တရားဟောရာကျမ်း

အခန်းကြီး ၁၈

လေဝိသားတို့၏ အမွေသည် ထာ၀ရဘုရားဖြစ်

CROSS REFERENCES

တရားဟော ၁၀း၁၁
၁၁ ထိုကြောင့် လေဝိသားတို့သည် ညီအစ်ကိုတို့နှင့်ရော၍ အဘို့ကိုမပိုင်၊ အမွေကိုမခံရ။ သင်၏ ဘုရားသခင် ထာဝရဘုရား ဂတိတော်ရှိသည်အတိုင်း၊ ထာဝရဘုရားသည် သူတို့ခံရသော အမွေဖြစ်တော်မူ၏။ sစိတ်နှလုံး အရေဖျားလှီးလော့။ လည်ပင်းမခိုင်မာစေနှင့်

၁ လေဝိသား ယဇ်ပုရောဟိတ် အစရှိသော လေဝိသား အပေါင်းတို့သည်၊ ဣသရေလ အမျိုးသားတို့နှင့် ရော၍ အဖို့မရှိ အမွေမခံရဘဲ၊ ထာဝရဘုရား၏ အမွေတည်းဟူသော မီးဖြင့်ပြုသော ပူဇော်သက္ကာတို့ကို စားရကြမည်။ ၂ ထို့ကြောင့်၊ သူတို့သည် ညီအစ်ကိုများနှင့်အတူ အမွေ မခံရကြ။ ထာဝရဘုရားသည် အမိန့်တော် ရှိသည်အတိုင်း သူတို့၏ အမွေဖြစ်တော်မူ၏။ [A] ၃ လူတို့သည် ယဇ်ပူဇော်သောအခါ၊ နွားဖြစ်စေ၊ သိုးဖြစ်စေ၊ ယဇ်ပုရောဟိတ် ခံရသောအဖို့ ပခုံးတဘက်၊ ပါးနှစ်ဘက်၊ အအူများကို၎င်း၊၄ အဦးသိမ်းသော စပါး၊ စပျစ်ရည်၊ ဆီ၊ သိုးမွေးကို၎င်း လှူရမည်။ ၅ အကြောင်းမူကား၊ သူမှစ၍ သားစဉ် မြေးဆက်တို့သည် ထာဝရဘုရား အခွင့်နှင့် အမှုတော်ကို အစဉ် ဆောင်ရွက်စေခြင်းငှာ၊ သင်၏ ဘုရားသခင် ထာဝရဘုရားသည်၊ သင်၏ အမျိုးအနွယ် အပေါင်းတို့တွင် သူ့ကို ရွေးကောက်တော်မူပြီ။ ၆ ဣသရေလ မြို့ရွာတို့၌ တည်းခိုသော လေဝိသား တစ်စုံတစ်ယောက်သည်၊ ထာဝရဘုရား ရွေးကောက် တော်မူသော အရပ်ကို ကြည်ညိုသော စိတ်အားကြီး၍ ရောက်လာလျှင်၊ ၇ ထာဝရဘုရား ရှေ့တော်၌ နေရာရသော ညီအစ်ကို လေဝိသား အပေါင်းတို့ နည်းတူ၊ သူ၏ ဘုရားသခင် ထာဝရဘုရား အခွင့်နှင့် အမှုတော်ကို ဆောင်ရွက်ရမည်။ ၈ သူ၏ အမွေကိုရောင်း၍ ရသောဥစ္စာ မှတပါး၊ လေဝိသားများတို့ နှင့်အတူ အညီအမျှ ခံရမည်။

