ထွက်မြောက်ရာကျမ်း

အခန်းကြီး ၃၄

မောရှေအား ကျောက်ပြားနှစ်ပြားကို ယူခိုင်း

၁ တဖန် ထာဝရဘုရားက၊ အရင်ကျောက်ပြားနှစ်ပြားနှင့် တူအောင် ကျောက်ပြားနှစ်ပြားကို ခုတ်လော့။ သင်ချိုးဖဲ့သော အရင်ကျောက်ပြား၌ စကားပါသည်အတိုင်း နောက်ကျောက်ပြားပေါ်မှာ ငါရေးထားမည်။ ၂ နက်ဖြန်နံနက် သင်သည် အသင့်နေလျက်၊ သိနာတောင်ပေါ်သို့ တက်၍ တောင်ထိပ်၌ ငါ့ရှေ့မှာ ကိုယ်ကိုပြလော့။ ၃ သင်နှင့်အတူ အဘယ်သူမျှ မတက်ရ။ တောင်တပြင်လုံး၌ လူကို မထင်ရှားစေနှင့်။ တောင်ခြေရင်း၌ သိုးနွားတို့ကို ကျက်စားရာ မပြုစေနှင့်၊ ဟုမောရှေအား မိန့်တော်မူ၏။ ၄ ထာဝရဘုရား မိန့်တော်မူသည်အတိုင်း၊ အရင်ကျောက်ပြား နှင့်တူအောင် ကျောက်ပြားနှစ်ပြားကို ခုတ်ပြီးမှ၊ မောရှေသည် နံနက်စောစောထ၍ ထိုကျောက်ပြား နှစ်ပြားကို ကိုင်လျက်၊ သိနာတောင်ပေါ်သို့ တက်လေ၏။

ထာ၀ရဘုရား မောရှေရှေ့၌ ကြွသွား

၅ ထာဝရဘုရားသည် မိုးတိမ်ဖြင့် ဆင်းသက်၍၊ ထိုအရပ်၌ မောရှေအနားမှာ ရပ်လျက်၊ ထာဝရဘုရား၏ နာမတော်ကို ကြွေးကြော်တော်မူ၏။ ၆ ထာဝရဘုရားသည် မောရှေရှေ့၌ ကြွသွားတော်မူလျက်၊ ထာဝရဘုရား၊ ထာဝရဘုရား၊ ချစ်ခြင်းသနား မေတ္တာကရုဏာနှင့် ပြည့်စုံ၍ စိတ်ရှည်ခြင်း၊ ကျေးဇူးပြုခြင်း၊ သစ္စာစောင့်ခြင်းနှင့် ကြွယ်ဝတော်မူထသော၊ ၇ အထောင်အသောင်းများသောသူတို့အား သနားခြင်း ကျေးဇူးတရားကို စောင့်တော်မူထသော၊ အဓမ္မကျင့်ခြင်း၊ လွန်ကျူးခြင်း၊ ဖြစ်မှားခြင်း အပြစ်တို့ကို ဖြေလွှတ်သော်လည်း၊ အချည်းနှီးသက်သက် ဖြေလွှတ်တော် မမူထသော၊ သားစဉ်မြေးဆက်၊ တတိယအဆက်၊ စတုတ္ထအဆက်တိုင်အောင်၊ အဘတို့၏ အပြစ်ကိုသားတို့၌ ဆပ်ပေးစီရင်တော်မူသော ဘုရားသခင်၊ ဟုကြွေးကြော်တော်မူ၏။

ဘုရားက အံ့ဖွယ်အမှုပြုဖို့ပြော

CROSS REFERENCES

ထွက် ၃၂း၉
၉ ဤလူမျိုးကို ငါကြည့်မြင်ပြီ။ လည်ပင်းခိုင်မာသောအမျိုး ဖြစ်၏။

ထွက် ၃၃း၃
၃ နို့နှင့်ပျားရည်စီးသောပြည်သို့ သင်တို့ကို ပို့ဆောင်လိမ့်မည်။ သင်တို့နှင့်အတူ ငါကိုယ်တိုင်မသွား။ သင်တို့သည် လည်ပင်းခိုင်မာသောလူမျိုး ဖြစ်သောကြောင့်၊ လမ်း၌ သွားစဉ် သင်တို့ကို ငါဖျက်ဆီးမည် စိုးရိမ်စရာရှိသည်၊ ဟုမောရှေအား မိန့်တော်မူ၏။

ထွက် ၃၄း၉
၉ အိုဘုရားရှင်၊ အကျွန်ုပ်သည် ရှေ့တော်၌ မျက်နှာရလျှင်၊ အကျွန်ုပ်အရှင်သည် အကျွန်ုပ်တို့နှင့်အတူ ကြွတော်မူပါစေသော်၊ အကျွန်ုပ် တောင်းပန်ပါ၏။ ဤလူမျိုးသည် လည်ပင်းခိုင်မာသောအမျိုး ဖြစ်သော်လည်း အကျွန်ုပ်တို့ ပြစ်မှားမိသော ဒုစရိုက်အပြစ်များကို လွှတ်၍ အကျွန်ုပ်တို့ကို ကိုယ်တော် အမွေဥစ္စာဖို့ သိမ်းယူတော်မူပါ၊ ဟုလျှောက်လျှင်၊

