၄ ဓမ္မရာဇဝင်

အခန်းကြီး ၁

ဣသရေလမင်း အာခဇိသေမည်ဧလိယပြော

၁ အာဟပ်မင်း သေသောနောက်၊ မောဘပြည်သည် ဣသရေလ ရှင်ဘုရင်ကို ပုန်ကန်လေ၏။ ၂ အာခဇိမင်းသည် ရှမာရိမြို့၌ အထက်ခန်း ပြတင်းပေါက်မှကျ၍ နာနေသောကြောင့်၊ ငါသည် ဤအနာမှ ထမြောက်မည်လော၊ ဟုဧကြုန်မြို့၏ ဘုရားဗာလဇေဗုပ်သို့သွား၍ မေးမြန်းကြ၊ ဟုမှာထား၍ သံတမန်တို့ကို စေလွှတ်လေ၏။ ၃ ထာဝရဘုရား၏ ကောင်းကင်တမန်သည် တိရှဘိမြို့သား ဧလိယအားလည်း၊ ရှမာရိ ရှင်ဘုရင် စေလွှတ်သော သံတမန်တို့ကို ကြိုဆိုခြင်းငှါ ထသွားလော့။ ဣသရေလပြည်၌ ဘုရားသခင် မရှိသောကြောင့်၊ ဧကြုန်မြို့၏ဘုရား ဗာလဇေဗုပ်သို့သွား၍ မေးမြန်းရသလော။ ၄ ထိုကြောင့် ထာဝရဘုရား မိန့်တော်မူသည်ကား၊ သင်သည် ယခုတက်သော သာလွန်ပေါ်က နောက်တဖန်မဆင်းရ။ စင်စစ်သင်သေမည်၊ ဟုသူတို့အား ဆင့်ဆိုရမည်အကြောင်း မိန့်တော်မူသည်အတိုင်း၊ ဧလိယသွားလေ၏။ ၅ သံတမန်တို့သည် ပြန်လာသောအခါ ရှင်ဘုရင်က အဘယ်ကြောင့် ယခုပြန်လာကြသနည်း၊ ဟုမေးလျှင်၊ ၆ သူတို့က၊ လူတယောက်သည် ကျွန်တော်တို့ကို ကြိုဆိုခြင်းငှါ လာ၍ သင်တို့ကို စေလွှတ်သော ရှင်ဘုရင်ထံသို့ပြန်ကြ။ ထာဝရဘုရား မိန့်တော်မူသည်ကား၊ ဣသရေလပြည်၌ ဘုရားသခင် မရှိသောကြောင့်၊ ဧကြုန်မြို့၏ ဘုရားဗာလဇေဗုပ်မြို့သို့ သွား၍ မေးမြန်းရသလော။ ထိုကြောင့် သင်သည် ယခုတက်သော သာလွန်ပေါ်က နောက်တဖန်မဆင်းရ။ စင်စစ်သေမည်၊ ဟုပြောရမည်အကြောင်း မှာထားပါသည်၊ ဟုလျှောက်ကြ၏။ ၇ ရှင်ဘုရင်ကလည်း၊ သင်တို့ကို ကြိုဆိုခြင်းငှါလာ၍ ဤသို့ပြောသော သူကား အဘယ်သို့သောသူနည်း၊ ဟုမေးလျှင်၊ ၈ သူတို့က၊ ထိုသူသည်ကိုယ်၌ အမွေးများ၍ သားရေခါးပန်းကို စည်းသောသူ ဖြစ်ပါသည်၊ ဟုလျှောက်ကြသော်၊ ထိုသူသည် တိရှဘိမြို့သား ဧလိယဖြစ်လိမ့်မည်၊ ဟုရှင်ဘုရင်ဆိုလျက်၊

