၁ ဓမ္မရာဇဝင်

အခန်းကြီး ၁၆

ထာ၀ရဘုရားက ရှမွေလကို ယေရှဲထံသို့လွှတ်

၁ တဖန် ထာဝရဘုရားက၊ ရှောလုကို ဣသရေလ ရှင်ဘုရင်အရာမှ ငါပယ်သောကြောင့်၊ သင်သည် အဘယ်မျှ ကာလပတ်လုံး စိတ်မသာ ညည်းတွားလျက် နေလိမ့်မည်နည်း။ သင်၏ဘူးကို ဆီနှင့် ပြည့်စေလော့။ ဗက်လင်မြို့သား ယေရှဲရှိရာသို့ ငါစေလွှတ်မည်။ သူ၏ သားတို့တွင် ငါ့အဖို့ ရှင်ဘုရင် တစ်ပါးကို ငါပြင်ဆင်ပြီ၊ ဟုရှမွေလအား မိန့်တော်မူ၏။ ၂ ရှမွေလက၊ အကျွန်ုပ်သည် အဘယ်သို့ သွားနိုင်ပါမည်နည်း။ ရှောလုကြားလျှင် သတ်ပါလိမ့်မည်၊ ဟုလျှောက်သော်၊ ထာဝရဘုရားက၊ နွားမတန်းကို ယူ၍ ငါသည် ထာဝရဘုရားအား ယဇ်ပူဇော်ခြင်းငှာ လာပြီ၊ ဟုပြောလော့။ ၃ ယေရှဲကိုလည်း ယဇ်ပွဲသို့ ခေါ်ဖိတ်လော့။ ထိုအခါ သင်သည် အဘယ်သို့ ပြုရမည်ကို ငါပြမည်။ ငါသည် နာမဖြင့် ထုတ်ပြသောသူကို ငါ့အဖို့ ဘိသိက်ပေးရမည်၊ ဟုမိန့်တော်မူသည်အတိုင်း၊ ၄ ရှမွေလပြု၍ ဗက်လင်မြို့သို့ သွားလေ၏။ ဗက်လင်မြို့သား အသက်ကြီးသူတို့သည် ရှမွေလနှင့် တွေ့သောအခါ တုန်လှုပ်၍၊ ကိုယ်တော်သည် ချမ်းသာပေးလျက် လာတော်မူသလော၊ ဟုမေးလျှောက်ကြသော်၊ ၅ ချမ်းသာပေးလျက် ထာဝရဘုရားအား ယဇ်ပူဇော်ခြင်းငှာ ငါလာပြီ၊ မိမိတို့ကို သန့်ရှင်းစေပြီးမှ ငါနှင့်အတူ ယဇ်ပွဲသို့လာကြ၊ ဟုဆိုသဖြင့်၊ ယေရှဲနှင့် သူ၏သားတို့ကို သန့်ရှင်းစေ၍ ယဇ်ပွဲသို့ ခေါ်လေ၏။

ထာ၀ရဘုရားက ဒါဝိဒ်ကိုရွေး

CROSS REFERENCES

၃ ဓမ္မ ၈း၄၀

လု ၁၆း၁၅

တမန် ၁း၂၅

၃ ဓမ္မ ၈း၄၀
၄၀ ဘိုးဘေးတို့အား ပေးသနားတော်မူသော ပြည်၌ သူတို့သည် အသက်ရှင်သော ကာလပတ်လုံး ကိုယ်တော်ကို ကြောက်ရွံ့ပါမည်အကြောင်း၊ ကိုယ်တော်သာလျှင် လူသတ္တဝါ အပေါင်းတို့၏ စိတ်နှလုံးသဘောကို သိတော်မူသည် ဖြစ်၍၊ ဆုတောင်းသော သူတို့၏ စိတ်နှလုံးသဘောကို သိလျက်၊ သူတို့အပြစ်ကို လွှတ်တော်မူပါ။ အသီးအသီး ပြုကြသည်အတိုင်း စီရင်တော်မူပါ။ sတစ်ပါးအမျိုးသားတို့၏ ဆုတောင်းခြင်း

လု ၁၆း၁၅
၁၅ ယေရှုကလည်း၊ သင်တို့သည် လူများရှေ့မှာ ဖြောင့်မတ် ဟန်ဆောင်သော်လည်း၊ ဘုရားသခင်သည် သင်တို့၏ စိတ်နှလုံးကို သိမြင်တော်မူ၏။လူသဘောအားဖြင့် အမြတ်ထားသောအရာသည်၊ ဘုရားသခင့် ရှေ့တော်၌ စက်ဆုပ်ရွံရှာဘွယ် ဖြစ်၏။

