၁ ထိုသို့ တစ်ကျိပ်နှစ်ပါးသော တပည့်တော်တို့ကို အကုန်အစင်မှာ ထားတော်မူပြီးလျှင်၊ မြို့ရွာများတို့၌ ဆုံးမဩဝါဒ ပေးခြင်းငှာ၎င်း၊ သတင်းကြား ပြောခြင်းငှာ၎င်း၊ ထိုအရပ်မှ ကြွတော်မူ၏။ ၂ ခရစ်တော် ပြုတော်မူသော အမှုတို့ကို ယောဟန်သည် ထောင်ထဲမှာ ကြားသောအခါ၊ [A] မိမိတပည့် နှစ်ယောက်ကို စေလွှတ်၍၊ ကိုယ်တော်သည် ကြွလာသောသူ မှန်သလော။ ၃ သို့မဟုတ် အခြားသောသူကို မျှော်လင့်ရပါမည်လော၊ ဟုမေးလျှောက်စေ၏။ [B] ၄ ယေရှုကလည်း၊ သင်တို့သည် ကြားရသမျှ မြင်ရသမျှ တို့ကိုသွား၍ ယောဟန်အား ကြားလျှောက်ကြလော့။ ၅ မျက်စိကန်းသော သူတို့သည် မျက်စိမြင်ရကြ၏။ ခြေမစွမ်းသော သူတို့သည် လှမ်းသွားရကြ၏။ နူနာစွဲသောသူတို့သည် သန့်ရှင်းခြင်းသို့ ရောက်ရကြ၏။ နားပင်းသော သူတို့သည် နားကြားရကြ၏။ သေသော သူတို့သည် ထမြောက်ခြင်းသို့ ရောက်ရကြ၏။ ဆင်းရဲသားတို့သည်လည်း ဝမ်းမြောက်စရာ သတင်းကို ကြားရကြ၏။ [C] ၆ ငါ့ကြောင့် စိတ်မပျက်သော သူသည် မင်္ဂလာရှိ၏၊ ဟုပြန်ပြောတော်မူ၏။ ၇ ထိုသူတို့သည် သွားကြသည်နောက် ယေရှုသည် ယောဟန်ကို အကြောင်းပြု၍ ပရိသတ်တို့အား၊ သင်တို့သည် အဘယ်မည်သော အရာကို ကြည့်ရှုခြင်းငှာ တောသို့ထွက်သွားကြသနည်း။ လေလှုပ်သော ကျူပင်ကို ကြည့်ရှုခြင်းငှာ သွားသလော။ ၈ သို့မဟုတ် နူးညံ့သောအဝတ်ကို ဝတ်ဆင်သောသူကို ကြည့်ရှုခြင်းငှာ သွားသလော။ နူးညံ့သော အဝတ်ကို ဝတ်ဆင်သော သူတို့သည် မင်းအိမ်၌ နေတတ်ကြ၏။ ၉ ပရောဖက်ကို ကြည့်ရှုခြင်းငှာ သွားသလော။ မှန်ပေ၏။ ပရောဖက်ထက် ကြီးမြတ်သောသူလည်း ဖြစ်သည်၊ ဟုငါဆို၏။ ၁၀ ကျမ်းစာ၌ လာသည်ကား၊ ကြည့်ရှုလော့။ သင်သွားရာလမ်းကို ပြင်ရသော ငါ၏တမန်ကို သင့်ရှေ့၌ ငါစေလွှတ်၏၊ ဟုဆိုရာ၌ ထိုသူကို ဆိုလိုသတည်း။ [D] ၁၁ ငါအမှန်ဆိုသည်ကား၊ မိန်းမမွေးသော သူတို့တွင် ဗတ္တိဇံဆရာယောဟန် [E] ထက်ကြီးမြတ်သောသူ တစ်ယောက်မျှ မပေါ်ထွန်းသေး။ သို့သော်လည်း ကောင်းကင် နိုင်ငံတော်တွင် အငယ်ဆုံးသောသူသည် ထိုသူထက် သာ၍ ကြီးမြတ်၏။ ၁၂ ဗတ္တိဇံဆရာ ယောဟန် လက်ထက်မှစ၍ ယခုတိုင်အောင် ကောင်းကင် နိုင်ငံတော်ကို(a) အနိုင်အထက် ပြုကြ၏။ အနိုင်အထက် ပြုသော သူတို့သည်လည်း လုယူ ဝင်စားရကြ၏။ ၁၃ ယောဟန် မရောက်မှီတိုင်အောင် ပညတ္တိကျမ်း၊(b) အနာဂတ္တိကျမ်း (c) ရှိသမျှတို့သည် ဆုံးမဩဝါဒပေးကြ၏။ ၁၄ သင်တို့သည် ငါ့စကားကို နားခံနိုင်လျှင်၊ ဤသူကားလာ လတံ့သော ဧလိယဖြစ်သတည်း။ [F] ၁၅ ကြားစရာ နားရှိသောသူ မည်သည်ကား ကြားပါစေ။