ဧလိယကို ခေါ်သော တပ်မှူးနှင့်စစ်သားများသေ

CROSS REFERENCES

ယောရှု ၁၄း၆
၆ ထိုအခါ ယုဒအမျိုးသား တို့သည်၊ ဂိလဂါလ၌ ယောရှုထံသို့လာ၍၊ ကေနက်အမျိုး ယေဖုန္နာ၏သား ကာလက်က၊ ထာဝရဘုရားသည် ကာဒေရှဗာနာ အရပ်၌ ကိုယ်တော်နှင့် အကျွန်ုပ်ကို ရည်ဆောင်၍၊ ဘုရားသခင်၏ လူမောရှေအား မိန့်တော်မူသော စကားကို ကိုယ်တော်သိပါ၏။

၁ ဓမ္မ ၂း၂ရ
၂၇ ဘုရားသခင်၏ လူတစ်ယောက်သည် ဧလိထံသို့ လာ၍၊ ထာဝရဘုရား မိန့်တော်မူသည်ကား၊ အဲဂုတ္တုပြည် ဖာရောဘုရင်ထံ၌ နေရသော သင့်အဘ၏ အမျိုးအား ငါထင်ရှားသည် မဟုတ်လော။

၂ ရာဇ ၈း၁၄
၁၄ ခမည်းတော်ဒါဝိဒ်စီရင်သည်အတိုင်း၊ ယဇ်ပုရောဟိတ်တို့သည်အလှည့်လှည့် ယဇ်ပုရောဟိတ်အမှုကို၎င်း၊ လေဝိသားတို့သည်နေ့ရက်အစဉ်ပြုသင့်သည်အတိုင်း၊ ယဇ်ပုရောဟိတ်တို့နှင့်ရော၍ထောမနာသီချင်းဆိုသဖြင့်၊ မိမိတို့အမှုကို၎င်း၊ တံခါးစောင့်တို့သည်အလှည့်လှည့်တံခါးရှိသမျှတို့ကိုစောင့်ခြင်းအမှုကို၎င်း၊ အသီးအသီးဆောင်ရွက်စေခြင်းငှါခန့်ထား၏။ ထိုသို့ဘုရားသခင် ၏လူဒါဝိဒ်မှာထားနှင့်သတည်း။

၂ ရာဇ ၁၁း၂
၂ သို့ရာတွင် ဘုရားသခင်၏ နှုတ်ကပတ်တော်သည် ဘုရားသခင်၏ လူရှေမာယသို့ ရောက်၍၊

၂ ရာဇ ၂၅းရ
၇ သို့ရာတွင် ဘုရားသခင်၏လူတယောက်သည် လာ၍၊ အိုမင်းကြီး၊ ဣသရေလတပ်ကို မလိုက်စေနှင့်။ ထာဝရဘုရားသည် ဣသရေလ လူတည်းဟူသော ဧဖရိမ်အမျိုးသား အပေါင်းတို့နှင့် အတူရှိတော်မမူ။

၂ ရာဇ ၃၀း၁၆
၁၆ ဘုရားသခင်၏လူ မောရှေ ပညတ်တရား၌ စီရင်သော ထုံးစံအတိုင်း၊ မိမိတို့နေရာ၌ ရပ်နေလျက်၊ ယဇ်ပုရောဟိတ်တို့သည် လေဝိသားတို့လက်မှ အသွေးကိုယူ၍ ဖြန်းကြ၏။

ဧဇရ ၁း၃-၄
၃ သင်တို့တွင် အဘယ်သူသည် ဘုရားသခင်၏လူ ဖြစ်သနည်း။ ထိုသူနှင့်အတူ ဘုရားသခင် ရှိတော်မူပါစေသော်။ ယုဒပြည် ယေရုရှလင်မြို့သို့သွား၍ ဣသရေလ အမျိုး၏ ဘုရားသခင် ထာဝရဘုရား၏ အိမ်တော်ကို တည်ဆောက်စေ။ ယေရုရှလင်မြို့၌ ရှိတော်မူသော ဘုရားသည် ဘုရားသခင် ဖြစ်တော်မူ၏။

