ကမ္ဘာဦးကျမ်း

အခန်းကြီး ၅

အာဒံမှဆင်းသက်သော သားစဉ်မြေးဆက်များ

အာဒံ ၉၃၀ နှစ် အသက်ရှင်

CROSS REFERENCES

ကမ္ဘာ ၁း၂၆-၂၇
၂၆ တဖန်ဘုရားသခင်က၊ ငါတို့ပုံသဏ္ဍာန်နှင့်အညီ တသဏ္ဍာန်တည်း လူကိုဖန်ဆင်းကြစို့။ သူသည် ပင်လယ်ငါးတို့ကို၎င်း၊ မိုးကောင်းကင်ငှက်တို့ကို၎င်း၊ သားယဉ်တို့ကို၎င်း၊ မြေတပြင်လုံးနှင့်တကွ၊ မြေပေါ်မှာ တွားတတ်သော တိရစ္ဆာန်အပေါင်းတို့ကို၎င်း၊ အုပ်စိုးစေ၊ ဟုအမိန့်တော်ရှိ၏။

ကမ္ဘာ ၉း၆
၆ အကြင်သူသည် လူ၏အသွေးကိုသွန်း၏။ ထိုသူ၏အသွေးကို လူလက်ဖြင့် သွန်းရမည်။ အကြောင်းမူကား ဘုရားသခင်သည် မိမိပုံသဏ္ဍာန်နှင့်အညီ လူကို ဖန်ဆင်းတော်မူ၏။

၁ ကော ၁၁း၇
၇ ယောက်ျားသည် ဘုရားသခင်၏ ပုံသဏ္ဍာန်၊ ဘုန်းအသရေတော် ဖြစ်သောကြောင့် မိမိခေါင်းကိုမဖုံးရ။ မိန်းမမူကား၊ ယောက်ျား၏ ဘုန်းအသရေဖြစ်၏။

ဧဖက် ၄း၂၃
၂၃ သန့်ရှင်းခြင်း ပါရမီအားဖြင့် ဘုရားသခင်နှင့် အတူအမျှ၊ ဖန်ဆင်းသော လူသစ်ကို ယူတင်ဝတ်ဆောင်မည် အကြောင်း၊ ခရစ်တော်၏ စကားကို ကြားနာရသည်ဖြစ်၍၊

ကောလော ၃း၁၀
၁၀ ဖန်ဆင်းတော်မူသောသူ၏ ပုံသဏ္ဍာန်နှင့်အညီ၊ မှန်သောပညာအားဖြင့် အသစ်ပြုပြင်သော လူသစ်ကို ယူတင်ဝတ်ဆောင်သောသူ ဖြစ်ကြ၏။

ယာကုပ် ၃း၉
၉ ငါတို့သည် လျှာဖြင့်ခမည်းတော်ဘုရားသခင်ကို ကောင်းကြီးပေးတတ်ကြ၏။ ဘုရားသခင်၏ ပုံသဏ္ဍာန်တော်နှင့်အညီ ဖန်ဆင်းသောလူတို့ကို၊ လျှာဖြင့် ကျိန်ဆဲတတ်ကြ၏။

၁ အာဒံ၏ သားစဉ်မြေးဆက် စာရင်းဟူမူကား၊ လူကို ဖန်ဆင်းတော်မူသော ကာလ၌ ၊ မိမိပုံသဏ္ဍာန်နှင့်အညီ၊ ဘုရားသခင်ဖန် ဆင်းတော်မူ၏။ [A] ၂ လူယောကျ်ား လူမိန်းမကို ဖန်ဆင်း၍၊ ကောင်းကြီးပေးတော်မူ၏။ ဖန်ဆင်းသောနေ့၌လည်း၊ သူတို့ကို အာဒံအမည်ဖြင့် မှည့်တော်မူ၏။ ၃ အာဒံသည် အသက် တရာသုံးဆယ်ရှိသော်၊ မိမိပုံသဏ္ဍာန်နှင့်တညီ တသဏ္ဍာန်တည်း၊ သားကိုမြင်ရ၍၊ ရှေသအမည်ဖြင့်မှည့်လေ၏။ ၄ ရှေသကို ဖွားမြင်သောနောက် အာဒံသည်၊ အနှစ်ရှစ်ရာ အသက်ရှင်၍၊ သားသမီးများကို မြင်လေ၏။ ၅ အာဒံသည် အသက်နှစ်ပေါင်း ကိုးရာသုံးဆယ် စေ့သော်သေလေ၏။

