ရှင်မဿဲခရစ်ဝင်

အခန်းကြီး ၂၅

အပျိုကညာ တစ်ကျိပ်

၁ ထိုအခါ ကောင်းကင် နိုင်ငံတော်သည်ကား၊ မင်္ဂလာဆောင် လုလင်ကို ခရီးဦးကြို ပြုအံ့သောငှာ မီးခွက်ကို ကိုင်ယူ၍၊ ထွက်သွားသော အပျိုကညာ(a) တစ်ကျိပ်နှင့်တူ၏။ ၂ ထိုအပျိုကညာတို့တွင် ငါးယောက်သည်၊ ပညာသတိရှိကြ၏။ ငါးယောက်မူကား အမိုက်ဖြစ်ကြ၏။ ၃ မိုက်သော သူတို့သည်၊ မီးခွက်တို့ကိုသာယူ၍ ဆီကိုမယူကြ။ ၄ ပညာသတိ ရှိသောသူတို့မူကား၊ မီးခွက်နှင့်တကွ ဘူး၌ ပါသော ဆီကိုလည်း ယူကြ၏။ ၅ မင်္ဂလာဆောင် လုလင်သည် မလာဘဲနေစဉ်၊ ထိုအပျိုကညာ အပေါင်းတို့သည် ငိုက်၍ အိပ်ပျော်ကြ၏။ ၆ သန်းခေါင်ယံ၌ ကြည့်ပါ။ မင်္ဂလာဆောင် လုလင်သည် လာပြီ။ ခရီးဦးကြို ပြုခြင်းငှာ ထွက်သွားကြကုန်၊ ဟုကြွေးကြော်လျှင်၊ ၇ ထိုအပျိုကညာ အပေါင်းတို့သည် ထ၍၊ မီးခွက်များကို ပြင်ဆင်ကြ၏။ ၈ မိုက်သောသူတို့က ငါတို့ဆီမီးသေပါပြီ။ သင်တို့ဆီကို အနည်းငယ် ပေးပါ၊ ဟုပညာရှိသော သူတို့အား တောင်းကြ၏။ ၉ ပညာရှိသော သူတို့ကလည်း၊ သင်တို့အဖို့နှင့် ငါတို့အဖို့ ဆီမလောက်။ ထိုကြောင့် ဆီရောင်းသောသူ ရှိရာသို့ သွား၍၊ ကိုယ်သုံးဖို့ ဝယ်လျှင် သာ၍ ကောင်းသည်၊ ဟုပြန်ပြောကြ၏။ ၁၀ ထိုသူတို့သည် ဆီဝယ်သွားသည် အခိုက်တွင်၊ မင်္ဂလာဆောင် လုလင်သည် လာ၍၊ အသင့်ရှိသော အပျိုကညာတို့သည် လုလင်နှင့်အတူ ပွဲသို့ ဝင်ကြပြီးလျှင်၊ တံခါးကို ပိတ်ထား၏။ ၁၁ ထိုနောက် ကြွင်းသော အပျိုကညာတို့သည်၊ လာ၍အရှင်၊ အရှင်၊ ကျွန်မတို့အား တံခါးကိုဖွင့်ပါ၊ ဟုတောင်းလျှောက်ကြသော်၊ ၁၂ အရှင်ကလည်း၊ ငါအမှန်ဆိုသည်ကား၊ သင်တို့ကို ငါမသိ၊ ဟုပြန်ပြောလေ၏။ ၁၃ သို့ဖြစ်၍ လူသားသည် ကြွလာအံ့သော နေ့ရက် အချိန်နာရီကို၊ သင်တို့သည် မသိသောကြောင့် စောင့်နေကြလော့။

CROSS REFERENCES

လုကာ ၁၉း၁၂

လုကာ ၁၉း၁၂
၁၂ အမတ်တယောက်သည် မင်းကြီးအရာကိုခံလို၍ မိမိပြည်သို့ ပြန်လာမည်၊ ဟုအကြံရှိလျက်၊ ဝေးသောပြည်သို့ သွား၏။

