ရှင်မဿဲခရစ်ဝင်

အခန်းကြီး ၁၃

မျိုးစေ့ကြဲခြင်း

CROSS REFERENCES

လု ၅း၃
၃ ထိုလှေတို့တွင် ရှိမုန်၏ လှေထဲသို့ ဝင်တော်မူပြီးလျှင်၊ လှေကို ကမ်းနားမှာ အနည်းငယ်ခွာဖွင့်စေခြင်းငှာ၊ ရှိမုန်ကို အခွင့်တောင်းတော်မူ၏။ ထိုလှေပေါ်မှာ ထိုင်လျက် လူများတို့ကို ဆုံးမဩဝါဒ ပေးတော်မူ၏။ sရေနက်ရာသို့ ရွှေ့ဦးလော့

CROSS REFERENCES

မဿဲ ၃း၁၀-၅၈

မာကု ၄း၂-၄၁

မဿဲ ၃း၁၀-၅၈
၁၀ သစ်ပင်အမြစ်နားမှာ ပုဆိန်ထားလျက် ရှိသည်ဖြစ်၍၊ ကောင်းသော အသီးမသီးသော အပင်ရှိသမျှတို့ကို ခုတ်လှဲ၍ မီးထဲသို့ချလိုက်ရ၏။

မာကု ၄း၂-၄၁
၂ ထိုအခါ ဥပမာစကားအားဖြင့် များစွာသော ဆုံးမဩဝါဒကို ပေး၍ မြွက်ဆိုတော်မူသည်မှာ၊

၁ ထိုနေ့၌ ယေရှုသည် အိမ်ကထွက်၍ အိုင်နားမှာ ထိုင်နေတော်မူသည်တွင်၊ ၂ များစွာသော လူအပေါင်းတို့သည် ကိုယ်တော်ကို ဝန်းရံ၍ စုဝေးလျက် ရှိကြသောကြောင့်၊ လှေထဲသို့ ဝင်၍ ထိုင်တော်မူ၏။ ပရိသတ် အပေါင်းတို့သည် ကုန်းပေါ် မှာ ရပ်နေကြ၏။ [A] ၃ ထိုအခါ ဥပမာစကားများတို့ကို မြွက်ဆိုတော်မူသည်မှာ၊ မျိုးစေ့ကြဲသောသူသည် မျိုးစေ့ကို ကြဲခြင်းငှာ ထွက်သွား၏။ ၄ အစေ့ကို ကြဲသည်တွင်၊ အချို့သော အစေ့တို့သည် လမ်း၌ကျသဖြင့် ငှက်တို့သည် လာ၍ ကောက်စားကြ၏။ ၅ အချို့သောအစေ့တို့သည် မြေနည်း၍ ကျောက်ပေါများသော အရပ်၌ ကျသဖြင့်၊ မြေတိမ် သောကြောင့် ချက်ခြင်း အပင်ပေါက် သော်လည်း၊ ၆ နေထွက်သောအခါ ပူလောင်သည်ဖြစ်၍ အမြစ်မစွဲသောကြောင့် ညှိုးနွမ်း ပျက်စီးခြင်းသို့ ရောက်ကြ၏။ ၇ အချို့သော အစေ့တို့သည် ဆူးပင်တို့တွင် ကျသဖြင့်၊ ဆူးပင်တို့သည် ကြီးပွား၍ ညှဉ်းဆဲကြ၏။ ၈ အချို့သော အစေ့တို့သည် ကောင်းသောမြေ၌ ကျသဖြင့်၊ အဆသုံးဆယ်၊ အဆခြောက်ဆယ်၊ အဆတစ်ရာ ပွားများ၍ အသီးသီးကြ၏။ ၉ ကြားစရာနား ရှိသောသူ မည်သည်ကား ကြားပါစေ၊ ဟုမိန့်တော်မူ၏။ ၁၀ တပည့်တော်တို့သည် ချဉ်းကပ်လျက်၊ ကိုယ်တော်သည် အဘယ်ကြောင့် ဥပမာကို ဆောင်၍ ဤလူတို့အားဟောပြော တော်မူသနည်း၊ ဟုမေးလျှောက်ကြလျှင်၊ [B]၁၁ ကိုယ်တော်က၊ သင်တို့သည် ကောင်းကင် နိုင်ငံတော်၏ နက်နဲသော အရာတို့ကို သိရသော အခွင့်ရှိကြ၏။ ထိုသူတို့မူကား အခွင့်မရှိကြ၊ ၁၂ အကြင်သူသည်ရတတ်၏၊ ထိုသူ၌ ကြွယ်ဝ ပြည့်စုံစေခြင်းငှာ ပေးဦးမည်။ အကြင်သူသည် ဆင်းရဲ၏၊ ထိုသူ၌ ရှိသမျှကိုပင် နှုတ်လိမ့်မည်။

