၁ ယေရုရှလင်မြို့ အနီးသို့ချဉ်း၍ သံလွင်တောင် ခြေရင်း၌ ဗက်ဖာဂေရွာသို့ ရောက်ကြသောအခါ၊ ယေရှုသည် တပည့်တော် နှစ်ယောက်တို့ကို စေလွှတ်၍၊ ၂ သင်တို့ရှေ့၌ ရှိသော ရွာသို့ သွားကြ၊ ထိုရွာ၌ ချည်နှောင်လျက် ရှိသော မြည်းမနှင့် မြည်းကလေးကို သင်တို့သည် ချက်ခြင်း တွေ့လိမ့်မည်။ မြည်းကြိုးကို ဖြည်၍ ငါ့ထံသို့ ဆောင်ခဲ့ကြ။ ၃ သူတပါးသည် သင်တို့အား တစ်စုံတခုကို ဆိုလျှင်၊ သခင်အလိုရှိသည်၊ ဟုပြန်ပြောကြလော့။ ထိုသို့ပြောလျှင် ထိုသူသည် ချက်ခြင်း ပေးလိုက်မည်၊ ဟုမှာထားတော်မူ၏။၄ ထိုအကြောင်းအရာမူကား၊ သင်၏ အရှင်မင်းကြီးသည် မြည်းမနှင့် မြည်းကလေးကို စီး၍၊ ၅ နူးညံ့ သိမ်မွေ့သော စိတ်နှင့် သင်ရှိရာသို့ ကြွလာတော်မူသည်ကို ကြည့်ရှုလော့၊ ဟုဇိအုန်သတို့သမီးအား ပြောကြလော့ ဟူသော၊ ပရောဖက်၏ နှုတ်ထွက် ပြည့်စုံမည် အကြောင်းဖြစ်သတည်း။ [B] ၆ တပည့်တော်တို့သည် သွား၍ အမိန့်တော် အတိုင်း ပြုသဖြင့်၊ ၇ မြည်းမနှင့် မြည်းကလေးကို ဆောင်ခဲ့၍၊ မြည်းကျောပေါ်မှာ မိမိတို့ အဝတ်ကို တင်ကြပြီးလျှင်၊ ကိုယ်တော်သည် စီးတော်မူ၏။ ၈ အတိုင်းမသိ များစွာသော လူတို့သည်၊ မိမိတို့ အဝတ်ကို လမ်း၌ ခင်းကြ၏။ အချို့တို့သည်၊ သစ်ကိုင်း သစ်ခက်များကို ခုတ်၍လမ်း၌ ခင်းကြ၏။ ၉ ရှေ့နောက်လိုက်သွားသော အခြံအရံများတို့က၊ ဒါဝိဒ်၏ သားတော်အား ဟောရှဏ္ဏ [C]ဖြစ်စေသတည်း။ ထာဝရဘုရား၏ အခွင့်နှင့် ကြွလာတော်မူသော သူသည် မင်္ဂလာရှိစေသတည်း။ [D] ကောင်းကင် ဘဝဂ်ဝယ် ဟောရှဏ္ဏ (Yahweh is salvation) ဖြစ်စေသတည်း၊ ဟုကြွေးကြော်ကြ၏။ ၁၀ ယေရုရှလင်မြို့သို့ ဝင်တော်မူသောအခါ၊ တမြို့လုံး အုပ်အုပ်သဲသဲဖြစ်၍၊ [E] ဤသူကား အဘယ်သူနည်း၊ ဟုမေးမြန်းကြလျှင်၊ ၁၁ လူအစုအဝေးတို့က၊ ဤသူသည် ဂါလိလဲပြည် နာဇရက်မြို့၌ ပေါ်ထွန်းသော ပရောဖက် ယေရှုပေတည်း၊ ဟုပြောဆိုကြ၏။