အခြားပြည်သို့သွားသောလူ [A]

CROSS REFERENCES

မဿဲ ၈း၁၂

မဿဲ ၈း၁၂
၁၂ နိုင်ငံတော်သား တို့သည်လည်း ငိုကြွေးခြင်း၊ အံသွား ခဲကြိတ်ခြင်းရှိရာ၊ ပြင်အရပ် မှောင်မိုက်ထဲသို့ နှင်ချခြင်းကို ခံရကြလတံ့ဟု နောက်တော်သို့ လိုက်သော သူတို့အား မိန့်တော်မူပြီးမှ၊

၁၄ ဥပမာကား၊ လူတစ်ဦးသည် အခြားသော ပြည်သို့သွားမည်၊ ဟုအကြံရှိလျက်၊ မိမိငယ်သားတို့ကို ခေါ်၍၊ မိမိဥစ္စာများကို အပ်ပေး၏။ သူတို့သည် အသီးအသီး အစွမ်းသတ္တိ ရှိသည်အတိုင်း၊ တစ်ဦး၌ ငွေအခွက်ငါးဆယ်၊ ၁၅ တစ်ဦး၌ အခွက်နှစ်ဆယ်၊ တစ်ဦး၌ အခွက်တစ်ဆယ်ကို အပ်ပေးပြီးမှ၊ ချက်ခြင်းသွားလေ၏။ ၁၆ အခွက်ငါးဆယ်ကို ခံသောသူသည် သွား၍၊ ကုန်သွယ်ခြင်းကို ပြုသဖြင့်၊ အခြားသော အခွက်ငါးဆယ်ကို အမြတ်ရလေ၏။ ၁၇ ထိုနည်းတူ၊ အခွက် နှစ်ဆယ်ကို ခံသောသူသည်လည်း၊ အခြားသော အခွက်နှစ်ဆယ်ကို အမြတ်ရလေ၏။ ၁၈ အခွက်တစ်ဆယ်ကို ခံသောသူမူကား၊ သွား၍မြေ၌ တွင်းတူးပြီးလျှင်၊ အရှင်၏ငွေကို ဝှက်ထားလေ၏။ ၁၉ ကာလကြာမြင့်ပြီးမှ၊ ထိုငယ်သားတို့၏ အရှင်သည် လာ၍၊ သူတို့ကို စာရင်းယူလေ၏။ ၂၀ အခွက် ငါးဆယ်ကို ခံသောသူသည် ချဉ်းကပ်၍၊ အခြားသော အခွက်ငါးဆယ်ကို ဆက်လျက်၊ သခင်၊ ကိုယ်တော်သည် အကျွန်ုပ်၌ အခွက်ငါးဆယ်ကို အပ်ပေးတော်မူ၏။ အခြားသော အခွက်ငါးဆယ်ကို အကျွန်ုပ် အမြတ်ရပါပြီ၊ ဟုလျှောက်လေ၏။ ၂၁ အရှင်ကလည်း၊ သာဓု၊ သစ္စာရှိသော ငယ်သားကောင်း၊ သင်သည် အမှုငယ်၌ သစ္စာစောင့်လေပြီ။ များစွာသော အမှုအခွင့်ကို သင်၌ ငါအပ်ပေးမည်။ သင်၏သခင်နှင့် အတူ၊ စည်းစိမ်ကို ဝင်စားလော့၊ ဟုမိန့်တော်မူ၏။ ၂၂ အခွက်နှစ်ဆယ်ကို ခံသော သူသည်လည်း ချဉ်းကပ်၍သခင်၊ ကိုယ်တော်သည် အကျွန်ုပ်၌ အခွက်နှစ်ဆယ်ကို အပ်ပေးတော်မူ၏။ အခြားသော အခွက်နှစ်ဆယ်ကို အကျွန်ုပ် အမြတ်ရပါပြီ၊ ဟုလျှောက်လေသော်၊ ၂၃ အရှင်က၊ သာဓုသစ္စာရှိသော ငယ်သားကောင်း၊ သင်သည် အမှုငယ်၌ သစ္စာစောင့်လေပြီ။ များစွာသော အမှုအခွင့်ကို သင်၌ ငါအပ်ပေးမည်။ သင်၏ သခင်နှင့်အတူ၊ စည်းစိမ်ကို ဝင်စားလော့၊ ဟုမိန့်တော်မူ၏။ ၂၄ အခွက်တစ်ဆယ်ကို ခံသောသူသည်လည်း ချဉ်းကပ်၍ သခင်၊ ကိုယ်တော်သည် ခဲယဉ်းသောသူ ဖြစ်သည်နှင့် ကိုယ်မစိုက်၊ မပျိုးသော အရပ်၌ ရိတ်၍၊ ကိုယ်မဖြန့်၊ မကြဲသော အရပ်၌ စုသိမ်းတတ်သည်ကိုအကျွန်ုပ်သိ၍၊ ၂၅ ကြောက်သောကြောင့်၊ အခြားသို့သွား၍ ကိုယ်တော်၏ ငွေအခွက် တစ်ဆယ်ကို မြေ၌ ဝှက်ထားပါပြီ၊ ယခုကိုယ်တော်၏ ဥစ္စာရှိပါသည်၊ ဟုလျှောက်၏။ ၂၆ အရှင်ကလည်း၊ ဆိုးညစ် ပျင်းရိသော ငယ်သား၊ ငါသည် ကိုယ်မစိုက် မပျိုးသောအရပ်၌ ရိတ်၍၊ ကိုယ်မဖြန့်၊ မကြဲသော အရပ်၌ စုသိမ်းသည်ကို သင်သိသည်မှန်လျှင်၊ ၂၇ ငါ့ငွေကို ပွဲစားလက်သို့ အပ်ရမည်။ ထိုသို့အပ်လျှင်၊ ငါပြန်လာသောအခါ ငွေရင်းနှင့် အတိုးကို ရနိုင်၏။ ၂၈ ထိုကြောင့် အခွက်တစ်ဆယ်ကို ထိုသူ၏လက်မှ နှုတ်ကြ၊ အခွက်တစ်ရာ ရှိသောသူကို ပေးကြ။ ၂၉ အကြောင်းမူကား၊ အကြင်သူသည် ရတတ်၏၊ ထိုသူ၌ ကြွယ်ဝ ပြည့်စုံစေခြင်းငှာ၊ ပေးဦးမည်။ အကြင်သူသည် ဆင်းရဲ၏၊ ထိုသူ၌ ရှိသမျှကိုပင် နှုတ်လိမ့်မည်။ ၃၀ အသုံးမရသော ထိုငယ်သားကို ငိုကြွေးခြင်း၊ အံသွားခဲကြိတ်ခြင်းရှိရာ၊ ပြင်အရပ် မှောင်မိုက်ထဲသို့ နှင်ထုတ်ချ လိုက်ကြ၊ ဟုစီရင်တော်မူ၏။ [B]

သိုးနှင့်ဆိတ်ခွဲခြင်း

CROSS REFERENCES

ကမ္ဘာ ၂း၂၅
၂၅ ထိုသူလင်မယား နှစ်ဦးတို့သည်၊ အဝတ်မဝတ်ဘဲနေ၍၊ ရှက်ကြောက်ခြင်းနှင့် %fo(a) ကင်းလွတ်ကြ၏။ %ln

