ကမ္ဘာဦးကျမ်း

အခန်းကြီး ၁၉

ကောင်းကင်တမန် သောဒုံမြို့သို့ကြွလာ

၁ ကောင်းကင်တမန် နှစ်ပါးတို့သည် ညဦးအချိန်၌ သောဒုံမြို့သို့ရောက်လာ၏။ လောတသည် မြို့တံခါးဝ၌ထိုင်လျက် သူတို့ကိုမြင်လျှင်၊ ခရီးဦးကြိုပြုခြင်းငှါထ၍၊ မြေ၌ဦးညွှတ်ချလျက်၊ ၂ အကျွန်ုပ်သခင်တို့၊ ကိုယ်တော်တို့ကျွန်၏ အိမ်သို့ဝင်၍ တညလုံးနေကြပါ။ ခြေကိုဆေးကြပါ။ နံနက်စောစောထ၍ ကြွသွားကြပါလော့ ဟုဆိုလေ၏။ ကောင်းကင်တမန်တို့က၊ ငါတို့သည် မဝင်၊ တညလုံးလမ်း၌ နေတော့မည် ဟုဆိုသော်လည်း၊ ၃ ကျပ်ကျပ်သွေးဆောင်သောကြောင့်၊ တဖန် လောတနေရာသို့ လှည့်၍၊ သူ၏အိမ်သို့ဝင်ကြ၏။ လောတလည်း၊ သူတို့အဖို့ပွဲလုပ်၍၊ တဆေးမပါသောမုန့်ကို ပေါင်းပြီးမှ၊ သူတို့သည်စားကြ၏။

သောဒုံမြို့သားများ ကောင်းကင်တမန်များနှင့် ပြစ်မှားဖို့ကြံ

၄ ထိုသူတို့သည်မအိပ်မှီ၊ သောဒုံမြို့သား ယောကျ်ားအကြီးအငယ်၊ အရပ်ရပ်က လာသောသူအပေါင်းတို့သည် အိမ်ကို ဝိုင်း၍၊ ၅ လောတကိုဟစ်ခေါ်လျက်၊ ယနေ့ညမှာ သင့်အိမ်သို့ ဝင်သောလူတို့သည် အဘယ်မှာရှိသနည်း။ ထိုသူတို့နှင့် ငါတို့သည် ဆက်ဆံလိုသည်ဖြစ်၍၊ ငါတို့ထံသို့ ထွက်စေလော့ ဟုဆိုကြ၏။ ၆ လောတသည်လည်း၊ တံခါးပြင်မှာ သူတို့ထံသို့ထွက်၍၊ မိမိနောက်၌ တံခါးကိုပိတ်ပြီးလျှင်၊ ၇ ညီအစ်ကိုတို့၊ အဓမ္မအမှုကို ဤမျှလောက် မပြုကြပါနှင့်။ ၈ အကျွန်ုပ်၌ ယောကျ်ားနှင့် မဆက်ဆံသော သမီးနှစ်ယောက်ရှိပါ၏။ သူတို့ကို သင်တို့ထံသို့ ထုတ်ရသောအခွင့်ကို ပေးကြပါလော့။ သူတို့၌ ပြုချင်သမျှ ပြုကြပါလော့။ ဤလူတို့၌ အလျှင်းမပြုကြပါနှင့်။ အကြောင်းမူကား၊ သူတို့သည် အကျွန်ုပ်အိမ်မိုးအရိပ်ကို ခိုနေပါ၏ ၊ ဟုတောင်းပန်သော်လည်း၊ ၉ သူတို့က ဆုတ်လော့ ဟုဆိုကြ၏။ တဖန်ကား၊ သင်သည် တည်းခိုခြင်းငှါသာ ရောက်လာသည်နှင့် တရားသူကြီး လုပ်ရမည်လော။ ယခုမှာ ထိုသူတို့၌ ပြုသည်ထက်၊ သင်၌ သာ၍ဆိုးသောအမှုကို ပြုမည်ဟုဆိုလျက်၊ လောတကိုကျပ်ကျပ်ဖိ၍ တံခါးကိုလည်း ပေါက်ခွဲချိုးဖဲ့ခြင်းငှါ ချဉ်းလာကြ၏။ ၁၀ ထိုအခါ ကောင်းကင်တမန်တို့သည် လက်ကိုဆန့်၍၊ လောတကို မိမိတို့နေရာ အိမ်အတွင်းသို့ ဆွဲသွင်းပြီးလျှင် တံခါးကိုပိတ်ကြ၏။ ၁၁ အိမ်တံခါးနားမှာ ရှိသောသူအကြီးအငယ်တို့ကို၊ မျက်စိကန်းစေခြင်းငှါ ဒဏ်ခတ်သဖြင့် သူတို့သည် တံခါးကိုရှာ၍၊ ပင်ပန်းခြင်းသို့ရောက်ကြ၏။

