၃ ဓမ္မရာဇဝင်

အခန်းကြီး ၁၇

ဧလိယအားဖြင့် ဘုရားကမိုးခေါင်စေ

၁ ဂိလဒ်ပြည်တိရှဘိမြို့သားဧလိယက၊ ငါကိုးကွယ်သော ဣသရေလ အမျိုး၏ ဘုရားသခင် ထာဝရဘုရား အသက်ရှင်တော်မူသည်အတိုင်း၊ ငါ့အခွင့်မရှိဘဲ အင်တန်ကာလပတ်လုံးမိုးမရွာ၊ နှင်းမကျရ၊ ဟုအာဟပ်မင်းအား မြွတ်ဆို၏။ ၂ ထာဝရဘုရား၏ နှုတ်ကပတ်တော်သည် ဧလိယသို့ ရောက်လာသည်ကား၊ ၃ သင်သည် ဤအရပ်မှ ထွက်သွားလော့။ အရှေ့သို့ပြောင်း၍ ယော်ဒန်မြစ်တဘက်၊ ခေရိတ်ချောင်းနားမှာ ပုန်းရှောင်၍ နေလော့။ ၄ ထိုချောင်းရေကို သောက်ရမည်။ ကျီးအတို့သည် သင့်ကို ကျွေးမွေးမည်အကြောင်း ငါမှာထားပြီ၊ ဟုမိန့်တော်မူသည်အတိုင်း၊ ၅ ဧလိယသည်သွား၍ ယော်ဒန်မြစ်တဘက်၊ ခေရိတ်ချောင်းနားမှာ နေလေ၏။ ၆ ကျီးအတို့သည် နေ့တိုင်း နံနက်တခါ၊ ညဦးတခါမုန့်နှင့် အမဲသားကို ဆောင်ခဲ့ကြ၏။ ချောင်းရေကိုလည်း သောက်ရ၏။ ၇ နောက်တဖန် မိုးမရွာသောကြောင့် ချောင်းရေခန်းခြောက်လေ၏။ ၈ ထိုအခါ ထာဝရဘုရား၏ နှုတ်ကပတ်တော်သည် ရောက်လာသည်ကား၊ ၉ သင်ထလော့။ ဇိဒုန်ပြည်၊ ဇရတ္တမြို့သို့သွား၍ နေလော့။ ထိုမြို့၌ နေသော မုဆိုးမ တယောက်သည် သင့်ကို ကျွေးမွေးမည် အကြောင်း ငါမှာထားပြီ၊ ဟုမိန့်တော်မူသည်အတိုင်း၊

ဧလိယက မုဆိုးမထံရေနှင့် မုန့်တောင်း

CROSS REFERENCES

ဝတ်ပြုရာ ၅း၁၁-၁၉

ဟေဗြဲ ၉း၂၂

ဝတ်ပြုရာ ၅း၁၁-၁၉
၁၁ ခိုနှစ်ကောင်ဖြစ်စေ၊ ချိုးကလေးနှစ်ကောင်ဖြစ်စေ၊ တခုခုကို မတတ်နိုင်လျှင် ပြစ်မှားသောသူသည် အပြစ်ဖြေရာယဇ် အရာ၌ မုန့်ညက် တစ်ဩမဲကို ဆောင်ခဲ့၍ ဆက်ရမည်။ အပြစ်ဖြေရာယဇ် ဖြစ်သောကြောင့် ဆီကိုမလောင်းရ။ လောဗန်ကို မတင်ရ။

ဟေဗြဲ ၉း၂၂
၂၂ ပညတ်တရားအတိုင်း ခပ်သိမ်းသောအရာတို့ကို ကုန်မတတ်အသွေးအားဖြင့် စင်ကြယ်စေတတ်၏။%fo(d) အသွေးမသွန်းလောင်းဘဲ အပြစ်လွှတ်ခြင်းမရှိ။

CROSS REFERENCES

ကမ္ဘာ ၃၅း၁ရ
၁၇ ထိုသို့ ပြင်းစွာခံနေရစဉ်တွင်၊ ဝမ်းဆွဲက၊ မစိုးရိမ်နှင့်၊ သား ယောက်ျားကိုရပြီ၊ ဟုဆိုလေ၏။