ကမ္ဘာ ၃းရ
၇ ထိုသူနှစ်ယောက်တို့သည် မျက်စိပွင့်လင်း၍၊ မိမိတို့၌အဝတ်အချည်းစည်း ရှိသည်ကိုသိမြင်လျှင်၊မိမိတို့ဝတ်ရန်ဖို့ သင်္ဘောသဖန်းပင် အရွက်တို့ကို ချုပ်စပ်၍ ခါးစည်းကိုလုပ်ကြ၏။s လူလင်မယားထံဘုရားရှင်လာ

ကမ္ဘာ ၉း၂၀-၂၂
၂၀ နောဧသည် လယ်လုပ်သော အတတ်ကိုပြုစု၍၊ စပျစ်ဥယျာဉ်ကို စိုက်လေ၏။

တရားဟော ၂၈း၄၈
၄၈ ထာဝရဘုရား စေလွှတ်တော်မူသော ရန်သူ၏ အမှုကို သင်သည် မွတ်သိပ်ခြင်း၊ ရေငတ်ခြင်း၊ အဝတ်အချည်းစည်းရှိခြင်းနှင့်တကွ၊ အရာရာ၌ ဆင်းရဲစွာ ဆောင်ရွက်ရလိမ့်မည်။ သင်သည် မပျက်စီးမှီ တိုင်အောင် သင့်လည်ပင်း၌ သံထမ်းပိုးကို တင်ထားတော်မူမည်။

၂ ဓမ္မ ၆း၂၀
၂၀ ထိုနောက် ဒါဝိဒ်သည် နန်းတော်သားတို့ကို ကောင်းကြီးပေးခြင်းငှာ သွား၍ ရောက်သောအခါ၊ ရှောလု၏သမီး မိခါလသည် ဆီး၍ ကြိုလျက်၊ လျှပ်ပေါ်သောသူသည် အရှက်မရှိဘဲ ကိုယ်အဝတ်ကို ချွတ်သကဲ့သို့၊ ယနေ့ ကျွန်ယောကျ်ား ကျွန်မိန်းမများရှေ့တွင် အဝတ်တော်ကို ချွတ်သော ဣသရေလ ရှင်ဘုရင်သည်၊ ယနေ့ အဘယ်မျှလောက် ဘုန်းကြီး တော်မူပါသည်တကား၊ ဟုဆို၏။

ယောဘ ၁း၂၀-၂၁
၂၀ ထိုအခါ ယောဘသည် ထ၍၊ မိမိဝတ်လုံကို ဆုတ်လေ၏၊၊ ဆံပင်ကိုလည်းရိတ်၍ မြေပေါ်မှာဝပ်လျက်ကိုးကွယ်ပြီးလျှင်၊ ငါသည်အဝတ်မပါဘဲ အမိဝမ်းထဲကထွက်လာ၏၊၊

ယောဘ ၂၄းရ
၇ ချမ်းသောကာလ၌ ကိုယ်ကို ဖုံးလွှမ်းစရာအဝတ်မရှိ၊၊ အချည်းစည်း အိပ်ရကြ၏၊၊

ဟေရှာယ ၂၀း၂-၄
၂ ထာဝရဘုရားက၊ သင်သည်သွား၍ ခါးစည်းသော လျှော်တေအဝတ်နှင့် ခြေနင်းကို ချွတ်လော့ ဟုအာမုတ်သား ဟေရှာယကို မိန့်တော်မူသည်အတိုင်း၊ သူသည်ပြု၍ အဝတ်ကိုမဝတ်၊ ခြေနင်းကို မစီးဘဲ သွားလာလျက်နေ၏။

ဟေရှာယ ၄ရး၃
၃ သင်သည် အဝတ်အချည်းစည်းရှိ၍၊ အရှက်ကွဲခြင်းကိုခံရမည်။ ငါသည် အပြစ်ဒဏ်ကိုပေးမည်။ အဘယ်သူနှင့်မျှ မိဿဟာယမဖွဲ့။%fo(a)

