၁ ယေရှုခရစ်၏ ကျွန်ဖြစ်သော [A] ယာကုပ်ညီ ငါယုဒ(Jude)သည်၊ ခမည်းတော် ဘုရားသခင် သန့်ရှင်းစေတော်မူ၍၊ ယေရှုခရစ် ခေါ်ထားစောင့်မ တော်မူသော သူတို့ကို ကြားလိုက်ပါ၏။ ၂ သင်တို့၌ ကရုဏာရှိပါစေသော်။ ငြိမ်သက်ခြင်းနှင့် ချစ်ခြင်း များပြား ပါစေသော်။

ကျေးဇူးတော်ကိုကိလေသာညစ်ညူးခြင်းအလိုငှါမှောက်လှန်

၃ ချစ်သူတို့၊ အညီအမျှ ဆက်ဆံသော ကယ်တင်ခြင်း အကြောင်းအရာကို၊ သင်တို့ထံသို့ ရေး၍ ပေးလိုက်ခြင်းငှါ၊ ငါသည်အ လွန်ကြိုးစား သည်တွင်၊ သန့်ရှင်းသူတို့၌ အထက်က အပ်ပေးခဲ့ပြီးသော ယုံကြည်ခြင်း တရားဘက်မှာ၊ သင်တို့သည် ကြိုးစား၍ တိုက်လှန်စေခြင်းငှါ၊ နှိုးဆော် သွေးဆောင်၍ ရေးလိုက်ရသော အကြောင်းရှိ၏။ ၄ အဘယ်ကြောင့် နည်းဟူမူကား၊ ငါတို့ ဘုရားသခင်၏ ကျေးဇူးတော်ကို၊ ကိလေသာ၏ ညစ်ညူးခြင်း အလိုငှါ မှောက်လှန်လျက်၊ တပါးတည်း အစိုးရ တော်မူသော အရှင်၊ ငါတို့ သခင် ယေရှုခရစ်ကို ငြင်းပယ်လျက်၊ အပြစ်ခံစေခြင်းငှါ၊ ရှေးက စီရင်မှတ်သားနှင့်သော အဓမ္မလူ အချို့တို့သည်၊ ပရိယာယ်နှင့် အမှတ်တမဲ့ ဝင်ကြပြီ။ ၅ ထိုကြောင့်၊ သင်တို့သည် သိနှင့် သော်လည်း၊ ငါသည် သတိပေး၍ ပြောချင်သော အကြောင်းအရာ ဟူမူကား၊ ထာဝရဘုရားသည် ဣသရေလ လူတို့ကို အဲဂုတ္တုပြည်မှ ကယ်လွှတ်တော်မူ ပြီးလျှင်၊ မယုံကြည်သော သူတို့ကို တဖန်ဖျက်ဆီးတော်မူ၏။

ကောင်းကင်တမန်တို့နှင့်မှားယွင်း

CROSS REFERENCES

ကမ္ဘာ ၆း၄

၂ ပေ ၂း၄

ကမ္ဘာ ၆း၄
၄ ထိုကာလ၌ မြေကြီးပေါ်မှာ၊ ကိုယ်ကြီးမား သောသူ%fo(a)အချို့ရှိကြ၏။ ထိုနောက်၌လည်း၊ ဘုရားသခင်၏သားတို့သည်၊ လူသမီးတို့နှင့် ဆက်ဆံ၍ရသောသားတို့ သည်၊ အားကြီးသောသူ၊ ရှေးကာလမှစ၍၊ ကျော်စောသောသူဖြစ်ကြ၏။ s မြေကြီးပေါ်၌ လူအပြစ်ကြီး

၂ ပေ ၂း၄
၄ အကြောင်းမူကား၊ ပြစ်မှားသော ကောင်းကင်တမန်တို့ကို၊ ဘုရားသခင်သည် နှမြောတော်မမူ၊ ငရဲထဲသို့ချလိုက်ပြီးမှ စစ်ကြောစီရင်ခြင်းအလိုငှာ ချုပ်ထား၍၊ မှောင်မိုက်သံကြိုးနှင့် ချည်နှောင်တော်မူ၏။

