၁ ဓမ္မရာဇဝင်

အခန်းကြီး ၁၇

ဖိလိတ္တိစစ်ဗိုလ် ဂေါလျတ်နှင့် ဣသရေလလူများ စစ်တိုက်ဖို့ပြင်

CROSS REFERENCES

၁ ဓမ္မ ၈း၂၀
၂၀ အကျွန်ုပ်တို့သည် တပါးအမျိုးသား အပေါင်းတို့နှင့် တူမည်အကြောင်း၊ အကျွန်ုပ်တို့ကို အုပ်စိုးသော ရှင်ဘုရင်ရှိရမည်။ အကျွန်ုပ်တို့ ရှေ့မှာ ထွက်ကြွ၍ စစ်တိုက်ရမည်ဟု၊ ရှမွေလ၏ စကားကို နားမထောင်ဘဲ ဆိုကြ၏။

၁ ဖိလိတ္တိလူတို့သည် ဗိုလ်ခြေများကို နှိုးဆော်၍ ယုဒခရိုင် ရှောခေါမြို့၌ စုဝေးသဖြင့်၊ ရှောခေါမြို့နှင့် အဇေကာမြို့ စပ်ကြား ဒမိမ်အရပ်မှာ တပ်ချကြ၏။ ၂ ရှောလုနှင့် ဣသရေလလူတို့သည် စုဝေး၍ ဧလာချိုင့်နားမှာ တပ်ချ၍ ဖိလိတ္တိလူတို့ကို တိုက်မည်၊ ဟုစစ်ခင်းကျင်းကြ၏။ ၃ ဖိလိတ္တိလူအချို့တို့သည် ချိုင့်တဘက်၌ တောင်ပေါ်မှာ ရပ်လျက်၊ ဣသရေလလူ အချို့တို့သည် ချိုင့်တဘက်၌ တောင်ပေါ်မှာ ရပ်လျက်ရှိကြ၏။ ၄ ခြောက်တောင်နှင့် တစ်ထွာ အရပ်မြင့်သော ဂါသမြို့သား ဂေါလျတ် အမည်ရှိသော သူရဲသည် ဖိလိတ္တိတပ်ထဲက ထွက်လာ၏။ ၅ သူသည် ခေါင်းပေါ်မှာ ကြေးဝါ ခမောက်လုံးကို ဆောင်း၍ အခွက်ငါးဆယ် အချိန်ရှိသော ကြေးဝါချပ်အင်္ကျီကို ဝတ်၏၊ ၆ ကြေးဝါခြေစွပ်ကို စွပ်လျက် ပခုံးကြားမှာ ကြေးဝါ ကိဒုန်လက်နက်ကို ဆွဲလျက်ရှိ၏။ ၇ လှံရိုးကား ရက်ကန်းလက်လိပ် နှင့်အမျှ ကြီး၏။ လှံကိုယ်ကား သံခြောက်ပိဿာ အချိန်ရှိ၏။ သူ့ရှေ့မှာ ဒိုင်းလွှားကို ဆောင်သူ တစ်ယောက်သည် သွားရ၏။ ၈ ထိုသူရဲသည် ရပ်လျက် သင်တို့သည် စစ်ပြိုင်ခြင်းငှာ အဘယ့်ကြောင့် ထွက်လာကြသနည်း။ ငါသည် ဖိလိတ္တိလူ၊ သင်တို့သည် ရှောလု၏ ကျွန်ဖြစ်ကြသည် မဟုတ်လော။ လူတစ်ယောက်ကို ရွေးကောက်၍ ငါနှင့်တိုက်ခြင်းငှာ လာပါစေ။ ၉ သူသည် ငါ့ကိုတိုက်၍ သတ်နိုင်လျှင် ငါတို့သည် သင်တို့၏ ကျွန်ခံမည်။ သို့မဟုတ် ထိုသူကို ငါနိုင်၍ သတ်လျှင်၊ သင်တို့သည် ငါတို့၏ ကျွန်ခံ၍ ငါတို့အမှုကို ဆောင်ရွက်ရကြမည်၊ ဟုဣသရေလ ဗိုလ်ခြေတို့ကို ဟစ်၍ပြောဆို၏။ ၁၀ တဖန် ထိုဖိလိတ္တိလူက၊ ဣသရေလ ဗိုလ်ခြေတို့ကို ယနေ့ငါကြိမ်းပ၏။ လူချင်းတိုက်စေခြင်းငှာ လူတစ်ယောက်ကို ပေးကြလော့၊ ဟုဆို၏။ ၁၁ ဖိလိတ္တိလူ ပြောသော ထိုစကားကို ရှောလုနှင့် ဣသရေလ လူအပေါင်းတို့သည် ကြားလျှင် စိတ်ပျက်၍ အလွန် ကြောက်ရွံ့ကြ၏။ [A]

ယေရှဲကသူ့သား ဒါဝိဒ်ကို စစ်မြေပြင်သို့လွှတ်

၁၂ ယုဒပြည်၊ ဗက်လင်မြို့၊ ဧဖရတ်အရပ်သား ဖြစ်သော ဒါဝိဒ်၏ အဘယေရှဲ၌ သားရှစ်ယောက်ရှိ၏။ ရှောလုလက်ထက်၌ ထိုသူသည် အသက်ကြီးသောသူ၏ အရာရှိ၏။ ၁၃ ယေရှဲ၏သားတို့တွင် အသက်အကြီးဆုံးသောသူ သုံးယောက်တို့သည် စစ်မှုကိုထမ်း၍ ရှောလုနောက်သို့ လိုက်ကြ၏။ သူတို့အမည်ကား သားဦးဧလျာဘ၊ ဒုတိယသား အဘိနဒပ်၊ တတိယသား ရှိမာတည်း။ ၁၄ ဒါဝိဒ်သည် အငယ်ဆုံးသောသား ဖြစ်၏။ သားကြီးသုံးယောက်တို့သည် ရှောလုနောက်တော်သို့ လိုက်ကြသော်လည်း၊၁၅ ဒါဝိဒ်သည် မလိုက်၊ ဗက်လက်မြို့မှာ မိမိအဘ၏ သိုးတို့ကို ထိန်းကျောင်းခြင်းငှာ ပြန်သွားလေ၏။ ၁၆ ဖိလိတ္တိလူသည် အရက်လေးဆယ် ပတ်လုံး၊ နံနက်တစ်ခါ၊ ညဦးတစ်ခါ ချဉ်းကပ်၍ ကိုယ်ကိုပြ၏။ ၁၇ ထိုအခါ ယေရှဲသည် မိမိသားဒါဝိဒ်ကို ခေါ်၍ သင့်အစ်ကိုတို့အဖို့ ဤပေါက်ပေါက် တစ်ဧဖာနှင့် ဤမုန့်ဆယ်လုံးတို့ကို ယူ၍ အစ်ကိုတို့ရှိရာ တပ်တော်သို့ ပြေးသွားလော့၊ ၁၈ ဤဒိန်ခဲ ဆယ်လုံးကိုလည်း ယူ၍ သူတို့တပ်မှူးအား ဆက်လော့။ သင့်အစ်ကိုတို့သည် ကျန်းမာခြင်းရှိသည် မရှိသည်ကို ကြည့်ရှုပြီးမှ၊ သူတို့ထံမှ သက်သေ တစ်စုံတခုကို ခံယူလော့၊ ဟုမှာလိုက်လေ၏။ ၁၉ ထိုကာလ၌ ရှောလုမှစ၍ ဒါဝိဒ်အစ်ကိုတို့နှင့် ဣသရေလ လူအပေါင်းတို့သည် ဧလာချိုင့်မှာ ဖိလိတ္တိလူတို့ကို စစ်တိုက်လျက် ရှိကြ၏။