ကမ္ဘာ ၄၆း၃
၃ ထာဝရဘုရားကလည်း၊ ငါသည် ဘုရားသခင်ဖြစ်၏။ သင့်အဘ၏ ဘုရားသခင်ဖြစ်၏။ အဲဂုတ္တုပြည်သို့ သွားမည်အခွင့်ကို မစိုးရိမ်နှင့်။ ငါသည် ထိုပြည်၌ သင့်ကို လူမျိုးကြီးဖြစ်စေမည်။

တရားဟော ၃၁း၈
၈ သင်ရှေ့မှာ ထာဝရဘုရားသည် ကိုယ်တိုင်ကြွ၍ သင်နှင့် ရှိတော်မူလိမ့်မည်။ သင့်ကို စွန့်တော်မမူ၊ ပစ်ထားတော်မမူ။ မစိုးရိမ်နှင့်၊စိတ်မပျက်နှင့်၊ ဟုဣသရေလ အမျိုးသား အပေါင်းတို့ ရှေ့မှာပြောဆို၏။ sဤပညတ်တရားကို ခုနစ်နှစ်စေ့ သကေနေပွဲတိုင်း၌ ဖတ်ရမည်

တရားသူ ၆း၂၃
၂၃ ထာဝရဘုရားက၊ ချမ်းသာပါစေ။ မစိုးရိမ်နှင့်။သင်သည် သေဘေးနှင့် လွတ်လျက်ရှိသည်၊ ဟုမိန့်တော်မူ၏။

ရုသ ၃း၁၁
၁၁ မစိုးရိမ်နှင့်ငါ့သမီး။ တောင်းသမျှကို ငါပြုမည်။ သင်သည် သီလနှင့် ပြည့်စုံသော မိန်းမဖြစ်ကြောင်းကို ငါ့လူမျိုးနေသော တစ်မြို့လုံးသိ၏။

၁ ဓမ္မ ၄း၂၀
၂၀ သေလုသောအခါ အနားမှာရှိသော မိန်းမတို့က၊ မစိုးရိမ်နှင့်၊သားယောက်ျားကို ဖွားမြင်ပြီ၊ ဟုဆိုသော်လည်း ပြန်မပြော၊ အမှုမထားဘဲ နေ၏။

၁ ဓမ္မ ၂၂း၂၃
၂၃ ငါနှင့်အတူနေပါလော့။ မစိုးရိမ်နှင့်။ငါ့အသက်ကို ရှာသောသူသည် သင့်အသက်ကိုရှာ၏။ ငါနှင့်အတူနေလျှင် ဘေးလွတ်ပါလိမ့်မည်၊ ဟု အဗျာသာအား ပြောဆို၏။

၁ ဓမ္မ ၂၃း၁ရ
၁၇ မစိုးရိမ်နှင့်၊ သင်သည် ကျွန်ုပ်အဘ ရှောလု၏လက်မှ လွတ်၍ ဣသရေလ ရှင်ဘုရင် ဖြစ်လိမ့်မည်။ ကျွန်ုပ်သည်လည်း သင့်အောက်မှာ အရာကြီးလိမ့်မည်။ ထိုသို့ဖြစ်မည်ကို ကျွန်ုပ်အဘ ရှောလု သိသည်၊ ဟုဆိုသဖြင့်၊

၁ ဓမ္မ ၂၈း၁၃
၁၃ ရှင်ဘုရင်က မစိုးရိမ်နှင့်။အဘယ်အရာကို မြင်သနည်း၊ ဟုမေးသော်၊ မိန်းမက မြေကြီးထဲက ဘုရားတက်လာသည်ကို ကျွန်မမြင်ပါသည်၊ ဟုလျှောက်၏။

