိုင်သောမင်္ဂလာ၊ ဝမ်းနှင့်ဆိုင်သောမင်္ဂလာတို့ဖြင့် သင့်ကို ကောင်းကြီးပေးတော်မူပါစေသော်။

ထွက် ၆း၃
၃ ငါသည် အာဗြဟံ၊ ဣဇာက်၊ ယာကုပ်တို့အား၊ အနန္တတန်ခိုးရှင်ဘုရားသခင်နာမ (El Shaddai, God Almighty) နှင့် ထင်ရှားသော်လည်း၊ ထာဝရဘုရားနာမ (YHWH, LORD) အားဖြင့် သူတို့သည် ငါ့ကိုမသိကြ။

တောလည် ၂၄း၄
၄ ဘဝင်ဖြစ်၍ မျက်စိပွင့်လျက် အနန္တတန်ခိုးရှင်၏ ရူပါရုံကို မြင်၍၊ ဘုရားသခင်၏ အမိန့်တော်ကို ကြားသောသူ၏ စကားဟူမူကား၊

တောလည် ၂၄း၆
၆ ကျယ်ဝန်းသောချိုင့်များ၊ မြစ်နားမှာရှိသော ဥယျာဉ်များ၊ ထာဝရဘုရား စိုက်တော်မူသော အကျော်ပင်များ၊ ရေနားမှာ ပေါက်သော အာရဇ်ပင်များကဲ့သို့ ဖြစ်ကြသည်တကား၊

ရုသ ၁း၂၁
၂၁ ငါသည် ကြွယ်ဝ ပြည့်စုံလျက် ထွက်သွား၏။ ယခုမူကား ဆင်းရဲလျက် တစ်ကိုယ်တည်းရှိမှ၊ ထာဝရဘုရားသည် ငါ့ကို ပို့ပြန်တော်မူပြီ။ ထာဝရဘုရားလည်း ငါ့ကိုနှိမ့်ချ၍ အနန္တတန်ခိုးရှင်သည် ငါ့ကို ဆင်းရဲ စေတော်မူသည်ဖြစ်၍၊ နောမိအမည်ဖြင့် အဘယ်ကြောင့် ငါကိုခေါ်ကြသနည်း၊ ဟုပြန်ပြော၏၊

ယောဘ ၅း၁ရ
၁၇ အပြစ်နှင့်အလျောက် ဘုရားသခင် စစ်ဆေးတော်မူခြင်းကို ခံရသောသူသည် မင်္ဂလာရှိ၏၊၊ ထိုကြောင့် အနန္တတန်ခိုးရှင် ဆုံးမတော်မူခြင်းကို မထီမဲ့မြင် မပြုပါနှင့်။

ယောဘ ၁၁းရ
၇ သင်သည် ဘုရားသခင်၏ ဇာတိတော်ကိုစစ်၍ တွေ့နိုင်သလော။ အနန္တတန်ခိုးရှင်၏ ဇာတိကိုစစ်၍ အကုန်အစင် နားလည်နိုင်သလော၊၊

ယောဘ ၁၅း၂၅
၂၅ အကြောင်းမူကား ထိုသူသည်ဘုရားသခင်၏ အာဏာတော်ကို ဆန်လျက်၊ အနန္တတန်ခိုးရှင် တဘက်က နေ၍ ကိုယ်ကို ခိုင်ခံ့စေ၏။

ယောဘ ၂၁း၁၅
၁၅ အနန္တတန်ခိုးရှင်သည် အဘယ်သို့သောသူ ဖြစ်၍ငါတို့သည် ဝတ်ပြုရမည်နည်း၊၊ သူ့ကို ဆုတောင်းလျှင် အဘယ်ကျေးဇူး ရှိလိမ့်မည်နည်းဟူ၍၎င်း ဆိုတတ်ကြ၏၊၊ sမတရားသောသူတို့၌ ဖြစ်သောအရာ

ယောဘ ၂၂း၃
၃ သင်၏ ဖြောင့်မတ်ခြင်းအားဖြင့်၊ အနန္တတန်ခိုးရှင်သည်ကျေးဇူး ရှိတော်မူသလော။ သင်၏ အကျင့်၌ အပြစ်မပါကြောင်းကို ထင်ရှားစေသောအားဖြင့် အကျိုးစီးပွား ရှိတော်မူသလော၊၊