ဂေါလျတ်သတ်နိုင်သူကို ဆုချမည့်အကြောင်း ဒါဝိဒ်ကြား

CROSS REFERENCES

ကမ္ဘာ ၁ရး၁၀-၁၄
၁၀ သင်နှင့်တကွ သင့်နောက်၌ သင်၏အမျိုးအနွယ်သည်၊ ငါ့ရှေ့မှာ စောင့်ရှောက်ရသော ငါ၏ပဋိညာဉ်ဟူမူကား၊ သင်တို့တွင် ယောကျ်ားတိုင်း အရေဖျားလှီးမင်္ဂလာကို ခံရမည်။

ကမ္ဘာ ၁ရး၂၃-၂ရ
၂၃ အာဗြဟံသည်လည်း၊ သားဣရှမေလမှစ၍၊ ကိုယ်အိမ်၌ ဖွားသောသူအပေါင်း၊ ကိုယ်ငွေနှင့်ဝယ်သောသူ အပေါင်းတည်းဟူသော၊ အာဗြဟံအိမ်နှင့်ဆိုင်သော ယောကျ်ား အပေါင်းတို့ကိုယူ၍၊ ဘုရားသခင် မိန့်တော်မူသည်အတိုင်း၊ တစ်နေ့ခြင်းတွင် အရေဖျားလှီးမင်္ဂလာကိုပေးလေ၏။

ကမ္ဘာ ၂၁း၄
၄ ဘုရားသခင် မှာထားတော်မူသည်အတိုင်း၊ အာဗြဟံသည် ရှစ်ရက်မြောက်သောနေ့၌ ၊ သားဣဇာက်ကို အရေဖျားလှီးမင်္ဂလာ ပေးလေ၏။

ကမ္ဘာ ၃၄း၁၄-၁ရ
၁၄ ကျွန်ုပ်တို့နှမကို အရေဖျားလှီးမင်္ဂလာကို မခံသောသူအား မပေးစားနိုင်ပါ။ ပေးစားလျှင်၊ ကဲ့ရဲ့ဘွယ်သော အကြောင်းဖြစ်ပါ၏။

ကမ္ဘာ ၃၄း၂၂-၂၄
၂၂ သို့ရာတွင် သူတို့သည် အရေဖျားလှီးမင်္ဂလာကို ခံသကဲ့သို့၊ ငါတို့တွင် ယောက်ျားတိုင်း အရေဖျားလှီးမင်္ဂလာကို ခံမှသာ၊ ထိုလူတို့သည် ငါတို့တွင်နေ၍ တမျိုးတည်း ဖြစ်စေခြင်းငှာ ဝန်ခံကြလိမ့်မည်။

ထွက် ၄း၂၆
၂၆ ထိုအခါ မောရှေကို လွှတ်တော်မူ၏။ မယားကလည်း၊ အရေဖျားလှီး မင်္ဂလာကြောင့်၊ သင်သည် အကျွန်ုပ်၌ အသွေးနှင့်ယှဉ်သော လင်ဖြစ်၏၊ ဟုဆိုသတည်း။ sအာရုန်က မောရှေကိုကြိုဆို

ထွက် ၆း၁၂
၁၂ မောရှေကလည်း၊ ဣသရေလ အမျိုးသားတို့သည် အကျွန်ုပ်ပြောသော စကားကို နားမထောင်ဘဲ နေသည်ဖြစ်၍၊ အရေဖျားလှီးခြင်းကိုမခံသောနှုတ်နှင့် ပြောတတ်သော အကျွန်ုပ်၏စကားကို ဖာရောမင်းသည် အဘယ်သို့ နားထောင်ပါမည်နည်း၊ ဟုထာဝရဘုရားရှေ့မှာ လျှောက်ဆို၏။

ထွက် ၆း၃၀
၃၀ မောရှေကလည်း၊ အကျွန်ုပ်သည် အရေဖျားလှီးခြင်းကို မခံသော နှုတ်ရှိသည်ဖြစ်၍၊ ဖာရောဘုရင်သည် အကျွန်ုပ်စကားကို အဘယ်သို့ နားထောင်ပါလိမ့်မည်နည်း၊ ဟုထာဝရဘုရားရှေ့မှာ လျှောက်ဆို၏။

ထွက် ၁၂း၄၄
၄၄ သို့ရာတွင် ငွေနှင့်ဝယ်သော ကျွန်သည် အရေဖျားလှီး မင်္ဂလာကို ခံပြီးလျှင် စားရ၏။

ထွက် ၁၂း၄၈
၄၈ သင်တို့ထံမှာ တည်းခိုသော တပါးအမျိုးသားသည်၊ ထာဝရဘုရားအဖို့ ပသခါပွဲ ကို ခံခြင်းငှာ အလိုရှိလျှင်၊ သူ၌ရှိသော ယောကျ်ားအပေါင်းတို့သည် အရေဖျားလှီးမင်္ဂလာကို ခံကြစေ။ သို့ပြီးမှ ထိုသူသည် ပြည်သားသကဲ့သို့ ဖြစ်သောကြောင့်၊ ချဉ်း၍ ထိုပွဲသို့ဝင်စေ။ အရေဖျားလှီးမင်္ဂလာကို မခံသောသူ မည်သည်ကား၊ ထိုပွဲ၌ ဝင်၍မစားရ။

ဝတ်ပြု ၁၂း၃
၃ အဌမနေ့၌ သားယောကျ်ားအား အရေဖျားလှီးခြင်းကို ပြုရမည်။

ဝတ်ပြု ၁၉း၂၃
၂၃ သင်တို့သည် ငါပေးသော ပြည်သို့ရောက်၍၊ စားအပ်သော အပင်အမျိုးမျိုးကို စိုက်ပြီးမှ၊ သုံးနှစ်ပတ်လုံး သီးသောအသီးကို၊ အရေဖျားလှီးခြင်းကို မခံသောအသီးဟူ၍ မှတ်ရမည်။ ထိုအသီးကို မစားရ။

ဝတ်ပြု ၂၆း၄၁
၄၁ ငါသည် သူတို့ကို ဆန့်ကျင့်ဘက်ပြု၍ ရန်သူပြည်သို့ ပို့ဆောင်သော အကြောင်းများနှင့် တကွ၊ ကိုယ်အပြစ်၊ ဘိုးဘတို့အပြစ်များကို ဖော်ပြ တောင်းပန်လျှင်၎င်း၊ အရေဖျားလှီးခြင်းကို မခံသော မိမိတို့နှလုံးကို နှိမ့်ချ၍၊ မိမိတို့အပြစ်ကြောင့် ခံရသောဒဏ်ကို ဝန်ခံလျှင်၎င်း၊

ယောရှု ၅း၂-၅
၂ ထိုအခါ ထာဝရဘုရားသည် ယောရှုကို ခေါ်၍၊ သင်သည် ကျောက်ထားများကို လုပ်ပြီးလျှင်၊ ဣသရေလ အမျိုးသားတို့အား အရေဖျားလှီး မင်္ဂလာကို တဖန်ပေးလော့၊ ဟုမိန့်တော်မူသည်အတိုင်း၊

ယောရှု ၅းရ-၈
၇ သူတို့ ကိုယ်စား ဖြစ်စေတော်မူသော သူတို့၏သားများတို့သည်၊ လမ်း၌ အရေဖျားလှီး မင်္ဂလာကို မခံရသေးသောကြောင့်၊ ယောရှုသည် အရေဖျားလှီး မင်္ဂလာကို ပေးလေ၏။