၃ ဓမ္မ ၁ရး၁၃
၁၃ ဧလိယကလည်း မစိုးရိမ်နှင့်။သင်ဆိုသည် အတိုင်းသွား၍ ပြုလော့။ သို့ရာတွ င်ငါ့အဘို့ မုန့်ပြားငယ်တပြားကို အရင်လုပ်၍ ယူခဲ့လော့။ နောက်မှ သင်နှင့်သင်၏ သားငယ်အဘို့ လုပ်လော့။

၁ ရာ ၂၈း၂၀
၂၀ သားတော် ရှောလမုန်အားလည်း၊ သင်သည် အားယူ၍ ရဲရင့်သောစိတ်နှင့် လုပ်ဆောင်လော့။ မစိုးရိမ်နှင့်။ စိတ်မပျက်နှင့်။ ငါ၏ ဘုရားသခင် ထာဝရအရှင် ဘုရားသခင်သည် သင်နှင့်အတူ ရှိတော်မူလိမ့်မည်။ ထာဝရဘုရား၏ အိမ်တော်အမှုကို ဆောင်ရွက်ရာဘို့ လုပ်ဆောင်၍ လက်စမသတ်မှီ တိုင်အောင် သင့်ကို စွန့်တော်မမူ။ ပစ်ထားတော်မမူ။

ဆာ ၄၉း၁၆
၁၆ သူတပါးသည် ဥစ္စာကြွယ်ဝ၍ အိမ်၏ ဂုဏ်အသရေ တိုးပွားသောအခါ သင်သည် မစိုးရိမ်နှင့်၊၊

ဟေရှာယ ရး၄
၄ သတိပြု၍ ငြိမ်သက်စွာနေလော့၊၊ မီးခိုးထွက်သော ဤထင်းစနှစ်ခုတည်းဟူသော ရှုရိမင်းရေဇိန်နှင့် ရေမလိ၏သားတို့သည် ပြင်းစွာ အမျက်ထွက်သော်လည်း၊ မစိုးရိမ်နှင့်၊ စိတ်မပျက်နှင့်၊၊

ဟေရှာယ ၄၁း၆
၆ အိမ်နီးချင်း တယောက်ကို တယောက်မစ၍၊ ညီအစ်ကိုချင်း တယောက်ကို တယောက်၊ မစိုးရိမ်နှင့်၊ ဟုဆိုကြ၏။

ဟေရှာယ ၄၁း၁၀
၁၀ မစိုးရိမ်နှင့်။ငါသည် သင့်ဘက်မှာရှိ၏။ မကြောက်နှင့်။ သင်၏ ဘုရားသခင် ငါသည် သင့်ကို ခိုင်ခံ့စေမည်။ သင့်ကို စောင့်မမည်။ ငါ့သစ္စာ လက်ျာလက်ဖြင့် ထောက်ပင့်မည်။

ဟေရှာယ ၄၁း၁၃-၁၄
၁၃ အကြောင်းမူကား၊ သင်၏ ဘုရားသခင် ထာဝရဘုရားက၊ မစိုးရိမ်နှင့်။ ငါမစမည်၊ ဟုသင့်အား ဆိုလျက်၊ သင်၏ လက်ျာလက်ကို ကိုင်မည်။

ဟေရှာယ ၄၃း၁
၁ အိုယာကုပ်အမျိုး ဣသရေလ အနွယ်၊ သင့်ကို ဖန်ဆင်း ပြုပြင်တော်မူသော ထာဝရဘုရား မိန့်တော်မူသည်ကား၊ မစိုးရိမ်နှင့်။ သင့်ကို ငါရွေးနှုတ်ပြီ။ ငါ့နာမဖြင့် မှည့်ပြီ။ သင့်ကို ငါဆိုင်၏။

ဟေရှာယ ၄၃း၅
၅ မစိုးရိမ်နှင့်။ငါသည် သင်နှင့်အတူရှိ၏။ အရှေ့မျက်နှာမှ သင်၏ အမျိုးအနွယ်ကို ငါဆောင်ခဲ့မည်။ အနောက်မျက်နှာမှ သင့်ကိုစုသိမ်းမည်။

