ယောဘ၀တ္ထု

အခန်းကြီး ၁၅

ဧလိဖတ်က ယောဘကို အပြစ်တင်

၁ တဖန် တေမန်အမျိုးသား ဧလိဖတ် မြွက်ဆိုသည်ကား၊ ၂ ပညာရှိသော သူသည် လေနှင့်တူသော အချည်းနှီးစကားကို ပြောသင့်သလော။ မိမိဝမ်းကို အရှေ့လေနှင့် ပြည့်စေသင့်သလော။ ၃ အကျိုးမဲ့သော စကား၊ ကျေးဇူး မပြုနိုင်သော စကားနှင့် ဆွေးနွေးသင့်သလော။ ၄ သင်သည် ဘုရားသခင်ကို ကြောက်ရွံ့ခြင်း အကျင့်၌ အကျိုးမရှိ၊ ဟုဆိုလို၏။ ဆုတောင်း ပဌနာပြုရာဝတ်ကို ဆီးတားတတ်၏၊၊ ၅ သင်သည် ကိုယ်နှုတ်ဖြင့် ကိုယ်အပြစ်ကို ဖော်ပြ၏။ ပရိယာယ်ပြုသော သူ၏စကားကို သုံးတတ်၏။ ၆ ငါသည်သင့်ကို အပြစ်မတင်၊ သင့်နှုတ်သည် သင့်ကို အပြစ်တင်၏၊၊ သင့်နှုတ်ခမ်းတို့သည် သင့်တစ်ဖက်၌ သက်သေခံ၏။ ၇ သင်သည် အဦးဆုံး ဖွားသောလူ ဖြစ်သလော။ တောင်များကို မဖန်ဆင်းမှီ သင့်ကို ဖန်ဆင်းသလော။ ၈ ဘုရားသခင်နှင့် တိတ်ဆိတ်စွာ တိုင်ပင်ဖူးသလော။ ပညာကို ကိုယ်၌ အကုန်အစင် သိမ်းထားပြီလော။ ၉ ငါတို့မသိ၊ သင်သိသော အရာ မည်မျှရှိသနည်း။ ငါတို့၌ မပါ၊ သင်နားလည်သော အရာ မည်မျှရှိသနည်း။ ၁၀ သင့်အဘထက် အသက်ကြီးသောသူ၊ ဆံပင်ဖြူသော သူတို့သည် ငါတို့တွင် ရှိကြ၏။ ၁၁ သင်၌ ဘုရားသခင် ပေးတော်မူသော သက်သာခြင်း အကြောင်း နည်းသလော။ သင်၌ ဝှက်ထားသော အမှု တစ်စုံတခု ရှိသလော။ ၁၂ ကိုယ်အလိုသို့ လိုက်၍ အဘယ်ကြောင့် လွှဲသွားသနည်း။ အဘယ်ကြောင့် မျက်စောင်းထိုး သနည်း။ ၁၃ သင်၏ စိတ်သဘောသည် ဘုရားသခင်နှင့် ဆန့်ကျင်ဘက် ဖြစ်၍၊ နှုတ်နှင့် ပြစ်မှားပေ၏။

လူမိန်းမ ဖွားသူသည် မဖြောင့်မတ်

CROSS REFERENCES

တရားဟော ၃၃း၃
၃ အကယ်စင်စစ် ထိုလူမျိုးကို ချစ်တော်မူ၏။ မိမိသန့်ရှင်းသူ အပေါင်းတို့သည် အထံတော်ပါးတွင် ရှိကြ၏။ သူတို့သည် ခြေတော်ရင်း၌ ပြပ်ဝပ်၍ စကားတော်တို့ကို နားခံကြလေ၏။

တရားဟော ၃၃း၈
၈ လေဝိအမျိုးကိုကား၊ သင်၏ သုမိမ်နှင့် ဥရိမ်သည် မဿာအရပ်၌ သင်စုံစမ်း၍၊ မေရိဘစမ်းရေအနားမှာ သင်ဆန့်ကျင်ဘက် ပြုသော သင်၏ သန့်ရှင်းသူ ၌ ရှိပါစေသော်။

၁ ဓမ္မ ၂း၉
၉ မိမိသန့်ရှင်းသူတို့ ခြေကို စောင့်မတော်မူလိမ့်မည်။ မတရားသော သူတို့သည် မှောင်မိုက်၌ တိတ်ဆိတ်စွာ နေရကြလိမ့်မည်။ ကိုယ်အစွမ်းသတ္တိအားဖြင့် အဘယ်သူမျှ မနိုင်ရာ။

၄ ဓမ္မ ၄း၉
၉ မိန်းမကလည်း၊ ငါတို့ နေရာလမ်းဖြင့် အစဉ်သွားလာသော ဤသူသည် ဘုရားသခင်၏ သန့်ရှင်းသူ ဖြစ်သည်ကို ကျွန်ုပ်ရိပ်မိ၏။

၂ ရာ ၆း၄၁
၄၁ အိုထာဝရ အရှင်ဘုရားသခင်၊ ကျိန်းဝပ်တော်မူရာသို့ တန်ခိုးတော်နှင့် ယှဉ်သော ဓမ္မသေတ္တာနှင့်တကွ တက်တော်မူပါ။ အိုထာဝရ အရှင် ဘုရားသခင်၊ ကိုယ်တော်၏ ယဇ်ပုရောဟိတ် တို့သည် ကယ်တင်ခြင်း တန်ဆာကိုဆင်၍၊ ကိုယ်တော်၏ သန့်ရှင်းသူ တို့သည် ကျေးဇူးတော်၌ ဝမ်းမြောက်ကြပါစေသော်။

ယောဘ ၅း၁
၁ ယခုဟစ်ခေါ်ပါ၊၊ အဘယ်သူ ထူးလိမ့်မည်နည်း။ သန့်ရှင်းသူတို့ တွင် အဘယ်သူကို ကြည့်မျှော်မည်နည်း။

ယောဘ ၁၅း၁၅
၁၅ ဘုရားသခင်သည် မိမိ သန့်ရှင်းသူ တို့ကိုပင် ယုံတော်မမူ။ ကောင်းကင်ဘုံသော်လည်း ရှေ့တော်၌ မစင်ကြယ်။

ဆာ ၄း၃
၃ ထာဝရဘုရားသည် မိမိသန့်ရှင်းသူ ကို ရွေးထားတော်မူသည်ကို သိမှတ်ကြလော့၊၊ ငါခေါ်၍ လျှောက်သောအခါ၊ ထာဝရဘုရားသည် နားထောင် တော်မူလိမ့်မည်၊၊

ဆာ ၁၆း၃
၃ ပြည်တော်၌ နေသောသန့်ရှင်းသူ နှင့် ထူးဆန်းသောသူတို့ကိုသာ နှစ်သက်ပါ၏၊၊

ဆာ ၃၀း၄
၄ ထာဝရဘုရား၏ သန့်ရှင်းသူတို့၊ ထာဝရဘုရားကို ထောမနာ သီချင်းဆိုကြလော့၊၊ သန့်ရှင်းသော နာမတော်ကို ချီးမွမ်းကြလော့၊၊

ဆာ ၃၁း၂၃
၂၃ ထာဝရဘုရား၏ သန့်ရှင်းသူအပေါင်းတို့၊ ထာဝရဘုရားကို ချစ်ကြလော့၊၊ ထာဝရဘုရားသည် သစ္စာရှိသောသူတို့ကို စောင့်မတော်မူ၏၊၊ မာန ထောင်လွှားသောသူ တို့ကိုကား၊ အပြစ်များစွာ ပေးဆပ်တော်မူသတည်း၊၊

ဆာ ၃၂း၆
၆ ထို့ကြောင့် ကိုယ်တော်ကို တွေ့သင့်သော အချိန်ကာလ၌ သန့်ရှင်းသူအပေါင်းတို့သည် ရှေ့တော်၌ တောင်းလျှောက်ကြပါ လိမ့်မည်၊၊ အကယ်စင်စစ် လွှမ်းမိုးတတ်သော ရေကြီးသည် သူတို့ထံသို့ မချဉ်းရပါ၊၊

ဆာ ၃၄း၉
၉ ထာဝရဘုရား၏ သန့်ရှင်းသူတို့၊ ထာဝရဘုရားကို ကြောက်ရွံ့ကြလော့။ ကြောက်ရွံ့သော သူတို့၌ ဆင်းရဲခြင်းမရှိရာ။

ဆာ ၃ရး၂၈
၂၈ ထာဝရဘုရားသည် တရားကို နှစ်သက်တော်မူ၏၊၊ မိမိသန့်ရှင်းသူ တို့ကိုလည်း စွန့်တော်မမူ၊၊ သူတို့သည် စောင့်မတော်မူခြင်းကို အစဉ်အမြဲ ခံရကြလိမ့်မည်၊၊ မတရားသောသူ၏ သားမြေးတို့မူကား ပယ်ရှင်းခြင်းကို ခံရကြလိမ့်မည်၊၊

ဆာ ၅၂း၉
၉ ကိုယ်တော် စီရင်တော်မူသောကြောင့် အကျွန်ုပ်သည် ကိုယ်တော်ကို ကာလအစဉ်အမြဲ ချီးမွမ်းပါမည်၊၊ ကောင်းမြတ်တော် မူသောကြောင့် ကိုယ်တော်၏ သန့်ရှင်းသူတို့ရှေ့မှာ နာမတော်ကို မြော်လင့်ပါမည်၊၊

ဆာ ရ၉း၂
၂ ကိုယ်တော်၏ကျွန် အသေကောင်တို့ကို မိုးကောင်းကင် ငှက်တို့အား၎င်း၊ ကိုယ်တော်၏ သန့်ရှင်းသူတို့အသားကို တောသားရဲတို့အား၎င်း၊ ကျွေးကြပါပြီ။

ဆာ ၈၅း၈
၈ ထာဝရအရှင် ဘုရားသခင် အဘယ်သို့ မိန့်တော်မူမည်ကို ငါနားထောင်မည်။ အကယ်စင်စစ် မိမိလူ၊ မိမိသန့်ရှင်းသူတို့အား ငြိမ်သက်ခြင်းအကြောင်းကို မိန့်တော်မူလိမ့်မည်။ သို့ရာတွင်၊ နောက်တဖန် မိုက်သောအကျင့်ကို မကျင့်ကြပါစေနှင့်။