မြင်လျက်မမြင်၊ ကြားလျက်မကြား

CROSS REFERENCES

တရားဟော ၂၉း၄
၄ သို့သော်လည်း နားလည်နိုင်သော နှလုံး၊ မြင်နိုင်သော မျက်စိ၊ ကြားနိုင်သော နားတို့ကို ယနေ့တိုင်အောင် ထာဝရဘုရားသည် ပေးတော်မမူသေး။

ဟေရှာယ ၆း၉-၁၀
၉ ထာဝရဘုရားကလည်း ထိုလူမျိုးရှိရာသို့ သွားပြီးလျှင်၊ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်၊၊ မြင်လျက်ပင် အာရုံမပြုဘဲ မြင်ကြလိမ့်မည်၊ ဟုပြောလော့၊၊

မဿဲ ၁၃း၁၃-၁၅
၁၃ ထိုကြောင့် သူတို့သည် မြင်လျက်မမြင်၊ ကြားလျက်မကြား၊ အနက်ကိုလည်း နားမလည်သောကြောင့် ဥပမာကို ဆောင်၍ ငါဟောပြော၏။

မာကု ၄း၁၂
၁၂ ပြင်၌ ရှိသောထိုသူတို့မူကား၊ မြင်လျက်ပင် အာရုံမပြုဘဲ မြင်၍၊ ကြားလျက်ပင် အနက်ကို နားမလည်ဘဲကြားသဖြင့်၊ သူတို့အကျင့်မပြောင်းလဲ၊ အပြစ်မလွှတ် ရသည်တိုင်အောင် သူတို့အား ဟောသမျှကို ဥပမာအားဖြင့် ဟောရ၏။

လု ၈း၁၀
၁၀ ကိုယ်တော်က၊ သင်တို့သည် ဘုရားသခင့် နိုင်ငံတော်၏ နက်နဲသောအရာတို့ကို သိရသောအခွင့်ရှိကြ၏။ ကြွင်းသောသူတို့မူကား၊ မြင်လျက်ပင် အာရုံမပြုဘဲမြင်၍၊ ကြားလျက်ပင် အနက်ကို နားမလည်ဘဲ ကြားရသည်တိုင်အောင်၊ သူတို့အား ဥပမာဖြင့် ဟောရ၏။

ယောဟန် ၁၂း၄၀
၄၀ သူတို့မျက်စိမမြင်၊ စိတ်နှလုံးနားမလည်၊ အကျင့်မပြောင်းလဲ၊ သူတို့အနာရောဂါကို ငါမငြိမ်းစေသည် တိုင်အောင်၊ သူတို့မျက်စိကို ကွယ်စေတော်မူ၏။ သူတို့စိတ်နှလုံးကို မိုက်စေတော်မူ၏၊ ဟူသော စကားကြောင့် ထိုသူတို့သည် ယုံကြည်ခြင်းသို့ မရောက်နိုင်ကြ။

တမန် ၂၈း၂၆-၂၇
၂၆ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲ မြင်ကြလိမ့်မည်၊ ဟုထိုလူမျိုးရှိရာသို့သွား၍ ပြောလော့။

ရော ၁၁း၈
၈ ထိုသို့နှင့်အညီ ကျမ်းစာလာသည်ကား၊ ဘုရားသခင်သည် အိပ်ချင်သောသဘောကို၎င်း၊ မမြင်နိုင်သော မျက်စိကို၎င်း၊ မကြားနိုင်သော နားကို၎င်း၊ ထိုသူတို့အား ပေးတော်မူပြီ၊ ဟုလာ၏။ ထိုကျမ်းစာချက်သည် ယနေ့တိုင်အောင် ပြည့်စုံသတည်း။

CROSS REFERENCES

မဿဲ ၁၃း၁၆-၁၇
၁၆ သင်တို့ မျက်စိသည် မြင်သောကြောင့် မင်္ဂလာရှိ၏။ သင်တို့ နားသည်လည်း ကြားသောကြောင့် မင်္ဂလာရှိ၏။

မဿဲ ၁၆း၁၇
၁၇ ယေရှုကလည်း၊ ယောန၏သားရှိမုန်၊%fo(e) သင်သည် မင်္ဂလာရှိ၏။ အကြောင်းမူကား၊ အသွေးအသားသည် ဤအကြောင်းအရာကို သင့်အားဖော်ပြသည် မဟုတ်။ ကောင်းကင်ဘုံ၌ ရှိတော်မူသော ငါ့ခမည်းတော်သည် ဖော်ပြတော်မူသတည်း။