ယောဘ ၂၂း၁ရ
၁၇ အနန္တတန်ခိုးရှင်သည်ငါတို့အဘို့ အဘယ်သို့ ပြုနိုင်သနည်းဟူ၍၎င်း၊ ဆိုတတ်သော အဓမ္မလူတို့ လိုက်ဘူးသော လမ်းဟောင်းကို သင်သည် လိုက်ဦးမည်လော၊၊

ယောဘ ၂၂း၂၃-၂၆
၂၃ အနန္တတန်ခိုးရှင်ထံတော်သို့ ပြန်လာလျှင် တည်ဆောက်ခြင်း ရှိလိမ့်မည်။ သင့်အိမ်မှ ဒုစရိုက်ကို ပယ်ရှားလျှင်၊

ယောဘ ၂၃း၁၆
၁၆ ဘုရားသခင်သည် ငါ့စိတ်ပျက်စေခြင်းငှါ၎င်း၊ အနန္တတန်ခိုးရှင်သည် ငါကြောက်ရွှံ့စေခြင်း ငှါ၎င်း ပြုတော်မူ၏၊၊

ယောဘ ၂၄း၁
၁ အနန္တတန်ခိုးရှင်သည် အဘယ်ကြောင့် ကာလအချိန်တို့ကို သိုထားတော်မမူသနည်း၊၊ နားလည်သောသူတို့သည် တရားစီရင် တော်မူရာနေ့ရက်ကို အဘယ်ကြောင့် မမြင်ရသနည်း၊၊

ယောဘ ၂ရး၂
၂ ငါ့ကို အမှုရှုံးစေတော်မူသော ဘုရားသခင်၊ ငါ့ဝိညာဉ်ကို ညှဉ်းဆဲတော်မူသော အနန္တတန်ခိုးရှင်သည် အသက် ရှင်တော်မူသည်မှန်လျှင်၊

ယောဘ ၂ရး၁၀-၁၃
၁၀ ထိုသူသည် အနန္တတန်ခိုးရှင်၌ မွေ့လျော်လိမ့်မည်လော၊၊ ဘုရားသခင်ကို အစဉ်ပဌနာ ပြုလိမ့်မည်လော။

ယောဘ ၂၉း၅
၅ ထိုအခါ အနန္တတန်ခိုးရှင်သည် ငါ့ဘက်၌ ရှိတော်မူ၏၊၊ ငါ့သားသမီးတို့သည်လည်း ငါ့ကိုဝိုင်းလျက် နေကြ၏၊၊

ယောဘ ၃၁း၂
၂ သို့မဟုတ် အထက်အရပ်က ဘုရားသခင်သည် အဘယ်ကျေးဇူးကို၎င်း၊ မြင့်ရာအရပ်က အနန္တတန်ခိုးရှင်သည် အဘယ်သို့သော အမွေဥစ္စာကို၎င်း၊ ပေးတော်မူမည်နည်း၊၊

ယောဘ ၃၃း၄
၄ ဘုရားသခင်၏ ဝိညာဉ်တော်သည် ငါ့ကို ဖန်ဆင်းတော်မူပြီ၊၊ အနန္တတန်ခိုးရှင်၏ အသက်တော်သည် ငါ့ကို ဖန်ဆင်းတော်မူပြီ၊၊ အနန္တတန်ခိုးရှင်၏အသက်တော်သည် ငါ့ကို အသက်ရှည်တော်မူပြီ၊၊

ယောဘ ၃၄း၁၀-၁၂
၁၀ သို့ဖြစ်၍ဥာဏ်ကောင်းသောသူတို့၊ ငါ့စကားကိုနားထောင်ကြလော့၊၊ ဒုစရိုက်သည်ဘုရားသခင်နှင့်၎င်း၊ အပြစ်သည်အနန္တတန်ခိုးရှင်နှင့်၎င်း ဝေးပါစေ၊၊

