၁ ကောရိန္သု ဩဝါဒစာ

အခန်းကြီး ၁

နှုတ်ခွန်းဆက်ခြင်း

၁ ဘုရားသခင်၏ အလိုတော်အားဖြင့်၊ ယေရှုခရစ်၏ တမန်တော်အရာ၌ ခန့်ထားသော၊ ငါပေါလုနှင့် ငါ့ညီ သုဿင် (Sosthenes) သည်၊ ၂ ယေရှုခရစ်အားဖြင့် အပြစ်နှင့်ကင်းစင်၍၊ သန့်ရှင်းသူအရာ၌ ခန့်ထားသောသူ တည်းဟူသော၊ ကောရိန္သုမြို့၌ ရှိသောဘုရားသခင်၏ အသင်းတော်မှစ၍၊ ခပ်သိမ်းသောအရပ်၌ ငါတို့သခင် ယေရှုခရစ်ကို၊ ပဌနာပြုသောသူ အပေါင်းတို့ကို ကြားလိုက်ပါ၏။ ၃ ထိုသခင်သည် ငါတို့၏ သခင်သာမဟုတ်၊ သင်တို့၏သခင်လည်း ဖြစ်တော်မူ၏။ သခင်ယေရှုခရစ်နှင့် ငါတို့အဘ တည်းဟူသော၊ ဘုရားသခင့် အထံတော်က၊ ကျေးဇူးတော်နှင့် ငြိမ်သက်ခြင်းသည်၊ သင်တို့၌ ရှိပါစေသော်။

သင်တို့ကြောင့် ကျေးဇူးတော် အစဉ်ချီးမွမ်း

CROSS REFERENCES

ရော ၁း၈
၈ သင်တို့၏ ယုံကြည်ခြင်းအရာသည်၊ မြေတပြင်လုံး၌ အနှံ့အပြားကျော်စောသည်ဖြစ်၍၊ သင်တို့အကြောင်းကြောင့် ယေရှုခရစ်တော်အားဖြင့်၊ ငါ၏ဘုရားသခင် ကျေးဇူးတော်ကို ရှေ့ဦးစွာငါချီးမွမ်း၏။

၁ ကော ၁း၄-၆
၄ အထက်က ခရစ်တော်၏ သက်သေကို၊ သင်တို့တွင် တည်စေသည်ရှိသော်၊

ဧဖက် ၁း၁၅-၁၆
၁၅ ထိုကြောင့် သင်တို့သည် သခင်ယေရှုကို ယုံကြည်ခြင်းနှင့်၊ သန့်ရှင်းသူ အပေါင်းတို့ကို ချစ်ခြင်း အကြောင်းကို၊ ငါသည် ကြားပြီးလျှင်၊

ဖိလိ ၁း၃-၅
၃ ငါသည် ဆုတောင်းပဌနာ ပြုသောအခါခါ၊

ကောလော ၁း၃-၅
၃ သင်တို့သည် ယေရှုခရစ်ကို ယုံကြည်၍၊ သန့်ရှင်းသူအပေါင်းတို့ကို ချစ်ကြသည်၊၊ ဟုငါတို့သည်ကြားသဖြင့်၎င်း၊

၁ သက် ၁း၂-၄
၂ ငါတို့အဘတည်းဟူသော ဘုရားသခင့်ရှေ့တော်၌၊ သင်တို့သည် ယုံကြည်သောစိတ်နှင့် အကျင့်ကိုကျင့်ခြင်း၊ ချစ်သောစိတ်နှင့် ကြိုးစားအားထုတ်ခြင်း၊