CROSS REFERENCES

တရားဟော ၂၉း၂၃

တရားဟော ၂၉း၂၃
၂၃ အနာရောဂါ ဘေးဥပဒ်တို့ကို၎င်း၊ ထာဝရဘုရားသည် ဒေါသ အမျက်တော်ထွက်၍၊ မှောက်လှန် တော်မူသော သောဒုံမြို့၊ ဂေါမောရမြို့၊ အာဒမာမြို့၊ ဇေဘိုင်မြို့တို့ ပြိုပျက်ရာကဲ့သို့၊ တပြည်လုံးကို ကန့်နှင့်မီး ကျွမ်းလောင်သော ဆားသက်သက်ဖြစ်၍၊ မျိုးစေ့မကြဲ၊ အသီးအနှံမသီး၊ မြက်ပင်မပေါက် ကြောင်းကို၎င်း၊ သင်တို့နောက်မှာ ဖြစ်လတံ့သော သင်တို့အမျိုးသား၊ ဝေးသောအရပ်မှ လာသော တပါးအမျိုးသား တို့သည် မြင်ကြသောအခါ၊

CROSS REFERENCES

နာဟုံ ၃း၄
၄ အဆင်းလှ၍ ပြုစားတတ်လျက်၊ မတရားသောမေထုန်အမှုနှင့် စုန်းမအတတ်အားဖြင့်၊ လူအမျိုးမျိုးအနွယ်နွယ်တို့ကို ကုန်သွယ်လုပ်တတ်သော ပြည်တန်ဆာမိန်းမသည် မတရားသောမေထုန်ကို ပြုဖန်များပြားသောကြောင့်၊

ကောလော ၃း၅
၅ ထိုကြောင့်မတရားသောမေထုန်၌ မှီဝဲခြင်း၊ ညစ်ညူးစွာကျင့်ခြင်း၊ ကိလေသာပူပန်ခြင်း၊ ဆိုးညစ်သောတပ်မက်ခြင်း၊ ရုပ်တုကို ကိုးကွယ်ခြင်း ဖြစ်သော လောဘလွန်ကျူးခြင်း တည်းဟူသော၊ မြေကြီးပေါ်မှာ ရှိသောသင်တို့၏ ကိုယ်အင်္ဂါတို့ကို သေစေကြလော့။

၁ သက် ၄း၃
၃ ဘုရားသခင်၏ အလိုတော်ဟူမူကား၊ သင်တို့သည် မတရားသောမေထုန်ကို ကြဉ်ရှောင်၍ သန့်ရှင်းစေခြင်းငှါ၎င်း၊

၁ တိ ၁း၁၀
၁၀ ဘုရားကို မကိုးကွယ်သောသူ၊ အပြစ်ထင်ရှားသောသူ၊ မသန့်ရှင်းသောသူ၊ ဘုရားတရားကို မရိုမသေပြုသောသူ၊ မိဘကို ညှဉ်းဆဲသောသူ၊ လူအသက်ကို သတ်သောသူ၊ မတရားသောမေထုန်၌ မှီဝဲသောသူ၊ ယောကျ်ားချင်း မေထုန်ကိုပြုသောသူ၊ လူကိုခိုးသွားသောသူ၊ မုသာစကားကို သုံးသောသူ၊ မဟုတ်မမှန်ဘဲ ကျိန်ဆိုသောသူမှစ၍၊ စင်ကြယ်သောဩဝါဒနှင့် ဆန့်ကျင်ဘက် ဖြစ်သမျှတို့အဖို့၊ ပညတ်တရားကို ထားသည်၊ ဟုသိမှတ်၍၊ ထိုတရားကို တရားသဖြင့် သုံးသောသူ၌ ပညတ်တရားသည် အကျိုးကို ပေးတတ်သည်၊ ဟုငါတို့သိကြ၏။

ယုဒ ၁းရ
၇ ထိုနည်းတူ၊ သောဒုံမြို့နှင့် ဂေါမောရမြို့ မှစ၍ပတ်ဝန်းကျင်၌ ရှိသော(အာဒမာမြို့၊ ဇေဘိုင်မြို့) မြို့တို့သည်၊ အထက်က ဆိုခဲ့ပြီးသော လူဆိုးကဲ့သို့၊ မတရားသောမေထုန်ကို အလွန်ပြု၍၊ ကိုယ်ခင်ပွန်း မဟုတ်သောသူ(strange flesh ကောင်းကင်တမန်) တို့နှင့်မှားယွင်းခြင်းအမှု၌ ၊ ကျင်လည်သောကြောင့်၊ ထာဝရမီးနှင့် ကျွမ်းလောင်ခြင်း ဒဏ်ကိုခံရ၍ ပုံသက်သေ ထင်ရှားလျက် ရှိကြ၏။ s အဓ္ဓမလူတို့သည်နားမလည်သောအရာတို့ကိုကဲ့ရဲ့တတ်

