ကမ္ဘာဦးကျမ်း

အခန်းကြီး ၂၅

အာဗြဟံကေတုရနှင့်စုံ စုံဖက်၍ သားခြောက်ယောက်ရ

၁ တဖန်အာဗြဟံသည်၊ ကေတုရအမည်ရှိသော မိန်းမနှင့်စုံဘက်၍၊ ၂ ထိုမိန်းမသည် ဇိမရံ၊ ယုတ်ရှန်၊ မေဒန်၊ မိဒျန်၊ ဣရှဗက်၊ ရှုအာတို့ကို ဖွားမြင်လေ၏။ ၃ ယုတ်ရှန်သားကား၊ ရှေဘနှင့်ဒေဒန်တည်း။ ဒေဒန်သားကား၊ အာရှုရိမ်လူ၊ လေတုရှိမ်လူ၊ လုမ်မိမ်လူတည်း။ ၄ မိဒျန်သားကား၊ ဧဖာ၊ ဧဖေရ၊ ဟာနုတ်၊ အဘိဒ၊ ဧလဒါတည်း။ ထိုသူအပေါင်းတို့ကား ကေတုရအနွယ်ဖြစ်ကြသတည်း။ ၅ အာဗြဟံသည်၊ မိမိဥစ္စာရှိသမျှကို ဣဇာက်အား ပေးလေ၏။ ၆ မယားငယ်တို့၌ ရသောသားတို့အားလည်း၊ မိမိအသက်ရှင်စဉ်တွင် ဆုလာဘ်များကို ဝေပေး၍၊ သားဣဇာက်ထံမှ အရှေ့ပြည်သို့ လွှတ်လိုက်လေ၏။

အာဗြဟံ အသက် တရာ့ခုနစ်ဆယ်ငါးနှစ်တွင် သေဆုံး

CROSS REFERENCES

ကမ္ဘာ ၂၃း၉
၉ သင်တို့တွင် ငါပိုင်ထိုက်သောသင်္ချိုင်း ရှိစေခြင်းငှာ၊ ဇောဟာသားဧဖရုန်သည်၊ မိမိလယ်ပြင်အစွန်း၌ ရှိသော မပ္ပေလာမြေတွင်းကို၊အဘိုးထိုက်သမျှငွေနှင့် ငါ့အားရောင်းစေခြင်းငှာ၊ ငါ့အတွက်သူ့ကို တောင်းပန်ကြပါလော့၊ ဟုနှုတ်ဆက်၍ ပြောဆို၏။

ကမ္ဘာ ၂၃း၁ရ-၁၉
၁၇ ထိုသို့မံရေရှေ့မှာ၊ မပ္ပေလအရပ်၌ရှိသော ဧဖရုန်၏ လယ်ပြင်ကို၎င်း၊ လယ်ပြင်၌ရှိသော မြေတွင်းနှင့်သစ်ပင်များ၊ ပတ်ဝန်းကျင်သစ်ပင်များကို၎င်း၊

ကမ္ဘာ ၂၅း၉
၉ သားဣဇာက်နှင့် ဣရှမေလတို့သည်၊ မံရေရှေ့မှာ ဟိတ္တိအမျိုးသား၊ ဇောရသားဧဖရုန်၏ လယ်ပြင်တွင်၊ မပ္ပေလမြေတွင်း၌ အဘကို သင်္ဂြိုလ်ကြ၏။

ကမ္ဘာ ၄၉း၃၀
၃၀ ခါနာန်ပြည် မံရေရှေ့မှာ မပ္ပေလလယ်ပြင်၌ရှိသော ထိုမြေတွင်းကို၊ အာဗြဟံသည် ကိုယ်ပိုင်သော သင်္ချိုင်းဖို့ လယ်ပြင်နှင့်တကွ ဟိတ္တိအမျိုးသား ဧဖရုန်၌ ဝယ်လေပြီ။

ကမ္ဘာ ၅၀း၁၃
၁၃ ခါနာန်ပြည်သို့ ဆောင်သွား၍၊ အာဗြဟံသည် ကိုယ်ပိုင်သော သင်္ချိုင်းဖို့ ဟိတ္တိအမျိုးသား ဧဖရုန်၌ ဝယ်သော မံရေရှေ့(Mamre)၊ မပ္ပေလ (Machpelah) လယ်ပြင်တွင်ရှိသော မြေတွင်း၌ သင်္ဂြိုလ်ကြ၏။