၁ သက် ၂း၁၃
၁၃ ငါတို့ဟောပြောသော ဘုရားသခင်၏ နှုတ်ကပတ်တရားကို၊ သင်တို့သည် ခံယူကြသောအခါ၊ လူ၏ နှုတ်ထွက်စကားကို မခံမယူဘဲ၊ ဘုရားသခင်၏ နှုတ်ကပတ်တော် အမှန်ဖြစ်သည်နှင့်အညီ၊ ယုံကြည်ခြင်းသို့ ရောက်သော သင်တို့အထဲ၌၊ ပြုပြင်သော ဘုရားသခင်၏ နှုတ်ကပတ်တရားကို၊ ခံယူကြသည် အကြောင်းအရာကို ငါတို့သည်ထောက်၍၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏။ sသက်သာလောနိတ် အသင်းသားများ ယုဒယုံကြည်သူများကဲ့သို့ဖြစ်

၄ အထက်က ခရစ်တော်၏ သက်သေကို၊ သင်တို့တွင် တည်စေသည်ရှိသော်၊ ၅ သင်တို့သည် ထိုခရစ်တော်အားဖြင့်၊၆ အရာရာ၌ နှုတ်သတ္တိ၊ ဥာဏ်သတ္တိ အပေါင်းနှင့် ကြွယ်ဝပြည့်စုံ ကြသည်ဖြစ်၍၊ ယေရှုခရစ်အားဖြင့် သင်တို့အား ပေးတော်မူသော၊ ဆုကျေးဇူးတော်ကို ငါထောက်၍၊ သင်တို့အကြောင်းကြောင့်၊ ငါ့ဘုရားသခင်၏ ကျေးဇူးတော်ကို၊ အစဉ်မပြတ် ချီးမွမ်း၏။ [A] ၇ ထိုကြောင့် သင်တို့သည်၊ ငါတို့သခင် ယေရှုခရစ်၏ ပေါ်ထွန်းတော်မူခြင်းကို မျှော်လင့်၍ နေစဉ်၊ ဆုတော် တစ်စုံတခုမျှ မလျော့ဘဲ၊ စုံလင်လျက် ရှိကြ၏။ ၈ သင်တို့သည် ငါတို့သခင် ယေရှုခရစ်၏ နေ့ရက်၌၊ အပြစ်တင်စရာ အခွင့်နှင့် ကင်းလွတ်မည် အကြောင်း၊ သင်တို့ကို အဆုံးတိုင်အောင် ခိုင်ခန့်မြဲမြံ စေတော်မူလိမ့်မည်။ ၉ ငါတို့သခင် တည်းဟူသော သားတော်မြတ် သခင်ယေရှုနှင့်၊ ဆက်ဆံခြင်း ကျေးဇူးတော်ကို၊ သင်တို့အား ပေးတော်မူသော ဘုရားသခင်သည်၊ သစ္စာနှင့် ပြည့်စုံတော်မူ၏။

မညီညွတ်ကြ

၁၀ ညီအစ်ကိုတို့၊ သင်တို့ ရှိသမျှသည် စကား တညီတညွတ်တည်း ဖြစ်၍၊ အချင်းချင်းမကွဲပြားဘဲ၊ စိတ်သဘော တသံတသမတ်တည်းရှိသည်နှင့်၊ စေ့စပ်စုံလင်ကြမည်အကြောင်း၊ ငါတို့သခင် ယေရှုခရစ်၏ နာမတော်ကိုအမှီပြု၍၊ သင်တို့ကို ငါနှိုးဆော်တောင်းပန်ပါ၏။ ၁၁ အကြောင်းမူကား၊ ငါ့ညီအစ်ကိုတို့၊ သင်တို့သည် အချင်းချင်း မသင့်၊ ရန်တွေ့ခြင်း ရှိသည်ကို၊ ခလောဣအိမ်သား အချို့တို့သည်ပြောကြ၏။ ၁၂ သင်တို့က၊ ငါသည် ပေါလုတပည့်ဖြစ်၏၊ ငါသည် အာပေါလု တပည့်ဖြစ်၏၊ ငါသည် ကေဖ တပည့်ဖြစ်၏၊ ငါသည် ခရစ်တော် တပည့်ဖြစ်၏၊၊ ဟုအသီးသီး ပြောကြသောကြောင့် ငါဆိုရ၏။ ၁၃ ခရစ်တော်သည် ကွဲပြားသလော။ ပေါလုသည် သင်တို့အတွက် လက်ဝါးကပ်တိုင်မှာ အသေခံပြီလော။ သို့မဟုတ် သင်တို့သည် ပေါလု၏နာမ၌ ဗတ္တိဇံကို ခံကြပြီလော။ ၁၄ ကရိပ္ပုနှင့်ဂါယု မှတပါး၊ သင်တို့တွင် အဘယ်သူအားမျှ ဗတ္တိဇံကို ငါမပေးသည် ဖြစ်၍၊ ဘုရားသခင်၏ ကျေးဇူးတော် ရှိပါ၏။ ၁၅ သို့ဖြစ်၍ ပေါလုသည် မိမိနာမ၌ ဗတ္တိဇံကို ပေးသည်၊ ဟုအဘယ်သူမျှ ဆိုစရာ အကြောင်းမရှိ။ ၁၆ သတေဖန်၏ အိမ်သူအိမ်သား တို့အားလည်း ဗတ္တိဇံကို ပေးပြီ။ ထိုမှတပါး အခြားသောသူအား ဗတ္တိဇံပေးသည်ကို ငါမမှတ်မိ။