ယောဘ ၃၅း၁၃
၁၃ အကယ်စင်စစ် ဘုရားသခင်သည် အချဉ်းနှီးသော စကားကို နားထောင်တော်မမူ၊၊ အနန္တတန်ခိုးရှင်သည် ထိုသို့သောစကားကို မမှတ်ဘဲ နေတော်မူ၏၊၊

ယောဘ ၃ရး၂၃
၂၃ အနန္တတန်ခိုးရှင်ကိုငါတို့သည် စစ်၍မကုန်နိုင်ကြ၊ အစွမ်း သတ္တိအားဖြင့်၎င်း၊ တရားစီရင်ခြင်းနှင့် ဖြောင့်မတ်ခြင်းအားဖြင့်၎င်း ထူးဆန်းတော်မူ၏၊၊ အဘယ်သူကိုမျှ ညှဉ်းဆဲတော်မမူ၊၊

ယောဘ ၄၀း၁
၁ တဖန် ထာဝရဘုရားက အနန္တတန်ခိုးရှင်ကို ဆုံးမသောသူသည် ဆန့်ကျင်ဘက် ပြုဦးမည်လော၊၊

ဆာ ၉၁း၁
၁ အမြင့်ဆုံးသော ဘုရား၏ ကွယ်ကာရာ ဌာနတော်၌ နေသောသူသည်၊ အနန္တတန်ခိုးရှင်၏ အရိပ်ကို ခိုရလိမ့်မည်။

ဟေရှာယ ၁၃း၆
၆ ထာဝရဘုရား၏ နေ့ရက်သည် နီးသောကြောင့်၊ ငိုကြွေးမြည် တမ်းကြလော့၊၊ အနန္တတန်ခိုးရှင် စီရင်တော်မူသော ဘေးအန္တရာယ်ကဲ့သို့ လာလိမ့်မည်၊၊

ယေဇ ၁း၂၄
၂၄ သူတို့သွားသောအခါ သမုဒ္ဒရာရေသံကဲ့သို့၎င်း၊ အနန္တတန်ခိုးရှင်၏အသံတော်ကဲ့သို့၎င်း၊ အတောင်တို့ မြည်သောသံကို ငါကြား၏။ စကားသံသည်လည်း လူအလုံးအရင်း၏ စကားသံကဲ့သို့ ဖြစ်၏။ ရပ်သောအခါ အတောင်တို့ကို ချလျက်နေကြ၏၊

ယေဇ ၁၀း၅
၅ အနန္တတန်ခိုးရှင်ဘုရားသခင် မိန့်မြွက်တော်မူသော အသံကဲ့သို့ ခေရုဗိမ်အတောင်တို့၏ အသံကို ကြားရ၏။

ယောလ ၁း၁၅
၁၅ ထိုနေ့ရက်ကြောင့် အမင်္ဂလာရှိ၏။ ထာဝရဘုရား၏ နေ့ရက်နီးပြီး။ အနန္တတန်ခိုးရှင် ဖျက်ဆီးခြင်းဘေးကဲ့သို့ ရောက်လာလိမ့်မည်။

၂၂ ယောသပ်သည် သန်သောပျိုးပင်၊ ရေတွင်းနားမှာ သန်သောပျိုးပင်ဖြစ်၏။ အခက်အလက်တို့သည် အုတ်ရိုးပေါ်မှာ ကျော်သွားကြ၏။ ၂၃ လေးသမားတို့သည် သူ့ကိုအငြိုးထား၏။ အလွန်ညှဉ်းဆဲပစ်ခတ်ကြ၏။ ၂၄ သို့သော်လည်း သူ၏လေးသည် အားမလျော့။ သူကိုင်သော လက်နက်တို့သည်၊ ယာကုပ်အမျိုး၌ တန်ခိုးကြီးသော ဘုရား၏လက်ဖြင့်၎င်း၊ သိုးထိန်းတည်းဟူသော ဣသရေလအမျိုး၏ ကျောက်ဖြင့်၎င်း၊ ၂၅ သင့်ကို မစတော်မူသော သင့်အဘ၏ ဘုရားသခင်အားဖြင့်၎င်း၊ သင့်ကို ကောင်းကြီးပေးတော်မူသော အနန္တတန်ခိုးရှင် [A]အားဖြင့်၎င်း၊ ခိုင်မာလျက်ရှိ၏။ ထိုဘုရားသည် အထက်မိုးကောင်းကင်၏မင်္ဂလာ၊ အောက်နက်နဲသော အရပ်၏မင်္ဂလာ၊ သားမြတ်နှင့်ဆိုင်သောမင်္ဂလာ၊ ဝမ်းနှင့်ဆိုင်သောမင်္ဂလာတို့ဖြင့် သင့်ကို ကောင်းကြီးပေးတော်မူပါစေသော်။ ၂၆ သင်၏အဘပေးသော ကောင်းကြီးမင်္ဂလာသည်၊ ထာဝရတောင်တို့၌ ဖြစ်သောကောင်းကြီးမင်္ဂလာ၊ ထာဝရကုန်းတို့၌ နှစ်သက်ဘွယ်သော အရာတို့ထက် သာ၍မြတ်၏။ ထိုမင်္ဂလာသည် ယောသပ်ခေါင်းပေါ်၊ မိမိအစ်ကိုတို့တွင်အကြီးအကဲဖြစ်သောသူ၏ ခေါင်းထိပ်ပေါ်မှာ သက်ရောက်ပါစေသော်။