၇ ထိုနောက် အာဗြဟံသည် အသက်ကြီးရင့်၍၊ အိုမင်းခြင်း၊ နေ့ရက်ကာလပြည့်စုံခြင်းနှင့်တကွ၊ အသက်ပေါင်း တရာ့ခုနစ်ဆယ့်ငါးနှစ်ရှိသော်၊ ၈ အသက်ချုပ်၍ အနိစ္စဖြစ်သဖြင့် မိမိလူမျိုးစည်းဝေးရာသို့ ရောက်လေ၏။ ၉ သားဣဇာက်နှင့် ဣရှမေလတို့သည်၊ မံရေရှေ့မှာ ဟိတ္တိအမျိုးသား၊ ဇောရသားဧဖရုန်၏ လယ်ပြင်တွင်၊ မပ္ပေလ [A]မြေတွင်း၌ အဘကို သင်္ဂြိုလ်ကြ၏။ ၁၀ ဟေသအမျိုးသားတို့အား အဖိုးပေး၍၊ အာဗြဟံဝယ်သော လယ်ပြင်၌ အာဗြဟံနှင့် မယားစာရာတို့ကို သင်္ဂြိုလ်ကြသတည်း။ ၁၁ အာဗြဟံ သေသောနောက်၊ သားဣဇာက်ကို ဘုရားသခင်က ကောင်းကြီးပေးတော်မူ၏။ ဣဇာက်သည် ဗေရလဟဲရောမြို့မှာ နေသတည်း။

ဣရှမေလ၏ သားစဉ်မြေးဆက်များ

၁၂ စာရာ၏ကျွန်မ၊ အဲဂုတ္တုအမျိုးသား ဟာဂရဖွားမြင်သော၊ အာဗြဟံသား ဣရှမေလ၏ သားစဉ်မြေးဆက်တည်းဟူသော၊ ၁၃ မိမိအမျိုးအနွယ်အလိုက်၊ ဣရှမေလသားများအမည်ဟူမူကား၊ သားအကြီး နဗာယုတ်။ ထိုနောက် ကေဒါ၊ အာဒဗေလ၊ မိဗသံ၊ ၁၄ မိရှမ၊ ဒုမာ၊ မာစ၊ ၁၅ ဟာဒဒ်၊ တေမ၊ ယေတုရ၊ နာဖိရှ၊ ကေဒမာ တည်းဟူသော၊ ၁၆ ဣရှမေလ သားတည်း။ ထိုသို့ အမည်ရှိသော သူတို့သည်၊ မိမိမြို့၊ မိမိရဲတိုက်အလိုက်၊ အမျိုးမျိုးသော မင်းဆယ့်နှစ်ပါး ဖြစ်သတည်း။ ၁၇ ဣရှမေလသည်အသက် တရာ့သုံးဆယ့်ခုနစ်နှစ်ရှိသော် အသက်ချုပ်၍ သေသဖြင့်၊ မိမိလူမျိုးစည်းဝေးရာသို့ ရောက်လေ၏။ ၁၈ သူတို့သည်လည်း၊ အာရှုရိပြည်သို့ သွားရာလမ်း၊ ဟဝိလမြို့မှစ၍ အဲဂုတ္တုပြည့် အရှေ့၊ ရှုရမြို့တိုင်အောင် နေကြ၏။ ထိုသို့ ဣရှမေလ၏ နေရာသည် မိမိညီအစ်ကို အပေါင်းအနား၌ကျသတည်း။

ရေဗက္ကာ၌ သားနှစ်ယောက် အမွှာမွေး

CROSS REFERENCES

ကမ္ဘာ ၁၆း၁
၁ အာဗြံ၏မယား စာရဲ၌ သားဖွားခြင်းမရှိသဖြင့်၊ အဲဂုတ္တုပြည်သူ ဟာဂရ အမည်ရှိသော၊ ကျွန်မ တယောက်ရှိသည်ဖြစ်၍၊

ကမ္ဘာ ၂၅း၂၁
၂၁ ဣဇာက်သည်၊ မိမိမယားရေဗက္က မြုံသောကြောင့်၊ ထာဝရဘုရားကို တောင်းပန်၍၊ ထာဝရဘုရား နားထောင်တော်မူသဖြင့်၊ သူ၏ မယားသည် ပဋိသန္ဓေ စွဲယူလေ၏။