ရှေသ ၉၁၂ နှစ် အသက်ရှင်

၆ ရှေသသည် အသက် တရာငါးနှစ်ရှိသော်၊ သား ဧနုတ် ကိုမြင်လေ၏။ ၇ ဧနုတ်ဖွားမြင်သောနောက်၊ ရှေသသည်အနှစ် ရှစ်ရာခုနစ်နှစ်အသက်ရှင်၍၊ သားသမီးများကို မြင်လေ၏။ ၈ ရှေသသည် အသက်နှစ်ပေါင်း ကိုးရာတဆယ်နှစ်နှစ် စေ့သော် သေလေ၏။

ဧနုတ် ၉၀၅ နှစ် အသက်ရှင်

၉ ဧနုတ်သည် အသက် ကိုးဆယ်ရှိသော်၊ သား ကာဣနန်ကို မြင်လေ၏။ ၁၀ ကာဣနန် ဖွားမြင်သောနောက်၊ ဧနုတ်သည် အနှစ် ရှစ်ရာတဆယ်ငါးနှစ် အသက်ရှင်၍၊ သားသမီးများကို မြင်လေ၏။ ၁၁ ဧနုတ်သည် အသက်နှစ်ပေါင်း ကိုးရာငါးနှစ် စေ့သော်သေလေ၏။

ကာဣနန် ၉၁၀ နှစ် အသက်ရှင်

၁၂ ကာဣနန်သည် အသက် ခုနစ်ဆယ်ရှိသော်၊ သား မဟာလေလ ကိုမြင်လေ၏။ ၁၃ မဟာလေလ ဖွားမြင်သောနောက်၊ ကာဣနန်သည် အနှစ်ရှစ်ရာလေးဆယ် အသက်ရှင်၍၊ သားသမီးများကို မြင်လေ၏။ ၁၄ ကာဣနန်သည်၊ အသက်နှစ်ပေါင်း ကိုးရာတဆယ် စေ့သော်သေလေ၏။

မဟာလေလ ၈၉၅ နှစ် အသက်ရှင်

၁၅ မဟာလေလသည် အသက် ခြောက်ဆယ်ငါးနှစ်ရှိသော်၊ သားယာရက်ကို မြင်လေ၏။ ၁၆ ယာရက်ဖွားမြင်သော နောက်၊ မဟာလေလသည်၊ အနှစ်ရှစ်ရာသုံးဆယ် အသက်ရှင်၍၊ သားသမီးများကို မြင်လေ၏။ ၁၇ မဟာလေလသည် အသက် နှစ်ပေါင်းရှစ်ရာကိုးဆယ်ငါးနှစ် စေ့သော်သေလေ၏။

ယာရက် ၉၆၂ နှစ် အသက်ရှင်

၁၈ ယာရက်သည်၊ အသက် တရာခြောက်ဆယ်နှစ်နှစ်ရှိသော်၊ သား ဧနောက် ကိုမြင်လေ၏။ ၁၉ ဧနောက် ဖွားမြင်သောနောက်၊ ယာရက်သည် အနှစ်ရှစ်ရာအသက်ရှင်၍၊ သားသမီးများကို မြင်လေ၏။ ၂၀ ယာရက်သည် အသက်နှစ်ပေါင်း ကိုးရာခြောက်ဆယ်နှစ်နှစ် စေ့သော်သေလေ၏။

ဧနောက် ၃၆၅ နှစ် အသက်ရှင်

CROSS REFERENCES

ကမ္ဘာ ၆း၉

ကမ္ဘာ ၁၇း၁

ကမ္ဘာ ၂၄း၄၀

ကမ္ဘာ ၆း၉
၉ နောဧ အတ္ထုပ္ပတ္တိဟူမူကား၊ နောဧသည် ဖြောင့်မတ်သောသူ၊ မိမိအမျိုး၌ ‌စုံလင်သောသူဖြစ်၏။ ဘုရားသခင်နှင့်အတူ သွားလာ၏။

ကမ္ဘာ ၁၇း၁
၁ ထို့နောက်၊ အာဗြံသည် အသက်ကိုးဆယ့်ကိုးနှစ် ရှိသောအခါ၊ ထာဝရဘုရားသည် အာဗြံအား ထင်ရှားတော်မူ၍၊ ငါသည် အနန္တတန်ခိုးရှင် ဘုရားသခင်ဖြစ်၏။ ငါ့ရှေ့မှာ သွားလာ၍ စုံလင်ခြင်းရှိလော့။

ကမ္ဘာ ၂၄း၄၀
၄၀ သခင်က၊ အကြင်ထာဝရဘုရားသခင် ရှေ့တော်၌ ငါသွားလာ၏၊ ထိုဘုရားသည် မိမိကောင်းကင်တမန်ကို သင်နှင့်အတူ စေလွှတ်၍၊ သင်သွားသောအမှုကို ပြုစုတော်မူသဖြင့်၊ ငါ့အမျိုးသားချင်း၊ ငါ့အဘ၏အိမ်ထဲက ငါ့သားဖို့ မယားကို ယူရမည်။

