၁ တဖန် မောရှေအား ထာဝရဘုရားက၊ သင်သည် ဣသရေလ အမျိုးသားတို့အား ဆင့်ဆိုရမည်မှာ၊ ငါ၏ ပူဇော်သက္ကာကို၎င်း၊ ၂ ငါ့အဖို့ မွှေးကြိုင်သော အနံ့ရှိစေခြင်းငှာ မီးဖြင့်ပြုသော ငါ၏ အစာအာဟာရကို၎င်း၊ အချိန်တန်မှ ငါ့အားပူဇော်ခြင်းငှာ သတိပြုရကြမည်။ ၃ တဖန်ဆင့်ဆိုရမည်မှာ၊ နေ့တိုင်းအစဉ်အမြဲ မီးရှို့ရာယဇ်ဖို့၊ အခါမလည် အပြစ်မပါသော သိုးသူငယ် နှစ်ကောင်ကို ထာဝရဘုရားအား မီးဖြင့် ပူဇော်ရမည်။ ၄ နံနက်ယံ၌ သိုးသူငယ် တစ်ကောင်၊ ညဦး၌ တစ်ကောင်ကို ပူဇော်ရမည်။ ၅ သံလွင်သီးကို ထောင်း၍ ရသော သံလွင်ဆီ သုံးလောဃနှင့် ရောသော မုန့်ညက် တစ်ဩမဲကိုလည်း ပူဇော်ရမည်။ ၆ ဤရွေ့ကား၊ သိနာတောင်ပေါ်မှာ စီရင်တော်မူသည် အတိုင်း၊ ထာဝရဘုရားအဖို့ မွှေးကြိုင်သော အနံ့နှင့် မီးဖြင့်ပြုသော ပူဇော်သက္ကာ အစဉ်အမြဲ ပြုရသော မီးရှို့ရာယဇ် ဖြစ်သတည်း။ ၇ သိုးသူငယ် တစ်ကောင်နှင့်အတူ သွန်းလောင်းရာ ပူဇော်သက္ကာဖို့ စပျစ်ရည် သုံးလောဃကို ပူဇော်၍၊ သန့်ရှင်းရာဌာန၌ သွန်းလောင်းရာ ပူဇော်သက္ကာဖို့၊ ထာဝရဘုရားအား သွန်းလောင်းရမည်။ ၈ အခြားသော သိုးသူငယ်ကို ညဦးယံ၌ ပူဇော်သောအခါ၊ နံနက်ယံ၌ ဘောဇဉ် ပူဇော်သက္ကာ၊ သွန်းလောင်းရာ ပူဇော်သက္ကာ ပါဝင်သည်နည်းတူ ပါဝင်လျက်၊ ထာဝရဘုရားအဖို့ မွှေးကြိုင်သော အနံ့နှင့်ပြည့်စုံ၍ မီးဖြင့်ပူဇော်သော ယဇ်ကိုပြုရမည်။ ၉ နေ့တိုင်းအစဉ် ပူဇော်သော မီးရှို့ရာယဇ်၊ ၁၀ သွန်းလောင်းရာ ပူဇော်သက္ကာ မှတပါး၊ ဥပုသ်နေ့ရက်၌ [A] အခါမလည် အပြစ်မပါသော သိုးသူငယ် နှစ်ကောင်ကို၎င်း၊ သွန်းလောင်းရာ ပူဇော်သက္ကာ ပါလျက်၊ ဘောဇဉ် ပူဇော်သက္ကာဖို့၊ ဆီရောသော မုန့်ညက်နှစ်ဩမဲကို၎င်း ပူဇော်ရမည်။ ၁၁ လဆန်း တစ်ရက်နေ့၌ ၊ အသက်ပျိုသော နွားထီးနှစ်ကောင်၊ သိုးထီးတစ်ကောင်၊ အခါမလည်၊ အပြစ်မပါသော သိုးသူငယ် ခုနစ်ကောင်တို့ကို ထာဝရဘုရားအား မီးရှို့ရာယဇ်ပြု၍ ပူဇော်ရမည်။ ၁၂ နွားတစ်ကောင်အဖို့၊ ဆီရောသော မုန့်ညက်သုံးဩမဲ၊ သိုးတစ်ကောင်အဖို့၊ ဆီရောသော မုန့်ညက်နှစ်ဩမဲ၊ ၁၃ သိုးသူငယ် တစ်ကောင်အဖို့၊ ဆီရောသော မုန့်ညက် တစ်ဩမဲ စီတည်းဟူသော ဘောဇဉ် ပူဇော်သက္ကာနှင့် တကွ၊ ထာဝရဘုရားအား မီးဖြင့်ပူဇော်၍ မီးရှို့ရာယဇ်ကို ပြုရမည်။ ၁၄ သွန်းလောင်းရာ ပူဇော်သက္ကာဖို့ကား၊ နွားတစ်ကောင်နှင့် စပျစ်ရည် ခြောက်လောဃ၊ သိုးတစ်ကောင်နှင့် လေးလောဃ၊ သိုးတစ်ကောင်နှင့် သုံးလောဃကို ပူဇော်ရမည်။ ထိုသို့လတိုင်း အစဉ်မပြတ် မီးရှို့ရာယဇ်ကို ပူဇော်ရမည်။ ၁၅ နေ့တိုင်းအစဉ် ပူဇော်သော မီးရှို့ရာယဇ်၊ သွန်းလောင်းရာ ပူဇော်သက္ကာ မှတပါး၊ အပြစ်ဖြေရာယဇ်ဘို့ ထာဝရဘုရားအား ဆိတ်သူငယ် တစ်ကောင်ကိုလည်း ပူဇော်ရမည်။