တရားသူ ၁၃း၂
၂ ဒန်အမျိုး၊ ဇောရာမြို့သား မာနော် အမည်ရှိသောသူ တယောက်ရှိ၏။ သူ၏ မယားသည် မြုံသောကြောင့် သားမဖွား။

၁ ဓမ္မ ၁း၅
၅ ဟန္နကို ချစ်သောကြောင့် နှစ်ဆသော အဘို့ကို ပေး၏။ သို့ရာတွင် ထာဝရဘုရားသည် ဟန္နအား သားဖွားသော အခွင့်ကို ပေးတော်မမူ။

CROSS REFERENCES

ကမ္ဘာ ၄း၁
၁ ထိုနောက်၊ လူအာဒံသည် မယားဧဝနှင့် ဆက်ဆံသဖြင့်၊ ဧဝသည် ပဋိသန္ဓေ စွဲယူ၍၊ ကာဣန ကိုဖွားမြင်လျှင်၊ ထာဝရဘုရား၏ လူကိုငါရပြီ၊ ဟုဆိုလေ၏။

ကမ္ဘာ ၁၆း၄-၅
၄ အာဗြံသည်လည်း ဟာဂရထံသို့ဝင်၍၊ ဟာဂရသည် ပဋိသန္ဓေစွဲ လေ၏။ ဟာဂရသည် မိမိတွင်ပဋိသန္ဓေစွဲနေကြောင်းကိုသိလျှင်၊ မိမိသခင်မကို မထီမဲ့မြင်ပြုလေ၏။

ကမ္ဘာ ၁၉း၃၆
၃၆ ထိုသို့ လောတ၏ သမီးနှစ်ယောက်တို့သည်၊ မိမိအဘအားဖြင့် ပဋိသန္ဓေ စွဲနေ၏။

ကမ္ဘာ ၂၀း၁၈
၁၈ အထက်က အာဗြဟံ၏ မယားစာရာကြောင့်၊ ထာဝရဘုရားသည်၊ အဘိမလက်၏အိမ်သူ၊ မိန်းမတယောက်မျှ ပဋိသန္ဓေ မယူစေခြင်းငှါ၊ စီရင်တော်မူသတည်း။

ကမ္ဘာ ၂၁း၂
၂ စာရာသည် ပဋိသန္ဓေစွဲ ယူ၍၊ ဘုရားသခင်အမိန့်တော်နှင့် ချိန်းချက်သောအချိန်၌၊ အာဗြဟံ အသက်ကြီးသောအခါ၊ သူ့အားသားကို ဖွားလေ၏။

ကမ္ဘာ ၂၉း၃၂-၃၅
၃၂ လေအာသည် ပဋိသန္ဓေ ယူသဖြင့်၊ သားကိုဖွားမြင်၍ ရုဗင်အမည်ဖြင့် မှည့်လေ၏။ အကြောင်းမူကား၊ ထာဝရဘုရားသည် ငါ၏ဆင်းရဲခံခြင်းကို အမှန်ကြည့်မြင်တော်မူပြီ။ သို့ဖြစ်၍ ယခုငါ့လင်သည် ငါ့ကိုချစ်လိမ့်မည်၊ ဟုဆိုသတည်း။

ကမ္ဘာ ၃၀း၅-ရ
၅ ဗိလဟာသည် ပဋိသန္ဓေ ယူ၍၊ ယာကုပ်အား သားကိုဖွားမြင်သည် ရှိသော်၊

ကမ္ဘာ ၃၀း၁ရ-၁၉
၁၇ လေအာစကားကို ဘုရားသခင် နားထောင်တော်မူသဖြင့်၊ သူသည် ပဋိသန္ဓေယူပြန်၍၊ ယာကုပ်အား ပဉ္စမသားကို ဖွားမြင်လေသော်၊

ကမ္ဘာ ၃၀း၂၃
၂၃ သူသည် ပဋိသန္ဓေ ယူ၍ သားကိုဖွားမြင်လျှင်၊ ငါခံရသော ကဲ့ရဲ့ခြင်းအကြောင်းကို ဘုရားသခင်သည် ပယ်တော်မူပြီဟူ၍၎င်း၊

ကမ္ဘာ ၃၈း၃-၅
၃ ထိုမိန်းမသည် ပဋိသန္ဓေ ယူ၍ သားကိုဖွားမြင်၏။ ထိုသားကို ဧရ(Er) အမည်ဖြင့်မှည့်လေ၏။