လက်ဝါးကပ်တိုင်တော်တရား

၁၇ ဗတ္တိဇံ ပေးစေခြင်းငှာ၊ ခရစ်တော်သည် ငါ့ကို စေလွှတ်တော်မူသည် မဟုတ်။ ဧဝံဂေလိတရားကို ဟောစေခြင်းငှာ စေလွှတ်တော်မူ၏။ သို့သော်လည်း၊ ခရစ်တော်၏ လက်ဝါးကပ်တိုင်ကို အချည်းအနှီး မဖြစ်စေခြင်းငှာ၊ နှုတ်ပညာကို အခွင့်မပေးဘဲ နေတော်မူ၏။ ၁၈ အကြောင်းမူကား၊ ဆုံးရှုံးခြင်းသို့ ရောက်သော သူတို့၌ လက်ဝါးကပ်တိုင်တော် တရားသည်၊ မိုက်သောတရား ဖြစ်၏။ ကယ်တင်ခြင်းသို့ ရောက်သော ငါတို့၌၊ ထိုတရားသည် ဘုရားသခင်၏ တန်ခိုးတော်ဖြစ်၏။

လောကီပညာကို မိုက်စေ

CROSS REFERENCES

ဟေရှာယ ၂၉း၁၄

ဟေရှာယ ၂၉း၁၄
၁၄ ထို့ကြောင့် အံဩကြောက်မက်ဘွယ်သော အမှုကို ဤလူမျိုးတို့တွင် တဖန်ငါပြုဦးမည်၊၊ သူတို့တွင် ပညာရှိတို့၏ ပညာသည် ပျက်စီးလိမ့်မည်။ ဥာဏ်ကောင်းသောသူတို့၏ ဥာဏ်သည်လည်း ကွယ်ပျောက်လိမ့်မည်၊ ဟုမိန့်တော်မူ၏။ sမှောင်မိုက်မှာ ငါတို့ကို အဘယ်သူမမြင်

၁၉ ကျမ်းစာလာသည်ကား၊ [B] ပညာရှိတို့၏ ပညာကို ငါဖျက်ဆီးမည်။ ဥာဏ်ကောင်းသော သူတို့၏ ဥာဏ်ကိုလည်း ငါပယ်မည်၊ ဟုလာသတည်း။၂၀ ပညာရှိကား အဘယ်မှာရှိသနည်း။ ကျမ်းပြုဆရာကား အဘယ်မှာ ရှိသနည်း။ ပြဿနာ၌ လေ့ကျက်သော ဆရာကား အဘယ်မှာရှိသနည်း။ လောကီပညာကို ဘုရားသခင်သည် မိုက်စေတော်မူသည် မဟုတ်လော။ ၂၁ အဘယ်သို့နည်း ဟူမူကား၊ ဘုရားသခင်၏ ပညာတော် စီရင်သည် နှင့်အညီ၊ လောကီသားတို့သည် မိမိတို့ပညာအားဖြင့်၊ ဘုရားသခင်ကို မသိဘဲ နေကြသောအခါ၊ ဘုရားသခင်သည် ယုံကြည်သော သူတို့ကို၊ ဒေသနာတော် မိုက်မဲခြင်းအားဖြင့်၊ ကယ်တင်ခြင်းငှာ စေတနာရှိတော်မူ၏။

