ဒံယေလ အနာဂတ္တိ

အခန်းကြီး ၂

နေဗုခဒ်နေဇာမင်းအိပ်မက်

CROSS REFERENCES

ဒံ ၄း၆-၇
၆ ထိုကြောင့်၊ အိပ်မက်အနက်ကို ငါ့အား ဖော်ပြစေခြင်းငှါ၊ ဗာဗုလုန် ပညာရှိအပေါင်းတို့ကို အထံတော်သို့ သွင်းစေ၊ ဟုငါအမိန့်တော်ရှိသည်အတိုင်း၊

၁ နေဗုခဒ်နေဇာမင်းသည် နန်းစံနှစ်နှစ်တွင်၊ အိပ်မက်ကို မြင်တော်မူ၍ ထိတ်လန့်ခြင်း စိတ်ရှိသောကြောင့် စက်တော် မခေါ်နိုင် သည်ဖြစ်၍၊ ၂ အိပ်မက်တော်ကို ပြန်ပြောစေခြင်းငှါ မာဂုပညာရှိ၊ ဗေဒင်တတ်၊ သူပြုဆရာ၊ ခါလဒဲဆရာတို့ကို ခေါ်ချေ၊ [A] ဟုအမိန့်တော်ရှိသည်အတိုင်း၊ သူတို့သည် အထံတော်သို့ ရောက်လာကြသည် ရှိသော်၊ ၃ ရှင်ဘုရင်က၊ ငါသည် အိပ်မက်မြင်ပြီ။ ထိုအိပ်မက်ကို မသိ၊ နားမလည်သည်ဖြစ်၍ စိတ်မအီမသာရှိသည်၊ ဟုမိန့်တော်မူ၏။ ၄ ခါလဒဲ ပညာရှိတို့ကလည်း၊ အရှင်မင်းကြီး၊ အသက်တော် အစဉ်အမြဲရှင်ပါစေ။ အကျွန်ုပ်တို့အား အိပ်မက်ကို မိန့်တော်မူပါ။ အကျွန်ုပ်တို့သည် အနက်ကို ဖေါ်ပြပါမည်၊ ဟုရှုရိဘာသာဖြင့် လျှောက်ကြ၏။ ၅ ရှင်ဘုရင်ကလည်း၊ ငါအမိန့်တော်ရှိပြီ။ ထိုအိပ်မက်နှင့် အနက်ကို သင်တို့မဖေါ်မပြလျှင်၊ သင်တို့ကို အပိုင်းပိုင်းစဉ်းမည်။ သင်တို့အိမ်များကိုလည်း နောက်ချေးပုံ ဖြစ်စေမည်။ ၆ အိပ်မက်နှင့် အနက်ကို ဖေါ်ပြလျှင်၊ ဆုလပ်သပ်ပကာ၊ ဂုဏ်အသရေများကို ငါပေးမည်။ သို့ဖြစ်၍၊ အိပ်မက်နှင့် အနက်ကို ငါ့အားဖေါ်ပြကြ၊ ဟုခါလဒဲ ပညာရှိတို့ကို မိန့်တော်မူ၏။ ၇ ထိုသူတို့က၊ အရှင်မင်းကြီး၊ မြင်မက်တော်မူချက်ကို အမိန့်ရှိတော်မူပါ။ အကျွန်ုပ်တို့သည် အနက်ကို ဖေါ်ပြပါမည်၊ ဟုတဖန်လျှောက်ကြပြန်လျှင်၊ ၈ ရှင်ဘုရင်က၊ ငါ့အမိန့်တော် ရှိပြီးသောကြောင့်၊ သင်တို့သည် နေ့ရက်အချိန်ကာလ ကြာစေခြင်းငှါ၊ ရွေ့ချင်သည်ကို ငါအမှန်သိ၏။ ၉ အိပ်မက်ကို ငါ့အား မဖေါ်မပြလျှင်၊ သင်တို့သည် အကြံတခုတည်းသာ ရှိသည်ဖြစ်၍၊ ကာလ ပြောင်းလဲသည်တိုင်အောင်၊ ငါ့ရှေ့၌ ရှက်စရာဘို့ ကောက်ကျစ် လိမ်လစ်သော စကားကို ပြင်ဆင်နှင့်ကြပြီ။ အိပ်မက်ကို ပြန်ပြောကြ။ ထိုသို့ပြောလျှင် အိပ်မက်အနက်ကို ဖေါ်ပြနိုင်သည်ကို ငါသိမည်၊ ဟုပြန်၍မိန့်တော်မူ၏။ ၁၀ ခါလဒဲ ဆရာတို့ကလည်း၊ အရှင်မင်းကြီး၏ အမှုအရာကိုဖြေနိုင်မည်သူ မြေကြီးပေါ်မှာ တယောက်မျှမရှိပါ။ အဘယ်မည်သော ရှင်ဘုရင်သည် ဘုန်းတန်ခိုးကြီးသော်လည်း၊ မာဂုပညာရှိ၊ ဗေဒင်တတ်၊ ခါလဒဲဆရာတို့ကို ဤသို့ မေးမြန်းလေ့မရှိပါ။ ၁၁ အရှင်မင်း ကြီး မေးမြန်းတော်မူသော အရာသည် ခက်ခဲသောအရာ ဖြစ်ပါ၏။ လူပကတိနှင့် မဆက်ဆံသော ဘုရားမှတပါး အဘယ်သူမျှ အရှင်မင်းကြီး ရှေ့တော်၌ မထုတ်မဖေါ်နိုင်ပါ၊ ဟုတဖန် ပြန်ကြားလျှောက်ထားကြ၏။ ၁၂ ထိုစကားကို ကြားတော်မူလျှင် ပြင်းစွာ အမျက်တော်ထွက်၍၊ ဗာဗုလုန်မြို့၌ ရှိသမျှသော ပညာရှိတို့ကို ပယ်ရှင်းစေ၊ ဟုအမိန့်တော်ရှိ၏။

