၁ သို့ဖြစ်၍ သင်သည် သင်၏ ဘုရားသခင် ထာဝရဘုရားကို ချစ်ရမည်၊ [A] စီရင်ထုံးဖွဲ့တော်မူချက်၊ မှာထားတော်မူသော ပညတ်တော်တို့ကို အစဉ် စောင့်ရှောက်ရမည်။ ၂ သင်၏ ဘုရားသခင် ထာဝရဘုရား ဆုံးမတော်မူခြင်းကို၎င်း၊ ဘုန်းအာနုဘော် တော်ကို၎င်း၊ အားကြီးသော လက်ရုံး ဆန့်တော်မူခြင်းကို၎င်း၊ ၃ ထူးဆန်းသော တန်ခိုးတော်ကို၎င်း၊ အဲဂုတ္တုပြည်၌၊ အဲဂုတ္တု ရှင်ဘုရင် ဖာရောမင်းနှင့် ပြည်သူ ပြည်သားများတို့အား ပြုတော်မူသော အမှုကို၎င်း၊ ၄ အဲဂုတ္တုစစ်သူရဲ အလုံးအရင်း တည်းဟူသော မြင်းစီးသူရဲ၊ ရထားစီးသူရဲတို့အား ပြုတော်မူသော အမှုကို၎င်း၊ သင်တို့ကို လိုက်သောသူတို့ကို ပင်လယ်နီ ရေလွှမ်းမိုးစေ၍၊ [B] ယနေ့တိုင်အောင် ဖျက်ဆီးတော်မူကြောင်းကို၎င်း၊ ၅ ဤအရပ်သို့ မရောက်မှီ၊ တော၌ လှည့်လည်စဉ်တွင် သင်တို့အား ပြုတော်မူသော အမှုကို၎င်း၊ ၆ ရုဗင်အမျိုး၊ ဧလျာဘသား ဒါသန်နှင့် အဘိရံတို့အား ပြုတော်မူသောအမှုကို၎င်း၊ မြေကြီးသည် မိမိခံတွင်းကိုဖွင့်၍ သူတို့နှင့် အိမ်သူအိမ်သားများ၊ တဲများ၊ သူတို့၌ ရတတ်သမျှသော ဥစ္စာပစ္စည်းများကို၊ ဣသရေလ အမျိုးသားတို့ အလယ်၌၊ မျိုကြောင်းကို၎င်း၊ [C] မသိမမြင်သော သင်တို့၏သားသမီးတို့အား ငါမပြော၊ သင်တို့ကိုယ်တိုင် သိမှတ်ကြလော့။ ၇ ထာဝဘုရား ပြုတော်မူသော အမှုကြီး အလုံးစုံတို့ကို သင်တို့သည် ကိုယ်တိုင်မြင်ကြပြီ။

ထာ၀ရဘုရား တစ်နှစ်ပတ်လုံး ကြည့်ရှုသောပြည်

CROSS REFERENCES

ထွက် ၃း၈

ထွက် ၃း၁ရ

ထွက် ၃း၈
၈ သူတို့ကို အဲဂုတ္တုပြည်၊ အဲဂုတ္တုလူတို့လက်မှ ကယ်နှုတ်၍၊ ခါနနိလူ၊ ဟိတ္တိလူ၊ အာမောရိလူ၊ ဖေရဇိလူ၊ ဟိဝိလူ၊ ယေဗုသိလူတို့နေရာ နို့နှင့်ပျားရည် စီးတတ်သောပြည်သို့ ပို့ဆောင်ခြင်းငှာ ငါဆင်းလာပြီ။