၆ ထိုမှတပါး၊ မိမိတို့ အခွင့်အရာကို မစောင့်၊ မိမိတို့ နေရာအရပ်ကို စွန့်ပစ်သော ကောင်းကင်တမန် တို့ကို၊ [B] ကြီးစွာသောနေ့၌ စစ်ကြောစီရင်ခြင်း အလိုငှါ၊ ထာဝရ ချည်နှောင် ခြင်းအားဖြင့် မှောင်မိုက်ထဲမှာ ချုပ်ထားတော်မူ၏။ ၇ ထိုနည်းတူ၊ သောဒုံမြို့နှင့် ဂေါမောရမြို့ မှစ၍ပတ်ဝန်းကျင်၌ ရှိသော(အာဒမာမြို့၊ ဇေဘိုင်မြို့) [C] မြို့တို့သည်၊ အထက်က ဆိုခဲ့ပြီးသော လူဆိုးကဲ့သို့၊ မတရားသောမေထုန်ကို [D] အလွန်ပြု၍၊ ကိုယ်ခင်ပွန်း မဟုတ်သောသူ(strange flesh ကောင်းကင်တမန်) တို့နှင့်မှားယွင်းခြင်းအမှု၌ ၊ ကျင်လည်သောကြောင့်၊ ထာဝရမီးနှင့် ကျွမ်းလောင်ခြင်း ဒဏ်ကိုခံရ၍ ပုံသက်သေ ထင်ရှားလျက် ရှိကြ၏။

အဓ္ဓမလူတို့သည်နားမလည်သောအရာတို့ကိုကဲ့ရဲ့တတ်

CROSS REFERENCES

တော ၁၃း၁၂
၁၂ ဒန်အမျိုး၊ ဂေမလ္လိသားအမျေလ။

၁ ရာ ၅း၁၃
၁၃ သူတို့အဆွေအမျိုးချင်း ပေါက်ဖေါ်တော်သောသူကား မိက္ခေလ၊ မေရှုလံ၊ ရှေဘ၊ ယောရဲ၊ ယာခန်၊ ဇယာ၊ ယေဗာ၊ ပေါင်းခုနစ်ယောက်တည်း။

၁ ရာ ၆း၃၉-၄၃
၃၉-၄၃ လေဝိ၊ ဂေရရှုံ၊ ယာဟတ်၊ ရှိမိ၊ ဇိမ္မ၊ ဧသန်၊ အဒါယ၊ ဇေရ၊ ဧသနိ၊ မာလခိ၊ ဗာသေယ၊ မိက္ခေလ၊ ရှိမာ၊ ဗေရခိတို့မှ ဆင်းသက်သော အာသပ်၊ ဟေမန်လက်ျာဘက်မှာ နေရာရှိသော အပေါင်းအဖေါ် အာသပ်တပါး၊

၁ ရာ ၈း၁၆
၁၆ မိက္ခေလ၊ ဣရှပ၊ ယောဟတို့သည် ဗေရိယသား ဖြစ်ကြ၏။

၁ ရာ ၁၂း၂၀
၂၀ မိမိအမျိုးသားတို့တွင် လူတထောင်ကို အုပ်သော ဗိုလ်အာဒန၊ ယောဇဗဒ်၊ ယေဒယေလ၊ မိက္ခေလ၊ ယောဇဗဒ်၊ ဧလိ ၊ ဟုဇိလသဲတည်း။

၂ ရာ ၂၁း၂
၂ ယုဒရှင်ဘုရင် ယောရှဖတ်သား ယဟောရံ ညီဟူမူကား၊ အာဇရိ၊ ယေယလေ၊ ဇာခရိ၊ အာဇရိ၊ မိက္ခေလ၊ ရှေဖတိတည်း။

