၁ ဓမ္မရာဇဝင်

အခန်းကြီး ၄

ပဋိညာဉ် သေတ္တာတော်အားကိုး

၁ တဖန် ဣသရေလ အမျိုးသားတို့သည်၊ ဖိလိတ္တိလူတို့ကို တိုက်ခြင်းငှာ ချီသွား၍၊ ဧဗနေဇာမြို့နားမှာ တပ်ချလျက်၊ ဖိလိတ္တိလူတို့သည် အာဖက်မြို့၌ တပ်ချလျက် နေကြ၏။ ၂ ဖိလိတ္တိလူတို့သည် ဣသရေလ အမျိုးကို စစ်ခင်းကျင်း၍ တိုက်ကြသောအခါ၊ ဣသရေလ အမျိုးသည် စစ်ရှုံး၍၊ ရန်သူလက်တွင် သူရဲ လေးထောင်ခန့်မျှ သေကြ၏။ ၃ လူများတို့သည် တပ်ထဲသို့ ရောက်သောအခါ၊ ဣသရေလ အမျိုး အသက်ကြီးသူတို့က၊ ယနေ့ ထာဝရဘုရားသည် ငါတို့ကို ဖိလိတ္တိလူတို့ရှေ့မှာ အဘယ်ကြောင့် ရှုံးစေတော်မူသနည်း။ ထာဝရဘုရား၏ ပဋိညာဉ် သေတ္တာတော်သည် လာ၍၊ ငါတို့ကို ရန်သူလက်မှ ကယ်တင်စေခြင်းငှာ၊ ရှိလောမှ ဆောင်ခဲ့ကြကုန်အံ့၊ ဟုဆိုကြသည်အတိုင်း၊ ၄ လူများတို့သည် ရှိလောသို့ လူကိုစေလွှတ်၍၊ ခေရုဗိမ်စပ်ကြားမှာ နေသော ကောင်းကင်ဗိုလ်ခြေအရှင် ထာဝရဘုရား၏ ပဋိညာဉ် သေတ္တာတော်ကို ဆောင်ခဲ့သဖြင့်၊ ဘုရားသခင်၏ ပဋိညာဉ် သေတ္တာတော်နှင့်အတူ ဧလိ၏သား ဟောဖနိနှင့် ဖိနဟတ် နှစ်ယောက်တို့သည် ပါကြ၏။

ပဋိညာဉ်သေတ္တာ ဟေဗြဲတပ်၌ရောက်

၅ ထာဝရဘုရား၏ ပဋိညာဉ် သေတ္တာတော်သည် တပ်ထဲသို့ ရောက်သောအခါ၊ မြေကြီးအသံ မြည်သည်တိုင်အောင် တပ်သား အပေါင်းတို့သည် ကြွေးကြော်ကြ၏။ ၆ ကြွေးကြော်သံကို ဖိလိတ္တိလူတို့သည် ကြားလျှင်၊ ဟေဗြဲတပ်၌ ပြုသော ကြွေးကြော် သံကြီးကား အဘယ်သို့နည်း၊ ဟုမေးလျက်၊ ထာဝရဘုရား၏ သေတ္တာတော်သည် ထိုတပ်ထဲသို့ ရောက်ကြောင်းကို သိကြ၏။

ဖိလိတ္တိ လူများ ထာ၀ရဘုရားကို အလွန်ကြောက်

၇ ဖိလိတ္တိလူတို့သည် ကြောက်၍၊ ဘုရားသခင်သည် ဟေဗြဲတပ်ထဲသို့ ရောက်လေပြီတကား။ ငါတို့သည် အမင်္ဂလာရှိကြ၏။ တစ်ခါမျှ ဤသို့ မဖြစ်စဖူး၊ ၈ ငါတို့သည် အမင်္ဂလာရှိကြ၏။ တန်ခိုးကြီးမားသော ဤဘုရားသခင်၏ လက်မှ ငါတို့ကို အဘယ်သူ ကယ်တင်လိမ့်မည်နည်း။ တော၌ အဲဂုတ္တုလူတို့ကို ဘေးအပေါင်းနှင့် ဒဏ်ခတ်သော ဘုရားကား၊ အခြားမဟုတ် ဤဘုရားပေတည်း။