စက်ဆုပ်ရွံရှာဘွယ်အမှုများ မပြုလုပ်ရ

၉ သင်၏ ဘုရားသခင် ထာဝရဘုရား ပေးတော်မူသော ပြည်သို့ သင်သည် ဝင်စားသောအခါ၊ ထိုပြည်၌ နေသောလူမျိုးတို့ ပြုတတ်သော စက်ဆုပ် ရွံရှာဘွယ်အမှုတို့ကို ပြုခြင်းငှာ မသင်ရ။ ၁၀ သင်တို့တွင် မိမိ သားသမီးကို မီးဖြင့် ပူဇော်သောသူ၊ ဖြစ်လတံ့သော အမှုကို ကိုယ်ဥာဏ်နှင့် ဟောပြောသောသူ၊ ကာလဗေဒင်ကို ကြည့်သောသူ၊ မကောင်းသော အတတ်ကို ပြုစုသောသူ၊ ၁၁ ပြုစားတတ်သောသူ၊ နတ်ဆိုးနှင့် ပေါင်းသောသူ၊ ဝိဇ္ဇာအတတ်ကို ပြုစုသောသူ၊ လူသေကို မေးမြန်းသောသူ တစ်စုံတစ်ယောက်မျှ မရှိရ။ ၁၂ ထိုသို့ပြုတတ်သောသူ အပေါင်းတို့ကို ထာဝရဘုရား စက်ဆုပ်ရွံရှာတော်မူ၏။ ထိုစက်ဆုပ် ရွံရှာဘွယ်သော အမှုများတို့ကြောင့် သင်၏ ဘုရားသခင် ထာဝရဘုရားသည်၊ ထိုလူမျိုးတို့ကို သင့်ရှေ့မှ နှင်ထုတ်တော်မူ၏။ ၁၃ သင်သည်၊ သင်၏ ဘုရားသခင် ထာဝရဘုရား ရှေ့တော်၌ စုံလင်ခြင်း ရှိရမည်။ ၁၄ သင် အစိုးရအံ့သော လူမျိုးတို့သည်၊ ကာလဗေဒင်ကို ကြည့်သောသူ၊ ဖြစ်လတံ့သော အမှုကို၊ ကိုယ်ဥာဏ်အားဖြင့် ဟောပြောသောသူတို့ စကားကို နားထောင်တတ်ကြ၏။ သင်မူကား ထို့သို့ပြုရအောင် သင်၏ ဘုရားသခင် ထာဝရဘုရားသည် အခွင့်ပေးတော်မမူ။

မောရှေနှင့်တူသော ပရောဖက်ပေါ်စေမည်

CROSS REFERENCES

မဿဲ ၂၁း၁၁
၁၁ လူအစုအဝေးတို့က၊ ဤသူသည် ဂါလိလဲပြည် နာဇရက်မြို့၌ ပေါ်ထွန်းသော ပရောဖက် ယေရှုပေတည်း၊ ဟုပြောဆိုကြ၏။ s ဗိမာန်တော်ရှင်း

လု ၂း၂၅-၃၄
၂၅ ထိုအခါ ရှုမောင်အမည်ရှိသော သူတယောက်သည်၊ ယေရုရှလင်မြို့၌ ရှိ၏။ ထိုသူသည် ဖြောင့်မတ်သောသူ၊ တရားကို ရိုသေသောသူ၊ ဣသရေလအမျိုး၏ သက်သာခြင်း အကြောင်းကို မြော်လင့်သောသူဖြစ်၏။ သန့်ရှင်းသော ဝိညာဉ်တော်သည်၊ သူ့အပေါ်၌ တည်သည်ဖြစ်၍၊

လု ရး၁၆
၁၆ လူအပေါင်းတို့သည် ကြောက်ရွံ့ခြင်းသို့ ရောက်၍၊ ကြီးစွာသော ပရောဖက်သည် ငါတို့တွင်ပေါ်ထွန်းပြီ။ ဘုရားသခင်သည် မိမိလူမျိုးကို အကြည့်အရှု ကြွလာတော်မူပြီဟူ၍၊ ဘုရားသခင်၏ ဂုဏ်တော်ကို ချီးမွမ်းကြ၏။

လု ၂၄း၁၉
၁၉ ကိုယ်တော်ကလည်း၊ အဘယ် အကြောင်းအရာနည်း၊ ဟုမေးတော်မူလျှင်၊ ထိုသူတို့က၊ နာဇရက်မြို့သား ယေရှု၏အကြောင်းအရာ ပေတည်း။ ထိုသူသည် ဘုရားသခင်ရှေ့၊ လူအပေါင်းတို့ရှေ့မှာ၊ နှုတ်သတ္တိ၊ လက်သတ္တိနှင့် ပြည့်စုံသော ပရောဖက်ဖြစ်၏။

ယောဟန် ၁း၂၁
၂၁ ထိုသူတို့ကလည်း၊ သို့ဖြစ်လျှင် သင်သည်အဘယ်သူနည်း။ ဧလိယဖြစ်သလော၊ ဟုမေးပြန်၏။ ယောဟန်က၊ ငါသည်ဧလိယမဟုတ်၊ ဟုဆို၏။ ဤမည်သော ပရောဖက်ဖြစ်သလော၊ ဟုမေးပြန်လျှင်၊ မဟုတ်၊ ဟုဆိုပြန်၏။

ယောဟန် ၄း၁၉
၁၉ ထိုမိန်းမကလည်းသခင်၊ ကိုယ်တော်သည် ပရောဖက်ဖြစ်သည်ကို အကျွန်ုပ်ရိပ်မိပါ၏။