ဆာ ၈၆း၂
၂ အကျွန်ုပ်၏ ဘုရားသခင်၊ သန့်ရှင်းသူတို့ အဝင်ဖြစ်သော အကျွန်ုပ်၏ ဝိညာဉ်ကို စောင့်မ၍၊ ကိုယ်တော်ကို ကိုးစားသော ကိုယ်တော်၏ကျွန်ကို ကယ်တင်တော်မူပါ။

ဆာ ၈၉း၅-ရ
၅ အိုထာဝရဘုရား၊ ကောင်းကင်သည် အံ့ဘွယ်သော အမှုတော်ကို၎င်း၊ သန့်ရှင်းသူတို့သည် စည်းဝေးလျက် သစ္စာတော်ကို၎င်း ချီးမွမ်းကြပါစေသော်။

ဆာ ၈၉း၁၉
၁၉ တရံရောအခါ ကိုယ်တော်၏ သန့်ရှင်းသူတို့ကို ဗျာဒိတ်တော်အားဖြင့် မိန့်မြွက်တော်မူသည်ကား၊ အားကြီးသောသူသည် ကူမမည်အကြောင်း ငါခန့်ထားပြီ။ လူစုထဲက ရွေးကောက်သောသူ တယောက်ကို ငါချီးမြှောက်ပြီ။

ဆာ ၉ရး၁၀
၁၀ ထာဝရဘုရားကို ချစ်တော်မူသောသူတို့၊ မကောင်း သောအမှုကို ရွံရှာကြလော့၊၊ ကိုယ်တော်၏ သန့်ရှင်းသူတို့၏ အသက်ဝိညာဉ်ကို စောင့်မတော်မူ၍၊ မတရားသောသူတို့၏ လက်မှလည်း ကယ်နှုတ်တော်မူ၏၊၊

ဆာ ၁၀၆း၁၆
၁၆ ထိုသူတို့သည်လည်း၊ တပ်ထဲမှာ မောရှေကို၎င်း၊ ထာဝရဘုရား၏ သန့်ရှင်းသူ အာရုန်ကို၎င်း ငြူစူကြ၏။

ဆာ ၁၁၆း၁၅
၁၅ ထာဝရဘုရား ရှေ့တော်၌ မိမိသန့်ရှင်းသူတို့၏ သေခြင်းအရာသည် အဘိုးကြီးလှ၏၊၊

ဆာ ၁၃၂း၉
၉ ကိုယ်တော်၏ ယဇ်ပုရောဟိတ်တို့သည် ဖြောင့်မတ်ခြင်း တန်ဆာကိုဆင်၍၊ ကိုယ်တော်၏ သန့်ရှင်းသူတို့သည် ရွှင်လန်းစွာ သီချင်းဆိုကြပါစေသော်။

ဆာ ၁၃၂း၁၆
၁၆ သူ၏ ယဇ်ပုရောဟိတ်တို့ကို ကယ်တင်ခြင်း တန်ဆာကို ဆင်စေသဖြင့်၊ သူ၌ သန့်ရှင်းသူတို့သည် ရွှင်လန်းသော သီချင်းကို ရွှင်လန်းစွာ ဆိုရကြလိမ့်မည်။

ဆာ ၁၄၅း၁၀
၁၀ အိုထာဝရဘုရား ဖန်ဆင်းတော်မူသမျှတို့သည် ဂုဏ်တော်တို့ကို ပြ၍ ကိုယ်တော်၏ သန့်ရှင်းသူတို့သည် ကောင်းကြီး ပေးကြပါ၏၊၊

ဆာ ၁၄၈း၁၄
၁၄ မိမိလူစုတို့၏ ဦးချိုကို ချီးမြှင့်တော်မူသဖြင့် အနီးတော်၌ ရှိသောလူစု၊ ဣသရေလ အမျိုးသားတည်းဟူသော မိမိသန့်ရှင်းသူ အပေါင်းတို့၏ ချီးမွမ်းရာ ဖြစ်တော်မူ၏၊၊ ဟာလေလုယ၊၊

ဆာ ၁၄၉း၁
၁ ထာဝရ ဘုရားရှေ့တော်၌ အသစ်သော သီချင်းကိုဆို၍၊ သန့်ရှင်းသူတို့ စည်းဝေးရာ၌ ဂုဏ်တော်ကို ချီးမွမ်းကြလော့၊၊

သု ၂း၈
၈ မိမိသန့်ရှင်းသူတို့သည် တရားလမ်းကို စောင့်ရှောက်မည်အကြောင်း၊ သူတို့၏ လမ်းခရီးကို လုံခြုံစေတော်မူ၏။

ဟေရှာယ ၆၃း၁၈
၁၈ ကိုယ်တော်၏ သန့်ရှင်းသူတို့သည် ခဏသာ အစိုးရပြီးမှ၊ ရန်သူတို့သည် သန့်ရှင်းရာဌာနတော်ကို ကျော်နင်းကြသည်ဖြစ်၍၊ အကျွန်ုပ်တို့သည် ကိုယ်တော် မအုပ်စိုးဘူးသောသူ ကဲ့သို့၎င်း၊ နာမတော်ဖြင့် သမုတ်ခြင်းကို မခံဘူးသောသူ ကဲ့သို့၎င်း၊ ဖြစ်ကြပါ၏၊၊

ဒံ ၄း၁၃
၁၃ အိပ်ပျော်၍ မြင်မက်စဉ်၊ တဖန် ငါကြည့်ရှုပြန်လျှင်၊ သစ်ပင်စောင့် တည်းဟူသော သန့်ရှင်းသူ တစ်ယောက်သည် ကောင်းကင်မှ ဆင်းလာ၍၊

ဒံ ၄း၁ရ
၁၇ အကြောင်းမူကား၊ အမြင့်ဆုံးသော ဘုရားသည် လောကီနိုင်ငံကို အုပ်စိုးတော်မူသည်ကို၎င်း၊ ပေးလိုသောသူတို့အား ပေးတော်မူသည်ကို၎င်း၊ ယုတ်မာသောသူတို့ကို ချီးမြှောက်၍ နိုင်ငံကို အပ်ပေးတော်မူသည်ကို၎င်း၊ သတ္တဝါတို့ သိနားလည်သော အခွင့်ရှိစေခြင်းငှါ၊ သစ်ပင်စောင့်တို့သည် ဤသို့ စီရင်ကြပြီ။ သန့်ရှင်းသူတို့သည် အမိန့်တော်ကို ပေးကြပြီ၊ ဟုဟစ်ကြော်လေ၏။

ဒံ ၄း၂၃
၂၃ သစ်ပင်စောင့်၊ သန့်ရှင်းသူ တစ်ယောက်သည် ကောင်းကင်မှ ဆင်းလာ၍၊ သစ်ပင်ကို ခုတ်လှဲဖျက်ဆီးလော့။ သို့သော်လည်း၊ မြေကြီး၌ စွဲသောအမြစ်နှင့်တကွ သစ်ငုတ်ကို ခြွင်းထား၍ သံကြိုး၊ ကြေးဝါကြိုးနှင့် ချည်နှောင်သကဲ့သို့ နုသော မြက်ပင်ထဲ၌ ရှိစေလော့။ ခုနစ်နှစ်ပတ်လုံး မိုးစွတ်ခြင်းကိုခံ၍၊ မြေတိရစ္ဆာန်တို့နှင့် ဆက်ဆံစေ၊ ဟုဆိုသည်မှာ၊

ဒံ ရး၁၈
၁၈ သို့သော်လည်း၊ အမြင့်ဆုံးသော ဘုရား၏ သန့်ရှင်းသူတို့သည် နိုင်ငံကိုသိမ်းယူ၍ ကမ္ဘာအဆက်ဆက် စံစားကြလတံ့၊ ဟုအနက်အဓိပ္ပါယ်ကို ကြားပြော၏။

ဒံ ရး၂၅
၂၅ အမြင့်ဆုံးသော ဘုရားကို ဆန့်ကျင်ဘက်ပြု၍၊ ကြီးစွာသော စကားကို ပြောလိမ့်မည်။ အမြင့်ဆုံးသော ဘုရား၏ သန့်ရှင်းသူတို့ကို ညှဉ်းဆဲ နှိပ်စက်လိမ့်မည်။ ကာလအချိန်နှင့် ပညတ်တရားတို့ကို ပြောင်းလဲစေခြင်းငှါ ကြံစည်လိမ့်မည်။ တကာလ၊ နှစ်ကာလ၊ ကာလတဝက်ပတ်လုံး သူသည် အခွင့်ရလိမ့်မည်။

ဒံ ၈း၁၃
၁၃ ထိုအခါ သန့်ရှင်းသူတပါး၏ စကားပြောသံကို ငါကြား၏။ သန့်ရှင်းသူတပါးက၊ ယခင်ပြောသောသူကို ဟစ်၍၊ သန့်ရှင်းရာ ဌာနနှင့် ဗိုလ်ခြေကို နင်းခြင်းအလိုငှာ နေ့ရက်အစဉ် ပြုသောဝတ်ကို ပယ်ခြင်းနှင့်၎င်း၊ ဖျက်ဆီးတတ်သော လွန်ကျူးခြင်းနှင့်၎င်း၊ စပ်ဆိုင်သော ဗျာဒိတ်ရူပါရုံသည် အဘယ်မျှ ကာလပတ်လုံး တည်လိမ့်မည်နည်း၊ ဟုမေးမြန်းလျှင်၊

ဇာခရိ ၁၄း၅
၅ သင်တို့သည် ငါ့တောင်ကြား ချိုင့်လမ်းဖြင့် ပြေးကြလိမ့်မည်။ ထိုချိုင့်သည် အာဇလမြို့တိုင်အောင် မှီလိမ့်မည်။ ယုဒရှင်ဘုရင် ဩဇိမင်းလက်ထက်၊ မြေကြီးလှုပ်၍ သင်တို့သည် ပြေးသကဲ့သို့ တဖန်ပြေးကြလိမ့်မည်။ ငါ၏ ဘုရားသခင် ထာဝရဘုရား၊ ကြွလာတော်မူ၍၊ မိမိသန့်ရှင်းသူ အပေါင်းတို့သည် ပါကြလိမ့်မည်။