လူသုံးမျိုး

CROSS REFERENCES

မဿဲ ၁၂း၃၈
၃၈ ထိုအခါ အချို့သော ကျမ်းပြုဆရာနှင့် ဖာရိရှဲတို့က၊ ဆရာ%fo(a) အကျွန်ုပ်တို့သည် ကိုယ်တော် ပြတော်မူသော နိမိတ်လက္ခဏာ တစ်စုံတခုကို မြင်ချင်ပါသည်၊ ဟုလျှောက်ကြလျှင်၊

မဿဲ ၁၆း၁
၁ ထိုအခါ ဖာရိရှဲနှင့် ဇဒ္ဒုကဲတို့သည် ကိုယ်တော်ကို စုံစမ်း နှောင့်ယှက်ခြင်းငှာ ချဉ်းကပ်၍၊ မိုးကောင်းကင်က ဖြစ်သော နိမိတ်လက္ခဏာကို ပြတော်မူမည်အကြောင်း တောင်းပန်ကြ၏။

မာကု ၈း၁၁-၁၂
၁၁ ထိုအခါ ဖာရိရှဲတို့သည် ထွက်လာ၍၊ ကိုယ်တော်နှင့် ဆွေးနွေးငြင်းခုံသည်တွင် စုံစမ်းနှောင့်ရှက်ခြင်းငှါ၊ မိုးကောင်းကင်က ဖြစ်သော နိမိတ်လက္ခဏာကို တောင်းကြ၏။

လု ၁၁း၁၆
၁၆ အချို့တို့သည်လည်း စုံစမ်းနှောင့်ရှက်ခြင်းငှါ မိုးကောင်းကင်က ဖြစ်သော နိမိတ်လက္ခဏာကို တောင်းကြ၏။

ယောဟန် ၂း၁၈
၁၈ ယုဒလူတို့ကလည်း၊ သင်သည် ဤသို့ပြုလျှင် အဘယ် နိမိတ်လက္ခဏာကို ငါတို့အားပြမည်နည်း၊ ဟုဆိုကြ၏။

ယောဟန် ၆း၃၀
၃၀ ထိုသူတို့ကလည်း၊ အကျွန်ုပ်တို့သည် ကိုယ်မျက်စိနှင့်မြင်၍၊ ကိုယ်တော်ကို ယုံကြည်မည်အကြောင်း အဘယ်နိမိတ် လက္ခဏာကို ပြတော်မူသနည်း။ အဘယ်အမှုကို ပြုတော်မူသနည်း။

CROSS REFERENCES

လု ၂း၃၄

၁ ပေ ၂း၈

လု ၂း၃၄
၃၄ ရှုမောင်သည်လည်း သူတို့ကို ကောင်းကြီးပေး၍ မယ်တော်မာရိအား၊ ဤသူငယ်ကား ဣသရေလလူအများ လဲမည်အကြောင်း၊ အများထမည်အကြောင်း၊ လူအများတို့၏ အကြံအစည်ကို ထင်ရှားစေခြင်းငှါ ငြင်းခုံစရာဖြစ်မည်အကြောင်း၊ ခန့်ထားသောသူဖြစ်၏။