တရားဟော ၉း၆
၆ သို့ဖြစ်၍ သင်၏ ဘုရားသခင် ထာဝရဘုရားသည် သင်၏ ကုသိုလ်ကြောင့်၊ ထိုကောင်းမွန်သော ပြည်ကို ပေးတော်မူသည်မဟုတ်။ သင်သည် လည်ပင်းခိုင်မာသောအမျိုး ဖြစ်၏။

ဟေရှာယ ၄၈း၄
၄ သင်သည် ခိုင်မာသောသဘော၊ သံချောင်းလည်ပင်း၊ ကြေးဝါနဖူးနှင့် ပြည့်စုံသည်ကို ငါသိသောကြောင့်၊

တမန် ရး၅၁
၅၁ လည်ပင်းခိုင်မာ၍ နှလုံးဖြင့်၎င်း၊ နားဖြင့်၎င်း အရေဖျားလှီးခြင်းကို မခံသောလူတို့၊ သင်တို့သည် သန့်ရှင်းသော ဝိညာဉ်တော်ကို အစဉ်မပြတ် ဆန့်ကျင်ဘက်ပြုလေ့ ရှိကြ၏။ သင်တို့ဘိုးဘေးများ၏ အလေ့နှင့် သင်တို့အလေ့တူ၏။

၈ မောရှေသည် အလျင်အမြန် ဦးညွတ်ချ၍ ကိုးကွယ်လျက်၊ ၉ အိုဘုရားရှင်၊ အကျွန်ုပ်သည် ရှေ့တော်၌ မျက်နှာရလျှင်၊ အကျွန်ုပ်အရှင်သည် အကျွန်ုပ်တို့နှင့်အတူ ကြွတော်မူပါစေသော်၊ အကျွန်ုပ် တောင်းပန်ပါ၏။ ဤလူမျိုးသည် လည်ပင်းခိုင်မာသောအမျိုး [A] ဖြစ်သော်လည်း အကျွန်ုပ်တို့ ပြစ်မှားမိသော ဒုစရိုက်အပြစ်များကို လွှတ်၍ အကျွန်ုပ်တို့ကို ကိုယ်တော် အမွေဥစ္စာဖို့ သိမ်းယူတော်မူပါ၊ ဟုလျှောက်လျှင်၊ ၁၀ ထာဝရဘုရားက ကြည့်ရှုလော့၊ ငါပဋိညာဉ်ပြု၏။ မြေကြီးပေါ်မှာ လူမျိုး၌ မပြုစဖူးသော အံ့ဖွယ်သောအမှုတို့ကို သင်တို့၏လူမျိုးရှေ့မှာ ငါပြုမည်။ သင်တို့အဖို့ ငါထာဝရဘုရား ပြုရသောအမှုသည် ကြောက်မက်ဖွယ်သော အမှုဖြစ်ကြောင်းကို၊ သင်ပေါင်းဖော်သောလူ အပေါင်းတို့သည် မြင်ရကြလိမ့်မည်။

ထာဝရဘုရားသည် သဝန်တိုဘုရား

CROSS REFERENCES

ထွက် ၂၀:၅
၁ ထိုအခါ ယဇ်ပုရောဟိတ်မင်းက၊ ဤစကားမှန်သလော၊ ဟုမေးသည်ရှိသော်၊

တရားဟော ၄း၂၄
၂၄ အကြောင်းမူကား၊ သင်တို့၏ ဘုရားသခင် ထာဝရဘုရားသည် လောင်သောမီး၊ သဝန်တို သောဘုရား %fo(a) ဖြစ်တော်မူ၏။ s ရုပ်တုကိုးကွယ်လျှင် ပျောက်ပျက်ကြမည်

ယောရှု ၂၄း၁၉
၁၉ ယောရှုကလည်း၊ သင်တို့သည် ထာဝရဘုရားအား ဝတ်မပြုနိုင်။ ထိုဘုရားသည် သန့်ရှင်းသောဘုရား၊ သဝန်တိုသောဘုရား %fo(a) ဖြစ်တော်မူ၏။ သင်တို့ လွန်ကျူးပြစ်မှားသော အပြစ်တို့ကိုသည်းခံတော်မမူ။

နာဟုန် ၁း၂
၂ ထိုအခါ ယောရှုသည် လူအပေါင်းတို့အား ဟောပြော လေသည်မှာ၊ ဣသရေလ အမျိုး၏ ဘုရားသခင် ထာဝရဘုရား မိန့်တော်မူသည်ကား၊ အာဗြဟံနှင့် နာခေါ်တို့၏ အဘ တေရမှစ၍ သင်တို့ဘိုးဘေးတို့သည် ရှေးကာလ၌ မြစ်ကြီး တဘက်မှာနေ၍ အခြားတစ်ပါးသော ဘုရားတို့ကို ဝတ်ပြုကြ၏။