ပသခါပွဲနှင့်တဆေးမဲ့မုန့်ပွဲ

CROSS REFERENCES

ထွက် ၁၂း၁၁

ထွက် ၁၂း၂၁

ထွက် ၁၂း၂ရ

ထွက် ၁၂း၄၃း ထွက် ၁၂း၄၈

ထွက် ၁၂း၁၁
၁၁ အဘယ်သို့ စားရမည်နည်းဟူမူကား၊ ခါးစည်းကိုစည်းလျက်၊ ခြေနင်းကိုစီးလျက်၊ တောင်ဝေးကိုကိုင်လျက်၊ အလျင်အမြန်စားရမည်။ ထာဝရဘုရား၏ ပသခါ ဖြစ်သတည်း။ sသားဦးများနှင့် အဲဂုတ္တုဘုရားတို့ကို တရားစီရင်မည်

ထွက် ၁၂း၂၁
၂၁ ထိုအခါ မောရှေသည်၊ ဣသရေလအမျိုး အသက်ကြီးသူအပေါင်းတို့ကို ခေါ်၍၊ သင်တို့သည် အိမ်ထောင်များ အသီး အသီး၊ကိုယ်စီကိုယ်စီ သိုးသူငယ်တို့ကိုယူ၍ ပသခါပွဲ ဖို့ သတ်ကြလော့။

ထွက် ၁၂း၂ရ
၂၇ ထာဝရဘုရားသည် အဲဂုတ္တုလူတို့ကိုဒဏ်ခတ်၍၊ ငါတို့အိမ်များကို ချမ်းသာပေးတော်မူသောအခါ၊ အဲဂုတ္တုပြည်၌ ဣသရေလအမျိုးသားတို့၏ အိမ်များကို လွန်သွားတော်မူသော၊ ထာဝရဘုရား၏ ပသခါယဇ်ဖြစ်သတည်း၊ ဟုပြန်ပြောရကြမည်၊ ဟုမောရှေဆိုပြီးလျှင်၊ ထိုသူတို့သည် ဦးညွတ်ချ၍ ကိုးကွယ်ကြ၏။

ထွက် ၁၂း၄၃း ထွက် ၁၂း၄၈
၄၃ ပသခါပွဲတရားဟူမူကား၊ တပါးအမျိုးသား မစားရ။

ထွက် ၃၄း၂၅
၂၅ ငါ့ယဇ်ကောင်အသွေးကို တဆေးနှင့်ရော၍ မပူဇော်ရ။ ပသခါပွဲ ယဇ်ကောင်ကို၊ နံနက်တိုင်အောင် မကြွင်းစေရ။