မကကြ၊ မငိုကြွေးကြ

CROSS REFERENCES

ဟေရှာယ ၁း၅

ဟေရှာယ ၁း၅
၅ သူတို့ကိုအဘယ်သို့ ဒဏ်ပေးရဦးမည်နည်း၊၊ အဘယ်သို့ထပ်၍ ဆုံးမရဦးမည်နည်း၊၊ ဦးခေါင်းသည် အနာသက်သက်ရှိ၏၊၊ နှလုံးသည်လည်း ခွန်အားအလျှင်းမရှိ။

CROSS REFERENCES

မဿဲ ၃း၄

လု ၁း၁၅

မဿဲ ၃း၄
၄ ယောဟန်သည် ကုလားအုပ်အမွှေးနှင့် ရက်သော အဝတ်ကို ဝတ်လျက်၊ ခါး၌ သားရေခါးပန်းကို စည်းလျက်၊ ကျိုင်းကောင်နှင့် တော၌ဖြစ်သော ပျားရည်ကို စားလျက်နေ၏။

လု ၁း၁၅
၁၅ အကြောင်းမူကား၊ ထိုသားသည် ထာဝရဘုရားရှေ့၌ ၊ ကြီးမြတ်သောသူ ဖြစ်လိမ့်မည်။ စပျစ်ရည်နှင့် ယစ်မျိုးကို မသောက်ဘဲနေ၍၊ အမိဝမ်းထဲကပင် သန့်ရှင်းသော ဝိညာဉ်တော်နှင့် ပြည့်ဝလိမ့်မည်။

CROSS REFERENCES

မဿဲ ၉း၁၁

လု ၅း၂၉-၃၂

လု ၁၅း၂

မဿဲ ၉း၁၁
၁၁ ဖာရှိရှဲတို့သည် မြင်လျှင် တပည့်တော်တို့အား၊ သင်တို့ဆရာသည် အခွန်ခံသောသူ၊ ဆိုးသောသူတို့ နှင့် အတူ အဘယ်ကြောင့် စားသနည်း၊ ဟုဆိုကြ၏။

လု ၅း၂၉-၃၂
၂၉ ထိုနောက်မှ လေဝိသည် ကိုယ်တော်အဖို့ အလိုငှာ မိမိအိမ်၌ ကြီးစွာသော ပွဲကိုခံ၍၊ အခွန်ခံသော သူများနှင့် အခြားသောသူ အပေါင်းတို့သည် ကိုယ်တော်မှစသော တပည့်တော်တို့ နှင့်တကွ စားပွဲ၌ လျောင်းကြ၏။

လု ၁၅း၂
၂ ဖာရိရှဲနှင့် ကျမ်းပြုဆရာတို့က၊ ဤသူသည် ဆိုးသောသူတို့ကို လက်ခံ၍၊ သူတို့နှင့်အတူ စားပါသည်တကား၊ ဟုကဲ့ရဲ့အပြစ်တင်ကြ၏။ sပျောက်သောသိုး