မဿဲ ၂ရး၅၂
၅၂ သင်္ချိုင်းတွင်းတို့သည် ပွင့်လှစ်သဖြင့်၊ ကျိန်းစက်လျက် ရှိသော သန့်ရှင်းသူတို့၏ အလောင်း များစွာတို့သည် ထကြ၍၊

တမန် ၉း၁၃
၁၃ အာနနိကလည်း၊ သခင်ဘုရား၊ ထိုသူသည် ယေရုရှလင်မြို့၌ ကိုယ်တော်၏ သန့်ရှင်းသူတို့ကို၊ အဘယ်မျှလောက်ပင် ညှဉ်းဆဲသည်ကို၊ လူများပြော၍ အကျွန်ုပ်ကြားရပါပြီ။

တမန် ၉း၃၂
၃၂ ပေတရုသည် အရပ်ရပ်တို့ကို လှည့်လည်သည်တွင်၊ သန့်ရှင်းသူတို့ရှိရာ လုဒ္ဒမြို့သို့ ရောက်လေ၏။

တမန် ၉း၄၁
၄၁ ပေတရုသည် မိမိလက်ကို သူ့အားပေး၍ ချီကြွပြီးမှ၊ သန့်ရှင်းသူတို့နှင့် မုဆိုးမတို့ကို ခေါ်၍၊ အသက်ရှင်လျက် ရှိသော ထိုမိန်းမကို ပြလေ၏။

တမန် ၂၆း၁၀
၁၀ ယေရုရှလင်မြို့၌ ထိုအမှုကိုပြုမိပါ၏။ ယဇ်ပုရောဟိတ် အကြီးတို့ထံ၌ အခွင့်ရပြီးလျှင်၊ သန့်ရှင်းသူအများတို့ကို ထောင်ထဲမှာ လှောင် ထားပါ၏။ သူတို့သည် အသေသတ်ခြင်းကို ခံရသောအခါ၊ အကျွန်ုပ်သည် ဝန်ခံပါ၏။

ရော ၁း၆
၆ သန့်ရှင်းသူအရာ၌ ခန့်ထားသော၊ ရောမမြို့သူမြို့သားအပေါင်းတို့ကို ကြားလိုက်ပါ၏။

ရော ၈း၂ရ
၂၇ စိတ်နှလုံးကို စစ်တော်မူသော သူသည်လည်း၊ ဝိညာဉ်တော်၏ စိတ်သဘောကို သိတော်မူ၏။ အကြောင်းမူကား၊ ဝိညာဉ်တော်သည်၊ သန့်ရှင်းသူတို့၏ ဆုတောင်းခြင်း အမှုကို၊ ဘုရားသခင်၏ အလိုတော်နှင့်အညီ စောင့်မတော်မူ၏။ sယုံကြည်သူများသည် ဘုရားသားနှင့် ညီစေခြင်းငှာ

ရော ၁၂း၁၃
၁၃ သန့်ရှင်းသူတို့သည် ဆင်းရဲသောအခါ ဝေငှပေးကမ်းကြလော့။ အာဂန္တုတို့အား ဧည့်သည်ဝတ်ကို ကြိုးစား၍ပြုကြလော့။

ရော ၁၅း၂၅-၂၆
၂၅ ယခုအခါ သန့်ရှင်းသူတို့ကို လုပ်ကျွေး၍၊ ယေရုရှလင်မြို့သို့ ငါသွားရမည်။

ရော ၁၅း၃၁
၃၁ ယုဒပြည်၌ ငြင်းဆန်သောသူတို့လက်မှ ငါလွတ်မည်အကြောင်း၊ ယေရုရှလင်မြို့အား ငါလုပ်ကျွေးခြင်းအမှုကို သန့်ရှင်းသူတို့သည် နှစ်သက်မည်အကြောင်း၊ ညီအစ်ကိုတို့၊ သင်တို့သည် ငါနှင့်အတူ ကြိုးစားအားထုတ်၍၊ ငါ့အဘို့အလိုငှါ ဘုရားသခင်ကို ဆုတောင်းပဌနာပြုကြလော့၊ ဟုငါတို့သခင်ယေရှုခရစ်နှင့် ဝိညာဉ်တော်၏ မေတ္တာကရုဏာကို အကြောင်းပြု၍၊ သင်တို့ကို ငါတိုက်တွန်း နှိုးဆော်ပါ၏။

ရော ၁၆း၂
၂ သန့်ရှင်းသူတို့သည် ပြုသင့်သည်အတိုင်း၊ သခင်ဘုရားကိုထောက်၍ ထိုသူကိုလက်ခံကြလော့။ သူသည် အကူအမလိုသမျှသော အမှုတို့၌ ၊ သူ့ကိုကူမကြလော့။ အကြောင်းမူကား၊ သူသည် များစွာသောသူတို့ကို၎င်း၊ ငါ့ကို၎င်း၊ မစသော သူဖြစ်၏။

ရော ၁၆း၁၅
၁၅ ဖိလောလုပ်(Philologus)၊ ယုလိ(Julia)၊ နေရု(Nereus)၊ နေရုနှမနှင့်ဩလုမ္ပ (Olympas)မှစ၍၊ သူတို့နှင့်အတူနေသော သန့်ရှင်းသူအပေါင်းတို့ကို၊ နှုတ်ဆက်ကြလော့။

၁ ကော ၁း၂
၂ ယေရှုခရစ်အားဖြင့် အပြစ်နှင့်ကင်းစင်၍၊ သန့်ရှင်းသူအရာ၌ ခန့်ထားသောသူ တည်းဟူသော၊ ကောရိန္သုမြို့၌ ရှိသောဘုရားသခင်၏ အသင်းတော်မှစ၍၊ ခပ်သိမ်းသောအရပ်၌ ငါတို့သခင် ယေရှုခရစ်ကို၊ ပဌနာပြုသောသူ အပေါင်းတို့ကို ကြားလိုက်ပါ၏။

၁ ကော ၆း၁-၂
၁ သင်တို့သည် အချင်းချင်းအမှုရှိလျှင်၊ သန့်ရှင်းသူတို့ရှေ့၌ တရားစီရင်ခြင်းကိုမခံဘဲ၊ သာသနာပလူတို့ရှေ့၌ ခံဝံ့သောသူ တစုံတယောက်ရှိသလော။

၁ ကော ၁၄း၃၃
၃၃ ဘုရားသခင်သည် ရုန်းရင်းခတ်သောအမှုကို ပြုစုတော်မမူ။ သန့်ရှင်းသူတို့၏ အသင်းတော် အပေါင်းတို့၌ ဖြစ်သကဲ့သို့ အသင့်အတင့် ငြိမ်ဝပ်ခြင်းကို ပြုစုတော်မူ၏။ sခပ်သိမ်းသောအမှုကို တင့်တယ်လျောက်ပတ်စွာပြုကြလော့

၁ ကော ၁၆း၁
၁ သန့်ရှင်းသူတို့အဘို့ လှူဒါန်း၍ စုထားခြင်းအမှုမှာ၊ ဂလာတိပြည်၌ အသင်းတော်များကို ငါမှာထားသည်အတိုင်း သင်တို့ပြုကြလော့။

၁ ကော ၁၆း၁၅
၁၅ ညီအစ်ကိုတို့၊ သတေဖန်၏ အိမ်သူအိမ်သားတို့သည်၊ အခါယပြည်တွင် အဦးသီးသော အသီးဖြစ်၍၊ သန့်ရှင်းသူတို့၏ အမှုကို ဆောင်ရွက်ခြင်းငှါ၊ ကိုယ်ကိုကိုယ် အပ်ကြောင်းကို သင်တို့သိကြသည်နှင့်အညီ၊

၂ ကော ၁း၁
၁ ဘုရားသခင်၏ အလိုတော်အားဖြင့်၊ ယေရှုခရစ်၏ တမန်တော်ဖြစ်သော ငါပေါလုနှင့် ငါ့ညီ တိမောသေသည်၊ ကောရိန္သုမြို့၌ရှိသော ဘုရားသခင်၏ အသင်းတော်မှစ၍၊ အခါယပြည် အရပ်ရပ်တို့၌ရှိသော သန့်ရှင်းသူအပေါင်းတို့ကို ကြားလိုက်ပါ၏။

၂ ကော ၈း၄
၄ သူတို့အလှူဒါနကို ငါတို့သည်ယူ၍ သူတို့နှင့်ကူညီလျက်၊ သန့်ရှင်းသူတို့အားလုပ်ကျွေးခြင်းအမှုကို ဆောင်ရွက်မည်အကြောင်း၊ သူတို့သည် တိုက်တွန်းသွေးဆောင်သော စကားများအားဖြင့်၊ ငါတို့ကို တောင်းပန်ကြ၏။

၂ ကော ၉း၁
၁ သန့်ရှင်းသူတို့ကို လုပ်ကျွေးခြင်း၏ အမှုအရာများကို၊ သင်တို့အား ငါရေး၍ ကြားလိုက်သော် အကျိုးမရှိ။

၂ ကော ၉း၁၂-၁၃
၁၂ အဘယ်သို့နည်းဟူမူကား၊ ဤလုပ်ကျွေးခြင်း အမှုသည် သန့်ရှင်းသူတို့၏ ဆင်းရဲခြင်းကို မ,စသည်သာမက၊ ဘုရားသခင်၏ ကျေးဇူးတော်ကို၊ ချီးမွမ်းစရာ အကြောင်းအများနှင့် ပြည့်စုံလျက်ရှိ၏။

၂ ကော ၁၃း၁၃
၁၃ သန့်ရှင်းသူ အပေါင်းတို့သည် သင်တို့ကို နှုတ်ဆက်ကြ၏။ သခင်ယေရှုခရစ်၏ ကျေးဇူးတော်ကို၎င်း၊ ဘုရားသခင်၏ မေတ္တာတော်၎င်း၊ သန့်ရှင်းသော ဝိညာဉ်တော်၏ မိဿဟာရတော်ကို၎င်း၊ သင်တို့အပေါင်း၌ ရှိစေသတည်း။ အာမင်။ s ကောရိန္သုဩဝါဒစာ ဒုတိယစောင်ပြီး၏။

ဧဖက် ၁း၁
၁ ဘုရားသခင်၏ အလိုတော်အားဖြင့်၊ ယေရှုခရစ်၏ တမန်တော် ဖြစ်သော ငါပေါလုသည်၊ ဧဖက်မြို့၌ နေသော သန့်ရှင်းသူ တည်းဟူသော၊ ယေရှုခရစ်ကို ယုံကြည်သော သူတို့ကို ကြားလိုက်ပါ၏။