ထွက် ၃း၁ရ
၁၇ အဲဂုတ္တုပြည်၌ ခံရသောဒုက္ခထဲက သင်တို့ကိုငါနှုတ်၍၊ ခါနနိလူ၊ ဟိတ္တိလူ၊ အာမောရိလူ၊ ဖေရဇိလူ၊ ဟိဝိလူ၊ ယေဗုသိလူတို့ နေရာ၊ နို့နှင့်ပျားရည်စီးတတ်သောပြည်သို့ပို့ဆောင်မည်၊ ငါကတိရှိသည်၊ ဟုမိန့်တော်မူပြီ၊ ဟုသူတို့အား ပြောလော့။ sဣသရေလလူတို့သည် ကြွယ်၀စွာ ထွက်သွားကြမည်

ထွက် ၁၃း၅
၅ သင်တို့အား ပေးခြင်းငှာ ဘိုးဘေးများ၌ ထာဝရဘုရား ကျိန်ဆိုတော်မူသောပြည်၊ ခါနနိလူ၊ တိတ္တိလူ၊ အာမောရိလူ၊ ဟိဝိလူ၊ ယေဗုသိလူတို့ နေရာတည်းဟူသော နို့နှင့်ပျားရည်စီးသော ပြည်သို့ပို့ဆောင်တော်မူပြီးမှ၊ ယခုလတွင် သင်တို့သည် ဤဝတ်ကို ပြုရကြမည်။

ထွက် ၃၃း၃
၃ နို့နှင့်ပျားရည်စီးသောပြည်သို့ သင်တို့ကို ပို့ဆောင်လိမ့်မည်။ သင်တို့နှင့်အတူ ငါကိုယ်တိုင်မသွား။ သင်တို့သည် လည်ပင်းခိုင်မာသောလူမျိုး ဖြစ်သောကြောင့်၊ လမ်း၌ သွားစဉ် သင်တို့ကို ငါဖျက်ဆီးမည် စိုးရိမ်စရာရှိသည်၊ ဟုမောရှေအား မိန့်တော်မူ၏။

တောလည် ၁၃း၂ရ
၂၇ မောရှေအားလည်း၊ အကျွန်ုပ်တို့သည် ကိုယ်တော် စေလွှတ်သော ပြည်သို့ ရောက်ခဲ့ပါပြီ။ အကယ်စင်စစ် ထိုပြည်သည် နို့နှင့်ပျားရည် စီးသောပြည် ဖြစ်ပါ၏။ ဤအသီးတို့ကား ထိုပြည်၌ သီးသော အသီးဖြစ်ပါ၏။

တောလည် ၁၄း၈
၈ ထာဝရဘုရားသည် ငါတို့ကို နှစ်သက်လျှင်၊ နို့နှင့်ပျားရည်စီးသောထိုပြည်သို့ ငါတို့ကို ဆောင်သွင်း၍ အပိုင်ပေးတော်မူလိမ့်မည်။

တောလည် ၁၆း၁၃-၁၄
၁၃ သင်သည် ဤတော၌ ငါတို့ကို သတ်လိုလျှင် နို့နှင့်ပျားရည်စီးသောပြည် မှဆောင်ခဲ့သော်လည်း၊ ငါတို့အပေါ်၌ လုံးလုံးမင်း မပြုလျှင်၊ စိတ်မပြေသေးသည်တကား။

ဝတ်ပြု ၂၀း၂၄
၂၄ သူတို့ပြည် တည်းဟူသော နို့နှင့်ပျားရည်စီးသောပြည် ကိုသင်တို့သည် အမွေခံစေခြင်းငှာ ငါအပိုင်ပေးမည်၊ ဟုငါ့အမိန့်တော်ရှိပြီ။ ငါသည် သင်တို့ကို အခြားသော အမျိုးနှင့်ခွဲထားသော သင်တို့ ဘုရားသခင် ထာဝရဘုရားဖြစ်၏။