၁၁ ယနေ့ငါမှာ ထားသောစကားကို မှတ်လော့။ သင့်ရှေ့မှာ အာမောရိလူ၊ ခါနနိလူ၊ ဟိတ္တိလူ၊ ဖေရဇိလူ၊ ဟိဝိလူ၊ ယေဗုသိလူတို့ကို ငါနှင်ထုတ်မည်။ ၁၂ သင်သည် ယခုသွားသော ပြည်သူ ပြည်သားတို့နှင့် မိဿဟာယဖွဲ့သဖြင့်၊ သင့်အလယ်၌ တိုက်မိ၍ လဲစရာအကြောင်း မဖြစ်စေခြင်းငှာ၊ ကိုယ်ကိုကိုယ် သတိပြုလော့။ ၁၃ သူတို့ ယဇ်ပလ္လင်များကို ဖျက်ဆီးရမည်။ သူတို့ ရုပ်တုဆင်းတုများကို ချိုးဖဲ့ရမည်။ သူတို့ အာရှရပင်များကို ခုတ်လှဲရမည်။ ၁၄ အခြားသော ဘုရားကို သင်သည် မကိုးကွယ်ရ။ သဝန်တိုအမည်ရှိသော ထာဝရဘုရားသည် သဝန်တိုသော ဘုရားသခင်ဖြစ်တော်မူ၏။ (a) [B]

ရောနှောခြင်းဖြင့် မှားယွင်းမည် စိုးရိမ်စရာရှိ

၁၅ သင်သည် ထိုပြည်သူ ပြည်သားတို့နှင့် မိဿဟာယဖွဲ့သဖြင့်၊ သူတို့သည် မိမိတို့ဘုရားနှင့် မှားယွင်းခြင်းကိုပြု၍၊ ထိုဘုရားတို့အား ယဇ်ပူဇော်သောအခါ၊ သင့်ကိုခေါ်၍ သင်သည် ထိုယဇ်ကောင်ကို စားရမည်ဟူ၍၎င်း၊ ၁၆ သင်သည် သူတို့သမီးများကို ယူ၍၊ ကိုယ်သားတို့နှင့် ထိမ်းမြားပေးစားသဖြင့်၊ ထိုသမီးတို့သည် မိမိတို့ဘုရားနှင့် မှားယွင်းခြင်းကိုပြု၍၊ သင်၏သားတို့ကို ထိုဘုရားတို့နှင့် မှားယွင်းစေမည်ဟူ ၍၎င်း၊ စိုးရိမ်စရာရှိ၏။ ၁၇ သင်သည် ကိုယ်အဖို့ သွန်းသောဘုရားတို့ကို မလုပ်ရ။

သားဦးဘုရားဥစ္စာ

၁၈ သင်သည် အဗိဗလ၌ အဲဂုတ္တုပြည်မှ ထွက်သောကြောင့်၊ ငါပညတ်သည်အတိုင်း၊ အဗိဗလတွင် ခုနစ်ရက်ပတ်လုံး တဆေးမဲ့မုန့်ကိုစား၍ အဇုမပွဲကိုခံရမည်။ ၁၉ သားဦး အပေါင်းတို့သည် ငါ့ဥစ္စာဖြစ်ကြ၏။ သင်၏ တိရစ္ဆာန်တို့တွင်လည်း၊ နွားဖြစ်စေ၊ သိုးဖြစ်စေ၊ သားဦး အပေါင်းတို့သည် ငါ့ဥစ္စာဖြစ်ကြ၏။ သို့ရာတွင်၊ မြည်းသားဦးကို သိုးသငယ်နှင့် ရွေးယူရမည်။ ၂၀ မရွေးလိုလျှင်၊ မြည်းသငယ်၏ လည်ပင်းကို ချိုးရမည်။ သင်၏သားဦး အပေါင်းတို့ကို ရွေးရမည်။ ငါ့ထံသို့အဘယ်သူမျှ လက်ချည်းမပေါ်မလာရ။ ၂၁ ခြောက်ရက်ပတ်လုံး အလုပ်လုပ်ရမည်။ သတ္တမနေ့ရက်၌ ငြိမ်ဝပ်စွာနေရမည်။ လယ်လုပ်ရာကာလ၊ အသီးအနှံသိမ်းရာ ကာလဖြစ်သော်လည်း၊ သတ္တမနေ့ရက်၌ ငြိမ်ဝပ်စွာနေရမည်။ ၂၂ ဂျုံစပါးကို သိမ်းစရှိသည်ကာလ ခုနစ်သတင်းပွဲကို၎င်း၊ နှစ်လဲသောအခါ သိုထားပွဲကို၎င်း၊ ကိုခံရမည်။