ဧဖက် ၁း၁၅
၁၅ ထိုကြောင့် သင်တို့သည် သခင်ယေရှုကို ယုံကြည်ခြင်းနှင့်၊ သန့်ရှင်းသူ အပေါင်းတို့ကို ချစ်ခြင်း အကြောင်းကို၊ ငါသည် ကြားပြီးလျှင်၊

ဧဖက် ၁း၁၈
၁၈ ခေါ်တော်မူသောကြောင့် မျှော်လင့်ရသော အရာကား၊ အဘယ်အရာ ဖြစ်သည်ကို၎င်း၊ သန့်ရှင်းသူတို့သည် ခံရသော အမွေတော်၏ ဘုန်းစည်းစိမ်ကား၊ အဘယ်မျှလောက် ကြီးသည်ကို၎င်း၊

ဧဖက် ၂း၁၉
၁၉ ထိုကြောင့်၊ သင်တို့သည် တစ်ကျွန်း တနိုင်ငံသား မဟုတ်၊ ဧည့်သည်လည်း မဟုတ်၊ သန့်ရှင်းသူတို့၏ အမျိုးသားခြင်း ဖြစ်ကြ၏။ ဘုရားသခင်၏ အိမ်တော်သားလည်း ဖြစ်ကြ၏။

ဧဖက် ၃း၉
၉ သန့်ရှင်းသူ အပေါင်းတို့တွင်၊ အငယ်ဆုံးသောသူ ထက်သာ၍ ငယ်သောငါအား၊ ထိုကျေးဇူးတော်ကို ပေးတော်မူသည်။ s ဘုရားသခင်၏ အကြံတော်ကို အသင်းတော်အားဖြင့်သိဘို့

ဧဖက် ၃း၁၈
၁၈ သင်တို့သည် သန့်ရှင်းသူ အပေါင်းတို့၏ နည်းတူ၊ အနံအလျား အနက်အမြင့်တို့ကို ပိုင်းခြား၍ သိခြင်းငှါ၎င်း၊

ဧဖက် ၄း၁၂
၁၂ သန့်ရှင်းသူတို့ကို ပြင်ဆင်ခြင်းအလိုငှါ၊ ထိုသခင်သည် လူအချို့တို့ကို တမန်တော်အရာ၌၎င်း၊ အချို့တို့ကို ပရောဖက်အရာ၌၎င်း၊ အချို့တို့ကို သာသနာ ပြုအရာ၌၎င်း၊ အချို့တို့ကို သင်းအုပ်အရာ၊ ဆရာအရာ၌၎င်း၊ ခန့်ထားတော်မူ၏။

ဧဖက် ၅း၃
၃ မတရားသော မေထုံ၌ မှီဝဲခြင်း၊ အမျိုးမျိုးသော ကိလေသာ ညစ်ညူးခြင်း၊ လောဘ လွန်ကျူးခြင်း အမှုတို့ကို၊ သန့်ရှင်းသူတို့သည် ရှောင်သင့်သည်အတိုင်း၊ စကားမျှဖြင့် မဆက်ဆံကြနှင့်။

ဧဖက် ၆း၁၈
၁၈ ကာလအစဉ် စိတ်နှလုံးပါလျက်၊ ဆုတောင်း ပဌနာပြုခြင်း အမျိုးမျိုးတို့ဖြင့် ဆုတောင်းကြလော့။ ထိုသို့ဆုတောင်းခြင်းငှါ အားမလျော့ဘဲလျက်၊ ငါမှစ၍ သန့်ရှင်းသူ အပေါင်းတို့အဘို့၊ ဆုတောင်းလျက် စောင့်ရှောက်ကြလော့။

ဖိလိ ၁း၁
၁ ယေရှုခရစ်၏ကျွန် ဖြစ်သော ပေါလုနှင့် တိမောသေသည်၊ ဖိလိပ္ပိမြို့၌ ရှိသောသင်းအုပ်တို့နှင့် သင်းထောက်တို့မှစ၍၊ ယေရှုခရစ်၏ သန့်ရှင်းသူအပေါင်းတို့ကို ကြားလိုက်ပါ၏။

ဖိလိ ၄း၂၁-၂၂
၂၁ ယေရှုခရစ်၌ ရှိသော သန့်ရှင်းသူ အပေါင်းတို့ကို နှုတ်ဆက်ကြလော့။

ကောလော ၁း၂-၃
၂ ကောလောသဲမြို့၌ နေသောသန့်ရှင်းသူတည်းဟူသော၊ ခရစ်တော်ကို ယုံကြည်သော ညီအစ်ကိုတို့ကို ကြားလိုက်ပါ၏။ သခင်ယေရှုခရစ်နှင့်၊ ငါတို့အဘတည်းဟူသော ဘုရားသခင့်အထံတော်က၊ ကျေးဇူးတော်နှင့် ငြိမ်သက်ခြင်းသည် သင်တို့၌ ရှိပါစေသော်။

ကောလော ၁း၁၂
၁၂ အလင်း၌ နေသောသန့်ရှင်းသူတို့၏ အမွေကို၊ ငါတို့သည် ဆက်ဆံ ဝင်စားထိုက်မည်အကြောင်း၊ ကျေးဇူးပြုတော်မူ၏။

ကောလော ၁း၂၅
၂၅ ရှေးကပ်ကာလပတ်လုံး ဝှက်ထားလျက်ရှိသော်လည်း၊ ယခုတွင် သန့်ရှင်းသူတို့အား ဖေါ်ပြသော နက်နဲရာတည်းဟူ သောဘုရားသခင်၏ နှုတ်ကပတ်တရားတော်ကို အကုန်အစင်ဟောပြောစေခြင်းငှါ၊ သင်တို့အကျိုးကိုထောက်၍၊

ကောလော ၁း၂ရ
၂၇ တပါးအမျိုးသားတို့တွင် ဤနက်နဲသောအရာ နှင့်ဆိုင်သော မဟာစည်းစိမ်ကား၊ အဘယ်မျှလောက် ကြီးသည်ကို သန့်ရှင်းသူတို့သည် သိစေခြင်းငှါ၊ ဘုရားသခင် အလိုရှိတော်မူ၏။ ထိုစည်းစိမ်ကား၊ ဘုန်းအသရေကို မြော်လင့်ခြင်းအကြောင်းတည်းဟူသော သင်တို့အထဲ၌ တည်တော်မူသော ခရစ်တော်ပေတည်း။

၁ သက် ၃း၁၂
၁၂ ထိုသခင်သည် မိမိသန့်ရှင်းသူ အပေါင်းတို့နှင့်အတူ ကြွလာတော်မူသောအခါ၊ ငါတို့အဘတည်းဟူသော ဘုရားသခင့်ရှေ့မှာ၊ အပြစ်တင်ခွင့်နှင့် ကင်းလွတ်သောသင်တို့၏ စိတ်နှလုံးကို၊ ကိုယ်တော်သည် သန့်ရှင်းခြင်းပါရမီ၌ မြဲမြံခိုင်ခန့်စိမ့်သောငှါ၊ ငါတို့သည် သင်တို့ကိုချစ်သကဲ့သို့ သင်တို့သည် အချင်းချင်းကို၎င်း၊ သူတပါးအပေါင်းတို့ကို၎င်း ချစ်၍၊ ချစ်ခြင်းမေတ္တာနှင့် အထူးသဖြင့် ကြွယ်ဝပြည့်စုံမည်အကြောင်း သခင်ဘုရား ပြုတော်မူပါစေသော်။

၂ သက် ၁း၉
၉ ထိုသခင်သည် မိမိသန့်ရှင်းသူတို့အားဖြင့်၊ ဂုဏ်အသရေတော် ထင်ရှားခြင်းကို၎င်း၊ ငါတို့သက်သေကို သင်တို့သည် ယုံကြည်သည်ဖြစ်၍၊

၁ တိ ၅း၁၀
၁၀ ကောင်းသောအကျင့်ကို ကျင့်၍ အသရေရှိသောသူ၊ သူငယ်တို့ကို ကျွေးမွေးခြင်း၊ ဧည့်သည်ဝတ်ကိုပြုခြင်း၊ သန့်ရှင်းသူတို့၏ ခြေကိုဆေးခြင်း၊ ဆင်းရဲသောသူတို့ကို လုပ်ကျွေးခြင်း၊ ကောင်းသောအမှုရှိသမျှတို့၌ ကြိုးစားအားထုတ်ခြင်းကို ပြုဘူးသောသူ ဖြစ်လျှင်၊ စာရင်းအင်းဝင်စေ။

ဖိလေ ၁း၄
၄ သင်သည် သခင်ယေရှုခရစ်ကို ယုံကြည်၍၊ သန့်ရှင်းသူအပေါင်းတို့ကို ချစ်သည်၊ ဟုငါသည်ကြားလျှင်၊

ဖိလေ ၁းရ
၇ အချင်းငါ့ညီ၊ သင်သည် သန့်ရှင်းသူတို့၏ စိတ်နှလုံးကို သက်သာစေသောကြောင့်၊ သင်၏မေတ္တာကို ထောက်၍၊ ငါတို့ သည် အလွန်ဝမ်းမြောက် ချမ်းသာခြင်းရှိ၏။

ဟေဗြဲ ၆း၁၀
၁၀ အကြောင်းမူကား၊ သင်တို့သည် သန့်ရှင်းသူတို့ကို အထက်က လုပ်ကျွေးသည်သာမက၊ ယခုပင် လုပ်ကျွေးခြင်းအမှုကို၎င်း၊ ထိုသို့ပြုသောအားဖြင့် နာမတော်ကိုထောက်၍ ပြသောမေတ္တာကို၎င်း၊ ဘုရားသခင်သည် မေ့လျော့သည်တိုင်အောင်၊ အဓမ္မအမှုကို ပြုတော်မူသည်မဟုတ်။

ဟေဗြဲ ၁၃း၂၄
၂၄ သင်တို့ကိုအုပ်သော သူအပေါင်းတို့ကို၎င်း၊ သန့်ရှင်းသူအပေါင်းတို့ကို၎င်း၊ နှုတ်ဆက်ကြလော့။ ဣတလိပြည် (Italy) သူပြည်သားတို့သည် သင်တို့ကိုနှုတ်ဆက်ကြ၏။ သင်တို့အပေါင်း၌ ကျေးဇူးတော်ရှိစေသတည်း။ အာမင်။ s ဟေဗြဲဩဝါဒစာပြီး၏။

