၁ သင်၏ ဘုရားသခင် ထာဝရဘုရားသည်၊ သင်သွား၍ ဝင်စားလတံ့သောပြည်သို့ သင့်ကို ဆောင်သွင်းလျက်၊ ဟိတ္တိလူ၊ ဂိရဂါရှိလူ၊ အာမောရိလူ၊ ခါနာနိလူ၊ ဖေရဇိလူ၊ ဟိဝိလူ၊ ယေဗုသိလူ တည်းဟူသော၊ သင့်ထက် ကြီးမြင့်များပြားသော လူမျိုး ခုနစ်မျိုးတို့ကို သင့်ထံက နှင်ထုတ်၍၊ ၂ တဖန် သင့်လက်၌ အပ်တော်မူသောအခါ၊ သူတို့ကို လုပ်ကြံ၍ အကုန်အစင် သုတ်သင် ပယ်ရှင်းရမည်။ သူတို့နှင့် မိဿဟာယမဖွဲ့ရ၊ ကရုဏာကို မပြရ။ ၃ သူတို့နှင့် စုံဘက်ခြင်းကို မပြုရ။ သင်၏ သမီးကို သူ၏ သားနှင့်၎င်း၊ သင်၏သားကို သူ၏သမီးနှင့်၎င်း ထိမ်းမြားပေးစားခြင်းကို မပြုရ။ ၄ အကြောင်းမူကား၊ သူတို့သည် သင်၏သားကို ငါ၌ မဆည်းမကပ်စေဘဲ၊ အခြားတစ်ပါးသော ဘုရားအား ဝတ်ပြုစေခြင်းငှာ သွေးဆောင်ကြလိမ့်မည်။ ထိုအခါ အမျက်ထွက်၍ သင်တို့ကို ချက်ခြင်း ဖျက်ဆီးတော်မူလိမ့်မည်။ ၅ သို့ဖြစ်၍၊ သူတို့၌ အဘယ်သို့ ပြုရမည်နည်းဟူမူကား၊ သူတို့ ယဇ်ပလ္လင်များကို ဖျက်ရမည်။ ရုပ်တုများကို ဖြိုချရမည်၊ အာရှရပင်များကို ခုတ်လှဲရမည်။ ထုသော ရုပ်တုဆင်းတုများကို မီးရှို့ရမည်။ ၆ အကြောင်းမူကား၊ သင်သည် သင်၏ ဘုရားသခင် ထာဝရဘုရားအဖို့ သန့်ရှင်းသော အမျိုးဖြစ်၏။ [A]မြေကြီးပေါ်မှာ ရှိသမျှသော လူမျိုးထက် သင်၏ ဘုရားသခင် ထာဝရဘုရား ပိုင်ထိုက်သောအမျိုး ဖြစ်စေခြင်းငှာ၊ သင့်ကို ရွေးချယ်တော်မူပြီ။

မှန်သော ဘုရား သစ္စာစောင့်သောဘုရား

CROSS REFERENCES

တရားဟော ၄း၃၇

တရားဟော ၁၀း၁၅

တရားဟော ၃၃း၃

ဟေရှာ ၅၄း၁၀

ယေရမိအ ၂း၂

တရားဟော ၄း၃၇
၃၇ သင်တို့ ဘိုးဘေးများကို ချစ်တော်မူသောကြောင့်၊ သူတို့အမျိုးအနွယ်ကို ရွေးကောက်တော်မူပြီ။

တရားဟော ၁၀း၁၅
၁၅ သို့ရာတွင် ထာဝရဘုရားသည် သင်၏ဘိုးဘေးတို့ကို ချစ်ခင်မြတ်နိုး၍၊ ယနေ့ရှိသကဲ့သို့၊ သူတို့ အမျိုးအနွယ် တည်းဟူသော သင့်ကို၊ အခြားသော လူမျိုးတကာတို့တွင် ရွေးကောက်တော်မူ၏။

တရားဟော ၃၃း၃
၃ အကယ်စင်စစ် ထိုလူမျိုးကို ချစ်တော်မူ၏။ မိမိသန့်ရှင်းသူ အပေါင်းတို့သည် အထံတော်ပါးတွင် ရှိကြ၏။ သူတို့သည် ခြေတော်ရင်း၌ ပြပ်ဝပ်၍ စကားတော်တို့ကို နားခံကြလေ၏။