၁ ပေ ၂း၈
၈ နားမထောင်ဘဲ နှုတ်ကပတ်တရားတော်ကို ထိမိ၍လဲသောသူ တို့သည်၊ ထိမိ၍လဲစရာကျောက်၊ မှားယွင်းစရာ ကျောက်လည်းဖြစ်၏။ ထိုအမှုနှင့် တွေ့စေခြင်းငှါ ထိုသူတို့ကို ခန့်ထားတော်မူ သတည်း။ sမင်းစည်းစိမ်ရှိသောယဇ်ပုရောဟိတ်မျိုး

၂၂ ယုဒလူတို့သည် နိမိတ်လက္ခဏာကို တောင်းတတ်ကြ၏။ [C] ဟေလသ လူတို့သည် ပညာကို ရှာတတ်ကြ၏။ ၂၃ ငါတို့မူကား၊ လက်ဝါးကပ်တိုင်မှာ အသေခံတော်မူသော၊ ခရစ်တော်၏ အကြောင်းအရာကို ဟောပြောကြ၏။ ထိုအကြောင်းအရာ သည်ကား၊ ယုဒအမျိုးသား ထိမိ၍ လဲစရာအကြောင်းဖြစ်၏။ [D] တပါးအမျိုးသား၌ကား၊ မိုက်မဲခြင်းဖြစ်၏။ ၂၄ သို့သော်လည်း၊ ယုဒလူဖြစ်စေ၊ ဟေလသလူဖြစ်စေ၊ ခေါ်တော်မူသော သူတို့၌ ဘုရားသခင်၏ တန်ခိုးတော်နှင့်၊ ဘုရားသခင်၏ ပညာတော် တည်းဟူသော၊ ခရစ်တော်၏ တရားဖြစ်၏။

ဘုရား၏ ပညာတော်နှင့် ခေါ်တော်မူခြင်း

CROSS REFERENCES

ရော ၃း၂၄
၂၄ ယေရှုခရစ် ရွေးနှုတ်တော်မူသောအားဖြင့်၊ အဘိုးကိုမပေးဘဲ ဘုရားသခင်၏ ကျေးဇူးတော်ကြောင့်၊ ဖြောင့်မတ်ရာသို့ ရောက်ရကြ၏။

၁ ကော ၁း၃၀
၃၀ ထိုဘုရားသခင်အားဖြင့် သင်တို့သည် ယေရှုခရစ်၌ ရှိနေကြ၏။%fo(a) ထိုသခင်မူကား၊ ဘုရားသခင် စီရင်တော်မူသည်အတိုင်း၊ ငါတို့၌ ပညာမှစ၍ ဖြောင့်မတ်ခြင်း၊ သန့်ရှင်းခြင်း၊ ရွေးနှုတ်ခြင်း ဖြစ်တော်မူ၏။

၂ ကော ၅း၂၁
၂၁ အဘယ်ကြောင့်နည်းဟူမူကား၊ ဘုရားသခင်သည် အပြစ်နှင့်ကင်းစင်သောသူကို ငါတို့အတွက်ကြောင့် အပြစ်ရှိသောသူ ဖြစ်စေတော်မူ၏။ အကြောင်းမူကား၊ ငါတို့သည် ထိုသူအားဖြင့် ဘုရားသခင်ရှေ့တော်၌ ဖြောင့်မတ်သောသူ ဖြစ်မည်အကြောင်းတည်း။ %ln