၂ ပေ ၁း၂၁
၂၁ အကြောင်းမူကား၊ အနာဂတ္တိစကားသည် လူအလိုအားဖြင့် ဖြစ်ဘူးသည်မဟုတ်။ ဘုရားသခင်၏ သန့်ရှင်းသူတို့သည်၊ သန့်ရှင်းသော ဝိညာဉ်တော်၏ တိုက်တွန်းတော်မူခြင်းကိုခံရ၍ ဟောပြောကြ၏။ %ln ၁၉ %ft(a) φωσφόρος (phōsphoros) ကိုမြန်မာကျမ်းစာအုပ်၌ "ကြယ်နီ" ဟုရေးထားသည်။ ထိုအရာသည် မိုးသောက်ကြယ်ဖြစ်သည်။

ယုဒ ၁း၃
၃ ချစ်သူတို့၊ အညီအမျှ ဆက်ဆံသော ကယ်တင်ခြင်း အကြောင်းအရာကို၊ သင်တို့ထံသို့ ရေး၍ ပေးလိုက်ခြင်းငှါ၊ ငါသည်အ လွန်ကြိုးစား သည်တွင်၊ သန့်ရှင်းသူတို့၌ အထက်က အပ်ပေးခဲ့ပြီးသော ယုံကြည်ခြင်း တရားဘက်မှာ၊ သင်တို့သည် ကြိုးစား၍ တိုက်လှန်စေခြင်းငှါ၊ နှိုးဆော် သွေးဆောင်၍ ရေးလိုက်ရသော အကြောင်းရှိ၏။

ယုဒ ၁း၁၅
၁၅ အတိုင်းမသိများစွာသော မိမိသန့်ရှင်းသူတို့နှင့် တကွ၊ ကြွလာတော်မူ လိမ့်မည်၊ ဟုပရောဖက်ပြု၍ ဟောပြောလေ၏။

ဗျာ ၅း၈
၈ ထိုစာစောင်ကိုခံယူသောအခါ၊ သတ္တဝါလေးပါးနှင့် အသက်ကြီးသူ နှစ်ဆယ်လေးပါးတို့သည်၊ သန့်ရှင်းသူတို့၏ ပဌနာတည်းဟူသော မီးရှို့ရာနံ့သာပေါင်းနှင့် ပြည့်သော ရွှေဖလားတို့ကို၎င်း၊ စောင်းတို့ကို၎င်း၊ အသီးသီးကိုင်၍၊ သိုးသငယ်ရှေ့၌ ပြပ်ဝပ်လျက်၊

၁၄ လူသည် အဘယ်သို့သော သူဖြစ်၍ သန့်ရှင်းနိုင်သနည်း။ မိန်းမဖွားသော သူသည် အဘယ်သို့သော သူဖြစ်၍ ဖြောင့်မတ်နိုင်သနည်း။ ၁၅ ဘုရားသခင်သည် မိမိ သန့်ရှင်းသူ [A] တို့ကိုပင် ယုံတော်မမူ။ ကောင်းကင်ဘုံသော်လည်း ရှေ့တော်၌ မစင်ကြယ်။ ၁၆ သို့ဖြစ်လျှင်၊ ရေကို သောက်သကဲ့သို့ ဒုစရိုက်အပြစ်ကို သောက်လျက်၊ ဆိုးညစ် ရွံ့ရှာဖွယ်သော လူသတ္တဝါ၌ အဘယ်ဆိုဖွယ် ရှိသနည်း။

ဆိုးသောသူ၊ ညှဉ်းဆဲတတ်သောသူ

CROSS REFERENCES

ကမ္ဘာ ၁ရး၁
၁ ထို့နောက်၊ အာဗြံသည် အသက်ကိုးဆယ့်ကိုးနှစ် ရှိသောအခါ၊ ထာဝရဘုရားသည် အာဗြံအား ထင်ရှားတော်မူ၍၊ ငါသည် အနန္တတန်ခိုးရှင် ဘုရားသခင်ဖြစ်၏။ ငါ့ရှေ့မှာ သွားလာ၍ စုံလင်ခြင်းရှိလော့။

ကမ္ဘာ ၂၈း၃
၃ အနန္တတန်ခိုးရှင်ဘုရားသခင်သည် ကောင်းကြီးပေး၍ တိုးပွားစေသဖြင့်၊ သင်သည် အမျိုးကြီးဖြစ်မည်အကြောင်းနှင့် များပြားစေတော်မူစေသတည်း။

ကမ္ဘာ ၃၅း၁၁
၁၁ တဖန် ဘုရားသခင်က၊ ငါသည် အနန္တတန်ခိုးရှင် ဘုရားသခင် ဖြစ်၏။ တိုးပွားများပြားလော့။ လူတမျိုးမက၊ အမျိုးမျိုးတို့သည် သင်၌ ဖြစ်ကြလိမ့်မည်။ ရှင်ဘုရင်တို့သည် သင်၏အမျိုးအနွယ်၌ ဖြစ်ကြလိမ့်မည်။

ကမ္ဘာ ၄၃း၁၄
၁၄ ထိုသူသည် သင်တို့အစ်ကိုတစ်ယောက်နှင့် ဗင်္ယာမိန်ကို လွှတ်လိုက်မည်အကြောင်း၊ သင်တို့သည် သူ့စိတ်နှင့်တွေ့ရသောအခွင့်ကို အနန္တတန်ခိုးရှင် ဘုရားသခင် ပေးတော်မူပါစေသော်။ သို့ရာတွင် ငါသည် သားဆုံးခြင်းကိုခံရလျှင် ခံရတော့မည်၊ ဟုသားတို့အား ဆိုသည်အတိုင်း၊

ကမ္ဘာ ၄၈း၃
၃ ထိုအခါ ယာကုပ်က အနန္တတန်ခိုးရှင် ဘုရားသခင် (God Almighty, El Shaddai) သည်၊ ခါနာန်ပြည် လုဇမြို့၌ ငါ့အားထင်ရှား၍ ကောင်းကြီးပေးတော်မူလျက်၊

ကမ္ဘာ ၄၉း၂၅
၂၅ သင့်ကို မစတော်မူသော သင့်အဘ၏ ဘုရားသခင်အားဖြင့်၎င်း၊ သင့်ကို ကောင်းကြီးပေးတော်မူသော အနန္တတန်ခိုးရှင်အားဖြင့်၎င်း၊ ခိုင်မာလျက်ရှိ၏။ ထိုဘုရားသည် အထက်မိုးကောင်းကင်၏မင်္ဂလာ၊ အောက်နက်နဲသော အရပ်၏မင်္ဂလာ၊ သားမြတ်နှင့်ဆိုင်သောမင်္ဂလာ၊ ဝမ်းနှင့်ဆိုင်သောမင်္ဂလာတို့ဖြင့် သင့်ကို ကောင်းကြီးပေးတော်မူပါစေသော်။

ထွက် ၆း၃
၃ ငါသည် အာဗြဟံ၊ ဣဇာက်၊ ယာကုပ်တို့အား၊ အနန္တတန်ခိုးရှင်ဘုရားသခင်နာမ (El Shaddai, God Almighty) နှင့် ထင်ရှားသော်လည်း၊ ထာဝရဘုရားနာမ (YHWH, LORD) အားဖြင့် သူတို့သည် ငါ့ကိုမသိကြ။

တောလည် ၂၄း၄
၄ ဘဝင်ဖြစ်၍ မျက်စိပွင့်လျက် အနန္တတန်ခိုးရှင်၏ ရူပါရုံကို မြင်၍၊ ဘုရားသခင်၏ အမိန့်တော်ကို ကြားသောသူ၏ စကားဟူမူကား၊

တောလည် ၂၄း၁၆
၁၆ ဘဝင်ဖြစ်၍ မျက်စိပွင့်လျက်၊ အနန္တတန်ခိုးရှင်၏ ရူပါရုံကိုမြင်၍၊ အမြင့်ဆုံးသော ဘုရားပေးတော်မူသော ဥာဏ်ကိုရ၍၊ ဘုရားသခင်၏ အမိန့်တော်ကို ကြားသောသူ၏ စကားဟူမူကား၊

ရုသ ၁း၂၁
၂၁ ငါသည် ကြွယ်ဝ ပြည့်စုံလျက် ထွက်သွား၏။ ယခုမူကား ဆင်းရဲလျက် တစ်ကိုယ်တည်းရှိမှ၊ ထာဝရဘုရားသည် ငါ့ကို ပို့ပြန်တော်မူပြီ။ ထာဝရဘုရားလည်း ငါ့ကိုနှိမ့်ချ၍ အနန္တတန်ခိုးရှင်သည် ငါ့ကို ဆင်းရဲ စေတော်မူသည်ဖြစ်၍၊ နောမိအမည်ဖြင့် အဘယ်ကြောင့် ငါကိုခေါ်ကြသနည်း၊ ဟုပြန်ပြော၏၊

ယောဘ ၅း၁ရ
၁၇ အပြစ်နှင့်အလျောက် ဘုရားသခင် စစ်ဆေးတော်မူခြင်းကို ခံရသောသူသည် မင်္ဂလာရှိ၏၊၊ ထိုကြောင့် အနန္တတန်ခိုးရှင် ဆုံးမတော်မူခြင်းကို မထီမဲ့မြင် မပြုပါနှင့်။

ယောဘ ၁၁းရ
၇ သင်သည် ဘုရားသခင်၏ ဇာတိတော်ကိုစစ်၍ တွေ့နိုင်သလော။ အနန္တတန်ခိုးရှင်၏ ဇာတိကိုစစ်၍ အကုန်အစင် နားလည်နိုင်သလော၊၊

ယောဘ ၁၅း၂၅
၂၅ အကြောင်းမူကား ထိုသူသည်ဘုရားသခင်၏ အာဏာတော်ကို ဆန်လျက်၊ အနန္တတန်ခိုးရှင် တဘက်က နေ၍ ကိုယ်ကို ခိုင်ခံ့စေ၏။