ဟေရှာယ ၄၄း၂
၂ သင့်ကို ဖန်ဆင်းတော်မူသော ဘုရား၊ ဖွားစကပင် သင့်ကို ပြုပြင်၍၊ နောင်၌လည်း မစလတံ့သော ထာဝရဘုရား မိန့်တော်မူသည်ကား၊ ငါ့ကျွန်ယာကုပ်၊ ငါရွေးကောက်သောသူယေရှုရုန်၊%fo(a) မစိုးရိမ်နှင့်။

ဟေရှာယ ၅၄း၄
၄ မစိုးရိမ်နှင့်။ရှက်ကြောက်ခြင်းသို့ မရောက်ရ၊၊ မျက်နှာမပျက်နှင့်။ အရှက်ကွဲခြင်းမခံရ။ အသက်ငယ်စဉ်အခါ ခံရသော ရှက်ကြောက်ခြင်းကို မေ့လျော့လိမ့်မည်။ မုဆိုးမဖြစ်၍ ခံရသော ကဲ့ရဲ့ခြင်းကို နောက်တဖန် မအောက်မေ့ရ။ sထာ၀ရဘုရား ဣသရေလ၏လင်

ယောလ ၂း၂၁-၂၂
၂၁ အိုပြည်တော်၊ မစိုးရိမ်နှင့်။ ဝမ်းမြောက်ရွှင်လန်းခြင်းရှိလော့။ ထာဝရဘုရားသည် ကြီးသောအမှုတို့ကို ပြုတော်မူမည်။

ဇေဖနိ ၃း၁၆
၁၆ မစိုးရိမ်နှင့်၊ ဟုယေရုရှလင်မြို့အား၎င်း၊ လက်အားမလျော့စေနှင့်၊ ဟုဇိအုန်တောင်အား၎င်း၊ ထိုအခါဆိုရ၏။

ဟဂ္ဂဲ ၂း၅
၅ အဲဂုတ္တု ပြည်မှ ထွက်သွားသောအခါ သင်တို့နှင့် ငါဖွဲ့သော ပဋိညာဉ်စကားနှင့်အညီ ငါသည်သင်တို့နှင့် အတူရှိ၏။ ငါ၏ ဝိညာဉ်တော်သည် သင်တို့တွင် နေရာကျ၏။ မစိုးရိမ်ကြနှင့်၊ ဟုကောင်းကင် ဗိုလ်ခြေအရှင် ထာဝရဘုရား မိန့်တော်မူ၏။ sနောက်အိမ်တော်သည် သာ၍ ဘုန်းကြီးမည်

ဇာခရိ ၈း၁၃-၁၅
၁၃ အိုယုဒအမျိုးနှင့် ဣသရေလ အမျိုးတို့ သင်တို့သည် တပါးအမျိုးသားတို့တွင် ကျိန်ဆဲရာ ဖြစ်ဘူးသကဲ့သို့၊ ကောင်းကြီးခံရာ ဖြစ်စေခြင်းငှါ၊ ငါကယ်တင်မည်။ မစိုးရိမ်ဘဲ လက်အားကြီးကြလော့။

မဿဲ ၁း၂၀
၂၀ ထိုသို့ကြံစည်၍ နေစဉ်တွင် အိပ်မက်ကို မြင်ရသည်မှာ၊ ထာဝရဘုရား၏ ကောင်းကင်တမန်သည် ထင်ရှား၍၊ ဒါဝိဒ်အမျိုး ယောသပ်၊ သင်၏ခင်ပွန်း မာရိကို ထိန်းသိမ်းရမည့် အခွင့်ကို မစိုးရိမ်နှင့်။ ဤပဋိသန္ဓေသည် သန့်ရှင်းသော ဝိညာဉ်တော်ကြောင့် ဖြစ်၏။

မဿဲ ၉း၂
၂ လက်ခြေသေ၍ အိပ်ရာပေါ်မှာ တုံးလုံးနေသော သူတစ်ယောက်ကို အထံတော်သို့ ဆောင်ခဲ့ကြ၏။ ယေရှုသည် ထိုသူတို့၏ ယုံကြည်ခြင်းကို မြင်လျှင်၊ လက်ခြေသေသောသူအား၊ ငါ့သားမစိုးရိမ်နှင့်။ သင်၏ အပြစ်ကို လွတ်စေပြီ၊ ဟုမိန့်တော်မူ၏။

