ဒံယေလ အနာဂတ္တိ

အခန်းကြီး ၈

ချိုနှစ်ချောင်းရှိသောသိုး၊ မေဒိပေရသိနိုင်ငံ

၁ ဗေလရှာဇာမင်းကြီး နန်းစံသုံးနှစ်တွင်၊ ငါဒံယေလသည် ယခင် ဗျာဒိတ်တော်ကို မြင်ပြီးသည်နောက်၊ တဖန် ဗျာဒိတ်ရူပါရုံကို မြင်ရသော အကြောင်းအရာဟူမူကား၊ ၂ ဧလံပြည်၊ ရှုရှန်မြို့တော်၌ ဥလဲမြစ်နားမှာ ငါရှိစဉ်၊ ရူပါရုံထင်ရှား၍၊ ၃ ငါမျှော်ကြည့်သော၊ ရှည်လျားသော ချိုနှစ်ချောင်းရှိသော သိုးတစ်ကောင်သည် မြစ်တဘက်၌ ရပ်နေ၏။ ထိုချိုနှစ်ချောင်းသည် မညီ၊ တစ်ချောင်းသာ၍ ရှည်၏။ သာ၍ ရှည်သောချိုသည် နောက်ပေါက်သတည်း။ ၄ ထိုသိုးသည် အနောက်၊ တောင်၊ မြောက်၊ သုံးမျက်နှာသို့ တိုးခွေ့သောကြောင့် အဘယ်တိရစ္ဆာန်မျှ မခံနိုင်၊ အဘယ်သူမျှ သူ့လက်မှ မကယ်မလွှတ်နိုင်သည် ဖြစ်၍၊ မိမိအလိုရှိသည်အတိုင်း ပြုသဖြင့် ကြီးမားခြင်းသို့ ရောက်လေ၏။

ချိုတစ်ချောင်းနှင့်ဆိတ်၊ ဂရိတ်နိုင်ငံ

၅ ထိုအမှုကို ငါဆင်ခြင်လျက် နေသောအခါ၊ မျက်စိနှစ်လုံးကြား၌ ထူးဆန်းသော ချိုတချောင်းရှိသော ဆိတ်တကောင်သည် အနောက် မျက်နှာကလာ၍၊ မြေကိုမနင်းဘဲ မြေကြီးတပြင်လုံးကို ကျော်လေ၏။ ၆ ချိုနှစ်ချောင်းနှင့် မြစ်တဘက်၌ ထင်ရှားသော သိုးရှိရာသို့ ပြင်းစွာသော အဟုန်နှင့်ပြေး၍၊ ၇ အနားသို့ ရောက်သောအခါ၊ ပြင်းစွာ အမျက်ထွက်သဖြင့် သိုးကိုခတ်၍ သိုးချို နှစ်ချောင်းကို ချိုးဖဲ့၏။ သိုးသည် ခံနိုင်သော တန်ခိုးမရှိသည်ဖြစ်၍၊ ဆိတ်သည် သူ့ကိုမြေ၌ လှဲ၍နင်းလေ၏။ သူ့လက်မှ အဘယ်သူမျှ မကယ်မလွှတ်နိုင်။ ၈ သို့ဖြစ်၍၊ ထိုဆိတ်သည် အလွန်ကြီးမားခြင်းသို့ ရောက်လေ၏။ ခွန်အားကြီးသောအခါ ချိုကြီး ကျိုးပဲ့၏။ ထိုချိုအရာ၌ ထူးဆန်သော ချိုလေးချောင်းပေါက်၍၊ မိုးကောင်းကင် လေးမျက်နှာသို့ မျက်နှာပြုကြ၏။

ချိုလေးချောင်းမှ ချိုတက်ပေါက်

CROSS REFERENCES

၃ ဓမ္မ ၂း၄
၄ သင်၏သားမြေးတို့သည် စိတ်နှလုံးအကြွင်းမဲ့ ငါရှေ့မှာ သမ္မာတရား ၌ ကျင်လည်ခြင်းငှာ မိမိတို့ သွားရာလမ်းကို သတိပြုလျှင် ဣသရေလနိုင်ငံ ရာဇပလ္လင်ပေါ်မှာ ထိုင်ရသော သင်၏အမျိုး မင်းရိုး မပြတ်ရာဟု မိန့်တော်မူသော စကားတော်တည်၍ သင်သည် ပြုလေရာရာ သွားလေရာရာ၌ အောင်မြင်မည်အကြောင်း သင်၏ ဘုရားသခင် ထာဝရဘုရား၏ လမ်းတော်သို့လိုက်၍ မောရှေ၏ ပညတ္တိကျမ်း၌ ပါသော စီရင်ထုံးဖွဲ့ချက်၊ သက်သေခံချက်၊ ပညတ်တရားတော်တို့ကို စောင့်ရှောက်စေခြင်းငှာ မှာထားတော်မူသော စကားကို နားထောင်လော့။ sဒါဝိဒ်မင်းသည် ယွာဘ၊ ဗာဇိလဲနှင့် ရှိမိတို့နှင့် ဆိုင်သော အမှာစကား

၃ ဓမ္မ ၃း၆
၆ ရှောလမုန်ကလည်း ကိုယ်တော်၏ကျွန် အကျွန်ုပ်၏ အဘဒါဝိဒ်သည် ရှေ့တော်၌ သဘောဖြောင့်၍ သမ္မာတရား၊ ဖြောင့်မတ်ခြင်း တရားအတိုင်း ကျင့်သည်နှင့်အညီ၊ သူ၌များစွာသော ကျေးဇူးကို ပြုတော်မူပြီ။ ယနေ့တွင် ရှိသည်အတိုင်း သူ၏ ရာဇပလ္လင်ပေါ်မှာ ထိုင်ရသောသားကို သူ့အား ပေးသနားတော်မူသဖြင့် သူ့အဖို့ ကျေးဇူးတရားကို စောင့်ရှောက်တော်မူပြီ။

၂ ရာ ၃၁း၂၀
၂၀ ထိုသို့ ဟေဇကိသည် ယုဒပြည် တရှောက်လုံးတွင် စီရင်၍၊ မိမိ ဘုရားသခင် ထာဝရဘုရား ရှေ့တော်၌ ကောင်းသောအမှု၊ ဖြောင့်မတ်သောအမှု၊ သမ္မာတရားအမှုတို့ကို ပြုတော်မူ၏။

ဆာ ၂၅း၅
၅ ကိုယ်တော်၏ သမ္မာတရားကိုပြ၍၊ အကျွန်ုပ်ကို သွန်သင်တော်မူပါ၊၊ အကြောင်းမူကား ကိုယ်တော်သည် အကျွန်ုပ်ကို ကယ်တင်သော ဘုရားသခင် ဖြစ်တော်မူ၏၊၊ ကိုယ်တော်ကို အစဉ်မြော်လင့်လျက် နေပါ၏၊၊