တရားသူ ၁၄း၃
၃ မိဘတို့က သင်သည် အရေဖျားလှီးခြင်းကို မခံသော ဖိလိတ္တိလူတို့တွင် မယားကိုသွား၍ ယူရမည်အကြောင်း၊ သင်၏ ညီအစ်ကိုသမီး၊ ငါတို့အမျိုးသားချင်း သမီးတို့တွင်၊ မိန်းမတစ်ယောက်မျှ မရှိသလော၊ ဟုဆိုသော်လည်း၊ ရှံဆုန်က၊ ထိုမိန်းမကို တောင်း၍ပေးပါ။ အလွန်နှစ်သိမ့်ပါသည်၊ ဟုအဘအား ပြောဆို၏။

တရားသူ ၁၅း၁၈
၁၈ အလွန်ရေငတ်၍ ထာဝရဘုရားကို ဆုတောင်းလျက်၊ ကိုယ်တော်သည် ဤကြီးစွာသော ကယ်တင်ခြင်းကို ကိုယ်တော်၏ ကျွန် လက်၌ ပေးတော်မူပြီးမှ၊ ယခုအကျွန်ုပ်သည် ရေငတ်သဖြင့် သေ၍ အရေဖျားလှီးခြင်းကို မခံသောသူတို့ လက်သို့ ရောက်ရပါမည်လော၊ ဟုလျှောက်သော်၊

၁ ဓမ္မ ၁၄း၆
၆ ယောနသန်က၊ အရေဖျားလှီးခြင်းကို မခံသော ထိုတပ်သားတို့ဆီ သွားကြကုန်အံ့။ ထာဝရ ဘုရားသည် ငါတို့အမှုကို စောင့်ကောင်း စောင့်တော်မူလိမ့်မည်။ လူများသော်၎င်း၊ နည်းသော်၎င်း ထာဝရဘုရား ကယ်တင်တော် မူခြင်းကို အဆီးအတားမရှိနိုင်၊ ဟုလက်နက်ဆောင် လုလင်အား ပြောဆိုလျှင်၊

၁ ဓမ္မ ၁ရး၂၆
၂၆ ဒါဝိဒ်ကလည်း၊ ထိုဖိလိတ္တိလူကို သတ်၍ ဣသရေလ အမျိုး ခံသော အရှက်ကွဲခြင်းကို ပယ်ရှင်းသောသူသည် အဘယ်အကျိုးကို ရလိမ့်မည်နည်း။ အသက်ရှင်တော်မူသော ဘုရားသခင်၏ ဗိုလ်ခြေတို့ကို ကြိမ်းပရမည် အကြောင်း၊ အရေဖျားလှီးခြင်းကို မခံသော ထိုဖိလိတ္တိလူသည် အဘယ်သို့သောသူ ဖြစ်သနည်း၊ ဟုမိမိအနားမှာ ရှိသောသူတို့အား မေးမြန်းလျှင်၊

၁ ဓမ္မ ၃၁း၄
၄ လက်နက်ဆောင် လုလင်ကိုခေါ်ပြီးလျှင်၊ သင့်ဓားကို ထုတ်၍ ငါ့ကိုထိုးလော့။ သို့မဟုတ် အရေဖျားလှီးခြင်းကို မခံသောလူတို့သည် လာ၍၊ ငါ့ကိုထိုးပြီးမှ မရိုမသေ ညှဉ်းဆဲကြလိမ့်မည်၊ ဟုဆိုသော်လည်း၊ လက်နက်ဆောင်လုလင်သည် အလွန်ကြောက်၍ မပြုဘဲနေသောကြောင့်၊ ရှောလုသည် ထိုဓားကိုယူ၍ ထောင်ပြီးလျှင်၊ ဓားဖျားပေါ်မှာ လှဲ၍ သေလေ၏။

၂ ဓမ္မ ၁း၂၀
၂၀ ထိုသတင်းကို ဂါသမြို့၌ မပြောကြနှင့်။ အာရှကေလုန်မြို့လမ်းတို့၌ မကြားမပြောကြနှင့်။ ဖိလိတ္တိ အမျိုးသမီးတို့သည် ဝမ်းမြောက်၍ အရေဖျားလှီးခြင်းကို မခံသော အမျိုးသမီးတို့သည် ရွှင်လန်းကြလိမ့်မည်၊ ဟုစိုးရိမ်စရာရှိ၏။

၁ ရာ ၁၀း၄
၄ လက်နက်ဆောင် လုလင်ကိုခေါပြီးလျှင်၊ သင့်ဓါးကိုထုတ်၍ ငါ့ကိုထိုးလော့။ သို့မဟုတ် အရေဖျားလှီးခြင်းကို မခံသော လူတို့သည်လာ၍၊ ငါ့ကိုမရိုမသေ ညှဉ်းဆဲကြလိမ့်မည်၊ ဟုဆိုသော်လည်း၊ လက်နက်ဆောင် လုလင်သည် အလွန်ကြောက်၍ မပြုဘဲ နေသောကြောင့်၊ ရှောလုသည် ထိုဓါးကိုယူ၍ ထောင်ပြီးလျှင်၊ ထားဖျားပေါ်မှာ လှဲ၍ သေ၏။

ဟေရှာယ ၅၂း၁
၁ အိုဇိအုန်မြို့ နိုးလော့၊၊ နိုး၍ ခွန်အားကို ယူလော့၊၊ အိုယေရုရှလင်မြို့ တည်းဟူသော၊ သန့်ရှင်းသောမြို့ သင်၏ တင့်တယ်သော အဝတ်တန်ဆာတို့ကို ဝတ်ဆင်လော့၊၊ အကြောင်းမူကား နောက်တဖန် အရေဖျားလှီးခြင်းကို မခံသောသူနှင့် ညစ်ညူးသော သူတို့သည် သင်၏အထဲသို့ မဝင်ရကြ၊၊

ယေရမိအ ၄း၄
၄ အိုယုဒပြည်သူ ယေရုရှလင် မြို့သားတို့၊ ထာဝရဘုရားအဘို့ အလိုငှါ၊ အရေဖျားလှီး မင်္ဂလာကိုခံ၍၊ သင်တို့ နှလုံးအရေဖျားကို လှီးဖယ်ကြလော့။ သို့မဟုတ်၊ သင်တို့၏ အကျင့်မကောင်းသောကြောင့်၊ ငါ့အမျက်သည် မီးကဲ့သို့ထွက်၍ အဘယ်သူမျှ မငြိမ်းနိုင်အောင် လောင်လိမ့်မည်။ sကြီးစွာသော ပျက်စီးခြင်း မြောက်မျက်နှာမှ ဆောင်ခဲ့မည်

ယေရမိအ ၆း၁၀
၁၀ သူတို့သည် နားထောင်မည်အကြောင်း၊ အဘယ်သူကိုငါပြော၍ သတိပေးရမည်နည်း။ သူတို့နားသည်အရေဖျားလှီးခြင်းမခံသောနားဖြစ်၍၊ သူတို့သည် နားမထောင်နိုင်ကြ။ ထာဝရဘုရား၏ နှုတ်ကပတ်တော်သည် သူတို့ ကဲ့ရဲ့စရာဖြစ်၏။ ထိုနှုတ်ကပတ်တော်ကိုမနှစ်သက်ကြ။

ယေရမိအ ၉း၂၅-၂၆
၂၅ ထာဝရဘုရား မိန့်တော်မူသည်ကား၊ အရေဖျားလှီးခြင်း ကိုခံသောသူ၊ အရေဖျားလှီးခြင်းကို မခံသောသူ၊