ကမ္ဘာ ၃၈း၁၈
၁၈ ယုဒက၊ အဘယ်အရာကို ပေါင်စေချင်သနည်း ဟုပြန်၍မေးလေသော်၊ မိန်းမက၊ သင်၏တံဆိပ်၊ စလွယ်၊ လက်စွဲတောင်ဝေးတို့ကို ပေါင်တော့ ဟုဆိုသည်အတိုင်း၊ ထိုဥစ္စာကို အပ်၍မိန်းမထံသို့ ဝင်သဖြင့်၊ သူသည်ပဋိသန္ဓေ စွဲယူလေ၏။

ထွက် ၂း၂
၂ မိန်းမသည် ပဋိသန္ဓေ ယူသဖြင့်၊ သားယောကျ်ားကို ဖွားမြင်လေ၏။ ထိုသားသည် အဆင်းလှကြောင်းကို အမိမြင်လျှင်၊ သုံးလပတ်လုံး ဖွက်ထားလေ၏။

ထွက် ၁၂း၂
၂ ဤလသည်%fo(a) သင်တို့၌ လဦးတည်းဟူသော၊ နှစ်စဉ်တွင် ပဌမလ ဖြစ်ရမည်။

တောလည် ၅း၂၈
၂၈ သို့မဟုတ် ထိုမိန်းမသည် မညစ်ညူး၊ စင်ကြယ်ခြင်းရှိလျှင်၊ ဘေးနှင့်လွတ်၍ ပဋိသန္ဓေယူသော အခွင့်ရှိလိမ့်မည်။

တရားသူ ၁၃း၃-၅
၃ ထာဝရဘုရား၏ ကောင်းကင်တမန်သည် ထိုမိန်းမအား ကိုယ်ထင်ရှား၍၊ သင်သည် မြုံသောကြောင့် သားမဖွားသော်လည်း၊ ယခုပဋိသန္ဓေယူ၍ သားယောက်ျားကို ဖွားမြင်လိမ့်မည်။

တရားသူ ၁၃းရ
၇ သူကလည်း၊ သင်သည် ပဋိသန္ဓေယူ၍ သားယောကျ်ားကို ဖွားမြင်လိမ့်မည်။ စပျစ်ရည်ကို မသောက်နှင့်။ သေရည်သေရက်ကို မသောက်နှင့်။ မစင်ကြယ်သော အစာကို မစားနှင့်။ အကြောင်းမူကား၊ ထိုသူငယ်သည် အမိဝမ်းထဲမှစ၍ သေသောနေ့တိုင်အောင် ဘုရားသခင်၏ နာဇရိလူ ဖြစ်ရလိမ့်မည်၊ ဟုအကျွန်ုပ်အား မိန့်မြွက်ကြောင်းကို ပြောဆိုလေ၏။ s ကောင်းကင်တမန်ပြန်လာ

ရုသ ၄း၁၃
၁၃ ဗောဇသည် ရုသကိုသိမ်း၍ စုံဘက်လျက် ဆက်ဆံသောအခါ၊ ထာဝရဘုရား၏ ကျေးဇူးတော်ကြောင့် ရုသသည်၊ ပဋိသန္ဓေ ယူ၍ သားယောက်ျားကို ဖွားမြင်လေ၏။

၁ ဓမ္မ ၁း၂၀
၂၀ ဟန္နသည် ပဋိသန္ဓေယူ၍ ကာလအချိန် စေ့သောအခါ၊ သားယောကျ်ားကို ဖွားမြင်ပြီးလျှင်၊ ထိုသားကို ထာဝရဘုရားထံ၌ ဆုတောင်းသောကြောင့်၊ ရှမွေလအမည်ဖြင့် မှည့်လေ၏။

၁ ဓမ္မ ၂း၂၁
၂၁ ထာဝရဘုရားသည် ဟန္နကို အကြည့်အရှု ကြွတော်မူသဖြင့် သူသည် ပဋိသန္ဓေယူ၍၊ သားသုံးယောက်၊ သမီးနှစ်ယောက်တို့ကို ဖွားမြင်လေ၏။ သူငယ်ရှမွေလသည် ထာဝရဘုရား ရှေ့တော်၌ ကြီးပွားသတည်း။ sဧလိသားများသည် ဆိုးသွမ်းကြ