လောတသမက်များကို သတိပေးသော်လည်း မယုံကြ

၁၂ ကောင်းကင်တမန်တို့ကလည်း၊ ဤအရပ်၌ သင်နှင့်ဆိုင်သောသူ ရှိသေးသလော။ သားသမီး၊ သမက်၊ မြို့ထဲမှာသင်၌ ရှိသမျှကို ဤအရပ်က ထုတ်ဆောင်လော့။ ၁၃ ဤအရပ်ကို ငါတို့သည် ဖျက်ဆီးရမည်။ အကြောင်းမူကား၊ အရပ်သားတို့သည် ထာဝရဘုရားရှေ့တော်မှာ၊ အလွန်ကြွေးကြော်ခြင်းရှိသည်ဖြစ်၍၊ ဖျက်ဆီးစေခြင်းငှါ၊ ထာဝရဘုရားသည် ငါတို့ကို စေလွှတ်တော်မူပြီ ၊ ဟုလောတအား ပြောဆိုကြ၏။ ၁၄ လောတထွက်၍၊ သမီးနှင့်စုံဘက်သောသူ၊ မိမိသမက်တို့အား၊ ထကြ။ ဤအရပ်မှ ထွက်သွားကြ။ ဤမြို့ကို ထာဝရဘုရား ဖျက်ဆီးတော်မူမည် ဟုဆိုသော်လည်း၊ ကျီစားဟန်ရှိသည်၊ ဟုသမက်တို့ထင်ကြ၏။

လောတနှင့်မိသားစု သောဒုံမြို့မှထွက်ဖို့ ဖင့်နွဲ့

၁၅ မိုးသောက်သောအခါ၊ ကောင်းကင်တမန်တို့သည် လောတကိုဆော်လျက်၊ သင်သည်ထ၍၊ ဤအရပ်၌ရှိသော မယားနှင့် သမီးနှစ်ယောက်တို့ကို ယူသွားလော့။ သို့မဟုတ်၊ မြို့၏အပြစ်၌ ဆုံးခြင်းသို့ရောက်လိမ့်မည် ဟုဆိုသော်လည်း၊ ၁၆ သူသည် ဖင့်နွဲ့သောအခါ၊ ထာဝရဘုရားသနားတော်မူသောကြောင့်၊ ကောင်းကင်တမန်တို့သည်၊ သူနှင့်သူ၏မယား၊ သူ၏သမီးနှစ်ယောက်တို့ကို လက်ဆွဲ၍၊ မြို့ပြင်သို့ ထုတ်ဆောင်ကြ၏။ ၁၇ ပြင်သို့ရောက်သောအခါ၊ သင်သည် အသက်ချမ်းသာရခြင်းငှါ ပြေးလော့။ နောက်သို့ လှည့်၍မကြည့်နှင့်။ မြေညီသောအရပ်၌ အလျှင်းမနေနှင့်။ တောင်ပေါ်သို့ပြေးလော့၊ သို့မဟုတ် ဆုံးလိမ့်မည်ဟုဆိုလေ၏။ ၁၈ လောတကလည်း၊ အကျွန်ုပ်သခင်၊ ထိုသို့မဆိုပါနှင့်။ ၁၉ ယခုမှာ ကိုယ်တော်ကျွန်သည် ရှေ့တော်၌ မျက်နှာရပါပြီ။ အကျွန်ုပ်အသက်ချမ်းသာစေသဖြင့်၊ အကျွန်ုပ်၌ ပြုတော်မူသော ကရုဏာကျေးဇူး များပြားလှပါ၏။ ဘေးလွတ်၍ တောင်ပေါ်သို့ မပြေးနိုင်ပါ။ ဘေးတစုံတခုတွေ့၍ သေမည်ကို စိုးရိမ်ပါ၏။ ၂၀ ကြည့်ပါ၊ ထိုမြို့နီးပါ၏၊ ပြေးသာပါ၏၊ ငယ်သောမြို့လည်း ဖြစ်ပါ၏။ ဘေးလွတ်၍ ထိုအရပ်သို့ ပြေးပါရစေ။ ထိုမြို့သည် ငယ်သောမြို့ မဟုတ်လော။ သို့ပြေးလျှင်၊ အသက်ချမ်းသာရပါမည် ဟုလျှောက်ဆို၏။ ၂၁ ထိုသူကလည်း၊ ကြည့်ပါ။ ဤအမှုအရာ၌လည်း သင်၏စကားကို နားထောင်စေခြင်းငှါ၊ ထိုမြို့အတွက် တောင်းပန်သောကြောင့် ငါမဖျက်ဆီး။ ၂၂ ဘေးလွတ်ခြင်းငှါ ထိုမြို့သို့ အလျှင်အမြန်ပြေးလော့။ ထိုမြို့သို့ မရောက်မှီ၊ ငါသည် အဘယ်အမှုကိုမျှ မပြုနိုင် ဟုဆိုလေ၏။ ထိုကြောင့် ထိုမြို့ကို ဇောရမြို့ ဟုသမုတ်ကြ၏။ ၂၃ လောတသည် ဇောရမြို့သို့ ဝင်သောအခါ၊ မြေကြီးပေါ်မှာနေထွက်ချိန် ဖြစ်သတည်း။ ၂၄ ထိုအခါ ထာဝရဘုရားသည် ကောင်းကင်ထက်၊ အထံတော်မှ သောဒုံမြို့နှင့်ဂေါမောရမြို့အပေါ်သို့ ကန့်နှင့်မီးမိုးကို ရွာစေတော်မူ၏။ ၂၅ ထိုမြို့တို့ကို၎င်း၊ ချိုင့်အရပ်တရှောက်လုံး၎င်း၊ မြေ၌ပေါက်သမျှကို၎င်း၊ မှောက်လှဲတော်မူ၏။ ၂၆ လောတ၏မယားမူကား၊ နောက်သို့လှည့်ကြည့်၍ ဆားတိုင်ဖြစ်လေ၏။