ယေဇ ၂၈း၁၀
၁၀ အရေဖျားလှီးခြင်း မခံသော လူသေသကဲ့သို့၊ သင်သည် တစ်ကျွန်းတနိုင်ငံ သားတို့လက်ဖြင့် သေရမည်။ ငါပြောပြီ၊ ဟုအရှင်ထာဝရဘုရား မိန့်တော်မူ၏။ s တုရုရှင်ဘုရင်နောက်ကွယ်ရှိ စာတန်၏အစ

ယေဇ ၃၁း၁၈
၁၈ သင်သည် ဘုန်းတန်ခိုးအာနုဘော်အားဖြင့် အဘယ်မည်သော ဧဒင်သစ်ပင်နှင့်တူသနည်း။ သင်သည်ဧဒင်သစ်ပင်တို့နှင့်အတူ မြေအောက်အရပ်သို့နှိမ့်ချခြင်းကိုခံရမည်။ အရေဖျားလှီးခြင်းကိုမခံသောသူ၊ ဓါးဖြင့်အသေခံရသောသူတို့နှင့်အတူလဲ၍နေရမည်။ ထိုသို့ဖာရောဘုရင်နှင့်သူ့အလုံးအရင်းရှိသမျှတို့သည်ဖြစ်ရကြမည်ဟုအရှင်ထာဝရဘုရားမိန့်တော်မူ၏။

ယေဇ ၃၂း၁၉
၁၉ သင်သည် သူတပါးထက် သာ၍လှသလော။ အရေဖျားလှီးခြင်းကို မခံသောသူတို့နှင့်အတူ ဆင်းသက်၍ နေရာကျလော့။

ယေဇ ၃၂း၂၁
၂၁ ခွန်အားအကြီးဆုံးသော သူရဲတို့သည် မရဏာနိုင်ငံထဲက သူနှင့်သူ၏ အခြံအရံတို့ကို နှုတ်ဆက်ကြလိမ့်မည်။ သူတို့သည်လည်း ဆင်းသွားကြပြီ။ ဓါးနှင့်သေ၍၊ အရေဖျားလှီးခြင်းမခံသောအဖြစ်၌ လဲနေလျက်ရှိကြသည်။

ယေဇ ၃၂း၂၄-၂၈
၂၄ ထိုအရပ်၌ ဧလံနှင့် သူ၏သင်္ချိုင်းပတ်လည်၌ သူ၏လူအလုံးအရင်း ရှိသမျှတို့သည် ဓါးဖြင့်သေ၍ လဲလျက်ရှိကြ၏။ အသက်ရှင်သော သူတို့၏နေရာ၌ သူတပါးကိုကြောက်စေတတ်သော်လည်း၊ အရေဖျားလှီးခြင်းကို မခံရသောလူဖြစ်၍ ဓါးဖြင့်မြေအောက်အရပ်သို့ ဆင်းသွားရသဖြင့်၊ မြေတွင်းထဲသို့ ဆင်းသွားသောသူတို့နှင့်အတူ၊ အရှက်ကွဲလျက် သေသောသူတို့နှင့် အတူနေရာကျကြ၏။

ယေဇ ၃၂း၃၀
၃၀ ထိုအရပ်၌ မြောက်ပြည်မင်း၊ ဇိဒုန်မင်းအပေါင်းတို့သည် ရှိကြ၏။ ကိုယ်တန်ခိုးကိုရှက်လျက် ထိတ်လန့်လျက် သေသောသူတို့နှင့်အတူ အရေဖျားလှီးခြင်းကို မခံသောလူဖြစ်၍အိပ်ကြ၏။ မြေတွင်းထဲသို့ ဆင်းသွားသောသူတို့နှင့်အတူ အရှက်ကွဲလျက်နေကြ၏။

ယေဇ ၃၂း၃၂
၃၂ အသက်ရှင်သော သူတို့၏နေရာ၌ သူသည်သူတပါးတို့ကို ကြောက်စေသောအခွင့်ကို ငါပေးသော်လည်း၊ ဖာရောဘုရင်နှင့် သူ၏အလုံးအရင်းရှိသမျှတို့သည် ဓါးဖြင့်သေသောသူတို့နှင့်အတူ အရေဖျားလှီးခြင်းကို မခံသော လူတို့အလယ်၌ လဲ၍နေကြလိမ့်မည်၊ ဟုအရှင်ထာဝရဘုရား မိန့်တော်မူ၏။

ယေဇ ၄၄းရ
၇ သင်တို့သည်ငါ့ဘောဇဉ်တည်းဟူသော ဆီဥနှင့်အသွေးကို ပူဇော်သောအခါ ငါ့ဗိမာန်ကို ညစ်ညူးစေခြင်းငှါ အရေဖျားလှီးခြင်းကိုမခံသောစိတ်နှင့် အရေဖျားလှီးခြင်းကို မခံသောကိုယ်ရှိ သောတပါးအမျိုးသားတို့ကို ငါ၏သန့်ရှင်းရာဌာနထဲသို့သွင်း၍ နေရာချသဖြင့်စက်ဆုပ်ရွံရှာဖွယ်သောအမှုများကအားဖြင့်ငါ့ပဋိညာဉ်ကိုဖျက်ကြပြီ။

ယေဇ ၄၄း၉
၉ အရှင်ထာဝရဘုရားမိန့်တော်မူသည်ကား ဣသရေလအမျိုးသားတို့တွင်နေ၍ အရေဖျားလှီးခြင်းကိုမခံသောစိတ်နှင့်အရေဖျားလှီးခြင်းကိုမခံသောကိုယ်ရှိသောတပါးအမျိုးသားသည်ငါ၏သန့်ရှင်းရာဌာနထဲသို့မဝင်ရ။

လု ၁း၅၉
၅၉ ရှစ်ရက်မြောက်သောနေ့၌၊ အရေဖျားလှီးခြင်းကိုသူငယ်အားပေးအံ့သောငှါလာကြ၍၊ အဘ၏အမည်ဖြစ်သောဇာခရိအမည်ဖြင့်မှည့်သောအခါ၊ အမိကထိုသို့မမှည့်ရ။

လု ၂း၂၁
၂၁ ထိုသူငယ်အား အရေဖျားလှီးခြင်းကို ပေးရသောနေ့တည်းဟူသော ရှစ်ရက်မြောက်သော နေ့ရောက်လျှင်၊ ပဋိသန္ဓေစွဲတော်မမူမှီ ကောင်းကင်တမန် မှည့်သောယေရှုအမည်ဖြင့် မှည့်ကြ၏။

ယောဟန် ရး၂၂-၂၃
၂၂ မောရှေသည် အရေဖျားလှီးခြင်း တရားကို သင်တို့အားပေး၏။ ထိုသို့ဆိုသော် မောရှေမှအစစွာခံရသည်ဟုမဆိုလို။ ဘိုးဘေးများမှ ဆက်ခံရသတည်း။ ထိုကြောင့် ဥပုသ်နေ့၌ သင်တို့သည် အရေဖျားလှီးခြင်းကို ပေးကြ၏။

တမန် ရး၈
၈ ဘုရားသခင်သည်လည်း အာရေဖျားလှီးခြင်းနှင့် ဆိုင်သော ပဋိညာဉ်တရားကို၊ အာဗြဟံအား ပေးတော်မူ၏။ ထိုသို့ဣဇာက်ကို ဖွားမြင်၍ ရှစ်ရက်မြောက်သောနေ့၌၊ အရေဖျားလှီးခြင်းကို ပေးလေ၏။ ဣဇာက်သားယာကုပ်၊ ယာကုပ်သားများကား၊ အမျိုး၏အဘတကျိပ်နှစ်ပါးတည်း။