ဝတ်ပြု ၂၃း၅
၅ ပဌမလ ဆယ့်လေးရက်နေ့ ညဦးယံ၌၊ ထာဝရဘုရား၏ ပသခါပွဲဖြစ်၏။

တောလည် ၉း၂-၆
၂ ဣသရေလ အမျိုးသားတို့သည်၊ ချိန်းချက်သော ကာလအချိန်၌ ပသခါပွဲ ကို ခံရကြမည်။

တောလည် ၉း၁၀-၁၄
၁၀ သင်တို့အမျိုးသားသည် အသေကောင်အားဖြင့် ညစ်ညူးခြင်း ရှိသော်၎င်း၊ ဝေးသောအရပ်သို့ ခရီးသွားသော်၎င်း၊ ထာဝရဘုရားအဖို့ ပသခါပွဲ ကို ခံရမည်။

တော ၂၈း၁၆
၁၆ ပထမလ တစ်ဆယ့်လေးရက်နေ့၌ ၊ ထာဝရဘုရား၏ ပသခါပွဲဖြစ်၏။

တောလည် ၃၃း၃
၃ ပဌမလ တစ်ဆယ့် ငါးရက်နေ့၌ ရာမသက်မြို့မှ ထွက်လာကြ၏။ ပသခါပွဲ ကို ခံပြီးသောနောက်၊ နက်ဖြန်နေ့၌ ဣသရေလ အမျိုးသားတို့သည် အဲဂုတ္တု လူအပေါင်းတို့ရှေ့မှာ ဝါကြွားသော အခြင်းအရာနှင့် ထွက်လာကြ၏။

တရားဟော ၁၆း၁-၆
၁ သင်၏ ဘုရားသခင် ထာဝရဘုရားသည် အဗိဗလ၊ ညအခါ၌ သင့်ကို အဲဂုတ္တုပြည်မှ နှုတ်ဆောင် တော်မူသောကြောင့်၊ အဗိဗလကို မှတ်၍၊ သင်၏ ဘုရားသခင် ထာဝရဘုရားအား ပသခါပွဲကို ခံလော့။

ယောရှု ၅း၁၀-၁၁
၁၀ ဣသရေလ အမျိုးသားတို့သည် ဂိလဂါလ အရပ်တွင် တပ်ချ၍၊ ထိုလ တစ်ဆယ့်လေးရက်နေ့၊ ညဦးယံ၌ ယေရိခေါလွင်ပြင်မှာ ပသခါပွဲ ကို ခံကြ၏။

၄ ဓမ္မ ၂၃း၂၁-၂၂
၂၁ တဖန် ရှင်ဘုရင်ကလည်း၊ ဤပဋိညာဉ်ကျမ်းစာ၌ လာသည်အတိုင်း၊ သင်တို့၏ ဘုရားသခင် ထာဝရဘုရားအား ပသခါပွဲကို ဆောင်ကြလော့၊ ဟုလူအပေါင်းတို့ကို မိန့်တော်မူ၏။

၂ ရာ ၃၀း၁-၂
၁ တဖန် ဧဖရိမ်အမျိုး၊ မနာရှေအမျိုးနှင့်တကွ ဣသရေလအမျိုး၊ ယုဒအမျိုးသား အပေါင်းတို့သည် ယေရုရှလင်မြို့၊ ဗိမာန်တော်သို့ လာ၍၊ ဣသရေလ အမျိုး၏ ဘုရားသခင် ထာဝရဘုရားအား၊ ပသခါပွဲ ကိုခံစေခြင်းငှါ၊ ဟေဇကိသည် စာရေး၍ ပေးလိုက်လေ၏။

၂ ရာ ၃၀း၄-၅
၄ ရှင်ဘုရင်နှင့် စည်းဝေးသော သူအပေါင်းတို့သည် ထိုအမှုကို နှစ်သက်သောကြောင့်၎င်း၊ ကျမ်းစာ၌ လာသည်အတိုင်း၊ ကြာမြင့်စွာသော ကာလပတ်လုံး၊ ပသခါပွဲကို မခံသောကြောင့်၎င်း၊

၂ ရာ ၃၀း၁၅
၁၅ ဒုတိယလ တဆယ်လေးရက်နေ့တွင်၊ ပသခါ သိုးငယ်တို့ကို သတ်ကြ၏။ ယဇ်ပုရောဟိတ်၊ လေဝိသားတို့သည် သတိရ၍ ကိုယ်ကို သန့်ရှင်းစေလျက်၊ မီးရှို့ရာယဇ်တို့ကို ဗိမာန်တော်ထဲသို့ သွင်းကြ၏။