တရားဟော ၆း၃
၃ အိုဣသရေလအမျိုး၊ ဘိုးဘေးတို့၏ ဘုရားသခင် ထာဝရဘုရား ကတိတော်ရှိသည်အတိုင်း၊ သင်သည် နို့နှင့်ပျားရည်စီးသောပြည်၌ ချမ်းသာရ၍ အလွန်ပွားများမည် အကြောင်း နားထောင်လော့။ သတိနှင့်ကျင့်စောင့်လော့။

တရားဟော ၁၁း၉
၉ ထာဝရဘုရားသည် သင်တို့၏ ဘိုးဘေးတို့နှင့် သူတို့ အမျိုးအနွယ်အား ပေးခြင်းငှာ ကျိန်ဆိုတော်မူသောပြည်၊ နို့နှင့်ပျားရည်စီးသောပြည်၌ သင်တို့ အသက်တာ ရှည်မည်အကြောင်း၊ ယနေ့ ငါမှာထားသမျှသော ပညတ်တို့ကို စောင့်ရှောက်ရကြမည်။

တရားဟော ၂၆း၉
၉ နို့နှင့်ပျားရည်စီးသောဤပြည် သို့ပို့ဆောင်၍ ပေးသနားတော်မူ၏။

တရားဟော ၂၆း၁၅
၁၅ ကိုယ်တော်၏ သန့်ရှင်းသော နေရာ ကောင်းကင်ဘုံမှ ငုံ့ကြည့်၍၊ ကိုယ်တော်၏ လူဣသရေလ အမျိုးကို၎င်း၊ ဘိုးဘေးတို့အား ကျိန်ဆိုတော်မူသည် အတိုင်း၊ အကျွန်ုပ်တို့အား ပေးတော်မူသောပြည်၊ နို့နှင့်ပျားရည်စီးသောပြည်ကို၎င်း ကောင်းကြီးပေးတော်မူပါ၊ ဟုလျှောက်ဆိုရမည်။ sဘုရား စကားနားထောင်ဖို့ဝန်ခံပြီ

တရားဟော ၂ရး၃
၃ ဘိုးဘေးတို့ ကိုးကွယ်သော ဘုရားသခင် ထာဝရဘုရားသည်၊ ဂတိတော် ရှိသည်အတိုင်း သင့်အားပေးတော်မူသောပြည်၊ နို့နှင့်ပျားရည်စီးသောပြည် သို့ဝင်စားအံ့သောငှာ ကူးသွားပြီးမှ၊ ဤတရားစကားတော် အလုံးစုံတို့ကို ထိုကျောက်ပေါ်မှာ ရေးထားရမည်။

တရားဟော ၃၁း၂၀
၂၀ အကြောင်းမူကား၊ သူတို့၏ ဘိုးဘေးတို့အား ငါကျိန်ဆို၍ နို့နှင့်ပျားရည်စီးသောပြည် သို့သူတို့ကို ငါဆောင်သွင်းသဖြင့်၊ သူတို့သည် ဝစွာစားရ၍ ဆူဖြိုးသောအခါ၊ အခြားတပါးသော ဘုရားတို့ ထံသို့လွှဲသွား၍ ဝတ်ပြုကြလိမ့်မည်။ ငါ့ကိုပုန်ကန်၍ ငါ့ပဋိညာဉ် တရားကို ဖျက်ကြလိမ့်မည်။

ယောရှု ၅း၆
၆ အဲဂုတ္တုပြည်မှ ထွက်လာသော စစ်သူရဲ အပေါင်းတို့သည် ထာဝရဘုရား၏ စကားတော်ကို နားမထောင်ဘဲနေ၍၊ မသေမပျောက်မှီတိုင်အောင် ဣသရေလ အမျိုးသားတို့သည် အနှစ်လေးဆယ် ပတ်လုံးတော၌ လှည့်လည်ရကြ၏။ ထာဝရဘုရားသည်၊ ငါပေးမည်၊ ဟုဘိုးဘေးတို့အား ကျိန်ဆိုတော်မူသောပြည်၊ နို့နှင့်ပျားရည်စီးသောပြည်ကို ထိုသူတို့သည် မမြင်ရကြ၊ ဟုကျိန်ဆိုတော်မူ၏။

