၁ ထိုကာလ၌ လေဝိအမျိုးသား တစ်ယောက်သည်၊ လေဝိအမျိုးသမီးနှင့် အိမ်ထောင်ဘက်ပြု၍၊ ၂ မိန်းမသည် ပဋိသန္ဓေ [A] ယူသဖြင့်၊ သားယောကျ်ားကို ဖွားမြင်လေ၏။ ထိုသားသည် အဆင်းလှကြောင်းကို အမိမြင်လျှင်၊ သုံးလပတ်လုံး ဖွက်ထားလေ၏။ ၃ နောက်တဖန် ဖွက်၍ မထားနိုင်သောအခါ၊ ဂမာကိုင်းပင်ဖြင့် ရက်သော ပုခက်ကိုယူ၍၊ ရေညှိနှင့်သစ်စေးဖြင့် လူးပြီးလျှင်၊ ပုခက်ထဲတွင် သူငယ်ကိုထည့်၍ မြစ်ကမ်းနားကိုင်းတော၌ ထားလေ၏။ ၄ သူငယ်အစ်မလည်း အဘယ်သို့ဖြစ်မည်ကို သိမြင်ခြင်းငှာ အဝေး၌ ရပ်နေလေ၏။ ၅ ဖာရောဘုရင်၏ သမီးတော်သည် ရေချိုးခြင်းငှာ ဆင်းလာ၍၊ ကျွန်မတို့နှင့် မြစ်ကမ်းနား၌ လှည့်လည်စဉ်၊ ကိုင်းတော၌ ပုခက်ကိုမြင်၍ ဆောင်ယူစေခြင်းငှာ ကျွန်မတစ်ယောက်ကို စေလွှတ်လေ၏။ ၆ ပုခက်ဖုံးကိုဖွင့်သောအခါ၊ ငိုလျက်နေသော သူငယ်ကိုမြင်၍၊ သနားသောစိတ်ရှိလျှင်၊ ဤသူငယ်သည် ဟေဗြဲအမျိုးဖြစ်လိမ့်မည်ဟုဆိုပြီးသော်၊ ၇ သူငယ်၏အစ်မက၊ ကိုယ်တော်အတွက် သူငယ်ကို ထိန်းရသော ဟေဗြဲအထိန်းကို ကျွန်မသွား၍ ခေါ်ရပါမည်လော၊ ဟုဖာရောဘုရင်သမီးတော်အား မေးလျှောက်၍၊ ၈ မင်းသမီးက သွားလော့၊ ဟုအခွင့်ပေးလျှင်၊ မိန်းမငယ်သွား၍ သူငယ်၏အမိကို ခေါ်လေ၏။

၉ ဖာရောဘုရင်၏သမီးတော်က၊ ဤသူငယ်ကိုယူသွား၍ ငါ့ဖို့ထိန်းလော့။ အခကို ငါပေးမည်၊ ဟုမှာထားသည်အတိုင်း၊ ထိုမိန်းမသည် သူငယ်ကိုယူသွား၍ ထိန်းလေ၏။ ၁၀ သူငယ်ကြီးပွားသောအခါ၊ ဖာရောဘုရင်၏ သမီးတော်ထံသို့ ပို့ဆောင်၍ မင်းသမီးသည် သားအရာ၌ ခန့်ထားလျက်၊ မောရှေအမည်ဖြင့်မှည့်၏။ အကြောင်းမူကား၊ ရေထဲက ငါနှုတ်ယူသည်၊ ဟုဆိုသတည်း။