ဣသရေလ လူတို့စစ်ရှုံး

CROSS REFERENCES

၁ ဓမ္မ ၂း၁၂-၁၇

၁ ဓမ္မ ၂း၂၂-၂၅

၁ ဓမ္မ ၂း၃၄

၁ ဓမ္မ ၂း၁၂-၁၇
၁၂ ဧလိ၏သားတို့သည် ထာဝရဘုရားကို မသိ၊ အဓမ္မလူ ဖြစ်ကြ၏။

၁ ဓမ္မ ၂း၂၂-၂၅
၂၂ ဧလိသည် အသက်အရွယ် လွန်သောအခါ၊ သူ၏သားတို့သည် ဣသရေလ လူအပေါင်းတို့၌ ပြုသမျှကို၎င်း၊ ပရိသတ် စည်းဝေးရာ တဲတော် တံခါးနားမှာ စည်းဝေးသော မိန်းမနှင့် မှားယွင်းကြောင်းကို၎င်း ကြားသိလျှင်၊

၁ ဓမ္မ ၂း၃၄
၃၄ သင်၏သား ဟောဖိနိနှင့် ဖိနဟတ်နှစ်ယောက်တို့၌ ဖြစ်စေ၍၊ သင့်အားငါပေးသော ပုပ္ပနိမိတ်ဟူမူကား၊ ထိုသူနှစ်ယောက်တို့သည် တစ်နေ့ခြင်းတွင် သေလိမ့်မည်။

၉ အိုဖိလိတ္တိလူတို့၊ ဣသရေလ လူတို့သည် သင်တို့ထံ၌ ကျွန်ခံရသကဲ့သို့၊ သူတို့ထံ၌ ငါတို့သည် ကျွန်မခံရမည် အကြောင်း၊ အားယူ၍ ယောက်ျား ပြုကြလော့။ ယောက်ျားပြု၍ တိုက်ကြလော့၊ ဟုပြောဆိုကြ၏။ ၁၀ ဖိလိတ္တိလူတို့သည် စစ်တိုက်သဖြင့်၊ ဣသရေလ အမျိုးရှုံးပြန်၍၊ လူတိုင်း မိမိနေရာသို့ ပြေးလေ၏။ ကြီးစွာသော လုပ်ကြံခြင်း ဖြစ်၍၊ ဣသရေလ ခြေသည်သူရဲ သုံးသောင်းတို့သည် သေကြ၏။ ၁၁ ဘုရားသခင်၏ သေတ္တာတော်သည် ရန်သူ လက်သို့ရောက်၍၊ ဧလိ၏သား ဟောဖနိနှင့် ဖိနဟတ် နှစ်ယောက်တို့သည် အသက်ဆုံးလေ၏။ [A]

စစ်တိုက်ရာမှ သတင်းပေးသူ ရောက်လာ

၁၂ ဗင်္ယာမိန်အမျိုးသား တစ်ယောက်သည်၊ စစ်တိုက်ရာထဲက ပြေးလာ၍၊ မိမိအဝတ်ကို ဆုတ်လျက်၊ မိမိခေါင်းပေါ်မှာ မြေမှုန့်ကို တင်လျက်၊ ထိုနေ့ခြင်းတွင် ရှိလောသို့ ရောက်လေ၏။ ၁၃ ရောက်သောအခါ၊ ဧလိသည် လမ်းနား၌ ခုံပေါ်မှာထိုင်၍ ဘုရားသခင်၏ သေတ္တာတော်အတွက် စိတ်နှလုံး တုန်လှုပ်လျက် စောင့်နေ၏။ ပြေးသောသူသည် မြို့ထဲသို့ရောက်၍ သတင်းပြောသဖြင့်၊ တစ်မြို့လုံး အော်ဟစ်ကြ၏။ ၁၄ အော်ဟစ်သံကို ဧလိကြားသော်၊ အုတ်အုတ် ကျက်ကျက်သော အသံကား၊ အဘယ်သို့နည်း၊ ဟုမေးလျှင်၊ ထိုသူသည် အလျင်အမြန်လာ၍ ဧလိအား လျှောက်လေ၏။ ၁၅ ထိုအခါ ဧလိသည် အသက် ကိုးဆယ့်ရှစ်နှစ်ရှိ၍ မျက်စိ မမြင်နိုင်အောင် မျက်ကြောသေနှင့်ပြီ။