၂ ရာ ၃၀း၁ရ-၁၈
၁၇ မသန့်ရှင်းသော သူအများတို့သည် ပရိသတ်၌ ပါသောကြောင့်၊ ထိုမသန့်ရှင်းသော သူရှိသမျှတို့ကို၊ ထာဝရဘုရား အဘို့ သန့်ရှင်းစေခြင်းငှါ၊ ပသခါ သိုးငယ် သတ်ခြင်းအမှုကို၊ လေဝိသားတို့သည် စောင့်ရကြ၏။

၂ ရာ ၃၅း၁
၁ တဖန် ယောရှိမင်းသည် ယေရုရှလင်မြို့၌ ထာဝရဘုရားအဘို့ ပသခါပွဲကို ခံတော်မူ၍ ပဌမလ တဆယ်လေးရက်နေ့တွင်၊ ပသခါ သိုးသငယ်ကို သတ်ကြ၏။

၂ ရာ ၃၅း၆-၉
၆ ထိုသို့ ပသခါ သိုးသငယ်ကိုသတ်၍ ကိုယ်ကို သန့်ရှင်းစေကြလော့။ သင်တို့ ညီအစ်ကိုတို့သည် မောရှေအားဖြင့် ထာဝရဘုရား မှာထားတော်မူသည်အတိုင်း ပြုစေခြင်းငှါ၊ သူတို့ကိုလည်း ပြင်ဆင်ကြလော့ဟု မိန့်တော်မူ၏။ sမင်းမှုးမတ်များ လေဝိသားတို့က တိရစ္ဆာန်များပေးကြ

၂ ရာ ၃၅း၁၁-၁၂
၁၁ ပသခါ သိုးသငယ်ကို သတ်၍၊ ယဇ်ပုရောဟိတ်တို့သည် အသွေးကိုလက်နှင့် ဖြန်းလျက်၊ လေဝိသားတို့သည် အရေကိုခွါလျက် ပြုကြ၏။

၂ ရာ ၃၅း၁၆-၁၉
၁၆ ထိုသို့ ယောရှိမင်းကြီး မိန့်တော်မူသည်အတိုင်း ပသခါပွဲကိုခံ၍၊ ထာဝရဘုရား၏ ယဇ်ပလ္လင်ပေါ်မှာ မီးရှို့ရာယဇ်တို့ကို ပူဇော်ခြင်းငှါ၊ ထာဝရဘုရားအား ပြုရသော ဝတ်အလုံးစုံကို၊ ထိုနေ့ခြင်းတွင် ပြင်ဆင်ကြ၏။

ဧဇရ ၆း၁၉-၂၁
၁၉ သိမ်းသွားခြင်းကိုခံရသော အမျိုးသားတို့သည် ပဌမလ တဆယ်လေးရက်နေ့တွင် ပသခါပွဲ ကိုလည်း ခံကြ၏။

ယေဇ ၄၅း၂၁
၂၁ ပဌမလတဆယ့်လေးရက်နေ့တွင်ပသခါပွဲကိုခံရမည်။ ခုနစ်ပတ်လုံးပွဲခံစဉ်တွင်တဆေးမဲ့မုန့်ကိုသာစားရမည်။

မဿဲ ၂၆း၂
၂ နှစ်ရက်လွန်မှ ပသခါပွဲနေ့ရောက်မည်ကို သင်တို့သိကြ၏။ ထိုအခါ လူသားကို လက်ဝါးကပ်တိုင်မှာ ရိုက်သတ်စေခြင်းငှာ အပ်နှံကြလိမ့်မည်၊ ဟုမိန့်တော်မူ၏။

မဿဲ ၂၆း၁ရ-၁၉
၁၇ အဇုမပွဲ ပထမနေ့၌ တပည့်တော်တို့သည် အထံတော်သို့ ချဉ်းကပ်၍၊ ကိုယ်တော်သည် ပသခါပွဲကို စားတော်မူဖို့ရာ၊ အဘယ်အရပ်၌ အကျွန်ုပ်တို့သည် ပြင်ဆင်စေခြင်းငှာ၊ အလိုရှိတော်မူသနည်း၊ ဟုမေးလျှောက်ကြသော်၊