ဒံယေလနှင့် သူငယ်ချင်းများဆုတောင်း

CROSS REFERENCES

ဒံ ၂း၁၈-၁၉
၁၈ ငါတို့သည် အခြားသော ဗာဗုလုန် ပညာရှိတို့နှင့် အတူ မသေမပျောက်စေခြင်းငှါ၊ ဤနက်နဲသောအရာ၌ ကရုဏာ ကျေးဇူးတော်ကို ခံရမည်အကြောင်း၊ ကောင်းကင်ဘုံ ရှင်ဘုရားသခင်ကို ဆုတောင်းကြကုန်အံ့၊ ဟုပြောဆို၏။ sဘုရားသခင်က အိပ်မက်ကိုဖေါ်ပြ

ဒံ ၂း၂၈-၃၀
၂၈ နက်နဲသောအရာ တို့ကို ဖွင့်ပြ၍၊ နောင်ကာလ၌ ဖြစ်လတံ့သော အရာတို့ကို နေဗုခဒ်နေဇာ မင်းကြီးအား ကြားပြောတော်မူသော ဘုရားသခင် တဆူသည် ကောင်းကင်ဘုံမှာ ရှိတော်မူ၏။

ဒံ ၂း၄ရ
၄၇ ကိုယ်တော်သည် ဤနက်နဲသောအရာကို ဖွင့်ပြနိုင်သည် ဖြစ်၍၊ အကယ်စင်စစ် ကိုယ်တော်၏ ဘုရားသခင်သည် ဘုရားတို့၏ဘုရား၊ ဘုရင်တို့၏အရှင်၊ နက်နဲသောအရာကို ဖွင့်ပြတော်မူသော သခင်ဖြစ်တော်မူ၏၊ ဟုမိန့်တော်မူ၍၊

ဒံ ၄း၉
၉ အချင်း မာဂုဆရာချုပ် ဗေလတရှာဇာ၊ သင်သည် သန့်ရှင်းသော ဘုရားသခင်၏ ဝိညာဉ်တော်နှင့် ပြည်စုံသည်ကို၎င်း၊ နက်နဲသောအရာ ရှိသမျှတို့ကို ဖွင့်ပြနိုင်သည်ကို၎င်း ငါသိ၏။ သို့ဖြစ်၍၊ ငါမြင်မက်သော အိပ်မက်၏ အနက်ကို ဖော်ပြလော့။

ရော ၁၁း၂၅
၂၅ ညီအစ်ကိုတို့၊ သင်တို့သည် ဝါကြွားသော စိတ်မရှိစေမည်အကြောင်း တပါးအမျိုးသား အပေါင်းတို့သည် မဝင်မှီတိုင်အောင်၊ ဣသရေလလူအချို့တို့ကို မှောင်မိုက်ဖုံးလွမ်းခြင်း အကြောင်းတည်းဟူသော၊ နက်နဲသောအရာကို မသိဘဲနေစေခြင်းငှါ ငါအလိုမရှိ။

ဧဖက် ၁း၉-၁၀
၉ ဘုရားသခင်သည်၊ နှလုံးသွင်းတော်မူသော စေတနာတော်နှင့် လျော်သော အလိုတော်၏ နက်နဲသောအရာကို၊ ငါတို့အား ပြတော်မူ၏။ s ကောင်းကင်နှင့် မြေကြီးပေါ်ရှိသမျှ ခရစ်တော်၌ ချုပ်ခြာစေမည်

ဧဖက် ၃း၃-၅
၃ ကျေးဇူးတော် သာသနာကို အပ်ပေးသည် အကြောင်းဟူမူကား၊ ငါသည် အထက်က အနည်းငယ် ရေးထားသည်အတိုင်း၊ ဘုရားသခင်သည် ဗျာဒိတ်တော်အားဖြင့်၊ နက်နဲသောအရာ ကို ငါ့အားပြတော်မူ၏။

ဧဖက် ၃း၆-၈
၆ ထိုနက်နဲသော အရာဟူမူကား၊ တပါးအမျိုးသားတို့သည်၊ ဧဝံဂေလိတရားအားဖြင့်၊ ယုဒအမျိုးသားတို့နှင့် အမွေခံ၍၊ တလုံးတဝ တကိုယ်တည်း ဖြစ်လျက်၊ ခရစ်တော်နှင့် ဆိုင်သော ဂတိတော်ကို ဆက်ဆံရကြသတည်း။

ဧဖက် ၅း၃၂
၃၂ ဤအရာသည် အလွန်နက်နဲသောအရာ ဖြစ်ပေ၏။ ထိုသို့ငါဆိုသော်၊ ခရစ်တော်နှင့် အသင်းတော်ကို ရည်မှတ်၍ ဆိုသတည်း။

ဧဖက် ၆း၂၀
၂၀ သံတမန်အမှုကို ပြုရသည်ဖြစ်၍၊ ထိုတရား၏ နက်နဲသောအရာ ကို ဖေါ်ပြခြင်းငှါ၊ ငါသည် နှုတ်ကို ရဲရင့်စွာ ဖွင့်လှစ်ခြင်း အခွင့်ရှိမည် အကြောင်းကို၎င်း၊ ထိုတရားကို ဟောပြောအပ်သည်နှင့် အညီ၊ ရဲရင့်စွာ ဟောပြောမည်အကြောင်းကို၎င်း၊ ငါ့အဘို့လည်း ဆုတောင်းကြလော့။ s ပေါလု၏ အခြေအနေသိနိုင်ရန် တုခိတ်ကိုစေလွှတ်

ကောလော ၁း၂ရ
၂၇ တပါးအမျိုးသားတို့တွင် ဤနက်နဲသောအရာ နှင့်ဆိုင်သော မဟာစည်းစိမ်ကား၊ အဘယ်မျှလောက် ကြီးသည်ကို သန့်ရှင်းသူတို့သည် သိစေခြင်းငှါ၊ ဘုရားသခင် အလိုရှိတော်မူ၏။ ထိုစည်းစိမ်ကား၊ ဘုန်းအသရေကို မြော်လင့်ခြင်းအကြောင်းတည်းဟူသော သင်တို့အထဲ၌ တည်တော်မူသော ခရစ်တော်ပေတည်း။

