ဒံယေလ အနာဂတ္တိ

အခန်းကြီး ၄

နေဗုခဒ်နေဇာမင်းက ဘုရားသခင်ကို ဝန်ခံ

၁ ငါ နေဗုခဒ်နေဇာ မင်းကြီး ကြားမှာလိုက်သည်။ မြေကြီးတပြင်လုံး၌ အရပ်ရပ်နေ၍ အသီးသီး အခြားခြားသော ဘာသာစကားကို ပြောသော လူမျိုးတကာတို့၊ သင်တို့၌ ငြိမ်ဝပ်ချမ်းသာခြင်း များပြားစေသော။ ၂ မြင့်မြတ်တော်မူသော ဘုရားသခင်သည် ငါ၌ ပြုတော်မူသော နိမိတ်လက္ခဏာ၊ အံ့ဘွယ်သောအမှုတို့ကို ပြခြင်းငှါ ငါအလိုရှိ၏။ ၃ ထိုနိမိတ် လက္ခဏာတော်သည် အလွန်ကြီးပေ၏။ အံ့ဘွယ်သော အမှုတော်သည်လည်း တန်ခိုးနှင့် ပြည့်စုံပေ၏။ ဘုရားသခင်၏ နိုင်ငံတော်သည် ထာဝရနိုင်ငံဖြစ်၏။ အာဏာစက်သည်လည်း ကမ္ဘာအဆက်ဆက် တည်တော်မူ၏။

နေဗုခဒ်နေဇာမင်း အိပ်မက်

CROSS REFERENCES

ဒံ ၄း၇

ဒံ ၄း၁၈

ဒံ ၄း၇
၇ မာဂုပညာရှိ၊ ဗေဒင်တတ်၊ ခါလဒဲဆရာ၊ အနာဂတ္တိဆရာတို့သည် ဝင်ကြလျှင်၊ ငါမြင်မက်သော အိပ်မက်ကို သူတို့အား ပြပြောသော်လည်း၊ သူတို့သည် အနက်ကို မဖော်မပြနိုင်ကြ။

ဒံ ၄း၁၈
၁၈ ထိုသို့ ငါနေဗုခဒ်နေဇာ မင်းကြီးသည် မြင်မက်ရပြီ။ ယခုတွင် အချင်း ဗေလတရှာဇာ၊ ငါမြင်သော အိပ်မက်အနက်ကို ဖော်ပြလော့။ ငါ့နိုင်ငံတွင် ပညာရှိအပေါင်းတို့သည် အနက်ကို ငါ့အား မဖော်မပြနိုင်သော်လည်း၊ သင်သည် သန့်ရှင်းသော ဘုရားသခင်၏ ဝိညာဉ်နှင့် ပြည့်စုံ၍ ဖော်ပြနိုင်သည်၊ ဟု ငါသည် ကိုယ်မြင်သော အိပ်မက်ကို ဒံယေလအား ပြန်ပြောလေ၏။ sအိပ်မက်အဓိပ္ပါယ်ကို ဒံယေလဖော်ပြ

CROSS REFERENCES

ဒံ ၂း၁၈-၁၉
၁၈ ငါတို့သည် အခြားသော ဗာဗုလုန် ပညာရှိတို့နှင့် အတူ မသေမပျောက်စေခြင်းငှါ၊ ဤနက်နဲသောအရာ၌ ကရုဏာ ကျေးဇူးတော်ကို ခံရမည်အကြောင်း၊ ကောင်းကင်ဘုံ ရှင်ဘုရားသခင်ကို ဆုတောင်းကြကုန်အံ့၊ ဟုပြောဆို၏။ sဘုရားသခင်က အိပ်မက်ကိုဖေါ်ပြ

ဒံ ၂း၂၈-၃၀
၂၈ နက်နဲသောအရာ တို့ကို ဖွင့်ပြ၍၊ နောင်ကာလ၌ ဖြစ်လတံ့သော အရာတို့ကို နေဗုခဒ်နေဇာ မင်းကြီးအား ကြားပြောတော်မူသော ဘုရားသခင် တဆူသည် ကောင်းကင်ဘုံမှာ ရှိတော်မူ၏။

ဒံ ၂း၄ရ
၄၇ ကိုယ်တော်သည် ဤနက်နဲသောအရာကို ဖွင့်ပြနိုင်သည် ဖြစ်၍၊ အကယ်စင်စစ် ကိုယ်တော်၏ ဘုရားသခင်သည် ဘုရားတို့၏ဘုရား၊ ဘုရင်တို့၏အရှင်၊ နက်နဲသောအရာကို ဖွင့်ပြတော်မူသော သခင်ဖြစ်တော်မူ၏၊ ဟုမိန့်တော်မူ၍၊

ဒံ ၄း၉
၉ အချင်း မာဂုဆရာချုပ် ဗေလတရှာဇာ၊ သင်သည် သန့်ရှင်းသော ဘုရားသခင်၏ ဝိညာဉ်တော်နှင့် ပြည်စုံသည်ကို၎င်း၊ နက်နဲသောအရာ ရှိသမျှတို့ကို ဖွင့်ပြနိုင်သည်ကို၎င်း ငါသိ၏။ သို့ဖြစ်၍၊ ငါမြင်မက်သော အိပ်မက်၏ အနက်ကို ဖော်ပြလော့။