ဆာ ၂၆း၃
၃ အကျွန်ုပ်သည် မေတ္တာ ကျေးဇူးတော်ကို မျက်မှောက်ပြု၍၊ သမ္မာတရား %fo(a)နှင့်အညီ ကျင့်ပါ၏၊၊

ဆာ ၃၃း၄
၄ အကြောင်းမူကား ထာဝရဘုရား၏ နှုတ်ကပတ်တော်သည် ဖြောင့်မတ်ပေ၏၊၊ စီရင်တော်မူသမျှသော အမှုတို့သည်လည်း သမ္မာတရား %fo(a)နှင့် ညီကြ၏၊၊

ဆာ ၃ရး၃
၃ ထာဝရ ဘုရားကို ခိုလှုံ၍ကောင်းသော အကျင့်ကိုကျင့်လော့၊၊ ပြည်တော်၌နေ၍ သမ္မာတရားကို ကျက်စားလော့၊၊

ဆာ ၄၅း၄
၄ သမ္မာတရား %fo(a)နူးညံ့ခြင်းတရား၊ ဖြောင့်မတ်ခြင်း တရားကြောင့် အသရေ တော်ထင်ရှားလျက် အောင်မြင်၍ စီးသွားတော်မူပါ၊၊ လက်ျာလက်တော်လည်း ကြောက်မက်ဘွယ်သော အရာကို ကိုယ်တော်အား ပြပါလိမ့်မည်။

ဆာ ၈၆း၁၁
၁၁ အိုထာဝရဘုရား၊ ကိုယ်တော်၏ လမ်းကို အကျွန်ုပ်အား ပြညွှန်တော်မူပါ။ ကိုယ်တော်၏ သမ္မာတရားလမ်းသို့ လိုက်သွားပါမည်။ နာမတော်ကို ကြောက်ရွံ့မည့်အကြောင်း၊ အကျွန်ုပ်၏နှလုံးကို စေ့စပ်စေတော်မူပါ။

သု ၃း၃
၃ ကရုဏာတရားနှင့် သမ္မာတရား %fo(a)ကို သင်နှင့်မကွာစေနှင့်။ ထိုတရားတို့ကို သင်၏လည်ပင်း၌ ဆွဲထားလော့။ နှလုံးအင်းစာရင်း၌ ရေးသွင်းလော့။

သု ၈းရ
၇ ငါ့နှုတ်ထွက်စကားသည် သမ္မာတရားနှင့်သာ ဆိုင်၍၊ ငါ့နှုတ်ခမ်းတို့သည် ဒုစရိုက်ကို စက်ဆုပ်ရွံ့ရှာ၏။

သု ၁၆း၆
၆ ကရုဏာတရားနှင့်သမ္မာတရားအားဖြင့်အပြစ်ပြေတတ်၏၊၊ ထာဝရဘုရားကိုကြောက်ရွံ့သောသဘောအားဖြင့်ဒုစရိုက်ကိုရှောင်တတ်၏၊၊

သု ၂၂း၂၀
၂၀ သင်သည်သမ္မာတရားစကားစစ်ကိုသိမည်အကြောင်း နှင့်၊ သင့်ထံသို့စေလွှတ်သောသူတို့အား၊ သမ္မာစကားကိုပြန်ပြောနိုင်မည်အကြောင်းသတိပေးလျက်၊

သု ၂၃း၂၃
၂၃ သမ္မာတရားကိုဝယ်လော့၊ မရောင်းနှင့်။ ပညာကို၎င်း၊ ဆုံးမဩဝါဒကို၎င်း၊ ဥာဏ်သတ္တိကို၎င်းထိုအတူပြုလော့၊၊

ယေရမိအ ၅း၃
၃ အိုထာဝရဘုရား၊ ကိုယ်တော်သည် သမ္မာတရား %fo(a)ကို ထောက်ရှုတော်မူသည် မဟုတ်လော။ ကိုယ်တော်သည် ဒဏ်ခတ်တော်မူသော်လည်း သူတို့သည် ညှိုးငယ်သော စိတ်မရှိကြပါ။ ဖျက်ဆီးတော်မူသော်လည်း၊ သူတို့သည် ဆုံးမခြင်းကို ငြင်းပယ်ကြပါပြီ။ မိမိတို့မျက်နှာကို ကျောက်ထက်သာ၍ မာစေကြပါပြီ။ ငါတို့သည်ပြန်၍ မလာဟု ငြင်းဆန်လျက် နေကြပါပြီ။ sဆင်းရဲသားများသာမက လူကြီးများလည်း အတူတူ

ယေရမိအ ၉း၃
၃ သူတို့သည် မိမိတို့လျှာတည်းဟူသော လေးကို မုသာနှင့်တင်ကြ၏။ သမ္မာတရားကို အမှီမပြုဘဲ မြေကြီးပေါ်မှာ လူကြီးဖြစ်ကြ၏။ အကယ်စင်စစ် ဆိုးသောအမှုအပေါ်မှာ ဆိုးသောအမှုကို ထပ်၍ ပြုကြ၏။ ငါ့ကိုလည်း မသိမမှတ်ကြဟု ထာဝရဘုရား မိန့်တော်မူ၏။

ဒံ ၈း၁၂
၁၂ အပြစ်များသောကြောင့် နေ့ရက်အစဉ် ပြုသောဝတ်နှင့်တကွ ဗိုလ်ခြေကိုလည်း ထိုချိုသည်ရ၍၊ သမ္မာတရားကို မြေသို့နှိမ့်ချ၏။ ထိုသို့ပြု၍ အောင်မြင်ခြင်းသို့ ရောက်လေ၏။ sသန့်ရှင်းရာဌာနကို တဖန်ဆေးကြောမည်

ဒံ ၉း၁၃
၁၃ မောရှေ၏ ပညတ္တိကျမ်းစာ၌ မှတ်သားသည်အတိုင်း၊ ဤဘေးဥပဒ်ရှိသမျှသည် အကျွန်ုပ်တို့အပေါ်မှာ ရောက်ပါပြီ။ အကျွန်ုပ်တို့သည် ဒုစရိုက်များကို ရှောင်၍ သမ္မာတရားတော်ကို နားလည်ခြင်းအလိုငှါ၊ အကျွန်ုပ်တို့ ဘုရားသခင် ထာဝရဘုရား ထံတော်၌ မတောင်းပန်ဘဲ နေကြပါပြီတကား။

ဇာခရိ ၈း၈
၈ ဆောင်ခဲ့သဖြင့်၊ သူတို့သည် ယေရုရှလင်မြို့ထဲမှာ နေရကြလိမ့်မည်။ သမ္မာတရားနှင့်ဖြောင့်မတ်ခြင်းတရားအားဖြင့်၊ သူတို့သည် ငါ၏လူဖြစ်၍၊ ငါသည်လည်း သူတို့၏ ဘုရားသခင်ဖြစ်လိမ့်မည်။

