ကမ္ဘာဦးကျမ်း

အခန်းကြီး ၆

ဘုရားသားများနှင့် လူ့သမီးများ ပေါင်းဖော်ကြ

CROSS REFERENCES

ကမ္ဘာ ၆း၄
၄ ထိုကာလ၌ မြေကြီးပေါ်မှာ၊ ကိုယ်ကြီးမား သောသူ%fo(a)အချို့ရှိကြ၏။ ထိုနောက်၌လည်း၊ ဘုရားသခင်၏သားတို့သည်၊ လူသမီးတို့နှင့် ဆက်ဆံ၍ရသောသားတို့ သည်၊ အားကြီးသောသူ၊ ရှေးကာလမှစ၍၊ ကျော်စောသောသူဖြစ်ကြ၏။ s မြေကြီးပေါ်၌ လူအပြစ်ကြီး

ယောဘ ၁း၆
၆ ဘုရားသခင်၏ သားတို့သည် ထာဝရဘုရား ထံတော်၌ ခစားခြင်းငှါ လာရသော နေ့ရက်အချိန်ရောက်လျှင်၊ စာတန်သည်လည်း သူတို့နှင့် ရောနှော၍လာ၏၊၊

ယောဘ ၂း၁
၁ တဖန် ဘုရားသခင်၏ သားတို့သည် ထာဝရဘုရား ထံတော်၌ ခစားခြင်းငှါ လာရသော နေ့ရက်အချိန်ရောက်လျှင်၊ စာတန်သည်လည်း ထာဝရဘုရား ထံတော်၌ ခစားခြင်းငှါ သူတို့နှင့်အတူ လာ၏၊၊

CROSS REFERENCES

၁ ပေ ၃း၂၀

၁ ပေ ၃း၂၀
၂၀ ထိုဝိညာဉ်တို့မူကား ရှေးကာလ၊ နောဧလက်ထက်၌၊ နည်းသောသူတည်းဟူသော လူရှစ်ယောက်တို့ကို၊ ရေအားဖြင့် ကယ်ဆယ်သော သင်္ဘောကို တည်လုပ်စဉ်တွင်၊ ဘုရားသခင်၏ ခန္တီတော်သည် ဆိုင်းလင့်တော်မူသော်လည်း၊ နားမထောင်သော ဝိညာဉ်ဖြစ်သတည်း။

CROSS REFERENCES

တောလည် ၁၃း၃၃

တောလည် ၁၃း၃၃
၃၃ ကိုယ်ကြီးသောလူ အမျိုးအနွယ်၊ အာနက အမျိုးအနွယ်ဖြစ်၍၊ အလွန်ကြီးမားသောသူ တို့ကိုလည်း မြင်ခဲ့ကြပြီ။ သူတို့ရှေ့မှာ ငါတို့သည် ကိုယ်အထင်အတိုင်း နှံကောင်ကဲ့သို့ ဖြစ်ကြ၏။ သူတို့ အထင်အတိုင်းလည်း ထိုသို့ဖြစ်ကြသည်ဟူ ၍၎င်း၊ မိမိတို့စူးစမ်းသော ပြည်ကို ဣသရေလ အမျိုးသားတို့အား မကောင်းသော သတင်းကို ကြားပြောကြလေ၏။

CROSS REFERENCES

ကမ္ဘာ ၆း၁

ယောဘ ၁း၆

ယောဘ ၂း၁

ကမ္ဘာ ၆း၁
၁ မြေကြီးမျက်နှာပေါ်မှာ လူတို့သည် များပြား၍၊ သမီးများကိုလည်း ရကြသောအခါ၊

၁ မြေကြီးမျက်နှာပေါ်မှာ လူတို့သည် များပြား၍၊ သမီးများကိုလည်း ရကြသောအခါ၊ ၂ ဘုရားသခင်၏သားတို့သည်၊ [A] လူသမီးတို့ လှကြောင်းကိုမြင်၍၊ ကိုယ်စိတ်ရှိသည်အတိုင်း စုံဘက်ကြ၏။ ၃ ထာဝရဘုရားကလည်း၊ ငါ့ဝိညာဉ်သည် လူတို့တွင် အစဉ်မဆုံးမရ။ [B] အကြောင်းမူ ကား၊ လူတို့သည်အသားဖြစ်၏။ သူ၏အသက်တမ်းသည်လည်း အနှစ်တစ်ရာနှစ်ဆယ်ဖြစ်စေ၊ ဟုမိန့်တော်မူ၏။ ၄ ထိုကာလ၌ မြေကြီးပေါ်မှာ၊ ကိုယ်ကြီးမား သောသူ [C](a) အချို့ရှိကြ၏။ ထိုနောက်၌လည်း၊ ဘုရားသခင်၏သားတို့သည်၊ [D] လူသမီးတို့နှင့် ဆက်ဆံ၍ရသောသားတို့ သည်၊ အားကြီးသောသူ၊ ရှေးကာလမှစ၍၊ ကျော်စောသောသူဖြစ်ကြ၏။