ရော ၁၁း၂၅
၂၅ ညီအစ်ကိုတို့၊ သင်တို့သည် ဝါကြွားသော စိတ်မရှိစေမည်အကြောင်း တပါးအမျိုးသား အပေါင်းတို့သည် မဝင်မှီတိုင်အောင်၊ ဣသရေလလူအချို့တို့ကို မှောင်မိုက်ဖုံးလွမ်းခြင်း အကြောင်းတည်းဟူသော၊ နက်နဲသောအရာကို မသိဘဲနေစေခြင်းငှါ ငါအလိုမရှိ။

ဧဖက် ၁း၉-၁၀
၉ ဘုရားသခင်သည်၊ နှလုံးသွင်းတော်မူသော စေတနာတော်နှင့် လျော်သော အလိုတော်၏ နက်နဲသောအရာကို၊ ငါတို့အား ပြတော်မူ၏။ s ကောင်းကင်နှင့် မြေကြီးပေါ်ရှိသမျှ ခရစ်တော်၌ ချုပ်ခြာစေမည်

ဧဖက် ၃း၃-၅
၃ ကျေးဇူးတော် သာသနာကို အပ်ပေးသည် အကြောင်းဟူမူကား၊ ငါသည် အထက်က အနည်းငယ် ရေးထားသည်အတိုင်း၊ ဘုရားသခင်သည် ဗျာဒိတ်တော်အားဖြင့်၊ နက်နဲသောအရာ ကို ငါ့အားပြတော်မူ၏။

ဧဖက် ၃း၆-၈
၆ ထိုနက်နဲသော အရာဟူမူကား၊ တပါးအမျိုးသားတို့သည်၊ ဧဝံဂေလိတရားအားဖြင့်၊ ယုဒအမျိုးသားတို့နှင့် အမွေခံ၍၊ တလုံးတဝ တကိုယ်တည်း ဖြစ်လျက်၊ ခရစ်တော်နှင့် ဆိုင်သော ဂတိတော်ကို ဆက်ဆံရကြသတည်း။

ဧဖက် ၅း၃၂
၃၂ ဤအရာသည် အလွန်နက်နဲသောအရာ ဖြစ်ပေ၏။ ထိုသို့ငါဆိုသော်၊ ခရစ်တော်နှင့် အသင်းတော်ကို ရည်မှတ်၍ ဆိုသတည်း။

ဧဖက် ၆း၂၀
၂၀ သံတမန်အမှုကို ပြုရသည်ဖြစ်၍၊ ထိုတရား၏ နက်နဲသောအရာ ကို ဖေါ်ပြခြင်းငှါ၊ ငါသည် နှုတ်ကို ရဲရင့်စွာ ဖွင့်လှစ်ခြင်း အခွင့်ရှိမည် အကြောင်းကို၎င်း၊ ထိုတရားကို ဟောပြောအပ်သည်နှင့် အညီ၊ ရဲရင့်စွာ ဟောပြောမည်အကြောင်းကို၎င်း၊ ငါ့အဘို့လည်း ဆုတောင်းကြလော့။ s ပေါလု၏ အခြေအနေသိနိုင်ရန် တုခိတ်ကိုစေလွှတ်

ကောလော ၁း၂ရ
၂၇ တပါးအမျိုးသားတို့တွင် ဤနက်နဲသောအရာ နှင့်ဆိုင်သော မဟာစည်းစိမ်ကား၊ အဘယ်မျှလောက် ကြီးသည်ကို သန့်ရှင်းသူတို့သည် သိစေခြင်းငှါ၊ ဘုရားသခင် အလိုရှိတော်မူ၏။ ထိုစည်းစိမ်ကား၊ ဘုန်းအသရေကို မြော်လင့်ခြင်းအကြောင်းတည်းဟူသော သင်တို့အထဲ၌ တည်တော်မူသော ခရစ်တော်ပေတည်း။

ကောလော ၂း၂-၃
၂ မေတ္တာချင်းထုံးဖွဲ့၍၊ ခမည်းတော်ဘုရားနှင့် ခရစ်တော်၏၊ နက်နဲသောအရာ ကိုနားလည်နိုင်သော၊ ယုံမှားခြင်းနှင့်ကင်းစင်သောဥာဏ်၏ %fo(a) စည်းစိမ်အပေါင်းနှင့် ပြည့်စုံ၍၊ စိတ်နှလုံး သက်သာစေမည်အကြောင်း၊ အဘယ်မျှလောက်ကြီးသော တိုက်လှန်ခြင်းကို ငါခံရသည်၊ ဟုသင်တို့သိစေခြင်းငှါ ငါအလိုရှိ၏။