၁၆ ဤလူမျိုးကို အဘယ်ဥပမာနှင့် ပုံပြရအံ့နည်း။ [G] ပွဲသဘင်၌ ထိုင်နေသော သူငယ်တို့သည် မိမိသူငယ်ချင်းတို့အား အသံကိုလွှင့်၍၊ ၁၇ ငါတို့သည် သာယာစွာ တီးမှုတ်သော်လည်း သင်တို့သည် မကကြ၊ ညည်းတွားစွာ မြည်တမ်းသော်လည်း မငိုကြွေးကြ၊ ဟုပြောဆိုသော သူငယ်တို့နှင့် ဤလူမျိုးသည် တူလှ၏။ ၁၈ အကြောင်းမူကား၊ ယောဟန်သည် မစားမသောက်ဘဲ [H] လာသည်ရှိသော်၊ သူတို့က၊ ဤသူသည် နတ်ဆိုးစွဲသော သူပါတကား၊ ဟုဆိုကြ၏။ ၁၉ လူသားသည် စားသောက်လျက် လာသည်ရှိသော်၊ ဤသူသည် စားကြူးသောသူ၊ စပျစ်ရည် သောက်ကြူးသောသူ ပါတကား။ အခွန်ခံသောသူနှင့် ဆိုးသောသူတို့ကို မိတ်ဆွေဖွဲ့သောသူ [I] ပါတကား၊ ဟုဆိုပြန်ကြ၏။ သို့သော်လည်း ပညာတရားသည် မိမိသားတို့တွင် ကဲ့ရဲ့ပြစ်တင်ခြင်းနှင့် လွတ်သည်၊ ဟုမိန့်တော်မူ၏။

မြို့ရွာများကိုကျိန်

CROSS REFERENCES

လု ၁၀း၁၃-၁၅

လု ၁၀း၁၃-၁၅
၁၃ အိုခေါရာဇိန်မြို့၊ သင်သည် အမင်္ဂလာရှိ၏။ အိုဗက်ဇဲဒမြို့၊ သင်သည် အမင်္ဂလာရှိ၏။ အကြောင်းမူကား၊ သင်တို့တွင်ပြသော တန်ခိုးကို တုရုမြို့နှင့် ဇိဒုန်မြို့တို့တွင်ပြဘူးလျှင်၊ ထိုမြို့တို့သည် ရှေးကာလ၌ လျှော်တေအဝတ်ကိုဝတ်၍၊ ပြာထဲမှာထိုင်လျက် နောင်တရကြလိမ့်မည်။

CROSS REFERENCES

မာကု ၆း၄၅
၄၅ စည်းဝေးသောသူတို့ကို လွှတ်တော်မူစဉ်တွင်၊ တပည့်တော်တို့ကို လှေစီးစေ၍၊ ကမ်းတဘက် ဗက်ဇဲဒမြို့သို့ အရင်ကူးစေတော်မူ၏။

မာကု ၈း၂၂
၂၂ ဗက်ဇဲဒမြို့သို့ ရောက်တော်မူလျှင်၊ လူကန်းတယောက်ကို အထံတော်သို့ ဆောင်ခဲ့၍၊ ထိုသူကို တို့တော်မူမည်အကြောင်း တောင်းပန်ကြ၏။

လု ၉း၁၀
၁၀ တမန်တော်တို့သည် အထံတော်သို့ ပြန်လာ၍၊ မိမိတို့ပြုသမျှတို့ကို ကြားလျှောက်ကြ၏။ ကိုယ်တော်သည် သူတို့ကိုခေါ်၍ ဗက်ဇဲဒမြို့နယ်အတွင်း တော၌ ၊ ဆိတ်ကွယ်ရာအရပ်သို့ ကြွတော်မူ၏။ လူအစုအဝေးတို့သည် သိလျှင်၊ နောက်တော်သို့ လိုက်ကြ၏။

ယောဟန် ၁း၄၄
၄၄ ဖိလိပ္ပုကား၊ အန္ဒြေနှင့် ပေတရု မွေးဖွားရာ ဗက်ဇဲဒမြို့မှ လာသောသူ ဖြစ်သတည်း။

ယောဟန် ၁၂း၂၁
၂၁ ထိုသူတို့သည် ဂါလိလဲပြည် ဗက်ဇဲဒမြို့သားဖြစ်သော ဖိလိပ္ပုထံသို့သွား၍၊ အကျွန်ုပ်တို့သည် ယေရှုကိုမြင်ချင်ပါသည်ခင်ဗျား၊ ဟုတောင်းပန်ကြ၏။

CROSS REFERENCES

မဿဲ ၁၅း၂၁
၂၁ ယေရှုသည် ထိုအရပ်မှထွက်၍ တုရုမြို့နှင့် ဇိဒုန်မြို့၏ ကျေးလက်သို့ ကြွတော်မူလျှင်၊

မာကု ၃း၈
၈ ယေရုရှလင်မြို့မှစသော ယုဒပြည်၊ ဣဒုမဲပြည်၊ ယော်ဒန်မြစ်တဘက်မှ လာကြသော လူများအပေါင်းတို့နှင့် တုရုမြို့၊ ဇိဒုန်မြို့ ပတ်ဝန်းကျင် အရပ်တို့မှ လာကြသော လူများအပေါင်းတို့သည် ပြုတော်မူသမျှကို ကြားလျှင် အထံတော်သို့ လာကြ၏။