ဗိမာန်တော်ရှင်း

CROSS REFERENCES

ဟေရှာယ ၅၆း၇

မာကု ၁၁း၁၇

လုကာ ၁၉း၄၆

ဟေရှာယ ၅၆း၇
၇ ငါ၏ သန့်ရှင်းသော တောင်သို့ ငါဆောင်ခဲ့၍ ငါ၏ပဌနာအိမ်၌ ဝမ်းမြောက်စေမည်။ သူတို့မီးရှို့ရာယဇ်နှင့် ယဇ်အမျိုးမျိုးတို့ကို ငါယဇ်ပလ္လင်ပေါ်မှာ လက်ခံမည်။ ငါ့အိမ်ကို လူအမျိုးမျိုး ဆုတောင်းရာအိမ်၊ ဟုခေါ်ဝေါ်လတံ့။

မာကု ၁၁း၁၇
၁၇ ငါ့အိမ်ကို လူအမျိုးမျိုးဆုတောင်း ရာအိမ်ဟူ၍၊ ခေါ်ဝေါ်ကြလတံ့၊ ၊ ဟုကျမ်းစာ၌ လာသည်မဟုတ်လော။ သို့သော်လည်း သင်တို့သည်၊ ထိုအိမ်ကို ဓါးပြတွင်း ဖြစ်စေကြပြီတကား ဟူ၍၊ ဆုံးမဩဝါဒ ပေးတော်မူ၏။

လုကာ ၁၉း၄၆
၄၆ ငါ့အိမ်သည်ဆု တောင်းရာအိမ်ဖြစ်၏၊ ဟုကျမ်းစာ၌ လာသော်လည်း၊ သင်တို့သည် ထိုအိမ်ကို ဓါးပြတွင်းဖြစ်စေကြပြီတကား၊ ဟုမိန့်တော်မူ၏။

CROSS REFERENCES

ဆာ ၈း၂

ဆာ ၈း၂
၂ ကိုယ်တော်၏ ရန်သူတို့ကို ရည်ဆောင်၍ ရန်သူကို၎င်း၊ အငြိုးထားသောသူကို၎င်း၊ တိတ်ဆိတ်စွာနေစေခြင်းငှာ၊ နို့စို့သူငယ်တို့၏နှုတ်ထဲမှာ အစွမ်းသတ္တိကို စီရင်တော်မူ၏၊၊

CROSS REFERENCES

ယေရမိအ ၂း၈

ယေရမိအ ၂း၈
၈ ယဇ်ပုရောဟိတ်တို့က၊ ထာဝရဘုရားသည် အဘယ်မှာရှိတော်မူသနည်းဟု မမေးကြ။ ကျမ်းတတ်တို့သည် ငါ့ကိုမသိကြ။ အုပ်ချုပ်သူတို့သည် ငါ့ကိုပြစ်မှားကြ၏။ ပရောဖက်တို့သည် ဗာလကိုအမှီပြု၍ ဟောပြောလျက်၊ ကျေးဇူးမဲ့သောလမ်းသို့လိုက်ကြ၏။