အာဗြဟံက သောဒုံဂေါမောရမြို့ မီးလောင်ခြင်းကိုကြည့်

၂၇ နံနက်စောစော အာဗြဟံသည်ထ၍၊ ထာဝရဘုရားရှေ့တော်၌ ရပ်နေသောအရပ်သို့ သွားပြီးလျှင်၊ ၂၈ သောဒုံမြို့နှင့် ဂေါမောရမြို့မှစသော ချိုင့်အရပ်တရှောက်လုံးကို ကြည့်ရှု၍၊ မီးဖို၌ အခိုးကဲ့သို့၊ တပြည်လုံးအခိုးတက်သည် ကိုမြင်လေ၏။၂၉ ထိုသို့ ဘုရားသခင်သည် ချိုင့်ထဲမှာရှိသော မြို့တို့ကို ဖျက်ဆီးသောအခါ၊ အာဗြဟံကို အောက်မေ့တော်မူ၏။ လောတနေသော မြို့တို့ကို မှောက်လှဲသောအခါ၊ မှောက်လှဲရာထဲက လောတကို လွှတ်လိုက်တော်မူ၏။

လောတသမီးများနှင့်အိပ်၍ သားရရှိ

CROSS REFERENCES

ကမ္ဘာ ၄း၁
၁ ထိုနောက်၊ လူအာဒံသည် မယားဧဝနှင့် ဆက်ဆံသဖြင့်၊ ဧဝသည် ပဋိသန္ဓေ စွဲယူ၍၊ ကာဣန ကိုဖွားမြင်လျှင်၊ ထာဝရဘုရား၏ လူကိုငါရပြီ၊ ဟုဆိုလေ၏။

ကမ္ဘာ ၁၆း၄-၅
၄ အာဗြံသည်လည်း ဟာဂရထံသို့ဝင်၍၊ ဟာဂရသည် ပဋိသန္ဓေစွဲ လေ၏။ ဟာဂရသည် မိမိတွင်ပဋိသန္ဓေစွဲနေကြောင်းကိုသိလျှင်၊ မိမိသခင်မကို မထီမဲ့မြင်ပြုလေ၏။

ကမ္ဘာ ၁၉း၃၆
၃၆ ထိုသို့ လောတ၏ သမီးနှစ်ယောက်တို့သည်၊ မိမိအဘအားဖြင့် ပဋိသန္ဓေ စွဲနေ၏။