မာလခိ ၂း၆
၆ ထိုအမျိုးသည် သမ္မာတရားစကားကို ပြောတတ်၏။ သူ့နှုတ်၌ အပြစ်ကိုရှာ၍ မတွေ့။ ငြိမ်ဝပ်ခြင်းတရား၊ ဖြောင့်မတ်ခြင်းတရားအတိုင်း၊ ငါနှင့်အတူ သွားလာ၍၊ များစွာသောသူတို့ကို ဒုစရိုက်အပြစ်မှ လွှဲရှောင်စေတတ်၏။ sယဇ်ပုရောဟိတ်နှုတ်၌ တရားတော်ရှာရမည်

ယောဟန် ၁း၁ရ
၁၇ အကြောင်းမူကား၊ ပညတ်တရားတော်ကို မောရှေလက်တွင် ပေးတော်မူ၏။ ကျေးဇူးတရားနှင့် သမ္မာတရားမူကား ယေရှုခရစ်အားဖြင့် ဖြစ်သတည်း။

ယောဟန် ၃း၂၁
၂၁ သမ္မာတရားကို ကျင့်သောသူမူကား၊ မိမိအကျင့်တို့သည် ဘုရားသခင်၏ အလိုတော်နှင့် ညီသည်ကို ထင်ရှားစေခြင်းငှာ၊ အလင်းသို့ ချဉ်းကပ်သည်၊ ဟုဟောတော်မူ၏။ sယေရှုနှင့်ပတ်သက်၍ ယောဟန်ဟော

ယောဟန် ၄း၂၃-၂၄
၂၃ ကိုးကွယ်သောသူ မှန်သမျှတို့သည်၊ ခမည်းတော်ကို ဝိညာဉ်နှင့်၎င်း၊ သမ္မာတရား %fo(b)နှင့်၎င်း၊ ကိုးကွယ်ရမည့် အချိန်ကာလသည်လာ၍၊ ယခုပင် ရောက်လျက်ရှိ၏။ အကြောင်းမူကား၊ ထိုသို့ ကိုးကွယ်သောသူတို့ကို၊ ခမည်းတော်သည် အလိုရှိတော်မူ၏။

ယောဟန် ၅း၃၃
၃၃ သင်တို့သည် ယောဟန်ထံသို့ စေလွှတ်ကြ၏။ သူသည် သမ္မာတရားဘက်၌ သက်သေခံ၏။

ယောဟန် ၈း၃၂
၃၂ သမ္မာတရားကိုလည်း သိကြသဖြင့်၊ ထိုတရားသည် သင်တို့ကိုလွှတ်လိမ့်မည်၊ ဟုယုံကြည်သော ယုဒလူတို့အား မိန့်တော်မူ၏။

ယောဟန် ၈း၄၀
၄၀ ဘုရားသခင့် အထံတော်၌ ကြားရသော သမ္မာတရားကို သင်တို့အား ဟောပြောသောသူ တည်းဟူသော ငါ့ကိုသတ်အံ့သောငှါ သင်တို့သည် ယခုရှာကြံကြ၏။ အာဗြဟံသည် ထိုနည်းတူ ကျင့်သည်မဟုတ်။

ယောဟန် ၈း၄၄
၄၄ သင်တို့သည် သင်တို့၏ အဘတည်းဟူသော မာရ်နတ်မှ ဆင်းသက်ကြ၏။ သင်တို့အဘ၏ အလိုသို့လည်း လိုက်တတ်ကြ၏။ မာရ်နတ်သည် ရှေ့ဦးစွာမှစ၍ လူအသက်ကို သတ်သောသူဖြစ်၏။ သူ၌ သမ္မာတရား %fo(b) မရှိသောကြောင့် သမ္မာတရား%fo(b)၌ မတည်မနေ။ သူသည် မုသာစကားကို ပြောသောအခါ မိမိပကတိအတိုင်း ပြော၏။ မုသာစကား၌ ကျင်လည်သောသူ ဖြစ်၏။ မုသာ၏အဘလည်းဖြစ်၏။ sယေရှုကို နတ်ဆိုးစွဲသူဟုစွပ်စွဲ

ယောဟန် ၁၄း၆
၆ ယေရှုက၊ ငါသည် လမ်းခရီးဖြစ်၏၊ သမ္မာတရားလည်းဖြစ်၏။ အသက်လည်းဖြစ်၏။ ငါ့ကိုအမှီမပြုလျှင် အဘယ်သူမျှ ခမည်းတော်ထံသို့ မရောက်ရ။

ယောဟန် ၁၄း၁၆
၁၆ ခမည်းတော်သည် သမ္မာတရားကို ပြသော ဝိညာဉ်တော်တည်းဟူသော၊ တပါးသော ဥပဇ္ဈာယ်ဆရာကို သင်တို့နှင့်အတူ အစဉ်မပြတ် တည်နေစေခြင်းငှါ၊ သင်တို့အား ပေးတော်မူမည်။

ယောဟန် ၁၅း၂၆
၂၆ ခမည်းတော်ထံမှ ထွက်လာ၍ သမ္မာတရားနှင့် ပြည့်စုံသော ဝိညာဉ်တော်တည်းဟူသော ခမည်းတော်ထံမှ သင်တို့ဆီသို့ ငါစေလွှတ်လတံ့သော ဥပဇ္ဈာယ်ဆရာသည် ရောက်လာသောအခါ၊ ငါ၏အကြောင်းကို သက်သေခံလိမ့်မည်။

ယောဟန် ၁၆း၁၃
၁၃ သမ္မာတရားနှင့် ပြည့်စုံသော ထိုဝိညာဉ်တော်သည် ရောက်လာသောအခါ၊သမ္မာတရားကို သင်တို့အား အကြွင်းမဲ့ သွန်သင်ပြသလိမ့်မည်။ ထိုဝိညာဉ်တော်သည် ကိုယ်အလိုအလျောက် ဟောပြောမည်မဟုတ်။ ကြားသမျှတို့ကို ဟောပြောလိမ့်မည်။ နောင်လာလတံ့သော အရာတို့ကိုလည်း သင်တို့အား ဖေါ်ပြလိမ့်မည်။

ယောဟန် ၁ရး၁ရ-၁၉
၁၇ ကိုယ်တော်၏ သမ္မာတရားအားဖြင့် သူတို့ကို သန့်ရှင်းစေတော်မူပါ။ ကိုယ်တော်၏ နှုတ်ကပတ်သည် သမ္မာတရားဖြစ်ပါ၏။

ယောဟန် ၁၈း၃ရ-၃၈
၃၇ ပိလတ်မင်းကလည်း၊ သို့ဖြစ်လျှင် သင်သည် ရှင်ဘုရင်မှန်သလော၊ ဟုမေးသော်၊ ယေရှုက၊ မင်းကြီးမေးသည်အတိုင်း ငါသည်ရှင်ဘုရင်မှန်၏။ သမ္မာတရားဘက်၌ သက်သေခံခြင်းငှါ ငါသည်မွေးဖွားခြင်းကိုခံ၍၊ ဤလောကသို့ကြွလာပြီ။ သမ္မာတရားနှင့် စပ်ဆိုင်သမျှသောသူတို့သည်၊ ငါ့စကားကို နားထောင်ကြသည်၊၊ ဟုမိန့်တော်မူ၏။