တမန် ၁း၂၅
၂၅ လူအပေါင်းတို့၏ စိတ်နှလုံးကို သိတော်မူသော သခင်ဘုရား၊ ယုဒရှကာရုတ်သည် မိမိနေရာအရပ်သို့ သွားအံ့သောငှါ ဓမ္မဆရာ၏အရာ၊ တမန်တော်၏အရာမှ ရွေ့လျော့ဖောက်ပြန်သည်ဖြစ်၍၊ ထိုအရာကိုခံစေခြင်းငှါ ဤသူနှစ်ယောက်တို့တွင် ရွေးကောက်တော်မူသောသူကို ပြညွှန်တော်မူပါ၊ ဟုဆုတောင်းပြီးမှ၊

CROSS REFERENCES

တော ၂၇း၁၇
၁၇ ဤပရိသတ်တို့ရှေ့၌ ထွက်ဝင်နိုင်သောသူ၊ ပြင်သို့ထုတ်ခြင်း၊ အတွင်းသို့ သွင်းခြင်းအမှုကို တတ်နိုင်သောသူ တစ်စုံတစ်ယောက်ကို သူတို့အပေါ်မှာ၊ ခန့်ထားတော်မူ ပါစေသော်ဟု ထာဝရဘုရားအား လျှောက်လေ၏။

၁ ဓမ္မ ၁၀း၁
၁ ဆီဘူးကိုယူ၍ ရှောလု၏ ခေါင်းပေါ်မှာ လောင်းလေ၏။ တဖန် သူ့ကိုနမ်းသဖြင့် ထာဝရဘုရားသည် သင့်ကို အမွေတော် လူမျိုး၏ မင်းအရာ၌ ခန့်ထား၍၊ ဆီလောင်းခြင်း ဘိသိက်ကို ပေးတော်မူ၏။

၁ ဓမ္မ ၁၀း၆
၆ ထိုအခါ ထာဝရဘုရား၏ ဝိညာဉ်တော်သည် သင့်အပေါ်မှာ သက်ရောက်သဖြင့်၊ သင်သည် သူတို့နှင့်အတူ ပရောဖက်ပြု၍ ခြားနားသောသူ ဖြစ်လိမ့်မည်။

၁ ဓမ္မ ၁၀း၉
၉ ရှောလုသည် ရှမွေလထံမှ ထွက်သွားမည်၊ ဟုလှည့်သောအခါ၊ ခြားနားသော စိတ်နှလုံးကို ဘုရားသခင် ပေးတော်မူ၍၊ ထိုနိမိတ်လက္ခဏာ အလုံးစုံတို့သည် ထိုနေ့ခြင်းတွင် ဖြစ်လေ၏။