ကောလောသဲ ၄း၃-၄
၃ ငါသည် ခရစ်တော်၏ နက်နဲသောအရာကြောင့်၊ အချည်အနှောင်ခံရသည်ဖြစ်၍၊

၄ ငါနေဗုခဒ်နေဇာသည် နန်းတော်၌ ငြိမ်ဝပ်စွာနေ၍ စည်းစိမ်ကြီးစဉ်အခါ၊ ၅ ကြောက်မက်ဘွယ်သော အိပ်မက်ကိုမြင်၍၊ သာလွန်ပေါ်မှာ အိပ်လျက်စိတ်ထဲ၌ အာရုံပြုသော ရူပါရုံအားဖြင့် တုန်လှုပ်ခြင်းသို့ ငါရောက်လေ၏။ ၆ ထိုကြောင့်၊ အိပ်မက်အနက်ကို ငါ့အား ဖော်ပြစေခြင်းငှါ၊ ဗာဗုလုန် ပညာရှိအပေါင်းတို့ကို အထံတော်သို့ သွင်းစေ၊ ဟုငါအမိန့်တော်ရှိသည်အတိုင်း၊ ၇ မာဂုပညာရှိ၊ ဗေဒင်တတ်၊ ခါလဒဲဆရာ၊ အနာဂတ္တိဆရာတို့သည် ဝင်ကြလျှင်၊ ငါမြင်မက်သော အိပ်မက်ကို သူတို့အား ပြပြောသော်လည်း၊ သူတို့သည် အနက်ကို မဖော်မပြနိုင်ကြ။ [A] ၈ နောက်မှ ငါကိုးကွယ်သော ဘုရား၏ နာမအားဖြင့်၊ ဗေလတရှာဇာ၊ ဟုခေါ်သမုတ်၍၊ သန့်ရှင်းသော ဘုရားသခင်၏ ဝိညာဉ်တော်နှင့် ပြည်စုံသော ဒံယေလသည် ငါ့ထံသို့ဝင်လာလျှင်၊ ၉ အချင်း မာဂုဆရာချုပ် ဗေလတရှာဇာ၊ သင်သည် သန့်ရှင်းသော ဘုရားသခင်၏ ဝိညာဉ်တော်နှင့် ပြည်စုံသည်ကို၎င်း၊ နက်နဲသောအရာ [B] ရှိသမျှတို့ကို ဖွင့်ပြနိုင်သည်ကို၎င်း ငါသိ၏။ သို့ဖြစ်၍၊ ငါမြင်မက်သော အိပ်မက်၏ အနက်ကို ဖော်ပြလော့။ ၁၀ ငါအိပ်ပျော်စဉ်တွင် မြင်မက်သည်ကား၊ ငါကြည့်ရှု၍ မြေကြီးအလယ်၌ အရပ်မြင့်လှသော သစ်ပင်တစ်ပင်ရှိ၏။ ၁၁ ထိုအပင်သည် ကြီးပွား၍ ခိုင်မာခြင်းသို့ ရောက်၏။ မိုးကောင်းကင်သို့ထိ၍ မြေကြီးစွန်းတိုင်အောင် ထင်ရှား၏။ ၁၂ အရွက်လည်းလှ၏။ သတ္တဝါအပေါင်းတို့စား၍ ဝလောက်သော အသီးနှင့်ပြည့်စုံ၏။ မြေတိရစ္ဆာန်တို့သည် ထိုသစ်ပင်အရိပ်၌ ခိုကြ၏။ အခက်အလက်တို့၌ ကောင်းကင်ငှက်တို့သည် နားနေကြ၏။

နေဗုခဒ်နေဇာက သူ့အိပ်မက်ကို ဒံယေလထံပြော

CROSS REFERENCES

ဒံ ၄းရ

ဒံ ၄းရ
၇ မာဂုပညာရှိ၊ ဗေဒင်တတ်၊ ခါလဒဲဆရာ၊ အနာဂတ္တိဆရာတို့သည် ဝင်ကြလျှင်၊ ငါမြင်မက်သော အိပ်မက်ကို သူတို့အား ပြပြောသော်လည်း၊ သူတို့သည် အနက်ကို မဖော်မပြနိုင်ကြ။

၁၃ အိပ်ပျော်၍ မြင်မက်စဉ်၊ တဖန် ငါကြည့်ရှုပြန်လျှင်၊ သစ်ပင်စောင့် တည်းဟူသော သန့်ရှင်းသူ တစ်ယောက်သည် ကောင်းကင်မှ ဆင်းလာ၍၊ ၁၄ သစ်ပင်ကိုလှဲလော့။ အခက်တို့ကိုခုတ်လော့။ အသီးအရွက်တို့ကို လှုပ်ခြွေလော့။ တိရစ္ဆာန်တို့သည် သစ်ပင်အောက်က ထွက်၍၊ ငှက်တို့သည်လည်း အကိုင်းအခက်ထဲက သွားကြစေ။ ၁၅ သို့သော်လည်း၊ မြေ၌ စွဲသောအမြစ်နှင့်တကွ သစ်ငုတ်ကို ခြွင်းထား၍၊ သံကြိုး၊ ကြေးဝါကြိုးနှင့် ချည်နှောင်သကဲ့သို့ နုသောမြက်ပင်ထဲ၌ ရှိစေလော့။ ခုနစ်နှစ်ပတ်လုံး မိုးစွတ်ခြင်းကိုခံ၍ တိရစ္ဆာန်တို့နှင့်အတူ ဆက်ဆံလျက် မြက်ပင်စားစေလော့။ ၁၆ လူစိတ်သဘောပျောက်၍ တိရစ္ဆာန်စိတ်သဘောနှင့် ပြည့်စုံစေလော့။ ၁၇ အကြောင်းမူကား၊ အမြင့်ဆုံးသော ဘုရားသည် လောကီနိုင်ငံကို အုပ်စိုးတော်မူသည်ကို၎င်း၊ ပေးလိုသောသူတို့အား ပေးတော်မူသည်ကို၎င်း၊ ယုတ်မာသောသူတို့ကို ချီးမြှောက်၍ နိုင်ငံကို အပ်ပေးတော်မူသည်ကို၎င်း၊ သတ္တဝါတို့ သိနားလည်သော အခွင့်ရှိစေခြင်းငှါ၊ သစ်ပင်စောင့်တို့သည် ဤသို့ စီရင်ကြပြီ။ သန့်ရှင်းသူတို့သည် အမိန့်တော်ကို ပေးကြပြီ၊ ဟုဟစ်ကြော်လေ၏။ ၁၈ ထိုသို့ ငါနေဗုခဒ်နေဇာ မင်းကြီးသည် မြင်မက်ရပြီ။ ယခုတွင် အချင်း ဗေလတရှာဇာ၊ ငါမြင်သော အိပ်မက်အနက်ကို ဖော်ပြလော့။ ငါ့နိုင်ငံတွင် ပညာရှိအပေါင်းတို့သည် အနက်ကို ငါ့အား မဖော်မပြနိုင်သော်လည်း၊ [C]သင်သည် သန့်ရှင်းသော ဘုရားသခင်၏ ဝိညာဉ်နှင့် ပြည့်စုံ၍ ဖော်ပြနိုင်သည်၊ ဟု ငါသည် ကိုယ်မြင်သော အိပ်မက်ကို ဒံယေလအား ပြန်ပြောလေ၏။