တမန် ၁၀း၄၅
၄၅ တပါးအမျိုးသားတို့ အပေါ်သို့၊ သန့်ရှင်းသော ဝိညာဉ်တော်၏ ကျေးဇူးကို သွန်းလောင်းသောကြောင့်၊ အရေဖျားလှီးခြင်းကို ခံသောသူတည်းဟူသော၊ ပေတရုနှင့် ပါသမျှသော တပည့်တော်တို့သည်၊ မိန်းမောတွေဝေခြင်း ရှိကြ ၏။

တမန် ၁၁း၂-၃
၂ ပေတရုသည် ယေရုရှလင်မြို့သို့ တက်လာသောအခါ၊ အရေဖျားလှီးခြင်းကို ခံသောသူတို့က၊

တမန် ၁၅း၁
၁ ယုဒပြည်မှ အန္တိအုတ်မြို့သို့ ရောက်လာသော သူအချို့တို့က၊ သင်တို့သည် မောရှေ၏ တရားအတိုင်း အရေဖျားလှီးခြင်းကိုမခံလျှင်၊ ကယ်တင်တော်မူခြင်းသို့ မရောက်နိုင် ၊ ဟုညီအစ်ကိုတို့အား ဆုံးမဩဝါဒပေးကြ၏။

တမန် ၁၅း၅
၅ ဖာရိရှဲစုထဲက ယုံကြည်သောသူ အချို့တို့သည်၊ အရေဖျားလှီးခြင်းကို ပေးရမည်။ မောရှေ၏တရားကို ကျင့်စေခြင်းငှါ ဆုံးမရမည်၊ ဟုဆိုကြ၏။

တမန် ၁၅း၂၄
၂၄ လူအချို့တို့သည် ငါတို့အခွင့်မရှိဘဲ၊ ငါတို့ထံမှ ထွက်သွား၍၊ သင်တို့သည် အရေဖျားလှီးခြင်းကိုခံရမည်၊ ပညတ်တရားကို ကျင့်ရမည်ဟူသော စကားဖြင့်၊ သင်တို့၏ စိတ်နှလုံးကို နှောင့်ယှက်ဖျက်ဆီးသည်ကို၊ ငါတို့ကြားရသည် ဖြစ်၍၊

တမန် ၁၆း၃
၃ ပေါလုသည် ထိုသူကိုခေါ်ခြင်းငှါ အလိုရှိ၍၊ သူ၏အဘသည် ဟေလေသလူ ဖြစ်သည်ကို ထိုအရပ်တို့၌ရှိသော ယုဒလူအပေါင်းတို့သည် သိသောကြောင့်၊ အရေဖျားလှီးခြင်းကို သူ့အားပေးလေ၏။

တမန် ၂၁း၂၁
၂၁ တပါးအမျိုးသားတို့တွင် နေသော ယုဒလူအပေါင်းတို့သည်၊ သူငယ်တို့အား အရေဖျားလှီးခြင်းကို မပေးရကြ။ ရှေးထုံးတမ်းအတိုင်း မကျင့်ရကြ၊ ဟုသင်သည်ဆိုလျက်၊ သူတို့သည် မောရှေတရားကို စွန့်စေခြင်းငှါ ဆုံးမဩဝါဒ ပေးတတ်သည်ကို၊ ဤလူတို့သည် သိတင်းကြားကြပြီ။

ရော ၂း၂၅-၂၉
၂၅ သင်သည် ပညတ်တရားကို ကျင့်လျှင်၊ အရေဖျားလှီးခြင်းအားဖြင့် အကျိုးရှိ၏။ ပညတ်တရားကို လွန်ကျူးလျှင်၊ သင်၏ အရေဖျားလှီးခြင်းသည် အရေဖျားမလှီးဘဲ ဖြစ်ပြန်၏။

ရော ၃း၁-၂
၁ ထိုသို့ဖြစ်လျှင်၊ ယုဒလူသည် အဘယ်သို့သာသနည်း။ အရေဖျားလှီးခြင်းအားဖြင့် အဘယ်အကျိုးရှိသနည်း။

ရော ၃း၃၀
၃၀ အကြောင်းမူကား၊ အရေဖျားလှီးခြင်းကို ခံသောသူနှင့် မခံသောသူနှစ်ဦးကို၊ ယုံကြည်ခြင်းအားဖြင့် ဖြောင့်မတ်ရာ၌ တည်စေတော်မူသော၊ ဘုရားသခင် တဆူတည်းရှိတော်မူ၏။

ရော ၄း၉-၁၂
၉ အရေဖျားလှီးခြင်းကို ခံသောသူတို့သာလျှင်၊ ထိုမင်္ဂလာကို ရကြသလော။ သို့မဟုတ် အရေဖျားလှီးခြင်းကို မခံသောလူတို့သည်လည်း၊ ရကြသလော။ အဘယ်ကြောင့် မေးသနည်းဟူမူကား၊ ယုံကြည်ခြင်းကို အာဗြဟံ၌ ဖြောင့်မတ်ခြင်းကဲ့သို့ မှတ်သည်၊ ဟုဆိုကြ၏။

ရော ၁၅း၉
၉ အရေဖျားလှီးခြင်းကို ခံသောသူတို့၏အမှုကို၊ ဆောင်ရွက်တော်မူ၏။ တပါးအမျိုးသားတို့သည်လည်း၊ ဘုရားသခင်၏ ကရုဏာတော်ကို အံ့ဩချီးမွမ်းကြလိမ့်မည်။ ထိုသို့နှင့်အညီ ကျမ်းစာလာသည်ကား၊ ထိုကြောင့် တပါးအမျိုးသားတို့တွင်၊ ကျေးဇူးတော်ကို အကျွန်ုပ်ချီးမွမ်း၍၊ နာမတော်ကို ထောမနာသီချင်းဆိုပါမည်၊၊ ဟုလာသတည်း။

၁ ကော ရး၁၈-၁၉
၁၈ အရေဖျားလှီးခြင်းကို ခံသောသူသည်၊ ခေါ်တော်မူခြင်း ကျေးဇူးကိုခံရလျှင်၊ အရေဖျားလှီးခြင်းကို မစွန့်စေနှင့်။ အရေဖျားလှီးခြင်းကို မခံသောသူသည်လည်း၊ ခေါ်တော်မူခြင်း ကျေးဇူးကိုခံရလျှင်၊ အရေဖျားလှီးခြင်းကို မခံစေနှင့်။

ဂလာ ၂း၃
၃ သို့သော်လည်း ငါနှင့်အတူပါသော ဟေလသ(ဂရိတ်)အမျိုး တိတု(Titus)ကို၊ အရေဖျားလှီးခြင်းကို မခံစေကြ။

ဂလာ ၂းရ-၉
၇ အရေဖျားလှီးခြင်းကို ခံသောသူတို့တွင်၊ ပေတရုကို တမန်တော်ဖြစ်စေခြင်းငှါ၊ ပေတရု၌ ပြုပြင်တော်မူသောသူသည်၊ တပါးအမျိုးသားတို့တွင်၊ ငါ့ကိုတမန်တော်ဖြစ်စေခြင်းငှါ၊ ငါ၌လည်း ပြုပြင်တော်မူသည်ဖြစ်၍၊