၆ သူတို့သည် ရောက်သောအခါ၊ ဧလျာဘကို ကြည့်ရှု၍ စင်စစ် ထာဝရဘုရား အခွင့်နှင့် ဘိသိက်ခံရသောသူသည် ငါ့ရှေ့မှာရှိ၏၊ ဟုဆိုလေသော်၊ ၇ ထာဝရဘုရားက၊ သူ၏ မျက်နှာသူအရပ်ကို မကြည့်မရှုနှင့်။ သူ့ကိုငါပယ်ပြီ၊ ထာဝရဘုရားသည် လူမြင်သကဲ့သို့ မြင်တော်မူသည်မဟုတ်၊ လူသည် အဆင်းသဏ္ဍာန်ကို ကြည့်ရှုတတ်၏။ ထာဝရဘုရားမူကား နှလုံးကို ကြည့်ရှုတတ်သည်၊ [A] ဟုရှမွေလအား မိန့်တော်မူ၏။ ၈ တဖန် ယေရှဲသည် အဘိနဒပ်ကို ခေါ်၍ ရှမွေလရှေ့မှာ သွားစေသဖြင့် ဤသူကိုလည်း ထာဝရဘုရား ရွေးတော်မမူ၊ ဟုဆို၏။ ၉ တဖန် ယေရှဲသည် ရှိမာကို သွားစေသဖြင့်၊ ဤသူကိုလည်း ထာဝရဘုရား ရွေးတော်မမူ၊ ဟုဆို၏။ ၁၀ တဖန်ယေရှဲသည် သားခုနစ်ယောက်တို့ကို ရှမွေလရှေ့မှာ သွားစေသဖြင့်၊ ရှမွေလက ဤသူတို့ကိုလည်း ထာဝရဘုရား ရွေးတော်မမူ။ ၁၁ သင်၏သား မရှိပြီလော၊ ဟုယေရှဲအားမေးလျှင်၊ ယေရှဲက အငယ်ဆုံးသောသား ရှိပါသေး၏။ သိုးတို့ကို ထိန်းကျောင်းလျက် နေပါသည်၊ ဟုပြောဆိုသော်၊ ရှမွေလက သူ့ကို ခေါ်စေခြင်းငှာ လူကိုစေလွှတ်ပါ။ သူမရောက်မှီ ပွဲသို့ဝင်၍ မထိုင်ရ၊ ဟုဆိုသည့်အတိုင်း ၁၂ စေလွှတ်၍ သူ့ကိုခေါ်ခဲ့၏။ သူသည် နီသောဆံပင်ရှိ၏။ လှသောအဆင်းနှင့် ချစ်ဘွယ်သော မျက်နှာလည်းရှိ၏။ ထာဝရဘုရားက ဤသူပေတည်း။ ထ၍ ဘိသိက်ပေးလော့၊ ဟုမိန့်တော်မူ၏။ ၁၃ ရှမွေလသည်လည်း ဆီဘူးကိုယူ၍ သူ၏အစ်ကိုစုထဲမှာ သူ့ကိုဘိသိက်ပေးလေ၏။ ထိုနေ့မှစ၍ ထာဝရဘုရား၏ ဝိညာဉ်တော်သည် ဒါဝိဒ်အပေါ်မှာ သက်ရောက်လေ၏။ [B] ရှမွေလသည် ထ၍ ရာမမြို့သို့ သွား၏။

ရှောလုကို ဝိညာဉ်ဆိုးက နှောင့်ယှက်တတ်

CROSS REFERENCES

တောလည် ၁၄း၄၂-၄၃
၄၂ မသွားကြနှင့်၊ ထာဝရဘုရားသည် သင်တို့ဘက်၌ ရှိတော်မမူ။ သွားလျှင် ရန်သူရှေ့မှာ ရှုံးရကြလိမ့်မည်။

ယောရှု ရး၁၂
၁၂ ထိုသို့ ဣသရေလ အမျိုးသားတို့သည် ကျိန်အပ်သောသူ ဖြစ်သောကြောင့်၊ ရန်သူတို့ ရှေ့မှာ မခံမရပ်နိုင်၊ ကျောကို လှည့်ရကြ၏။ ကျိန်အပ်သော သူကို သင်တို့အထဲက မပယ်မရှင်းလျှင် သင်တို့နှင့်အတူ ငါမနေ။

တရားသူ ၁၆း၂၀
၂၀ မိန်းမကလည်း၊ ရှံဆုန်၊ ဖိလိတ္တိလူတို့သည် သင့်ကို တိုက်လာကြသည်၊ ဟုဆိုသော်၊ ရှံဆုန်နိုး၍ ထာဝရဘုရား စွန့်တော်မှုကြောင့်ကို မရိပ်မိသောကြောင့်၊ အရင်ကဲ့သို့ ငါထွက်၍ အားထုတ်မည် အကြံရှိသော်လည်း၊

၁ ဓမ္မ ၁၆း၁၄
၁၄ ထာဝရဘုရား၏ ဝိညာဉ်တော်သည် ရှောလုမှ ထွက်သွား၍၊ ထာဝရဘုရား ထံတော်က ဆိုးသော ဝိညာဉ်သည် နှောင့်ယှက်တတ်၏။

CROSS REFERENCES

၁ ဓမ္မ ၁၆း၁၄

၁ ဓမ္မ ၁၈း၁၀

၁ ဓမ္မ ၁၉း၉-၁၀

၁ ဓမ္မ ၁၈း၁၀
၁၀ နက်ဖြန်နေ့ ထာဝရဘုရား ထံတော်က၊ ဆိုးသော ဝိညာဉ်သည် ရှောလုအပေါ်မှာ ရောက်သဖြင့်၊ရှောလုသည် နန်းတော်အလယ်၌ ပရောဖက် ပြုသောကြောင့်၊ ဒါဝိဒ်သည် အရင်ကဲ့သို့ စောင်းတီးလေ၏။ ရှောလုသည် လှံတိုကိုကိုင်လျက် ရှိ၍၊