အိပ်မက်အဓိပ္ပါယ်ကို ဒံယေလဖော်ပြ

၁၉ ထိုအခါ ဗေလတရှာဇာ အမည်ရှိသော ဒံယေလသည်၊ တစ်နာရီလောက် မိန်းမောတွေဝေ၍ စိတ်ပူပန်လျက်နေ၏။ ရှင်ဘုရင်က၊ အချင်း ဗေလတရှာဇာ၊ အိပ်မက် အနက်အဓိပ္ပါယ်ကြောင့် ပူပန်သော စိတ်မရှိပါနှင့်၊ ဟုမိန့်တော်မူ၏။ ဗေလတရှာဇာကလည်း၊ အရှင်စော၊ ကိုယ်တော်ကို မုန်းသော ရန်သူတို့အပေါ်၌ အိပ်မက်အနက် ရောက်ပါစေသော်။ ၂၀ မြင်မက်တော်မူစဉ်တွင် ကြီးပွား၍ ခိုင်မာထသော၊ မိုးကောင်းကင်သို့ထိ၍ မြေကြီးတပြင်လုံး၌ ထင်ရှားထသော၊ ၂၁ အရွက်လှလျက်၊ သတ္တဝါအပေါင်းတို့ စား၍ ဝလောက်သောအသီးနှင့် ပြည့်စုံထသော၊ မြေတိရစ္ဆာန်တို့သည် အောက်၌ နေကြသဖြင့်၊ အခက်အလက်တို့၌ ကောင်းကင်ငှက်များ မှီခိုနားနေရာဖြစ်သော သစ်ပင်သည်၊ ၂၂ အရှင်မင်းကြီး၊ ကိုယ်တော်ပင် ဖြစ်ပါ၏။ ကိုယ်တော်သည် ကြီးပွား၍ ခွန်အားနှင့် ပြည့်စုံတော်မူ၏။ ဘုန်းစည်းစိမ်တော်ကြီးမြင့်၍ မိုးကောင်းကင်သို့ ထိ၏။ အာဏာစက်တော်သည်လည်း၊ မြေကြီးစွန်းတိုင်အောင် ရောက်တော်မူ၏။ ၂၃ သစ်ပင်စောင့်၊ သန့်ရှင်းသူ တစ်ယောက်သည် ကောင်းကင်မှ ဆင်းလာ၍၊ သစ်ပင်ကို ခုတ်လှဲဖျက်ဆီးလော့။ သို့သော်လည်း၊ မြေကြီး၌ စွဲသောအမြစ်နှင့်တကွ သစ်ငုတ်ကို ခြွင်းထား၍ သံကြိုး၊ ကြေးဝါကြိုးနှင့် ချည်နှောင်သကဲ့သို့ နုသော မြက်ပင်ထဲ၌ ရှိစေလော့။ ခုနစ်နှစ်ပတ်လုံး မိုးစွတ်ခြင်းကိုခံ၍၊ မြေတိရစ္ဆာန်တို့နှင့် ဆက်ဆံစေ၊ ဟုဆိုသည်မှာ၊ ၂၄ အမြင့်ဆုံးသော ဘုရားသခင် စီရင်တော်မူ၍၊ အရှင်မင်းကြီး အပေါ်၌ ရောက်ရသော မြင်မက်တော်မူချက်၏ အနက်ဟူမူကား၊ ၂၅ ကိုယ်တော်ကို လူစုထဲက နှင်ထုတ်၍၊ မြေတိရစ္ဆာန်တို့နှင့်အတူ နေရာချကြလိမ့်မည်။ အမြင့်ဆုံးသော ဘုရားသည် လောကီနိုင်ငံကို အုပ်စိုး၍၊ ပေးလိုသော သူတို့အား ပေးတော်မူသည်ကို ကိုယ်တော် မသိမမှတ်မှီကာလ၊ ခုနစ်နှစ်ပတ်လုံး နွားကဲ့သို့ မြက်ကိုစား၍၊ မိုးစွတ်ခြင်းကို ခံလျက်နေရမည်။ ၂၆ သစ်မြစ်၊ သစ်ငုတ်ကို ခြွင်းထားစေခြင်းငှါ စီရင်ကြသည်အရာမှာ၊ ကောင်းကင်ဘုံသည် အုပ်စိုးကြောင်းကို ကိုယ်တော် သိပြီးသောနောက်၊ နိုင်ငံတော်သည် လက်တော်မှ မရွေ့ဘဲ တည်လိမ့်မည်။ ၂၇ သို့ဖြစ်၍၊ အရှင်မင်းကြီး၊ အကျွန်ုပ်စကားကို နာယူတော်မူပါ။ တရားသောအမှုကို ပြုခြင်း၊ ဆင်းရဲသောသူတို့ကို သနားခြင်းအားဖြင့် ဒုစရိုက်အပြစ်တို့ကို ပယ်ဖြတ်တော်မူပါ။ ထိုသို့ပြုလျှင်၊ ချမ်းသာရကောင်း ရတော်မူလိမ့်မည်၊ ဟုဒံယေလ လျှောက်ထား၏။