ဗင်္ယာမိန်နှင့်ပတ်သက်၍

၂၇ ဗင်္ယာမိန်သည် လုယူကိုက်စားတတ်သော တောခွေးဖြစ်လိမ့်မည်။ ဖမ်းရသောအရာကို နံနက်အချိန်၌ ကိုက်စား၍၊ လုယူသောအရာကိုလည်း ညအချိန်၌ ဝေဖန်လိမ့်မည်၊ ဟုမြွက်ဆို၏။

၂၈ ဤသူတို့ကား၊ ဣသရေလအမျိုး ဆယ့်နှစ်မျိုးဖြစ်၏။ ဤစကားသည်လည်း သူတို့အဘ မြွက်ဆို၍၊ သူတို့အသီးအသီး ခံရသော မင်္ဂလာရှိသည်အတိုင်း၊ ကောင်းကြီးပေးသော စကားပေတည်း။

ယာကုပ်သေသောအခါ ခါနာန်ပြည်၌ မြှုပ်ဖို့မှာထား

CROSS REFERENCES

ကမ္ဘာ ၂၃း၉
၉ သင်တို့တွင် ငါပိုင်ထိုက်သောသင်္ချိုင်း ရှိစေခြင်းငှာ၊ ဇောဟာသားဧဖရုန်သည်၊ မိမိလယ်ပြင်အစွန်း၌ ရှိသော မပ္ပေလာမြေတွင်းကို၊အဘိုးထိုက်သမျှငွေနှင့် ငါ့အားရောင်းစေခြင်းငှာ၊ ငါ့အတွက်သူ့ကို တောင်းပန်ကြပါလော့၊ ဟုနှုတ်ဆက်၍ပြောဆို၏။

ကမ္ဘာ ၂၃း၁ရ-၁၉
၁၇ ထိုသို့မံရေရှေ့မှာ၊ မပ္ပေလအရပ်၌ရှိသော ဧဖရုန်၏ လယ်ပြင်ကို၎င်း၊ လယ်ပြင်၌ရှိသော မြေတွင်းနှင့်သစ်ပင်များ၊ ပတ်ဝန်းကျင်သစ်ပင်များကို၎င်း၊

ကမ္ဘာ ၂၅း၉
၉ သားဣဇာက်နှင့် ဣရှမေလတို့သည်၊ မံရေရှေ့မှာ ဟိတ္တိအမျိုးသား၊ ဇောရသားဧဖရုန်၏ လယ်ပြင်တွင်၊ မပ္ပေလမြေတွင်း၌ အဘကို သင်္ဂြိုလ်ကြ၏။

ကမ္ဘာ ၄၉း၃၀
၃၀ ခါနာန်ပြည် မံရေရှေ့မှာ မပ္ပေလလယ်ပြင်၌ရှိသော ထိုမြေတွင်းကို၊ အာဗြဟံသည် ကိုယ်ပိုင်သော သင်္ချိုင်းဖို့ လယ်ပြင်နှင့်တကွ ဟိတ္တိအမျိုးသား ဧဖရုန်၌ ဝယ်လေပြီ။