မာကု ၇း၂၄
၂၄ ကိုယ်တော်သည် ထိုအရပ်မှထ၍ တုရုမြို့နှင့် ဇိဒုန်မြို့၏ ကျေးလက်သို့ ကြွတော်မူပြီးလျှင်၊ အိမ်သို့ဝင်၍ အဘယ်သူမျှ မသိစေခြင်းငှါ အလိုတော်ရှိသော်လည်း၊ ပုန်းရှောင်၍ နေတော်မမူနိုင်။

မာကု ၇း၃၁
၃၁ တဖန်ကိုယ်တော်သည် တုရုမြို့နှင့် ဇိဒုန်မြို့၏ ကျေးလက်မှထွက်၍၊ ဒေကာပေါလိပြည်နယ်ကို လျှောက်သွားသဖြင့်၊ ဂါလိလဲအိုင်သို့ ရောက်တော်မူ၏။

လု ၄း၂၆
၂၆ သို့သော်လည်း ထိုမုဆိုးမ တစ်ယောက်ရှိရာသို့မျှ၊ ဧလိယကို စေလွှတ်တော်မမူ။ ဇိဒုန်ပြည် ဇရတ္တမြို့သူ ဖြစ်သော မုဆိုးမ တစ်ယောက်ရှိရာသို့ စေလွှတ်တော်မူ၏။

လု ၆း၁၇
၁၇ ထိုသူတို့နှင့်တကွ ကိုယ်တော်သည် တောင်ပေါ်က ဆင်းကြွ၍၊ မြေညီရာအရပ်၌ ရပ်တော်မူ၏။ တရားနာခြင်းငှါ၎င်း၊ အနာရောဂါတို့ကို ငြိမ်းစေခြင်းငှါ၎င်း၊ ယေရုရှလင်မြို့မှစ၍ ယုဒပြည်၊ ပင်လယ်ကမ်းနား၊ တုရုမြို့၊ ဇိဒုန်မြို့အရပ်ရပ်တို့က လာကြသော လူအစုအဝေးအပေါင်းတို့နှင့် တပည့်တော် အပေါင်းတို့သည် ရှိကြ၏။

တမန် ၁၂း၂၀
၂၀ ထိုနောက် ဟေရုဒ်မင်းသည်၊ ယုဒပြည်မှ ကဲသရိမြို့သို့သွား၍ နေသည်ရှိသော်၊ တုရုမြို့သားနှင့် ဇိဒုန်မြို့သားတို့ကို အမျက်ထွက်လေ၏။ ထိုသူတို့သည် တညီတညွတ်တည်း လာကြ၍၊ ဗလတ္တုအမည်ရှိသော အတွင်းဝန်ကို ဖျောင်းဖျပြီးမှ၊ အမျက်တော် ပြေမည်အကြောင်း တောင်းပန်ကြ၏။ အကြောင်းမူကား၊ သူတို့ပြည်သည် ပြည်တော်ကိုမှီ၍၊ ကျွေးမွေးခြင်း ကိုခံရ၏။

တမန် ၂၇း၃
၃ နက်ဖြန်နေ့တွင် ဇိဒုန်(Sidon)မြို့၌ ဆိုက်ကြပြီးလျှင်၊ ပေါလုသည် မိမိအဆွေခင်ပွန်းတို့ထံသို့ သွား၍၊ သူတို့၏ လုပ်ကျွေးပြုစုခြင်းကို ခံရမည်အကြောင်း၊ ယုလိသည် ကျေးဇူးပြု၍ အခွင့်ပေးလေ၏။

CROSS REFERENCES

မဿဲ ၄း၁၃

မဿဲ ၄း၁၃
၁၃ နာဇရက်မြို့ကို စွန့်သွားလျက်၊ ဇာဗုလုန်ခရိုင်၊ နဿလိခရိုင်စပ်ကြားတွင် အိုင်နှင့်နီးစပ်သော ကပေရနောင်မြို့သို့ ရောက်၍ နေတော်မူ၏။