ဂလာ ၂း၁၂
၁၂ အကြောင်းမူကား၊ လူအချို့တို့သည် ယာကုပ်ထံက မရောက်မလာမှီ၊ ပေတရုသည် တပါးအမျိုးသားတို့နှင့် အတူစား၏။ သူတို့ရောက်လာသောနောက်၊ ပေတရုသည် အရေဖျားလှီးခြင်းကို ခံရသောသူတို့၏ မျက်နှာကိုထောက်၍၊ တပါးအမျိုးသားတို့နှင့် မပေါင်းဝံ့။ တယောက်တခြားစီနေ၏။

ဂလာ ၅း၂-၃
၂ ငါပေါလုဆိုသည်ကား၊ သင်တို့သည် အရေဖျားလှီးခြင်း ကိုခံလျှင်၊ ခရစ်တော်အားဖြင့် အဘယ်အကျိုးကိုမျှ မရနိုင်ကြ။

ဂလာ ၅း၆
၆ ယေရှုခရစ်ထံ၌ အရေဖျားလှီးခြင်းအကျိုးမရှိ၊ မခံဘဲနေခြင်းလည်း အကျိုးမရှိ။ မေတ္တာအားဖြင့် ပြုပြင်တတ်သော ယုံကြည်ခြင်းသာ အကျိုးရှိ၏။ s ကောင်းစွာပြေးပြီးမှ အဘယ်သူဆီးတားသနည်း

ဂလာ ၅း၁၁
၁၁ တဖန်တုံ၊ ညီအစ်ကိုတို့၊ ငါသည် အရေဖျားလှီးခြင်းတရားကို ဟောပြောသေးသည်မှန်လျှင်၊ အဘယ်ကြောင့် ညှဉ်းဆဲခြင်းကို ခံရသေးသနည်း။ ထိုသို့ဟောပြောလျှင်၊ လက်ဝါးကပ်တိုင်တော်ကို ထိမိ၍၊ လဲစရာအကြောင်း ပယ်ရှင်းလျက်ရှိ၏။

ဂလာ ၆း၁၂-၁၃
၁၂ မိမိတို့ အသွေးအဆင်းတင့်တယ်စေချင်သောသူရှိသမျှတို့သည်၊ ခရစ်တော်၏လက်ဝါးကပ်တိုင်ကြောင့်ခံရသောညှဉ်းဆဲခြင်းနှင့်၊ မိမိတို့ ကင်းလွှတ်လို၍၊ သင်တို့ကိုအရေဖျားလှီးခြင်းကိုခံစေခြင်းငှါ၊ အနိုင်အထက်သွေးဆောင်တတ်ကြ၏။

ဂလာ ၆း၁၅
၁၅ အကြောင်းမူကား၊ ယေရှုခရစ်ထံ၌ အရေဖျားလှီးခြင်းအကျိုးမရှိ၊ မခံဘဲနေခြင်းလည်းအကျိုးမရှိ။ သတ္တဝါသစ်ဖြစ်ခြင်းသာအကျိုးရှိ၏။

ဧဖက် ၂း၁၁
၁၁ ထိုကြောင့်၊ လက်ဖြင့် ကိုယ်ကာယ၌ ပြုသော ဝေါဟာရ အရေဖျားလှီးခြင်းကို၊ ခံရသောသူတို့ ခေါ်ဝေါ်သောအားဖြင့်၊ အရေဖျားလှီးခြင်းကို မခံသောလူဟူ၍၊ ခေါ်ဝေါ်ကြသော သာသနာပလူတို့ အထဲ၌၊ သင်တို့သည် အထက်က ပကတိအတိုင်း ဖြစ်ကြသည်ကို၎င်း၊

ဖိလိ ၃း၂-၅
၂ ခွေးတို့ကို ရှောင်ကြလော့။ မကောင်း သောအကျင့်ကို၊ ကျင့်သောသူတို့ကို ရှောင်ကြလော့။ အရေဖျားလှီးခြင်းကို ခံယောင်ဆောင်သောသူတို့ကို ရှောင်ကြလော့။

ကောလော ၂း၁၁-၁၃
၁၁ ခရစ်တော်၏ အရေဖျားလှီးခြင်းအားဖြင့် ဇာတိပကတိအပြစ်၏ ကိုယ်ကိုပယ်ရှင်း၍၊ လက်ဖြင့်မလုပ်သော အရေဖျားလှီးခြင်းကို ထိုသခင်၌ သင်တို့သည် ခံကြသည်ဖြစ်၍၊

ကောလော ၃း၁၁
၁၁ ထိုဖန်ဆင်း ပြုပြင်တော်မူရာ၌ ဟေလသလူမရှိ၊ ယုဒလူမရှိ၊ အရေဖျားလှီးမင်္ဂလာခံခြင်း မရှိ၊ မခံခြင်းမရှိ၊ လူရိုင်းမရှိ၊ သကုသိလူမရှိ၊ ကျွန်မရှိ၊ လူလွတ်မရှိ၊ ခရစ်တော်သည် အလုံးစုံတို့၌ အလုံးစုံဖြစ်တော်မူ၏။ s ခရစ်ယာန်အသက်တာ

ကောလော ၄း၁၁
၁၁ အရေဖျားလှီးခြင်းကို ခံသောသူတို့တွင်၊ ဤသူတို့သာ ဘုရားသခင်၏ နိုင်ငံတော်အဘို့ ငါနှင့်အတူ၊ အမှုဆောင်သောသူဖြစ်၍၊ ငါ့စိတ်ကို သက်သာစေကြ၏။ s ဧပဖြသည် အသင်းတော်များအတွက် စိတ်အားကြီး

တိတု ၁း၁၀
၁၀ အကြောင်းမူကား၊ နားမထောင်ဘဲ အချည်းနှီးသောစကားကို ပြော၍၊ လှည့်ဖြားတတ်သောသူ အများရှိကြ၏။ အရေဖျားလှီးခြင်းကို ခံသောသူတို့တွင်လည်း အထူးသဖြင့် ရှိကြ၏။

၂၀ ဒါဝိဒ်သည် နံနက်စောစောထ၍ သိုးတို့ကို သိုးထိန်း၌ အပ်ပြီးလျှင်၊ အဘ မှာလိုက်သည်အတိုင်း စားစရာကို ယူသွား၍ ရိက္ခာလှည်းထားရာသို့ ရောက်သောအခါ ၂၁ ဣသရေလ တပ်သားတို့နှင့် ဖိလိတ္တိတပ်သားတို့သည် စစ်ခင်းကျင်း၍ စစ်တလင်းသို့ ချီလျက်၊ စစ်တိုက်မည်အသံနှင့် ကြွေးကြော်ကြ၏။ ၂၂ ဒါဝိဒ်သည် မိမိ၌ ပါသောအရာတို့ကို ရိက္ခာစောင့်လက်၌ အပ်ထားပြီးလျှင်၊ တပ်သားစုထဲသို့ပြေး၍ မိမိအစ်ကိုတို့ကို နှုတ်ဆက်၏။ ၂၃ သူတို့နှင့်ပြောစဉ်တွင် ဖိလိတ္တိလူ၊ ဂါသမြို့သား ဂေါလျတ် အမည်ရှိသော သူရဲသည် ဖိလိတ္တိတပ်ထဲက ထွက်လာ၍ ယမန်ကဲ့သို့ ပြောဆိုသည်ကို ဒါဝိဒ်သည် ကြားလေ၏။ ၂၄ ဣသရေလ လူအပေါင်းတို့သည် ထိုသူကိုမြင်သောအခါ အလွန်ကြောက်ရွံ၍ ပြေးကြ၏။ ၂၅ အချို့တို့ကလည်း၊ ထိုလူထွက်လာသည်ကို မြင်သလော၊ ဣသရေလ အမျိုးကို ကြိမ်းပလျက် ထွက်လာပါသည်တကား၊ သူ့ကိုသတ်သောသူအား ရှင်ဘုရင်သည် ကြီးသော စည်းစိမ်နှင့် ချီးမြှောက်၍ သမီးတော်ကိုလည်း ပေးစားတော်မူမည်။ ထိုသူ၏ အဆွေအမျိုးကိုလည်း ဣသရေလ နိုင်ငံတွင် မင်းမှုလွှတ်တော်မူမည်၊ ဟုပြောဆိုကြ၏။ ၂၆ ဒါဝိဒ်ကလည်း၊ ထိုဖိလိတ္တိလူကို သတ်၍ ဣသရေလ အမျိုး ခံသော အရှက်ကွဲခြင်းကို ပယ်ရှင်းသောသူသည် အဘယ်အကျိုးကို ရလိမ့်မည်နည်း။ အသက်ရှင်တော်မူသော ဘုရားသခင်၏ ဗိုလ်ခြေတို့ကို ကြိမ်းပရမည် အကြောင်း၊ အရေဖျားလှီးခြင်း [B]ကို မခံသော ထိုဖိလိတ္တိလူသည် အဘယ်သို့သောသူ ဖြစ်သနည်း၊ ဟုမိမိအနားမှာ ရှိသောသူတို့အား မေးမြန်းလျှင်၊ ၂၇ သူတို့က ထိုလူကို သတ်သောသူသည် ဤမည်သော အကျိုးကိုရလိမ့်မည်၊ ဟု ယမန်ကဲ့သို့ ပြန်ပြောကြ၏။