ကမ္ဘာ ၅၀း၁၃
၁၃ ခါနာန်ပြည်သို့ ဆောင်သွား၍၊ အာဗြဟံသည် ကိုယ်ပိုင်သော သင်္ချိုင်းဖို့ ဟိတ္တိအမျိုးသား ဧဖရုန်၌ ဝယ်သော မံရေရှေ့(Mamre)၊ မပ္ပေလ (Machpelah) လယ်ပြင်တွင်ရှိသော မြေတွင်း၌ သင်္ဂြိုလ်ကြ၏။

CROSS REFERENCES

က ၂၅း၉

က ၂၅း၉
၉ သားဣဇာက်နှင့် ဣရှမေလတို့သည်၊ မံရေရှေ့မှာ ဟိတ္တိအမျိုးသား၊ ဇောရသားဧဖရုန်၏ လယ်ပြင်တွင်၊ မပ္ပေလမြေတွင်း၌ အဘကို သင်္ဂြိုလ်ကြ၏။

CROSS REFERENCES

က ၂၃း၁၉

က ၂၃း၁၉
၁၉ ထိုနောက်မှ အာဗြဟံသည်၊ မံရေရှေ့မှာ၊ မပ္ပေလလယ်ပြင်မြေတွင်း၌၊ မယားစာရာကို သင်္ဂြိုလ်ရလေ၏။ ထိုအရပ်ကား၊ ခါနာန်ပြည်ဟေဗြုန်အရပ် ဖြစ်သတည်း။

CROSS REFERENCES

က ၃၅း၂၉

က ၃၅း၂၉
၂၉ အသက်ကြီးရင့်ကာ၊ ကာလပြည့်စုံရာ၌ အသက်ချုပ်၍ အနိစ္စဖြစ်သဖြင့်၊ မိမိလူမျိုးစည်းဝေးရာသို့ ရောက်လေ၏။ သားဧသောနှင့် ယာကုပ်တို့သည် သင်္ဂြိုလ်ကြ၏။

၂၉ တဖန်တုံ၊ ငါ့လူမျိုးစည်းဝေးရာသို့ ငါသွားရမည်။ ဟိတ္တိအမျိုးသား၊ ဧဖရုန်၏ လယ်ပြင်တွင်ရှိသော မြေတွင်း၌ ငါ့အဘတို့နှင့်အတူ ငါ့ကိုသင်္ဂြိုလ်ကြပါ။ ၃၀ ခါနာန်ပြည် မံရေရှေ့မှာ မပ္ပေလလယ်ပြင် [B]၌ရှိသော ထိုမြေတွင်းကို၊ အာဗြဟံသည် ကိုယ်ပိုင်သော သင်္ချိုင်းဖို့ လယ်ပြင်နှင့်တကွ ဟိတ္တိအမျိုးသား ဧဖရုန်၌ ဝယ်လေပြီ။ ၃၁ ထိုမြေတွင်း၌ အာဗြဟံ [C] နှင့်မယားစာရာကို သင်္ဂြိုလ်ကြပြီ။ [D] ဣဇာက်နှင့် [E] မယားရေဗက္ကကိုလည်း သင်္ဂြိုလ်ကြပြီ။ လေအာကိုလည်း ငါသင်္ဂြိုလ်ပြီ။(a) ၃၂ ထိုမြေတွင်းရှိသော ထိုလယ်ပြင်ကို၊ ဟေသအမျိုးသားရှေ့မှာ ဝယ်သတည်းဟုမှာထား၏။ ၃၃ ထိုသို့ယာကုပ်သည် မိမိသားတို့ကို အကုန်အစင်မှာ ထားပြီးလျှင်၊ မိမိခြေတို့ကို ခုတင်ပေါ်မှာ ရုပ်သိမ်းသဖြင့်၊ အသက်ချုပ်၍ မိမိလူမျိုးစည်းဝေးရာသို့ ရောက်လေ၏။

_________________________
Footnotes

၃၁ (a) ကျမ်းစာက ရေဘက္ကနှင့် ယာကုပ်မိန်းမလေအာ သေခြင်းအကြောင့်းကို မဖေါ်ပြပါ။