CROSS REFERENCES

မဿဲ ၁၀း၁၅

မဿဲ ၁၀း၁၅
၁၅ ငါအမှန်ဆိုသည်ကား၊ တရားဆုံးဖြတ်သောနေ့၌ ထိုမြို့သည် သောဒုံမြို့နှင့် ဂေါမောရမြို့ထက် သာ၍ ခံရလတံ့။ s အချင်းချင်းအပ်နှံကြလိမ့်မည်

၂၀ ထိုအခါများစွာသော တန်ခိုးတော်ကို ပြတော်မူသော မြို့ရွာတို့သည် နောင်တ မရသောကြောင့်၊ ထိုမြို့တို့ကို ဤသို့ ကဲ့ရဲ့ပြစ်တင်တော်မူ၏။ ၂၁ အိုခေါရာဇိန်မြို့၊ သင်သည် အမင်္ဂလာရှိ၏။ [J] အိုဗက်ဇဲဒမြို့၊ သင်သည် အမင်္ဂလာရှိ၏။ [K] အကြောင်းမူကား၊ သင်တို့တွင် ပြသော တန်ခိုးကို တုရုမြို့နှင့် ဇိဒုန်မြို့တို့တွင် [L] ပြဖူးလျှင်၊ ထိုမြို့တို့သည် ရှေးကာလ၌ လျှော်တေ အဝတ်ကို ဝတ်၍၊ ပြာနှင့်လူးလျက် နောင်တရကြလိမ့်မည်။ ၂၂ ငါဆိုသည်ကား၊ တရားဆုံးဖြတ်သော နေ့၌ သင်တို့သည် တုရုမြို့နှင့် ဇိဒုန်မြို့ထက် သာ၍ ခံရကြလတံ့။ ၂၃ အို ကပေရနောင်မြို့၊ [M] သင်သည် မိုးကောင်းကင် တိုင်အောင် မြှောက်စားခြင်းကို ခံရသော်လည်း၊ မရဏာနိုင်ငံ တိုင်အောင် နှိမ့်ချခြင်းကို ခံရလတံ့။ အကြောင်းမူကား၊ သင်၌ပြသော တန်ခိုးကို သောဒုံမြို့၌ [N] ပြဖူးလျှင်၊ ထိုမြို့သည် ယခုတိုင်အောင် တည်ရာ၏။ ၂၄ ငါဆိုသည်ကား၊ တရားဆုံးဖြတ်သော နေ့၌ သင်သည် သောဒုံမြို့ထက် သာ၍ ခံရလတံ့၊ ဟုမိန့်တော်မူ၏။

သူငယ်တို့ကိုဖော်ပြ

CROSS REFERENCES

ဆာ ၈း၂

တမန် ၄း၁၃

၁ ကော ၁း၂၆-၃၁

ဆာ ၈း၂
၂ ကိုယ်တော်၏ ရန်သူတို့ကို ရည်ဆောင်၍ ရန်သူကို၎င်း၊ အငြိုးထားသောသူကို၎င်း၊ တိတ်ဆိတ်စွာနေစေခြင်းငှာ၊ နို့စို့သူငယ်တို့၏နှုတ်ထဲမှာ အစွမ်းသတ္တိကို စီရင်တော်မူ၏၊၊

တမန် ၄း၁၃
၁၃ ထိုသူတို့သည် ပေတရုနှင့်ယောဟန်တို့၏ ရဲရင့်သတ္တိကိုမြင်၍၊ စာမသင်သောသူ၊%fo(a) လူသာမညသာ ဖြစ်သည်ကို သိမှတ်သဖြင့် အံ့ဩ၍နေကြ၏။ ထိုသူနှစ်ယောက်တို့သည် အထက်က ယေရှုနှင့်အတူရှိသည်ကို သတိရ၍၎င်း၊

၁ ကော ၁း၂၆-၃၁
၂၆ ညီအစ်ကိုတို့၊ သင်တို့ကို ခေါ်တော်မူခြင်း အကြောင်းအရာကို ဆင်ခြင်ကြလော့။ ခေါ်တော်မူသော သူတို့တွင်၊ လောကီပညာရှိ အများမပါ။ ထင်ရှားသော လူကြီးအများမပါ။ မင်းမျိုးမင်းနွယ် ဖြစ်သောသူ အများမပါ။