ဟေရှာ ၅၄း၁၀
၁၀ တောင်ကြီးတို့သည်ရွေ့၍၊ တောင်ငယ်တို့သည် လှုပ်ရှားသော်လည်း၊ ငါ၏မေတ္တာသည် သင်မှမရွေ့ရ။ ငါ၏ငြိမ်သက်ခြင်း ပဋိညာဉ်လည်း မလှုပ်ရှားရ၊ ဟုသင်၌ သနားခြင်း ကရုဏာစိတ် ရှိတော်မူသော ထာဝရဘုရား မိန့်တော်မူ၏၊၊ sဘုရားက ကြည့်ရှုပြုစုမည်

ယေရမိအ ၂း၂
၂ အော်ဟစ်ရမည့်အရာဟူမူကား၊ ထာဝရဘုရားက၊ လယ်မလုပ်သော တောအရပ်၌ သင်သည် ငါ့နောက်သို့ လိုက်သောအခါ၊ အသက်အရွယ်နုငယ်၍ ခံရသောကျေးဇူးကို၎င်း၊ ထိမ်းမြားပေးစားခြင်းနှင့် ယှဉ်သော ချစ်ခြင်းမေတ္တာကို၎င်း၊ ငါအောက်မေ့၏။

၇ သင်သည် အခြားသော လူမျိုးထက်သာ၍ များသောကြောင့်၊ ထာဝရဘုရားသည် သင့်ကိုချစ်၍ ရွေးချယ်တော်မူသည် မဟုတ်။ သင်သည် အခြားသော လူမျိုးတကာတို့ထက် သာ၍နည်း၏။ ၈ ထာဝရဘုရားသည် သင့်ကို ချစ်သောကြောင့်၎င်း၊ [B] သင်၏ဘိုးဘေးတို့အား ကျိန်ဆိုတော်မူသော အကျိန်ကို မဖျက်လိုသောကြောင့်၎င်း၊ ကျွန်ခံနေရာ အဲဂုတ္တုပြည်ကို အစိုးရသော ဖာရောဘုရင်လက်မှ အားကြီးသော လက်တော်နှင့် သင့်ကို ရွေးနှုတ် ဆောင်ယူခဲ့တော်မူပြီ။ ၉ သို့ဖြစ်၍ သင်၏ ဘုရားသခင် ထာဝရဘုရားသည် မှန်သောဘုရား၊ သစ္စာစောင့်သော ဘုရား၊ ကိုယ်တော်ကို ချစ်၍ ပညတ်တော်တို့ကို စောင့်ရှောက်သော သူတို့၏ အမျိုး အစဉ်အဆက် အထောင် အသောင်းတိုင်အောင် ပဋိညာဉ်စကားတည်၍ ကရုဏာကို ပြသောဘုရား၊ ၁၀ ကိုယ်တော်ကို မုန်းသောသူတို့ကို ဖျက်ဆီးခြင်းငှာ၊ သူတို့မျက်မှောက်၌ အပြစ်ပေးသော ဘုရား ဖြစ်တော်မူကြောင်းကို သိမှတ်လော့။ ကိုယ်တော်ကို မုန်းသောသူတို့ကို အားမနာဘဲ၊ သူတို့ မျက်မှောက်၌ အပြစ်ပေးတော်မူမည်။ ၁၁ သို့ဖြစ်၍ ယနေ့ ငါထားသော စီရင်ထုံးဖွဲ့ချက်၊ ပညတ်တရားတို့ကို ကျင့်အံ့သောငှာ စောင့်ရှောက်ရမည်။