အမျိုးမျိုးသောပညတ်များ

CROSS REFERENCES

ထွက် ၁၂း၁၁

ထွက် ၁၂း၂၁

ထွက် ၁၂း၂ရ

ထွက် ၁၂း၄၃း ထွက် ၁၂း၄၈

ထွက် ၁၂း၁၁
၁၁ အဘယ်သို့ စားရမည်နည်းဟူမူကား၊ ခါးစည်းကိုစည်းလျက်၊ ခြေနင်းကိုစီးလျက်၊ တောင်ဝေးကိုကိုင်လျက်၊ အလျင်အမြန်စားရမည်။ ထာဝရဘုရား၏ ပသခါ ဖြစ်သတည်း။ sသားဦးများနှင့် အဲဂုတ္တုဘုရားတို့ကို တရားစီရင်မည်

ထွက် ၁၂း၂၁
၂၁ ထိုအခါ မောရှေသည်၊ ဣသရေလအမျိုး အသက်ကြီးသူအပေါင်းတို့ကို ခေါ်၍၊ သင်တို့သည် အိမ်ထောင်များ အသီး အသီး၊ကိုယ်စီကိုယ်စီ သိုးသူငယ်တို့ကိုယူ၍ ပသခါပွဲ ဖို့ သတ်ကြလော့။

ထွက် ၁၂း၂ရ
၂၇ ထာဝရဘုရားသည် အဲဂုတ္တုလူတို့ကိုဒဏ်ခတ်၍၊ ငါတို့အိမ်များကို ချမ်းသာပေးတော်မူသောအခါ၊ အဲဂုတ္တုပြည်၌ ဣသရေလအမျိုးသားတို့၏ အိမ်များကို လွန်သွားတော်မူသော၊ ထာဝရဘုရား၏ ပသခါယဇ်ဖြစ်သတည်း၊ ဟုပြန်ပြောရကြမည်၊ ဟုမောရှေဆိုပြီးလျှင်၊ ထိုသူတို့သည် ဦးညွတ်ချ၍ ကိုးကွယ်ကြ၏။

ထွက် ၁၂း၄၃း ထွက် ၁၂း၄၈
၄၃ ပသခါပွဲတရားဟူမူကား၊ တပါးအမျိုးသား မစားရ။

ထွက် ၃၄း၂၅
၂၅ ငါ့ယဇ်ကောင်အသွေးကို တဆေးနှင့်ရော၍ မပူဇော်ရ။ ပသခါပွဲ ယဇ်ကောင်ကို၊ နံနက်တိုင်အောင် မကြွင်းစေရ။

ဝတ်ပြု ၂၃း၅
၅ ပဌမလ ဆယ့်လေးရက်နေ့ ညဦးယံ၌၊ ထာဝရဘုရား၏ ပသခါပွဲဖြစ်၏။

တောလည် ၉း၂-၆
၂ ဣသရေလ အမျိုးသားတို့သည်၊ ချိန်းချက်သော ကာလအချိန်၌ ပသခါပွဲ ကို ခံရကြမည်။

တောလည် ၉း၁၀-၁၄
၁၀ သင်တို့အမျိုးသားသည် အသေကောင်အားဖြင့် ညစ်ညူးခြင်း ရှိသော်၎င်း၊ ဝေးသောအရပ်သို့ ခရီးသွားသော်၎င်း၊ ထာဝရဘုရားအဖို့ ပသခါပွဲ ကို ခံရမည်။

တော ၂၈း၁၆
၁၆ ပထမလ တစ်ဆယ့်လေးရက်နေ့၌ ၊ ထာဝရဘုရား၏ ပသခါပွဲဖြစ်၏။

တောလည် ၃၃း၃
၃ ပဌမလ တစ်ဆယ့် ငါးရက်နေ့၌ ရာမသက်မြို့မှ ထွက်လာကြ၏။ ပသခါပွဲ ကို ခံပြီးသောနောက်၊ နက်ဖြန်နေ့၌ ဣသရေလ အမျိုးသားတို့သည် အဲဂုတ္တု လူအပေါင်းတို့ရှေ့မှာ ဝါကြွားသော အခြင်းအရာနှင့် ထွက်လာကြ၏။

တရားဟော ၁၆း၁-၆
၁ သင်၏ ဘုရားသခင် ထာဝရဘုရားသည် အဗိဗလ၊ ညအခါ၌ သင့်ကို အဲဂုတ္တုပြည်မှ နှုတ်ဆောင် တော်မူသောကြောင့်၊ အဗိဗလကို မှတ်၍၊ သင်၏ ဘုရားသခင် ထာဝရဘုရားအား ပသခါပွဲကို ခံလော့။