၁ ဓမ္မ ၁၉း၉-၁၀
၉ ရှောလုသည် လှံတိုကို ကိုင်၍ နန်းတော်၌ ထိုင်စဉ်တွင်၊ ထာဝရဘုရား ထံတော်မှ ဆိုးသော ဝိညာဉ်သက် ရောက်၍ ဒါဝိဒ်သည် စောင်းတီးလျက် နေသောအခါ၊

၁၄ ထာဝရဘုရား၏ ဝိညာဉ်တော်သည် ရှောလုမှ ထွက်သွား၍၊ [C] ထာဝရဘုရား ထံတော်က ဆိုးသော ဝိညာဉ်သည် နှောင့်ယှက်တတ်၏။ [D] ၁၅ ရှောလု၏ ကျွန်တို့ကလည်း၊ ယခုမှာ ဘုရားသခင် ထံတော်က ဆိုးသောဝိညာဉ်သည် ကိုယ်တော်ကို နှောင့်ယှက်တတ်ပါ၏။ ၁၆ ခစားသော ကိုယ်တော်၏ ကျွန်တို့သည်၊ သာယာစွာ စောင်းတီးတတ်သောသူကို ရှာဖွေရမည်အကြောင်း အရှင် အမိန့်ရှိတော်မူပါ။ ဘုရားသခင့် ထံတော်က ဆိုးသော ဝိညာဉ်လာသောအခါ၊ သူသည် စောင်းတီးသဖြင့် ကိုယ်တော်သည် ချမ်းသာရတော်မူမည်၊ ဟုလျှောက်လျှင်၊ ၁၇ ရှောလုက၊ သာယာစွာ တီးတတ်သောသူကို ငါ့အဖို့ ရှာဖွေ၍ ငါ့ထံသို့ခေါ်ခဲ့ကြ၊ ဟုကျွန်ုပ်တို့အား မိန့်တော်မူသော်၊

ဒါဝိဒ်ကို စောင်းတီးပေးဖို့ ရှောလုကခေါ်

၁၈ ကျွန်တစ်ယောက်က၊ ကျွန်တော်တွေ့ဖူးသော ဗက်လင်မြို့သား ယေရှဲသားသည် စောင်းတီးသော အတတ်၊ ရဲရင့်ခြင်း အစွမ်းသတ္တိနှင့် ပြည့်စုံ၍ စစ်မှု၌၎င်း၊ ပညာစကား၌၎င်း လေ့ကျက်ပါ၏။ အဆင်းလည်းလှပါ၏။ ထာဝရဘုရားသည် သူနှင့်အတူ ရှိတော်မူ၏၊ ဟုလျှောက်သောကြောင့်၊ ၁၉ ရှောလုက၊ ယေရှဲရှိရာသို့ လူကိုစေလွှတ်၍၊ သိုးထိန်းဖြစ်သော သင်သားဒါဝိဒ်ကို ငါ့ထံသို့ စေလွှတ်ရမည်၊ ဟုအမိန့်တော်ရှိ၏။ ၂၀ ယေရှဲသည် မုန့်တင်သော မြည်း၊ စပျစ်ရည်ဘူး၊ ဆိတ်သူငယ်ကို ယူ၍ မိမိသား ဒါဝိဒ်တွင် ရှောလုထံသို့ ပေးလိုက်လေ၏။ ၂၁ ဒါဝိဒ်သည် ရှောလုထံသို့ ရောက်၍ ခစားသဖြင့်၊ ရှောလုသည် အလွန်ချစ်၍ လက်နက်တော်ဆောင် အရာ၌ ခန့်ထား၏။ ၂၂ ရှောလုသည်လည်း ယေရှဲရှိရာသို့ လူကိုစေလွှတ်၍၊ ဒါဝိဒ်ကို ငါ့စိတ်နှင့် တွေ့သောကြောင့် ငါ့ထံ၌ ခစားပါစေ၊ ဟုအခွင့်တောင်းလေ၏။ ၂၃ ဘုရားသခင့် ထံတော်က ဆိုးသောဝိညာဉ်သည် ရှောလုအပေါ်မှာ ရောက်သောအခါ၊ ဒါဝိဒ်သည် စောင်းကိုယူ၍ တီးသဖြင့် ဆိုးသောဝိညာဉ် ထွက်သွား၍၊ ရှောလုသည် သက်သာလျက် ပကတိ ကျန်းမာလျက် ရှိတတ်၏။