မြေကြီးပေါ်၌ လူအပြစ်ကြီး

၅ မြေကြီးပေါ်မှာ လူအပြစ်ကြီး၍၊ သူ၏စိတ်နှလုံး အကြံအစည်ရှိသမျှတို့သည်၊ အစဉ်မပြတ် ဆိုးညစ်ခြင်း သက်သက်ရှိကြောင်းကို၊ ဘုရားသခင် သိမြင်တော်မူလျှင်၊ ၆ မြေကြီးပေါ်မှာ လူကိုဖန်ဆင်းတော်မူသည်ကို နောင်တရ၍၊ နှလုံးတော်ပူပန်လျက် ရှိတော်မူ၏။ ၇ ထာဝရဘုရားကလည်း၊ ငါဖန်ဆင်းသောလူကို၎င်း၊ လူမှစ၍သားများ၊ တွားတတ်သောတိရစ္ဆာန်များ၊ မိုးကောင်းကင် ငှက်များတို့ကို၎င်း၊ မြေကြီးမျက်နှာမှ ငါသုတ်သင်ပယ်ရှင်းမည်။ သူတို့ကိုဖန်ဆင်းသောကြောင့် ငါနောင်တရသည်၊ ဟုမိန့်တော်မူ၏။ ၈ နောဧမူကား၊ ထာဝရဘုရား စိတ်တော်နှင့် တွေ့သောသူ ဖြစ်သတည်း။

CROSS REFERENCES

ကမ္ဘာ ၅း၂၂

ကမ္ဘာ ၁၇း၁

ကမ္ဘာ ၂၄း၄၀

ကမ္ဘာ ၅း၂၂
၂၂ မသုရှလ ဖွားမြင်သောနောက်၊ ဧနောက်သည် အနှစ်သုံးရာပတ်လုံး၊ ဘုရားသခင်နှင့် အတူသွားလာ၍၊ သားသမီးများကို မြင်လေ၏။

ကမ္ဘာ ၁၇း၁
၁ ထို့နောက်၊ အာဗြံသည် အသက်ကိုးဆယ့်ကိုးနှစ် ရှိသောအခါ၊ ထာဝရဘုရားသည် အာဗြံအား ထင်ရှားတော်မူ၍၊ ငါသည် အနန္တတန်ခိုးရှင် ဘုရားသခင်ဖြစ်၏။ ငါ့ရှေ့မှာ သွားလာ၍ စုံလင်ခြင်းရှိလော့။

ကမ္ဘာ ၂၄း၄၀
၄၀ သခင်က၊ အကြင်ထာဝရဘုရားသခင် ရှေ့တော်၌ ငါသွားလာ၏၊ ထိုဘုရားသည် မိမိကောင်းကင်တမန်ကို သင်နှင့်အတူ စေလွှတ်၍၊ သင်သွားသောအမှုကို ပြုစုတော်မူသဖြင့်၊ ငါ့အမျိုးသားချင်း၊ ငါ့အဘ၏အိမ်ထဲက ငါ့သားဖို့ မယားကို ယူရမည်။

နောဧ ဘုရားသခင်နှင့် သွားလာသောသူ [E]

CROSS REFERENCES

ဆာ ၁၄း၂

ဆာ ၅၃း၂

ဆာ ၁၄း၂
၂ နားလည်သောသူ ဘုရားသခင်ကို ရှာသောသူ တစုံတယောက် ရှိသည်မရှိသည်ကို သိမြင်ခြင်းငှါ ထာဝရဘုရားသည် ကောင်းကင်ပေါ်က လူသားတို့ကိုငုံ့၍ ကြည့်ရှုတော်မူ၏၊၊

ဆာ ၅၃း၂
၂ နားလည်သောသူ ဘုရားသခင်ကို ရှာသောသူ တစုံတယောက် ရှိသည် မရှိသည်ကို သိမြင်ခြင်းငှါ ဘုရားသခင်သည် ကောင်းကင်ပေါ်က လူသားတို့ကို ငုံ့၍ ကြည့်ရှုတော်မူ၍၊

၉ နောဧ အတ္ထုပ္ပတ္တိဟူမူကား၊ နောဧသည် ဖြောင့်မတ်သောသူ၊ မိမိအမျိုး၌ ‌စုံလင်သောသူဖြစ်၏။ ဘုရားသခင်နှင့်အတူ သွားလာ၏။ ၁၀ နောဧသည် ရှေမ၊ ဟာမ၊ ယာဖက်တည်းဟူသော၊ သားသုံးယောက်ကိုမြင်လေ၏။ ၁၁ ထိုအခါ မြေကြီးသည်၊ ဘုရားသခင့်ရှေ့မှာ ပုပ်စပ်လျက်ရှိ၏။ မြေကြီးသည် အဓမ္မအမှုနှင့် ပြည့်စုံလေ၏။ ၁၂ ဘုရားသခင်သည် မြေကြီးကို ကြည့်ရှုသောအခါ၊ [F] ပုပ်စပ်လျက်ရှိသည်ကို မြင်တော်မူ၏။ အကြောင်းမူကား၊ မြေကြီးပေါ်မှာ လူအပေါင်းတို့သည်၊ ဖောက်ပြန်ခြင်းသို့ ရောက်ကြပြီ။