၂၁ ဧနောက်သည် အသက်ခြောက်ဆယ်ငါးနှစ်ရှိသော်၊ သားမသုရှလကို မြင်လေ၏။ ၂၂ မသုရှလ ဖွားမြင်သောနောက်၊ ဧနောက်သည် အနှစ်သုံးရာပတ်လုံး၊ ဘုရားသခင်နှင့် အတူသွားလာ၍၊ သားသမီးများကို မြင်လေ၏။ ၂၃ ဧနောက်အသက် နှစ်ပေါင်းသုံးရာခြောက်ဆယ်ငါးနှစ်တည်း။ ၂၄ ဧနောက်သည် ဘုရားသခင်နှင့် အတူသွားလာ၏။ [A] နောက်တဖန်သူ သည်မရှိ။ အကြောင်းမူကား၊ ဘုရားသခင် သိမ်းယူတော်မူသော ကြောင့်တည်း။

မသုရှလ ၉၆၉ နှစ် အသက်ရှင်

၂၅ မသုရှလသည် အသက်တရာ ရှစ်ဆယ်ခုနစ်နှစ်ရှိသော်၊ သားလာမက်ကို မြင်လေ၏။ ၂၆ လာမက်ဖွားမြင်သောနောက် မသုရှလသည် အနှစ်ခုနစ်ရာ ရှစ်ဆယ်နှစ်နှစ်အသက်ရှင်၍၊ သားသမီးများကို မြင်လေ၏။ ၂၇ မသုရှလသည် အသက်နှစ်ပေါင်း ကိုးရာခြောက်ဆယ်ကိုးနှစ် စေ့သော်သေလေ၏။

လာမက် ၇၇၇ နှစ်အသက်

CROSS REFERENCES

ကမ္ဘာ ၃း၁၇
၁၇ ယောက်ျားကိုလည်း၊ ထိုအပင်၏ အသီးကိုမစားရ၊ ဟုငါပညတ်သော်လည်း၊ သင်သည် မယား၏စကားကို နားထောင်၍ စားမိသောကြောင့်၊ မြေသည် သင်၏အတွက် ကျိန်ခြင်းခံလျက်ရှိ၏။ မြေ၏အသီးကို တသက်ပတ်လုံး ပင်ပန်းစွာစားရမည်။

ကမ္ဘာ ၅း၂၉
၂၉ ဤသူသည်ကား၊ ထာဝရဘုရား ကျိန်တော်မူသောမြေ၌ လုပ်၍ပင်ပန်းစွာခံရသော ငါတို့အား၊ သက်သာစေသောသူ ဖြစ်လိမ့်မည်ဟူ၍၊ သူ့ကို နောဧ ဟူသောအမည်ဖြင့် မှည့်လေ၏။

ရောမ ၈း၂၀-၂၂
၂၀ ဤလောကသည် အနိစ္စနိုင်ငံသို့ အလိုလို လိုက်သည်မဟုတ်။

ဟေဗြဲ ၆း၈
၈ အကြင်မြေသည် ဆူးပင်အမျိုးမျိုးကို ဖြစ်စေတတ်၏။ ထိုမြေသည် ပြုစုခြင်းကိုမခံထိုက်။ ကျိန်ခြင်းကိုခံရသော အချိန်နီးသည်ဖြစ်၍၊ နောက်ဆုံး၌ မီးရှို့ခြင်းသို့ ရောက်တတ်၏။ s အဆုံးတိုင်ယုံမှားခြင်းကင်း၍ မြော်လင့်ဘို့

၂၈ လာမက်သည် အသက် တရာရှစ်ဆယ်နှစ်နှစ် ရှိသော်သားကိုမြင်၍၊ ၂၉ ဤသူသည်ကား၊ ထာဝရဘုရား ကျိန်တော်မူသောမြေ၌ လုပ်၍ပင်ပန်းစွာခံရသော ငါတို့အား၊ သက်သာစေသောသူ ဖြစ်လိမ့်မည်ဟူ၍၊ သူ့ကို နောဧ ဟူသောအမည်ဖြင့် မှည့်လေ၏။ [B] ၃၀ နောဧဖွားမြင်သောနောက်၊ လာမက်သည် အနှစ်ငါးရာကိုးဆယ်ငါးနှစ် အသက်ရှင်၍၊ သားသမီးများကို မြင်လေ၏။ ၃၁ လာမက်သည် အသက်နှစ်ပေါင်း ခုနစ်ရာခုနစ်ဆယ်ခုနစ်နှစ် စေ့သော်သေလေ၏။ ၃၂ နောဧသည်အသက် ငါးရာရှိ၏။ နောဧ သားကား ရှေမ၊ ဟာမ၊ ယာဖက်တည်း။