CROSS REFERENCES

လုကာ ၁၀း၂၁

လုကာ ၁၀း၂၁
၂၁ ထိုအခါ ယေရှုသည် ဝမ်းမြောက်တော်မူခြင်း စိတ်ရှိသဖြင့်၊ ကောင်းကင်နှင့် မြေကြီးကို အစိုးရတော်မူသော အဘ၊ ကိုယ်တော်သည် ပညာအလိမ္မာနှင့် ပြည့်စုံသောသူတို့အား၊ %fo(b) ဤအရာများကို ထိမ်ဝှက်ကွယ်ထားလျက်၊ သူငယ်တို့အား %fo(c) ဖေါ်ပြတော်မူသည် ဖြစ်၍၊ ကျေးဇူးတော်ကို အကျွန်ုပ်ချီးမွမ်းပါ၏။ ထိုသို့ အလိုတော်ရှိသောကြောင့် မှန်ပါ၏၊ အဘ၊

CROSS REFERENCES

ဆာ ၃၇း၃-၆
၃ ထာဝရ ဘုရားကို ခိုလှုံ၍ကောင်းသော အကျင့်ကိုကျင့်လော့၊၊ ပြည်တော်၌နေ၍ သမ္မာတရားကို ကျက်စားလော့၊၊

ဆာ ၅၅း၂၂
၂၂ ထမ်းရွက်ရသော ဝန်ကို ထာဝရဘုရား၌ ချထားလော့၊၊ သင့်ကို မစတော်မူမည်၊၊ ဖြောင့်မတ်သောသူကို အစဉ်အမြဲ လှုပ်ရှားစေတော်မမူရာ၊၊

ဟေရှာယ ၂၈း၁၂
၁၂ ဤသို့ပြုလျှင် ငြိမ်ဝပ်လိမ့်မည်၊၊ ပင်ပန်းသောသူတို့သည် ငြိမ်ဝပ်ကြစေ။ ဤသို့ပြုလျှင် သက်သာလိမ့်မည်၊ ဟုမိန့်တော်မူသော်လည်း၊ သူ့တို့သည် နားမထောင်ကြ၊၊

ယေရမိအ ၃၁း၂၅
၂၅ ငတ်မွတ်သောသူ အပေါင်းတို့ကို ငါကျွေးမွေးမည်။ ညှိုးငယ်သောသူ အပေါင်းတို့ကို ငါသက်သာစေမည်ဟု မိန့်တော်မူ၏။

ယောဟန် ၇း၃၇
၃၇ ထိုပွဲကိုခံ၍ နောက်ဆုံးဖြစ်သောနေ့မြတ်၌ ယေရှုသည်ရပ်၍ ကြွေးကြော်တော်မူသည်ကား၊ ရေငတ်သောသူရှိလျှင် ငါ့ထံသို့လာ၍ သောက်လော့။

၁ ပေ ၅း၇
၇ သင်တို့ကို သတိနှင့် ကြည့်ရှုတော်မူသောကြောင့်၊ သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌ အပ်နှံကြလော့။

၂၅ ထိုအခါယေရှုက၊ ကောင်းကင်နှင့် မြေကြီးကို အစိုးရတော်မူသော အဘ၊ ကိုယ်တော်သည် ပညာအလိမ္မာနှင့် ပြည့်စုံသော သူတို့အား(d) ဤအရာများကို ထိမ်ဝှက် ကွယ်ထားလျက် သူငယ်တို့အား [O] (e) ဖော်ပြ တော်မူသည်ဖြစ်၍၊ ကျေးဇူးတော်ကို အကျွန်ုပ်ချီးမွမ်းပါ၏။ [P] ၂၆ ထိုသို့ အလိုတော် ရှိသောကြောင့် မှန်ပါ၏အဘ။ ၂၇ ငါ၏ခမည်းတော်သည် ခပ်သိမ်းသော အရာတို့ကို ငါ၌ အပ်ပေးတော်မူပြီ။ ခမည်းတော် မှတပါး အဘယ်သူမျှ သားတော်ကိုမသိ။ သားတော်နှင့် သားတော်သည် လင်းစေလိုသော သူမှတပါး အဘယ်သူမျှ ခမည်းတော်ကို မသိ။ ၂၈ ၀န်လေး၍ ပင်ပန်းသော သူအပေါင်းတို့၊ ငါ့ထံသို့ လာကြလော့။ ငါသည် နားရသောအခွင့်ကို ပေးမည်။ (f) [Q] ၂၉ ငါ့ထမ်းပိုးကို တင်၍ ထမ်းကြလော့။ ငါ့ထံ၌ နည်းခံကြလော့။ ငါသည် နူးညံ့သိမ်မွေ့ နှိမ့်ချသော စိတ်သဘောရှိ၏။ သင်တို့ စိတ်နှလုံးသည် သက်သာခြင်းကို ရလိမ့်မည်။ ၃၀ အကြောင်းမူကား၊ ငါ့ထမ်းပိုးသည် ထမ်းလွယ်၏။ ငါ့ဝန်လည်း ပေါ့၏၊ ဟုမိန့်တော်မူ၏။