ကောလော ၂း၂-၃
၂ မေတ္တာချင်းထုံးဖွဲ့၍၊ ခမည်းတော်ဘုရားနှင့် ခရစ်တော်၏၊ နက်နဲသောအရာ ကိုနားလည်နိုင်သော၊ ယုံမှားခြင်းနှင့်ကင်းစင်သောဥာဏ်၏ %fo(a) စည်းစိမ်အပေါင်းနှင့် ပြည့်စုံ၍၊ စိတ်နှလုံး သက်သာစေမည်အကြောင်း၊ အဘယ်မျှလောက်ကြီးသော တိုက်လှန်ခြင်းကို ငါခံရသည်၊ ဟုသင်တို့သိစေခြင်းငှါ ငါအလိုရှိ၏။

ကောလောသဲ ၄း၃-၄
၃ ငါသည် ခရစ်တော်၏ နက်နဲသောအရာကြောင့်၊ အချည်အနှောင်ခံရသည်ဖြစ်၍၊

၁၃ ထိုအမိန့်တော်ဆင့်၍ ဒံယေလနှင့် သူ၏ အပေါင်းအဖေါ်တို့ကို သတ်ခြင်းငှါ ရှာကြသော်၊ ၁၄ ဒံယေလက၊ ရှင်ဘုရင်၏ အမိန့်တော်သည် အဘယ်ကြောင့် ဤမျှလောက် လျှင်မြန်သနည်း၊ ဟု၁၅ ဗာဗုလုန် ပညာရှိတို့ကို ပယ်ရှင်းခြင်းငှါ ထွက်သွားသော ကိုယ်ရံတော် မှူးအာရုတ်ကို သတိပညာနှင့်မေးမြန်း၍၊ အာရုတ်သည် ထိုအကြောင်းကို ကြားပြောလျှင်၊၁၆ ဒံယေလသည် နန်းတော်သို့ဝင်၍ အိပ်မက်တော်ကို ဖြေရသော နေ့ရက်အချိန်ကို ပေးတော်မူမည်အကြောင်း အသနားတော်ခံပြီးမှ၊ ၁၇ မိမိအိမ်သို့ပြန်သွား၍၊ ထိုအကြောင်းကို မိမိ အပေါင်းအဖေါ် ဟာနနိ၊ မိရှေလ၊ အာဇရိ တို့အားကြားပြော၍၊ ၁၈ ငါတို့သည် အခြားသော ဗာဗုလုန် ပညာရှိတို့နှင့် အတူ မသေမပျောက်စေခြင်းငှါ၊ ဤနက်နဲသောအရာ၌ [B] ကရုဏာ ကျေးဇူးတော်ကို ခံရမည်အကြောင်း၊ ကောင်းကင်ဘုံ ရှင်ဘုရားသခင်ကို ဆုတောင်းကြကုန်အံ့၊ ဟုပြောဆို၏။

ဘုရားသခင်က အိပ်မက်ကိုဖေါ်ပြ

CROSS REFERENCES

ယောရှု ၂၂း၃၃
၃၃ ဣသရေလ အမျိုးသားတို့သည် ဝမ်းမြောက်ခြင်းရှိ၍ ဘုရားသခင်၏ ကျေးဇူးတော်ကို ချီးမွမ်းကြ၏။ နောက်တဖန် ရုဗင်အမျိုး၊ ဂဒ်အမျိုးသား တို့နေသော ပြည်ကို လုပ်ကြံအံ့သောငှာ စစ်ချီမည်၊ ဟုအကြံမရှိကြ။

၂ ရာ ၅း၁၃
၁၃ သီချင်းဆိုသော သူတို့နှင့် ဝိုင်းလျှင်၊ ထာဝရ ဘုရား၏ ဂုဏ်ကျေးဇူးတော်ကို ချီးမွမ်း၍ ထောပနာပြုခြင်းငှါ၊ တညီတညွတ်တည်း အသံပြိုင်လျက် ကောင်းမြတ်တော်မူသည်။ ကရုဏာတော် အစဉ်အမြဲ တည်သည်၊ ဟုတံပိုးခွက်ကွင်း အစရှိသော တူရိယာမျိုးနှင့်တကွ၊ အသံကိုလွှင့်၍ ထာဝရဘုရား၏ ဂုဏ်တော်ကို ချီးမွမ်းကြသောအခါ၊ ထာဝရဘုရား၏ အိမ်တော်သည် မိုးတိမ်နှင့် ပြည့်၏။

၂ ရာ ရး၃
၃ ထိုသို့မီးကျ၍ထာဝရဘုရား၏ ဘုန်းတော်သည်အိမ်တော်ပေါ်မှာသက်ရောက်သည်ကို ဣသရေလအမျိုးသားအပေါင်းတို့သည်မြင်လျှင်၊ ကျောက်ခင်းအရပ်၌ မြေပေါ်မှာဦးချပြပ်ဝပ်လျက်၊ ကောင်းမြတ်တော်မူသည်၊ ကရုဏာတော်အစဉ်အမြဲတည်သည်၊ ဟုထာဝရဘုရားကိုကိုးကွယ်၍ ဂုဏ်တော်ကိုချီးမွမ်းကြ၏။ sများစွာသောယဇ်ပူဇော်ကြ

ဒံ ၂း၂၀
၂၀ ထိုအခါ ဒံယေလသည် ကောင်းကင်ဘုံ ရှင်ဘုရားသခင်၏ ကျေးဇူးတော်ကို ချီးမွမ်းလျက်၊ ဘုရားသခင်၏ နာမတော်သည် ထာဝရဘုရား မင်္ဂလာရှိပါစေသတည်း။ ပညာနှင့်၎င်း၊ အစွမ်းသတ္တိနှင့်၎င်း ပြည့်စုံတော်မူ၏။