တမန် ၂၆း၂၅
၂၅ ပေါလုကလည်း၊ မြတ်တော်မူသော ဖေတ္တုမင်း၊ အကျွန်ုပ်သည် သူရူးမဟုတ်ပါ။ သမ္မာတရားနှင့်၎င်း၊ ကောင်းသောစိတ်နှင့်၎င်း၊ ယှဉ်သောစကားကိုပြောပါ၏။

ရော ၁း၁၈
၁၈ သမ္မာတရားကို အဓမ္မဖြင့်ဆီးတား နှိပ်စက်သောသူတို့ ပြုတတ်သော ဘုရားမဲ့နေခြင်းအမှု၊ တရားကို လွန်ကျူးခြင်းအမှု အမျိုးမျိုးတို့တဘက်၌၊ ဘုရားသခင်၏ အမျက်တော်သည် ကောင်းကင်မှ ထင်ရှားလျက်ရှိ၏။

ရော ၂း၂
၂ ဘုရားသခင်သည် ထိုသို့ပြုသောသူတို့ကို၊ စီရင်တော်မူခြင်းအရာသည်၊ သမ္မာတရားနှင့် ညီသည်ကို ငါတို့သိကြ၏။

ရော ၂း၈
၈ ငြင်းဆန်သော သဘောရှိ၍၊ သမ္မာတရားကို နားမထောင်ဘဲ မတရားသဖြင့် ကျင့်သောသူတို့ကိုကား၊ ပြင်းစွာသောဒေါသ အမျက်ထွက်တော်မူလတံ့၊

ရော ၂း၂၀
၂၀ လူမိုက်တို့ကို ဆုံးမတတ်သောသူ၊ သူငယ်တို့ကို နည်းပေးသောသူ၊ ပညတ်တရားတော်အားဖြင့် ပညာကို၎င်း၊ သမ္မာတရားကို၎င်း၊ ရိပ်မိသောသူ ဖြစ်သည်ဟူ၍၊ ကိုယ်ကို ထင်မှတ်တတ်သည်မှန်လျှင်၊

၁ ကော ၁၃း၆
၆ မတရားသောအမှု၌ ဝမ်းမြောက်ခြင်း မရှိတတ်၊ သမ္မာတရား၌ ဝမ်းမြောက်တတ်၏။

၂ ကော ၄း၂
၂ ဆိတ်ကွယ်ရာအရပ်၌ ပြုသော ရှက်ဘွယ်သော အမှုများကို ပယ်ကြ၏။ ပရိယာယ်ကိုမသုံး၊ ဘုရားသခင်၏ နှုတ်ကပတ် တရားတော်ကို ထိမ်ဝှက်မှောက်လှန်ခြင်းမရှိ၊ သမ္မာတရားကို အတည့်အလင်းဖေါ်ပြ၍၊ ဘုရားသခင့် ရှေ့တော်၌ လူအပေါင်းတို့၏ စိတ်ထင်အတိုင်း၊ ချီးမွမ်းဘွယ်သော အကျင့်ဓလေ့ကို ကျင့်ကြ၏။

၂ ကေ ၆းရ
၇ သမ္မာတရားကို ဟောခြင်း၊ ဘုရားသခင်၏ တန်ခိုးတော်ကိုပြခြင်း၊ ဖြောင့်မတ်သော အကျင့်တည်းဟူသော လက်နက်များကို လကျ်ာဘက်လက်ဝဲဘက်၌ ဝတ်ဆောင်ခြင်းအားဖြင့်၎င်း၊

၂ ကော ၁၁း၁၀
၁၀ ခရစ်တော်၏ သမ္မာတရားသည်%fo(d) ငါ၌ ရှိသည်ဖြစ်၍၊ အခါယပြည်(Achaia) များတို့၌ ၊ ဤသို့ငါဝါကြွားသည်အမှုကို၊ အဘယ်သူမျှ မဆီးတားရ။

၂ ကော ၁၃း၈-၉
၈ ငါတို့သည် သမ္မာတရား ကို ဆီးတားခြင်းငှါ အလျှင်းမတတ်နိုင်ကြ။

ဂလာ ၃း၁
၁ ပညာမဲ့သော ဂလာတိလူတို့၊ လက်ဝါးကပ်တိုင်မှာ အသေခံတော်မူသော ယေရှုခရစ်တော်ကို၊ သင်တို့မျက်မှောက်၌ ထင်ရှားစွာ ပြပြီးသည်ဖြစ်၍၊ သမ္မာတရားကို နားမထောင်စေခြင်းငှါ၊ သင်တို့ကို အဘယ်သူ ပြုစားသနည်း။

ဂလာ ၄း၁၆
၁၆ ယခုမူကား၊ ငါသည် သမ္မာတရားကို သင်တို့အား ဟောပြောသောကြောင့်၊ သင်တို့၏ ရန်သူဖြစ်သလော။

ဂလာ ၅းရ
၇ အထက်က သင်တို့သည် ကောင်းမွန်စွာပြေးကြ၏။ သို့ဖြစ်၍ သမ္မာတရားကို နားမထောင်စေခြင်းငှါ၊ အဘယ်သူ ဆီးတားသနည်း။

ဧဖက် ၁း၁၃
၁၃ သင်တို့သည်လည်း၊ ကယ်တင်တော်မူခြင်း အကြောင်းနှင့် ယှဉ်သော၊ ဧဝံဂေလိတရား တည်းဟူသော၊ သမ္မာတရားကို ကြားနာရ၍ ထိုခရစ်တော်ကို ယုံကြည်ပြီးမှ၊ ကတိတော်နှင့် ယှဉ်သော၊ သန့်ရှင်းသော ဝိညာဉ်တော်၏ တံဆိပ်ခတ်ခြင်းကို ခံရကြပြီ။

ဧဖက် ၄း၁၅
၁၅ မေတ္တာစိတ်နှင့် သမ္မာတရားကို ဟောပြောသဖြင့်၊ ဦးခေါင်းတည်းဟူသော ခရစ်တော်မှာ၊ အရာရာတို့၌ ကြီးပွားကြမည် အကြောင်းတည်း။

ဧဖက် ၄း၂၄
၂၄ ယေရှု၌ သမ္မာတရားရှိသည်နှင့် အညီ၊ ထိုသခင်ထံ၌ နည်းခံကြပြီသတည်း။ s

ဖိလိ ၄း၈
၈ ကြွင်းသေးသော စကားဟူမူကား၊ ညီအစ်ကိုတို့၊ သမ္မာတရားနှင့် ဆိုင်သောအကျင့်၊ လျောက်ပတ်သောအကျင့်၊ ဖြောင့်မတ်သောအကျင့်၊ စင်ကြယ်သောအကျင့်၊ သူတစ်ပါး နှစ်သက်ဖွယ်သောအကျင့်၊ ချီးမွမ်းဖွယ်သောအကျင့် ရှိသမျှတို့ကို၎င်း၊ ပါရမီတစ်ပါးပါး၊ ကောင်းသော သတင်းတစ်ပါးပါးနှင့်ဆိုင်သော အကျင့်တို့ကို၎င်း၊ နှလုံးသွင်းကြလော့။