ဖိလိ ၃း၁၁
၁၁ ထိုသခင်ကြောင့် ခပ်သိမ်းသောအရာတို့ကို အရှုံးခံရပြီ။ သေခြင်းမှ ထမြောက်သောအခွင့်ကို ငါရနိုင်ကောင်းလျှင်၊ ကိုယ်တော်သည် အသေခံတော်မူသည်နည်းတူ၊ ငါသည်လည်း အသေခံ၍ ထိုသခင်ကို၎င်း၊ ထမြောက်တော်မူခြင်း၏ တန်ခိုးကို၎င်း၊ ဆင်းရဲခံတော်မူခြင်းကို ဆက်ဆံ၍ခံခြင်းကို၎င်း၊ သိကျွမ်းခြင်းငှါ၊ ပညတ်တရားအားဖြင့်ရသော ကိုယ်ဖြောင့်မတ်ခြင်းကို မကိုးစားဘဲ၊ ခရစ်တော်ကို ယုံကြည်ခြင်းအားဖြင့် ရသောဖြောင့်မတ်ခြင်း တည်းဟူသော၊ ယုံကြည်ခြင်း အတွက်ကြောင့် ဘုရားသခင် ပေးတော်မူသော ဖြောင့်မတ်ခြင်းကို ကိုးစားသဖြင့်၊ ခရစ်တော်ကို အမြတ်ရ၍ ထိုသခင်၌ တည်ပါမည်အ ကြောင်း၊ ခပ်သိမ်းသောအရာတို့ကို မစင်ကဲ့သို့ငါထင်မှတ်၏။ s ပန်းတုံးတိုင်သို့ငါလိုက်ပြေး၏

CROSS REFERENCES

ဆာ ၂၀း၇
၇ အချို့သော သူတို့သည် ရထားကို၎င်း၊ အချို့တို့သည် မြင်းကို၎င်း၊ ချီးမွမ်းတတ်ကြ၏၊၊ ငါတို့မူကား ငါတို့ဘုရားသခင် တည်းဟူသော ထာဝရဘုရား၏ နာမတော်ကို ချီးမွမ်းကြလိမ့်မည်၊၊

ဆာ ၄၄း၈
၈ အကျွန်ုပ်တို့သည် မခြားမလပ် ဘုရားသခင်၌ ဝါကြွား၍ နာမတော်ကို အစဉ်အမြဲ ချီးမွမ်းကြပါ၏၊၊ sအကျွန်ုပ်တို့ကိုရောင်း၍ မျက်နှာလွှဲတော်မူပြီ

ဟေရှာယ ၄၁း၁၆
၁၆ သူတို့ကိုလှေ့၍၊ လေသည် သူတို့ကိုတိုက် သွားလိမ့်မည်၊၊ မုန်တိုင်းလွှင့်လိမ့်မည်၊၊ သင်မူကား ထာဝရဘုရား၌ ဝမ်းမြောက်လိမ့်မည်၊၊ ဣသရေလ အမျိုး၏ သန့်ရှင်းသော ဘုရား၌ ဝါကြွားလိမ့်မည်၊၊ sဘုရားပြုတော်မူသော အရာများကို ဆင်ခြင်ကြလိမ့်မည်

ယေရမိအ ၄း၂
၂ သင်ကလည်း၊ ထာဝရဘုရား အသက်ရှင်တော်မူသည်ဟု သစ္စာစောင့်ခြင်း၊ တရားစီရင်ခြင်း၊ ဖြောင့်မတ်ခြင်းအားဖြင့် ကျိန်ဆိုလိမ့်မည်။ လူအမျိုးမျိုးတို့သည်လည်း၊ ထိုဘုရားသခင်အားဖြင့် မိမိတို့ကို ကောင်းကြီးပေး၍၊ ထိုဘုရားသခင်ကို အမှီပြုလျက် ဝါကြွားကြလိမ့်မည်ဟု ထာဝရဘုရား မိန့်တော်မူ၏။ sနှလုံးအရေဖျားလှီးကြ

ယေရမိအ ၉း၂၃-၂၄
၂၃ ထာဝရဘုရား မိန့်တော်မူသည်ကား၊ ပညာရှိသောသူသည် မိမိပညာ၌ မဝါကြွားစေနှင့်။ ခွန်အားကြီးသောသူသည် မိမိခွန်အား၌ မဝါကြွားစေနှင့်။ ဥစ္စာရတတ်သောသူသည် မိမိဥစ္စာ၌ မဝါကြွားစေနှင့်။