မာကု ၁၄း၁
၁ ထိုနောက် နှစ်ရက်လွန်လျှင် ပသခါအဇုမပွဲရှိ၏။ ယဇ်ပုရောဟိတ် အကြီးတို့နှင့် ကျမ်းပြုဆရာတို့သည်၊ ကိုယ်တော်ကို အဘယ်သို့ ပရိယာယ်အားဖြင့် ဖမ်းဆီး၍၊ သတ်ရအံ့နည်း၊ ဟုရှာကြံကြ၏။

မာကု ၁၄း၁၂-၁၆
၁၂ ပသခါ သိုးသငယ်ကို သတ်သောနေ့တည်းဟူသော အဇုမပွဲပဌမနေ့၌၊ တပည့်တော်တို့သည် အထံတော်သို့ ချဉ်းကပ်၍၊ ကိုယ်တော်သည် ပသခါပွဲကို စားတော်မူဘို့ရာ အဘယ်အရပ်၌ အကျွန်ုပ်တို့သည်သွား၍၊ ပြင်ဆင်စေခြင်းငှါ အလိုရှိတော်မူသနည်း၊ ဟုမေးလျှောက်ကြသော်။

လု ၂း၄၁-၄၂
၄၁ မိဘတို့သည် နှစ်တိုင်းအစဉ် ပသခါပွဲခံချိန်ရောက်လျှင်၊ ယေရုရှလင်မြို့သို့ သွားကြ၏။

လု ၂၂း၁
၁ ပသခါအမည်ရှိသော အဇုမပွဲခံခါနီးတွင်၊

လု ၂၂းရ-၈
၇ ပသခါ သိုးသငယ်ကို သတ်ရသောနေ့ တည်းဟူသော၊ အဇုမပွဲနေ့ ရောက်သောအခါ၊

လု ၂၂း၁၁-၁၃
၁၁ ငါသည် ငါ့တပည့်တို့နှင့်တကွ၊ ပသခါပွဲကိုစားရသော ဧည့်သည်အခန်းကား အဘယ်မှာရှိသနည်း၊ ဆရာကမေးသည်၊ ဟုအိမ်ရှင်ကိုပြောကြလော့။

လု ၂၂း၁၅-၁၆
၁၅ ငါသည် အသေမခံမှီ ဤပသခါပွဲကို သင်တို့နှင့်အတူ စားခြင်းငှါ၊ အလွန်အလိုရှိလေပြီ။

ယောဟန် ၂း၁၃
၁၃ ယုဒပသခါပွဲ ခံချိန်နီးသည်ရှိသော်၊ ယေရုရှလင်မြို့သို့ ကြွတော်မူ၏။

ယောဟန် ၂း၂၃
၂၃ ပသခါပွဲအတွင်းတွင်၊ ယေရှုသည် ယေရုရှလင်မြို့၌ရှိ၍၊ ပြတော်မူသော နိမိတ်လက္ခဏာတို့ကို၊ များစွာသောသူတို့သည် မြင်ရသဖြင့် ကိုယ်တော်ကို ယုံကြည်ခြင်းသို့ ရောက်ကြ၏။

ယောဟန် ၆း၄
၄ ထိုအခါ ယုဒလူတို့၏ ပသခါပွဲခံချိန် ရောက်လုနီးသတည်း။

ယောဟန် ၁၁း၅၅
၅၅ ယုဒပသခါပွဲ ခံခါနီးတွင်၊ လူများတို့သည် မိမိတို့ကို သန့်ရှင်းစေခြင်းငှါ၊ ပွဲမခံမှီအရပ်ရပ်တို့မှ ယေရုရှလင်မြို့သို့ လာကြ၏။

ယောဟန် ၁၂း၁
၁ ပသခါပွဲ ခံချိန် ခြောက်ရက်လိုသေးသောအခါ၊ အထက်က သေလွန်၍ သေခြင်းမှ ထမြောက်စေတော်မူသော၊ လာဇရုနေရာအရပ်၊ ဗေသနိရွာသို့ယေရှုသည် ရောက်တော်မူ၏။