ဒံ ၂း၂၃
၂၃ အကျွန်ုပ် ဘိုးဘေးတို့၏ ဘုရားသခင်၊ ကျွန်ုပ်အား ပညာအစွမ်း သတ္တိကို ပေးသနား၍၊ အကျွန်ုပ်တို့ ဆုတောင်းသည်အတိုင်း ရှင်ဘုရင်၏ အိပ်မက်ကို ဖွင့်ပြတော်မူသော ကျေးဇူးကို ချီးမွမ်း ထောမနာပြုပါ၏၊ ဟုဒံယေလမြွက်ဆိုပြီးမှ၊

ဒံ ၄း၃၄
၃၄ ကာလအချိန်စေ့သောအခါ၊ ငါနေဗုခဒ်နေဇာသည် ကောင်းကင်သို့ မျှော်ကြည့်၍ သတိရပြန်လျှင်၊ အမြင့်ဆုံးသော ဘုရားကို ကောင်းကြီးပေး၍၊ ထာဝရ အသက်ရှင်တော်မူသော ဘုရားကို ချီးမွမ်းထောမနာပြု၏။အာဏာတော်သည် ထာဝရအာဏာဖြစ်၏။ နိုင်ငံတော်သည် ကမ္ဘာအဆက်ဆက်တည်၏။

ဒံ ၄း၃ရ
၃၇ ယခုတွင် ငါနေဗုခဒ်နေဇာသည် ကောင်းကင်ဘုံ၏ အရှင်ဘုရားသခင်ကို ချီးမွမ်းထောပနာပြု၏။ စီရင်ဖန်ဆင်းတော်မူသမျှသော အရာတို့သည် သစ္စာနှင့်ပြည့်စုံ၍၊ တရားနှင့်ညီလျော်ကြ၏။ မာနထောင်လွှားသော သူတို့ကို နှိမ့်ချခြင်းငှါ တတ်နိုင်တော်မူ၏ဟု အမိန့်တော်ကို အရပ်ရပ်သို့ ပြန့်စေတော်မူ၏။

ဒံ ၆း၁၀
၁၀ အမိန့်တော်ထုတ်၍ တံဆိပ်ခတ်ကြောင်းကို ဒံယေလသည် ကြားသိသော်လည်း၊ မိမိအိမ်သို့သွား၍ ယေရုရှလင်မြို့သို့ မျက်နှာပြုရာ အထက်ခန်းပြတင်းပေါက် ပွင့်လျက်ပင်၊ အထက်ပြုလေ့ရှိသည်အတိုင်း၊ တစ်နေ့သုံးကြိမ် ဒူးထောက်လျက် ဘုရားသခင်ကို ဆုတောင်း၍ ဂုဏ်ကျေးဇူးတော်ကို ချီးမွမ်းလေ၏။

မာကု ၂း၁၂
၁၂ ထိုသူသည်လည်း ချက်ခြင်းထ၍ အိပ်ယာကို ဆောင်လျက် လူအပေါင်းတို့ရှေ့မှာ ထွက်သွား၏။ ထိုလူအပေါင်းတို့သည် မိန်းမောတွေဝေခြင်းရှိ၍၊ ဤကဲ့သို့တခါမျှ မမြင်စဖူး၊ ဟုပြောဆို၍ ဘုရားသခင်၏ ဂုဏ်တော်ကို ချီးမွမ်းကြ၏။ s လေဝိကိုခေါ်

လု ၁း၄၆
၄၆ မာရိကလည်း၊ ငါ့စိတ်နှလုံးသည်ထာဝရဘုရားကိုချီးမွမ်း၏။

လု ၁း၆၄
၆၄ ထိုခဏခြင်းတွင်ဇာခရိသည်နှုတ်ဖွင့်ခြင်း၊ လျှာလွတ်ခြင်းရှိသည်ဖြစ်၍၊ စကားအားဖြင့်ဘုရားသခင်၏ ကျေးဇူးတော်ကိုချီးမွမ်းလေ၏။

လု ၂း၁၄
၁၄ ကောင်းကင်ဘဝဂ်ဝယ်၊ ဘုရားသခင်သည် ဘုန်းကြီးတော်မူစေသတည်း။ မြေကြီးပေါ်၌လည်း၊ ငြိမ်သက်ခြင်း ရှိစေသတည်း။ လူတို့အား မေတ္တာကရုဏာ ရှိစေသတည်း၊ ဟုဘုရားသခင်ကို ချီးမွမ်း၍ မြွက်ဆိုကြ၏။ sသိုးထိန်းတို့ချီးမွမ်း

လု ၂း၂၀
၂၀ သိုးထိန်းတို့သည်လည်း မိမိတို့အား ပြောနှင့်သည်အတိုင်း၊ ကြားမြင်သမျှသော အကြောင်းအရာကို ထောက်၍၊ ဘုရားသခင်ကို အံ့ဩချီးမွမ်းလျက် ပြန်သွားကြ၏။ sသူငယ်တော် ယေရှုထာ၀ရဘုရားထံဆက်ကပ်

လု ၂း၂၈-၂၉
၂၈ ရှုမောင်သည် ယေရှုကိုလက်နှင့် ချီပိုက်၍၊

လု ၂း၃၈
၃၈ သူသည်လည်း ထိုခဏခြင်းတွင် ဝင်၍၊ ထာဝရဘုရား၏ ကျေးဇူးတော်ကို ချီးမွမ်းလေ၏။ ယေရုရှလင်မြို့၌ ရွေးနှုတ်ခြင်းအရာကို မြော်လင့်သောသူ အပေါင်းတို့အား ထိုသူငယ်၏ အကြောင်းကို ပြောလေ၏။

ရော ၁း၈
၈ သင်တို့၏ ယုံကြည်ခြင်းအရာသည်၊ မြေတပြင်လုံး၌ အနှံ့အပြားကျော်စောသည်ဖြစ်၍၊ သင်တို့အကြောင်းကြောင့် ယေရှုခရစ်တော်အားဖြင့်၊ ငါ၏ဘုရားသခင် ကျေးဇူးတော်ကို ရှေ့ဦးစွာငါချီးမွမ်း၏။

