၁ သင်တို့ညီအစ်ကိုများကို ငါ၏လူဟူ၍၎င်း၊ သင်တို့နှမများကို သနားစုံမက်အပ်သော သမီးဟူ၍၎င်း၊ တဖန်ခေါ်ကြလော့။ ၂ သင်တို့အမိနှင့် ဆွေးနွေးကြလော့။ သူသည် ငါ့မယားမဟုတ်၊ ငါသည်လည်း သူ့လင်မဟုတ်ကြောင်းကို ဆွေးနွေးကြလော့။ ပြည်တန်ဆာ မျက်နှာကိုပယ်၍ မှားယွင်းခြင်းအမှုကို ရှောင်စေ။ ၃ မရှောင်လျှင် သူ၏ အဝတ်ရှိသမျှကို ငါချွတ်၍၊ သူဖွားသော နေ့၌ အဝတ်မရှိသကဲ့သို့၊ အဝတ်မပါ၊ [A] ပြင်၌ထုတ်ထားမည်။ လွင်ပြင်ကဲ့သို့ သုတ်သင်မည်။ သွေ့ခြောက်သောမြေကဲ့သို့ဖြစ်စေလျက် ရေအငတ်ထား၍ သေစေမည်။ ၄ သူ၏သားသမီးတို့သည်၊ သူနောက်မီးလင်း၍ ရသော သားသမီးဖြစ်သောကြောင့်၊ သူတို့ကို ငါမသနား မစုံမက်ဘဲနေမည်။ ၅ သူတို့အမိသည် ပြည်တန်ဆာဖြစ်၏။ သူတို့ကို ပဋိသန္ဓေယူသောသူသည်၊ ရှက်ဘွယ်သော အမှုကိုပြုပြီ။ သူကလည်း၊ ငါ့မုန့်၊ ငါ့ရေ၊ ငါ့သိုးမွေး၊ ငါ့ပိုက်ဆန်၊ ငါ့ဆီ၊ ငါသောက်သောအရည်တို့ကို ပေးတတ်သော ငါ့ရည်းစားများနောက်သို့ ငါလိုက်မည်၊ ဟုဆိုပြီ။ ၆ သို့ဖြစ်၍၊ သူ့ကိုဆူးစောင်ရန်းနှင့် ကာထားမည်။ ထွက်စရာမရှိစေခြင်းငှါ၊ သူ့ပတ်လည်၌ ကျောက် ရိုးကိုလည်းတည်မည်။ ၇ သူသည် ရည်းစားတို့ကို လိုက်သော်လည်း မမှီ၊ ရှာသော်လည်း မတွေ့ဘဲ နေရသောအခါ၊ လင်ဟောင်းထံသို့ ငါပြန်သွားမည်။ ယခုနေရာထက် အရင်နေရာသာ၍ ကောင်းသည်၊ ဟုဆိုလိမ့်မည်။ ၈ ဆန်စပါး၊ စပျစ်ရည်၊ ဆီတို့ကို ငါပေးသနားသည်ဟူ၍၎င်း၊ ဗာလဘုရားအားပူဇော်သောရွှေနှင့်ငွေကိုသူ၌ ငါများပြားစေသည်ဟူ၍၎င်း၊ သူသည်မအောက်မေ့ပါတကား၊ ၉ သို့ဖြစ်၍၊ စပါးရိတ်ရာကာလ၌ ငါ့စပါးကို၎င်း၊ စပျစ်ရည်လုပ်ရာကာလ၌ ငါ့စပျစ်ရည်ကို၎င်း၊ သူ၏ကိုယ်ကိုဖုံးလွှမ်းစရာ ငါ့သိုးမွေးနှင့်ပိုက်ဆန်ကို၎င်း၊ ငါသိမ်းယူမည်။ ၁၀ ယခုပင်သူ၏ရည်းစားများရှေ့၌ သူ့အဝတ်ကိုငါလှစ်လှန်၍အရှက်ခွဲမည်။ ငါ့လက်မှအဘယ်သူမျှသူ့ကိုမနှုတ်ရ။ ၁၁ သူရွှင်လန်းစရာအကြောင်းရှိသမျှနှင့်ပွဲခံခြင်း၊ လဆန်းနေ့၊ ဥပုသ်နေ့စောင့်ခြင်း၊ [B] ပရိသတ်စည်းဝေးခြင်းအလုံးစုံတို့ကိုငါပြတ်စေမည်။ ၁၂ ဤသည်ကား၊ ငါ့ရည်းစားပေးသောဆုလက်ဆောင်ဖြစ်သည်၊ ဟုသူဆိုရာစပျစ်ဥယျာဉ်၊ သင်္ဘောသဖန်းဥယျာဉ်တို့ကိုငါသုတ်သင်ပယ်ရှင်း၍၊ လွင်ပြင်ဖြစ်စေသဖြင့်တောသားရဲတို့သည်ကိုက်စားကြလိမ့်မည်။ ၁၃ ဗာလဘုရားတို့အားနံ့သာပေါင်းကိုမီးရှို့၍၊ နှာခေါင်းဆွဲနှင့်လည်ဆွဲတန်ဆာကိုဆင်လျက်၊ ရည်းစားများနောက်သို့ လိုက်သဖြင့်၊ ငါ့ကိုမေ့လျော့၍ဗာလဘုရားတို့လက်ထက်၌ ပြုမိသောအပြစ်နှင့်အလျောက်၊ ငါစီရင်မည်ဟုထာဝရဘုရားမိန့်တော်မူ၏။