၁ ဓမ္မ ၄း၁၉
၁၉ သူ၏ချွေးမ ဖိနဟတ်၏ မယားသည် ပဋိသန္ဓေ အရင့်အမာရှိ၍ အချိန်နီးလျက်၊ ဘုရားသခင်၏ သေတ္တာတော်သည် ရန်သူလက်သို့ ရောက်ကြောင်း၊ ယောက္ခထီးနှင့် လင်သေကြောင်းကို ကြားသောအခါ၊ ကျောကုန်း၍ သားဖွားခြင်း ဝေဒနာကို ချက်ချင်းခံရ၏။

၂ ဓမ္မ ၁၁း၅
၅ ပဋိသန္ဓေရှိသဖြင့် ဒါဝိဒ်ထံသို့ လူစေလွှတ်၍၊ ကျွန်မ၌ ပဋိသန္ဓေရှိပါ၏၊ ဟုလျှောက်စေသော်၊ sဒါဝိဒ် မိမိအပြစ်ဖုံးဖို့ ကြံစည်

၄ ဓမ္မ ၄း၁ရ
၁၇ ထိုနောက် မိန်းမသည် ပဋိသန္ဓေယူ၍ ဧလိရှဲချိန်းချက်သော အရွယ်စေ့သောအခါ သားကို ဖွားမြင်လေ၏။ s ရှုနင်မြို့သူ၏သား သေပြန်ရှင်

၁ ရာ ရး၂၃
၂၃ နောက်တဖန် မယားဆီသို့ ဝင်သဖြင့်သူသည် ပဋိသန္ဓေယူ၍ သားကိုဖွားမြင်၏။ ထိုသားကို ဗေရိယအမည်ဖြင့် မှည့်၏။ အကြောင်းမူကား၊ ကိုယ်အိမ်ထောင်၌ အမင်္ဂလာ ရောက်သတည်း။

ယောဘ ၃း၃
၃ သားယောကျ်ားကို ပဋိသန္ဓေယူပြီဟု သိတင်း ကြားပြောသောညလည်း ပျက်စီးပါစေ။

ယောဘ ၁၅း၃၅
၃၅ ထိုသူတို့သည် မကောင်းသော အကြံကို ပဋိသန္ဓေယူ၍ အနတ္တကို ဖွားတတ်ကြ၏။ သူတို့ဝမ်းထဲ၌ မုသာကို ကိုယ်ဝန်ဆောင်တတ်သည်၊ ဟုမြွက်ဆို၏။

ယောဘ ၃၈း၂၉
၂၉ ရေခဲသည် အဘယ်သူ၏ ဝမ်းထဲက ထွက်လာသနည်း။ မိုးကောင်းကင် နှင်းခဲကိုအဘယ်သူသည် ပဋိသန္ဓေပေးသနည်း။

ဆာ ရး၁၄
၁၄ ထိုသူသည် ဒုစရိုက် ဖွားသော ဝေဒနာကိုခံရ၏။ မကောင်းသော အကြံအစည်ကို ပဋိသန္ဓေယူ၍ စိတ်ပျက်ခြင်းကို ဖွားမြင်တတ်၏။

ဆာ ၅၁း၅
၅ အကျွန်ုပ်သည် မွေးစကပင် အပြစ်ပါလျက် ရှိပါ၏။ အမိဝမ်းထဲမှာ ပဋိသန္ဓေ ယူစဉ်ပင် အပြစ်စွဲပါ၏။

ဟေရှာယ ရး၁၄
၁၄ ထိုကြောင့်၊ ထာဝရဘုရားသည် ကိုယ်တော်တိုင် နိမိတ်လက္ခဏာကို သင်တို့အားပေးတော်မူမည်။ ကြည့်ရှုလော့။ အပျိုကညာသည်၊%fo(a) ပဋိသန္ဓေယူ၍၊ သားယောကျ်ားကို ဖွားမြင်လတံ့။ ထိုသားကို ဧမာနွေလအမည်ဖြင့် မှည့်ရလတံ့။

ဟေရှာယ ၈း၃
၃ ထိုနောက်မှ ငါသည် ပရောဖက်ကတော်ကို ချဉ်းသဖြင့်၊ သူသည် ပဋိသန္ဓေစွဲယူ၍ သားယောကျ်ားကို ဖွားမြင်လေ၏။ ထာဝရဘုရားကလည်း၊ ထိုသားကို မဟေရရှာလလဟာရှဗတ် ဟူသောအမည်ဖြင့် မှည့်လော။