ယေရမိအ ၁၁း၃
၃ ယနေ့ဖြစ်သည်နှင့်အညီ၊ နို့နှင့်ပျားရည် စီးသောပြည် ကိုငါပေးမည်ဟု သင်တို့၏ ဘိုးဘေးများ၌ ငါကျိန်ဆိုသော သစ္စာဂတိကို စောင့်ရသောအခွင့် ရှိစေခြင်းငှါ၊ သင်တို့သည် ငါ၏လူဖြစ်၍၊

ယေရမိအ ၃၂း၂၂
၂၂ ငါပေးမည်ဟု ဘိုးဘေးတို့အား ကျိန်ဆိုတော်မူသော ပြည်တည်းဟူသော၊ နို့နှင့်ပျားရည်စီးသော ဤပြည်ကို ပေးသနားတော်မူသဖြင့်၊

ယေဇ ၂၀း၆
၆ သူတို့ကိုအဲဂုတ္တုပြည်မှ ငါနှုတ်ပြီးလျှင်၊ ပြည်တကာတို့၏အထွတ်ဖြစ်၍ နို့နှင့်ပျားရည်စီးသောပြည်၊ သူတို့အဘို့ငါကြည့်ရှုသောပြည်သို့ ဆောင်သွားခြင်းငှါ ကျိန်ဆိုသောအခါ၊

ယေဇ ၂၀း၁၅
၁၅ တဖန် ပြည်တကာတို့၏အထွတ်ဖြစ်၍၊ နို့နှင့်ပျားရည်စီးသောပြည်၊ သူတို့အား ငါပေးသောပြည်သို့ မပို့ဆောင်နိုင်ခြင်းငှါ၊ တော၌ ငါကျိန်ဆို၏။

CROSS REFERENCES

၃ ဓမ္မ ၉း၃

၃ ဓမ္မ ၉း၃
၃ သင်သည် ငါ့ရှေ့မှာ ဆုတောင်း ပဌနာပြုသော စကားကို ငါကြားပြီ။ သင်တည်ဆောက်သော ဤအိမ်ကို ငါသန့်ရှင်းစေ၍၊ ငါ့နာမကို အစဉ်တည်စေမည်။ အစဉ်ငါကြည့်ရှုလျက် နှလုံးစွဲလမ်းလျက် နေမည်။

၈ ထိုကြောင့်၊ သင်တို့သည်သွား၍ ဝင်စားလတံ့သောပြည်ကို ကြီးစွာသော ခွန်အားနှင့် ဝင်စားမည်အကြောင်း၊ ၉ ထာဝရဘုရားသည် သင်တို့၏ ဘိုးဘေးတို့နှင့် သူတို့ အမျိုးအနွယ်အား ပေးခြင်းငှာ ကျိန်ဆိုတော်မူသောပြည်၊ နို့နှင့်ပျားရည်စီးသောပြည်၌ [D] သင်တို့ အသက်တာ ရှည်မည်အကြောင်း၊ ယနေ့ ငါမှာထားသမျှသော ပညတ်တို့ကို စောင့်ရှောက်ရကြမည်။ ၁၀ သင်တို့သွား၍ ဝင်စားလတံ့သော ပြည်သည်ကား၊ ယာလုပ်သကဲ့သို့ မျိုးစေ့ကြဲ၍ ခြေဖြင့် ရေလောင်းရသော ပြည်တည်းဟူသော သင်တို့ထွက်လာသော အဲဂုတ္တုပြည်နှင့် တူသည်မဟုတ်။ ၁၁ သင်တို့သွား၍ ဝင်စားလတံ့သော ပြည်သည်တောင်များ၊ ချိုင့်များနှင့် ပြည့်စုံ၍ မိုးရေကို သောက်သောပြည်၊ ၁၂ သင်တို့၏ ဘုရားသခင် ထာဝရဘုရား ပြုစု၍ တစ်နှစ်ပတ်လုံး ကြည့်ရှုတော်မူသော ပြည်ဖြစ်၏။ [E]