ဧလိနှင့်သား နှစ်ယောက် သေကြ

၁၆ ပြေးသောသူက၊ အကျွန်ုပ်သည် စစ်တိုက်ရာမှ ရောက်လာသောသူ ဖြစ်ပါ၏။ စစ်တိုက်ရာထဲက ယနေ့ အကျွန်ုပ်ပြေး၍ လာပါ၏၊ ဟုလျှောက်လျှင်၊ ဧလိက၊ ငါ့သား၊ အမှုကား အဘယ်သို့နည်း၊ ဟုမေးလေသော်၊ ၁၇ တမန်က၊ ဣသရေလအမျိုးသည် ဖိလိတ္တိ လူတို့ ရှေ့မှာပြေး၍ ကြီးစွာသော လုပ်ကြံခြင်းကို ခံရကြပါပြီ၊ ကိုယ်တော်၏သား၊ ဟောဖနိနှင့် ဖိနဟတ် နှစ်ယောက်တို့သည် သေပါပြီ။ ဘုရားသခင်၏ သေတ္တာတော်သည်လည်း ရန်သူလက်သို့ ရောက်ပါပြီ၊ ဟုပြန်လျှောက်လေ၏။ ၁၈ ဘုရားသခင်၏ သေတ္တာတော် သတင်းကို ကြားသောအခါ၊ ဧလိသည် တံခါးနားမှာ ထိုင်သောခုံပေါ်က နောက်သို့ လန်ကျသဖြင့်၊ လည်ပင်းကျိုး၍ သေလေ၏။ အသက်ကြီး၍ ကိုယ်လေးသောသူ ဖြစ်၏။ ထိုသူသည် ဣသရေလ အမျိုးကို အနှစ်လေးဆယ် အုပ်စိုးသတည်း။

ဧလိချွေးမ ကလေးမွေး

CROSS REFERENCES

ကမ္ဘာ ၃၅း၁ရ
၁၇ ထိုသို့ ပြင်းစွာခံနေရစဉ်တွင်၊ ဝမ်းဆွဲက၊ မစိုးရိမ်နှင့်၊ သား ယောက်ျားကိုရပြီ၊ ဟုဆိုလေ၏။

ကမ္ဘာ ၄၆း၃
၃ ထာဝရဘုရားကလည်း၊ ငါသည် ဘုရားသခင်ဖြစ်၏။ သင့်အဘ၏ ဘုရားသခင်ဖြစ်၏။ အဲဂုတ္တုပြည်သို့ သွားမည်အခွင့်ကို မစိုးရိမ်နှင့်။ ငါသည် ထိုပြည်၌ သင့်ကို လူမျိုးကြီးဖြစ်စေမည်။

တရားဟော ၃၁း၈
၈ သင်ရှေ့မှာ ထာဝရဘုရားသည် ကိုယ်တိုင်ကြွ၍ သင်နှင့် ရှိတော်မူလိမ့်မည်။ သင့်ကို စွန့်တော်မမူ၊ ပစ်ထားတော်မမူ။ မစိုးရိမ်နှင့်၊စိတ်မပျက်နှင့်၊ ဟုဣသရေလ အမျိုးသား အပေါင်းတို့ ရှေ့မှာပြောဆို၏။ sဤပညတ်တရားကို ခုနစ်နှစ်စေ့ သကေနေပွဲတိုင်း၌ ဖတ်ရမည်

တရားသူ ၆း၂၃
၂၃ ထာဝရဘုရားက၊ ချမ်းသာပါစေ။ မစိုးရိမ်နှင့်။သင်သည် သေဘေးနှင့် လွတ်လျက်ရှိသည်၊ ဟုမိန့်တော်မူ၏။

ရုသ ၃း၁၁
၁၁ မစိုးရိမ်နှင့်ငါ့သမီး။ တောင်းသမျှကို ငါပြုမည်။ သင်သည် သီလနှင့် ပြည့်စုံသော မိန်းမဖြစ်ကြောင်းကို ငါ့လူမျိုးနေသော တစ်မြို့လုံးသိ၏။