ယောဘ ၂၁း၁၅
၁၅ အနန္တတန်ခိုးရှင်သည် အဘယ်သို့သောသူ ဖြစ်၍ငါတို့သည် ဝတ်ပြုရမည်နည်း၊၊ သူ့ကို ဆုတောင်းလျှင် အဘယ်ကျေးဇူး ရှိလိမ့်မည်နည်းဟူ၍၎င်း ဆိုတတ်ကြ၏၊၊ sမတရားသောသူတို့၌ ဖြစ်သောအရာ

ယောဘ ၂၂း၃
၃ သင်၏ ဖြောင့်မတ်ခြင်းအားဖြင့်၊ အနန္တတန်ခိုးရှင်သည်ကျေးဇူး ရှိတော်မူသလော။ သင်၏ အကျင့်၌ အပြစ်မပါကြောင်းကို ထင်ရှားစေသောအားဖြင့် အကျိုးစီးပွား ရှိတော်မူသလော၊၊

ယောဘ ၂၂း၁ရ
၁၇ အနန္တတန်ခိုးရှင်သည်ငါတို့အဘို့ အဘယ်သို့ ပြုနိုင်သနည်းဟူ၍၎င်း၊ ဆိုတတ်သော အဓမ္မလူတို့ လိုက်ဘူးသော လမ်းဟောင်းကို သင်သည် လိုက်ဦးမည်လော၊၊

ယောဘ ၂၂း၂၃-၂၆
၂၃ အနန္တတန်ခိုးရှင်ထံတော်သို့ ပြန်လာလျှင် တည်ဆောက်ခြင်း ရှိလိမ့်မည်။ သင့်အိမ်မှ ဒုစရိုက်ကို ပယ်ရှားလျှင်၊

ယောဘ ၂၃း၁၆
၁၆ ဘုရားသခင်သည် ငါ့စိတ်ပျက်စေခြင်းငှါ၎င်း၊ အနန္တတန်ခိုးရှင်သည် ငါကြောက်ရွှံ့စေခြင်း ငှါ၎င်း ပြုတော်မူ၏၊၊

ယောဘ ၂၄း၁
၁ အနန္တတန်ခိုးရှင်သည် အဘယ်ကြောင့် ကာလအချိန်တို့ကို သိုထားတော်မမူသနည်း၊၊ နားလည်သောသူတို့သည် တရားစီရင် တော်မူရာနေ့ရက်ကို အဘယ်ကြောင့် မမြင်ရသနည်း၊၊

ယောဘ ၂ရး၂
၂ ငါ့ကို အမှုရှုံးစေတော်မူသော ဘုရားသခင်၊ ငါ့ဝိညာဉ်ကို ညှဉ်းဆဲတော်မူသော အနန္တတန်ခိုးရှင်သည် အသက် ရှင်တော်မူသည်မှန်လျှင်၊

ယောဘ ၂ရး၁၀-၁၃
၁၀ ထိုသူသည် အနန္တတန်ခိုးရှင်၌ မွေ့လျော်လိမ့်မည်လော၊၊ ဘုရားသခင်ကို အစဉ်ပဌနာ ပြုလိမ့်မည်လော။

ယောဘ ၂၉း၅
၅ ထိုအခါ အနန္တတန်ခိုးရှင်သည် ငါ့ဘက်၌ ရှိတော်မူ၏၊၊ ငါ့သားသမီးတို့သည်လည်း ငါ့ကိုဝိုင်းလျက် နေကြ၏၊၊

ယောဘ ၃၁း၂
၂ သို့မဟုတ် အထက်အရပ်က ဘုရားသခင်သည် အဘယ်ကျေးဇူးကို၎င်း၊ မြင့်ရာအရပ်က အနန္တတန်ခိုးရှင်သည် အဘယ်သို့သော အမွေဥစ္စာကို၎င်း၊ ပေးတော်မူမည်နည်း၊၊

ယောဘ ၃၃း၄
၄ ဘုရားသခင်၏ ဝိညာဉ်တော်သည် ငါ့ကို ဖန်ဆင်းတော်မူပြီ၊၊ အနန္တတန်ခိုးရှင်၏ အသက်တော်သည် ငါ့ကို ဖန်ဆင်းတော်မူပြီ၊၊ အနန္တတန်ခိုးရှင်၏အသက်တော်သည် ငါ့ကို အသက်ရှည်တော်မူပြီ၊၊

ယောဘ ၃၄း၁၀-၁၂
၁၀ သို့ဖြစ်၍ဥာဏ်ကောင်းသောသူတို့၊ ငါ့စကားကိုနားထောင်ကြလော့၊၊ ဒုစရိုက်သည်ဘုရားသခင်နှင့်၎င်း၊ အပြစ်သည်အနန္တတန်ခိုးရှင်နှင့်၎င်း ဝေးပါစေ၊၊

ယောဘ ၃၅း၁၃
၁၃ အကယ်စင်စစ် ဘုရားသခင်သည် အချဉ်းနှီးသော စကားကို နားထောင်တော်မမူ၊၊ အနန္တတန်ခိုးရှင်သည် ထိုသို့သောစကားကို မမှတ်ဘဲ နေတော်မူ၏၊၊

ယောဘ ၃ရး၂၃
၂၃ အနန္တတန်ခိုးရှင်ကိုငါတို့သည် စစ်၍မကုန်နိုင်ကြ၊ အစွမ်း သတ္တိအားဖြင့်၎င်း၊ တရားစီရင်ခြင်းနှင့် ဖြောင့်မတ်ခြင်းအားဖြင့်၎င်း ထူးဆန်းတော်မူ၏၊၊ အဘယ်သူကိုမျှ ညှဉ်းဆဲတော်မမူ၊၊

ယောဘ ၄၀း၁
၁ တဖန် ထာဝရဘုရားက အနန္တတန်ခိုးရှင်ကို ဆုံးမသောသူသည် ဆန့်ကျင်ဘက် ပြုဦးမည်လော၊၊

ဆာ ၉၁း၁
၁ အမြင့်ဆုံးသော ဘုရား၏ ကွယ်ကာရာ ဌာနတော်၌ နေသောသူသည်၊ အနန္တတန်ခိုးရှင်၏ အရိပ်ကို ခိုရလိမ့်မည်။

ဟေရှာယ ၁၃း၆
၆ ထာဝရဘုရား၏ နေ့ရက်သည် နီးသောကြောင့်၊ ငိုကြွေးမြည် တမ်းကြလော့၊၊ အနန္တတန်ခိုးရှင် စီရင်တော်မူသော ဘေးအန္တရာယ်ကဲ့သို့ လာလိမ့်မည်၊၊

ယေဇ ၁း၂၄
၂၄ သူတို့သွားသောအခါ သမုဒ္ဒရာရေသံကဲ့သို့၎င်း၊ အနန္တတန်ခိုးရှင်၏အသံတော်ကဲ့သို့၎င်း၊ အတောင်တို့ မြည်သောသံကို ငါကြား၏။ စကားသံသည်လည်း လူအလုံးအရင်း၏ စကားသံကဲ့သို့ ဖြစ်၏။ ရပ်သောအခါ အတောင်တို့ကို ချလျက်နေကြ၏၊

ယေဇ ၁၀း၅
၅ အနန္တတန်ခိုးရှင်ဘုရားသခင် မိန့်မြွက်တော်မူသော အသံကဲ့သို့ ခေရုဗိမ်အတောင်တို့၏ အသံကို ကြားရ၏။

ယောလ ၁း၁၅
၁၅ ထိုနေ့ရက်ကြောင့် အမင်္ဂလာရှိ၏။ ထာဝရဘုရား၏ နေ့ရက်နီးပြီး။ အနန္တတန်ခိုးရှင် ဖျက်ဆီးခြင်းဘေးကဲ့သို့ ရောက်လာလိမ့်မည်။

CROSS REFERENCES

၄ ဓမ္မ ၁ရး၁၅
၁၅ စီရင်တော်မူချက်၊ ဘိုးဘေးတို့နှင့် ဖွဲ့တော်မူသော ပဋိညာဉ်၊ သူတို့၌ သက်သေခံတော်မူသော သက်သေတို့ကိုပယ်၍၊ အနတ္တတရားကို ကျင့်လျက် အချည်းနှီး သက်သက်ဖြစ်ကြ၏။ အကြင်တပါးအမျိုးသား ကျင့်သကဲ့သို့ မကျင့်ကြနှင့်၊ ဟုထာဝရဘုရား ပညတ်တော်မူ၏၊ ပတ်လည်၌ နေသော ထိုအမျိုးသား နောက်သို့လိုက်ကြ၏။

ယောဘ ၁၅း၃၁-၃၅
၃၁ အဘယ်သူမျှ လှည့်စားခြင်းကို ခံရ၍ အနတ္တကို မခိုလှုံစေနှင့်။သို့မဟုတ် အနတ္တ အကျိုးကို ခံရလိမ့်မည်။

ဆာ ၄း၂
၂ အချင်းလူသားတို့၊ အဘယ်မျှ ကာလပတ်လုံး ငါ၏ဘုန်းကို ရှုတ်ချကြမည်နည်း။ အဘယ်မျှ ကာလပတ်လုံး အနတ္တကိုနှစ်သက်၍ မုသာကို လိုက်ရှာကြမည်နည်း၊၊

ဆာ ၃၁း၆
၆ မုသာအနတ္တကို ဆည်းကပ်သော သူတို့ကို အကျွန်ုပ်သည် မုန်း၍ ထာဝရဘုရားကို ခိုလှုံပါ၏၊၊

ဆာ ၃၉း၅
၅ အကျွန်ုပ် အသက်တာကို တမိုက်မျှသာ ခန့်ထားတော်မူပြီ၊၊ အကျွန်ုပ်အရွယ်သည် ရှေ့တော်၌ ဘာမျှမဟုတ်သကဲ့သို့ ဖြစ်ပါ၏၊၊ အကယ်စင်စစ် လူမည်သည်ကား၊ လူ၏ အထွဋ်သို့ ရောက်သော်လည်း၊ အနတ္တ သက်သက်ဖြစ်ပါ၏၊၊

ဆာ ၃၉း၁၁
၁၁ ကိုယ်တော်သည် လူတို့အပြစ်ကြောင့် ဆုံးမ၍ ဒဏ်ခတ်တော်မူလျှင်၊ ပိုးရွဖျက်တတ်သကဲ့သို့ လူတို့၏ တင့်တယ်ခြင်း အသရေကို ပြက်ပျောက်စေတော်မူ၏၊၊ အကယ်စင်စစ် လူခပ်သိမ်းတို့သည် အနတ္တသက်သက် ဖြစ်ကြပါ၏၊၊