ယောရှု ၅း၁၀-၁၁
၁၀ ဣသရေလ အမျိုးသားတို့သည် ဂိလဂါလ အရပ်တွင် တပ်ချ၍၊ ထိုလ တစ်ဆယ့်လေးရက်နေ့၊ ညဦးယံ၌ ယေရိခေါလွင်ပြင်မှာ ပသခါပွဲ ကို ခံကြ၏။

၄ ဓမ္မ ၂၃း၂၁-၂၂
၂၁ တဖန် ရှင်ဘုရင်ကလည်း၊ ဤပဋိညာဉ်ကျမ်းစာ၌ လာသည်အတိုင်း၊ သင်တို့၏ ဘုရားသခင် ထာဝရဘုရားအား ပသခါပွဲကို ဆောင်ကြလော့၊ ဟုလူအပေါင်းတို့ကို မိန့်တော်မူ၏။

၂ ရာ ၃၀း၁-၂
၁ တဖန် ဧဖရိမ်အမျိုး၊ မနာရှေအမျိုးနှင့်တကွ ဣသရေလအမျိုး၊ ယုဒအမျိုးသား အပေါင်းတို့သည် ယေရုရှလင်မြို့၊ ဗိမာန်တော်သို့ လာ၍၊ ဣသရေလ အမျိုး၏ ဘုရားသခင် ထာဝရဘုရားအား၊ ပသခါပွဲ ကိုခံစေခြင်းငှါ၊ ဟေဇကိသည် စာရေး၍ ပေးလိုက်လေ၏။

၂ ရာ ၃၀း၄-၅
၄ ရှင်ဘုရင်နှင့် စည်းဝေးသော သူအပေါင်းတို့သည် ထိုအမှုကို နှစ်သက်သောကြောင့်၎င်း၊ ကျမ်းစာ၌ လာသည်အတိုင်း၊ ကြာမြင့်စွာသော ကာလပတ်လုံး၊ ပသခါပွဲကို မခံသောကြောင့်၎င်း၊

၂ ရာ ၃၀း၁၅
၁၅ ဒုတိယလ တဆယ်လေးရက်နေ့တွင်၊ ပသခါ သိုးငယ်တို့ကို သတ်ကြ၏။ ယဇ်ပုရောဟိတ်၊ လေဝိသားတို့သည် သတိရ၍ ကိုယ်ကို သန့်ရှင်းစေလျက်၊ မီးရှို့ရာယဇ်တို့ကို ဗိမာန်တော်ထဲသို့ သွင်းကြ၏။

၂ ရာ ၃၀း၁ရ-၁၈
၁၇ မသန့်ရှင်းသော သူအများတို့သည် ပရိသတ်၌ ပါသောကြောင့်၊ ထိုမသန့်ရှင်းသော သူရှိသမျှတို့ကို၊ ထာဝရဘုရား အဘို့ သန့်ရှင်းစေခြင်းငှါ၊ ပသခါ သိုးငယ် သတ်ခြင်းအမှုကို၊ လေဝိသားတို့သည် စောင့်ရကြ၏။

၂ ရာ ၃၅း၁
၁ တဖန် ယောရှိမင်းသည် ယေရုရှလင်မြို့၌ ထာဝရဘုရားအဘို့ ပသခါပွဲကို ခံတော်မူ၍ ပဌမလ တဆယ်လေးရက်နေ့တွင်၊ ပသခါ သိုးသငယ်ကို သတ်ကြ၏။

၂ ရာ ၃၅း၆-၉
၆ ထိုသို့ ပသခါ သိုးသငယ်ကိုသတ်၍ ကိုယ်ကို သန့်ရှင်းစေကြလော့။ သင်တို့ ညီအစ်ကိုတို့သည် မောရှေအားဖြင့် ထာဝရဘုရား မှာထားတော်မူသည်အတိုင်း ပြုစေခြင်းငှါ၊ သူတို့ကိုလည်း ပြင်ဆင်ကြလော့ဟု မိန့်တော်မူ၏။ sမင်းမှုးမတ်များ လေဝိသားတို့က တိရစ္ဆာန်များပေးကြ

၂ ရာ ၃၅း၁၁-၁၂
၁၁ ပသခါ သိုးသငယ်ကို သတ်၍၊ ယဇ်ပုရောဟိတ်တို့သည် အသွေးကိုလက်နှင့် ဖြန်းလျက်၊ လေဝိသားတို့သည် အရေကိုခွါလျက် ပြုကြ၏။

၂ ရာ ၃၅း၁၆-၁၉
၁၆ ထိုသို့ ယောရှိမင်းကြီး မိန့်တော်မူသည်အတိုင်း ပသခါပွဲကိုခံ၍၊ ထာဝရဘုရား၏ ယဇ်ပလ္လင်ပေါ်မှာ မီးရှို့ရာယဇ်တို့ကို ပူဇော်ခြင်းငှါ၊ ထာဝရဘုရားအား ပြုရသော ဝတ်အလုံးစုံကို၊ ထိုနေ့ခြင်းတွင် ပြင်ဆင်ကြ၏။