ယေရမိမြည် ၁း၈
၈ ယေရုရှလင်မြို့ပြစ်မှားသောအပြစ်သည် အလွန်များသောကြောင့်၊ ရွံရှာဖွယ်ဖြစ်လေ၏။ သူ့ကိုရိုသေဘူးသောသူအပေါင်းတို့သည် သူ၌အချည်းစည်းရှိခြင်းကိုမြင်သောကြောင့် မထီမဲ့မြင်ပြုကြ၏။ သူသည်လည်းညည်းတွား၍နောက်သို့ပြန်သွားလေ၏။

ယေဇ ၁၆း၈
၈ တဖန်ငါသည်လျှောက်သွား၍ သင့်ကိုမြင်သောအခါ၊ သင်၌ချစ်လိုဘွယ်သောအချိန် အရွယ်ရှိသောကြောင့်၊ ငါသည်ကိုယ်အဝတ်စွန်းကိုဖြန့်၍၊ သင်၌အချည်းစည်းရှိခြင်းကိုဖုံးအုပ်၏။ ကျိန်ဆိုခြင်းပြု၍သင်နှင့်ပဋိညာဉ်ဖွဲ့သဖြင့်၊ သင်သည်ငါ၏ခင်ပွန်းဖြစ်လေ၏။%fo(b)

ယေဇ ၁၆း၃၆
၃၆ အရှင်ထာဝရဘုရားမိန့်တော်မူသည်ကား၊ သင်၏ရည်းစားများ၊ စက်ဆုပ်ရွံ့ရှာဘွယ်သော ရုပ်တုအပေါင်းတို့နှင့် မှားယွင်းခြင်းအားဖြင့်၎င်း၊ သူတို့အားပေးသော သားသမီးတို့၏အသွေးအားဖြင့်၎င်း၊ သင်သည်ကိုယ်ရှက်ကြောက်ခြင်း၊ အဝတ်အချည်းစည်းရှိခြင်းကိုထင်ရှားစွာဖေါ်ပြသောကြောင့်၊

ယေဇ ၂၃း၁၈
၁၈ ထိုသို့မတရားသောမေထုန်ကိုပြုခြင်း၊ အဝတ်အချည်းစည်းရှိခြင်း ကိုထင်ရှားဖော်ပြသောကြောင့်၊ ငါသည်သူ့အစ်မကို ရွံရှာသကဲ့သို့၊ သူ့ကိုလည်းရွံရှာ၏။

ဟောရှေ ၂း၃
၃ မရှောင်လျှင် သူ၏ အဝတ်ရှိသမျှကို ငါချွတ်၍၊ သူဖွားသော နေ့၌ အဝတ်မရှိသကဲ့သို့၊ အဝတ်မပါ၊ ပြင်၌ထုတ်ထားမည်။ လွင်ပြင်ကဲ့သို့ သုတ်သင်မည်။ သွေ့ခြောက်သောမြေကဲ့သို့ဖြစ်စေလျက် ရေအငတ်ထား၍ သေစေမည်။

မိက္ခာ ၁း၈
၈ ထိုအမှုကြောင့် ငါသည် ငိုကြွေးမြည်တမ်းမည်။ အဝတ်ကိုချွတ်၍ အချည်းစည်းလည်သွားမည်။ မြေခွေးကဲ့သို့အူလျက်၊ ကုလားအုပ်ငှက်ကဲ့သို့ မြည်လျက်နေမည်။

နာဟုန် ၃း၅
၅ ထိုအမှုသည် ယာကုပ်လွန်ကျူး၍၊ ဣသရေလအမျိုး ပြစ်မှားသောကြောင့် ရောက်သတည်း။ ယာကုပ်လွန်ကျူးရာ ကားအဘယ်သို့နည်း။ ရှမာရိမြို့မဟုတ်လော။ ယုဒ၏ မြင့်ရာအရပ်ကား အဘယ်မှာရှိသနည်း။ ယေရုရှလင်မြို့၌ ရှိသည်မဟုတ်လော။