ပညတ်တို့ကို စေ့စေ့နားထောင်လျှင်

CROSS REFERENCES

ဝတ်ပြု ၂၆း၃

တရားဟော ရး၁၂

ဝတ်ပြု ၂၆း၃
၃ သင်တို့သည်၊ ငါ့ထုံးဖွဲ့ရာ လမ်းသို့လိုက်၍၊ ငါ့ပညတ်တို့ကို ကျင့်စောင့်လျှင်၊

တရားဟော ရး၁၂
၁၂ ထိုပညတ်တို့ကို သင်သည် ကျင့်ဆောင်အံ့သောငှာ နားထောင်လျှင်၊ သင်၏ ဘုရားသခင် ထာဝရဘုရားသည် သင်၏ ဘိုးဘေးတို့အား ကျိန်ဆိုတော်မူသော ပဋိညာဉ်နှင့် ကရုဏာတော်ကို စောင့်တော်မူမည်။

CROSS REFERENCES

ယေရမိအ ၅း၂၄
၂၄ အချိန်တန်မှ အရင်မိုးနှင့် နောက်မိုးကိုရွာစေ၍၊ အသီးအနှံ သိမ်းမြဲသိမ်းရာကာလကို၊ ငါတို့အဘို့သိုထားတော်မူသော ငါတို့၏ ဘုရားသခင် ထာဝရဘုရားကို ယခုကြောက်ကြကုန်အံ့ဟု သူတို့သည် စိတ်နှလုံးထဲ၌ မဆိုတတ်ကြ။ sထာ၀ရဘုရားသည် မစစ်ကြောဒဏ်မပေးဘဲ နေမည်လော

ဟောရှေ ၆း၃
၃ ပညာကိုလည်းရကြလိမ့်မည်။ ထာဝရဘုရားကိုသိခြင်းငှါ လိုက်ရှာကြလိမ့်မည်။ ထွက်တော်မူချိန်သည်နံနက်ကဲ့သို့ဖြစ်လိမ့်မည်။ ရွာသောမိုးနှင့်မြေအပေါ်သို့ရွာသောနောက်မိုးကဲ့သို့ သက်ရောက်တော်မူလိမ့်မည်။

ယောလ ၂း၂၃
၂၃ အိုဇိအုန်မြို့သားတို့၊ ဝမ်းမြောက်၍ သင်တို့၏ ဘုရားသခင် ထာဝရဘုရားကို အမှီပြုလျက်၊ ရွှင်လန်းကြလော့။ အကြောင်းမူကား၊ ဓမ္မဆရာကို ပေးတော်မူ၍ အစအဦး၌လည်း အရင်မိုးနှင့် နောက်မိုးကို သင်တို့အပေါ်မှာ ရွာစေတော်မူမည်။

ဇာခရိ ၁၀း၁
၁ နောက်မိုးရွာရာကာလတွင် မိုးရွာစေမည်အကြောင်း၊ ထာဝရဘုရား ထံတော်၌ ဆုတောင်းကြလော့။ ထာဝရဘုရားသည် လျှပ်စစ်ကို ပြင်ဆင်၍ များစွာမိုးရွာသဖြင့်၊ ခပ်သိမ်းသောလူတို့အဘို့ လယ်ပြင်၌ အပင်ပေါက်စေတော်မူမည်။

ယာကုပ် ၅းရ
၇ ထိုကြောင့်၊ ညီအစ်ကိုတို့၊ သခင်ဘုရား ကြွလာတော်မူသည် တိုင်အောင်၊ သည်းခံလျက် စောင့်နေကြလော့။ အကယ်၍ လယ်လုပ်သောသူသည် အရင်မိုး၊ နောက်မိုး ကိုရသည်တိုင်အောင်၊ အဘိုးထိုက်သော မြေအသီးကို သည်းခံလျက်စောင့်နေ၍ မြော်လင့်တတ်၏။