CROSS REFERENCES

၂ ကော ၁၁း၂

၂ ကော ၁၁း၂
၂ အကြောင်းမူကား၊ ငါသည်သင်တို့ကို သီလနှင့်ပြည့်စုံသော အပျိုကညာကဲ့သို့၊%fo(a) ခရစ်တော်အား ဆက်သအံ့သောငှါ၊ သင်တို့ကို လင်တစ်ဦးနှင့် စေ့စပ်%fo(b)ပြီးသောကြောင့်၊ ဝိညာဉ်ပိုင်း သဝန်တိုသောစိတ် %fo(c)နှင့် သင်တို့ကိုစောင့်ရှောက်လျက်နေ၏။

၁၄ သို့ရာတွင်၊ သူ့ကိုတဖန်ငါဖြားယောင်းမည်။ တောလမ်းဖြင့်ပို့ဆောင်သော်လည်း၊ နှစ်သိမ့်စေသောစကားကိုပြောမည်။ ၁၅ တောတဘက်၌ စပျစ်ဥယျာဉ်တို့ကို၎င်း၊ အာခေါ်ချိုင့်၌ မြော်လင့်ရာတံခါးကို၎င်းငါပေးမည်။ သူသည်အသက်ငယ်စဉ်ကာလ၊ အဲဂုတ္တုပြည်မှထွက်လာသောအခါ၊ သီချင်းဆိုသကဲ့သို့၊ တောတဘက်သို့ရောက်သောအခါသီချင်းဆိုရလိမ့်မည်။ ၁၆ ထာဝရဘုရားမိန့်တော်မူသည်ကား၊ ထိုကာလ၌ သင်သည်ငါ့ကိုသခင်ဟူ၍မခေါ်ရ၊ ခင်ပွန်းဟူ၍ခေါ်ရမည်။ ၁၇ အခြားတပါးသောသခင်တို့၏ဘွဲ့နာမများကိုသူ၏နှုတ်မှငါပယ်၍၊ ထိုဘွဲ့နာမများကိုနောက်တဖန်မမှတ်မိ၊ မမြွက်ဆိုရ။ ၁၈ ထိုကာလ၌ ငါသည်သူတို့အတွက်၊ တောသားရဲ၊ မိုးကောင်းကင်ငှက်၊ မြေပေါ်မှာတွားတတ်သောတိရစ္ဆာန်များနှင့်မိဿဟာယဖွဲ့၍၊ လေး၊ ဓါး၊ စစ်တိုက်လက်နက်တို့ကိုမြေပေါ်ကပယ်ရှားသဖြင့်၊ သူတို့သည်စိုးရိမ်ခြင်းမရှိဘဲအိပ်ရကြလိမ့်မည်။ ၁၉ ငါသည်ကိုယ်အဖို့သင့်ကိုအစဉ်အမြဲစေ့စပ်မည်။(a) ဖြောင့်မတ်ခြင်း၊ တရားသဖြင့်စီရင်ခြင်း၊ ချစ်သနားစုံမက်ခြင်းနှင့်အညီကိုယ်အဖို့သင့်ကိုစေ့စပ်မည်။(a) ၂၀ သစ္စာစောင့်ခြင်းနှင့်အညီစေ့စပ်၍၊ [C](a) သင်သည်ထာဝရဘုရားကိုသိရလိမ့်မည်။ ၂၁ ထာဝရဘုရားမိန့်တော်မူသည် ကား၊ ထိုကာလ၌ ငါသည်နားထောင်မည်။ မိုးကောင်းကင်စကားကိုနားထောင်၍၊ သူသည်မြေကြီးစကားကိုနားထောင်မည်။ ၂၂ မြေကြီးသည်လည်းဆန်စပါး၊ စပျစ်ရည်၊ ဆီတို့၏စကားကိုနားထောင်၍၊ သူတို့သည်လည်းယေဇရေလစကားကိုနား ထောင်ကြလိမ့်မည်။ ၂၃ ထိုသတို့သမီးကိုမျိုးစေ့ကဲ့သို့မြေ၌ ကိုယ်အဘို့ငါကြဲမည်။ မသနားမစုံမက်အပ်သောသတို့သမီးကိုငါသနားစုံမက်မည်။ ငါ၏လူမဟုတ်သောသူကိုလည်း၊ သင်သည်ငါ၏လူဖြစ်သည်ဟုငါဆိုမည်။ သူကလည်း၊ ကိုယ်တော်သည်အကျွန်ုပ်၏ဘုရားသခင်ဖြစ်တော်မူသည်၊ ဟုလျှောက်လိမ့်မည်ဟုမိန့်တော်မူ၏။

_________________________
Footnotes

၁၉ ၂၀ (a) וְאֵרַשְׂתִּ֥יךְ အသံထွက် wə·’ê·raś·tîḵ သည် "စေ့စပ်ခြင်း" ဟုအဓိပ္ပါယ်ရှိသည်။ ထိုအရာကိုမြန်မာကျမ်းစာအုပ်၌ "သိမ်းယူ" ဟုဘာသာပြန်ထားသည်။