ရော ၄း၂၀
၂၀ ယုံမှားသောစိတ်နှင့်ကင်း၍၊ ဘုရားသခင်၏ ဂတိတော်ကို တွေးတောခြင်းမရှိ၊ ယုံကြည်အားကြီးသဖြင့် ဘုရားသခင်ကိုချီးမွမ်း၍၊

ရော ၁၁း၁၄
၁၄ ထိုသို့ဆိုသော်၊ ငါသည် တပါးအမျိုးသားတို့နှင့် ဆိုင်သောတမန်တော် ဖြစ်သည်နှင့်အညီ၊ ထိုတမန်တော်၏ အရာကိုချီးမွမ်းလျက်၊ ငါ့အမျိုးသားချင်း တို့၏စိတ်ကို တခုခုအားဖြင့် နှိုးစော်၍၊ အချို့တို့ကို ကယ်တင်ခြင်းငှါ တပါးအမျိုးသားဖြစ်သော သင်တို့အား ဆိုရသတည်း။

၁ ကော ၁း၆
၆ အရာရာ၌ နှုတ်သတ္တိ၊ ဥာဏ်သတ္တိ အပေါင်းနှင့် ကြွယ်ဝပြည့်စုံ ကြသည်ဖြစ်၍၊ ယေရှုခရစ်အားဖြင့် သင်တို့အား ပေးတော်မူသော၊ ဆုကျေးဇူးတော်ကို ငါထောက်၍၊ သင်တို့အကြောင်းကြောင့်၊ ငါ့ဘုရားသခင်၏ ကျေးဇူးတော်ကို၊ အစဉ်မပြတ် ချီးမွမ်း၏။

ဖိလိ ၁း၅
၅ သင်တို့သည် ရှေ့ဦးစွာသော နေ့ရက်မှစ၍၊ ယခုတိုင်အောင် ဧဝံဂေလိတရားကို ဆက်ဆံ၍၊ ခံစားကြောင်းကို ငါထောက်သဖြင့်၊ ဘုရားသခင်၏ ကျေးဇူးတော်ကို ချီးမွမ်းပါ၏။

ကောလော ၁း၅
၅ ငါတို့ သခင်ယေရှုခရစ်၏ ခမည်းတော် တည်းဟူသော၊ ဘုရားသခင်၏ ကျေးဇူးတော်ကို ချီးမွမ်းကြ၏။ s ထိုတရား လောကီနိုင်ငံတရှောက်လုံး၌ အသီးသီးတိုးပွါးပြီ

၁ သက် ၁း၄
၄ ဘုရားသခင်၏ ကျေးဇူးတော်ကို ကာလအစဉ်ချီးမွမ်း၍၊ သင်တို့အဖို့ အလိုငှာ ဆုတောင်းပဌနာ ပြုလျက်နေကြ၏။ s သက်သာလောနိတ် အသင်းတော်သည် ပုံသက်သေကောင်းဖြစ်

၁ သက် ၂း၁၃
၁၃ ငါတို့ဟောပြောသော ဘုရားသခင်၏ နှုတ်ကပတ်တရားကို၊ သင်တို့သည် ခံယူကြသောအခါ၊ လူ၏ နှုတ်ထွက်စကားကို မခံမယူဘဲ၊ ဘုရားသခင်၏ နှုတ်ကပတ်တော် အမှန်ဖြစ်သည်နှင့်အညီ၊ ယုံကြည်ခြင်းသို့ ရောက်သော သင်တို့အထဲ၌၊ ပြုပြင်သော ဘုရားသခင်၏ နှုတ်ကပတ်တရားကို၊ ခံယူကြသည် အကြောင်းအရာကို ငါတို့သည်ထောက်၍၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏။ sသက်သာလောနိတ် အသင်းသားများ ယုဒယုံကြည်သူများကဲ့သို့ဖြစ်

၂ သက် ၁း၃
၃ ညီအစ်ကိုတို့၊ သင်တို့၏ ယုံကြည်ခြင်းသည် အလွန်တိုးပွား၍၊ လူတိုင်း အသီးအသီးတို့သည်၊ အချင်းချင်း ချစ်ခြင်းမေတ္တာနှင့် ပြည့်စုံကြသည်ဖြစ်၍၊ ငါတို့သည် ပြုသင့်သည်အတိုင်း သင်တို့ကြောင့်၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏။

၁ တိ ၁း၁၂
၁၂ ထိုတရားကိုငါ၌ အပ်ပေးတော်မူသည်ဖြစ်၍၊ ငါ့ကိုခွန်အားနှင့် ပြည့်စုံစေတော်မူသော ငါတို့သခင်ယေရှုခရစ်၏ ကျေးဇူးတော်ကို ငါချီးမွမ်း၏။

၂ တိ ၁း၅
၅ နေ့ညမပြတ် ဆုတောင်း ပဌနာပြု သည်တွင်၊ သင့်ကို မခြားမလပ် အောက်မေ့သည်ဖြစ်၍၊ ငါ့ဘိုးဘေး ကိုးကွယ်သည်အတိုင်း၊ ကိုယ်ကိုကိုယ် သိသောစိတ် စင်ကြယ်ခြင်း နှင့်တကွ၊ ငါကိုးကွယ်သော ဘုရားသခင်၏ ကျေးဇူးတော်ကို ငါချီးမွမ်း၏။ s တန်ခိုးပါသောစိတ်၊ ချစ်တတ်သောစိတ်၊ ရှင်းလင်းသောစိတ်ကိုပေး

ဖိလေ ၁း၅
၅ ငါ၏ဘုရားသခင့် ကျေးဇူးတော်ကို အစဉ်ချီးမွမ်း၍၊ သင့်အဘို့အလိုငှါ ဆုတောင်းပဌနာပြုလျက် နေ၏။