မောရှေ မိမိလူမျိုးကို ကူညီ၍ အဲဂုတ္တုလူသတ်

၁၁ မောရှေသည် ကြီးသောအခါ၊ မိမိအမျိုးသားချင်းတို့ ရှိရာသို့သွား၍၊ သူတို့ အမှုထမ်းရသော အခြင်းအရာတို့ကို ကြည့်ရှုလေ၏။ မိမိအမျိုးသား ဟေဗြဲလူတစ်ယောက်ကို၊ အဲဂုတ္တုလူရိုက်သည်ကိုမြင်လျှင်၊ ၁၂ ပတ်လည်ကြည့်ရှု၍ အဘယ်သူမျှ မရှိသည်ကို သိသောအခါ၊ အဲဂုတ္တုလူကို သတ်၍ သဲထဲ၌ မြုပ်ထားလေ၏။ ၁၃ နက်ဖြန်နေ့၌ ထွက်ပြန်သော်၊ ဟေဗြဲလူ နှစ်ယောက်တို့သည် အချင်းချင်း သတ်ကြသည်ကို မြင်လျှင်၊ သင်သည် သင်၏အပေါင်းအဖော်ကို အဘယ်ကြောင့် ရိုက်သနည်း၊ ဟုညှဉ်းဆဲသောသူအား မေးသည်ရှိသော်၊ ၁၄ ထိုသူက၊ အဘယ်သူသည် သင့်ကိုငါတို့အပေါ်မှာ အကဲအမှူး၊ တရားသူကြီးအရာ၌ ခန့်ထားသနည်း။ အဲဂုတ္တုလူကို သတ်သကဲ့သို့၊ ငါ့ကိုသတ်လိုသလော၊ ဟုပြန်ဆို၏။ ထိုအခါ မောရှေသည် မိမိပြုသောအမှု ထင်ရှားပြီ၊ ဟုသိ၍ကြောက်လေ၏။ ၁၅ ထိုသိတင်းကို ဖာရောဘုရင် ကြားသောအခါ၊ မောရှေကိုသတ်ခြင်းငှာ ရှာကြံလေ၏။ မောရှေသည် ဖာရောဘုရင်ထံမှ ထွက်ပြေး၍၊ မိဒျန်ပြည်သို့ရောက်လျှင်၊ ရေတွင်းနားမှာ ထိုင်၍နားနေလေ၏။

မောရှေမိဒျန်တော၌ ထွက်ပြေး မိန်းမယူ

CROSS REFERENCES

ကမ္ဘာ ၂၃း၄
၄ ငါသည် သင်တို့ထံမှာ ဧည့်သည်အာဂန္တု ဖြစ်ပါ၏။%fo(a) ငါ၏မယားအသေကောင်ကို မျက်ကွယ်မြှုပ်မည်အကြောင်း၊ သင်တို့တွင် သင်္ချိုင်းကိုငါ့အား အခွင့်ပေးပါလော့၊ ဟုဆို၏။

ကမ္ဘာ ၂၆း၃
၃ ယခုဤပြည်၌ တည်းခို၍ နေလော့။ သင့်ဘက်မှာ ငါနေ၍ ကောင်းကြီးပေးမည်။ အကြောင်းမူကား၊ သင်နှင့်သင်၏အမျိုးအနွယ်အား ဤပြည်ရှိသမျှတို့ကို ငါပေးမည်။ သင်၏အဘ အာဗြဟံအား ငါကျိန်ဆိုသော စကားရှိသည်အတိုင်း ငါပြုမည်။

ကမ္ဘာ ၄ရး၉
၉ ကျွန်တော်သည် ဧည့်သည်အာဂန္တုဖြစ်၍ လွန်သောအသက်သည် အနှစ် တစ်ရာ့သုံးဆယ်ရှိပါပြီ။ ကျွန်တော် အသက်ရှင်သောနှစ် နည်း၍ဆိုးပါ၏။ ဧည့်သည်အာဂန္တုဖြစ်သော ဘိုးဘေးတို့၏ အသက်တမ်းကို မမှီပါဟုလျှောက်ဆိုပြီးလျှင်၊

ထွက် ၂း၂၂
၂၂ ထိုမိန်းမဖွားသောသားကို ဂေရရှုံ (Gershom) အမည်ဖြင့်မှည့်၏။ အကြောင်းမူကား၊ ငါသည် တကျွန်းတနိုင်ငံ၌ ဧည့်သည်အာဂန္တုဖြစ်ရပြီ ဟုဆိုသတည်း။ sဣသရေလ အမျိုးသားတို့ ညည်းတွားငိုကြွေးသံ ဘုရားကြား