CROSS REFERENCES

ဝတ်ပြုရာ ၂၆း၄

တရားဟော ၂၈း၁၂

ဝတ်ပြုရာ ၂၆း၄
၄ အချိန်တန်မှ ငါသည် သင်တို့အဖို့ မိုးရွာစေသဖြင့်၊ မြေသည် မိမိဘဏ္ဍာကိုပေး၍၊ ဥယျာဉ်အပင်တို့သည် အသီးသီး ကြလိမ့်မည်။

တရားဟော ၂၈း၁၂
၁၂ ထာဝရဘုရားသည် အချိန်တန်မှ သင်၏ပြည်၌ မိုးရွာစေခြင်းငှာ၎င်း၊ သင်ပြုလေရာရာ၌ ကောင်းကြီးပေးခြင်းငှာ၎င်း၊ ဘဏ္ဍာတော် တိုက်တည်းဟူသော မိုးကောင်းကင်ကို ဖွင့်တော်မူမည်။ သင်သည် လူမျိုးများတို့အား ချေးငှားရသော အခွင့်ရှိလိမ့်မည်။ သူတို့သည် သင့်အား ချေးငှားရသော အခွင့်မရှိရ။

CROSS REFERENCES

ဆာ ၁၀၄း၁၄

ဆာ ၁၀၄း၁၄
၁၄ တိရစ္ဆာန်ဘို့ မြက်ပင်ကို၎င်း၊ လူသုံးဘို့ စပါးပင်ကို၎င်း၊ ပေါက်စေတော်မူသဖြင့်၊ မြေကြီးထဲကမုန့်ကို ထုတ်ဖော်တော်မူ၏။

CROSS REFERENCES

တရားဟော ၆း၆

သု ၄း၄

တရားဟော ၆း၆
၆ ယနေ့ ငါမှာထားသော စကားကို နှလုံးသွင်းရမည်။

သု ၄း၄
၄ ငါ့အဘ သွန်သင်၍ မြွတ်ဆိုလေသည်ကား၊ ငါ့စကားကို သင်၏နှလုံး၌ သွင်းမိ၍၊ ငါ့ပညတ်တို့ကို ကျင့်စောင့်သဖြင့် အသက်ရှင်လော့။ sပညာကို ဆည်းဖူးလော့