ကောလော ၁း၄
၄ သမ္မာတရားတည်းဟူသော ဧဝံဂေလိတရားကို၊ သင်တို့သည် အထက်က ကြားသိကြသည်အတိုင်း၊ သင်တို့အဘို့ ကောင်းကင်ဘုံ၌ သိုထားသော၊ မြော်လင့်ရာကို ထောက်သဖြင့်၎င်း၊ သင်တို့အဘို့ အစဉ်မပြတ် ဆုတောင်း၍၊

၂ သက် ၂း၁၀-၁၃
၁၀ ပျက်စီးခြင်းသို့ ရောက်သောသူတို့တွင်၊ မတရားသော လှည့်ဖြားခြင်း အမျိုးမျိုးနှင့်၎င်း၊ လာလိမ့်မည်။ အကြောင်းမူကား၊ ထိုသူတို့သည် ကယ်တင်ခြင်းသို့ ရောက်အံ့သောငှါ၊ သမ္မာတရား၌ မွေ့လျော်သောစိတ်ကို မခံမယူကြ။

၁ တိ ၂း၄
၄ လူအပေါင်းတို့သည် ကယ်တင်ခြင်းသို့ရောက်၍ သမ္မာတရားကို သိစေခြင်းငှာ၊ ဘုရားသခင် အလိုတော်ရှိ၏။

၁ တိ ၂းရ
၇ ငါသည် ထိုသက်သေခံသောသူ အရာ၌၎င်း၊ တမန်တော်အရာ၌ ၎င်း၊ ယုံကြည်ခြင်းတရားနှင့် သမ္မာတရားကို တပါးအမျိုးသားတို့အား ဟောပြောသော ဆရာအရာ၌၎င်း၊ ခန့်ထားတော်မူသောသူ ဖြစ်သည်၊ ဟုငါဆိုသော်၊ မုသာစကားကိုမဆို၊ မှန်သောစကားကိုဆို၏။ s မိန်းမတို့နေထိုင်ကျင့်သုံးမည့်အရာများ

၁ တိ ၃း၁၅
၁၅ သင်သည် ဘုရားသခင်၏ အိမ်တော်၌ အဘယ်သို့ ကျင့်ကြံပြုမူရမည်ကို သိစေခြင်းငှာ၊ ဤသို့ငါရေး၍ ပေးလိုက်၏။ ထိုအိမ်တော်ကား၊ အသက်ရှင်တော်မူသော ဘုရားသခင်၏ အသင်းတော်ဖြစ်၏၊ ထိုအသင်းတော်ကား၊ သမ္မာတရား၏ တိုင်ဖြစ်၏။ သမ္မာတရား၏ အုပ်မြစ်လည်းဖြစ်၏။ %fo(a) sဘုရားသခင်သည် ကိုယ်ခန္ဓာ၌ ပေါ်ထွန်းတော်မူပြီ

၁ တိ ၄း၃
၃ မင်္ဂလာဆောင်ခြင်း အမှုကိုမပြုရ ဟူ၍၎င်း၊ ယုံကြည်၍ သမ္မာတရားကို သိသောသူတို့သည်၊ ကျေးဇူးတော်ကို သိသောစိတ်နှင့်တကွ သုံးဖို့ရာ၊ ဘုရားသခင် ဖန်ဆင်းတော်မူသော အစာမျိုးကို ရှောင်ရမည်ဟူ၍၎င်း၊ ပညတ်ထားကြလိမ့်မည်။

၁ တိ ၆း၅
၅ စိတ်နှလုံးယိုယွင်း၍ သမ္မာတရားနှင့် ကင်းသောသူတို့၏ အချည်းအနှီး ဆွေးနွေးခြင်း ဖြစ်တတ်၏။ ဘုရားဝတ်၌ မွေ့လျော်ခြင်းသည်၊ အကျိုးစီးပွားဖြစ်သည်၊ ဟုသူတို့သည် စိတ်ထင်ကြ၏။ ထိုသို့သော သူတို့ကို ရှောင်လော့။ s စားရန်၊ ဝတ်ရန်ရှိသမျှနှင့် ရောင့်ရဲလျက် နေကြကုန်အံ့

၂ တိ ၂း၁၅
၁၅ သင်မူကား၊ ဝန်ခံတော်မူသောသူ၊ ရှက်ကြောက်စရာ အကြောင်းမရှိဘဲ၊ သမ္မာတရားကို မှန်ကန်စွာ ပိုင်းခြားတတ်သော ဆရာသမားဖြစ်လျက်၊ ဘုရားသခင့်ရှေ့၌ ကိုယ်ကိုကိုယ် ဆက်သခြင်းငှာ၊ ကြိုးစားအားထုတ်လော့။

၂ တိ ၂း၁၈
၁၈ သူတို့က၊ သေလွန်သောသူတို့သည် ထမြောက်ကြပြီ၊ ဟုပြောလျက်၊ သမ္မာတရားလမ်းမှ လွဲသွား၍၊ အချို့သောသူတို့၏ ယုံကြည်ခြင်းကို မှောက်လှန်တတ်ကြ၏။

၂ တိ ၂း၂၅
၂၅ ဆီးတား၊ ငြင်းခုံသောသူတို့ကို နူးညံ့သိမ်မွေ့စွာ ဆုံးမရမည်။ သမ္မာတရားကို ဝန်ခံခြင်းအလိုငှာ၊ နောင်တကို ဘုရားသခင် ပေးကောင်းပေးတော်မူ၍၊ မာရ်နတ်၏ အလိုအတိုင်း ဖမ်းမိသော ထိုသူတို့သည် သတိရ၍၊ ထိုဖမ်းမိရာမှ လွတ်ခြင်းသို့ ရောက်ကောင်း ရောက်ကြလိမ့်မည်။

၂ တိ ၃းရ-၈
၇ အထူးထူး အပြားပြားသော လောဘ ကိလေသာ သွေးဆောင်ရာသို့ လိုက်၍၊ အစဉ်သင်သော်လည်း၊ သမ္မာတရားကို လေ့ကျက်ခြင်းသို့ အလျှင်းမရောက်နိုင်သော မိန်းမမိုက်တို့ကို၊ အိမ်ထဲသို့ဝင်၍ ဖမ်းသွားသောသူတို့သည် ထိုသူတို့အဝင် ဖြစ်ကြ၏။