၁၂ ယေရှုသည် ဘုရားသခင်၏ ဗိမာန်တော်သို့ ဝင်တော်မူပြီးလျှင်၊ ဗိမာန်တော်၌ ရောင်းဝယ်သောသူ အပေါင်းတို့ကို နှင်ထုတ်၍၊ ငွေလဲသောသူတို့၏ ခုံများကို၎င်း၊ ချိုးငှက်ရောင်းသော သူတို့၏ ထိုင်နေရာကို၎င်း၊ တွန်းလှဲတော်မူလျက်၊ ၁၃ ငါ့အိမ်ကို ဆုတောင်းရာအိမ်ဟူ၍ ခေါ်ဝေါ်ကြလတံ့၊ ဟုကျမ်းစာ၌ လာသော်လည်း၊ [F] သင်တို့သည် ထိုအိမ်ကို ဓားပြတွင်း ဖြစ်စေကြပြီး တကား၊ ဟုမိန့်တော်မူ၏။ ၁၄ ထိုအခါ ဗိမာန်တော်၌ မျက်စိကန်းသောသူ၊ ခြေမစွမ်းသော သူတို့သည် အထံတော်သို့လာ၍ သူတို့ အနာရောဂါကို ငြိမ်းစေတော်မူ၏။ ၁၅ ကိုယ်တော် ပြုတော်မူသော အံ့ဩဘွယ် အမှုတို့ကို၎င်း၊ သူငယ်တို့ကလည်း ဒါဝိဒ်၏ သားတော်အား ဟောရှဏ္ဏ ဖြစ်စေသတည်း၊ ဟုဗိမာန်တော်၌ ကြွေးကြော် ကြသည်ကို၎င်း၊ ယဇ်ပုရောဟိတ်အကြီး၊ ကျမ်းပြုဆရာတို့သည် ကြားမြင်လျှင် အမျက်ထွက်ကြ၍၊ ၁၆ ဤသူတို့သည် အဘယ်သို့ ပြောဆိုသည်ကို ကြားသလော၊ ဟုယေရှုအားမေးကြသော်၊ ငါကြား၏။ နို့စို့သူငယ်တို့ နှုတ်ထဲမှ ကိုယ်တော်သည် ချီးမွမ်းခြင်းကို ပြင်ဆင်တော်မူသည်၊ [G] ဟူသော စကားကို သင်တို့သည် တရံတခါမျှ မဖတ်ဘူးသလော၊ ဟုမိန့်တော်မူ၏။ [H] ၁၇ ထိုအခါ သူတို့ကို ထားခဲ့၍ မြို့ထဲမှ ထွက်ပြီးလျှင်၊ ဗေသနိရွာသို့ ကြွ၍ ထိုညကို လွန်စေတော်မူ၏။

CROSS REFERENCES

ယေရမိအ ၂၄
၁ ထာဝရဘုရား ပြတော်မူသော ရူပါရုံဟူမူကား၊ ဗာဗုလုန်ရှင်ဘုရင် နေဗုခဒ်နေဇာသည် ယုဒရှင်ဘုရင် ယောယကိမ်သား ယေခေါနိမင်းအစရှိသော ယုဒမှူးမတ်များ၊ လက်သမားများ၊ ပန်းပဲသမားများတို့ကို ယေရုရှလင်မြို့မှ ဗာဗုလုန်မြို့သို့ သိမ်းသွားသောနောက်၊ ထာဝရဘုရား၏ ဗိမာန်တော်ရှေ့၌ ထားသော သင်္ဘောသဖန်းသီး တောင်းနှစ်လုံးသည် ထင်ရှားလေ၏။

ယေရမိအ ၈း၁၃
၁၃ သူတို့ကို ငါရှင်းရှင်း ဖျက်ဆီးမည်။ စပျစ်နွယ်ပင်၌ စပျစ်သီးမရှိရ။ သင်္ဘောသဖန်းပင်၌ သင်္ဘောသဖန်းသီးမရှိရ။ အရွက်လည်း ညှိုးနွမ်းရမည်အကြောင်း၊ လွှမ်းမိုးသော သူတို့ကို ငါစေလွှတ်မည်ဟု ထာဝရဘုရား မိန့်တော်မူ၏။ sချမ်းသာကို မြော်လင့်သော်လည်း ဘေးသက်သက်

ဟောရှေ ၉း၁၀
၁၀ တော၌ စပျစ်သီးကဲ့သို့ဣသရေလအမျိုးကိုငါတွေ့၏။ သီးစသောသင်္ဘောသဖန်းပင်၌ အဦးဆုံးမှည့်သောသင်္ဘောသဖန်းသီးကဲ့သို့သင်တို့ဘိုးဘေးများကိုငါမြင်၏။ သူတို့သည်ကိုယ်အလိုအလျောက်ဗာလပေဂုရဘုရားထံသို့သွား၍၊ ထိုရှက်ဘွယ်သောအရာ အဘို့ကိုယ်ကိုအပ်နှံသဖြင့်တပ်မက်သည်အတိုင်းစက်ဆုပ်ရွံရှာဘွယ်သောအမှုတို့ကိုပြုကြ၏။