နေဗုခဒ်နေဇာအပေါ် အိပ်မက်ပြည့်စုံခြင်း

၂၈ ထိုအမှုအရာအလုံးစုံတို့သည် နေဗုခဒ်နေဇာ မင်းကြီး အပေါ်သို့ ရောက်သည် အကြောင်းကား၊ ၂၉ တစ်ဆယ်နှစ်လလွန်ပြီးသော်၊ ဗာဗုလုန် နန်းတော်ပေါ်မှာ စင်္ကြံသွားလျက်၊ ၃၀ ဤမြို့ကား၊ ငါ့နိုင်ငံတည်ရာ၊ ငါ့ရွှေဘုန်းတော်ကို ချီးမြှောက်ရာဖို့၊ ငါ့တန်ခိုး အာနုဘော်အားဖြင့် ငါတည်လုပ်သော ဗာဗုလုန်မြို့ကြီး မဟုတ်လော၊ ဟုမြွက်ဆို၏။ ၃၁ ထိုစကားကို မြွက်ဆိုစဉ်ပင်၊ ကောင်းကင်မှ သက်ရောက်သော အသံဟူမူကား၊ အိုနေဗုခဒ်နေဇာမင်းကြီး၊ နားထောင်လော့။ နိုင်ငံတော်သည် သင့်လက်မှ ရွေ့သွားပြီ။ ၃၂ သင့်ကို လူစုထဲက နှင်ထုတ်၍၊ မြေတိရစ္ဆာန်တို့နှင့်အတူ နေရာချကြလိမ့်မည်။ အမြင့်ဆုံးသော ဘုရားသည် လောကီနိုင်ငံကို အုပ်စိုး၍၊ ပေးလိုသောသူတို့အား ပေးတော်မူသည်ကို မင်းကြီး မသိမမှတ်မှီ ကာလ ခုနစ်နှစ်ပတ်လုံး နွားကဲ့သို့ မြက်ကိုစားလျက် နေရမည်၊ ဟုအသံဖြစ်လေ၏။ ၃၃ ထိုစကားနှင့်အညီ နေဗုခဒ်နေဇာ၌ ချက်ခြင်းဖြစ်၍၊ လူစုထဲက နှင်ထုတ်ကြလျှင်၊ သူသည် နွားကဲ့သို့ မြက်ကိုစား၍ မိုးစွတ်ခြင်းကိုခံသဖြင့်၊ ကိုယ်အမွှေးသည် လင်းယုန် အတောင်ကဲ့သို့၎င်း၊ လက်သည်း ခြေသည်းတို့သည် ငှက်ခြေသည်းကဲ့သို့၎င်း ဖြစ်၏။

နေဗုခဒ်နေဇာ လူစိတ်ပြန်ဝင်၍ အာဏာပြန်တည်

CROSS REFERENCES

ယောရှု ၂၂း၃၃
၃၃ ဣသရေလ အမျိုးသားတို့သည် ဝမ်းမြောက်ခြင်းရှိ၍ ဘုရားသခင်၏ ကျေးဇူးတော်ကို ချီးမွမ်းကြ၏။ နောက်တဖန် ရုဗင်အမျိုး၊ ဂဒ်အမျိုးသား တို့နေသော ပြည်ကို လုပ်ကြံအံ့သောငှာ စစ်ချီမည်၊ ဟုအကြံမရှိကြ။

၂ ရာ ၅း၁၃
၁၃ သီချင်းဆိုသော သူတို့နှင့် ဝိုင်းလျှင်၊ ထာဝရ ဘုရား၏ ဂုဏ်ကျေးဇူးတော်ကို ချီးမွမ်း၍ ထောပနာပြုခြင်းငှါ၊ တညီတညွတ်တည်း အသံပြိုင်လျက် ကောင်းမြတ်တော်မူသည်။ ကရုဏာတော် အစဉ်အမြဲ တည်သည်၊ ဟုတံပိုးခွက်ကွင်း အစရှိသော တူရိယာမျိုးနှင့်တကွ၊ အသံကိုလွှင့်၍ ထာဝရဘုရား၏ ဂုဏ်တော်ကို ချီးမွမ်းကြသောအခါ၊ ထာဝရဘုရား၏ အိမ်တော်သည် မိုးတိမ်နှင့် ပြည့်၏။