မဿဲ ၉း၂၂
၂၂ ယေရှုသည် လှည့်၍ ထိုမိန်းမကို မြင်တော်မူလျှင်၊ ငါ့သမီး မစိုးရိမ်နှင့်၊ သင်၏ ယုံကြည်ခြင်းသည် သင့်အနာကို ငြိမ်းစေပြီ၊ ဟုမိန့်တော်မူ၏။ ထိုခဏမှစ၍ ထိုမိန်းမသည် အနာ ကင်းပျောက်လေ၏။ s တရားစရပ်မှုး၏ သမီးရှင်စေ

မာကု ၁၀း၄၉
၄၉ ယေရှုသည် ရပ်တော်မူလျက်၊ ထိုသူကိုခေါ်ခဲ့၊ ဟုအမိန့်တော်ရှိ၏။ သူတပါးတို့သည် လူကန်းကိုခေါ်၍ မစိုးရိမ်နှင့်၊ ထလော့။ သင့်ကိုခေါ်တော်မူသည်၊ ဟုဆိုကြ၏။

လု ၈း၄၈
၄၈ ကိုယ်တော်ကလည်းငါ့သမီး၊ မစိုးရိမ်နှင့်။ သင်၏ယုံကြည်ခြင်းသည် သင့်အနာကိုငြိမ်းစေပြီ။ ငြိမ်ဝပ်စွာသွားလော့၊ ဟုမိန့်တော်မူ၏။ s ယာဣရုသမီးပြန်ရှင်

လု ၁၀း၄၁
၄၁ ယေရှုက၊ မာသ၊ မာသ၊ သင်သည်များစွာသောအမှုတို့၌ စိုးရိမ်၍၊ နှောင့်ရှက်ခြင်းကို ခံရ၏။ လိုသောအရာတခုတည်းရှိ၏။

လု ၁၂း၁၁
၁၁ သင်တို့ကို တရားစရပ်သို့၎င်း၊ အကဲအမှူးမင်းများ ရှေ့သို့၎င်း၊ ပို့ဆောင်ကြသောအခါ အဘယ်သို့ ပြန်ပြောရမည်ကို၊ မစိုးရိမ်ကြနှင့်။

လု ၁၂း၂၂
၂၂ တဖန် တပည့်တော်တို့အား မိန့်တော်မူသည်ကား၊ ထိုကြောင့် သင်တို့သည် အဘယ်သို့ စားရမည်ဟူ၍၊ အသက်အဘို့ မစိုးရိမ်ကြနှင့်။ အဘယ်သို့ ဝတ်ရမည်ဟူ၍၊ ကိုယ်အဘို့ မစိုးရိမ်ကြနှင့်၊ ဟုငါဆို၏။

တမန် ၂၃း၁၁
၁၁ နက်ဖြန်နေ့ညတွင် သခင်ဘုရားသည် ပေါလုအနား၌ ပေါ်လာတော်မူလျက်၊ ပေါလုမစိုးရိမ်နှင့်။ ငါ၏အကြောင်းအရာကို သင်သည် ယေရုရှလင်မြို့၌ သက်သေခံပြီးသည်နည်းတူ၊ ရောမမြို့၌ လည်း ခံရဦးမည်၊ ဟုမိန့်တော်မူ၏။

တမန် ၂ရး၂၄
၂၄ ပေါလု၊ သင်သည် မစိုးရိမ်နှင့်၊ ကဲသာဘုရင်ရှေ့သို့ ရောက်ရမည်။ သင်နှင့်အတူ ပင်လယ်ကူးသောသူ အပေါင်းတို့ကို၊ ဘုရားသခင်သည် သင့်အား ပေးတော်မူပြီဟုဆို၏။