ကမ္ဘာ ၂၀း၁၈
၁၈ အထက်က အာဗြဟံ၏ မယားစာရာကြောင့်၊ ထာဝရဘုရားသည်၊ အဘိမလက်၏အိမ်သူ၊ မိန်းမတစ်ယောက်မျှ ပဋိသန္ဓေ မယူစေခြင်းငှါ၊ စီရင်တော်မူသတည်း။

ကမ္ဘာ ၂၁း၂
၂ စာရာသည် ပဋိသန္ဓေစွဲ ယူ၍၊ ဘုရားသခင်အမိန့်တော်နှင့် ချိန်းချက်သောအချိန်၌၊ အာဗြဟံ အသက်ကြီးသောအခါ၊ သူ့အားသားကို ဖွားလေ၏။

ကမ္ဘာ ၂၅း၂၁
၂၁ ဣဇာက်သည်၊ မိမိမယားရေဗက္က မြုံသောကြောင့်၊ ထာဝရဘုရားကို တောင်းပန်၍၊ ထာဝရဘုရား နားထောင်တော်မူသဖြင့်၊ သူ၏ မယားသည် ပဋိသန္ဓေ စွဲယူလေ၏။

ကမ္ဘာ ၂၉း၃၂-၃၅
၃၂ လေအာသည် ပဋိသန္ဓေ ယူသဖြင့်၊ သားကိုဖွားမြင်၍ ရုဗင်အမည်ဖြင့် မှည့်လေ၏။ အကြောင်းမူကား၊ ထာဝရဘုရားသည် ငါ၏ဆင်းရဲခံခြင်းကို အမှန်ကြည့်မြင်တော်မူပြီ။ သို့ဖြစ်၍ ယခုငါ့လင်သည် ငါ့ကိုချစ်လိမ့်မည်၊ ဟုဆိုသတည်း။

ကမ္ဘာ ၃၀း၅-ရ
၅ ဗိလဟာသည် ပဋိသန္ဓေ ယူ၍၊ ယာကုပ်အား သားကိုဖွားမြင်သည် ရှိသော်၊

ကမ္ဘာ ၃၀း၁ရ-၁၉
၁၇ လေအာစကားကို ဘုရားသခင် နားထောင်တော်မူသဖြင့်၊ သူသည် ပဋိသန္ဓေယူပြန်၍၊ ယာကုပ်အား ပဉ္စမသားကို ဖွားမြင်လေသော်၊

ကမ္ဘာ ၃၀း၂၃
၂၃ သူသည် ပဋိသန္ဓေ ယူ၍ သားကိုဖွားမြင်လျှင်၊ ငါခံရသော ကဲ့ရဲ့ခြင်းအကြောင်းကို ဘုရားသခင်သည် ပယ်တော်မူပြီဟူ၍၎င်း၊

ကမ္ဘာ ၃၈း၃-၅
၃ ထိုမိန်းမသည် ပဋိသန္ဓေ ယူ၍ သားကိုဖွားမြင်၏။ ထိုသားကို ဧရ(Er) အမည်ဖြင့်မှည့်လေ၏။

ကမ္ဘာ ၃၈း၁၈
၁၈ ယုဒက၊ အဘယ်အရာကို ပေါင်စေချင်သနည်း ဟုပြန်၍မေးလေသော်၊ မိန်းမက၊ သင်၏တံဆိပ်၊ စလွယ်၊ လက်စွဲတောင်ဝေးတို့ကို ပေါင်တော့ ဟုဆိုသည်အတိုင်း၊ ထိုဥစ္စာကို အပ်၍မိန်းမထံသို့ ဝင်သဖြင့်၊ သူသည်ပဋိသန္ဓေ စွဲယူလေ၏။

ထွက် ၂း၂
၂ မိန်းမသည် ပဋိသန္ဓေ ယူသဖြင့်၊ သားယောကျ်ားကို ဖွားမြင်လေ၏။ ထိုသားသည် အဆင်းလှကြောင်းကို အမိမြင်လျှင်၊ သုံးလပတ်လုံး ဖွက်ထားလေ၏။

ထွက် ၁၂း၂
၂ ဤလသည်%fo(a) သင်တို့၌ လဦးတည်းဟူသော၊ နှစ်စဉ်တွင် ပထမလ ဖြစ်ရမည်။

တောလည် ၅း၂၈
၂၈ သို့မဟုတ် ထိုမိန်းမသည် မညစ်ညူး၊ စင်ကြယ်ခြင်းရှိလျှင်၊ ဘေးနှင့်လွတ်၍ ပဋိသန္ဓေယူသော အခွင့်ရှိလိမ့်မည်။