ဧဇရ ၆း၁၉-၂၁
၁၉ သိမ်းသွားခြင်းကိုခံရသော အမျိုးသားတို့သည် ပဌမလ တဆယ်လေးရက်နေ့တွင် ပသခါပွဲ ကိုလည်း ခံကြ၏။

ယေဇ ၄၅း၂၁
၂၁ ပဌမလတဆယ့်လေးရက်နေ့တွင်ပသခါပွဲကိုခံရမည်။ ခုနစ်ပတ်လုံးပွဲခံစဉ်တွင်တဆေးမဲ့မုန့်ကိုသာစားရမည်။

မဿဲ ၂၆း၂
၂ နှစ်ရက်လွန်မှ ပသခါပွဲနေ့ရောက်မည်ကို သင်တို့သိကြ၏။ ထိုအခါ လူသားကို လက်ဝါးကပ်တိုင်မှာ ရိုက်သတ်စေခြင်းငှာ အပ်နှံကြလိမ့်မည်၊ ဟုမိန့်တော်မူ၏။

မဿဲ ၂၆း၁ရ-၁၉
၁၇ အဇုမပွဲ ပထမနေ့၌ တပည့်တော်တို့သည် အထံတော်သို့ ချဉ်းကပ်၍၊ ကိုယ်တော်သည် ပသခါပွဲကို စားတော်မူဖို့ရာ၊ အဘယ်အရပ်၌ အကျွန်ုပ်တို့သည် ပြင်ဆင်စေခြင်းငှာ၊ အလိုရှိတော်မူသနည်း၊ ဟုမေးလျှောက်ကြသော်၊

မာကု ၁၄း၁
၁ ထိုနောက် နှစ်ရက်လွန်လျှင် ပသခါအဇုမပွဲရှိ၏။ ယဇ်ပုရောဟိတ် အကြီးတို့နှင့် ကျမ်းပြုဆရာတို့သည်၊ ကိုယ်တော်ကို အဘယ်သို့ ပရိယာယ်အားဖြင့် ဖမ်းဆီး၍၊ သတ်ရအံ့နည်း၊ ဟုရှာကြံကြ၏။

မာကု ၁၄း၁၂-၁၆
၁၂ ပသခါ သိုးသငယ်ကို သတ်သောနေ့တည်းဟူသော အဇုမပွဲပဌမနေ့၌၊ တပည့်တော်တို့သည် အထံတော်သို့ ချဉ်းကပ်၍၊ ကိုယ်တော်သည် ပသခါပွဲကို စားတော်မူဘို့ရာ အဘယ်အရပ်၌ အကျွန်ုပ်တို့သည်သွား၍၊ ပြင်ဆင်စေခြင်းငှါ အလိုရှိတော်မူသနည်း၊ ဟုမေးလျှောက်ကြသော်။

လု ၂း၄၁-၄၂
၄၁ မိဘတို့သည် နှစ်တိုင်းအစဉ် ပသခါပွဲခံချိန်ရောက်လျှင်၊ ယေရုရှလင်မြို့သို့ သွားကြ၏။

လု ၂၂း၁
၁ ပသခါအမည်ရှိသော အဇုမပွဲခံခါနီးတွင်၊

လု ၂၂းရ-၈
၇ ပသခါ သိုးသငယ်ကို သတ်ရသောနေ့ တည်းဟူသော၊ အဇုမပွဲနေ့ ရောက်သောအခါ၊

လု ၂၂း၁၁-၁၃
၁၁ ငါသည် ငါ့တပည့်တို့နှင့်တကွ၊ ပသခါပွဲကိုစားရသော ဧည့်သည်အခန်းကား အဘယ်မှာရှိသနည်း၊ ဆရာကမေးသည်၊ ဟုအိမ်ရှင်ကိုပြောကြလော့။

လု ၂၂း၁၅-၁၆
၁၅ ငါသည် အသေမခံမှီ ဤပသခါပွဲကို သင်တို့နှင့်အတူ စားခြင်းငှါ၊ အလွန်အလိုရှိလေပြီ။

ယောဟန် ၂း၁၃
၁၃ ယုဒပသခါပွဲ ခံချိန်နီးသည်ရှိသော်၊ ယေရုရှလင်မြို့သို့ ကြွတော်မူ၏။

ယောဟန် ၂း၂၃
၂၃ ပသခါပွဲအတွင်းတွင်၊ ယေရှုသည် ယေရုရှလင်မြို့၌ရှိ၍၊ ပြတော်မူသော နိမိတ်လက္ခဏာတို့ကို၊ များစွာသောသူတို့သည် မြင်ရသဖြင့် ကိုယ်တော်ကို ယုံကြည်ခြင်းသို့ ရောက်ကြ၏။