ဖိလိ ၄း၆
၆ အဘယ်အမှုကိုမျှ စိုးရိမ်ခြင်းမရှိဘဲ၊ အရာရာ၌ ကျေးဇူးတော်ကို ချီးမွမ်းခြင်းနှင့်တကွ၊ ဆုတောင်း ပဌနာပြုသောအားဖြင့်၊ သင်တို့ တောင်းပန်လိုသော အရာများတို့ကို၊ ဘုရားသခင်အား ကြားလျှောက်ကြလော့။

၁ ပေ ၅း၇
၇ သင်တို့ကို သတိနှင့် ကြည့်ရှုတော်မူသောကြောင့်၊ သင်တို့၌ စိုးရိမ်ခြင်းအမှုရှိသမျှတို့ကို ကိုယ်တော်၌ အပ်နှံကြလော့။

၁၀ ဧလိယသည် ထ၍ ဇရတ္တမြို့သို့ သွား၏။ မြို့တံခါးသို့ ရောက်သောအခါ၊ မုဆိုးမသည် ထင်းခွေလျက်ရှိ၏။ ဧလိယက၊ ငါသောက်စရာ ရေအနည်းငယ်ကို ခွက်နှင့် ယူခဲ့ပါလော့၊ ဟုဟစ်၍ ဆို၏။ ၁၁ မိန်းမသည် ရေကိုယူခြင်းငှါ သွားစဉ်တွင်၊ တဖန်ဟစ်၍ မုန့်တဖဲ့ကိုလည်း သင့်လက်၌ ယူခဲ့ပါလော့၊ ဟုဆိုပြန်လျှင်၊ ၁၂ မိန်းမက၊ သင်၏ ဘုရားသခင် ထာဝရဘုရား အသက် ရှင်တော်မူသည်အတိုင်း၊ မုန့်ပြားတပြားမျှမရှိ။ အိုးထဲမှာ မုန့်ညက် တလက်ဆုပ်၊ ဘူး၌ ဆီအနည်းငယ်သာ ရှိ၏။ ကျွန်မနှင့် သားငယ်အဘို့ ဖုတ်၍ စားလိုသောငှါ၎င်း၊ စားပြီးမှ သေလိုသောငှါ၎င်း၊ ထင်းစနှစ်ခုကို ယခုခွေပါ၏၊ ဟုပြန်ပြော၏။ [A] ၁၃ ဧလိယကလည်း မစိုးရိမ်နှင့်။ [B]သင်ဆိုသည် အတိုင်းသွား၍ ပြုလော့။ သို့ရာတွ င်ငါ့အဘို့ မုန့်ပြားငယ်တပြားကို အရင်လုပ်၍ ယူခဲ့လော့။ နောက်မှ သင်နှင့်သင်၏ သားငယ်အဘို့ လုပ်လော့။ ၁၄ ဣသရေလ အမျိုး၏ ဘုရားသခင် ထာဝရဘုရား မိန့်တော်မူသည်ကား၊ ထာဝရဘုရားသည် မြေပေါ်မှာ မိုးရွာစေတော်မမူမှီတိုင်အောင်၊ အိုး၌ ရှိသော မုန့်ညက်မကုန်။ ဘူး၌ ရှိသော ဆီမလျော့ရ၊ ဟုမိန့်တော်မူကြောင်းကို ဆင့်ဆို၏။

မုဆိုးမ၏သား အသက်ပြန်ရှင်စေ

CROSS REFERENCES

ယာကုပ် ၂း၂၆

ယာကုပ် ၂း၂၆
၂၆ ဝိညာဉ်နှင့် ကင်းသော ကိုယ်သည် အသေဖြစ်သကဲ့သို့၊ အကျင့်နှင့် ကင်းသော ယုံကြည်ခြင်းသည် အသေဖြစ်၏။

CROSS REFERENCES

၄ ဓမ္မ ၄း၃၄-၃၅

၄ ဓမ္မ ၄း၃၄-၃၅
၃၄ သူငယ်၏ အနီးအပါးသို့ချဉ်း၍ သူတို့အပေါ်မှာ အိပ်လျက် နှုတ်ချင်း၊ မျက်စိချင်း၊ လက်ချင်းထပ်လျက်၊ သူငယ်အပေါ်မှာ ကိုယ်ကိုလှန်သဖြင့် သူငယ်အသားသည် နွေးစရှိ၏။