မိက္ခာ ၄း၄
၄ လူအပေါင်းတို့သည် ကိုယ်ပိုင်သော စပျစ်ပင်၊ ကိုယ်ပိုင်သော သင်္ဘောသဖန်းပင် အောက်မှာ ထိုင်ကြလိမ့်မည်။ ကြောက်စေသောသူ တယောက်မျှမရှိရ။ ကောင်းကင် ဗိုလ်ခြေ အရှင်ထာဝရ ဘုရား၏ နှုတ်တော်ထွက် အမိန့်တော်ရှိ၏။

မဿဲ ၃း၁၀
၁၀ သစ်ပင်အမြစ်နားမှာ ပုဆိန်ထားလျက် ရှိသည်ဖြစ်၍၊ ကောင်းသော အသီးမသီးသော အပင်ရှိသမျှတို့ကို ခုတ်လှဲ၍ မီးထဲသို့ချလိုက်ရ၏။

မာကု ၁၁း၁၂-၁၄
၁၂ နက်ဖြန်နေ့၌ ဗေသနိရွာမှ ပြန်ကြစဉ်တွင် ဆာမွတ်တော်မူ၏။

မာကု ၁၁း၂၀-၂၄
၂၀ နံနက်အချိန်တွင် လမ်း၌ သွားကြစဉ်၊ သင်္ဘောသဖန်းပင်သည် အမြစ်မှစ၍ ခြောက်သွေ့လျက် ရှိသည်ကိုမြင်ကြ၏။

လု ၁၃း၆-၉
၆ တဖန် ဥပမာကို မိန့်တော်မူသည်ကား၊ လူတယောက်သည် ဥယျာဉ်၌ စိုက်သော သင်္ဘောသဖန်းပင် တပင်ရှိ၏။ ထိုအပင်သို့လာ၍ အသီးကို ရှာသော်လည်းမတွေ့။

သင်္ဘောသဖန်းပင်ကျိန် [I]

၁၈ နံနက်အချိန်၌ မြို့သို့ ပြန်စဉ်တွင် ဆာမွတ်တော်မူ၏။ ၁၉ လမ်းနားမှာ သင်္ဘောသဖန်းပင် တစ်ပင်ကို မြင်လျှင်၊ ထိုအပင်သို့ကြွသွား၍ အရွက်ကိုသာ တွေ့တော်မူသည် ရှိသော်၊ ယခုမှစ၍ အစဉ်မပြတ် သင်၌ အသီးမသီးစေနှင့်၊ ဟုမိန့်တော်မူလျှင်၊ ထိုအပင်သည် ချက်ခြင်း သွေ့ခြောက်လေ၏။ ၂၀ တပည့်တော်တို့သည် မြင်လျှင်၊ သင်္ဘောသဖန်းပင်သည် ချက်ခြင်း သွေ့ခြောက်ပါပြီ တကား၊ ဟုအံ့ဩ၍ ဆိုကြ၏။ ၂၁ ယေရှုကလည်း ငါအမှန်ဆိုသည်ကား၊ သင်တို့သည် ယုံမှားခြင်းနှင့် ကင်းသော ယုံကြည်ခြင်းရှိလျှင်၊ သင်္ဘောသဖန်းပင်၌ ပြုသကဲ့သို့ သင်တို့ ပြုနိုင်သည်သာမက၊ ထိုတောင်ကိုပင် နေရာမှ ရွေ့လော့၊ ပင်လယ်၌ ကျလော့၊ ဟုဆိုလျှင်ဆိုသည်အတိုင်း ဖြစ်လိမ့်မည်။ ၂၂ ယုံကြည်ခြင်းပါလျက် ပဌနာပြု၍ ဆုတောင်းသမျှတို့ကို သင်တို့သည် ရကြလိမ့်မည်၊ ဟုမိန့်တော်မူ၏။