ယောဟန် ၆း၄
၄ ထိုအခါ ယုဒလူတို့၏ ပသခါပွဲခံချိန် ရောက်လုနီးသတည်း။

ယောဟန် ၁၁း၅၅
၅၅ ယုဒပသခါပွဲ ခံခါနီးတွင်၊ လူများတို့သည် မိမိတို့ကို သန့်ရှင်းစေခြင်းငှါ၊ ပွဲမခံမှီအရပ်ရပ်တို့မှ ယေရုရှလင်မြို့သို့ လာကြ၏။

ယောဟန် ၁၂း၁
၁ ပသခါပွဲ ခံချိန် ခြောက်ရက်လိုသေးသောအခါ၊ အထက်က သေလွန်၍ သေခြင်းမှ ထမြောက်စေတော်မူသော၊ လာဇရုနေရာအရပ်၊ ဗေသနိရွာသို့ယေရှုသည် ရောက်တော်မူ၏။

ယောဟန် ၁၃း၁
၁ ပသခါပွဲမခံမီ၌ယေရှုသည်၊ ဤလောကမှ ခမည်းတော်ထံသို့ ပြောင်းရသောအချိန် ရောက်သည်ကို သိတော်မူသည်ဖြစ်၍၊ ဤလောက၌ ရှိသောမိမိလူတို့ကို ချစ်တော်မူသောကြောင့်၊ အဆုံးတိုင်အောင် ချစ်တော်မူ၏။

ယောဟန် ၁၈း၂၈
၂၈ နံနက်အချိန်ရောက်လျှင်၊ ယေရှုကို ကယာဖထံမှအိမ်တော်ဦးသို့ ဆောင်သွားကြ၏။ ထိုသူတို့သည် အာပတ်(အပြစ်)နှင့် ကင်းလွတ်၍ ပသခါပွဲကို ခံမည်အကြောင်း၊ အိမ်တော်ဦးထဲသို့ ကိုယ်တိုင်မဝင်ကြ။

ယောဟန် ၁၈း၃၉
၃၉ ပသခါပွဲ ၌လူတယောက်ကို သင်တို့အား ငါလွှတ်မြဲထုံးစံရှိသည်ဖြစ်၍၊ ယုဒရှင်ဘုရင်ကို လွှတ်စေချင်သလော၊ ဟုမေးလျှင်၊

ယောဟန် ၁၉း၁၄
၁၄ ထိုနေ့အချိန်ကား၊ ပသခါ အဘိတ်နေ့ တချက်တီးအချိန်လောက်ရှိ၏။ ပိလတ်မင်းကလည်း၊ သင်တို့၏ ရှင်ဘုရင်ကို ကြည့်ကြလော့၊ ဟုယုဒလူတို့အားပြောဆိုလျှင်၊ sပိလတ်မင်းကယေရှုကိုလက်ဝါးကပ်တိုင်မှာရိုက်ခွင့်ပေး

တမန် ၁၂း၄
၄ ပေတရုကိုလည်း ဖမ်းဆီးပြီးမှ၊ ပသခါပွဲလွန်လျှင် လူများတို့အား ထုတ်ပေးမည်အကြံနှင့်၊ အစောင့်အရှောက် စစ်သူရဲ တကျိန်ခြောက်ယောက်တို့၌ အပ်၍၊ ထောင်ထဲမှာ လှောင်ထားလေ၏။

၁ ကော ၅းရ
၇ သင်တို့သည် တဆေးမဲ့ဖြစ်သည်နှင့်အညီ၊ အသစ်သော မုန့်စိမ်းဖြစ်မည်အကြောင်း၊ ဟောင်းသောတဆေးကို၊ သုတ်သင်ပယ်ရှင်းကြလော့။ အကြောင်းမူကား၊ ခရစ်တော်တည်းဟူသော၊ ငါတို့ ပသခါသိုးသငယ်သည် ငါတို့အဘို့ ယဇ်ပူဇော်ရာဖြစ်၏။

ဟေဗြဲ ၁၁း၂၈
၂၈ သားဦးများကိုဖျက်ဆီးသောသူသည်၊ ဣသရေလလူတို့ကို ဒဏ်မခတ်စေခြင်းငှါ၊ ယုံကြည်ခြင်းအားဖြင့် ပသခါပွဲကို၎င်း၊ အသွေးဖြန်းဆွတ်ခြင်းကို၎င်း၊ စောင့်လေ၏။