၁ ဓမ္မ ၄း၂၀
၂၀ သေလုသောအခါ အနားမှာရှိသော မိန်းမတို့က၊ မစိုးရိမ်နှင့်၊သားယောက်ျားကို ဖွားမြင်ပြီ၊ ဟုဆိုသော်လည်း ပြန်မပြော၊ အမှုမထားဘဲ နေ၏။

၁ ဓမ္မ ၂၂း၂၃
၂၃ ငါနှင့်အတူနေပါလော့။ မစိုးရိမ်နှင့်။ငါ့အသက်ကို ရှာသောသူသည် သင့်အသက်ကိုရှာ၏။ ငါနှင့်အတူနေလျှင် ဘေးလွတ်ပါလိမ့်မည်၊ ဟု အဗျာသာအား ပြောဆို၏။

၁ ဓမ္မ ၂၃း၁ရ
၁၇ မစိုးရိမ်နှင့်၊ သင်သည် ကျွန်ုပ်အဘ ရှောလု၏လက်မှ လွတ်၍ ဣသရေလ ရှင်ဘုရင် ဖြစ်လိမ့်မည်။ ကျွန်ုပ်သည်လည်း သင့်အောက်မှာ အရာကြီးလိမ့်မည်။ ထိုသို့ဖြစ်မည်ကို ကျွန်ုပ်အဘ ရှောလု သိသည်၊ ဟုဆိုသဖြင့်၊

၁ ဓမ္မ ၂၈း၁၃
၁၃ ရှင်ဘုရင်က မစိုးရိမ်နှင့်။အဘယ်အရာကို မြင်သနည်း၊ ဟုမေးသော်၊ မိန်းမက မြေကြီးထဲက ဘုရားတက်လာသည်ကို ကျွန်မမြင်ပါသည်၊ ဟုလျှောက်၏။

၃ ဓမ္မ ၁ရး၁၃
၁၃ ဧလိယကလည်း မစိုးရိမ်နှင့်။သင်ဆိုသည် အတိုင်းသွား၍ ပြုလော့။ သို့ရာတွ င်ငါ့အဘို့ မုန့်ပြားငယ်တပြားကို အရင်လုပ်၍ ယူခဲ့လော့။ နောက်မှ သင်နှင့်သင်၏ သားငယ်အဘို့ လုပ်လော့။

၁ ရာ ၂၈း၂၀
၂၀ သားတော် ရှောလမုန်အားလည်း၊ သင်သည် အားယူ၍ ရဲရင့်သောစိတ်နှင့် လုပ်ဆောင်လော့။ မစိုးရိမ်နှင့်။ စိတ်မပျက်နှင့်။ ငါ၏ ဘုရားသခင် ထာဝရအရှင် ဘုရားသခင်သည် သင်နှင့်အတူ ရှိတော်မူလိမ့်မည်။ ထာဝရဘုရား၏ အိမ်တော်အမှုကို ဆောင်ရွက်ရာဘို့ လုပ်ဆောင်၍ လက်စမသတ်မှီ တိုင်အောင် သင့်ကို စွန့်တော်မမူ။ ပစ်ထားတော်မမူ။

ဆာ ၄၉း၁၆
၁၆ သူတပါးသည် ဥစ္စာကြွယ်ဝ၍ အိမ်၏ ဂုဏ်အသရေ တိုးပွားသောအခါ သင်သည် မစိုးရိမ်နှင့်၊၊

ဟေရှာယ ရး၄
၄ သတိပြု၍ ငြိမ်သက်စွာနေလော့၊၊ မီးခိုးထွက်သော ဤထင်းစနှစ်ခုတည်းဟူသော ရှုရိမင်းရေဇိန်နှင့် ရေမလိ၏သားတို့သည် ပြင်းစွာ အမျက်ထွက်သော်လည်း၊ မစိုးရိမ်နှင့်၊ စိတ်မပျက်နှင့်၊၊