၂ တိ ၄း၄
၄ သမ္မာတရားကို နားမထောင်ဘဲ၊ ဒဏ္ဍာရီစကားကို နားထောင်၍ လွဲသွားကြလိမ့်မည်။

တိတု ၁း၂
၂ ငါ၌ အပ်ထားသော တရားဟောခြင်းအခွင့်အားဖြင့် တော်လျော်သောအချိန်၌၊ နှုတ်ကပတ်တရားတော်ကို ထင်ရှားစေတော်မူသော အရာနှင့်စပ်ဆိုင်သော၊ ထာဝရအသက်ကို မြော်လင့်သည်ဖြစ်၍၊ ဘုရားဝတ်၌ မွေ့လျော်ခြင်းနှင့်ဆိုင်သော သမ္မာတရားကို ဝန်ခံခြင်းအလိုငှါ၎င်း၊

တိတု ၁း၁၃
၁၃ ဤသက်သေမှန်၏။ ထိုကြောင့်၊ သူတို့သည် ယုဒဒဏ္ဍာရီစကားကို၎င်း၊ သမ္မာတရားကို စွန့်သောလူတို့၏ ပညတ်တို့ကို၎င်း၊

ဟေဗြဲ ၁၀း၂၆
၂၆ အကြောင်းမူကား၊ သမ္မာတရားကိုသိပြီးမှ၊ ကိုယ်အလိုသို့လိုက်၍ ပြစ်မှားပြန်လျှင်၊ နောက်တဖန် အပြစ်ဖြေသောယဇ်ကို ပူဇော်ရာအခွင့်မရှိဘဲ၊

ယာကုပ် ၁း၁၈
၁၈ ဖန်ဆင်းသောသတ္တဝါ%fo(a)တို့တွင် ငါတို့သည် အဦးသီးသော အသီးကဲ့သို့ ဖြစ်စေခြင်းငှါ၊ သမ္မာတရားစကားအားဖြင့် မိမိအလိုတော်အတိုင်း၊ ငါတို့ကိုဖြစ်ဖွား(မွေးဖွား) စေတော်မူ၏။

ယာကုပ် ၃း၁၄
၁၄ သို့မဟုတ် သင်တို့စိတ်ထဲမှာ ခါးစွာသောဂုဏ်ပြိုင်ခြင်း၊ ရန်တွေ့ခြင်းရှိလျှင်၊ သမ္မာတရားကို မုသာဖြင့်ဆန်၍ မဝါကြွားကြနှင့်။

ယာကုပ် ၅း၁၉
၁၉ ညီအစ်ကိုတို့၊ သင်တို့တွင် တစုံတယောက်သော သူသည် သမ္မာတရားလမ်းမှ လွဲသွား၍ သူတပါးသည် ထိုသူကို ပြန်စေလျှင်မူကား၊

၁ ပေ ၁း၂၃
၂၃ မဖောက်ပြန်မပျက်စီးတတ်သော မျိုးစေ့တည်းဟူသော၊ အသက်ရှင်၍ အစဉ်အမြဲတည်တော်မူသော ဘုရား သခင်၏ နှုတ်ကပတ်တော်အားဖြင့် ဖြစ်ပွား(မွေးဖွား) သောကြောင့်၊ ညီအစ်ကိုများကို ချစ်ယောင်မဆောင်၊ အမှန်ချစ်ခြင်းအလိုငှါ၊ စိတ်ထဲမှာသမ္မာတရားကို နားထောင်လျက်၊ ကိုယ်စိတ်နှလုံးကို စင်ကြယ်စေပြီးသည်နှင့်အညီ၊ စင်ကြယ်သော စိတ်နှင့်အချင်းချင်း အားကြီးသော ချစ်ခြင်းမေတ္တာရှိကြလော့။

၂ ပေ ၁း၁၂
၁၂ ထိုကြောင့်၊ ယခုဟောပြောသော သမ္မာတရားကို သင်တို့သည်နားလည်၍၊ တည်ကြည်ခြင်းရှိသော်လည်း၊ ဤသို့သော စကားများနှင့် သင်တို့အား အစဉ်မပြတ် သတိပေးမည်အမှုကို ငါမမေ့မလျော့။

၂ ပေ ၂း၂
၂ သူတို့ညစ်ညူးသော အကျင့်ဓလေ့တို့ကို အများသောသူတို့သည် လိုက်သောအားဖြင့် သမ္မာတရားလမ်း အသရေသည် ပျက်စီးလိမ့်မည်။

၁ ယော ၁း၆
၆ ငါတို့သည် ဘုရားသခင်နှင့် မိဿဟာဖွဲ့ပြီ၊ ဟုဆိုလျက်ပင်၊ မှောင်မိုက်၌ ကျင်လည်လျှင်၊ သမ္မာတရားကိုမကျင့်၊ မုသာကို သုံးသောသူဖြစ်ကြ၏။

၁ ယော ၂း၂၁
၂၁ သမ္မာတရားကို သင်တို့မသိသောကြောင့်၊ ငါရေး၍ ပေးလိုက်သည်မဟုတ်။ သင်တို့သည် သမ္မာတရားကို၎င်း၊ မုသာရှိသမျှတို့သည် သမ္မာတရားနှင့် မသက်ဆိုင်သည်ကို၎င်း၊ သိသောကြောင့် ငါရေး၍ပေးလိုက်၏။

၁ ယော ၃း၁၉
၁၉ ထိုသို့ချစ်လျှင်၊ ကိုယ်တိုင်သမ္မာတရားနှင့်ဆိုင်သည်ကိုကိုယ်သိရ၍၊ ဘုရားသခင့်ရှေ့တော်၌ ကိုယ်စိတ်နှလုံးကိုသက်သာစေကြလိမ့်မည်။

၁ ယော ၅း၆
၆ ထိုသခင်ကား၊ ရေအားဖြင့်၎င်း၊ အသွေးအားဖြင့်၎င်း၊ ကြွလာသောသူတည်းဟူသော ယေရှုခရစ်ပေတည်း။ ရေအားဖြင့်သာမဟုတ်။ ရေအားဖြင့်၎င်း၊ အသွေးအားဖြင့်၎င်း၊ ကြွလာတော်မူ၏။ သက်သေခံဟူမူကား၊ ဝိညာဉ်တော်သည် သမ္မာတရား ဖြစ်၍သက်သေခံတော်မူ၏။

၂ ယော ၁း၁-၄
၁ အသက်ကြီးသူသည် မြတ်သောသခင်မကို၎င်း၊ သားသမီးတို့ကိုကို၎င်း ကြားလိုက်ပါ၏။ ငါတို့၌ တည်၍ ငါတို့တွင် အစဉ်မပြတ်ရှိလတံ့သော သမ္မာတရားကြောင့်၊

၃ ယော ၁း၃-၄
၃ သင်သည် သမ္မာတရား၌ ကျင်လည်သည်အတိုင်း၊ သင်၌ ရှိသော သမ္မာတရား၏ အကြောင်းကို၊ ညီအစ်ကိုတို့ သည်လာ၍ သက်သေခံကြသော အခါ၊ ငါသည် အလွန်ဝမ်းမြောက်ခြင်းရှိ၏။