၁၅ ထိုမုဆိုးမသည် သွား၍ ဧလိယ စကားအတိုင်း ပြုသဖြင့်၊ ဧလိယနှင့်တကွ ကိုယ်တိုင်မှစ၍၊ အိမ်သားတို့သည် အင်တန် ကာလပတ်လုံး စားရကြ၏။ ၁၆ ထာဝရဘုရားသည် ဧလိယအားဖြင့် မိန့်တော်မူသော စကားအတိုင်း၊ အိုး၌ ရှိသော မုန့်ညက်မကုန်၊ ဘူး၌ ရှိသောဆီမလျော့။ ၁၇ ထိုနောက်မှ အိမ်ရှင်မ၏သားသည် ပြင်းပြစွာသော အနာရောဂါ စွဲသောကြောင့် အသက်ချုပ်၏။ ၁၈ မိန်းမကလည်း၊ အိုဘုရားသခင်၏လူ၊ ကိုယ်တော်သည် ကျွန်မနှင့် အဘယ်သို့ ဆိုင်သနည်း။ ကျွန်မအပြစ်တို့ကို အောက်မေ့စေ၍၊ ကျွန်မသားကို သတ်အံ့သောငှါ ကျွန်မဆီသို့ ကြွလာတော်မူသလော၊ ဟုဧလိယအား ဆိုသော်၊ ၁၉ သင်၏သားကို ငါ့အား ပေးလော့၊ ဟုဆိုလျက်၊ မိန်းမရင်ခွင်ထဲကယူ၍ မိမိနေရာ အထက်အခန်းသို့ ဆောင်သွားသဖြင့်၊ မိမိအိပ်ရာပေါ်မှာ ထားပြီးလျှင်၊ ၂၀ အကျွန်ုပ်၏ ဘုရားသခင် ထာဝရဘုရား၊ အကျွန်ုပ် တည်းခိုသော ဤမုဆိုးမ၌ ဘေးဥပဒ်ပြု၍၊ သူ၏သားကို သေစေတော်မူမည်လော၊ ဟုထာဝရဘုရားကို ကြွေးကြော်လေ၏။ ၂၁ တဖန် သူငယ်အပေါ်မှာ မိမိကိုယ်ကို သုံးကြိမ်လှန်လျက်၊ အကျွန်ုပ်၏ ဘုရားသခင် ထာဝရဘုရား၊ ဤသူငယ်၏ ဝိညာဉ်(a) ကို တဖန် ဝင်စေတော်မူပါဟု [C] ထာဝရဘုရားကို ကြွေးကြော်ပြန်၏။ ၂၂ ဧလိယစကားကို ထာဝရဘုရား ကြားတော်မူ၍၊ သူငယ်၏ ဝိညာဉ်သည် ဝင်သဖြင့်၊ သူသည် အသက်ရှင်ပြန်၏။ [D] ၂၃ ဧလိယသည် သူငယ်ကို အထက်အခန်းမှ အောက်သို့ယူသွား၍ ကြည့်လော့။ သင်၏သား အသက်ရှင်ပြီ၊ ဟုဆိုလျက် အမိ၌ အပ်လေ၏။ ၂၄ မိန်းမကလည်း၊ ဤအမှုကို ထောက်ထား၍ ကိုယ်တော်သည် ဘုရားသခင် ၏လူ ဖြစ်ကြောင်းကို၎င်း၊ ကိုယ်တော် ဆင့်ဆိုသော ထာဝရဘုရား၏ စကားတော် ဟုတ်မှန်ကြောင်းကို၎င်း၊ ကျွန်မသိပါသည်၊ ဟုဧလိယအားဆို၏။

_________________________
Footnotes

၂၁ (a) נֶֽפֶשׁ־ အင်္ဂလိပ်အသံထွက် ne·p̄eš- Soul or life ဝိညာဉ်သို့မဟုတ်အသက်