ဟေရှာယ ၄၁း၆
၆ အိမ်နီးချင်း တယောက်ကို တယောက်မစ၍၊ ညီအစ်ကိုချင်း တယောက်ကို တယောက်၊ မစိုးရိမ်နှင့်၊ ဟုဆိုကြ၏။

ဟေရှာယ ၄၁း၁၀
၁၀ မစိုးရိမ်နှင့်။ငါသည် သင့်ဘက်မှာရှိ၏။ မကြောက်နှင့်။ သင်၏ ဘုရားသခင် ငါသည် သင့်ကို ခိုင်ခံ့စေမည်။ သင့်ကို စောင့်မမည်။ ငါ့သစ္စာ လက်ျာလက်ဖြင့် ထောက်ပင့်မည်။

ဟေရှာယ ၄၁း၁၃-၁၄
၁၃ အကြောင်းမူကား၊ သင်၏ ဘုရားသခင် ထာဝရဘုရားက၊ မစိုးရိမ်နှင့်။ ငါမစမည်၊ ဟုသင့်အား ဆိုလျက်၊ သင်၏ လက်ျာလက်ကို ကိုင်မည်။

ဟေရှာယ ၄၃း၁
၁ အိုယာကုပ်အမျိုး ဣသရေလ အနွယ်၊ သင့်ကို ဖန်ဆင်း ပြုပြင်တော်မူသော ထာဝရဘုရား မိန့်တော်မူသည်ကား၊ မစိုးရိမ်နှင့်။ သင့်ကို ငါရွေးနှုတ်ပြီ။ ငါ့နာမဖြင့် မှည့်ပြီ။ သင့်ကို ငါဆိုင်၏။

ဟေရှာယ ၄၃း၅
၅ မစိုးရိမ်နှင့်။ငါသည် သင်နှင့်အတူရှိ၏။ အရှေ့မျက်နှာမှ သင်၏ အမျိုးအနွယ်ကို ငါဆောင်ခဲ့မည်။ အနောက်မျက်နှာမှ သင့်ကိုစုသိမ်းမည်။

ဟေရှာယ ၄၄း၂
၂ သင့်ကို ဖန်ဆင်းတော်မူသော ဘုရား၊ ဖွားစကပင် သင့်ကို ပြုပြင်၍၊ နောင်၌လည်း မစလတံ့သော ထာဝရဘုရား မိန့်တော်မူသည်ကား၊ ငါ့ကျွန်ယာကုပ်၊ ငါရွေးကောက်သောသူယေရှုရုန်၊%fo(a) မစိုးရိမ်နှင့်။

ဟေရှာယ ၅၄း၄
၄ မစိုးရိမ်နှင့်။ရှက်ကြောက်ခြင်းသို့ မရောက်ရ၊၊ မျက်နှာမပျက်နှင့်။ အရှက်ကွဲခြင်းမခံရ။ အသက်ငယ်စဉ်အခါ ခံရသော ရှက်ကြောက်ခြင်းကို မေ့လျော့လိမ့်မည်။ မုဆိုးမဖြစ်၍ ခံရသော ကဲ့ရဲ့ခြင်းကို နောက်တဖန် မအောက်မေ့ရ။ sထာ၀ရဘုရား ဣသရေလ၏လင်

ယောလ ၂း၂၁-၂၂
၂၁ အိုပြည်တော်၊ မစိုးရိမ်နှင့်။ ဝမ်းမြောက်ရွှင်လန်းခြင်းရှိလော့။ ထာဝရဘုရားသည် ကြီးသောအမှုတို့ကို ပြုတော်မူမည်။

ဇေဖနိ ၃း၁၆
၁၆ မစိုးရိမ်နှင့်၊ ဟုယေရုရှလင်မြို့အား၎င်း၊ လက်အားမလျော့စေနှင့်၊ ဟုဇိအုန်တောင်အား၎င်း၊ ထိုအခါဆိုရ၏။