ပညတ်တို့ကို ကျင့်ဆောင်နားထောင်လျှင်

၁၂ ထိုပညတ်တို့ကို သင်သည် ကျင့်ဆောင်အံ့သောငှာ နားထောင်လျှင်၊ သင်၏ ဘုရားသခင် ထာဝရဘုရားသည် သင်၏ ဘိုးဘေးတို့အား ကျိန်ဆိုတော်မူသော ပဋိညာဉ်နှင့် ကရုဏာတော်ကို စောင့်တော်မူမည်။ ၁၃ သင့်ကို ချစ်သဖြင့် ကောင်းကြီးပေး၍ များပြားစေတော်မူမည်။ သင့်အား ပေးခြင်းငှာ၊ သင်၏ ဘိုးဘေးတို့အား ကျိန်ဆိုတော်မူသော ပြည်၌ သင်ဖွားမြင်သော သားတို့ကို၎င်း၊ သင်၏ မြေအသီးအနှံ၊ စပါး၊ စပျစ်ရည်၊ ဆီ၊ နွား၊ အစီးအပွား၊ သိုးစုတို့ကို၎င်း ကောင်းကြီး ပေးတော်မူမည်။ ၁၄ သင်သည် လူမျိုးတကာတို့ ထက်သာ၍ ကောင်းကြီး ခံရသောသူဖြစ်၍၊ သင်၌ မြုံသော ယောက်ကျား မိန်းမတစ်ယောက်မျှ၊ တိရစ္ဆာန်တွင် မြုံသော အထီးအမ တစ်ကောင်မျှမရှိရ။ ၁၅ ထာဝရဘုရားသည်လည်း၊ အနာရောဂါရှိသမျှတို့ကို သင့်ဆီက ပယ်ရှား၍၊ သင်သိသော အဲဂုတ္တပြည်၏ အနာဆိုးကိုသင်၌ စွဲစေတော်မမူ။ သင့်ကို မုန်းသောသူ အပေါင်းတို့၌ စွဲစေတော်မူမည်။

ရုပ်တုကိုးကွယ်သူများကို ဖျက်ဆီးရမည်

CROSS REFERENCES

ထွက် ၂၃း၂၈

ယောရှု ၂၄း၁၂

ထွက် ၂၃း၂၈
၂၈ ပျားတူများကိုလည်း သင့်ရှေ့သို့ ငါစေလွှတ်၍၊ သူတို့သည် ဟိဝိလူ၊ ခါနနိလူ၊ ဟိတ္တိလူတို့ကို သင့်ရှေ့မှာ နှင်ထုတ်ကြလိမ့်မည်။

ယောရှု ၂၄း၁၂
၁၂ သင်တို့၌ ဓားနှင့်လေးမပါဘဲ၊ သင်တို့ရှေ့မှာ ပျားတူကို ငါစေလွှတ်၍၊ အာမောရိမင်းကြီး နှစ်ပါးကို သင်တို့ရှေ့မှ ငါနှင်ထုတ်လေ၏။

CROSS REFERENCES

တရားဟော ၁၁း၃၁

တရားဟော ၁၁း၃၁
၃၁ သင်တို့၏ ဘုရားသခင် ထာဝရဘုရား ပေးတော်မူသော ပြည်ကို ဝင်စားခြင်းငှာ၊ ယော်ဒန်မြစ် တဘက်သို့ ကူးသွား၍၊ ထိုပြည်ကို ဝင်စားလျက် နေရကြမည်။ ယနေ့ ငါထားသမျှသော စီရင်ထုံးဖွဲ့ချက်တို့ကို ကျင့်အံ့သောငှာ စောင့်ရှောက်ရကြမည်။