၁၃ သင်တို့ ဘုရားသခင် ထာဝရဘုရားကို စိတ်နှလုံးအကြွင်းမဲ့ ချစ်၍ အမှုတော်ကို ဆောင်ရွက်မည်အကြောင်း၊ ယနေ့ငါမှာထား သမျှသော ပညတ်တို့ကို စေ့စေ့နားထောင်လျှင်၊ [F]၁၄ သင်တို့သည် စပါး၊ စပျစ်ရည်၊ ဆီတို့ကို စုသိမ်းခြင်းငှာ အရင်မိုး၊ နောက်မိုး [G]တည်းဟူသော သင်တို့ပြည်နှင့် ဆိုင်သော မိုးရေကို ငါပေးမည်။ [H] ၁၅ သင်တို့သည် ဝစွာစားရမည်အ ကြောင်း၊ သင်တို့ တိရစ္ဆာန်များအဖို့ လွင်ပြင်၌ မြက်ပင်ကို ငါပေါက်စေမည်။ [I] ၁၆ သင်တို့သည် မိစ္ဆာဒိဌိအယူကို စွဲ၍ လမ်းမလွှဲ၊ အခြားတစ်ပါးသော ဘုရားတို့ကို ဝတ်ပြုကိုးကွယ်ခြင်းနှင့် ကင်းလွတ်မည်အကြောင်း၊ ကိုယ်ကိုကိုယ် သတိပြုကြလော့။ ၁၇ သို့မဟုတ် ထာဝရဘုရားသည် အမျက်တော်ထွက်၍ မိုးမရွာ။ မြေ၏ အသီးအနှံကို မဖြစ်စေခြင်းငှာ၊ မိုးကောင်းကင်ကို ပိတ်တော်မူမည်။ ထာဝရဘုရား ပေးတော်မူသော ကောင်းမွန်သောပြည်၌ သင်တို့သည် အလျင်အမြန် ပျောက်ပျက်ကြလိမ့်မည်။ ၁၈ သို့ဖြစ်၍ ငါဟောပြောသော ဤစကားကို စိတ်နှလုံး၌ သွင်းထား၍၊ [J] လက်၌ လက္ခဏာ သက်သေဖို့ရာ၎င်း၊ မျက်စိကြားမှာ သင်းကျစ်ကဲ့သို့၎င်း၊ ချည်ထားရကြမည်။ ၁၉ ထိုစကားကို သင်တို့သည် အိမ်၌ ထိုင်လျက်နေသည် ဖြစ်စေ၊ ခရီးသွားသည် ဖြစ်စေ၊ အိပ်လျက် ထလျက် ရှိသည် ဖြစ်စေ ဟောပြော၍၊ သားသမီးတို့အား သွန်သင်ရကြမည်။ ၂၀ အိမ်တံခါး မြို့တံခါး၌လည်း ရေးထားရကြမည်။ ၂၁ သို့ပြုလျှင် ထာဝရဘုရားသည် ဘိုးဘေးတို့အား ပေးခြင်းငှာ ကျိန်ဆိုတော်မူသော ပြည်၌ သင်တို့အသက်၊ သားသမီးများ အသက်တာသည်၊ ကောင်းကင်၌ အသက်တာရှည် သကဲ့သို့၊ မြေကြီးပေါ်မှာ တာရှည်ရလိမ့်မည်။ ၂၂ သင်တို့သည် သင်တို့၏ ဘုရားသခင် ထာဝရ ဘုရားကို ချစ်သောစိတ်နှင့် လမ်းတော်သို့ လိုက်၍၊ ကိုယ်တော်၌ ဆည်းကပ် မှီဝဲမည်အကြောင်း၊ ငါမှာထားသမျှသော ဤပညတ်တို့ကို ကျင့်အံ့သောငှာ သတိနှင့် စောင့်ရှောက်လျှင်၊ ၂၃ ထာဝရဘုရားသည် ဤလူမျိုး ခပ်သိမ်းတို့ကို သင်တို့ရှေ့မှ နှင်ထုတ်တော်မူသဖြင့်၊ သင်တို့သည် ကိုယ့်ထက်အားကြီး၍ များပြားသော လူမျိုးတို့ကို အစိုးရကြလိမ့်မည်။ ၂၄ သင်တို့သည် ခြေနှင့်နင်းသမျှသော အရပ်ကို ပိုင်သဖြင့်၊ တောမှစ၍ လေဗနုန်တောင် တိုင်အောင်၎င်း၊ ဥဖရတ်မြစ်ကြီးမှစ၍ ပင်လယ် ကမ်းနားတိုင်အောင်၎င်း၊ မြေတရှောက်လုံးသည် သင်တို့၏ နိုင်ငံအဝင် ဖြစ်လိမ့်မည်။ ၂၅ သင်တို့ရှေ့မှာ အဘယ်သူမျှ မရပ်မနေနိုင်အောင်၊ သင်တို့နင်းသော မြေအရပ်၌ ရှိသောသူ အပေါင်းတို့သည် သင်တို့ကို ကြောက်ရွံ့ ထိတ်လန့်မည်အကြောင်း၊ သင်တို့၏ ဘုရားသခင် ထာဝရဘုရားသည်၊ ဂတိတော် ရှိသည်အတိုင်း ပြုတော်မူမည်။