ဟဂ္ဂဲ ၂း၅
၅ အဲဂုတ္တု ပြည်မှ ထွက်သွားသောအခါ သင်တို့နှင့် ငါဖွဲ့သော ပဋိညာဉ်စကားနှင့်အညီ ငါသည်သင်တို့နှင့် အတူရှိ၏။ ငါ၏ ဝိညာဉ်တော်သည် သင်တို့တွင် နေရာကျ၏။ မစိုးရိမ်ကြနှင့်၊ ဟုကောင်းကင် ဗိုလ်ခြေအရှင် ထာဝရဘုရား မိန့်တော်မူ၏။ sနောက်အိမ်တော်သည် သာ၍ ဘုန်းကြီးမည်

ဇာခရိ ၈း၁၃-၁၅
၁၃ အိုယုဒအမျိုးနှင့် ဣသရေလ အမျိုးတို့ သင်တို့သည် တပါးအမျိုးသားတို့တွင် ကျိန်ဆဲရာ ဖြစ်ဘူးသကဲ့သို့၊ ကောင်းကြီးခံရာ ဖြစ်စေခြင်းငှါ၊ ငါကယ်တင်မည်။ မစိုးရိမ်ဘဲ လက်အားကြီးကြလော့။

မဿဲ ၁း၂၀
၂၀ ထိုသို့ကြံစည်၍ နေစဉ်တွင် အိပ်မက်ကို မြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုး ယောသပ်၊ သင်၏ခင်ပွန်း မာရိကို ထိန်းသိမ်းရမည့် အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသော ဝိညာဉ်တော်ကြောင့် ဖြစ်၏။

မဿဲ ၉း၂
၂ လက်ခြေသေ၍ အိပ်ရာပေါ်မှာ တုံးလုံးနေသော သူတစ်ယောက်ကို အထံတော်သို့ ဆောင်ခဲ့ကြ၏။ ယေရှုသည် ထိုသူတို့၏ ယုံကြည်ခြင်းကို မြင်လျှင်၊ လက်ခြေသေသောသူအား၊ ငါ့သားမစိုးရိမ်နှင့်။ သင်၏ အပြစ်ကို လွတ်စေပြီ၊ ဟုမိန့်တော်မူ၏။

မဿဲ ၉း၂၂
၂၂ ယေရှုသည် လှည့်၍ ထိုမိန်းမကို မြင်တော်မူလျှင်၊ ငါ့သမီး မစိုးရိမ်နှင့်၊ သင်၏ ယုံကြည်ခြင်းသည် သင့်အနာကို ငြိမ်းစေပြီ၊ ဟုမိန့်တော်မူ၏။ ထိုခဏမှစ၍ ထိုမိန်းမသည် အနာ ကင်းပျောက်လေ၏။ s တရားစရပ်မှုး၏ သမီးရှင်စေ

မာကု ၁၀း၄၉
၄၉ ယေရှုသည် ရပ်တော်မူလျက်၊ ထိုသူကိုခေါ်ခဲ့၊ ဟုအမိန့်တော်ရှိ၏။ သူတပါးတို့သည် လူကန်းကိုခေါ်၍ မစိုးရိမ်နှင့်၊ ထလော့။ သင့်ကိုခေါ်တော်မူသည်၊ ဟုဆိုကြ၏။

လု ၈း၄၈
၄၈ ကိုယ်တော်ကလည်းငါ့သမီး၊ မစိုးရိမ်နှင့်။ သင်၏ယုံကြည်ခြင်းသည် သင့်အနာကိုငြိမ်းစေပြီ။ ငြိမ်ဝပ်စွာသွားလော့၊ ဟုမိန့်တော်မူ၏။ s ယာဣရုသမီးပြန်ရှင်

လု ၁၀း၄၁
၄၁ ယေရှုက၊ မာသ၊ မာသ၊ သင်သည်များစွာသောအမှုတို့၌ စိုးရိမ်၍၊ နှောင့်ရှက်ခြင်းကို ခံရ၏။ လိုသောအရာတခုတည်းရှိ၏။

လု ၁၂း၁၁
၁၁ သင်တို့ကို တရားစရပ်သို့၎င်း၊ အကဲအမှူးမင်းများ ရှေ့သို့၎င်း၊ ပို့ဆောင်ကြသောအခါ အဘယ်သို့ ပြန်ပြောရမည်ကို၊ မစိုးရိမ်ကြနှင့်။