၃ ယော ၁း၈
၈ ငါတို့သည် သမ္မာတရားကို ကူမသောသူ ဖြစ်အံ့သောငှါ၊ ထိုသို့သောသူတို့အား ဧည့်သည်ဝတ်ကို ပြုအပ်ကြ၏။ s အသင်းတော်၌ အကဲအမှုးလုပ်ချင်သူရှိ

၉ ထိုလေးချောင်းတွင် တစ်ချောင်းထဲက အခြားသောချိုတက် တစ်ချောင်းပေါက်ပြန်၍၊ တောင်မျက်နှာသို့၎င်း၊ အရှေ့မျက်နှာသို့ ၎င်း၊ သာယာသောပြည်သို့၎င်း မျက်နှာပြု၍၊ အလွန်ကြီးမားခြင်းသို့ ရောက်လေ၏။ ၁၀ ကောင်းကင်ဗိုလ်ခြေ တိုင်အောင် ကြီးမား၍၊ ထိုဗိုလ်ခြေအချို့တို့နှင့် ကြယ်အချို့တို့ကို မြေသို့ချ၍ နင်းလေ၏။ ၁၁ ထိုမျှမက၊ ဗိုလ်ခြေသခင်တိုင်အောင် ထောင်လွှားခြင်းကို ပြုလျက်၊ နေ့ရက်အစဉ် ပြုသောဝတ်ကို ပယ်၍၊ သန့်ရှင်းရာဌာနတော်ကို ရှုတ်ချလေ၏။ ၁၂ အပြစ်များသောကြောင့် နေ့ရက်အစဉ် ပြုသောဝတ်နှင့်တကွ ဗိုလ်ခြေကိုလည်း ထိုချိုသည်ရ၍၊ သမ္မာတရား [A]ကို မြေသို့နှိမ့်ချ၏။ ထိုသို့ပြု၍ အောင်မြင်ခြင်းသို့ ရောက်လေ၏။

သန့်ရှင်းရာဌာနကို တဖန်ဆေးကြောမည်

CROSS REFERENCES

ဒံ ၇း၂၅
၂၅ အမြင့်ဆုံးသော ဘုရားကို ဆန့်ကျင်ဘက်ပြု၍၊ ကြီးစွာသော စကားကို ပြောလိမ့်မည်။ အမြင့်ဆုံးသော ဘုရား၏ သန့်ရှင်းသူတို့ကို ညှဉ်းဆဲ နှိပ်စက်လိမ့်မည်။ ကာလအချိန်နှင့် ပညတ်တရားတို့ကို ပြောင်းလဲစေခြင်းငှါ ကြံစည်လိမ့်မည်။ တကာလ၊ နှစ်ကာလ၊ ကာလတဝက်ပတ်လုံး သူသည် အခွင့်ရလိမ့်မည်။

ဒံ ၁၂း၇
၇ ပိတ်ချောကို ဝတ်လျက်၊ မြစ်ရေပေါ်မှာ ရှိသောလူကလည်း၊ တကာလ၊ နှစ်ကာလ၊ ကာလ တဝက်ပတ်လုံး ဖြစ်လိမ့်မည်။ သန့်ရှင်းသောသူတို့၏ အစွမ်းသတ္တိကို အရပ်ရပ်သို့ ဖြန့်လွှင့်ခြင်းအမှု ပြီးသောအခါ၊ ထိုအမှုအရာ အလုံးစုံတို့သည် ကုန်စင်ကြလိမ့်မည်၊ ဟုလက်နှစ်ဘက်ကို ကောင်းကင်သို့ချီလျက်၊ ကမ္ဘာအဆက်ဆက် အသက်ရှင်တော်မူသော ဘုရားကို တိုင်တည်၍ ကျိန်ဆိုသည်ကို ငါကြား၏။ s ဖျက်ဆီးတတ်သော ရွံ့ရှာဘွယ်အရာသည် ပေါ်လာမည်

ဒံ ၁၂း၁၁
၁၁ နေ့ရက်အစဉ်ပြုသော ဝတ်ကိုပယ်ရှင်း၍၊ ဖျက်ဆီးတတ်သော ရွံ့ရှာဘွယ်အရာသည် ပေါ်လာပြီးမှ၊ အရက် တထောင်နှစ်ရာ ကိုးဆယ် ကြာလိမ့်မည်။

ဗျာ ၁၁း၂
၂ ဗိမာန်တော်တန်တိုင်းကို မတိုင်းနှင့်၊ ပယ်ထားလော့။ တပါးအမျိုးသားတို့၌ အပ်ပေးပြီ။ သူတို့သည် သန့်ရှင်းသော မြို့တော်ကို၊ လလေးဆယ်နှစ်လ ပတ်လုံး နင်းကြလိမ့်မည်။ s သက်သေခံနှစ်ပါး

ဗျာ ၁၁း၃
၃ ငါ၏သက်သေခံနှစ်ပါးကို ငါအခွင့်ပေးမည်။ သူတို့သည် လျှော်တေအဝတ်ကို ဝတ်လျက်၊ အရက်တထောင်နှစ်ရာခြောက်ဆယ်ပတ်လုံး၊ ပရောဖက်ပြုကြလိမ့်မည်။

ဗျာ ၁၂း၁၄
၁၄ မိန်းမသည် ထိုမြွေနှင့်လွတ်၍၊ တကာလ၊ နှစ်ကာလ၊ ကာလတဝက်ပတ်လုံး ကျွေးမွေးခြင်းကို ခံရာအရပ်တည်းဟူသော၊ တောအရပ်သို့ ပျံနိုင်မည်အကြောင်း၊ လင်းယုန်၏ အတောင်နှစ်ဘက်ကို ရလေ၏။

ဗျာ ၁၃း၅
၅ ထိုသားရဲသည်လည်း ကြီးစွာသော စကားကို၎င်း၊ ဘုရားသခင်ကို ပြစ်မှားသော စကားကို၎င်း၊ ပြောတတ်သောနှုတ်နှင့် ပြည့်စုံ၍၊ လလေးဆယ်နှစ်လ(သုံးနှစ်ခွဲ)ပတ်လုံး စီရင်ရသော အခွင့်ကိုရ၏။

၁၃ ထိုအခါ သန့်ရှင်းသူတပါး၏ စကားပြောသံကို ငါကြား၏။ သန့်ရှင်းသူတပါးက၊ ယခင်ပြောသောသူကို ဟစ်၍၊ သန့်ရှင်းရာ ဌာနနှင့် ဗိုလ်ခြေကို နင်းခြင်းအလိုငှာ နေ့ရက်အစဉ် ပြုသောဝတ်ကို ပယ်ခြင်းနှင့်၎င်း၊ ဖျက်ဆီးတတ်သော လွန်ကျူးခြင်းနှင့်၎င်း၊ စပ်ဆိုင်သော ဗျာဒိတ်ရူပါရုံသည် အဘယ်မျှ ကာလပတ်လုံး တည်လိမ့်မည်နည်း၊ ဟုမေးမြန်းလျှင်၊ ၁၄ ယခင်ပြောသောသူက၊ ရက်ပေါင်း နှစ်ထောင့်သုံးရာတိုင်တိုင် တည်လိမ့်မည်။ ထိုနောက်၊ သန့်ရှင်းရာဌာနကို တဖန် ဆေးကြော သုတ်သင်ကြလိမ့်မည်၊ ဟုပြန်၍ ပြောဆို၏။ [B]