ကောင်းကြီးပေးခြင်းနှင့်ကျိန်ခြင်း

CROSS REFERENCES

တရားဟော ၃၀း၁

တရားဟော ၃၀း၁၉

တရားဟော ၃၀း၁
၁ သင့်ရှေ့၌ ငါထား၍ အထက်ဆိုခဲ့ပြီး သမျှသော အရာတည်းဟူသော၊ ကောင်းကြီး မင်္ဂလာနှင့် ကျိန်ခြင်း အမင်္ဂလာတို့သည် သင့်အပေါ်မှာ ရောက်၍၊ သင်၏ ဘုရားသခင် ထာဝရဘုရားသည် သင့်ကို နှင်ထုတ်တော်မူရာ အပြည်ပြည်တို့၌၊ ထိုအရာတို့ကို အောက်မေ့လျက်၊

တရားဟော ၃၀း၁၉
၁၉ အသက်ရှင်ခြင်း၊ သေခြင်း၊ ကောင်းကြီးပေးခြင်း၊ ကျိန်ခြင်းတို့ကို သင့်ရှေ့၌ ငါထားသည်၊ ဟုသင့်တဘက်၌ ကောင်းကင်မြေကြီးကို ငါတိုင်တည်၏။

၂၆ ယနေ့ ကောင်းကြီးပေးခြင်းနှင့် ကျိန်ခြင်းတည်းဟူသော ဤနှစ်ပါးကို သင်တို့ရှေ့မှာ ငါထား၏။ [K] ၂၇ ယနေ့ ငါဆင့်ဆိုသော သင်တို့ ဘုရားသခင် ထာဝရဘုရား၏ ပညတ်တော်တို့ကို နားထောင်လျှင်မူကား၊ ကောင်းကြီးပေးခြင်း၊ ၂၈ သင်တို့ ဘုရားသခင် ထာဝရဘုရား၏ ပညတ်တော်တို့ကို နားမထောင်၊ ယနေ့ ငါမှာထားသော လမ်းမှလွှဲရှောင်၍၊ မသိဘူးသော အခြားတစ်ပါးသော ဘုရားကို မှီဝဲဆည်းကပ်လျှင်မူကား ကျိန်ခြင်းကို ငါထား၏။ ၂၉ သင်တို့သည်သွား၍ ဝင်စားလတံ့သော ပြည်သို့ သင်တို့၏ ဘုရားသခင် ထာဝရဘုရားသည် ဆောင်သွင်းတော်မူပြီးမှ၊ ကောင်းကြီး မင်္ဂလာကို ဂေရဇိမ်တောင်ပေါ်၌၎င်း၊ ကျိန်ခြင်းကို ဧဗလတောင်ပေါ်၌၎င်း တင်ထားရကြမည်၊ ၃၀ ထိုတောင်တို့သည် ယော်ဒန်မြစ် အနောက်၊ နေဝင်ရာဘက်မှာ ခါနနိလူတို့ နေရာ အရပ်တည်းဟူသော၊ မောရေသပိတ် တောအနား၊ ဂိလဂါလနှင့် ဆိုင်သော လွင်ပြင်၌ ရှိသည် မဟုတ်လော။ ၃၁ သင်တို့၏ ဘုရားသခင် ထာဝရဘုရား ပေးတော်မူသော ပြည်ကို ဝင်စားခြင်းငှာ၊ ယော်ဒန်မြစ် တဘက်သို့ ကူးသွား၍၊ ထိုပြည်ကို ဝင်စားလျက် နေရကြမည်။ ၃၂ ယနေ့ ငါထားသမျှသော စီရင်ထုံးဖွဲ့ချက်တို့ကို ကျင့်အံ့သောငှာ စောင့်ရှောက်ရကြမည်။