လု ၁၀း၂၃-၂၄
၂၃ ထိုအခါ တပည့်တော်တို့ကို လှည့်ကြည့်၍၊ ယခု မြင်သမျှသောအရာတို့ကို သင်တို့မြင်သောကြောင့်၊ သင်တို့မျက်စိသည် မင်္ဂလာရှိ၏။

ယောဟန် ၂၀း၂၉
၂၉ ယေရှုကလည်း၊ သင်သည် ငါ့ကိုမြင်သောကြောင့် ယုံခြင်းရှိ၏။ ငါ့ကိုမမြင်ဘဲ ယုံသောသူတို့သည် မင်္ဂလာရှိကြ၏၊ ဟုမိန့်တော်မူ၏။

၁၃ ထိုကြောင့် သူတို့သည် မြင်လျက်မမြင်၊ ကြားလျက်မကြား၊ အနက်ကိုလည်း နားမလည်သောကြောင့် ဥပမာကို ဆောင်၍ ငါဟောပြော၏။ ၁၄ ဟေရှာယ ဟောဘူးသော အနာဂတ်စကား ဟူမူကား၊ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲ မြင်ကြလိမ့်မည်။ ၁၅ အကြောင်းမူကား၊ ဤလူမျိုးသည် မျက်စိမမြင်၊ နားမကြား၊ စိတ်နှလုံးမသိ၊ အကျင့် မပြောင်းလဲ၊ သူတို့ အနာရောဂါကို ငါမငြိမ်းစေရသည် တိုင်အောင်၊ သူတို့ စိတ်နှလုံးသည် မိုက်လျက်၊ နားသည် ထိုင်းလျက်၊ ကိုယ်မျက်စိကို ပိတ်လျက်ရှိကြ၏၊ ဟူသော စကားသည် ဤလူတို့၌ ပြည့်စုံခြင်းသို့ ရောက်သတည်း။ [C] ၁၆ သင်တို့ မျက်စိသည် မြင်သောကြောင့် မင်္ဂလာရှိ၏။ သင်တို့ နားသည်လည်း ကြားသောကြောင့် မင်္ဂလာရှိ၏။ [D] ၁၇ ငါအမှန်ဆိုသည်ကား၊ သင်တို့ မြင်ရသော အရာတို့ကို ပရောဖက်များနှင့် ဖြောင့်မတ်သော သူများတို့သည် မြင်ခြင်းငှာ အလိုရှိသော်လည်း မမြင်ရကြ။ သင်တို့ကြားရသော အရာတို့ကို ကြားခြင်းငှာ အလိုရှိသော်လည်း မကြားရကြ။

မျိုးစေ့ကြဲသောသူ၏ အနက်အဓိပ္ပါယ်

CROSS REFERENCES

တရားဟော ၄း၉
၉ သင်တို့သည်၊ ဟောရပ်အရပ်မှာ သင်တို့၏ ဘုရားသခင် ထာဝရဘုရား ရှေ့တော်၌ ရပ်နေကြသောအခါ၊ ကိုယ်တိုင် မြင်သောအမှုအရာတို့ကို မမေ့မလျော့။ နောက်တသက်လုံး နှလုံးသွင်းနိုင်မည် အကြောင်း၊ ကိုယ်ကိုကိုယ် သတိပြုကြလော့။ စိတ်နှလုံးကို ကြိုးစား၍ စောင့်ရှောက်ကြလော့။ ထိုအရာတို့ကို သားမြေးတို့အားလည်း သွန်သင်ကြလော့။ s သိနာတောင်၌ ဘုရားစကားပြော

တရားဟော ၆း၆
၆ ယနေ့ ငါမှာထားသော စကားကို နှလုံးသွင်းရမည်။

တရားဟော ၃၂း၄၆
၄၆ သင်တို့အား ယနေ့ ငါသက်သေခံ သမျှသော စကားတို့ကို နှလုံးသွင်းကြလော့။ သင်တို့ သားသမီးတို့သည် ဤပညတ်တရား စကားတော် အလုံးစုံတို့ကို စောင့်ရှောက်စေခြင်းငှာ၊ သူတို့အား ထပ်ဆင့်၍ မှာထားရကြမည်။

ဆာ ၉၀း၁၂
၁၂ အကျွန်ုပ်တို့သည် ပညာတရားကို နှလုံးသွင်း မိမည်အကြောင်း၊ကိုယ်နေ့ရက်ကာလကို ရေတွက်နိုင်ခြင်းငှါ သွန်သင်တော်မူပါ။