ယောဟန် ၁၃း၁
၁ ပသခါပွဲမခံမီ၌ယေရှုသည်၊ ဤလောကမှ ခမည်းတော်ထံသို့ ပြောင်းရသောအချိန် ရောက်သည်ကို သိတော်မူသည်ဖြစ်၍၊ ဤလောက၌ ရှိသောမိမိလူတို့ကို ချစ်တော်မူသောကြောင့်၊ အဆုံးတိုင်အောင် ချစ်တော်မူ၏။

ယောဟန် ၁၈း၂၈
၂၈ နံနက်အချိန်ရောက်လျှင်၊ ယေရှုကို ကယာဖထံမှအိမ်တော်ဦးသို့ ဆောင်သွားကြ၏။ ထိုသူတို့သည် အာပတ်(အပြစ်)နှင့် ကင်းလွတ်၍ ပသခါပွဲကို ခံမည်အကြောင်း၊ အိမ်တော်ဦးထဲသို့ ကိုယ်တိုင်မဝင်ကြ။

ယောဟန် ၁၈း၃၉
၃၉ ပသခါပွဲ ၌လူတယောက်ကို သင်တို့အား ငါလွှတ်မြဲထုံးစံရှိသည်ဖြစ်၍၊ ယုဒရှင်ဘုရင်ကို လွှတ်စေချင်သလော၊ ဟုမေးလျှင်၊

ယောဟန် ၁၉း၁၄
၁၄ ထိုနေ့အချိန်ကား၊ ပသခါ အဘိတ်နေ့ တချက်တီးအချိန်လောက်ရှိ၏။ ပိလတ်မင်းကလည်း၊ သင်တို့၏ ရှင်ဘုရင်ကို ကြည့်ကြလော့၊ ဟုယုဒလူတို့အားပြောဆိုလျှင်၊ sပိလတ်မင်းကယေရှုကိုလက်ဝါးကပ်တိုင်မှာရိုက်ခွင့်ပေး

တမန် ၁၂း၄
၄ ပေတရုကိုလည်း ဖမ်းဆီးပြီးမှ၊ ပသခါပွဲလွန်လျှင် လူများတို့အား ထုတ်ပေးမည်အကြံနှင့်၊ အစောင့်အရှောက် စစ်သူရဲ တကျိန်ခြောက်ယောက်တို့၌ အပ်၍၊ ထောင်ထဲမှာ လှောင်ထားလေ၏။

၁ ကော ၅းရ
၇ သင်တို့သည် တဆေးမဲ့ဖြစ်သည်နှင့်အညီ၊ အသစ်သော မုန့်စိမ်းဖြစ်မည်အကြောင်း၊ ဟောင်းသောတဆေးကို၊ သုတ်သင်ပယ်ရှင်းကြလော့။ အကြောင်းမူကား၊ ခရစ်တော်တည်းဟူသော၊ ငါတို့ ပသခါသိုးသငယ်သည် ငါတို့အဘို့ ယဇ်ပူဇော်ရာဖြစ်၏။

ဟေဗြဲ ၁၁း၂၈
၂၈ သားဦးများကိုဖျက်ဆီးသောသူသည်၊ ဣသရေလလူတို့ကို ဒဏ်မခတ်စေခြင်းငှါ၊ ယုံကြည်ခြင်းအားဖြင့် ပသခါပွဲကို၎င်း၊ အသွေးဖြန်းဆွတ်ခြင်းကို၎င်း၊ စောင့်လေ၏။