ဝတ်ပြု ၂၅း၂၃
၂၃ မြေကို သူတပါး အစဉ်ပိုင်စေခြင်းငှာ မရောင်းရ။ မြေသည်ငါဥစ္စာဖြစ်၏။%fo(a)သင်တို့သည် ငါ၌တည်းသော ဧည့်သည်အာဂန္တု ဖြစ်ကြ၏။

၁ ရာ ၂၉း၁၅
၁၅ အကျွန်ုပ်တို့သည် ဘိုးဘေးများကဲ့သို့ ရှေ့တော်၌ ဧည့်သည် အာဂန္တုဖြစ်ပါ၏။ မြေကြီးပေါ်မှာ နေရသော ကာလသည် အရိပ်ကဲ့သို့ ဖြစ်ပါ၏။ မှီခိုရာမရှိပါ။

ဆာ ၁၁၉း၁၉
၁၉ အကျွန်ုပ်သည် မြေကြီးပေါ်မှာ ဧည့်သည်ဖြစ်ပါ၏၊၊ ပညတ်တော်တို့ကို ဝှက်ထားတော်မမူပါနှင့်၊၊

ဆာ ၃၉း၁၂
၁၂ အိုထာဝရဘုရား အကျွန်ုပ် ဆုတောင်းခြင်း ပဌနာကို ကြားတော်မူပါ၊၊ အကျွန်ုပ် အော်ဟစ်သော အသံကို နားထောင်တော်မူပါ၊၊ အကျွန်ုပ် မျက်ရည်ကို ကြည့်၍ နေတော်မမူပါနှင့်၊၊ ဘိုးဘေးအပေါင်းတို့သည် ဖြစ်ဘူးသကဲ့သို့ အကျွန်ုပ်သည် ရှေ့တော်၌ ဧည့်သည် အာဂန္တုဖြစ်ပါ၏၊၊

ယောဟန် ၁ရး၁၆
၁၆ အကျွန်ုပ်သည် ဤလောကနှင့် မဆက်ဆံသကဲ့သို့၊ ဤသူတို့သည် မဆက်ဆံကြပါ။

ဟေဗြဲ ၁၁း၁၃
၁၃ ယခုဆိုခဲ့ပြီးသောသူ အပေါင်းတို့သည်၊ ဂတိတော်နှင့် စပ်ဆိုင်သော အကျိုးကျေးဇူးကို မခံရဘဲ၊ အဝေးက မြော်မြင်လျက်၊ စိတ်နှလုံးနှင့် ဘက်ယမ်းလျက်၊ မိမိတို့သည် မြေကြီးပေါ်မှာ တကျွန်းသူတနိုင်ငံသား၊ ဧည့်သည် အာဂန္တုဖြစ်သည် ကို ထင်ရှားစွာဝန်ခံလျက်၊ ယုံကြည်ခြင်းစိတ်နှင့် သေလွန်ကြ၏။

၁ ပေ ၁း၂
၂ ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာရှိပြည်၊ ဗိသုနိပြည်၊ အရပ်ရပ်တို့၌ ကွဲပြားသော ဧည့်သည်အာဂန္တုတို့ကို ကြားလိုက်ပါ၏။ ကျေးဇူးတော်နှင့် ငြိမ်သက်ခြင်းသည်၊ သင်တို့၌ များပြားပါစေသော်။ s ငါတို့ကိုတဖန်ဖြစ်ဖွား(born again)စေ

၁ ပေ ၁း၁ရ
၁၇ လူမျက်နှာကိုမငဲ့၊ ခပ်သိမ်းသောသူတို့၏ အကျင့်အတိုင်း စီရင်တော်မူသော ခမည်းတော်ကို၊ သင်တို့သည် ဆုတောင်းကိုးကွယ်လျှင်၊ ဧည့်သည်ဖြစ်စဉ် ကာလပတ်လုံး ကြောက်ရွံ့သော စိတ်နှင့်ကျင့်နေကြလော့။

၁ ပေ ၂း၁၁
၁၁ ချစ်သူတို့၊ ဝိညာဉ်နှင့် စစ်ပြိုင်တတ်သော ကိုယ်ကာယ တပ်မက်ခြင်းတို့ကို ရှောင်မည်အကြောင်း၊ ဧည့်သည် အာဂန္တု ကဲ့သို့သော သင်တို့ကို ငါတောင်းပန်၏။