ဧဇရ ၈း၈
၈ ရှေဖတိအမျိုး မိက္ခေလ အသား ဇေဗဒိနှင့် ယောကျ်ားပေါင်း ရှစ်ကျိပ်၊

ဒံ ၁၀း၁၃
၁၃ ပေရသိနိုင်ငံကို အစိုးရသော မင်းမူကား၊ အရက်နှစ်ဆယ်တရက် ပတ်လုံး ငါ့ကိုဆီးတား၏။ နောက်တခါ အမြတ်ဆုံးသော မင်းစုထဲက၊ မိက္ခေလ သည် ငါ့ကို အကူလာ၍၊ ငါသည်လည်း ထိုအရပ်၌ ပေရသိမင်းကြီးတို့ထံမှာ စိုင်းလင့်၍ နေရ၏။

ဒံ ၁၂း၁
၁ ထိုကာလ၌ သင့်အမျိုးသားချင်းတို့၏ အမှုကို စောင့်သော အရှင်ကြီး မိက္ခေလ သည် ပေါ်လာလိမ့်မည်။ လူမျိုးတစုံတမျိုးမျှ ဖြစ်သည်ကာလမှစ၍ ထိုကာလတိုင်အောင်၊ မဖြစ်စဖူးသော ဆင်းရဲဒုက္ခ ကပ်ကာလသည် ရောက်လိမ့်မည်။ ထိုကာလအခါ စာစောင်၌ စာရင်းဝင်သမျှသော သင်၏ အမျိုးသားချင်းတို့သည် ကယ်လွှတ်ခြင်းသို့ ရောက်ကြလိမ့်မည်။

ယုဒ ၁း၉
၉ ကောင်းကင် တမန်မင်း မိက္ခေလ(Michael) မူကား၊ မောရှေ၏ ကိုယ်ကို အကြောင်း ပြု၍ မာရ်နတ်(the devil)နှင့် ငြင်းခုံသောအခါ၊ ကဲ့ရဲ့စွာသော ပြစ်တင်ခြင်းကို မပြုဝံ့ဘဲ၊ ထာဝရ ဘုရားသည် သင့်ကိုဆုံးမတော်မူ စေသတည်းဟူ၍ သာပြောဆို၏။

ဗျာ ၁၂း၇
၇ ကောင်းကင်၌ စစ်ဖြစ်၏။ မိက္ခေလ နှင့် သူ၏ ကောင်းကင်တမန်တို့သည်၊ နဂါးကို စစ်တိုက်ကြ၏။ နဂါးနှင့်သူ၏ တမန်တို့သည် စစ်တိုက်၍မနိုင်ကြ။ ကောင်းကင်၌ လည်းသူတို့နေစရာမရှိ။

CROSS REFERENCES

တော လည် ၃၁း၁၆

၂ ပေ ၂း၁၅

ဗျာဒိတ် ၂း၁၄

တော လည် ၃၁း၁၆
၁ ကောင်းကင်၌ ကြီးစွာသော နိမိတ်လက္ခဏာဟူမူကား၊ မိန်းမတဦးသည် နေကိုဝပ်လျက်၊ လကိုခြေဖြင့်နင်းလျက်၊ မိမိခေါင်းပေါ်၌ ကြယ်ဆယ်နှစ်လုံး ဖြင့် ပြီးသောသရဖူကို ဆောင်းလျက်ပေါ်လာ၏။

၂ ပေ ၂း၁၅
၁၅ ဖြောင့်မတ်သော လမ်းထဲက ထွက်၍ လွဲသွားသဖြင့်၊ ဗောသော်၏သား ဗာလမ်၏လမ်းကိုလိုက်ကြ၏။

ဗျာဒိတ် ၂း၁၄
၁၄ သို့သော်လည်း ဣသရေလအမျိုးသားတို့သည်၊ ရုပ်တုရှေ့မှာ ပူဇော်သော ယဇ်ကောင်ကို စားစေခြင်းငှါ၎င်း၊ မတရားသောမေထုန်ကို ပြုစေခြင်းငှါ၎င်း၊ ထိမိ၍ လဲစရာအရာကို၊ သူတို့ရှေ့၌ ချထားမည်အကြောင်း၊ ဗာလက်မင်းကို အကြံပေးသောသူတည်းဟူသော၊ ဗာလမ်၏အယူကို စွဲလမ်းသောသူတို့သည်၊ သင်၏နေရာ၌ ရှိကြသည်ဖြစ်၍၊ သင်၌ အနည်းငယ်သော အပြစ်တင်စရာရှိ၏။