၂ ရာ ရး၃
၃ ထိုသို့မီးကျ၍ထာဝရဘုရား၏ ဘုန်းတော်သည်အိမ်တော်ပေါ်မှာသက်ရောက်သည်ကို ဣသရေလအမျိုးသားအပေါင်းတို့သည်မြင်လျှင်၊ ကျောက်ခင်းအရပ်၌ မြေပေါ်မှာဦးချပြပ်ဝပ်လျက်၊ ကောင်းမြတ်တော်မူသည်၊ ကရုဏာတော်အစဉ်အမြဲတည်သည်၊ ဟုထာဝရဘုရားကိုကိုးကွယ်၍ ဂုဏ်တော်ကိုချီးမွမ်းကြ၏။ sများစွာသောယဇ်ပူဇော်ကြ

ဒံ ၂း၂၀
၂၀ ထိုအခါ ဒံယေလသည် ကောင်းကင်ဘုံ ရှင်ဘုရားသခင်၏ ကျေးဇူးတော်ကို ချီးမွမ်းလျက်၊ ဘုရားသခင်၏ နာမတော်သည် ထာဝရဘုရား မင်္ဂလာရှိပါစေသတည်း။ ပညာနှင့်၎င်း၊ အစွမ်းသတ္တိနှင့်၎င်း ပြည့်စုံတော်မူ၏။

ဒံ ၂း၂၃
၂၃ အကျွန်ုပ် ဘိုးဘေးတို့၏ ဘုရားသခင်၊ ကျွန်ုပ်အား ပညာအစွမ်း သတ္တိကို ပေးသနား၍၊ အကျွန်ုပ်တို့ ဆုတောင်းသည်အတိုင်း ရှင်ဘုရင်၏ အိပ်မက်ကို ဖွင့်ပြတော်မူသော ကျေးဇူးကို ချီးမွမ်း ထောမနာပြုပါ၏၊ ဟုဒံယေလမြွက်ဆိုပြီးမှ၊

ဒံ ၄း၃၄
၃၄ ကာလအချိန်စေ့သောအခါ၊ ငါနေဗုခဒ်နေဇာသည် ကောင်းကင်သို့ မျှော်ကြည့်၍ သတိရပြန်လျှင်၊ အမြင့်ဆုံးသော ဘုရားကို ကောင်းကြီးပေး၍၊ ထာဝရ အသက်ရှင်တော်မူသော ဘုရားကို ချီးမွမ်းထောမနာပြု၏။အာဏာတော်သည် ထာဝရအာဏာဖြစ်၏။ နိုင်ငံတော်သည် ကမ္ဘာအဆက်ဆက်တည်၏။

ဒံ ၄း၃ရ
၃၇ ယခုတွင် ငါနေဗုခဒ်နေဇာသည် ကောင်းကင်ဘုံ၏ အရှင်ဘုရားသခင်ကို ချီးမွမ်းထောပနာပြု၏။ စီရင်ဖန်ဆင်းတော်မူသမျှသော အရာတို့သည် သစ္စာနှင့်ပြည့်စုံ၍၊ တရားနှင့်ညီလျော်ကြ၏။ မာနထောင်လွှားသော သူတို့ကို နှိမ့်ချခြင်းငှါ တတ်နိုင်တော်မူ၏ဟု အမိန့်တော်ကို အရပ်ရပ်သို့ ပြန့်စေတော်မူ၏။

ဒံ ၆း၁၀
၁၀ အမိန့်တော်ထုတ်၍ တံဆိပ်ခတ်ကြောင်းကို ဒံယေလသည် ကြားသိသော်လည်း၊ မိမိအိမ်သို့သွား၍ ယေရုရှလင်မြို့သို့ မျက်နှာပြုရာ အထက်ခန်းပြတင်းပေါက် ပွင့်လျက်ပင်၊ အထက်ပြုလေ့ရှိသည်အတိုင်း၊ တစ်နေ့သုံးကြိမ် ဒူးထောက်လျက် ဘုရားသခင်ကို ဆုတောင်း၍ ဂုဏ်ကျေးဇူးတော်ကို ချီးမွမ်းလေ၏။

မာကု ၂း၁၂
၁၂ ထိုသူသည်လည်း ချက်ခြင်းထ၍ အိပ်ယာကို ဆောင်လျက် လူအပေါင်းတို့ရှေ့မှာ ထွက်သွား၏။ ထိုလူအပေါင်းတို့သည် မိန်းမောတွေဝေခြင်းရှိ၍၊ ဤကဲ့သို့တခါမျှ မမြင်စဖူး၊ ဟုပြောဆို၍ ဘုရားသခင်၏ ဂုဏ်တော်ကို ချီးမွမ်းကြ၏။ s လေဝိကိုခေါ်

လု ၁း၄၆
၄၆ မာရိကလည်း၊ ငါ့စိတ်နှလုံးသည်ထာဝရဘုရားကိုချီးမွမ်း၏။

လု ၁း၆၄
၆၄ ထိုခဏခြင်းတွင်ဇာခရိသည်နှုတ်ဖွင့်ခြင်း၊ လျှာလွတ်ခြင်းရှိသည်ဖြစ်၍၊ စကားအားဖြင့်ဘုရားသခင်၏ ကျေးဇူးတော်ကိုချီးမွမ်းလေ၏။