ဆာ ၆၂း၉
၉ အကယ်စင်စစ် ယုတ်ညံ့သောသူတို့သည် အနတ္တ၊အသရေ ရှိသောသူတို့သည် မုသာဖြစ်ကြ၏၊၊ ချိန်ခွင်နှင့် ချိန်စက်လျှင် ထိုသူ အပေါင်းတို့သည် အနတ္ တထက်သာ၍ ပေ့ါကြ၏၊၊

ဆာ ၁၁၉း၃ရ
၃၇ အနတ္တကိုပမာဏာမပြုစေခြင်းငှါ အကျွန်ုပ်မျက်စိကို အခြားသို့ လွှဲတော်မူပါ၊၊ လမ်းခရီးတော်၌ အကျွန်ုပ် အသက်ရှင် စေတော်မူပါ၊၊

သု ၂၁း၆
၆ မုသာစကားအားဖြင့်ဘဏ္ဍာကိုဆည်းဖူးခြင်းအမှုသည်၊ သေမင်းကျော့ကွင်းတို့တွင် ပျောက်လွင့်သောအနတ္တဖြစ်၏။

သု ၃၀း၈
၈ အကျွန်ုပ်မသေမှီတိုင်အောင်ငြင်းတော်မမူပါနှင့်။ အကျွန်ုပ်မှ အနတ္တနှင့်မုသာကိုပယ်တော်မူပါ။ ဆင်းရဲခြင်းနှင့်ငွေရတတ်ခြင်းကိုပေးတော်မမူပါနှင့်။ အသက်မွေးလောက်သောအစာကိုသာပေးတော်မူပါ။

ဒေ ၁း၁
၁ ဒါဝိဒ်၏သားတော်၊ ဓမ္မဒေသနာဆရာဖြစ်သော ယေရုရှလင်မင်းကြီး၏ စကားဟူမူကား၊

ဒေ ၁း၁၄
၁၄ နေရောင်အောက်မှာ ပြုလေသမျှသော အမှုအရာတို့ကို ငါမြင်ပြီ၊၊ အလုံးစုံတို့သည်အနတ္တအမှု၊ လေကို ကျက်စားသောအမှု ဖြစ်ကြ၏၊၊

ဒေ ၂း၁
၁ တဖန် ငါသည် ကိုယ်စိတ်နှလုံးထဲမှာ ပြောသည်ကား၊ လာပါ၊၊ ရွှင်လန်းခြင်းအားဖြင့် သင့်ကိုငါစုံစမ်းမည်၊၊ သို့ဖြစ်၍၊ ကာမဂုဏ်၌ ပျော်မွေ့လော့၊ ဟုဆိုရာတွင် ထိုအမှုအရာသည်လည်း အနတ္တဖြစ်လေ၏၊၊

ဒေ ၂း၁၁
၁၁ ထိုအခါ ငါစီရင်ပြုပြင်သမျှ၊ ငါကြိုးစားအားထုတ်သမျှတို့ကို ငါကြည့်ရှု၍၊ အလုံးစုံတို့သည် အနတ္တအမှု၊လေကို ကျက်စားသော အကျိုး တစုံတခုမျှ မရှိ။ s

ဒေ ၂း၁၅
၁၅ သို့ဖြစ်၍၊ မိုက်သောသူ တွေ့ကြုံသကဲ့သို့၊ ငါသည်တွေ့ကြုံလျှင်၊ အဘယ်ကြောင့် သူ့ထက်သာ၍ ပညာရှိသနည်းဟူ၍၎င်း၊ ဤအမှုအရာသည်လည်း အနတ္တဖြစ်သည်ဟူ၍၎င်း၊ ငါအောက်မေ့၏၊၊

ဒေ ၂း၁ရ
၁၇ ထို့ကြောင့် အသက်ရှင်ခြင်းကို ငါငြီးငွေ့၏၊၊ နေအောက်မှာ ပြုရသောမှုသည်ငါ၌ ခက်ခဲ၏၊၊ အလုံးစုံတို့သည် အနတ္တအမှု၊လေကို ကျက်စားသောအမှု ဖြစ်ကြ၏၊၊

ဒေ ၂း၁၉
၁၉ ထိုသူသည် ပညာရှိမည်လော၊ မိုက်မည်လော၊ ဟုအဘယ်သူ ပြောနိုင်သနည်း၊၊ ထိုသူသည် ငါကြိုးစား အားထုတ်သမျှ၊ နေအောက်မှာ ငါ့ပညာကို ထင်ရှားပြလေသမျှသော အမှုတို့ကို အစိုးရလိမ့်မည်၊၊ ထိုအမှုအရာသည်လည်း အနတ္တဖြစ်၏၊၊

ဒေ ၂း၂၁
၂၁ အကြောင်းမူကား ပညာရှိလျက် သိပ္ပံအတတ်နှင့် ပြည့်စုံလျက်၊ အမှုအောင်လျက် ကြိုးစားအားထုတ်သောသူ ဖြစ်သော်လည်း၊ မကြိုးစား၊ အားမထုတ်သောသူ ဝင်စရာဖို့ ထိုအမှုကို စွန့်ထားရမည်၊၊ ထိုအမှုအရာသည်လည်း အနတ္တအမှု၊ အလွန်ဆိုးသောအမှု ဖြစ်၏၊၊

ဒေ ၂း၂၃
၂၃ သူ၏နေ့ရက် အပေါင်းတို့သည်ဝမ်းနည်းခြင်း၊ သူ၏အလုပ်အကိုင်လည်း ငြိုငြင်ခြင်းဖြစ်၏၊၊ ညအခါ၌ပင် သူ၏စိတ်နှလုံး မငြိမ်ရ၊၊ ထိုအမှုအရာသည်လည်း အနတ္တဖြစ်၏၊၊

ဒေ ၂း၂၆
၂၆ ရှေ့တော်၌ ကောင်းသောသူအား ဥာဏ်ပညာ၊ သိပ္ပံအတတ်နှင့် ဝမ်းမြောက်ခြင်းအခွင့်ကို ပေးတော်မူ၏၊၊ အပြစ်ရှိသောသူအား ပင်ပန်းစွာ အလုပ်လုပ်ရသော အခွင့်ကို၎င်း၊ ဘုရားသခင်၏ ရှေ့တော်၌ ကောင်းသောသူအား ပေးစရာဖို့၊ ဆည်းဖူး သိုထားရသောအခွင့်ကို၎င်း၊ ပေးတော်မူ၏၊၊ ထိုအမှုအရာသည်လည်း အနတ္တအမှု၊လေကို ကျက်စားသောအမှု ဖြစ်၏၊၊

ဒေ ၃း၁၉
၁၉ လူသား တွေ့ကြုံသောအမှုကို တိရစ္ဆာန် တွေ့ကြုံတတ်၏။ ထိုနှစ်ဦးတို့သည် တပါးတည်းသောအမှုကို တွေ့ကြုံလျက်၊ တဦးသေသကဲ့သို့ တဦးသေတတ်၏။ အလုံးစုံတို့သည် အသက်တမျိုးတည်း ရှိကြ၏။ သို့ဖြစ်၍၊ လူသည် တိရစ္ဆာန် ထက်ထူးမြတ်သော အကြောင်းမရှိ။ အလုံးစုံတို့သည် အနတ္တဖြစ်ကြ၏။

ဒေ ၄း၄
၄ တဖန် ကြိုးစား အားထုတ်ခြင်းအမှုနှင့်၊ ကောင်းမွန်စွာ ပြီးစီးသော အမှုအလုံးစုံတို့ကို၎င်း၊ ထိုသို့သောအမှုတို့ကြောင့် သူတပါး ငြူစူကြောင်းကို၎င်း ငါဆင်ခြင်၏။ ထိုအမှုအရာသည် အနတ္တအမှု၊လေကို ကျက်စားသောအမှုဖြစ်၏။

ဒေ ၄းရ-၈
၇ တဖန်ငါထပ်၍၊ နေအောက်မှာ အနတ္တအမှုကို ဆင်ခြင်သောအရာဟူမူကား၊

ဒေ ၄း၁၆
၁၆ ထိုမင်းအုပ်စိုးသော သူအပေါင်းတို့ကို ရေတွက်၍ မကုန်နိုင်။ နောက်လာသော သူတို့သည်လည်း၊ ထိုမင်းကို အားမရဘဲ နေကြလိမ့်မည်။ အကယ်စင်စစ် ထိုအမှုအရာသည်လည်း အနတ္တအမှု၊ လေကို ကျက်စားသောအမှုဖြစ်၏။

ဒေ ၅း၁၀
၁၀ ငွေကိုတပ်မက်သောသူသည် ငွေနှင့် အလိုဆန္ဒမပြေနိုင်။ စည်းစိမ်ကို တပ်မက်သောသူသည် စည်းစိမ်တိုးပွားသော်လည်း မရောင့်ရဲနိုင်။ ထိုအမှုအရာသည်လည်း အနတ္တဖြစ်၏။

ဒေ ၆း၂
၂ အလိုဆန္ဒရှိသမျှ ပြေလောက်အောင် စည်းစိမ်ဥစ္စာ ဂုဏ်သရေကို ဘုရားသခင် ပေးသော်လည်း၊ ခံစားရသောအခွင့်ကို ပေးတော်မမူသောကြောင့်၊ ကိုယ်တိုင်မခံစားရ။ မဆိုင်သောသူ တပါးဝင်၍ ခံစားရသောအမှုသည် အနတ္တအမှု၊ဆိုးသောအမှုဖြစ်၏။

ဒေ ၆း၉-၁၂
၉ ကိုယ်တိုင် တွေ့မြင်ခြင်းအကျိုးသည် လောဘပြန့်ပွားခြင်း အကျိုးထက်သာ၍ ကြီး၏။ ထိုအမှုအရာသည် အနတ္တအမှု၊လေကိုကျက်စားသော အမှုဖြစ်၏။

ဒေ ရး၆
၆ အကြောင်းမူကား၊ မိုက်သောသူ၏ ရယ်ခြင်းသည် အိုးအောက်၌ ဆူးပင်ကိုလောင်သော အသံနှင့်တူ၏။ ထိုအမှုအရာသည်လည်း အနတ္တဖြစ်၏။