ဒါဝိဒ်ကို အစ်ကိုကြီး ဧလျာဘက ဆူ

၂၈ ထိုသူတို့နှင့် ဒါဝိဒ်ပြောသည်ကို အစ်ကိုအကြီး ဧလျာဘကြားလျှင်၊ ဒါဝိဒ်ကို အမျက်ထွက်၍ သင်သည် အဘယ့်ကြောင့် ဤအရပ်သို့ လာသနည်း။ ထိုနည်းသော သိုးတို့ကို တောတွင် အဘယ်သူလက်၌ အပ်ခဲ့သနည်း။ သင့်မာနကြီးခြင်း၊ သင့်စိတ်နှလုံး ဆိုးညစ်ခြင်းကို ငါသိ၏။ စစ်ပွဲကို ကြည့်ရှုခြင်းငှာသာ လာပြီ၊ ဟုဆို၏။ ၂၉ ဒါဝိဒ်ကလည်း၊ အကျွန်ုပ်သည် အဘယ်အမှုကို ပြုမိသနည်း။ ယခုပြောစရာ အကြောင်းမရှိလော၊ ဟုဆိုသောနောက်၊ ၃၀ အခြားသော သူတို့ထံသို့ လှည့်၍ ယမန်ကဲ့သို့ မေးမြန်းလျှင်၊ သူတို့သည် ရှေ့အတူ ပြန်ပြောကြ၏။

ဒါဝိဒ်က ဂေါလျတ်ကို သူတိုက်မည်ဟုဆို

၃၁ ထိုသို့ ဒါဝိဒ်ပြောသော စကားကို ကြားသောသူတို့သည် ရှောလုထံတော်၌ ကြားလျှောက်သော်၊ ဒါဝိဒ်ကို ခေါ်တော်မူ၏။ ၃၂ ဒါဝိဒ်ကလည်း ထိုလူကြောင့် အဘယ်သူမျှ စိတ်မပျက်ပါစေနှင့်။ ကိုယ်တော်ကျွန် သွား၍ ထိုဖိလိတ္တိလူကို တိုက်ပါမည်၊ ဟုရှောလုအား လျှောက်လျှင်၊ ၃၃ ရှောလုက သင်သည် ထိုဖိလိတ္တိလူကို သွား၍ မတိုက်နိုင်။ သင်သည် နုပျိုသောသူ ဖြစ်၏။ ထိုသူသည် ပျိုသောအရွယ်မှစ၍ စစ်သူရဲဖြစ်ခဲ့ပြီ၊ ဟုဒါဝိဒ်အားဆိုသော်၊ ၃၄ ဒါဝိဒ်က ကိုယ်တော်ကျွန်သည် အဘ၏သိုးတို့ကို ထိန်းကျောင်းစဉ်အခါ၊ ခြင်္သေ့နှင့်ဝံသည် လာ၍ သိုးသူငယ်ကို သိုးစုထဲက ကိုက်ချီပါ၏။ ၃၅ ကျွန်တော်လိုက်၍ သတ်သဖြင့် သိုးသူငယ်ကို သူ့ပါးစပ်ထဲက နှုတ်ပါ၏။ ဝံသည် ကျွန်တော်ကိုပြန်၍ ကိုက်သောအခါ၊ ဝံ၏ မုတ်ဆိတ်ကို ကိုင်၍ ရိုက်သတ်ပါ၏။ ၃၆ ကိုယ်တော်ကျွန်သည် ခြင်္သေ့နှင့် ဝံနှစ်ကောင်လုံးကို သတ်ပါ၏။ အရေဖျားလှီးခြင်းကို မခံသော ထိုဖိလိတ္တိလူသည် အသက်ရှင်တော်မူသော ဘုရားသခင်၏ ဗိုလ်ခြေတို့ကို ကြိမ်းပသောကြောင့်၊ ထိုအကောင် တစ်ကောင်ကဲ့သို့ ဖြစ်ပါလိမ့်မည်။ ၃၇ ခြင်္သေ့လက်၊ ဝံလက်မှ ကျွန်တော်ကို ကယ်နှုတ်တော်မူသော ထာဝရဘုရားသည်၊ ထိုဖိလိတ္တိ လူလက်မှ ကယ်နှုတ်တော်မူလိမ့်မည်၊ ဟုရှောလုအား လျှောက်လေသော်၊ ရှောလုက သွားလော့။ ထာဝရဘုရားသည် သင်နှင့်အတူ ရှိတော်မူပါစေသော်၊ ဟုဒါဝိဒ်အား ဆိုလေ၏။