လု ၂း၁၄
၁၄ ကောင်းကင်ဘဝဂ်ဝယ်၊ ဘုရားသခင်သည် ဘုန်းကြီးတော်မူစေသတည်း။ မြေကြီးပေါ်၌လည်း၊ ငြိမ်သက်ခြင်း ရှိစေသတည်း။ လူတို့အား မေတ္တာကရုဏာ ရှိစေသတည်း၊ ဟုဘုရားသခင်ကို ချီးမွမ်း၍ မြွက်ဆိုကြ၏။ sသိုးထိန်းတို့ချီးမွမ်း

လု ၂း၂၀
၂၀ သိုးထိန်းတို့သည်လည်း မိမိတို့အား ပြောနှင့်သည်အတိုင်း၊ ကြားမြင်သမျှသော အကြောင်းအရာကို ထောက်၍၊ ဘုရားသခင်ကို အံ့ဩချီးမွမ်းလျက် ပြန်သွားကြ၏။ sသူငယ်တော် ယေရှုထာ၀ရဘုရားထံဆက်ကပ်

လု ၂း၂၈-၂၉
၂၈ ရှုမောင်သည် ယေရှုကိုလက်နှင့် ချီပိုက်၍၊

လု ၂း၃၈
၃၈ သူသည်လည်း ထိုခဏခြင်းတွင် ဝင်၍၊ ထာဝရဘုရား၏ ကျေးဇူးတော်ကို ချီးမွမ်းလေ၏။ ယေရုရှလင်မြို့၌ ရွေးနှုတ်ခြင်းအရာကို မြော်လင့်သောသူ အပေါင်းတို့အား ထိုသူငယ်၏ အကြောင်းကို ပြောလေ၏။

ရော ၁း၈
၈ သင်တို့၏ ယုံကြည်ခြင်းအရာသည်၊ မြေတပြင်လုံး၌ အနှံ့အပြားကျော်စောသည်ဖြစ်၍၊ သင်တို့အကြောင်းကြောင့် ယေရှုခရစ်တော်အားဖြင့်၊ ငါ၏ဘုရားသခင် ကျေးဇူးတော်ကို ရှေ့ဦးစွာငါချီးမွမ်း၏။

ရော ၄း၂၀
၂၀ ယုံမှားသောစိတ်နှင့်ကင်း၍၊ ဘုရားသခင်၏ ဂတိတော်ကို တွေးတောခြင်းမရှိ၊ ယုံကြည်အားကြီးသဖြင့် ဘုရားသခင်ကိုချီးမွမ်း၍၊

ရော ၁၁း၁၄
၁၄ ထိုသို့ဆိုသော်၊ ငါသည် တပါးအမျိုးသားတို့နှင့် ဆိုင်သောတမန်တော် ဖြစ်သည်နှင့်အညီ၊ ထိုတမန်တော်၏ အရာကိုချီးမွမ်းလျက်၊ ငါ့အမျိုးသားချင်း တို့၏စိတ်ကို တခုခုအားဖြင့် နှိုးစော်၍၊ အချို့တို့ကို ကယ်တင်ခြင်းငှါ တပါးအမျိုးသားဖြစ်သော သင်တို့အား ဆိုရသတည်း။

၁ ကော ၁း၆
၆ အရာရာ၌ နှုတ်သတ္တိ၊ ဥာဏ်သတ္တိ အပေါင်းနှင့် ကြွယ်ဝပြည့်စုံ ကြသည်ဖြစ်၍၊ ယေရှုခရစ်အားဖြင့် သင်တို့အား ပေးတော်မူသော၊ ဆုကျေးဇူးတော်ကို ငါထောက်၍၊ သင်တို့အကြောင်းကြောင့်၊ ငါ့ဘုရားသခင်၏ ကျေးဇူးတော်ကို၊ အစဉ်မပြတ် ချီးမွမ်း၏။

ဖိလိ ၁း၅
၅ သင်တို့သည် ရှေ့ဦးစွာသော နေ့ရက်မှစ၍၊ ယခုတိုင်အောင် ဧဝံဂေလိတရားကို ဆက်ဆံ၍၊ ခံစားကြောင်းကို ငါထောက်သဖြင့်၊ ဘုရားသခင်၏ ကျေးဇူးတော်ကို ချီးမွမ်းပါ၏။

ကောလော ၁း၅
၅ ငါတို့ သခင်ယေရှုခရစ်၏ ခမည်းတော် တည်းဟူသော၊ ဘုရားသခင်၏ ကျေးဇူးတော်ကို ချီးမွမ်းကြ၏။ s ထိုတရား လောကီနိုင်ငံတရှောက်လုံး၌ အသီးသီးတိုးပွါးပြီ

၁ သက် ၁း၄
၄ ဘုရားသခင်၏ ကျေးဇူးတော်ကို ကာလအစဉ်ချီးမွမ်း၍၊ သင်တို့အဖို့ အလိုငှာ ဆုတောင်းပဌနာ ပြုလျက်နေကြ၏။ s သက်သာလောနိတ် အသင်းတော်သည် ပုံသက်သေကောင်းဖြစ်