ဧဇရ ၃း၂
၂ ထိုအခါ ယောဇဒက်သား ယောရှုနှင့် သူ၏ညီအစ်ကို ယဇ်ပုရောဟိတ်များ၊ ရှာသေလသား ဇေရုဗဗေလနှင့် သူ၏ညီအစ်ကိုများတို့သည် ထ၍ ဘုရားသခင်၏လူ မောရှေရေးထားသော ပညတ္တိကျမ်းစာ၌ ပါသည်အတိုင်း၊ မီးရှို့ရာယဇ်တို့ကို ပူဇော်လိုသောငှါ၊ ဣသရေလ အမျိုး၏ ဘုရားသခင့် ယဇ်ပလ္လင်ကို တည်ကြ၏။

နေဟမိ ၁၂း၂၄
၂၄ လေဝိသား အကြီးအကဲ၊ ဟာရှဘိ၊ ရှေရဘိ၊ ကပ်မျောလသား ယောရှုတို့သည် ညီအစ်ကိုများနှင့် ဝိုင်း၍ ဘုရားသခင်၏လူ ဒါဝိဒ် စီရင်သည်အတိုင်း ဂုဏ်ကျေးဇူးတော်ကို ဖေါ်ပြချီးမွမ်းခြင်းအမှုကို အလှည့်လှည့် စောင့်ရကြ၏။

နေဟမိ ၁၂း၃၆
၃၆ သူ၏ညီရှေမာယ၊ အာဇရေယ၊ မိလလဲ၊ ဂိလလဲ၊ မာဣ၊ နာသနေလ၊ ယုဒ၊ ဟာနနိတို့သည်၊ ဘုရားသခင်၏ လူ ဒါဝိဒ်၏ တူရိယာမျိုးကို ကိုင်လျက် လိုက်ကြ၏။ ကျမ်းတတ်ဆရာ ဧဇရသည် သူတို့ရှေ့မှာ သွား၏။

၁ တိ ၆း၁၁
၁၁ သို့ဖြစ်၍၊ အိုဘုရားသခင်၏လူ၊ သင်သည် ထိုအပြစ်များကို ကြဉ်ရှောင်လော့။ ဖြောင့်မတ်စွာကျင့်ခြင်း၊ ဘုရားဝတ်၌ မွေ့လျော်ခြင်း၊ ယုံကြည်ခြင်း၊ ချစ်ခြင်း၊ သည်းခံခြင်း၊ နူးညံ့သိမ်မွေ့ခြင်းတို့ကို မှီအောင်လိုက်လော့။

၂ တိ ၃း၁ရ
၁၇ ဘုရားသခင်၏လူ သည် စုံလင်သောသူ၊ ကောင်းသောအမှု အမျိုးမျိုးတို့ကို ပြုစုခြင်းအလိုငှာ ပြင်ဆင်သောသူ ဖြစ်မည်အကြောင်း၊ ဩဝါဒပေးခြင်း၊ အပြစ်ကိုဖော်ပြခြင်း၊ ဖြောင့်မတ်စွာပြုပြင်ခြင်း၊ တရားကိုသွန်သင်ခြင်း ကျေးဇူးများကို ပြုတတ်၏။