သု ၄း၂၁
၂၁ သင့်မျက်မှောက်မှ မကွာစေနှင့်။ နှလုံးသွင်း၌ စောင့်ထားလော့။

ဟေရှာယ ၅၁းရ
၇ ဖြောင့်မတ်ခြင်းတရားကို သိ၍၊ ငါ့၏တရားကို နှလုံးသွင်း မိသောသူတို့၊ ငါ့စကားကို နားထောင်ကြလော့။ လူတို့သည် အပြစ်တင်မည်၊ ဟုမစိုးရိမ်ကြနှင့်၊၊ လူတို့ကဲ့ရဲ့ခြင်းကို မကြောက်ကြနှင့်။

ယေဇကျေ ၃း၁၀
၁၀ တဖန်အချင်းလူသား၊ သင့်အား ငါပြောလတံ့သမျှသော စကားတို့ကို နားထောင်၍ နှလုံးသွင်းလော့။

ယေဇကျေ ၄၀း၄
၄ ထိုသူကအချင်းလူသား၊ စေ့စေ့ကြည့်ရှုလော။ စေ့စေ့နားထောင်လော့။ ငါပြလတံ့သမျှတို့ကို နှလုံးသွင်းလော့။ သင့်အား ငါ့ပြအံ့သောငှါ သင့်ကို ဤအရပ်သို့ ဆောင်ခဲ့တော်မူပြီ။ မြင်သမျှတို့ကိုလည်း ဣသရေလ အမျိုးအားပြရမည်ဟု ဆို၏။

မဿဲ ၁၃း၂၃
၂၃ ကောင်းသောမြေ၌ အစေ့ကိုကြဲခြင်း အကြောင်းအရာကား၊ တရားစကားကို ကြား၍ နှလုံးသွင်းသဖြင့်၊ အဆသုံးဆယ်၊ အဆခြောက်ဆယ်၊ အဆတစ်ရာ ပွားများ၍ အသီးသီး တတ်သည်၊ ဟုဆိုလိုသတည်း၊ ဟုမိန့်တော်မူ၏။ s ရန်သူကြဲသော တောမျိုးစေ့

ဖိလိ ၄း၈
၈ ကြွင်းသေးသော စကားဟူမူကား၊ ညီအစ်ကိုတို့၊ သမ္မာတရားနှင့် ဆိုင်သောအကျင့်၊ လျောက်ပတ်သောအကျင့်၊ ဖြောင့်မတ်သောအကျင့်၊ စင်ကြယ်သောအကျင့်၊ သူတစ်ပါး နှစ်သက်ဖွယ်သောအကျင့်၊ ချီးမွမ်းဖွယ်သောအကျင့် ရှိသမျှတို့ကို၎င်း၊ ပါရမီတစ်ပါးပါး၊ ကောင်းသော သတင်းတစ်ပါးပါးနှင့်ဆိုင်သော အကျင့်တို့ကို၎င်း၊ နှလုံးသွင်းကြလော့။

၂ တိ ၃း၁၅
၁၅ ယေရှုခရစ်ကို ယုံကြည်ခြင်းအားဖြင့်၊ ကယ်တင်ခြင်းအလိုငှာ ပညာကိုပေးနိုင်သော ဓမ္မကျမ်းစာကို၊ ငယ်သောအရွယ်မှစ၍ လေ့ကျက်သည်ကို၎င်း သိမှတ်သည်နှင့်၊ အထက်ကသင်၍ နှလုံးသွင်းမိသော အယူဝါဒ၌ တည်နေလော့။

၁၈ မျိုးစေ့ကြဲသော သူ၏ ဥပမာ အနက်အဓိပ္ပါယ်ကို နားထောင်ကြလော့။ ၁၉ လမ်း၌ အစေ့ကို ကြဲခြင်း အကြောင်း အရာကား၊ နိုင်ငံတော်၏ တရားစကားကို ကြား၍ နှလုံးမသွင်းသည် ရှိသော်၊ နတ်ဆိုးလာ၍ နှလုံး၌ ကြဲသောအစေ့ကို နှုတ်ယူတတ်သည်၊ ဟုဆိုလိုသတည်း။ ၂၀ ကျောက်ပေါသော အရပ်၌ အစေ့ကို ကြဲခြင်း အကြောင်းအရာကား၊ တရားစကားကို ကြား၍ ဝမ်းမြောက်သော စိတ်နှင့် ချက်ခြင်း ခံယူသော်လည်း၊ ၂၁ စိတ်နှလုံး၌ အမြစ်မစွဲ ခဏသာ တည်သဖြင့်၊ တရားစကားကြောင့် အမှုအခင်းနှင့် ညှဉ်းဆဲခြင်းကို ခံရသောအခါ ချက်ခြင်း ဖောက်ပြန်တတ်သည်၊ ဟုဆိုလိုသတည်း။ ၂၂ ဆူးပင်တို့တွင် အစေ့ကို ကြဲခြင်း အကြောင်းအရာကား၊ တရားစကားကို ကြား၍ လောကီအမှု၌ စိုးရိမ်ခြင်းနှင့် စည်းစိမ်ဥစ္စာ၏ လှည့်စားခြင်းသည် တရားစကားကို လွှမ်းမိုး ညှဉ်းဆဲ တတ်သောကြောင့် အသီးမသီးနိုင်၊ ဟုဆိုလိုသတည်း။ ၂၃ ကောင်းသောမြေ၌ အစေ့ကိုကြဲခြင်း အကြောင်းအရာကား၊ တရားစကားကို ကြား၍ နှလုံးသွင်းသဖြင့်၊ [E] အဆသုံးဆယ်၊ အဆခြောက်ဆယ်၊ အဆတစ်ရာ ပွားများ၍ အသီးသီး တတ်သည်၊ ဟုဆိုလိုသတည်း၊ ဟုမိန့်တော်မူ၏။