၂၃ သင်တို့ အမျိုးသား ယောကျ်ား အပေါင်းတို့သည်၊ ဣသရေလအမျိုး၏ ဘုရားသခင် တည်းဟူသော ထာဝရအရှင်ဘုရားသခင့် ရှေ့တော်၌ တစ်နှစ်လျှင် သုံးကြိမ် မျက်နှာပြရကြမည်။ ၂၄ တပါးအမျိုးသားများကို သင်တို့ရှေ့က ငါနှင့်ထုတ်၍၊ သင်တို့ နေရာနယ်ကို ငါကျယ်စေမည်။ သင်၏ ဘုရားသခင် ထာဝရဘုရားရှေ့တော်၌ တစ်နှစ်တွင် သုံးကြိမ်မျက်နှာ ပြသွားရသောအခါ၊ သင်၏မြေကို အဘယ်သူမျှ မတပ်မက်ရ။ ၂၅ ငါ့ယဇ်ကောင်အသွေးကို တဆေးနှင့်ရော၍ မပူဇော်ရ။ ပသခါပွဲ [C] ယဇ်ကောင်ကို၊ နံနက်တိုင်အောင် မကြွင်းစေရ။ ၂၆ သင်၏မြေ၌ အဦးသီးသော အသီးအနှံ အကောင်းဆုံးကို၊ သင်၏ ဘုရားသခင် ထာဝရဘုရား၏ အိမ်တော်ထဲသို့ ဆောင်သွင်းရမည်။ ဆိတ်သူငယ်ကို အမိနို့ရည်နှင့် မပြုတ်မချက်ရ။ ၂၇ ဤစကားများကို ရေးထားလော့။ ဤစကားများလာသည်အတိုင်း သင်မှစ၍ ဣသရေလအမျိုးနှင့် ငါပဋိညာဉ်ပြုသည်၊ ဟုမောရှေအား မိန့်တော်မူ၏။ ၂၈ ထိုအရပ်မှာ မောရှေသည် အစာကိုမစား၊ ရေကိုမသောက်ဘဲ၊ အရက်လေးဆယ်ပတ်လုံး ထာဝရဘုရား အထံတော်၌ နေလေ၏။ ကျောက်ပြားပေါ်မှာ ပဋိညာဉ်စကား၊ ပညတ်တော်ဆယ်ပါးကို ရေးထားတော်မူ၏။

မောရှေ၏မျက်နှာထွန်းပ

၂၉ မောရှေသည် သက်သေခံချက် ကျောက်ပြားနှစ်ပြားကို ကိုင်လျက်၊ သိနာတောင်ပေါ်မှ ဆင်းသက်သောအခါ၊ မိမိနှင့် ဘုရားသခင် နှုတ်ဆက်တော်မူသောကြောင့်၊ မိမိမျက်နှာ အရေထွန်းပကြောင်းကို မိမိမသိ။ ၃၀ အာရုန်နှင့် ဣသရေလ အမျိုးသား အပေါင်းတို့သည်၊ မောရှေကို မြင်သောအခါ၊ သူ၏မျက်နှာအရေ ထွန်းပသောကြောင့်၊ သူတို့သည် မချဉ်းမကပ်ဝံ့ကြ။ ၃၁ မောရှေသည် သူတို့ကိုခေါ်၍၊ အာရုန်နှင့် ပရိသတ်သူကြီးတို့သည် ချဉ်းကပ်ကြလျှင်၊ မောရှေသည် နှုတ်ဆက်လေ၏။ ၃၂ ထိုနောက် ဣသရေလ အမျိုးသား အပေါင်းတို့သည် ချဉ်းကပ်ကြလျှင်၊ သိနာတောင်ပေါ်မှာ ထာဝရဘုရား မိန့်တော်မူသမျှတို့ကို သူတို့အား ဆင့်ဆိုလေ၏။ ၃၃ မောရှေသည် သူတို့အား ဟောပြော၍ မပြီးမှီ မိမိမျက်နှာကို ဖုံးအုပ်လေ၏။ ၃၄ ထာဝရဘုရား ရှေ့တော်သို့ဝင်၍ လျှောက်သောအခါ၊ မထွက်မှီတိုင်အောင် မျက်နှာဖုံးကို ချွတ်ထား၏။ တဖန်ထွက်၍ အမိန့်တော်ကို ဣသရေလ အမျိုးသားတို့အား ဆင့်ဆို၏။ ၃၅ သူ၏မျက်နှာအရေ ထွန်းပကြောင်းကို ဣသရေလ အမျိုးသားတို့သည် မြင်ကြလျှင်၊ တဖန်အထဲသို့ ဝင်၍ မလျှောက်မှီတိုင်အောင် မိမိမျက်နှာကို ဖုံးအုပ်ပြန်၏။

_________________________
Footnotes

၁၄ (a)

မြန်မာကျမ်းစာအုပ်၌ "အပြစ်ရှိယုံလွယ်" အမည်ရှိသော ထာဝရဘုရားသည် "အပြစ်ရှိသည်ဟုယုံလွယ်" သော ဘုရားသခင် ဖြစ်တော်မူ၏၊ ဟုဘာသာပြန်ထားသည်။ "အပြစ်ရှိသည်ဟုယုံလွယ်" ဟူသောအရာသည်၊ မူရင်းဟေဗြဲကျမ်း၌ קַנָּ֖א ဟူ၍ ၎င်း၊ အင်္ဂလိပ်အသံထွက် qan-nā ဟုတွေ့ရသည်။ ထိုစကားလုံး၏ အဓိပ္ပါယ်သည်၊ "သဝန်တို" ဟူ၍ဖြစ်သည်။