လု ၁၂း၂၂
၂၂ တဖန် တပည့်တော်တို့အား မိန့်တော်မူသည်ကား၊ ထိုကြောင့် သင်တို့သည် အဘယ်သို့ စားရမည်ဟူ၍၊ အသက်အဘို့ မစိုးရိမ်ကြနှင့်။ အဘယ်သို့ ဝတ်ရမည်ဟူ၍၊ ကိုယ်အဘို့ မစိုးရိမ်ကြနှင့်၊ ဟုငါဆို၏။

တမန် ၂၃း၁၁
၁၁ နက်ဖြန်နေ့ညတွင် သခင်ဘုရားသည် ပေါလုအနား၌ ပေါ်လာတော်မူလျက်၊ ပေါလုမစိုးရိမ်နှင့်။ ငါ၏အကြောင်းအရာကို သင်သည် ယေရုရှလင်မြို့၌ သက်သေခံပြီးသည်နည်းတူ၊ ရောမမြို့၌ လည်း ခံရဦးမည်၊ ဟုမိန့်တော်မူ၏။

တမန် ၂ရး၂၄
၂၄ ပေါလု၊ သင်သည် မစိုးရိမ်နှင့်၊ ကဲသာဘုရင်ရှေ့သို့ ရောက်ရမည်။ သင်နှင့်အတူ ပင်လယ်ကူးသောသူ အပေါင်းတို့ကို၊ ဘုရားသခင်သည် သင့်အား ပေးတော်မူပြီဟုဆို၏။

ဖိလိ ၄း၆
၆ အဘယ်အမှုကိုမျှ စိုးရိမ်ခြင်းမရှိဘဲ၊ အရာရာ၌ ကျေးဇူးတော်ကို ချီးမွမ်းခြင်းနှင့်တကွ၊ ဆုတောင်း ပဌနာပြုသောအားဖြင့်၊ သင်တို့ တောင်းပန်လိုသော အရာများတို့ကို၊ ဘုရားသခင်အား ကြားလျှောက်ကြလော့။

၁ ပေ ၅း၇
၇ သင်တို့ကို သတိနှင့် ကြည့်ရှုတော်မူသောကြောင့်၊ သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌ အပ်နှံကြလော့။

၁၉ သူ၏ချွေးမ ဖိနဟတ်၏ မယားသည် ပဋိသန္ဓေ အရင့်အမာရှိ၍ အချိန်နီးလျက်၊ ဘုရားသခင်၏ သေတ္တာတော်သည် ရန်သူလက်သို့ ရောက်ကြောင်း၊ ယောက္ခထီးနှင့် လင်သေကြောင်းကို ကြားသောအခါ၊ ကျောကုန်း၍ သားဖွားခြင်း ဝေဒနာကို ချက်ခြင်းခံရ၏။ ၂၀ သေလုသောအခါ အနားမှာရှိသော မိန်းမတို့က၊ မစိုးရိမ်နှင့်၊ [B]သားယောက်ျားကို ဖွားမြင်ပြီ၊ ဟုဆိုသော်လည်း ပြန်မပြော၊ အမှုမထားဘဲ နေ၏။ ၂၁ တဖန်ဘုရားသခင်၏ သေတ္တာတော်သည် ရန်သူလက်သို့ ရောက်သောကြောင့်၎င်း၊ မိမိယောက္ခမနှင့် လင်အမှုကြောင့်၎င်း၊ ဣသရေလ ဘုန်းအသရေ ပျောက်ခဲ့ပြီ၊ ဟုဆိုလျက်၊ ထိုသူငယ်ကို ဣခဗုဒ်(a) အမည်ဖြင့် မှည့်၍၊ ၂၂ ဣသရေလ အမျိုး၏ ဘုရားသခင့် သေတ္တာတော်သည် ရန်သူလက်သို့ ရောက်သောကြောင့်၊ ဣသရေလ ဘုန်းအသရေ ပျောက်ခဲ့ပြီ၊ ဟုဆိုလေ၏။

_________________________
Footnotes

၂၁ (a) ဣခဗုဒ် כָבוֹד֙ אִֽי־ Ichabod "ဘုန်းအသရေမရှိခြင်း" ကို ဆိုလိုသည်။