၁၆ ပထမလ တစ်ဆယ့်လေးရက်နေ့၌ ၊ ထာဝရဘုရား၏ ပသခါပွဲဖြစ်၏။ [B] ၁၇ ၎င်းလ တစ်ဆယ့်ငါးရက်နေ့၌ ပွဲကိုခံရမည်။ ခုနစ်ရက်ပတ်လုံး တဆေးမဲ့မုန့်ကို စားရကြမည်။ ၁၈ ပဌမနေ့၌ ဓမ္မစည်းဝေးခြင်းကို ပြုရမည်။ လောကီအလုပ်ကို မလုပ်ရ။ ၁၉ ထာဝရဘုရား အားဖြင့် ပြုသော ယဇ်တည်းဟူသော အသက်ပျိုသော နွားထီးနှစ်ကောင်၊ သိုးထီးတစ်ကောင်၊ အခါမလည် အပြစ်မပါသော သိုးသူငယ် ခုနစ်ကောင်တို့ကို မီးရှို့ရာယဇ်ပြု၍ ပူဇော်ရမည်။ ၂၀ နွားတစ်ကောင်လျှင် ဆီရောသော မုန့်ညက်သုံးဩမဲ၊ သိုးတစ်ကောင်လျှင် နှစ်ဩမဲ၊ ၂၁ သိုးသငယ် ခုနစ်ကောင် စေ့အောင်၊ တစ်ကောင်လျှင် တစ်ဩမဲစီနှင့် ဘောဇဉ် ပူဇော်သက္ကာ ပြုရမည်။ ၂၂ အပြစ်ဖြေခြင်းကို ပြုအံ့သောငှာ၊ အပြစ်ဖြေရာယဇ်ဖို့ ဆိတ်တစ်ကောင်ကိုလည်း ပူဇော်ရမည်။ ၂၃ နေ့ရက်အစဉ် နံနက်တိုင်း ပူဇော်သော မီးရှို့ရာယဇ် မှတပါး ထိုယဇ်များကို ထပ်၍ ပူဇော်ရမည်။ ၂၄ ထိုသို့ အစဉ်အမြဲ ပူဇော်သော မီးရှို့ရာယဇ်၊ သွန်းလောင်းရာ ပူဇော်သက္ကာ မှတပါး ခုနစ်ရက်ပတ်လုံး တစ်နေ့တစ်နေ့လျှင် ထာဝရဘုရားအဖို့ မွှေးကြိုင်သော အနံ့နှင့် မီးဖြင့်ပြုသော ပူဇော်သက္ကာ အစာအာဟာရကို ပူဇော်ရမည်။ ၂၅ သတ္တမနေ့၌လည်း၊ ဓမ္မစည်းဝေးခြင်းကို ပြုရမည်။ လောကီအလုပ်ကို မလုပ်ရ။

အဦးသီးသောအသီးပွဲ

၂၆ ထိုမှတပါး၊ သတင်း ခုနစ်သတင်းစေ့ပြီးမှ ဘောဇဉ် ပူဇော်သက္ကာ အသစ်ကို ထာဝရဘုရား ထံတော်သို့ ဆောင်ခဲ့သောနေ့၊ အဦးသီးသော အသီးနေ့ရက်၌ ဓမ္မစည်းဝေးခြင်းကို ပြုရမည်။ လောကီအလုပ်ကို မလုပ်ရ။ ၂၇ ထာဝရဘုရားအဖို့ မွှေးကြိုင်သော အနံ့နှင့်မီးရှို့ရာယဇ်ဖို့ အသက်ပျိုသော နွားထီးနှစ်ကောင်၊ သိုးထီးတစ်ကောင်၊ အခါမလည်သော သိုးသူငယ် ခုနစ်ကောင်တို့ကို ပူဇော်ရမည်။ ၂၈ နွားတစ်ကောင်လျှင် ဆီရောသော မုန့်ညက်သုံးဩမဲ၊ သိုးတစ်ကောင်လျှင် နှစ်ဩမဲ၊ ၂၉ သိုးသူငယ် ခုနစ်ကောင်စေ့အောင်၊ တစ်ကောင်လျှင် တစ်ဩမဲစီနှင့် ဘောဇဉ်ပူဇော်သက္ကာ ပြုရမည်။ ၃၀ အပြစ်ဖြေခြင်းကို ပြုအံ့သောငှာ၊ ဆိတ်သူငယ် တစ်ကောင်ကိုလည်း ပူဇော်ရမည်။ ၃၁ ထိုသို့အစဉ်အမြဲ ပူဇော်သော မီးရှို့ရာယဇ်၊ ဘောဇဉ် ပူဇော်သက္ကာ မှတပါး၊ သွန်းလောင်းရာ ပူဇော်သက္ကာ နှင့်တကွ၊ အပြစ်မပါသော ယဇ်ကောင်များတို့ကို ထပ်၍ ပူဇော်ရမည်။