၁၆ သင်၏ ဘုရားသခင် ထာဝရဘုရားသည် သင်၌ အပ်ပေးတော်မူသော လူမျိုးအပေါင်းကို ဖျက်ဆီးရမည်။ သင်၏ မျက်စိသည် သူတို့ကို မသနားရ။ သူတို့ဘုရားအား ဝတ်မပြုရ။ ဝတ်ပြုလျှင်၊ ထိမိ၍ လဲစရာ အကြောင်း ဖြစ်လိမ့်မည်။ ၁၇ ထိုလူမျိုးတို့သည် ငါ့ထက်သာ၍ များ၏။ ငါသည် သူတို့ကို အဘယ်သို့ နှင်ထုတ်နိုင်မည်နည်း၊ ဟုသင်သည် စိတ်ထဲမှာ အောက်မေ့လျက်၊ ၁၈ သူတို့ကို မကြောက်ရ။ သင်၏ ဘုရားသခင် ထာဝရဘုရားသည် ဖာရောဘုရင်နှင့် အဲဂုတ္တုပြည် တပြည်လုံး၌ ပြုတော်မူသောအမှုကို၎င်း၊ ၁၉ ကိုယ်တိုင်မြင်၍ ကြီးစွာသော စုံစမ်းခြင်းတို့ကို၎င်း၊ သင်၏ ဘုရားသခင် ထာဝရဘုရားသည် သင့်ကို နှုတ်ဆက်သောအခါ၊ ပြတော်မူသော နိမိတ်လက္ခဏာ အံ့ဘွယ်သော အမှုတို့ကို၎င်း၊ အားကြီးသော လက်ရုံးတော်ကို ဆန့်တော်မူခြင်းကို၎င်း၊ စေ့စေ့ အောက်မေ့ရမည်။ ထိုနည်းတူ၊ သင်ကြောက်တတ်သော လူမျိုးရှိသမျှတို့၌ သင်၏ ဘုရားသခင် ထာဝရဘုရား ပြုတော်မူမည်။ ၂၀ ထိုမှတပါး၊ ကျန်ကြွင်း၍ ပုန်းရှောင်လျက် နေသောသူတို့သည် မပျက်စီးမှီတိုင်အောင်၊ သင်၏ ဘုရားသခင် ထာဝရဘုရားသည် ပျားတူများကို သူတို့တွင် စေလွှတ်တော်မူမည်။ [C]၂၁ သူတို့ကြောင့် ထိတ်လန့်ခြင်း မရှိရ။ အကြောင်းမူကား၊ တန်ခိုးကြီး၍ ကြောက်မက်ဖွယ်သော သင်၏ဘုရားသခင် ထာဝရဘုရားသည် သင်တို့တွင် ရှိတော်မူ၏။ ၂၂ သင်၏ ဘုရားသခင်ထာဝရဘုရားသည် ထိုလူမျိုးတို့ကို သင့်ထံက တရွေ့ရွေ့ နှင်ထုတ်တော်မူလိမ့်မည်။ တောသားရဲတို့သည် သင့်တဘက်၌ များပြားမည်ကိုစိုးရိမ်၍၊ သူတို့ကို ချက်ခြင်း မပယ်မရှားသင့်။ ၂၃ သို့ရာတွင် သင်၏ ဘုရားသခင် ထာဝရဘုရားသည် သူတို့ကို သင်၌ အပ်၍၊ သူတို့မပျက်စီး မှီတိုင်အောင်၊ ကြီးစွာသော ပျက်စီးခြင်းကို စီရင်တော်မူမည်။ ၂၄ သူတို့ ရှင်ဘုရင်များကိုလည်း သင့်လက်၌ အပ်တော်မူသဖြင့်၊ [D] သူတို့ ဘွဲ့နာမကိုပင် ကောင်းကင်အောက်မှာ ပယ်ရှင်းရမည်။ သူတို့ကို မဖျက်ဆီးမှီတိုင်အောင် သင့်ရှေ့မှာအဘယ်သူမျှ မရပ်မနေနိုင်ရာ။

ရုပ်တုကိုးကွယ်သူများ၏ ရွှေငွေမယူရ

၂၅ သူတို့ထုသော ရုပ်တုဆင်းတုဘုရားများကို မီးရှို့ရမည်။ ရုပ်တုဆင်းတု၌ ပါသောရွှေငွေကို မတပ်မက်ရ၊ မသိမ်းမယူရ၊ ယူလျှင်အပြစ်ရောက်မည်၊ ဟုစိုးရိမ်စရာရှိ၏။ သင်၏ ဘုရားသခင် ထာဝရဘုရားသည် စက်ဆုပ်ရွံရှာတော်မူ၏။ ၂၆ စက်ဆုပ်ရွံရှာဘွယ်သောအရာကို သင့်အိမ်ထဲသို့ မသွင်းရ။ သွင်းလျှင်၊ သင်သည် ထိုအရာကဲ့သို့ ကျိန်အပ်သောအရာ ဖြစ်မည်၊ ဟုစိုးရိမ်စရာရှိ၏။ ထိုသို့သောအရာကို သင်သည် အကြွင်းမဲ့ စက်ဆုပ်ရွံရှာရမည်။ ကျိန်အပ်သော အရာပင် ဖြစ်ပေ၏။