တရားသူ ၁၃း၃-၅
၃ ထာဝရဘုရား၏ ကောင်းကင်တမန်သည် ထိုမိန်းမအား ကိုယ်ထင်ရှား၍၊ သင်သည် မြုံသောကြောင့် သားမဖွားသော်လည်း၊ ယခုပဋိသန္ဓေယူ၍ သားယောက်ျားကို ဖွားမြင်လိမ့်မည်။

တရားသူ ၁၃းရ
၇ သူကလည်း၊ သင်သည် ပဋိသန္ဓေယူ၍ သားယောကျ်ားကို ဖွားမြင်လိမ့်မည်။ စပျစ်ရည်ကို မသောက်နှင့်။ သေရည်သေရက်ကို မသောက်နှင့်။ မစင်ကြယ်သော အစာကို မစားနှင့်။ အကြောင်းမူကား၊ ထိုသူငယ်သည် အမိဝမ်းထဲမှစ၍ သေသောနေ့တိုင်အောင် ဘုရားသခင်၏ နာဇရိလူ ဖြစ်ရလိမ့်မည်၊ ဟုအကျွန်ုပ်အား မိန့်မြွက်ကြောင်းကို ပြောဆိုလေ၏။ s ကောင်းကင်တမန်ပြန်လာ

ရုသ ၄း၁၃
၁၃ ဗောဇသည် ရုသကိုသိမ်း၍ စုံဘက်လျက် ဆက်ဆံသောအခါ၊ ထာဝရဘုရား၏ ကျေးဇူးတော်ကြောင့် ရုသသည်၊ ပဋိသန္ဓေ ယူ၍ သားယောက်ျားကို ဖွားမြင်လေ၏။

၁ ဓမ္မ ၁း၂၀
၂၀ ဟန္နသည် ပဋိသန္ဓေယူ၍ ကာလအချိန် စေ့သောအခါ၊ သားယောကျ်ားကို ဖွားမြင်ပြီးလျှင်၊ ထိုသားကို ထာဝရဘုရားထံ၌ ဆုတောင်းသောကြောင့်၊ ရှမွေလအမည်ဖြင့် မှည့်လေ၏။

၁ ဓမ္မ ၂း၂၁
၂၁ ထာဝရဘုရားသည် ဟန္နကို အကြည့်အရှု ကြွတော်မူသဖြင့် သူသည် ပဋိသန္ဓေယူ၍၊ သားသုံးယောက်၊ သမီးနှစ်ယောက်တို့ကို ဖွားမြင်လေ၏။ သူငယ်ရှမွေလသည် ထာဝရဘုရား ရှေ့တော်၌ ကြီးပွားသတည်း။ sဧလိသားများသည် ဆိုးသွမ်းကြ

၁ ဓမ္မ ၄း၁၉
၁၉ သူ၏ချွေးမ ဖိနဟတ်၏ မယားသည် ပဋိသန္ဓေ အရင့်အမာရှိ၍ အချိန်နီးလျက်၊ ဘုရားသခင်၏ သေတ္တာတော်သည် ရန်သူလက်သို့ ရောက်ကြောင်း၊ ယောက္ခထီးနှင့် လင်သေကြောင်းကို ကြားသောအခါ၊ ကျောကုန်း၍ သားဖွားခြင်း ဝေဒနာကို ချက်ခြင်းခံရ၏။

၂ ဓမ္မ ၁၁း၅
၅ ပဋိသန္ဓေရှိသဖြင့် ဒါဝိဒ်ထံသို့ လူစေလွှတ်၍၊ ကျွန်မ၌ ပဋိသန္ဓေရှိပါ၏၊ ဟုလျှောက်စေသော်၊ sဒါဝိဒ် မိမိအပြစ်ဖုံးဖို့ ကြံစည်

၄ ဓမ္မ ၄း၁ရ
၁၇ ထိုနောက် မိန်းမသည် ပဋိသန္ဓေယူ၍ ဧလိရှဲချိန်းချက်သော အရွယ်စေ့သောအခါ သားကို ဖွားမြင်လေ၏။ s ရှုနင်မြို့သူ၏သားသေပြန်ရှင်

၁ ရာ ရး၂၃
၂၃ နောက်တဖန် မယားဆီသို့ ဝင်သဖြင့်သူသည် ပဋိသန္ဓေယူ၍ သားကိုဖွားမြင်၏။ ထိုသားကို ဗေရိယအမည်ဖြင့် မှည့်၏။ အကြောင်းမူကား၊ ကိုယ်အိမ်ထောင်၌ အမင်္ဂလာ ရောက်သတည်း။