၁ ယော ၂း၁၅
၁၅ လောကကို၎င်း၊ လောက၌ ရှိသောအရာတို့ကို၎င်း၊ မချစ်ကြနှင့်။ လောကကိုချစ်သောသူ မည်သည်ကား၊ ခမည်းတော်ကို ချစ်ခြင်းမေတ္တာမရှိ။

၁၆ ထိုအခါ မိဒျန်ယဇ်ပုရောဟိတ်၏သမီး ညီအစ်မခုနစ်ယောက်တို့သည်၊ မိမိတို့အဘ၏ သိုးဆိတ်များကို ရေတိုက်ခြင်းငှာ လာ၍ ရေခပ်ပြီးလျှင်၊ ရေသောက်ခွက်တို့၌ လောင်းကြ၏။ ၁၇ သိုးထိန်းအချို့တို့လည်း လာ၍ သိုးဆိတ်များကို မောင်းကြ၏။ ထိုအခါ မောရှေသည်ထ၍ ထိုမိန်းမတို့ဘက်၌ နေလျက်၊ သိုးဆိတ်များကို ရေတိုက်လေ၏။ ၁၈ ထိုမိန်းမတို့သည် အဘရွေလထံသို့ ရောက်ကြသော်၊ အဘက အဘယ်ကြောင့် ယနေ့ အလျင်အမြန် ရောက်လာရကြသနည်း၊ ဟုမေးလေ၏။ ၁၉ သူတို့ကလည်း၊ အဲဂုတ္တုလူတစ်ယောက်သည် အကျွန်ုပ်တို့ကို သိုးထိန်းတို့လက်မှ ကယ်နှုတ်၍၊ ရေလိုသမျှကိုခပ်သဖြင့်၊ သိုးဆိတ်များကို ရေတိုက်ပါသည်၊ ဟုပြန်ပြော၏။ ၂၀ အဘကလည်း၊ ထိုသူသည်အဘယ်မှာရှိသနည်း။ အဘယ်ကြောင့် သူ့ကိုပစ်ထားခဲ့သနည်း။ အစာစားစေခြင်းငှာ သူ့ကိုခေါ်ချေကြ၊ ဟုဆိုလေ၏။ ၂၁ မောရှေသည် ထိုသူထံမှာနေ၍ ပျော်မွေ့သဖြင့်၊ သမီးဇိပေါရ (Zipporah) ကို မောရှေအား ထိမ်းမြားပေးစားလေ၏။ ၂၂ ထိုမိန်းမဖွားသောသားကို ဂေရရှုံ (Gershom) အမည်ဖြင့်မှည့်၏။ အကြောင်းမူကား၊ ငါသည် တကျွန်းတနိုင်ငံ၌ ဧည့်သည်အာဂန္တုဖြစ်ရပြီ ဟုဆိုသတည်း။ [B]

ဣသရေလ အမျိုးသားတို့ ညည်းတွားငိုကြွေးသံ ဘုရားကြား

၂၃ ကာလအင်တန်ကြာပြီးမှ၊ အဲဂုတ္တုရှင်ဘုရင် အနိစ္စရောက်လေ၏။ ဣသရေလ အမျိုးသားတို့လည်း အစေကျွန် ခံရသောကြောင့် ညည်းတွားငိုကြွေးကြ၏။ ထိုသို့ အစေကျွန်ခံ၍ ငိုကြွေးသောအသံသည်၊ ဘုရားသခင် ထံတော်သို့ တက်ရောက်လေ၏။ ၂၄ သူတို့ညည်းတွား၊ မြည်တမ်းခြင်းအသံကို ဘုရားသခင် ကြားတော်မူလျှင်၊ အာဗြဟံ၊ ဣဇာက်၊ ယာကုပ်နှင့်ပြုခဲ့ဘူးသော ပဋိညာဉ်ကို အောက်မေ့တော်မူ၏။ ၂၅ ဘုရားသခင်သည်လည်း၊ ဣသရေလ အမျိုးသားတို့ကို ကြည့်ရှု၍ သူတို့အမှုကို ဆင်ခြင်တော်မူ၏။