CROSS REFERENCES

မဿဲ ၁၃း၃၆

မဿဲ ၁၃း၃၆
၃၆ ထိုနောက်မှ ယေရှုသည် လူအစုအဝေးများကို လွှတ်၍ အိမ်သို့ ဝင်တော်မူပြီးမှ၊ တပည့်တော်တို့သည် ချဉ်းကပ်၍၊ လယ်၌ ကြဲသော တောမျိုးစေ့၏ ဥပမာ အနက်အဓိပ္ပါယ်ကို အကျွန်ုပ်တို့အား ဖော်ပြ တော်မူပါ၊ ဟုလျှောက်ကြလျှင်၊

ရန်သူကြဲသော တောမျိုးစေ့ [F]

၂၄ အခြားသော ဥပမာစကားကို မိန့်မြွက်တော်မူသည်ကား၊ ကောင်းကင် နိုင်ငံတော်သည် ကောင်းသော မျိုးစေ့ကို လယ်၌ ကြဲသောသူနှင့်တူ၏။ ၂၅ လူတို့သည် အိပ်ပျော်သောအခါ သူ၏ရန်သူသည် လာ၍၊ ကောင်းသောစပါးနှင့် လက္ခဏာ တူသော တောမျိုးစေ့ကို စပါးအထဲ၌ ကြဲ၍ သွားလေ၏။ ၂၆ အပင်ပေါက်၍ အသီးအနှံ ထွက်သောအခါ၊ တောပင်များလည်း ထင်ရှားလျှင်၊ ၂၇ ကျွန်တို့သည် အိမ်ရှင်ထံသို့ သွား၍ သခင်၊ ကောင်းသော မျိုးစေ့ကို လယ်၌ ကြဲတော်မူသည် မဟုတ်လော။ တောပင်တို့သည် အဘယ်က ဖြစ်သနည်း၊ ဟုလျှောက်ကြလျှင်၊ ၂၈ အိမ်ရှင်က၊ ဤအမှုကား ရန်သူပြုသော အမှုတည်းဟုဆို၏။ အကျွန်ုပ်တို့သည် သွား၍ တောပင်တို့ကို ရွေးနှုတ်စေခြင်းငှာ အလိုတော် ရှိသလော၊ ဟုလျှောက်ကြလျှင်၊ ၂၉ အိမ်ရှင်က ထိုသို့ ငါအလိုမရှိ။ တောပင်တို့ကို ရွေးနှုတ်လျှင် စပါးပင်တို့ကို ရောနှော၍ နှုတ်မိမည် စိုးရိမ်စရာ အကြောင်းရှိ၏။ ၃၀ စပါးရိတ်သည် ကာလ တိုင်အောင် အပင် နှစ်မျိုးတို့သည် အတူကြီးပွားပါလေစေ။ စပါးရိတ်သည် ကာလရောက်လျှင်၊ တောပင်တို့ကို ရှေ့ဦးစွာ ရွေးနှုတ်၍ မီးရှို့ခြင်းငှာ စည်းနှောင်ကြလော့။ စပါးကိုကား ကျီ၌ စုသိမ်း သွင်းထားကြလော့၊ ဟုရိတ်သော သူတို့အား ငါစီရင်မည်၊ ဟုအိမ်ရှင်ဆိုသည်၊ ဟုမိန့်တော်မူ၏။