_________________________
Footnotes

၁၂ (a) မဿဲ ၁၉း၂၃-၂၄ ၌ သခင်ယေရှုက ကောင်းကင် နိုင်ငံတော်နှင့် ဘုရားသခင်၏ နိုင်ငံတော်ကို အပြန်အလှန် အသုံးပြုသည်။ ထို့ကြောင့်၊ ကောင်းကင် နိုင်ငံတော်နှင့် ဘုရားသခင်၏ နိုင်ငံတော်သည် အတူတူပင်ဖြစ်သည် ၊ ဟုယူဆနိုင်သည်။ ဘုရားသခင်၏ နိုင်ငံတော်ကို ကျမ်းစာထဲ၌ ၆၈ ကြိမ်၊ ကောင်းကင် နိုင်ငံတော်ကို ၃၂ ကြိမ် တွေ့ရ၍ မဿဲ က သာ အသုံးပြုသည်။ အောက်ပါ ကျမ်းပိုဒ်များတွင် မဿဲက ဘုရားသခင်၏ နိုင်ငံတော်၊ ဟုသုံးသောအရာကို မာကုနှင့်လုကာ၌ ကောင်းကင် နိုင်ငံတော်၊ ဟုသုံးသွားကြောင်း တွေ့ရသည်။ မဿဲ ၁၁း၁၁-၁၂ နှင့် လုကာ ၇း၂၈။ မဿဲ ၁၃း၁၁ နှင့် မာကု ၄း၁၁ နှင့် လုကာ ၈း၁ဝ။ မဿဲ ၁၃း၂၄ နှင့် မာကု ၄း၂၆။ မဿဲ ၁၃း၃၁ နှင့် မာကု ၄း၃ဝ နှင့် လုကာ ၁၃း၁၈။ မဿဲ ၁၃း၃၃ နှင့် လုကာ ၁၃း၂ဝ။ မဿဲ ၁၈း၃ နှင့် မာကု ၁ဝး၁၄ နှင့် လုကာ ၁၈း၁၆။ မဿဲ ၂၂း၂ နှင့် လုကာ ၁၃း၂၉။

၁၃ (b) ပညတ္တိကျမ်းသည် မောရှေရေးထားသော ကမ္ဘာဦးကျမ်း၊ ထွက်မြောက်ရာကျမ်း၊ ဝတ်ပြုရာကျမ်း၊ တောလည်ရာကျမ်း၊ တရားဟောရာကျမ်းများ ဖြစ်သည်။

၁၃ (c) အနာဂတ္တိကျမ်းများသည် ဟေရှာယအနာဂတ္တိကျမ်းမှ မာလခိအနာဂတ္တိကျမ်းအထိ ပရောဖက်များရေးထားသော ကျမ်းများဖြစ်သည်။

၂၅ (d) "ပညာအလိမ္မာနှင့် ပြည့်စုံသောသူ" တို့သည် ကျမ်းတတ်နှင့် ယဇ်ပုရောဟိတ်များကို ဆိုလိုခြင်းဖြစ်မည်။

၂၅ (e) "သူငယ်တို့သည်" တပည့်တော်များကို ဆိုလိုခြင်းဖြစ်မည်။ ကိုယ်ခန္ဓာပိုင်း ကလေးများ မဟုတ်ဘဲ အသိပညာပိုင်း ကလေးများကို ဆိုလိုခြင်း ဖြစ်မည်။ တမန်တော်များသည် ပညာမတတ် ကျောင်းမတက်သောသူများ (တမန် ၄း၁၃) ဖြစ်ကြသောကြောင့် သူတို့ကိုဆိုလိုခြင်းဖြစ်မည်။

၂၈ (f) ἀναπαύσω "anapausō" "to give rest" "အနားပေးမည်" မြန်မာကျမ်းစာအုပ်၌၊ "ချမ်းသာပေးမည်" ဟုတွေ့ရသည်။