မည်သူ၏အခွင့်နှင့်ပြုသနည်း

၂၃ ဗိမာန်တော်သို့ ဝင်ပြန်၍ ဆုံးမဩဝါဒ ပေးတော်မူစဉ်တွင်၊ ယဇ်ပုရောဟိတ် အကြီးတို့နှင့် လူတို့တွင် အကြီးအကဲ ဖြစ်သော သူတို့သည် အထံတော်သို့ ချဉ်းကပ်၍၊ ကိုယ်တော်သည် ဤအမှုများကို အဘယ်အခွင့်နှင့် ပြုသနည်း။ ထိုအခွင့်ကို အဘယ်သူ ပေးသနည်း၊ ဟုမေးလျှောက်ကြသော်၊ ၂၄ ယေရှုက၊ ငါသည် တစ်စုံတခုကို မေးဦးမည်။ သင်တို့ဖြေလျှင် ဤအမှုများကို အဘယ်အခွင့်နှင့် ငါပြုသည်ကို ငါပြောမည်။ ၂၅ ယောဟန်၏ ဗတ္တိဇံတရားသည် အဘယ်က ဖြစ်သနည်း။ ဘုရားက ဖြစ်သလော။ လူက ဖြစ်သလော၊ ဟုမေးတော်မူ၏။ ထိုသူတို့သည် အချင်းချင်း ဆင်ခြင်၍၊ ဘုရားကဖြစ်သည်၊ ဟုငါတို့ဖြေလျှင် သင်တို့သည် ယောဟန်ကို အဘယ်ကြောင့် မယုံသနည်း၊ ဟုသူမေးလေဦးမည်။ ၂၆ လူကဖြစ်သည်၊ ဟုငါတို့ဖြေလျှင် လူများကို ကြောက်ရ၏။ အကြောင်းမူကား၊ လူအပေါင်းတို့သည် ယောဟန်ကို ပရောဖက်ကဲ့သို့ ထင်မှတ်ကြ၏၊ ဟုအချင်းချင်း ဆင်ခြင်ပြီးမှ၊ ၂၇ အကျွန်ုပ်တို့ မသိပါ၊ ဟုယေရှုအား ပြန်ပြောကြ၏။ ကိုယ်တော်ကလည်း၊ ထိုအတူ ဤအမှုများကို အဘယ်အခွင့်နှင့် ငါ့ပြုသည်ကို ငါမပြော။

သားကြီးနှင့်သားငယ်

၂၈ သင်တို့သည် အဘယ်သို့ ထင်ကြသနည်း။ တစ်စုံတစ်ယောက်သောသူ၌ သားနှစ်ယောက်ရှိ၏။ သားအကြီးဆီသို့ သွား၍ ငါ့သား၊ ယနေ့ ငါ့စပျစ်ဥယျာဉ်သို့ သွား၍ လုပ်ဆောင်လော့၊ ဟုဆိုလျှင်၊ ၂၉ သားက ငါမသွားဘူး၊ ဟုပြန်ပြောသော်လည်း၊ နောက်မှ နောင်တရ၍ သွားလေ၏။ ၃၀ အဘသည် အခြားသောသား ဆီသို့ သွား၍ ရှေ့နည်းအတူဆိုလျှင်၊ သားက သွားပါမည်အဘ သခင်၊ ဟုဆိုသော်လည်း မသွားဘဲနေ၏။ ၃၁ ထိုသားနှစ်ယောက်တို့တွင် အဘယ်သူသည် အဘ၏ အလိုကို ဆောင်သနည်း၊ ဟုမေးတော်မူလျှင်၊ သားအကြီး ဆောင်ပါသည်၊ ဟုလျှောက်ကြသော်၊ ယေရှုကလည်း ငါအမှန်ဆိုသည်ကား၊ အခွန်ခံတို့နှင့် ပြည်တန်ဆာတို့သည် သင်တို့အရင် ဘုရားသခင်၏ နိုင်ငံတော်သို့ ဝင်တတ်ကြ၏။ ၃၂ အကြောင်းမူကား၊ ယောဟန်သည် ဖြောင့်မတ်သော အကျင့်ကို ကျင့်၍ သင်တို့ဆီသို့လာသော်လည်း၊ သင်တို့မယုံကြည်ကြ။ အခွန်ခံတို့နှင့် ပြည်တန်ဆာတို့မူကား ယုံကြည်ကြ၏။ ထိုအကြောင်းကို သင်တို့သည် မြင်သော်လည်း၊ ယုံကြည်မည်အကြောင်း နောက်တဖန် နောင်တ မရကြ။