၁၉ ညအခါ ဗျာဒိတ်တော်အားဖြင့် ထိုနက်နဲသောအရာကို ဒံယေလအား ဘုရားသခင် ဖေါ်ပြတော်မူ၏။ ၂၀ ထိုအခါ ဒံယေလသည် ကောင်းကင်ဘုံ ရှင်ဘုရားသခင်၏ ကျေးဇူးတော်ကို ချီးမွမ်းလျက်၊ [C] ဘုရားသခင်၏ နာမတော်သည် ထာဝရဘုရား မင်္ဂလာရှိပါစေသတည်း။ ပညာနှင့်၎င်း၊ အစွမ်းသတ္တိနှင့်၎င်း ပြည့်စုံတော်မူ၏။ ၂၁ ကာလအချိန် ဥတုများကို ပြောင်းလဲစေတော်မူ၏။ ရှင်ဘုရင်တို့ကိုလည်း နှိမ့်ချ ချီးမြှောက်တော်မူ၏။ ပညာရှိတို့အား ပညာကို ပေးတော်မူ၏။ ဥာဏ်ရှိသောသူ တို့သည် ကျေးဇူးတော် အားဖြင့်သာ၊ ထိုးထွင်း၍ နားလည်တတ်ကြ၏။ ၂၂ နက်နဲခက်ခဲသော အရာတို့ကို ထင်ရှားစွာ ပြတော်မူ၏။ မှောင်မိုက်၌ ရှိသမျှတို့ကို သိမြင်၍ အလင်း၏ တည်ရာဖြစ်တော်မူ၏။ ၂၃ အကျွန်ုပ် ဘိုးဘေးတို့၏ ဘုရားသခင်၊ ကျွန်ုပ်အား ပညာအစွမ်း သတ္တိကို ပေးသနား၍၊ အကျွန်ုပ်တို့ ဆုတောင်းသည်အတိုင်း ရှင်ဘုရင်၏ အိပ်မက်ကို ဖွင့်ပြတော်မူသော ကျေးဇူးကို ချီးမွမ်း ထောမနာပြုပါ၏၊ ဟုဒံယေလမြွက်ဆိုပြီးမှ၊ ၂၄ ဗာဗုလုန် ပညာရှိတို့ကို ပယ်ရှင်းစေခြင်းငှါ၊ ရှင်ဘုရင် ခန့်ထားတော်မူသော အာရုတ်ထံသို့ သွား၍ ဗာဗုလုန် ပညာရှိတို့ကို မလုပ်ကြံပါနှင့်။ အကျွန်ုပ်ကို အထံတော်သို့ ခေါ်သွင်းပါ။ အကျွန်ုပ်သည် အိပ်မက်တော်နှင့် အနက်ကို ဖေါ်ပြ၍ လျှောက်ပါမည်၊ ဟုဆို၏။

ဒံယေလ ရှင်ဘုရင်ထံသို့သွား

CROSS REFERENCES

၂၅ ထိုအခါ အာရုတ်သည် ဒံယေလကို အလျှင်တဆော အထံတော်သို့ ခေါ်သွင်းပြီးလျှင်၊ အိပ်မက်တော်နှင့် အနက်ကို အရှင်မင်း ကြီးအား ဖေါ်ပြနိုင်သော သူတယောက်ကိုယုဒအမျိုးလက်ရလူတို့တွင်အကျွန်ုပ်တွေ့ပါပြီဟုလျှောက်ဆို၏။ ၂၆ ရှင်ဘုရင်ကလည်း၊ ငါမြင်မက်သော အိပ်မက်ကို ပြန်ပြော၍ အနက်ကို ဖေါ်ပြနိုင်သလော၊ ဗေလတရှာဇာ အမည်ရှိသော ဒံယေလကို မေးတော်မူလျှင်၊ ၂၇ ဒံယေလက၊ အရှင်မင်းကြီး မေးမြန်းတော်မူသော အရာကို ပညာရှိ၊ ဗေဒင်တတ်၊ မာဂုဆရာ၊ အနာဂတ္တိဆရာတို့သည် အရှင်မင်းကြီးအား ဖေါ်ပြခြင်းငှါ မတတ်နိုင်ကြပါ။ ၂၈ နက်နဲသောအရာ [D] တို့ကို ဖွင့်ပြ၍၊ နောင်ကာလ၌ ဖြစ်လတံ့သော အရာတို့ကို နေဗုခဒ်နေဇာ မင်းကြီးအား ကြားပြောတော်မူသော ဘုရားသခင် တဆူသည် ကောင်းကင်ဘုံမှာ ရှိတော်မူ၏။ ၂၉ အရှင်မင်းကြီး၊ နောင်၌ ဖြစ်လတံ့သော အရာတို့ကို ကိုယ်တော်သည် စက်တော်ခေါ်၍ မြော်လင့်တော်မူ၏။ နက်နဲသောအရာကို ဖွင့်ပြတော်မူသော ဘုရားသည် နောင်ကာလ၌ ဖြစ်လတံ့သော အရာတို့ကို ကိုယ်တော်အား ဖေါ်ပြတော်မူ၏။ ၃၀ ဤနက်နဲသော အရာကိုကား၊ အခြားသော သတ္တဝါ အပေါင်းတို့ထက် အကျွန်ုပ်သာ၍ ပညာရှိသောကြောင့်၊ အကျွန်ုပ်အား ဘုရားသခင် ဖွင့်ပြတော်မူသည် မဟုတ်ပါ။ ကိုယ်တော်သည် စိတ်နှလုံးတော်၏ အထင်ကို နားလည်မည်အကြောင်း၊ ထိုအနက်ကို အကျွန်ုပ် ပြန်ကြားလျှောက် ထားစိမ့်သောငှါသာ ဘုရားသခင် ဖွင့်ပြတော်မူ၏။