ယောဘ ၃း၃
၃ သားယောကျ်ားကို ပဋိသန္ဓေယူပြီဟု သိတင်း ကြားပြောသောညလည်း ပျက်စီးပါစေ၊၊

ယောဘ ၁၅း၃၅
၃၅ ထိုသူတို့သည် မကောင်းသော အကြံကို ပဋိသန္ဓေယူ၍ အနတ္တကို ဖွားတတ်ကြ၏။ သူတို့ဝမ်းထဲ၌ မုသာကို ကိုယ်ဝန်ဆောင်တတ်သည်၊ ဟုမြွက်ဆို၏၊၊

ယောဘ ၃၈း၂၉
၂၉ ရေခဲသည် အဘယ်သူ၏ ဝမ်းထဲက ထွက်လာသနည်း၊၊ မိုးကောင်းကင် နှင်းခဲကိုအဘယ်သူသည် ပဋိသန္ဓေပေးသနည်း။

ဆာ ရး၁၄
၁၄ ထိုသူသည် ဒုစရိုက် ဖွားသော ဝေဒနာကိုခံရ၏၊၊ မကောင်းသော အကြံအစည်ကို ပဋိသန္ဓေယူ၍ စိတ်ပျက်ခြင်းကို ဖွားမြင်တတ်၏။

ဆာ ၅၁း၅
၅ အကျွန်ုပ်သည် မွေးစကပင် အပြစ်ပါလျက် ရှိပါ၏၊၊ အမိဝမ်းထဲမှာ ပဋိသန္ဓေ ယူစဉ်ပင် အပြစ်စွဲပါ၏၊၊

ဟေရှာယ ရး၁၄
၁၄ ထိုကြောင့်၊ ထာဝရဘုရားသည် ကိုယ်တော်တိုင် နိမိတ်လက္ခဏာကို သင်တို့အား ပေးတော်မူမည်၊၊ ကြည့်ရှုလော့၊၊ သတို့သမီးကညာသည်၊ ပဋိသန္ဓေယူ၍၊ သားယောကျ်ားကို ဖွားမြင်လတံ့၊၊ ထိုသားကို ဧမာနွေလအမည်ဖြင့် မှည့်ရလတံ့၊၊

ဟေရှာယ ၈း၃
၃ ထိုနောက်မှ ငါသည် ပရောဖက်ကတော်ကို ချဉ်းသဖြင့်၊ သူသည် ပဋိသန္ဓေစွဲယူ၍ သားယောကျ်ားကို ဖွားမြင်လေ၏၊၊ ထာဝရဘုရားကလည်း၊ ထိုသားကို မဟေရရှာလလဟာရှဗတ် ဟူသောအမည်ဖြင့် မှည့်လော၊၊

ဟေရှာယ ၅၉း၄
၄ တရားကို အဘယ်သူမျှမရှာ၊ သစ္စာကို အဘယ်သူမျှမစောင့်၊ အနတ္တကိုကိုးစား၍ မုသာစကားကို ပြောတတ်ကြ၏။ မကောင်းသောအကြံကို ပဋိသန္ဓေယူ၍၊ အဓမ္မအမှုကို ဖွားကြ၏။

ဟေရှာယ ၆၆း၉
၉ သားဖွားမည် အကြောင်းကို ငါသည်စီရင်ပြီးမှ၊ မဖွားစေဘဲ နေရမည်လော၊ ဟုထာဝရဘုရား မေးတော်မူ၏။ ငါသည် ပဋိသန္ဓေပေးပြီးမှ၊ မဖွားနိုင်အောင် ချုပ်ထားရမည်လော၊ ဟုသင်၏ ဘုရားသခင် မေးတော်မူ၏။

ဟောရှေ ၁း၃
၃ ဟောရှေသည်သွား၍ ဒိဗလိမ်သမီး ဂေါမာကို သိမ်းပိုက်သဖြင့်၊ သူသည် ပဋိသန္ဓေယူ၍ ဟောရှေ၌ သားယောက်ျားကို ဖွားမြင်လေ၏။

ဟောရှေ ၁း၆
၆ တဖန် ပဋိသန္ဓေယူ၍ သမီးကို ဖွားမြင်လေ၏။ ထိုသမီးကို လောရုဟာမာ အမည်ဖြင့်မှည့်လော့။ အကြောင်းမူကား၊ ငါသည် ဣသရေလ အမျိုးကို နောက်တဖန်မသနား၊ မစုံမက်ဘဲ ဧကန်အမှန် ပယ်ရှင်းမည်။