မုန်ညင်းစေ့ဥပမာ

၃၁ အခြားသော ဥပမာစကားကို မိန့်မြွက်တော်မူသည်ကား၊ ကောင်းကင် နိုင်ငံတော်သည် လယ်၌စိုက်သော မုန်ညင်းစေ့နှင့် တူ၏။ ၃၂ မုန်ညင်းစေ့သည် အစေ့တကာတို့ထက် ငယ်သော်လည်း၊ ကြီးပွားသောအခါ မြက်ပင်တကာ တို့ထက် ကြီးသဖြင့်၊ မိုးကောင်းကင်ငှက်တို့သည် လာ၍ အကိုင်းအခက်တို့၌ နားနေ မှီခိုလောက်သော အပင် ဖြစ်တတ်သည်၊ ဟုမိန့်တော်မူ၏။

ကောင်းကင်နိုင်ငံတော် တဆေးနှင့်တူ

CROSS REFERENCES

ဆာ ၇၈း၂

ဆာ ၇၈း၂
၂ ပုံစကားကို ငါမြွက်ဆို၍၊ ရှေးကာလ၏ နက်နဲသောအရာများကို ဖေါ်ပြပေအံ့။

၃၃ အခြားသော ဥပမာစကားကို မိန့်မြွက်တော်မူသည်ကား၊ ကောင်းကင် နိုင်ငံတော်သည် တဆေးနှင့်တူ၏၊ မိန်းမသည် တဆေးကိုယူ၍ မုန့်ညက် သုံးတင်း၌ ထည့်သဖြင့်၊ မုန့်ညက်ရှိသမျှကို ဖောင်းကြွစေ တတ်သည်၊ ဟုမိန့်တော်မူ၏။ ၃၄ ယေရှုသည် ဤဥပမာများတို့ကို ဆောင်၍ ပရိသတ်များတို့အား ဟောပြောတော်မူ၏။ ဥပမာ ကင်း၍ ဟောပြောတော်မမူ။ ၃၅ ထိုသို့သောအားဖြင့် ပရောဖက်စကားဟူမူကား၊ [G] ငါသည် နှုတ်ကို ဖွင့်၍ ဥပမာများကို မြွက်ဆိုပေအံ့။ ကမ္ဘာဦးမှစ၍ ထိမ်ဝှက်သော အရာတို့ကို ဖော်ပြ ပေအံ့၊ ဟုဟောဖူးသော စကားသည် ပြည့်စုံခြင်းသို့ ရောက်သတည်း။

CROSS REFERENCES

မဿဲ ၁၃း၂၄

မဿဲ ၁၃း၂၄
၂၄ အခြားသော ဥပမာစကားကို မိန့်မြွက်တော်မူသည်ကား၊ ကောင်းကင် နိုင်ငံတော်သည် ကောင်းသော မျိုးစေ့ကို လယ်၌ ကြဲသောသူနှင့်တူ၏။

ဥပမာအနက်အဓိပ္ပာယ် [H]

CROSS REFERENCES

မဿဲ ၃း၁၂

မဿဲ ၃း၁၂
၁၂ လက်တော်တွင် စံကောပါလျက်၊ မိမိကောက်နယ်တလင်းကို ရှင်းလင်းစေသဖြင့်၊ မိမိဂျုံစပါးကို ကျီ၌ စုသိမ်းသွင်းထား၍၊ အဖျင်းကိုကား မငြိမ်းနိုင်သော မီးနှင့်ရှို့တော်မူလတံ့၊ ဟုယောဟန်ဟောပြော၏။ sယေရှုဗတ္တိဇံခံ

CROSS REFERENCES

သု ၄း၁၈

ဒံ ၁၂း၃

မဿဲ ၁၃း၄၃

သု ၄း၁၈
၁၈ ဖြောင့်မတ်သောသူတို့၏ လမ်းသည် တက်သော အာရုဏ်ကဲ့သို့ဖြစ်၍၊ နေထွက်သည့် တိုင်အောင် တိုးပွားထွန်းလင်းတတ်၏။

ဒံ ၁၂း၃
၃ ပညာရှိသောသူတို့သည်လည်း၊ ကောင်းကင် မျက်နှာကြက်၏ အရောင်အဝါကဲ့သို့၎င်း၊ လူအများတို့ကို ဖြောင့်မတ်ခြင်း တရားလမ်းထဲသို့ သွင်းသောသူတို့သည်လည်း၊ ကြယ်များကဲ့သို့၎င်း အစဉ်အမြဲ ထွန်းလင်းကြလိမ့်မည်။

မဿဲ ၁၃း၄၃
၄၃ ထိုအခါ ဖြောင့်မတ်သော သူတို့သည် နေထွန်းလင်း သကဲ့သို့ မိမိတို့ အဘ၏ နိုင်ငံတော်၌ ထွန်းလင်းကြလတံ့။ ကြားစရာ နားရှိသောသူ မည်သည်ကား ကြားပါစေ။ s ဝှက်ထားသောဘဏ္ဍာ