တမန် ၃း၂၂
၂၂ ငါတို့ ဘိုးဘေးများတို့အားလည်း မောရှေက၊ သင်တို့၏ ဘုရားသခင် ထာဝရ ဘုရားသည်၊ သင်တို့အမျိုးသားချင်းတို့ထဲ၌ ငါနှင့်တူသော ပရောဖက်တပါးကို သင်တို့အဘို့ ပေါ်ထွန်းစေတော်မူမည်။ ထိုပရောဖက်ဟော ပြောသမျှသောအရာတို့ကို သင်တို့သည် နားထောင်ရကြမည်။

တမန် ရး၃ရ
၃၇ သင်တို့၏ ဘုရားသခင် ထာဝရဘုရားသည်၊ သင်တို့ အမျိုးသားချင်းတို့အထဲ၌၊ ငါနှင့်တူသော ပရောဖက်တပါးကို သင်တို့အဘို့ ပေါ်ထွန်းစေတော်မူမည်။ ထိုပရောဖက်၏ စကားကို နားထောင်ရကြမည်၊ ဟုဣသရေလ အမျိုးသားတို့အား ပြောဆိုသောသူကား အခြားသူမဟုတ်၊ ထိုမောရှေပင်ဖြစ်သတည်း။

၁၅ သင်၏ ဘုရားသခင် ထာဝရဘုရားသည်၊ သင်၏ အမျိုးသားချင်းတို့ အထဲ၌ ငါနှင့်တူသော ပရောဖက်တစ်ပါးကို သင့်အဖို့ ပေါ် ထွန်းစေတော်မူမည်။ [B]ထိုပရောဖက်၏ စကားကို နားထောင်ရမည်။ ၁၆ ဟောရပ်အရပ်တွင် စည်းဝေးကြသောနေ့၌ သင်က၊ နောက်တဖန် အကျွန်ုပ် ဘုရားသခင် ထာဝရဘုရား၏ စကားတော် အသံကို မကြားရပါစေနှင့်။ ထိုကြီးစွာသော မီးကို မမြင်ရပါစေနှင့်။ အကျွန်ုပ် သေမည်ကို စိုးရိမ်ပါသည်၊ ဟုသင်၏ ဘုရားသခင် ထာဝရဘုရား ရှေ့တော်၌ တောင်းပန်သမျှ အတိုင်း၊ ၁၇ ထာဝရဘုရားက သူတို့စကားသည် လျောက်ပတ်ပေ၏။ ၁၈ သူတို့ အမျိုးသားခြင်းတို့ အထဲ၌ သင်နှင့်တူသော ပရောဖက် တစ်ပါးကို သူတို့အဖို့ ငါပေါ်ထွန်းစေ၍၊ ထိုပရောဖက်နှုတ်၌ ငါ့စကားကို ငါအပ်သဖြင့်၊ ငါမှာထားသမျှတို့ကို သူတို့အား ဆင့်ဆိုရလိမ့်မည်။ ၁၉ ထိုပရောဖက်သည် ငါ့အခွင့်နှင့် ဟောပြောသော ငါ့စကားတို့ကို အကြင်သူသည် နားမထောင်ဘဲ နေအံ့၊ ထိုသူကို ငါစစ်ကြောမည်။

ပရောဖက်အတုကို သတ်ရမည်

၂၀ ငါမမှာထားဘဲ ငါ့အခွင့်ကို ဆောင်၍ ရဲရင့်စွာ ဟောပြောသော ပရောဖက်၊ အခြားတစ်ပါးသော ဘုရားအခွင့်နှင့် ဟောပြောသော ပရောဖက်သည် အသေသတ်ခြင်းကို ခံရမည်၊ ဟုငါ့အားမိန့်တော်မူ၏။ ၂၁ သင်ကလည်း ထာဝရဘုရား မိန့်တော်မူသည် မမူသည်ကို ငါတို့သည် အဘယ်သို့ သိနိုင်သနည်း၊ ဟုတွေးတောလျှင်၊ ၂၂ ပရောဖက်သည် ထာဝရဘုရား၏ အခွင့်ကို ဆောင်၍ ဟောပြောသည်အတိုင်း အမှုမဖြစ်၊ ဟောပြောသော စကား မပြည့်စုံလျှင်၊ ထိုစကားကို ထာဝရဘုရား မိန့်တော်မမူ။ ပရောဖက်သည် ရဲရင့်စွာ ဟောပြောပြီ။ သူ့ကို မကြောက်ရ။