ဟေရှာယ ၅၉း၄
၄ တရားကို အဘယ်သူမျှမရှာ၊ သစ္စာကို အဘယ်သူမျှမစောင့်၊ အနတ္တကိုကိုးစား၍ မုသာစကားကို ပြောတတ်ကြ၏။ မကောင်းသောအကြံကို ပဋိသန္ဓေယူ၍၊ အဓမ္မအမှုကို ဖွားကြ၏။

ဟေရှာယ ၆၆း၉
၉ သားဖွားမည် အကြောင်းကို ငါသည်စီရင်ပြီးမှ၊ မဖွားစေဘဲ နေရမည်လော၊ ဟုထာဝရဘုရား မေးတော်မူ၏။ ငါသည် ပဋိသန္ဓေပေးပြီးမှ၊ မဖွားနိုင်အောင် ချုပ်ထားရမည်လော၊ ဟုသင်၏ ဘုရားသခင် မေးတော်မူ၏။

ဟောရှေ ၁း၃
၃ ဟောရှေသည်သွား၍ ဒိဗလိမ်သမီး ဂေါမာကို သိမ်းပိုက်သဖြင့်၊ သူသည် ပဋိသန္ဓေယူ၍ ဟောရှေ၌ သားယောက်ျားကို ဖွားမြင်လေ၏။

ဟောရှေ ၁း၆
၆ တဖန် ပဋိသန္ဓေယူ၍ သမီးကို ဖွားမြင်လေ၏။ ထိုသမီးကို လောရုဟာမာ အမည်ဖြင့်မှည့်လော့။ အကြောင်းမူကား၊ ငါသည် ဣသရေလ အမျိုးကို နောက်တဖန်မသနား၊ မစုံမက်ဘဲ ဧကန်အမှန် ပယ်ရှင်းမည်။

ဟောရှေ ၁း၈
၈ လောရုဟာမာကို နို့ခွာသောအခါ၊ အမိသည် ပဋိသန္ဓေယူပြန်၍ သားယောက်ျားကို ဖွားမြင်လေ၏။

ဟောရှေ ၂း၅
၅ သူတို့အမိသည် ပြည်တန်ဆာဖြစ်၏။ သူတို့ကို ပဋိသန္ဓေယူသောသူသည်၊ ရှက်ဘွယ်သော အမှုကိုပြုပြီ။ သူကလည်း၊ ငါ့မုန့်၊ ငါ့ရေ၊ ငါ့သိုးမွေး၊ ငါ့ပိုက်ဆန်၊ ငါ့ဆီ၊ ငါသောက်သောအရည်တို့ကို ပေးတတ်သော ငါ့ရည်းစားများနောက်သို့ ငါလိုက်မည်၊ ဟုဆိုပြီ။

ဟောရှေ ၉း၁၁
၁၁ ဧဖရိမ်၏ဘုန်းသည်ငှက်ကဲ့သို့ပျံသွားလိမ့်မည်။ သားဖွားခြင်း၊ ကိုယ်ဝန်ဆောင်ခြင်း၊ ပဋိသန္ဓေယူခြင်းမရှိရ။

မဿဲ ၁း၁၈
၁၈ ယေရှုခရစ်သည် ဖွားမြင်ခြင်းကို ခံတော်မူသော အကြောင်းအရာဟူမူကား၊ မယ်တော်မာရိသည် ယောသပ်နှင့်စေ့စပ်၍၊%fo(a) မရှက်တင်မှီတွင် သန့်ရှင်းသော ဝိညာဉ်တော်ကြောင့် ပဋိသန္ဓေ စွဲနေ၏။

မဿဲ ၁း၂၀
၂၀ ထိုသို့ကြံစည်၍ နေစဉ်တွင် အိပ်မက်ကို မြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုး ယောသပ်၊ သင်၏ခင်ပွန်း မာရိကို ထိန်းသိမ်းရမည့် အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသော ဝိညာဉ်တော်ကြောင့် ဖြစ်၏။

မဿဲ ၁း၂၂
၂၂ ထိုအကြောင်းအရာမူကား၊ ထာဝရဘုရားသည် ပရောဖက်ဖြင့် ထားတော်မူသော ဗျာဒိတ်တော် ပြည့်စုံမည့် အကြောင်းတည်း။