၃၆ ထိုနောက်မှ ယေရှုသည် လူအစုအဝေးများကို လွှတ်၍ အိမ်သို့ ဝင်တော်မူပြီးမှ၊ တပည့်တော်တို့သည် ချဉ်းကပ်၍၊ လယ်၌ ကြဲသော တောမျိုးစေ့၏ ဥပမာ အနက်အဓိပ္ပါယ်ကို အကျွန်ုပ်တို့အား ဖော်ပြ တော်မူပါ၊ ဟုလျှောက်ကြလျှင်၊ ၃၇ ကိုယ်တော်က၊ ကောင်းသော မျိုးစေ့ကို ကြဲသောသူသည် လူသားဖြစ်၏။ ၃၈ လယ်ကား ဤလောကဖြစ်၏။ ကောင်းသော အစေ့ကား နိုင်ငံတော်သားဖြစ်၏။ တောမျိုးစေ့ကား နတ်ဆိုးသား ဖြစ်၏။ ၃၉ တောမျိုးစေ့ကို ကြဲသော ရန်သူကား မာရ်နတ်ဖြစ်၏။ စပါးရိတ်သော ကာလကား ဤကမ္ဘာ (age) ကုန်သော ကာလဖြစ်၏။ စပါးရိတ်သော သူကား ကောင်းကင်တမန် ဖြစ်၏။ ၄၀ တောပင်တို့ကို ရွေးနှုတ်၍ မီးရှို့သကဲ့သို့ ဤကမ္ဘာ (age) အဆုံး၌ ဖြစ်လတံ့။ ၄၁ လူသားသည် မိမိ ကောင်းကင်တမန်တို့ကို စေလွှတ်ပြီးလျှင်၊ မှားယွင်းစေသော သူတို့နှင့် မတရားသော အမှုကို ပြုသောသူ ရှိသမျှတို့ကို နိုင်ငံတော်ထဲက ရွေးနှုတ်၍၊ ၄၂ ငိုကြွေးခြင်း၊ အံသွား ခဲကြိတ်ခြင်း ရှိရာ မီးဖို၌ ချကြလတံ့။ [I] ၄၃ ထိုအခါ ဖြောင့်မတ်သော သူတို့သည် နေထွန်းလင်း သကဲ့သို့ မိမိတို့ အဘ၏ နိုင်ငံတော်၌ ထွန်းလင်းကြလတံ့။ [J] ကြားစရာ နားရှိသောသူ မည်သည်ကား ကြားပါစေ။

ဝှက်ထားသောဘဏ္ဍာ

၄၄ တနည်းကား၊ ကောင်းကင် နိုင်ငံတော်သည် လယ်၌ ဝှက်ထားသော ဘဏ္ဍာနှင့်တူ၏။ ထိုဘဏ္ဍာကို တွေ့သော သူသည် တဖန်ဖုံးအုပ်၍၊ ဝမ်းမြောက်သော စိတ်နှင့် သွားပြီးလျှင်၊ ရတတ်သမျှကို ရောင်း၍ ထိုလယ်ကို ဝယ်တတ်၏။

ကုန်သည်

၄၅ တနည်းကား၊ ကောင်းကင် နိုင်ငံတော်သည် မြတ်သော ပုလဲတို့ကို ရှာသော ကုန်သည်နှင့် တူ၏။ ၄၆ ထိုကုန်သည်သည် အလွန် အဖိုးထိုက်သော ပုလဲကို တွေ့သောအခါ၊ သွား၍ မိမိ၌ ရတတ်သမျှကို ရောင်းပြီးလျှင် ထိုပုလဲကို ဝယ်လေ၏။

ပိုက်ကွန်

၄၇ တနည်းကား၊ ကောင်းကင် နိုင်ငံတော်သည် ပင်လယ်၌ ချ၍ အမျိုးမျိုးသော ငါးတို့ကို အုပ်မိသော ပိုက်ကွန်နှင့် တူ၏။၄၈ ငါးနှင့် အပြည့်ရှိသောအခါ တံငါတို့သည် ကုန်းပေါ်သို့ ဆွဲတင်၍ ထိုင်လျက်၊ ကောင်းသော ငါးကို ခြင်းထဲသို့ ရွေးချယ် ထည့်ထား၍၊ မကောင်းသော ငါးကို ပြင်သို့ ပစ်လိုက်ကြ၏။၄၉ ထိုနည်းတူ ကမ္ဘာအဆုံး၌ (at the end of the age) ကောင်းကင် တမန်တို့သည် ဆင်းလာပြီးလျှင်၊ ဖြောင့်မတ်သော သူတို့အထဲမှ ဆိုးသော သူတို့ကို နှုတ်ယူခွဲထား၍၊ ၅၀ ငိုကြွေးခြင်း၊ အံသွား ခဲကြိတ်ခြင်း ရှိရာ မီးဖို၌ ချကြလတံ့။၅၁ ဤအရာ အလုံးစုံတို့ကို သင်တို့သည် နားလည် ကြသလော၊ ဟုမေးတော်မူလျှင်၊ နားလည်ပါပြီ သခင်၊ ဟုတပည့်တော်တို့သည် လျှောက်ကြ၏။