ဟဗက္ကုတ် ၂း၁၅
၁၅ မိမိအိမ်နီးချင်း၌ အဝတ်အချည်းစည်းရှိခြင်းကိုမြင်လို၍၊ သူ့ကိုယစ်မူးစေခြင်းငှါ သေရည်သေရက်ကို လောင်း၍သောက်စေသောသူသည်အမင်္ဂလာရှိ၏။

မဿဲ ၂၅း၃၆
၃၆ ငါသည် အဝတ်အချည်းစည်း ရှိသောအခါ၊ သင်တို့သည် အဝတ်နှင့် ဖုံးလွှမ်းကြ၏။ ငါသည် အနာရောဂါ စွဲသောအခါ၊ သင်တို့သည် ကြည့်ရှုပြုစုကြ၏။ ငါသည် ထောင်ထဲမှာ နေရသောအခါ၊ သင်တို့သည် ငါ့ထံသို့ လာကြ၏၊ ဟုမိန့်တော်မူလျှင်၊

မာကု ၅း၁၅
၁၅ အထံတော်သို့ ရောက်သောအခါ၊ နတ်ဆိုး လေဂေါင်စွဲသောသူသည် အဝတ်ကိုဝတ်၍ ပကတိစိတ်နှင့် ထိုင်နေသည်ကို မြင်လျှင်၊ ကြောက်ရွံ့ခြင်းသို့ ရောက်ကြ၏။

ရော ၈း၃၆
၃၆ အကယ်စင်စစ် ကိုယ်တော်အတွက် အကျွန်ုပ်တို့သည်၊ အစဉ်မပြတ် အသေသတ်ခြင်းကို ခံရကြပါ၏။ သတ်ဖို့ရာ ထားသော သိုးကဲ့သို့၊ အကျွန်ုပ်တို့ကို သူတပါး မှတ်တတ်ကြပါ၏၊၊ ဟုကျမ်းစာလာသည် နှင့်အညီ၊ ဆင်းရဲငြိုငြင်ခြင်း၊ ညှဉ်းဆဲနှိပ်စက်ခြင်း၊ မွတ်သိပ်ခြင်း၊ အဝတ်အချည်းစည်းရှိခြင်း၊ ဘေးနှင့်တွေ့ကြုံခြင်း၊ ကွပ်မျက်ခြင်းကို ခံရသော်လည်း၊ ထိုအမှုတို့တွင် အဘယ်အမှုသည်၊ ခရစ်တော်၏ ချစ်ခြင်း မေတ္တာတော်နှင့်၊ ငါတို့ကို ကွာစေမည်နည်း။

ယာကုပ် ၂း၁၅-၁၆
၁၅ ညီအစ်ကိုနှမတို့သည် အဝတ်အချည်းစည်းရှိ၍၊ နေ့တိုင်းစားရသောအစာမရှိသောအခါ၊

ဗျာ ၃း၁ရ-၁၈
၁၇ သင်ကလည်း၊ ငါသည် ဥစ္စာရတတ်၏။ ဘဏ္ဍာများကိုဆည်းဖူးပြီ။ တစုံတခုကိုမျှ မလိုဟုပြောဆို၍၊ ကိုယ်တိုင်ပင်ပန်းခြင်း၊ သနားဘွယ်ဖြစ်ခြင်း၊ ဆင်းရဲခြင်း၊ မျက်စိကန်းခြင်း၊ အဝတ်အချည်းစည်း ရှိခြင်းဖြစ်သည်ကို၊ မသိပါတကား။

ဗျာ ၁၆း၁၆
၁၆ အသံတော်ကား သူခိုးကဲ့သို့ ငါလာ၏။ အဝတ် အချည်းစည်းနှင့် သွားလာ၍၊ သူတပါးရှေ့၌ ရှက်စရာအကြောင်းမရှိ စေခြင်းငှာ နိုးလျက်နေ၍၊ ကိုယ်အဝတ်ကို စောင့်သောသူသည် မင်္ဂလာရှိ၏။ s သတ္တမဖလား အလွန်ပြင်းထန်သောမြေလှုပ်