လု ၁း၃၁
၃၁ သင်သည်ပဋိသန္ဓေစွဲယူ၍ သားယောက်ျားကို ဖွားမြင်လိမ့်မည်။ ထိုသားကိုယေရှုအမည်ဖြင့်မှည့်ရမည်။

လု ၁း၃၆
၃၆ ထိုမှတပါး၊ အမြုံမဟူ၍ခေါ်ဝေါ်သောသင်၏အဆွေအမျိုး ဧလိရှဗက်သည်ပဋိသန္ဓေစွဲယူ၍၊ ယခုခြောက်လအဝင်ရှိပြီ။

လု ၂း၅
၅ ထိုအခါ မာရိသည် ပဋိသန္ဓေအရင့်အမာရှိ၏။

လု ၂း၂၁
၂၁ ထိုသူငယ်အား အရေဖျားလှီးခြင်းကို ပေးရသောနေ့တည်းဟူသော ရှစ်ရက်မြောက်သော နေ့ရောက်လျှင်၊ ပဋိသန္ဓေစွဲတော်မမူမှီ ကောင်းကင်တမန် မှည့်သောယေရှုအမည်ဖြင့် မှည့်ကြ၏။

လု ၂၃း၂၉
၂၉ အကြောင်းမူကား၊ မြုံသောမိန်းမသည် မင်္ဂလာရှိ၏။ ပဋိသန္ဓေ မယူဘူးသောဝမ်းနှင့် သူငယ်မစို့ဘူးသော သားမြတ်သည် မင်္ဂလာရှိ၏၊ ဟုပြောရသော နေ့ရက်ကာလ ရောက်လိမ့်မည်။

ရော ၉း၁၀
၁၀ ထိုမျှမက၊ ရေဗက္ကသည် ငါတို့အဘဣဇာက်နှင့် စုံဘက်၍ ပဋိသန္ဓေစွဲယူသောအခါ၊

ဂလာ ၄း၅
၅ ပညတ်တရားလက်၌ ရှိသောငါတို့ကို ရွေးနှုတ်စေခြင်းငှါ၊ မိန်းမဝမ်း၌ ပဋိသန္ဓေယူ၍၊ ပညတ်တရားအောက်၌ ဖွားမြင်ရသောသားတော်ကို၊ ဘုရားသခင်သည် စေလွှတ်တော်မူ၏။

ဟေဗြဲ ၁၁း၁၁
၁၁ သူ၏ခင်ပွန်း စာရာသည်လည်း အရွယ်လွန်သောအခါ၊ ပဋိသန္ဓေ ယူနိုင်သောအခွင့်တန်ခိုးကို ယုံကြည်ခြင်းအားဖြင့် ခံရလေ၏။ အကြောင်းမူကား၊ ဂတိထားတော်မူသောသူသည် သစ္စာရှိသည်၊ ဟုစိတ်စွဲလမ်းခြင်းရှိ၏။

ယာကုပ် ၁း၁၅
၁၅ တပ်မက်သောစိတ်သည် ပဋိသန္ဓေယူ၍ ဒုစရိုက်ကို ဖွားတတ်၏။ ဒုစရိုက်သည်လည်း ပြည့်စုံလျှင် သေခြင်းကို ဖွားတတ်၏။