အသစ်အဟောင်းထုတ်သော အိမ်ရှင်

၅၂ ကိုယ်တော်ကလည်း၊ သို့ဖြစ်၍ ကောင်းကင်နိုင်ငံတော်၏ အကြောင်းအရာကို သင်ပြီးသော ကျမ်းဆရာ မည်သည်ကား၊ မိမိဘဏ္ဍာထဲက အထူးထူး အပြားပြားသော အသစ် အဟောင်းတို့ကို ထုတ်ဖော်သော အိမ်ရှင်နှင့် တူသည်၊ ဟုမိန့်တော်မူ၏။ ၅၃ ထိုဥပမာစကားများကို အကုန်အစင် မိန့်မြွက်တော်မူပြီးလျှင် ထိုအရပ်မှ ကြွသွားတော်မူ၏။

ယေရှု၏ ညီတော်နှမတော်များ

CROSS REFERENCES

မဿဲ ၇း၂၈

မဿဲ ၇း၂၈
၂၈ ထိုဒေသနာတော်ကို ယေရှု ဟောတော်မူသည် အဆုံး၌၊ ပရိသတ် အပေါင်းတို့သည် ဆုံးမဩဝါဒ ပေးတော်မူခြင်းကို အလွန်အံ့ဩကြ၏။ အကြောင်းမူကား၊ ကျမ်းပြုဆရာနည်းတူ မဟုတ်၊ အစိုးရသောသူ နည်းတူ ဆုံးမ ဩဝါဒပေးတော်မူ၏။

CROSS REFERENCES

မာကု ၆း၃

လုကာ ၄း၂၂

မာကု ၆း၃
၃ သူသည် လက်သမား မဟုတ်လော။ မာရိ၏သား မဟုတ်လော။ ယာကုပ်၊ ယောသေ၊ ယုဒ၊ ရှိမုန်တို့၏အစ်ကို မဟုတ်လော။ သူ့နှမများသည်လည်း ငါတို့နှင့် အနီးအပါး နေကြသည် မဟုတ်လော၊ ဟုပြောဆိုလျက် စေတနာစိတ်ပျက်ကြ၏။ sမယုံကြည်ကြ

လုကာ ၄း၂၂
၂၂ ထိုသူအပေါင်းတို့သည် ကိုယ်တော်ကို ဝန်ခံ၍၊ တင့်တယ် လျောက်ပတ်သော နှုတ်ထွက်စကားကို အံ့ဩ ချီးမွမ်းလျက်၊ ဤသူသည် ယောသပ်၏သား မဟုတ်တုံလော၊ ဟုဆိုကြ၏။

၅၄ ထိုနောက်မှ မိမိမြို့သို့ ရောက်တော်မူ၍ တရားစရပ်၌ ဆုံးမဩဝါဒ ပေးလေ၏။ မြို့သားတို့သည် မိန်းမော တွေဝေခြင်း ရှိကြသဖြင့် [K] ဤသူသည် ဤပညာကို၎င်း၊ ဤတန်ခိုးကို၎င်း၊ အဘယ်မှာ ရသနည်း။ ၅၅ သူသည် လက်သမားသား မဟုတ်လော။ သူ့အမိကား မာရိအမည်ရှိသည် မဟုတ်လော။ သူ့ညီကား၊ ယာကုပ်၊ ယောသေ၊ ရှိမုန်၊ ယုဒ၊ ဟုဆိုကြသည် မဟုတ်လော။ [L] ၅၆ သူ့နှမများတို့သည်လည်း ငါတို့နှင့်အနီးအပါး နေကြသည် မဟုတ်လော။ သို့ဖြစ်လျှင် ဤသူသည် ဤအရာများကို အဘယ်မှာရသနည်း၊ ဟုပြောဆိုလျက်၊ ၅၇ စေတနာစိတ် ပျက်ကြ၏။ ယေရှုကလည်း၊ ပရောဖက်သည် မိမိမြို့၊ မိမိအိမ်မှတပါး အခြားသော အရပ်၌ အသရေရှိသည်၊ ဟုထိုသူတို့အား မိန့်တော်မူ၏။ ၅၈ မြို့သားများတို့သည် မယုံကြည်ကြသောကြောင့်၊ ထိုအရပ်၌ များစွာသော တန်ခိုးကို ပြတော်မမူ။