ဒါဝိဒ်နှင့် ဂေါလျတ် တစ်ယောက်နှင့် တစ်ယောက်ကြိမ်းပ

၃၈ ရှောလုသည်လည်း ဒါဝိဒ်ကို မိမိအဝတ်နှင့် ဝတ်စေသဖြင့်၊ သူ၏ ခေါင်းပေါ်မှာ ကြေးဝါ ခမောက်လုံးကို တင်၍၊ သံချပ်အင်္ကျီကိုလည်း ဝတ်စေ၏။ ၃၉ ဒါဝိဒ်သည် ဓားတော်ကို အဝတ်ပေါ်မှာ စည်း၍ သွားမည်ဟု အားထုတ်သော်လည်း၊ ထိုလက်နက်များကို မစုံစမ်းသေး။ သို့ဖြစ်၍ ဒါဝိဒ်က ဤလက်နက်တို့နှင့် ကျွန်တော် မသွားနိုင်ပါ၊ မစုံစမ်းပါသေး၊ ဟုရှောလုအား လျှောက်၍ ချွတ်ပြန်လေ၏။ ၄၀ တဖန် မိမိတောင်ဝှေးကို ကိုင်လျက်၊ ချောသော ကျောက်ငါးလုံးကို ချောင်းထဲကရွေး၍၊ သိုးထိန်း တန်ဆာတည်းဟူသော လွယ်အိတ်၌ ထည့်ပြီးမှ လောက်လွှဲကိုလည်း ကိုင်၍ ဖိလိတ္တိလူ ရှိရာသို့ ချဉ်းလေ၏။ ၄၁ ဖိလိတ္တိလူသည်လည်း ဒါဝိဒ်ရှိရာသို့ချဉ်း၍ သူ့ရှေ့မှာ ဒိုင်းလွှားကို ဆောင်သောသူလည်း သွား၏။ ၄၂ ဖိလိတ္တိလူသည် ကြည့်၍ ဒါဝိဒ်ကို မြင်သောအခါ မထီမဲ့မြင်ပြု၏။ အကြောင်းမူကား၊ သူသည် နုပျိုသောသူ၊ ဆံပင်နီ၍ မျက်နှာလှသောသူ ဖြစ်၏။ ၄၃ ဖိလိတ္တိလူက၊ သင်သည် တောင်ဝှေးနှင့် ငါ့ထံသို့ လာရမည့်အကြောင်း၊ ငါသည် ခွေးဖြစ်သလော၊ ဟုမေးလျက်၊ မိမိဘုရားတို့ကို တိုင်တည်၍ ဒါဝိဒ်ကို ကျိန်ဆဲလေ၏။ ၄၄ တဖန် ဖိလိတ္တိလူက လာခဲ့၊ သင့်အသားကို မိုးကောင်းကင်ငှက်နှင့် တောသားရဲတို့အား ငါပေးမည်၊ ဟုဒါဝိဒ်ကိုဆို၏။ ၄၅ ဒါဝိဒ်က သင်သည် ဓား၊ လှံ၊ ကိဒုန်ပါလျက် ငါ့ထံသို့လာ၏။ ငါသည် သင်ကြိမ်းပသော ဣသရေလ ဗိုလ်ခြေတို့၏ ဘုရားသခင်၊ ကောင်းကင်ဗိုလ်ခြေ အရှင်ထာဝရဘုရား၏ နာမတော်ပါလျက် သင်ရှိရာသို့ လာ၏။ ၄၆ ထာဝရဘုရားသည် သင့်ကို ငါ့လက်၌ ယနေ့အပ်တော်မူသဖြင့်၊ သင့်ကိုငါသတ်၍ လည်ပင်းကို ဖြတ်မည်။ ဖိလိတ္တိ ဗိုလ်ခြေ အသေကောင်များကို မိုးကောင်းကင်ငှက်နှင့် တောသားရဲတို့အား ယနေ့ငါပေးမည်။ ဣသရေလအမျိုး၌ ဘုရားသခင် ရှိတော်မူသည်ကို မြေကြီးသား အပေါင်းတို့သည် သိရကြလိမ့်မည်။ ၄၇ ထာဝရဘုရားသည် ဓား၊ လှံအားဖြင့် ကယ်တင်တော် မမူကြောင်းကို၊ ဤပရိသတ် အပေါင်းတို့သည် သိရကြလိမ့်မည်။ အကြောင်းမူကား၊ ထာဝရဘုရားသည် စစ်မှုကိုပိုင်၍၊ ငါတို့လက်သို့ အပ်နှံတော်မူမည်၊ ဟုဖိလိတ္တိလူအား ဆို၏။

ဒါဝိဒ်ဂေါလျတ်ကို သတ်နိုင်

၄၈ ဖိလိတ္တိလူသည် ထ၍ ဒါဝိဒ်နှင့် တွေ့ခြင်းငှာ ချဉ်းလာသောအခါ၊ ဒါဝိဒ်သည်လည်း ဖိလိတ္တိလူနှင့် တွေ့ခြင်းငှာ ဗိုလ်ခြေရှိရာသို့ အလျင်အမြန် ပြေးပြီးမှ၊ ၄၉ လွယ်အိတ်ထဲက ကျောက်တစ်လုံးကို နှိုက်ယူ၍ လွှဲပစ်၏။ ဖိလိတ္တိလူ၏ နဖူးကိုမှန်၍ နဖူးပေါက်သဖြင့် သူသည် မြေပေါ်မှာ ငိုက်စိုက်လဲလေ၏။ ၅၀ ထိုသို့ ဒါဝိဒ်သည် လောက်လွှဲနှင့် ကျောက်တစ်လုံး အားဖြင့် နိုင်လျက် ထိခိုက်၍ သတ်လေ၏။ ၅၁ ထိုအခါ ဒါဝိဒ်သည် ဓားမပါသောကြောင့် ပြေး၍ ဖိလိတ္တိလူကို နင်းလျက်၊ သူ၏ဓားကို ဓားအိမ်မှ နှုတ်ဆွဲပြီးလျှင် လည်ပင်းကို ဖြတ်၍ အပြီးသတ်လေ၏။ ဖိလိတ္တိလူတို့သည် သူတို့၏ သူရဲသေကြောင်းကို မြင်သောအခါ ပြေးကြ၏။၅၂ ထိုအခါ ဣသရေလအမျိုး၊ ယုဒအမျိုးသားတို့သည် ထ၍ ကြွေးကြော်လျက် ချိုင့်တိုင်အောင်၎င်း၊ ဧကြုန်မြို့တံခါး တိုင်အောင်၎င်း၊ ဖိလိတ္တိလူတို့ကို လိုက်ကြ၏။ ထိခိုက်သော ဖိလိတ္တိလူတို့သည် ရှာရိမ်မြို့ လမ်းနားမှစ၍ ဂါသမြို့၊ ဧကြုန်မြို့တိုင်အောင် လဲကြ၏။ ၅၃ ဣသရေလ အမျိုးသားတို့သည် ဖိလိတ္တိလူတို့ကို လိုက်ရာမှ ပြန်လာ၍ သူတို့တဲများကို လုယူကြ၏။ ၅၄ ဒါဝိဒ်သည် ဖိလိတ္တိလူ၏ ဦးခေါင်းကိုယူ၍ ယေရုရှလင်မြို့သို့ ဆောင်သွား၏။ သူ၏ လက်နက်များကို မိမိတဲ၌ ထား၏။

ဒါဝိဒ်ကို ရှောလုမင်းက မသိ

၅၅ ဒါဝိဒ်သည် ဖိလိတ္တိလူကို တိုက်ခြင်းငှာ ထွက်သွားသည်ကို ရှောလုသည်မြင်လျှင်၊ ထိုလုလင်ကား အဘယ်သူ၏ သားဖြစ်သနည်း၊ ဟုဗိုလ်ချုပ်မင်း အာဗနာကို မေး၏။ အာဗနာကလည်း၊ အရှင်မင်းကြီး အသက်တော် ရှင်သည်အတိုင်း ကျွန်တော်မသိပါ၊ ဟုလျှောက်လျှင်၊ ၅၆ ရှင်ဘုရင်က၊ ထိုလုလင်သည် အဘယ်သူ၏သား ဖြစ်လိမ့်မည်ကို မေးစစ်လော့၊ ဟုမိန့်တော်မူ၏။ ၅၇ ဒါဝိဒ်သည် ဖိလိတ္တိလူကို သတ်ပြီးမှ သူ၏ဦးခေါင်းကို ကိုင်လျက် ပြန်လာသောအခါ၊ အာဗနာသည် ခေါ်၍ ရှောလုထံသို့ ဆောင်သွားပြီးလျှင်၊ ၅၈ ရှောလုက၊ အချင်းလုလင်၊ သင်သည် အဘယ်သူ၏သား ဖြစ်သနည်း၊ ဟုမေးတော်မူ၏။ ဒါဝိဒ်ကလည်း၊ ကျွန်တော်သည် ကိုယ်တော်ကျွန်၊ ဗက်လင်မြို့သား ယေရှဲ၏သား ဖြစ်ပါသည်၊ ဟုလျှောက်လေ၏။