အိပ်မက်၌ရုပ်တုကြီးမြင်

၃၁ အရှင်မင်းကြီး၊ စက်တော်ခေါ်၍ မြင်မက်တော်မူသော ရူပါရုံဟူမူကား၊ ကိုယ်တော်သည် ကြည့်ရှု၍ ရုပ်တုကြီးကို မြင်တော်မူ၏။ ထူးမြတ်သော အရောင်အဝါနှင့် ပြည့်စုံ၍၊ ကြီးမြင့်သော ထိုရုပ်တုသည် ကြောက်မက်ဘွယ်သော ပုံသဏ္ဍာန်ကို ဆောင်လျက် ကိုယ်တော်ရှေ့၌ တည်ရှိ၏။ ၃၂ သူ၏ဦးခေါင်းသည် ရွှေစင်ဖြစ်၏။ ရင်ပတ်နှင့် လက်နှစ်ဘက်သည် ငွေဖြစ်၏။ ၃၃ ဝမ်းနှင့် ပေါင်နှစ်ဘက်သည် ကြေးဝါဖြစ်၏။ ခြေသလုံးနှစ်ဘက်သည် သံဖြစ်၏။ ခြေဘဝါးနှင့် ဖမိုးသည် သံတပိုင်း သရွတ်တပိုင်းဖြစ်၏။ ၃၄ ကိုယ်တော်သည် ကြည့်ရှုတော်မူစဉ်၊ လက်ဖြင့်မထုမလုပ်ဘဲ အလိုလိုဖြစ်သော ကျောက်တလုံးသည်၊ သံနှင့်သရွတ်ဖြစ်သော ရုပ်တု၏ခြေကို ထိခိုက်၍ ချိုးဖဲ့သည်ရှိသော်၊ ၃၅ သံ၊ သရွတ်၊ ကြေးဝါ၊ ငွေ၊ ရွှေတို့သည် ကျိုးပဲ့ကြေမွလျက်၊ နွေကာလ၌ ကောက်နယ်တလင်း အဖျင်းကဲ့သို့(a) ဖြစ်သဖြင့်၊ လေတိုက်လွင့်၍ သူတို့နေစရာမရှိ၊ ပျောက်လေ၏။ ရုပ်တုကို ထိခိုက်သော ကျောက်မူကား၊ တိုးပွားသဖြင့် တောင်ကြီးဖြစ်၍၊ မြေကြီးတပြင်လုံးကို ဖုံးလွှမ်းသည်၊ ဟုမြင်မက်တော်မူ၏။

အိပ်မက်၏အနက်ပြန်

CROSS REFERENCES

ဟေရှာယ ၄၂း၂၄
၂၄ လုယူရာ ဖြစ်စေခြင်းငှါ၊ ယာကုပ်ကို၎င်း၊ ဓါးပြတို့လက်သို့ ဣသရေလကို၎င်း၊ အဘယ်သူ အပ်သနည်း။ ငါတို့ပြစ်မှားသော အရှင် ထာဝရဘုရား အပ်တော်မူသည် မဟုတ်လော။ သူတို့သည် နောက်တော်သို့ မလိုက် တရားတော်ကို မကျင့်ဘဲ နေကြ၏။

ယေရမိအ ၂ရး၅
၅ ငါသည် မဟာတန်ခိုးနှင့် လက်ရုံးကိုဆန့်လျက်၊ မြေကြီးကို၎င်း၊ မြေကြီးပေါ်မှာရှိသော လူနှင့် တိရစ္ဆာန်တို့ကို၎င်း၊ ဖန်ဆင်းသည်ဖြစ်၍၊ ငါသည် ပေးလိုသောသူတို့အား ပေး၏။

ဒံ ၂း၃၇-၃၈
၃၇ အရှင်မင်းကြီး၊ ကိုယ်တော်သည် ဘုရင်တို့၏ ဘုရင်ဖြစ်တော်မူ၏။ ကောင်းကင်ဘုံရှင် ဘုရားသခင်သည်၊ နိုင်ငံနှင့်တကွ တန်ခိုးအာနုဘော် အစွမ်းသတ္တိ ဘုန်းသရေကို ကိုယ်တော်အား ပေးတော်မူပြီ။

ဒံ ၄း၁၇
၁၇ အကြောင်းမူကား၊ အမြင့်ဆုံးသော ဘုရားသည် လောကီနိုင်ငံကို အုပ်စိုးတော်မူသည်ကို၎င်း၊ ပေးလိုသောသူတို့အား ပေးတော်မူသည်ကို၎င်း၊ ယုတ်မာသောသူတို့ကို ချီးမြှောက်၍ နိုင်ငံကို အပ်ပေးတော်မူသည်ကို၎င်း၊ သတ္တဝါတို့ သိနားလည်သော အခွင့်ရှိစေခြင်းငှါ၊ သစ်ပင်စောင့်တို့သည် ဤသို့ စီရင်ကြပြီ။ သန့်ရှင်းသူတို့သည် အမိန့်တော်ကို ပေးကြပြီ၊ ဟုဟစ်ကြော်လေ၏။