၉ လူငါးကျိပ်အပ်သော တပ်မှူးကို စေလွှတ်၍၊ တပ်မှူးသည် ထိုတောင်ပေါ်မှာ ထိုင်သော ဧလိယထံသို့ ရောက်ပြီးလျှင်၊ အိုဘုရားသခင်၏လူ၊ [A] သင်သည် ဆင်းရမည်အကြောင်း၊ ရှင်ဘုရင် အမိန့်တော်ရှိသည်၊ ဟုဆို၏။ ၁၀ ဧလိယကလည်း၊ ငါသည် ဘုရားသခင်၏ လူမှန်လျှင်၊ ကောင်းကင်က မီးကျ၍ သင်နှင့်သင်၏လူ ငါးကျိပ်တို့ကို လောင်ပါစေ၊ ဟုလူငါးကျိပ်အုပ်သော တပ်မှူးအားဆိုသည်အတိုင်း၊ ကောင်းကင်က မီးကျ၍ သူနှင့်သူ၌ပါသော လူငါးကျိပ်တို့ကို လောင်လေ၏။ ၁၁ တဖန် လူငါးကျိပ်အုပ်သော တပ်မှူးတယောက်ကို ရှင်ဘုရင် စေလွှတ်၍၊ ထိုတပ်မှူးက၊ အိုဘုရားသခင်၏လူ၊ အလျှင်အမြန် ဆင်းရမည်အကြောင်း ရှင်ဘုရင် အမိန့်တော်ရှိသည်၊ ဟုဆို၏။ ၁၂ ဧလိယကလည်း၊ ငါသည် ဘုရားသခင်၏ လူမှန်လျှင် ကောင်းကင်က မီးကျ၍ သင်နှင့်သင်၏လူ ငါးကျိပ်တို့ကို လောင်ပါစေ၊ ဟုသူတို့အားဆို သည်အတိုင်း၊ ဘုရားသခင်၏ မီးသည် ကောင်းကင်ကကျ၍ သူနှင့်သူ၌ ပါသော လူငါးကျိပ်တို့ကို လောင်လေ၏။ ၁၃ တဖန် လူငါးကျိပ်အုပ်သော တတိယတပ်မှူးကို ရှင်ဘုရင် စေလွှတ်သဖြင့်၊ ထိုတပ်မှူးသည်တက်၍ ဧလိယရှေ့မှာ ဒူးထောက်လျက်၊ အိုဘုရားသခင်၏လူ၊ ကျွန်တော်အသက်နှင့် ကိုယ်တော်ကျွန် ဤလူငါးကျိပ်တို့၏ အသက်ကို နှမြောတော်မူပါ။ ၁၄ ကောင်းကင်က မီးကျ၍ အခြားသော တပ်မှူးနှစ်ယောက်သည် သူတို့၌ ပါသော လူတရာကို လောင်သော်လည်း၊ ကျွန်တော်အသက်ကို နှမြောတော်မူပါ၊ ဟုတောင်းပန်လေ၏။

ဧလိယရှင်ဘုရင်ထံသို့သွား

၁၅ ထာဝရဘုရား၏ ကောင်းကင်တမန်ကလည်း၊ သူနှင့်အတူ ဆင်းသွားလော့။ သူ့ကိုမကြောက်နှင့်၊ ဟုဧလိယအား ဆိုသည်အတိုင်း၊ ဧလိယသည်ထ၍ ရှင်ဘုရင်ထံသို့ ရောက်လျှင်၊ ၁၆ ထာဝရဘုရား မိန့်တော်မူသည်ကား၊ သင်သည် ဧကြုန်မြို့၏ ဘုရားဗာလဇေဗုပ်၌ မေးမြန်းခြင်းငှါ အဘယ်ကြောင့် သံတမန်တို့ကို စေလွှတ်သနည်း။ မေးမြန်းစရာဘို့ ဣသရေလပြည်၌ ဘုရားသခင် မရှိသောကြောင့် ထိုသို့ပြုရသလော။ သို့ဖြစ်၍ သင်သည် ယခုတက်သော သာလွန်ပေါ်က နောက်တဖန် မဆင်းရသေး။ စင်စစ်သေရမည်၊ ဟုမိန့်တော်မူကြောင်းကို ဆင့်ဆို၏။ ၁၇ ဧလိယဆင့်ဆိုသော ထာဝရဘုရား၏ စကားတော်အတိုင်း ရှင်ဘုရင်သေ၍၊ သားတော် မရှိသောကြောင့် ညီတော်ယောရံသည် ယုဒရှင်ဘုရင် ယောရှဖတ်သား ယဟောရံ နန်းစံနှစ်နှစ်တွင် နန်းထိုင်လေ၏။ ၁၈ အာခဇိ ပြုမူသောအမှုအရာ ကြွင်းလေသမျှတို့သည်၊ ဣသရေလ ရာဇဝင်၌ ရေးထားလျက်ရှိ၏။