ဒေ ၈း၁၀
၁၀ ထိုမှတပါး၊ သန့်ရှင်းရာအရပ် ဌာနတော်သို့ သွားလာသော အဓမ္မလူတို့သည် သင်္ဂြိုလ်ခြင်း ခံရကြောင်းကို၎င်း၊ အဓမ္မပြုဘူးသော မြို့၌ သူတို့ကို အဘယ်သူမျှ မအောက်မေ့ကြောင်းကို၎င်း ငါမြင်ပြီ။ ထိုအမှုအရာသည်လည်း အနတ္တဖြစ်၏။

ဒေ ၉း၉
၉ နေအောက်မှာ ပေးသနားတော်မူသော အနတ္တအသက်ကာလပတ်လုံး၊ သင်ချစ်သော မယားနှင့်ရွှင်လန်းစွာ အသက်ကာလကိုလွန်စေလော့။ ဤရွေ့ကား၊ အသက်ရှင်၍နေအောက်မှာကြိုးစားအားထုတ်ရာ၌ သင်ခံရသောအကျိုးပေတည်း။

ဒေ ၁၂း၈
၈ အနတ္တသက်သက်၊ အလုံးစုံတို့သည် အနတ္တ ဖြစ်ကြသည်၊ ဟုဓမ္မဒေသနာဆရာ ဟောပြော၏။

ဟေရှာယ ၄၀း၁ရ
၁၇ ခပ်သိမ်းသော လူအမျိုးမျိုးတို့သည်၊ အဘယ်မျှ မဟုတ်သကဲ့သို့ ရှေ့တော်၌ ဖြစ်ကြ၏၊၊ အဘယ်မျှ မဟုတ်သော အရာထက် သာ၍ငယ်သကဲ့သို့၎င်း၊ အနတ္တကဲ့သို့၎င်း၊ မှတ်တော်မူ၏။ sလူလုပ်သော ဘုရားများ

ဟေရှာယ ၄၀း၂၃
၂၃ မင်းတို့ကိုရှုတ်ချ၍၊ မြေကြီး တရားသူကြီးတို့ကို အနတ္တကဲ့သို့ ဖြစ်စေတော်မူသောသူ ပေတည်း။

ဟေရှာယ ၄၁း၁၂
၁၂ သင်နှင့် ဆန့်ကျင်ဘက် ပြုသောသူတို့ကို သင်သည် ရှာ၍မတွေ့ရ၊၊ သင့်ကို စစ်တိုက်သော သူတို့သည် အဘယ်မျှ မဟုတ်သကဲ့သို့၎င်း၊ အနတ္တ သက်သက်ကဲ့သို့ ဖြစ်ကြလိမ့်မည်။

ဟေရှာယ ၅၉း၄
၄ တရားကို အဘယ်သူမျှမရှာ၊ သစ္စာကို အဘယ်သူမျှမစောင့်၊ အနတ္တကိုကိုးစား၍ မုသာစကားကို ပြောတတ်ကြ၏။ မကောင်းသောအကြံကို ပဋိသန္ဓေယူ၍၊ အဓမ္မအမှုကို ဖွားကြ၏။

ယေရမိအ ၂း၅
၅ ထာဝရဘုရား မိန့်တော်မူသည်ကား၊ သင်တို့၏ဘိုးဘေးတို့သည် ငါ့ထံမှဝေးစွာထွက်သွား၍၊ အနတ္တလမ်းသို့လိုက်လျက်၊ အနတ္တသက်သက်ဖြစ်ရမည်အကြောင်း၊ ငါ၌အဘယ်မည်သောအပြစ်ကို တွေ့ကြသနည်း။

ယေရမိအ ၁၆း၁၉
၁၉ အကျွန်ုပ်အစွမ်းသတ္တိ၊ အကျွန်ုပ်ရဲတိုက်၊ အမှုရောက်သောနေ့၌ အကျွန်ုပ်ခိုလှုံရာ ဖြစ်တော်မူသော ထာဝရဘုရား၊ တပါးအမျိုးသားတို့က၊ အကယ်စင်စစ် အကျွန်ုပ်တို့ ဘိုးဘေးတို့သည် မုသာ၊ အနတ္တ၊ အချည်းနှီးသော အရာတို့ကို အမွေခံကြပါပြီဟု မြေကြီးစွန်းမှ ကိုယ်တော်ထံသို့လာ၍ လျှောက်ကြပါလိမ့်မည်။ sငါသည် ထာ၀ရဘုရား ဖြစ်ကြောင်း သိကြမည်

ယောန ၂း၈
၈ မုသာအနတ္တကို မှီဝဲသောသူတို့သည် မိမိတို့ ကရုဏာခံရကြောင်းကို စွန့်ပစ်ကြပါ၏။

ဇာခရိ ၁၀း၂
၂ တေရပ်ရုပ်တုတို့သည် အနတ္တ စကားကို ပြောကြ၏။ ပရောဖက် လုပ်သောသူတို့သည် မုသာရူပါရုံကို မြင်၍၊ မမှန်သော အိပ်မက်ကို ဟောပြောကြ၏။ အချည်းနှီး နှစ်သိမ့်စေကြ၏။ ထိုကြောင့်၊ သိုးစုကဲ့သို့လည်သွား၍ သိုးထိန်းမရှိသောကြောင့် ဆင်းရဲခံရကြ၏။

၁၇ ငါ့စကားကို နားထောင်လော့။ ၁၈ တပါးအမျိုးသားနှင့် မရောနှော၊ ကိုယ်အမျိုး တမျိုးတည်းလျှင် မြေကို ပိုင်သောပညာရှိတို့သည်၊ ၁၉ ဘိုးဘေးလက်ထက်မှစ၍ မထိမ်မဝှက်၊ ပြောဖူးသောအရာ၊ ငါကိုယ်တိုင် မြင်သောအရာကို ငါပြသမည်၊၊ ၂၀ ဆိုးသောသူသည် တစ်သက်လုံး ဒုက္ခဆင်းရဲကို ခံရ၏၊၊ ညှဉ်းဆဲတတ်သော သူသည် မိမိအသက် အပိုင်းအခြားကို မသိရ၊၊ ၂၁ သူသည် ကြောက်မက်ဖွယ်သော အသံကို ကြားလျက်နေရ၏။ စည်းစိမ်ကို ခံစားစဉ်တွင် ဖျက်ဆီးသော သူသည် လာတတ်၏။ ၂၂ မှောင်မိုက်ထဲမှာ ဘေးလွတ်မည်၊ ဟုမျှော်လင့်စရာမရှိ။ ဓါးသည့်သူကို ချောင်းမြောင်းလျက် ရှိ၏၊၊ ၂၃ စားစရာကို ရှာ၍ လှည့်လည်ရ၏။ မိမိအဖို့ မှောင်မိုက်သော ကာလသည် အသင့်ရှိသည်ကို သိ၏။ ၂၄ ဆင်းရဲခြင်း ဒုက္ခနှင့် နာကြဉ်းခြင်း ဝေဒနာတို့သည် ထိုသူကို ခြောက်တတ်၏။ စစ်တိုက်ခြင်းငှာ အသင့်နေသော ရှင်ဘုရင်ကဲ့သို့၊ သူ့ကို နိုင်တတ်၏။ ၂၅ အကြောင်းမူကား ထိုသူသည်ဘုရားသခင်၏ အာဏာတော်ကို ဆန်လျက်၊ အနန္တတန်ခိုးရှင် [B] တဘက်က နေ၍ ကိုယ်ကို ခိုင်ခံ့စေ၏။ ၂၆ လည်ပင်းကို ဆန့်လျက်၊ ထူသော ဒိုင်းပုနှင့် ဆီးကာလျက်၊ ဘုရားသခင်ကို တိုက်အံ့သောငှာ ပြေး၏။ ၂၇ မိမိမျက်နှာကို ဆူဖြိုးခြင်းနှင့် ဖုံးအုပ်၍ ဝမ်းပျဉ်းအသားသည်လည်း ဆူဖြိုးလျက် အတွန့်တွန့် နေသည်။ ၂၈ သို့သော်လည်း လူဆိတ်သောမြို့ အဘယ်သူမျှ မနေ။ ၂၉ လဲလုသော အိမ်တို့၌ သူသည် နေရ၏၊၊ ငွေ မရတတ်ရ၊ သူ၏စည်းစိမ် မတည်ရ။ သူ၏ ဥစ္စာပစ္စည်းသည် မြေကြီးပေါ်မှာ မပြန့်ပွားရ။ ၃၀ သူသည် မှောင်မိုက်ဘေးနှင့် မလွတ်ရ။ မီးလျှံသည် သူ၏ အခက်လက်တို့ကို လောင်လိမ့်မည်၊၊ ဘုရားသခင်၏ နှုတ်တော် အသက်အားဖြင့်သုတ်သင် ဖယ်ရှင်းခြင်းကို ခံရ၏။ ၃၁ အဘယ်သူမျှ လှည့်စားခြင်းကို ခံရ၍ အနတ္တကို မခိုလှုံစေနှင့်။ [C]သို့မဟုတ် အနတ္တ အကျိုးကို ခံရလိမ့်မည်။ ၃၂ အချိန်မစေ့မှီ ဆုံးခြင်းသို့ ရောက်လိမ့်မည်။ သူ၏ အခက်အလက်သည် မစိမ်းရာ။ ၃၃ စပျစ်နွယ်ပင် ကဲ့သို့မိမိ၌ မမှည့်သော အသီးကို၎င်း၊ သံလွင်ပင်ကဲ့သို့ မိမိအပွင့်ကို၎င်း၊ ချွေရလိမ့်မည်။ ၃၄ အဓမ္မလူ၏ အသင်းသည် ဆိတ်ညံလိမ့်မည်။ တံစိုးစားသော သူတို့၏ နေရာသည် မီးလောင်လိမ့်မည်။ ၃၅ ထိုသူတို့သည် မကောင်းသော အကြံကို ပဋိသန္ဓေယူ၍ အနတ္တကို ဖွားတတ်ကြ၏။ သူတို့ဝမ်းထဲ၌ မုသာကို ကိုယ်ဝန်ဆောင်တတ်သည်၊ ဟုမြွက်ဆို၏၊၊