စပျစ်ဥယျာဉ်

၃၃ အခြားသော ဥပမာကို နားထောင်ကြလော့။ အိမ်ရှင်တစ်ဦးသည် စပျစ်ဥယျာဉ်ကို စိုက်၍၊ စောင်ရန်းကို လုပ်ပြီးမှ စပျစ်သီးနှယ်ရာ ကျင်းကို တူးလေ၏။ မှီခိုရာ လင့်စင်ကိုလည်း ဆောက်လေ၏။ လုပ်ဆောင်သော သူတို့အား ဥယျာဉ်ကိုငှား၍ အခြားသော ပြည်သို့ သွားလေ၏။ ၃၄ အသီးသီးချိန် ရောက်သောအခါ၊ အသီးကို ခံစေခြင်းငှာ ငယ်သားတို့ကို ဥယျာဉ်စောင့်တို့ ရှိရာသို့ စေလွှတ်လေ၏။ ၃၅ ထိုသူတို့သည် ငယ်သားများကို ဖမ်းပြီးလျှင် တစ်ဦးကိုရိုက်၍၊ တစ်ဦးကိုသတ်၍၊ တစ်ဦးကို ခဲနှင့်ပစ်ကြ၏။ ၃၆ နောက်တဖန် အရင်ထက် များသော အခြားငယ်သားတို့ကို စေလွှတ်ပြန်လျှင်၊ ဥယျာဉ်စောင့်တို့သည် ရှေ့နည်းအတူ ပြုကြ၏။၃၇ နောက်ဆုံး ဥယျာဉ်ရှင်က၊ ထိုသူတို့သည် ငါ့သားကို အားနာကြလိမ့်မည်၊ ဟုဆို၍ မိမိသားကို စေလွှတ်လေ၏။ ၃၈ ဥယျာဉ်စောင့်တို့သည် သားကိုမြင်လျှင်၊ ဤသူသည် အမွေခံဖြစ်၏။ လာကြ၊ သူကိုသတ်၍ သူ၏အမွေဥစ္စာကို ယူကြကုန်အံ့၊ ဟုအချင်းချင်း တိုင်ပင်၍၊ ၃၉ ဥယျာဉ်ရှင်၏သားကို ဖမ်းယူပြီးမှ ဥယျာဉ်ပြင်သို့ ထုတ်၍ သတ်ပစ်ကြ၏။ ၄၀ သို့ဖြစ်လျှင်၊ ဥယျာဉ်ရှင်သည် လာသောအခါ၊ ဥယျာဉ်စောင့်တို့ကို အဘယ်သို့ ပြုမည်နည်း၊ ဟုမေးတော်မူ၏။ ၄၁ ပရိသတ်တို့ကလည်း၊ ထိုလူဆိုးတို့အား ဆိုးသော ဖျက်ဆီးခြင်းကို စီရင်ပါလိမ့်မည်။ အသီးသီးချိန်တွင် အသီးကို ဆက်အံ့သော အခြားလူတို့အား ထိုဥယျာဉ်ကို ငှားပါလိမ့်မည်၊ ဟုလျှောက်ကြ၏။

ပယ်သောကျောက်

CROSS REFERENCES

ဆာ ၁၁၈း၂၂
၂၂ တိုက်ကိုတည်လုပ်သော သူများ ပယ်ထားသော ကျောက်သည် နောက်တဖန် တိုက်ထောင့်အထွဋ်ဖျားသို့ ရောက်ပြန်၏။

မာကု ၁၂း၁၀-၁၁
၁၀ တိုက်ကိုတည်လုပ်သော သူများပယ်ထားသော ကျောက်သည်၊ နောက်တဖန် တိုက်ထောင့်အထွဋ်ဖျားသို့ ရောက်ပြန်၏။ ထိုအမှုသည် ထာဝရဘုရား ပြုတော်မူသော အမှုဖြစ်၏။