ဟောရှေ ၁း၈
၈ လောရုဟာမာကို နို့ခွာသောအခါ၊ အမိသည် ပဋိသန္ဓေယူပြန်၍ သားယောက်ျားကို ဖွားမြင်လေ၏။

ဟောရှေ ၂း၅
၅ သူတို့အမိသည် ပြည်တန်ဆာဖြစ်၏။ သူတို့ကို ပဋိသန္ဓေယူသောသူသည်၊ ရှက်ဘွယ်သော အမှုကိုပြုပြီ။ သူကလည်း၊ ငါ့မုန့်၊ ငါ့ရေ၊ ငါ့သိုးမွေး၊ ငါ့ပိုက်ဆန်၊ ငါ့ဆီ၊ ငါသောက်သောအရည်တို့ကို ပေးတတ်သော ငါ့ရည်းစားများနောက်သို့ ငါလိုက်မည်၊ ဟုဆိုပြီ။

ဟောရှေ ၉း၁၁
၁၁ ဧဖရိမ်၏ဘုန်းသည်ငှက်ကဲ့သို့ပျံသွားလိမ့်မည်။ သားဖွားခြင်း၊ ကိုယ်ဝန်ဆောင်ခြင်း၊ ပဋိသန္ဓေယူခြင်းမရှိရ။

မဿဲ ၁း၁၈
၁၈ ယေရှုခရစ်သည် ဖွားမြင်ခြင်းကို ခံတော်မူသော အကြောင်းအရာဟူမူကား၊ မယ်တော်မာရိသည် ယောသပ်နှင့်စေ့စပ်၍၊%fo(a) မရှက်တင်မှီတွင် သန့်ရှင်းသော ဝိညာဉ်တော်ကြောင့် ပဋိသန္ဓေစွဲနေ၏။

မဿဲ ၁း၂၀
၂၀ ထိုသို့ကြံစည်၍ နေစဉ်တွင် အိပ်မက်ကို မြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုး ယောသပ်၊ သင်၏ခင်ပွန်း မာရိကို ထိန်းသိမ်းရမည့် အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသော ဝိညာဉ်တော်ကြောင့် ဖြစ်၏။

မဿဲ ၁း၂၂
၂၂ ထိုအကြောင်းအရာမူကား၊ ထာဝရဘုရားသည် ပရောဖက်ဖြင့် ထားတော်မူသော ဗျာဒိတ်တော် ပြည့်စုံမည့် အကြောင်းတည်း။

လု ၁း၃၁
၃၁ သင်သည်ပဋိသန္ဓေစွဲယူ၍ သားယောက်ျားကို ဖွားမြင်လိမ့်မည်။ ထိုသားကိုယေရှုအမည်ဖြင့်မှည့်ရမည်။

လု ၁း၃၆
၃၆ ထိုမှတပါး၊ အမြုံမဟူ၍ခေါ်ဝေါ်သောသင်၏အဆွေအမျိုး ဧလိရှဗက်သည်ပဋိသန္ဓေစွဲယူ၍၊ ယခုခြောက်လအဝင်ရှိပြီ။

လု ၂း၅
၅ ထိုအခါ မာရိသည် ပဋိသန္ဓေအရင့်အမာရှိ၏။

လု ၂း၂၁
၂၁ ထိုသူငယ်အား အရေဖျားလှီးခြင်းကို ပေးရသောနေ့တည်းဟူသော ရှစ်ရက်မြောက်သော နေ့ရောက်လျှင်၊ ပဋိသန္ဓေစွဲတော်မမူမှီ ကောင်းကင်တမန် မှည့်သောယေရှုအမည်ဖြင့် မှည့်ကြ၏။

လု ၂၃း၂၉
၂၉ အကြောင်းမူကား၊ မြုံသောမိန်းမသည် မင်္ဂလာရှိ၏။ ပဋိသန္ဓေ မယူဘူးသောဝမ်းနှင့် သူငယ်မစို့ဘူးသော သားမြတ်သည် မင်္ဂလာရှိ၏၊ ဟုပြောရသော နေ့ရက်ကာလ ရောက်လိမ့်မည်။