ဘုရားကနောဧကိုသင်္ဘောဆောက်ခိုင်း

CROSS REFERENCES

ကမ္ဘာ ၆း၁၈

ကမ္ဘာ ၁၀း၁၀-၁ရ

ကမ္ဘာ ၆း၁၈
၁၈ သင်၌ မူကား၊ ငါ့ပဋိညာဉ် ကို ငါတည်စေမည်။ သင်သည်၊ သားမယား၊ ချွေးမများနှင့်တကွ၊ သင်္ဘောထဲသို့ဝင်ရမည်။

ကမ္ဘာ ၁၀း၁၀-၁ရ
၁၀ သူ၏နိုင်ငံအဦးကား၊ ရှိနာပြည်၌ ဗာဗုလုန်မြို့၊ ဧရက်မြို့၊ အက္ကဒ်မြို့၊ ကာလနေမြို့တည်း။

၁၃ ထိုအခါ ဘုရားသခင်သည်၊ နောဧအား မိန့်တော်မူသည်ကား၊ သတ္တဝါအပေါင်းတို့၏ အဆုံးသည် ငါ့မျက်မှောက်တွင် ပေါ်လာပြီ။ သူတို့ကြောင့်မြေကြီးသည် အဓမ္မအမှုနှင့် ပြည့်စုံလေ၏။ အကယ်စင်စစ် မြေကြီးနှင့်တကွ သူတို့ကို ငါဖျက်ဆီးမည်။ ၁၄ ဂေါဖရသစ်သားဖြင့်၊ သင်္ဘောကို ကိုယ်ဖို့တည်လုပ်လော့။ အထဲ၌လည်း အခန်းများကိုလုပ်လော့။ အတွင်း၊ အပြင်၊ ပတ်လည်ကို ထင်းရှုးစေးနှင့်သုတ်လော့။ ၁၅ လုပ်ရမည်ပုံဟူမူကား၊ သင်္ဘောအလျား အတောင်သုံးရာ၊ အနံအတောင် ငါးဆယ်၊ အမြင့်အတောင် သုံးဆယ်ရှိစေရမည်။ ၁၆ အပေါ်၌ လည်းအမိုးကိုလုပ်ရမည်။ ထိုအမိုးအပေါ်အလယ်ချက်၌ ၊ ထိပ်အုပ်အနံ တတောင်အကျယ်ရှိစေရမည်။ သင်္ဘောနံတဘက်၌ လည်းတံခါးကိုလုပ်ရမည်။ အောက်ဆင့်၊ အလယ်ဆင့်၊ အပေါ်ဆင့်ဟူ၍၊ သုံးဆင့်ကိုလည်းရှိစေရမည်။ ၁၇ အသက်ရှင်သော သတ္တဝါအပေါင်းတို့ကို၊ ကောင်းကင်အောက်မှ ငါကိုယ်တိုင် ပယ်ရှင်းခြင်းငှါ၊ မြေကြီးကို ရေလွှမ်းမိုးစေသဖြင့် မြေပေါ်မှာရှိသမျှတို့သည် သေရကြမည်။ ၁၈ သင်၌ မူကား၊ ငါ့ပဋိညာဉ် [G] ကို ငါတည်စေမည်။ သင်သည်၊ သားမယား၊ ချွေးမများနှင့်တကွ၊ သင်္ဘောထဲသို့ဝင်ရမည်။ ၁၉ အသက်ရှင်သော တိရစ္ဆာန်အမျိုးမျိုးထဲက အထီးအမ၊ အစုံတို့ကိုယူ၍၊ သင်နှင့်အတူ အသက်ချမ်းသာစေခြင်းငှါ၊ သင်္ဘောထဲသို့သွင်းရမည်။ ၂၀ ငှက်လည်းအမျိုးအလိုက်၊ သားလည်းအမျိုးအလိုက်၊ တွားတတ်သော တိရစ္ဆာန် အပေါင်းလည်း အမျိုးအလိုက်၊ အထီးအမ၊ အစုံတို့သည် အသက်ချမ်းသာစေခြင်းငှါ၊ သင့်ထံသို့လာကြလိမ့်မည်။ ၂၁ ကိုယ်စားစရာအဖို့၊ တိရစ္ဆာန် တို့စားစရာအဖို့၊ စားအပ်သော အစာအမျိုးမျိုးကိုယူ၍ သိုထားရမည်၊ ဟုဘုရားသခင်မှာ ထားတော်မူ၏။ ၂၂ မှာထားတော်မူသည် အတိုင်းလည်း နောဧပြုလေ၏။

_________________________
Footnotes

၄ (a) הַנְּפִלִ֞ים Nephilim မြန်မာကျမ်းစာအုပ်၌ "ကိုယ်ကြီးမားသောသူ" ဟုရေးထားသည်။