၈ ယခု ယောင်ယမ်းသော အဓမ္မလူတို့သည်၊ ရှေးနည်းတူ မိမိတို့ကိုယ်ကို ညစ်ညူးစေ၍၊ အာဏာစက်ကို ပယ်လျက်၊ ဘုန်းတန် ခိုးကြီးသောသူတို့ကို ကဲ့ရဲ့တတ်ကြ၏။ ၉ ကောင်းကင် တမန်မင်း မိက္ခေလ(Michael) [E] မူကား၊ မောရှေ၏ ကိုယ်ကို အကြောင်း ပြု၍ မာရ်နတ်(the devil)နှင့် ငြင်းခုံသောအခါ၊ ကဲ့ရဲ့စွာသော ပြစ်တင်ခြင်းကို မပြုဝံ့ဘဲ၊ ထာဝရ ဘုရားသည် သင့်ကိုဆုံးမတော်မူ စေသတည်းဟူ၍ သာပြောဆို၏။ ၁၀ ထိုသူတို့မူကား၊ မိမိတို့ နားမလည်သော အရာများကို ကဲ့ရဲ့တတ်ကြ၏။ တိရစ္ဆာန်ကဲ့သို့ ပကိတိအတိုင်း၊ မိမိတို့ နားလည်သော အရာများဖြင့်၊ မိမိတို့ကို ပုပ်ပျက် စေတတ်ကြ၏။ ၁၁ သူတို့သည် အမင်္ဂလာရှိကြ၏။ အကြောင်းမူကား၊ ကာဣန(Cain)နောက်သို့ လိုက်ကြ၏။ အခကိုရခြင်း ငှါဗာလမ်(Balaam) မှားယွင်းသကဲ့သို့၊ [F] အလွန် မှားယွင်းခြင်း ရှိကြ၏။ ကောရ(Korah)၏ ငြင်းခုံခြင်း အပြစ်နှင့် ဖျက်ဆီးခြင်းသို့ရောက်ကြ၏။ ၁၂ မေတ္တာပွဲလုပ်၍ သင်တို့နှင့် အတူစားသောက်သောအခါ၊ အားမနာဘဲ မိမိတို့ကိုဝစွာကျွေး၍ ပွဲ၌ အစွန်းအကွက် ဖြစ်ကြ၏။ ရေမရှိ လေတိုက်၍ လွင့်သော မိုးတိမ်ကဲ့သို့၎င်း၊ ညှိုးနွမ်း၍ အသီးမတင်၊ နှစ်ကြိမ်သေ၍ နှုတ်ပစ်သော သစ်ပင်ကဲ့သို့၎င်း၊ ၁၃ မိမိ ရှက်ခြင်း အကြောင်းကို ပွက်စေတတ်သော လှိုင်းတံပိုးရိုင်းကဲ့သို့၎င်း၊ ကြယ်ပျံ (wandering stars) ကဲ့သို့၎င်း ဖြစ်ကြ၏။ ထိုကြယ်ပျံ တို့အဘို့ တခဲနက်သော ထာဝရ မှောင်မိုက်ကို သိုထားလျက်ရှိ၏။

ထာ၀ရဘုရားသည် သန့်ရှင်းသူတို့နှင့်ကြွလာမည်

၁၄ အာဒံမှ ဆင်းသက်၍ ခုနစ်ဆက်မြောက်သောသူ ဧနောက်(Enoch)က၊ ထာဝရဘုရားသည် ခပ်သိမ်းသောသူတို့ကို တရား စီရင်တော်မူ၍၊ မတရားသောသူ တို့သည်၊ မတရားသဖြင့် ပြုသော အဓမ္မအမှုရှိ သမျှတို့၏ အပြစ်ကို၎င်း၊ မတရားသော လူဆိုးတို့ သည်ဘုရားသခင်ကို ပြစ်မှား၍၊ ပြောသော ကြမ်းတမ်းသော စကားရှိသမျှတို့၏ အပြစ်ကို၎င်း ဖေါ်ပြခြင်းငှါ၊ ၁၅ အတိုင်းမသိများစွာသော မိမိသန့်ရှင်းသူတို့နှင့် တကွ၊ ကြွလာတော်မူ လိမ့်မည်၊ ဟုပရောဖက်ပြု၍ ဟောပြောလေ၏။ ၁၆ ထိုသူတို့သည် မြည်တမ်း၍ အပြစ်တင် တတ်သောသူ၊ ကိုယ်တပ်မက်ခြင်းအတိုင်း ကျင့်တတ်သောသူ၊ ထောင်လွှားသော စကားကို ပြောတတ်သောသူ၊ ကိုယ်အကျိုး စီးပွါးကြောင့် သူ့မျက်နှာကို ထောက်ထားခန့်ညား တတ်သောသူ ဖြစ်ကြ၏။