၃၆ ယခုတွင် အိပ်မက်တော်၏ အနက်ကိုဖေါ်ပြ၍ နားတော်လျှောက်ပါမည်။ ၃၇ အရှင်မင်းကြီး၊ ကိုယ်တော်သည် ဘုရင်တို့၏ ဘုရင်ဖြစ်တော်မူ၏။ ကောင်းကင်ဘုံရှင် ဘုရားသခင်သည်၊ နိုင်ငံနှင့်တကွ တန်ခိုးအာနုဘော် အစွမ်းသတ္တိ ဘုန်းသရေကို ကိုယ်တော်အား ပေးတော်မူပြီ။ [E] ၃၈ လူနေရာရှိသမျှတို့နှင့် မြေကြီးသား တိရစ္ဆာန်၊ မိုးကောင်းကင်ငှက်များတို့ကို ကိုယ်တော် လက်၌ အပ်ပေး၍၊ ကိုယ်တော်သည် အလုံးစုံတို့ကို အုပ်စိုးရသော အခွင့်ရှိတော်မူ၏။ ကိုယ်တော်သည် ရုပ်တု၏ ရွှေဦးခေါင်းဖြစ်တော်မူ၏။ ၃၉ ကိုယ်တော်နောက်၌ ကိုယ်တော်၏ နိုင်ငံလောက် မမြတ်သော နိုင်ငံတခုသည် တည်ထောင်လိမ့်မည်။ ထိုနောက်၊ မြေကြီးတပြင်လုံးကို အုပ်စိုးသော ကြေးဝါနိုင်ငံတည်းဟူသော တတိယနိုင်ငံသည် တည်ထောင်လိမ့်မည်။ ၄၀ စတုတ္ထနိုင်ငံသည် သံကဲ့သို့ ခိုင်မာသော နိုင်ငံဖြစ်လိမ့်မည်။ သံသည် အခြားသော အရာရှိသမျှတို့ကို ချိုးဖဲ့၍ နိုင်သကဲ့သို့၊ စတုတ္ထနိုင်ငံသည် ချိုးဖဲ့ နှိပ်စက်ခြင်းကို ပြုလိမ့်မည်။ ၄၁ ရုပ်တု၏ ခြေနှင့် ခြေချောင်းတို့သည်၊ သရွတ်တပိုင်း သံတပိုင်းရှိသည်ကို မြင်တော်မူသည်အတိုင်း၊ အချင်းချင်း ကွဲပြားသော နိုင်ငံဖြစ်လိမ့်မည်။ သို့သော်လည်း ဖုတ်သော သရွတ်နှင့် သံရောနှောသည် ကိုမြင်တော်မူသည်ဖြစ်၍၊ သံသည် ခိုင်မာခြင်း သတ္တိရှိလိမ့်မည်။ ၄၂ ခြေချောင်းတို့သည် သံတပိုင်း သရွတ်တပိုင်း ဖြစ်သည်နှင့်အညီ၊ ထိုနိုင်ငံသည် ခိုင်မာခြင်းနှင့်၎င်း၊ ကျိုးပဲ့ခြင်းနှင့်၎င်း ဆက်ဆံလိမ့်မည်။ ၄၃ ဖုတ်သော သရွတ်နှင့် သံရောနှောသည် ကိုမြင်တော်မူသည်နှင့် လျော် စွာ၊ နိုင်ငံသားတို့သည် အခြားသော လူမျိုးသားတို့နှင့် ပေါင်းဖေါ်ကြလိမ့်မည်။ သို့သော်လည်း၊ သရွတ်နှင့် သံမရော နိုင်သကဲ့သို့၊ သူတို့သည် အချင်းချင်း ပေါင်းဖေါ်၍ မသင့်နိုင်ကြ။ ၄၄ လက်နှင့် မထုမလုပ်ဘဲ ကျောက်တလုံးသည် တောင်ပေါ်က အလိုလိုပဲ့ကွာ၍၊ ၄၅ သံ၊ ကြေးဝါ၊ သရွတ်၊ ငွေ၊ ရွှေတို့ကို ချိုးဖဲ့သည်ကို မြင်တော်မူသည် အကြောင်းအရာမှာ၊ ပျက်စီးခြင်းသို့ မရောက်နိုင်သော နိုင်ငံတခုကို ထိုမင်းကြီးများ လက်ထက်၌၊ ကောင်းကင်ဘုံရှင် ဘုရားသခင်သည် တည်ထောင်စေတော်မူမည်။ ထိုနိုင်ငံသည် အခြားသော လူမျိုးလက်သို့ မရောက်ရဘဲ၊ အထက်ဆိုခဲ့ပြီးသော နိုင်ငံရှိသမျှတို့ကို ချိုးဖဲ့ဖျက်ဆီး၍၊ အစဉ်အမြဲ တည်လိမ့်မည်။ ထိုသို့နောင်၌ ဖြစ်လတံ့သော အရာတို့ကို ကြီးမြတ်တော်မူသော ဘုရားသခင်သည်၊ အရှင်မင်းကြီးအား ကြားပြောတော်မူ၏။ အိပ်မက်တော် ရွေ့လျော့ခြင်းမရှိ။ အနက်သည်လည်း မှန်ပါ၏၊ ဟုဒံယေလသည် အထံတော်၌ လျှောက်ထား၏။

ဒံယေလကိုဆုချ

CROSS REFERENCES

၄၆ ထိုအခါ နေဗုခဒ်နေဇာ မင်းကြီးသည် ပြပ်ဝပ်၍ ဒံယေလကို ရှိခိုးကိုးကွယ်ပြီးလျှင်၊ ပူဇော်သက္ကာ ပြုခြင်းငှါ၎င်း၊ နံ့သာမျိုးကို မီးရှို့၍ ဆက်ကပ်ခြင်းငှါ၎င်း၊ စီရင်တော်မူလျက်၊ ၄၇ ကိုယ်တော်သည် ဤနက်နဲသောအရာကို [F] ဖွင့်ပြနိုင်သည် ဖြစ်၍၊ အကယ်စင်စစ် ကိုယ်တော်၏ ဘုရားသခင်သည် ဘုရားတို့၏ဘုရား၊ ဘုရင်တို့၏အရှင်၊ နက်နဲသောအရာကို ဖွင့်ပြတော်မူသော သခင်ဖြစ်တော်မူ၏၊ ဟုမိန့်တော်မူ၍၊ ၄၈ ဒံယေလကို ချီးမြှောက်လျက်၊ များစွာသော ဆုလပ်သပ်ပကာတို့ကို ပေး၍၊ ဗာဗုလုန်နိုင်ငံတွင် ဝန်ကြီးအရာ၌၎င်း၊ ဗာဗုလုန် ပညာရှိတို့ကို အုပ်စိုးသော ဝန်အရာ၌၎င်း၊ ခန့်ထားတော်မူ၏။ ၄၉ ထိုအခါ ဒံယေလသည် သံတော် ဦးတင်သောကြောင့်၊ မင်းကြီးသည် ရှာဒရက်၊ မေရှက်၊ အဗေဒနေဂေါတို့ကို၊ ဗာဗုလုန်နိုင်ငံတွင် ဝန်အရာ၌ ခန့်ထားတော်မူ၏။ ဒံယေလသည် နန်းတော်ဦး၌ နေရလေ၏။

_________________________
Footnotes

၃၅ (a) ဟေဗြဲစကားလုံး כְּע֣וּר အင်္ဂလိပ်အသံထွက် kə·‘ūr အဓိပ္ပါယ် chaff စပါးအဖျင်းကို မြန်မာကျမ်းစာအုပ်၌ "အမုန့်" ဟုဘာသာပြန်ထားသည်။