ဂါဗြေလက ရူပါရုံသည် အမှုကုန်သောကာလနှင့်ဆိုင်ဟုဆို

၁၅ ငါဒံယေလသည် ထိုရူပါရုံကိုမြင်၍ အနက်ကို ရှာဖွေသောအခါ၊ လူသဏ္ဍာန်ရှိသော သူတစ်ဦးသည် ငါ့ရှေ့တွင်ရပ်နေ၏။ ၁၆ အခြားသောသူက၊ အိုဂါဗြေလ၊ ထိုသူသည် ယခုမြင်သော ဗျာဒိတ်ရူပါရုံကို နားလည်စေခြင်းငှာ အနက်ကို ပြန်ပြောလော့၊ ဟုဥလဲမြစ်နားကြားမှာ လူအသံနှင့်ဟစ်၍ ပြောဆိုသည်ကို ငါကြား၏။ ၁၇ ထိုသူသည် ငါရပ်နေရာအပါးသို့ လာလျှင်၊ ငါသည် ကြောက်ရွံ့၍ ပြပ်ဝပ်လျက်နေ၏။ ထိုသူက၊ အချင်းလူသား၊ နားလည်လော့။ ဤဗျာဒိတ်ရူပါရုံသည် အမှုကုန်ရသော ကာလနှင့် ဆိုင်သည်၊ ဟုငါ့အားပြောဆို၏။ ၁၈ ထိုသို့ဆိုသောအခါ ငါသည်မြေပေါ်မှာ ပြပ်ဝပ်၍ မိန်းမော တွေဝေလျက်နေ၏။ ထိုသူသည် င့ါကို လက်နှင့်တို့၍၊ ယခင်နေရာ၌ မတ်တပ်နေစေပြီးလျှင်၊ ၁၉ ဒေါသအမျက်တော်အဆုံး၌ ဖြစ်လတံ့သောအရာကို ငါကြားပြောဦးမည်။ ချိန်းချက်သောအချိန်၌ လက်စသတ်လိမ့်မည်။

ချိုနှစ်ချောင်း မေဒိနှင့်ပေရသိရှင်ဘုရင်

၂၀ ချိုနှစ်ချောင်းနှင့် ပေါ်လာသောသိုးသည် မေဒိရှင်ဘုရင်၊ ပေရသိ ရှင်ဘုရင်ဖြစ်၏။(a)

ဆိတ်သည် ဟေလသရှင်ဘုရင်

၂၁ အမွေးကြမ်းသော ဆိတ်သည် ဟေလသ ရှင်ဘုရင်ဖြစ်၏။ (b) မျက်စိနှစ်လုံးကြား၌ ရှိသော ချိုကြီးသည် ပထမမင်းဖြစ်၏။ (c) ၂၂ ထိုချို ကျိုးပဲ့၍၊ သူ့အရာ၌ ချိုလေးချောင်း ပေါက်သည်မှာ၊ အရင်နိုင်ငံတွင် နိုင်ငံလေးပါး တည်ထောင်လိမ့်မည်။ အရင်နိုင်ငံ၏ တန်ခိုးနှင့် မပြည့်စုံကြ။ ၂၃ ထိုနိုင်ငံတို့၏ အဆုံးစွန်သောကာလ၌ လွန်ကျူးသော သူတို့၏ အပြစ်ပြည့်စုံသောအခါ၊ ရဲရင့်သော မျက်နှာရှိ၍ ပရိယာယ်တို့ကို နားလည်သော မင်းကြီးတစ်ပါး ပေါ်လာလိမ့်မည်။ ၂၄ ထိုမင်းကြီးသည် ကိုယ်တန်ခိုးမရှိဘဲလျက် တန်ခိုးကြီးလိမ့်မည်။ အထူးသဖြင့် ဖျက်ဆီး၍ တိုးပွားအောင်မြင်လိမ့်မည်။ စွမ်းအားကြီးသောလူစု၊ သန့်ရှင်းသောလူစုကိုပင် ဖျက်ဆီးလိမ့်မည်။ ၂၅ သူသည် လိမ္မာစွာပြုသဖြင့်၊ မုသာလည်း အောင်မြင်လိမ့်မည်။ စိတ်ထောင်လွှားခြင်း နှင့်တကွ မိဿဟာယ ဖွဲ့သောအားဖြင့် လူများတို့ကို ဖျက်ဆီး၍၊ သခင်တို့၏သခင်ကို ဆန့်ကျင်ဘက်ပြုလိမ့်မည်။ သို့သော်လည်း၊ လူလက်ဖြင့် ဒဏ်မခတ်ဘဲ ကျိုးပဲ့ပျက်စီးခြင်းသို့ ရောက်လိမ့်မည်။ ၂၆ ညဦးနှင့်နံနက်ကို ဖော်ပြသော ဗျာဒိတ်ရှုပါရုံစကား မှန်သည်ဖြစ်၍၊ ထိုစကားကို တံဆိပ်ခတ်ထားလော့။ တာရှည်သော ကာလတိုင်တိုင် တည်လိမ့်မည်ဟုဆို၏။ ၂၇ ထိုအခါငါ ဒံယေလသည် မော၍နာလျက်နေ၏။ တဖန် အနာမှထမြောက်၍ ရှင်ဘုရင်၏ အမှုတော်ကို ဆောင်ရွက်၏။ မြင်ပြီးသော ဗျာဒိတ်ရူပါရုံကို ငါအံ့ဩသော်လည်း၊ ထိုအမှုကို အဘယ်သူမျှ မရိပ်မိကြ။

_________________________
Footnotes

၂၀ (a) မေဒိနှင့်ပေရသိပြည်သည် ယခုခေတ်တွင် အီရန်နိုင်ငံဖြစ်သည်။

_________________________
Footnotes

၂၁ (b) ဟေလသသည် ဂရိတ်ဖြစ်သည်။

_________________________
Footnotes

၂၁ (c) ပထမရှင်ဘုရင်သည် Alexander the Great အလက်ဇာဒါးဒီဂရိတ် ဖြစ်သည်။ သူသည် အသက် ၃၂ နှစ်တွင် သေဆုံး၍ သူ့နိုင်ငံကို လေးနိုင်ငံအဖြစ် ခွဲဝေကာ၊ သူ၏စစ်ဗိုလ်ချုပ် လေးပါးက နိုင်ငံလေးပါးအဖြစ် အုပ်ချုပ်ကြသည်။