၃၁ လူသားသည် မိမိဘုန်းအာနုဘော်ကို ဆောင်လျက်၊ သန့်ရှင်းသော ကောင်းကင်တမန်များ အခြံအရံ တို့နှင့်တကွ ကြွလာတော်မူသောအခါ၊ ဘုန်းရှိသော ပလ္လင်တော်ပေါ်မှာ ထိုင်၍၊ ၃၂ ရှေ့တော်၌ လူမျိုးအပေါင်းတို့ကို စုဝေးစေသဖြင့်၊ သိုးထိန်းသည် သိုးနှင့်ဆိတ်တို့ကို တခြားစီ ခွဲထားသကဲ့သို့၊ ၃၃ သိုးတို့ကို လက်ယာတော်ဘက်၊ ဆိတ်တို့ကို လက်ဝဲတော်ဘက်၌ ထားတော်မူလတံ့။ ၃၄ ထိုအခါ လက်ယာတော်ဘက်၌ ရှိသောသူတို့အား မင်းကြီးက၊ ငါ့ခမည်းတော်ထံ ကောင်းကြီးမင်္ဂလာကို ခံသောသူတို့၊ ကမ္ဘာဦးကပင် သင်တို့အဖို့ ပြင်ဆင်သော နိုင်ငံကိုလာ၍ အမွေခံကြလော့။ ၃၅ အကြောင်းမူ ကား၊ ငါသည် မွတ်သိပ်သောအခါ၊ သင်တို့သည် ကျွေးကြ၏။ ငါသည် ရေငတ်သောအခါ၊ သင်တို့သည် သောက်ဖို့ ပေးကြ၏။ ငါသည် ဧည့်သည် ဖြစ်သောအခါ၊ သင်တို့သည် ဧည့်သည်ဝတ်ကို ပြုကြ၏။ ၃၆ ငါသည် အဝတ်အချည်းစည်း ရှိသောအခါ၊ သင်တို့သည် အဝတ်နှင့် ဖုံးလွှမ်းကြ၏။ [C] ငါသည် အနာရောဂါ စွဲသောအခါ၊ သင်တို့သည် ကြည့်ရှုပြုစုကြ၏။ ငါသည် ထောင်ထဲမှာ နေရသောအခါ၊ သင်တို့သည် ငါ့ထံသို့ လာကြ၏၊ ဟုမိန့်တော်မူလျှင်၊ ၃၇ ဖြောင့်မတ်သော သူတို့က သခင်၊ ကိုယ်တော်သည် မွတ်သိပ်တော်မူသည်ကို အဘယ်အခါ၌ အကျွန်ုပ်တို့သည် မြင်၍၊ ကိုယ်တော်ကို လုပ်ကျွေးပါသနည်း။ ရေငတ်တော်မူသည်ကို အဘယ်အခါ၌ အကျွန်ုပ်တို့သည် မြင်၍၊ ကိုယ်တော်ကို သောက်ဖို့ ပေးပါသနည်း။ ၃၈ ဧည့်သည် ဖြစ်တော်မူသည်ကို အဘယ်အခါ၌ အကျွန်ုပ်တို့သည် မြင်၍၊ ဧည့်သည်ဝတ်ကို ကိုယ်တော်အား ပြုပါသနည်း။ အဝတ်အချည်းစည်း ရှိတော်မူသည်ကို အဘယ်အခါ၌ အကျွန်ုပ်တို့သည် မြင်၍၊ ကိုယ်တော်ကို အဝတ်နှင့် ဖုံးလွှမ်းပါသနည်း။ ၃၉ အနာစွဲတော်မူသည်ကို၎င်း၊ ထောင်ထဲမှာ နေတော်မူသည်ကို၎င်း၊ အဘယ်အခါ၌ အကျွန်ုပ်တို့သည် မြင်၍၊ အထံတော်သို့ ရောက်ပါသနည်း၊ ဟုပြန်၍လျှောက်ကြသော်၊ ၄၀ မင်းကြီးက၊ ငါအမှန်ဆိုသည်ကား၊ သင်တို့သည် ဤသူ တည်းဟူသော ငါ့ညီတို့တွင်၊ အငယ်ဆုံးသော သူတစ်ယောက်အား ပြုကြသမျှတို့ကို၊ ငါ့အားပြုကြပြီ၊ ဟုပြန်၍မိန့်တော်မူလတံ့။ ၄၁ ထိုအခါ လက်ဝဲတော်ဘက်၌ ရှိသောသူတို့အား မင်းကြီးက၊ ကျိန်ခြင်းကိုခံရသောသူတို့၊ မာရ်နတ်နှင့် သူ၏တမန်တို့အဖို့ ပြင်ဆင်သော ထာဝရမီးထဲသို့၊ ငါ့ထံမှ ခွာသွားကြလော့။ ၄၂ အကြောင်းမူကား၊ ငါသည် မွတ်သိပ်သောအခါ သင်တို့သည် မကျွေး၊ ငါသည် ရေငတ်သောအခါ သင်တို့သည် သောက်ဖို့ မပေး။ ၄၃ ငါသည် ဧည့်သည်ဖြစ်သောအခါ သင်တို့သည် ဧည့်သည်ဝတ်ကို မပြု။ ငါသည် အဝတ်အချည်းစည်း ရှိသောအခါ သင်တို့သည် အဝတ်နှင့် မဖုံးမလွှမ်း။ ငါသည် အနာရောဂါ စွဲသောအခါ၌၎င်း၊ ထောင်ထဲမှာ နေရသောအခါ၌၎င်း၊ သင်တို့သည် မကြည့်ရှုမပြုစုကြ၊ ဟုမိန့်တော်မူလျှင်၊ ၄၄ ထိုသူတို့က၊ သခင်၊ ကိုယ်တော်သည် မွတ်သိပ်တော်မူခြင်း၊ ရေငတ်တော်မူခြင်း၊ ဧည့်သည် ဖြစ်တော်မူခြင်း၊ အဝတ်အချည်းစည်း ရှိတော်မူခြင်း၊ အနာစွဲတော်မူခြင်း၊ ထောင်ထဲမှာ နေတော်မူခြင်းတို့ကို အကျွန်ုပ်တို့သည် အဘယ်အခါ၌ မြင်၍၊ ကိုယ်တော်ကို မပြုစု၊ မလုပ်ကျွေးဘဲ နေပါသနည်း၊ ဟုပြန်၍လျှောက်ကြသော်၊ ၄၅ မင်းကြီးက၊ ငါအမှန်ဆိုသည်ကား၊ သင်တို့တွင် ဤသူတို့တွင် အငယ်ဆုံးသော သူတစ်ယောက်အား မပြုသမျှတို့ကို ငါ့အားမပြုကြပြီ၊ ဟုပြန်၍မိန့်တော်မူလတံ့။ ၄၆ ထိုသူတို့သည် ထာဝရ အပြစ်ဒဏ်ကို ခံရာသို့၎င်း၊ ဖြောင့်မတ်သော သူတို့မူကား၊ ထာဝရ အသက်ရှင်ရာသို့၎င်း၊ သွားရကြလတံ့၊ ဟုမိန့်တော်မူ၏။

_________________________
Footnotes

၁ (a) ဂရိတ်လို παρθένοις အသံထွက် parthenois အင်္ဂလိပ်လို Virgin ကိုမြန်မာကျမ်းစာအုပ်၌ "သတို့သမီး" ၊ ဟုဘာသာပြန်ထားသည်။