မိမိတို့တပ်မက်ခြင်းအတိုင်းကျင့်၍ ပြက်ယယ်ပြုသူတို့ပေါ်မည်

၁၇ ချစ်သူတို့၊ နောက်ဆုံးသောကာလ၌၊ မိမိတို့ မတရားသော တပ်မက်ခြင်းအတိုင်း ကျင့်နေ၍၊ ပြက်ယယ်ပြု တတ်သောသူ တို့သည် ပေါ်ကြလိမ့်မည်၊ ဟု၁၈ ငါတို့ သခင်ယေရှုခရစ်၏ တမန်တော် တို့သည်၊ ဟောပြောနှင့် သောစကား များကို အောက်မေ့ကြလော့။ ၁၉ ထိုသူတို့သည် သင်းခွဲသောသူ၊ ဝိညာဉ်တော်နှင့် ကင်းသော ဇာတိပကတိလူ ဖြစ်ကြ၏။

ယုံကြည်ခြင်းအပေါ်မှာတည်ဆောက်ကြလော့

၂၀ ချစ်သူတို့၊ သင်တို့သည် မိမိတို့ အလွန်သန့်ရှင်းသော ယုံကြည်ခြင်း အပေါ်မှာ၊ မိမိတို့ကို တည်ဆောက်လျက်၊ သန့်ရှင်းသော ဝိညာဉ်တော် အားဖြင့် ဆုတောင်း ပဌနာပြုလျက်၊ ၂၁ ဘုရားသခင်ကို ချစ်ခြင်းမေတ္တာ၌ ကိုယ်ကိုကိုယ် စောင့်ရှောက်၍၊ ထာဝရ အသက်အလိုငှါ၊ ငါတို့ သခင်ယေရှုခရစ်၏ ကရုဏာတော်ကို မြော်လင့်၍ နေကြလော့။ ၂၂ ပိုင်းခြား၍ သိတတ်သောဥာဏ် ရှိ၍၊ အချို့တို့ကို သနားကြလော့။ ၂၃ ကိုယ်ကာယနှင့် ညစ်ညူးစွန်းကွက်သော အဝတ်ကိုပင်၊ စက်ဆုပ်ရွံရှာ၍ ကြောက်ရွံ့ခြင်းနှင့်တကွ၊ အချို့တို့ကို မီးထဲမှ ဆယ်နှုတ် ကယ်တင်ကြလော့။

ဘုရားသခင်သည် ဘုန်းကြီးတော်မူပါစေသော််

၂၄ ထိမိ၍ လဲခြင်းနှင့် ကင်းလွတ်စေမည် အကြောင်း၊ သင်တို့ကို စောင့်ရှောက် ခြင်းငှါ၎င်း၊ အပြစ်မရှိဘဲ ဝမ်းမြောက်ခြင်းနှင့် ပြည့်စုံလျက်ရှိသော သင်တို့ကို၊ ဘုန်းအသရေ တော်ရှေ့၌ ဆက်သခြင်းငှါ၎င်း၊ တတ်နိုင်တော်မူသောသူ တည်းဟူသော၊ ၂၅ ငါတို့ကို ကယ်တင်တော် မူသောအရှင်၊ တဆူတည်းသော ဘုရားသခင်သည်၊ ငါတို့ သခင်ယေရှုခရစ် အားဖြင့်၊ ယခုမှစ၍ ကမ္ဘာအဆက် ဆက်ဘုန်းတန်ခိုး အာနုဘော်နှင့်၊ အစွမ်းသတ္တိ အာဏာစက် ရှိတော်မူစေသတည်း။ အာမင်။

ရှင်ယုဒဩဝါဒစာပြီး၏။