၁ သက် ၂း၁၃
၁၃ ငါတို့ဟောပြောသော ဘုရားသခင်၏ နှုတ်ကပတ်တရားကို၊ သင်တို့သည် ခံယူကြသောအခါ၊ လူ၏ နှုတ်ထွက်စကားကို မခံမယူဘဲ၊ ဘုရားသခင်၏ နှုတ်ကပတ်တော် အမှန်ဖြစ်သည်နှင့်အညီ၊ ယုံကြည်ခြင်းသို့ ရောက်သော သင်တို့အထဲ၌၊ ပြုပြင်သော ဘုရားသခင်၏ နှုတ်ကပတ်တရားကို၊ ခံယူကြသည် အကြောင်းအရာကို ငါတို့သည်ထောက်၍၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏။ sသက်သာလောနိတ် အသင်းသားများ ယုဒယုံကြည်သူများကဲ့သို့ဖြစ်

၂ သက် ၁း၃
၃ ညီအစ်ကိုတို့၊ သင်တို့၏ ယုံကြည်ခြင်းသည် အလွန်တိုးပွား၍၊ လူတိုင်း အသီးအသီးတို့သည်၊ အချင်းချင်း ချစ်ခြင်းမေတ္တာနှင့် ပြည့်စုံကြသည်ဖြစ်၍၊ ငါတို့သည် ပြုသင့်သည်အတိုင်း သင်တို့ကြောင့်၊ ဘုရားသခင်၏ ကျေးဇူးတော်ကို အစဉ်မပြတ် ချီးမွမ်းကြ၏။

၁ တိ ၁း၁၂
၁၂ ထိုတရားကိုငါ၌ အပ်ပေးတော်မူသည်ဖြစ်၍၊ ငါ့ကိုခွန်အားနှင့် ပြည့်စုံစေတော်မူသော ငါတို့သခင်ယေရှုခရစ်၏ ကျေးဇူးတော်ကို ငါချီးမွမ်း၏။

၂ တိ ၁း၅
၅ နေ့ညမပြတ် ဆုတောင်း ပဌနာပြု သည်တွင်၊ သင့်ကို မခြားမလပ် အောက်မေ့သည်ဖြစ်၍၊ ငါ့ဘိုးဘေး ကိုးကွယ်သည်အတိုင်း၊ ကိုယ်ကိုကိုယ် သိသောစိတ် စင်ကြယ်ခြင်း နှင့်တကွ၊ ငါကိုးကွယ်သော ဘုရားသခင်၏ ကျေးဇူးတော်ကို ငါချီးမွမ်း၏။ s တန်ခိုးပါသောစိတ်၊ ချစ်တတ်သောစိတ်၊ ရှင်းလင်းသောစိတ်ကိုပေး

ဖိလေ ၁း၅
၅ ငါ၏ဘုရားသခင့် ကျေးဇူးတော်ကို အစဉ်ချီးမွမ်း၍၊ သင့်အဘို့အလိုငှါ ဆုတောင်းပဌနာပြုလျက် နေ၏။

၃၄ ကာလအချိန်စေ့သောအခါ၊ ငါနေဗုခဒ်နေဇာသည် ကောင်းကင်သို့ မျှော်ကြည့်၍ သတိရပြန်လျှင်၊ အမြင့်ဆုံးသော ဘုရားကို ကောင်းကြီးပေး၍၊ ထာဝရ အသက်ရှင်တော်မူသော ဘုရားကို ချီးမွမ်းထောမနာပြု၏။ [‌D]အာဏာတော်သည် ထာဝရအာဏာဖြစ်၏။ နိုင်ငံတော်သည် ကမ္ဘာအဆက်ဆက်တည်၏။ ၃၅ မြေကြီးသား အပေါင်းတို့သည် အဘယ်မျှမဟုတ်သကဲ့သို့ ဖြစ်ကြ၏။ ကောင်းကင် ဗိုလ်ခြေတို့၌၎င်း၊ မြေကြီးသားတို့၌၎င်း၊ အလိုတော်ရှိသည်အတိုင်း စီရင်ပြုပြင်တော်မူ၏။ လက်တော်ကို အဘယ်သူမျှ မဆီးတားနိုင်။ အဘယ်သို့ ပြုသနည်း၊ ဟုကိုယ်တော်ကို ဆိုနိုင်သောသူမရှိ။ ၃၆ ထိုအခါ င့ါစိတ်ပကတိဖြစ်ပြန်၍၊ ငါ့နိုင်ငံ၏ အသရေကို ယမန်ကဲ့သို့ တင့်တယ်ခြင်း အရောင်အဆင်းနှင့် ပြည့်စုံ၍၊ တိုင်ပင်သော မှူးတော်မတ်တော်တို့သည် ညီလာခံဝင်ကြလျှင်၊ ငါ၏အာဏာ တည်မြဲတည်၏။ ငါ့ဘုန်းအာနုဘော်လည်း ယခင်ထက် တိုးပွား၏။ ၃၇ ယခုတွင် ငါနေဗုခဒ်နေဇာသည် ကောင်းကင်ဘုံ၏ အရှင်ဘုရားသခင်ကို ချီးမွမ်းထောပနာပြု၏။ စီရင်ဖန်ဆင်းတော်မူသမျှသော အရာတို့သည် သစ္စာနှင့်ပြည့်စုံ၍၊ တရားနှင့်ညီလျော်ကြ၏။ မာနထောင်လွှားသော သူတို့ကို နှိမ့်ချခြင်းငှါ တတ်နိုင်တော်မူ၏ဟု အမိန့်တော်ကို အရပ်ရပ်သို့ ပြန့်စေတော်မူ၏။