၁၉ အာဗြဟံသား ဣဇာက်၏အဆက်အနွယ် ဟူမူကား၊ အာဗြဟံသားကား ဣဇာက်တည်း။ ၂၀ ဣဇာက်သည် အသက် လေးဆယ်ရှိသောအခါ၊ ပါဒနာရံအရပ်သူ၊ ရှုရိအမျိုး ဗေသွေလ၏သမီး၊ ရှုရိလူ လာဗန်၏နှမ ရေဗက္ကနှင့် အိမ်ထောင်ပြုလေ၏။၂၁ ဣဇာက်သည်၊ မိမိမယားရေဗက္က မြုံသောကြောင့်၊ [B] ထာဝရဘုရားကို တောင်းပန်၍၊ ထာဝရဘုရား နားထောင်တော်မူသဖြင့်၊ သူ၏ မယားသည် ပဋိသန္ဓေ [C]စွဲယူလေ၏။ ၂၂ ဝမ်းအတွင်း၌ တည်သောသူငယ်တို့သည်၊ အချင်းချင်း တိုက်ခိုက်ကြ၏။ အမိကလည်း၊ ထိုသို့ဖြစ်၍ ငါ၌ အဘယ်အမှု ရောက်ပါလိမ့်မည်နည်း ဟုဆိုသဖြင့်၊ ထာဝရဘုရားကို မေးလျှောက်ခြင်းငှာ သွားလေ၏။ ၂၃ ထာဝရဘုရားကလည်း၊ သင်၏ဝမ်းတွင်း၌ လူမျိုးနှစ်မျိုးရှိ၏။ သင်၏ဝမ်းတွင်းထဲက ခြားနားသော လူစုနှစ်စုကို ဖွားရလိမ့်မည်။ လူတမျိုးသည် တမျိုးထက် အားကြီးလိမ့်မည်။ အကြီးသည်အငယ်၌ ကျွန်ခံရလိမ့်မည်၊ ဟုမိန့်တော်မူ၏။ ၂၄ ဖွားချိန်စေ့သောအခါ၊ သူ၏ဝမ်း၌ သားအမွှာရှိသဖြင့်၊ ၂၅ အဦးဖွားသောသားသည်၊ အမွှေးပါသော အဝတ်ကဲ့သို့ဖြစ်၍၊ တကိုယ်လုံးအဆင်းနီ၏။ သူ့ကိုဧသော ဟူသောအမည်ဖြင့် မှည့်ကြ၏။ ၂၆ ထိုနောက်မှ သူ့ညီသည်၊ အစ်ကိုဧသော၏ ဖနှောင့်ကိုကိုင်လျက် ဖွားလာ၏။ သူ့ကိုကား၊ ယာကုပ်အမည်ဖြင့် မှည့်ကြ၏။ ထိုသားနှစ်ယောက်ကို ဖွားသောအခါ၊ ဣဇာက်သည် အသက်ခြောက်ဆယ်ရှိသတည်း။ ၂၇ သူငယ်တို့သည် ကြီးပွား၍၊ ဧသောကား လိမ္မာသော တောသားမုဆိုး ဖြစ်လေ၏။ ယာကုပ်ကား တဲ၌နေတတ်၍ စိတ်ကောင်းသောသူဖြစ်၏။ ၂၈ ဣဇာက်သည်၊ ဧသောပေးသော အမဲသားကို စားလေ့ရှိသောကြောင့် သူ့ကိုချစ်၏။ ရေဗက္ကမူကား ယာကုပ်ကိုချစ်၏။

ဧသောက သားဦးအရာကို ညီယာကုပ်ထံရောင်း

၂၉ တနေ့သ၌၊ ယာကုပ်သည် စားစရာကို ချက်ပြုတ်စဉ်တွင်၊ ဧသောသည် တောမှလာ၍ မောသောကြောင့်၊ ၃၀ ယာကုပ်အား၊ ထိုနီသောစားစရာနှင့် ငါ့ကိုကျွေးပါလော့၊ ငါမောပါသည်၊ ဟုဆိုလေ၏။ ထိုကြောင့် သူ၏နာမည်ကို ဧဒုံ၊ ဟုတွင်သတည်း။ ၃၁ ယာကုပ်ကလည်း၊ ယနေ့ပင် သင်၏သားဦးအရာကို၊ ငါ့အားရောင်းပါ ဟုဆိုလျှင်၊ ၃၂ ဧသောက၊ ငါသေလုပြီ။သားဦးအရာအားဖြင့် အဘယ်အကျိုးရှိပါလိမ့်မည်နည်း ဟုဆို၏။ ၃၃ ယာကုပ်ကလည်း၊ ယနေ့ပင် ငါ့အားကျိန်ဆိုခြင်းကိုပြုပါ ဟုဆိုသော်၊ သူသည်ကျိန်ဆိုသဖြင့်၊ ယာကုပ်အား မိမိသားဦးအရာကို ရောင်းလေ၏။ ၃၄ ထိုအခါ ယာကုပ်သည်၊ မုန့်နှင့်ပဲဟင်းကို ဧသောအားပေးသဖြင့်၊ သူသည် စားသောက်ပြီးမှ ထ၍သွားလေ၏။ ထိုသို့ ဧသောသည်၊ မိမိနှင့်ဆိုင်သော သားဦးအရာကို မထီမဲ့မြင်ပြုသတည်း။