လုကာ ၂၀း၁၇
၁၇ ကိုယ်တော်သည် ထိုသူတို့ကို ကြည့်ရှု၍၊ တိုက်ကိုတည်လုပ်သောသူများ ပယ်ထားသောကျောက်သည်၊ နောက်တဖန် တိုက်ထောင့်အထွဋ်ဖျားသို့ ရောက်ပြန်၏၊ ဟူသောကျမ်းစာချက်သည် အဘယ်သို့ဆိုလိုသနည်း။

တမန် ၄း၁၁
၁၁ ထိုသခင်ကား၊ သင်တို့သည် တိုက်ကို တည်လုပ်သောအခါ ပယ်ထား၍၊ နောက်တဖန် တိုက်ထောင့် အထွဋ်ဖျားသို့ ရောက်ပြန်သော၊ ကျောက်ဖြစ်တော်မူ၏။ ထိုသခင်မှတပါး အဘယ်သူမျှ ကယ်တင်ခြင်းအမှုကို မတတ်နိုင်။

ဧဖက် ၂း၂၀
၂၀ အဘယ်သို့ နည်းဟူမူကား၊ တမန်တော်မှစ၍ ပရောဖက်များ တည်းဟူသော၊ တိုက်မြစ်အပေါ်၌ သင်တို့သည်၊ ထပ်ဆင့်၍ တည်ဆောက်လျက် ရှိကြ၏။

၁ ပေ ၂း၇-၈
၇ သို့ဖြစ်၍ ယုံကြည်ခြင်းရှိသော သင်တို့၌ကား ဘုန်းအသရေရှိ၏။ နားမထောင်သော သူတို့၌ကား၊ တိုက်ကိုတည်လုပ်သောသူများ ပယ်ထားသော ကျောက်သည်၊ နောက်တဖန် တိုက်ထောင် အထွဋ်အဖျားသို့ ရောက်ပြန်၏။

၄၂ ယေရှုကလည်း၊ တိုက်ကို တည်လုပ်သောသူများ ပယ်ထားသော ကျောက်သည်၊ နောက်တဖန် တိုက်ထောင့် အထွဋ်ဖျားသို့ ရောက်ပြန်၏။ ထိုအမှုသည် ထာဝရဘုရား ပြုတော်မူသော အမှုဖြစ်၏ ငါတို့မျက်မှောက်၌လည်း အံ့ဩဘွယ်ဖြစ်၏၊ ဟူသော စကားကို ကျမ်းစာ၌ သင်တို့သည် တရံတခါမျှ မဖတ်ဘူးသလော။ [J] ၄၃ ထိုကြောင့် ငါဆိုသည်ကား၊ ဘုရားသခင်၏ နိုင်ငံတော်ကို သင်တို့မှ နှုတ်၍၊ နိုင်ငံတော်၏ အသီးကို သီးအံ့သော လူမျိုးအားပေးရလတံ့။ ၄၄ အကြင်သူသည် ထိုကျောက်အပေါ်သို့ ကျ၏၊ ထိုသူသည် ကျိုးလတံ့၊ အကြင်သူ၏ အပေါ်သို့ ထိုကျောက်သည်ကျ၏၊ ထိုသူသည် ညက်ညက်ကြေ လတံ့၊ ဟုမိန့်တော်မူ၏။ ၄၅ ထိုဥပမာစကားကို ယဇ်ပုရောဟိတ် အကြီးနှင့် ဖာရိရှဲတို့သည် ကြားရလျှင်၊ မိမိတို့ကို ရည်ဆောင်၍ ဟောပြောတော်မူသည်ကို သိကြ၏။ ၄၆ ကိုယ်တော်ကို ဖမ်းဆီးခြင်းငှာ ရှာကြံသော်လည်း၊ စုဝေးသောသူများကို ကြောက်ကြ၏။ အကြောင်းမူကား၊ ထိုသူတို့သည် ကိုယ်တော်ကို ပရောဖက်ကဲ့သို့ ထင်မှတ်ကြ၏။