ရော ၉း၁၀
၁၀ ထိုမျှမက၊ ရေဗက္ကသည် ငါတို့အဘဣဇာက်နှင့် စုံဘက်၍ ပဋိသန္ဓေစွဲယူသောအခါ၊

ဂလာ ၄း၅
၅ ပညတ်တရားလက်၌ ရှိသောငါတို့ကို ရွေးနှုတ်စေခြင်းငှါ၊ မိန်းမဝမ်း၌ ပဋိသန္ဓေယူ၍၊ ပညတ်တရားအောက်၌ ဖွားမြင်ရသောသားတော်ကို၊ ဘုရားသခင်သည် စေလွှတ်တော်မူ၏။

ဟေဗြဲ ၁၁း၁၁
၁၁ သူ၏ခင်ပွန်း စာရာသည်လည်း အရွယ်လွန်သောအခါ၊ ပဋိသန္ဓေ ယူနိုင်သောအခွင့်တန်ခိုးကို ယုံကြည်ခြင်းအားဖြင့် ခံရလေ၏။ အကြောင်းမူကား၊ ဂတိထားတော်မူသောသူသည် သစ္စာရှိသည်၊ ဟုစိတ်စွဲလမ်းခြင်းရှိ၏။

ယာကုပ် ၁း၁၅
၁၅ တပ်မက်သောစိတ်သည် ပဋိသန္ဓေယူ၍ ဒုစရိုက်ကို ဖွားတတ်၏။ ဒုစရိုက်သည်လည်း ပြည့်စုံလျှင် သေခြင်းကို ဖွားတတ်၏။

၃၀ လောတသည် ဇောရမြို့မှထွက်၍၊ သမီးနှစ်ယောက်နှင့်တကွ တောင်ပေါ်မှာနေ၏။ ဇောရမြို့၌ မနေဝံ့၍၊ သမီးနှစ်ယောက်နှင့်တကွ ဥမှင်၌နေ၏။ ၃၁ သမီးအကြီးက၊ ငါတို့အဘအိုပြီ။ မြေကြီးသားအပေါင်းတို့၏ ဘာသာအတိုင်း၊ ငါတို့ထံသို့ ဝင်ရသော ယောကျ်ားတစ်ယောက်မျှ မြေပေါ်မှာမရှိ။ ၃၂ လာကြ။ ငါတို့အဘကို စပျစ်ရည်တိုက်ကြစို့၊ ငါတို့အဘ၏ အမျိုးအနွယ်ကို စောင့်မ၍၊ သူနှင့်အိပ်ကြစို့ ဟုညီမကိုပြောဆို၏။ ၃၃ ထိုနေ့ညမှာ သူတို့သည်အဘကို စပျစ်ရည်တိုက်ပြီးလျှင်၊ သမီးအကြီးသည်ဝင်၍ အဘနှင့်အိပ်လေ၏။ သူအိပ်ကြောင်းကို၎င်း၊ ထကြောင်းကို၎င်း၊ အဘမသိ။ ၃၄ နက်ဖြန်နေ့တွင် အကြီးကလည်း၊ မနေ့ညမှာ ငါသည်အဘနှင့် အိပ်လေပြီ။ ယနေ့ည တဖန်သူ့ကို စပျစ်ရည်တိုက်ကြစို့။ သင်သည်ဝင်၍ အဘ၏အမျိုးအနွယ်ကို စောင့်မခြင်းငှါ၊ သူနှင့်အိပ်လော့ ဟုညီမကိုပြောဆို၏။ ၃၅ ထိုနေ့ည၌လည်း သူတို့သည်အဘကို စတိုက်ပြီးလျှင်၊ အငယ်သည်ဝင်၍ အဘနှင့်အိပ်လေ၏။ အိပ်ကြောင်းကို၎င်း၊ ထကြောင်းကို၎င်း၊ အဘမသိ။ ၃၆ ထိုသို့ လောတ၏ သမီးနှစ်ယောက်တို့သည်၊ မိမိအဘအားဖြင့် ပဋိသန္ဓေ [A]စွဲနေ၏။ ၃၇ သမီးအကြီးသည် သားကိုဖွား၍ မောဘအမည်ဖြင့် မှည့်လေ၏။ ထိုသူသည် ယနေ့တိုင်အောင်ရှိသော မောဘအမျိုးသားတို့၏ အဘဖြစ်သတည်း။ ၃၈ သမီးအငယ်သည်လည်း သားကိုဖွား၍၊ ဗေနမ္မိအမည်ဖြင့်မှည့်လေ၏။ ထိုသူသည် ယနေ့တိုင်အောင်ရှိသော အမ္မုန်အမျိုးသားတို့၏ အဘဖြစ်သတည်း။