၂ ကော ၁၀း၁၇
၁၇ သို့ဖြစ်၍ ဝါကြွားသောသူမည်သည်ကား၊ သခင်ဘုရား၌ သာဝါကြွားစေ၊ အကြောင်းမူကား၊ ကိုယ်ကိုကိုယ် ချီးမွမ်းသောသူသည်၊ ဝန်ခံသောသူဖြစ်သည်မဟုတ်။ ဘုရားသခင် ချီးမွမ်းတော်မူခြင်းကို ခံရသောသူသာလျှင် ဝန်ခံတော်မူသောသူဖြစ်သတည်း။

ဂလာတိ ၆း၁၄
၁၄ ငါဖြစ်လျှင်၊ ငါတို့သခင်ယေရှုခရစ်၏လက်ဝါးကပ်တိုင်တော်မှတပါး၊ အဘယ်အရာ၌ မျှဝါကြွားခြင်းမရှိပါစေနှင့်။ ထိုလက်ဝါးကပ်တိုင်တော်မှာ၊ ဤလောကသည်ငါ့အဘို့ရိုက်ထားခြင်းကိုခံလျက်ရှိ၏။ ငါသည်လည်းဤလောကအဘို့ရိုက်ထားခြင်းကိုခံလျက်ရှိ၏။

၂၅ ဘုရားသခင်၏ မိုက်မဲခြင်း အရာသည်၊ လူတို့၏ပညာထက် သာ၍ပညာရှိ၏။ ဘုရားသခင်၏ အားနည်းခြင်း အရာသည်၊ လူတို့၏ အစွမ်းထက် သာ၍ အစွမ်းရှိ၏။ ၂၆ ညီအစ်ကိုတို့၊ သင်တို့ကို ခေါ်တော်မူခြင်း အကြောင်းအရာကို ဆင်ခြင်ကြလော့။ ခေါ်တော်မူသော သူတို့တွင်၊ လောကီပညာရှိ အများမပါ။ ထင်ရှားသော လူကြီးအများမပါ။ မင်းမျိုးမင်းနွယ် ဖြစ်သောသူ အများမပါ။ ၂၇ ဘုရားသခင်သည် ပညာရှိတို့ကို ရှက်ကြောက်စေခြင်းငှာ၊ လောကီအရာ၌ မိုက်မဲသောသူတို့ကို၊ ရွေးကောက်တော်မူ၏။ အစွမ်းသတ္တိ ရှိသောသူတို့ကို ရှက်ကြောက်စေခြင်းငှာ၊ လောကီအရာ၌ အားနည်းသောသူတို့ကို၊ ရွေးကောက်တော်မူ၏။ ၂၈ မြတ်သောသူတို့ကို ရှက်ကြောက်စေခြင်းငှာ၊ လောကီအရာ၌ ဆင်းရဲသောသူ၊ မရေရာသောသူ၊ ယုတ်သောသူတို့ကို ရွေးကောက်တော်မူ၏။ ၂၉ ထိုကြောင့်၊ ဘုရားသခင်ရှေ့၌ အဘယ်သူမျှ၊ ဝါကြွားစရာ အကြောင်းမရှိ။ ၃၀ ထိုဘုရားသခင်အားဖြင့် သင်တို့သည် ယေရှုခရစ်၌ ရှိနေကြ၏။(a) ထိုသခင်မူကား၊ ဘုရားသခင် စီရင်တော်မူသည်အတိုင်း၊ ငါတို့၌ ပညာမှစ၍ ဖြောင့်မတ်ခြင်း၊ [E] သန့်ရှင်းခြင်း၊ ရွေးနှုတ်ခြင်း ဖြစ်တော်မူ၏။ ၃၁ သို့ဖြစ်၍၊ ကျမ်းစာလာသည် နှင့်အညီ၊ ဝါကြွားသောသူ မည်သည်ကား၊ ထာဝရဘုရား၌သာ ဝါကြွားစေ။ [F]

_________________________
Footnotes

၃၀ (a) မြန်မာကျမ်းစာအုပ်၌ "တည်" နေကြ၏ ဟုရေးထားရာ၊ ထိုအရာသည် "ရှိ" နေကြ၏ ဟုပို၍မှန်ကန် သည်။