ဧဖက် ဩဝါဒစာ

အခန်းကြီး ၆

သားသမီးတို့ မိဘစကားကို နားထောင်ကြလော့

CROSS REFERENCES

ထွက် ၂၀း၁၂
၁၂ သင်၏ ဘုရားသခင် ထာဝရဘုရား ပေးသနားတော်မူသော ပြည်၌ သင်၏ အသက်တာရှည်မည် အကြောင်း၊ သင်၏မိဘကို ရိုသေစွာပြုလော့။

၁ သားသမီးတို့၊ သခင်ဘုရား၏ အလိုတော်နှင့်အညီ၊ မိဘစကားကို နားထောင်ကြလော့။ မိဘစကားကို နားထောင်ခြင်းအမှုသည် တရားသောအမှုဖြစ်၏။ ၂ မိဘကို ရိုသေစွာပြုလော့။ [A] ၃ ဤပညတ်တော်ကား၊ သင်သည် ပြည်တော်၌ ကောင်းစား၍ အသက်တာ ရှည်မည်အကြောင်းဟူ၍၊ ဂတိတော်နှင့်ဆိုင်သော ပဌမပညတ်ဖြစ်၏။ ၄ အဘတို့၊ ကိုယ်သားသမီးကို စိတ်ဆိုးစေခြင်းငှါ မပြုကြနှင့်၊ သခင်ဘုရား၏ အလိုတော်နှင့် ညီသော၊ ဆုံးမသွန်သင်ခြင်းကို ပြုလျက်ကျွေး မွေးကြလော့။

ကျွန်တို့သခင်စကား နားထောင်လော့

၅ အစေခံကျွန်တို့၊ ခရစ်တော်၏ စကားကို နားထောင်သကဲ့သို့၊ ကြောက်ရွံ့တုန်လှုပ်လျက်၊ စိတ်နှစ်ခွမရှိဘဲ လောကီသခင်၏ စကားကို နားထောင်ကြလော့။ ၆ လူတို့၏ စိတ်ကို နူးညွတ်စေသော သူကဲ့သို့၊ မျက်မှောက်၌ သာနားထောင် သည် မဟုတ်၊ ခရစ်တော်၏ ကျွန်ကဲ့သို့၊ စေတနာစိတ်နှင့် ဘုရားသခင်၏ အလိုတော်ကိုစောင့်၍၊ ၇ လူ၏အစေကိုသာ ခံသကဲ့သို့မဟုတ်၊ သခင်ဘုရား၏ အစေကိုခံသကဲ့သို့၊ ကြည်ညိုသော သဘောနှင့် အစေကိုခံကြလော့။ ၈ ကောင်းသော အကျင့်ကို ကျင့်သောသူမည်သည်ကား၊ ကျွန်ဖြစ်စေ၊ လူလွတ်ဖြစ်စေ၊ သခင်ဘုရား၏ လက်တော်မှ၊ အကျိုးကို ခံရလိမ့်မည်၊ ဟုသိမှတ်ကြလော့။

သခင်တို့ကောင်းကင်ဘုံ၌ သင်တို့သခင်ရှိသည်ကို သိမှတ်ကြလော့

၉ သခင်တို့၊ ချိမ်းချောက်ခြင်းကို ချုပ်တည်း၍၊ ကိုယ်ကျွန်တို့ကို ထိုနည်းတူ ပြုကြလော့။ သင်တို့၏ သခင်သည် ကောင်းကင်ဘုံ၌ ရှိတော်မူသည်ကို၎င်း၊ ထိုသခင်သည် အဘယ်သူ၏ မျက်နှာကို မှတ်တော်မမူသည်ကို၎င်း၊ သိမှတ်ကြလော့။

ဘုရားပြင်ဆင်ပေးသော လက်နက်များကို ဝတ်ဆောင်ကြလော့

၁၀ ကြွင်းသေးသော စကားဟူမူကား၊ ညီအစ်ကိုတို့၊ သခင်ဘုရားအားဖြင့်၎င်း၊ တန်ခိုးတော် အရှိန်အားဖြင့်၎င်း၊ ခိုင်ခန့်ခြင်းရှိကြလော့။ ၁၁ မာရ်နတ်၏ ပရိယာယ်တို့ကို ဆီးတားနိုင်မည်အကြောင်း၊ ဘုရားသခင် ပြင်ဆင်တော်မူသော လက်နက်စုံကို ဝတ်ဆောင်ကြလော့။ ၁၂ အကြောင်းမူကား၊ ငါတို့သည် အသွေးအသား ရှိသောရန်သူတို့နှင့်၊ ဆိုင်ပြိုင် တိုက်လှန်ရ ကြသည်မဟုတ်။ အထွဋ်အမြတ်တို့နှင့်၎င်း၊ အာဏာစက်တို့နှင့်၎င်း၊ လောကီမှောင်မိုက်၌ အစိုးတရပြုလုပ်သော မင်းတို့နှင့်၎င်း၊ မိုးကောင်းကင်၌ နေသောနတ်ဆိုးတို့နှင့်၎င်း၊ ဆိုင်ပြိုင် တိုက်လှန်ရကြ၏။ ၁၃ ထိုကြောင့်၊ ခဲယဉ်းဆိုးယုတ်သော နေ့ရက်ကာလ၌ ဆီးတားနိုင်သဖြင့်၊ ကိစ္စအလုံးစုံတို့ကို ပြီးစီး၍ ခံရပ်နိုင်မည်အကြောင်း၊ ဘုရားသခင် ပြင်ဆင်တော်မူသော လက်နက်စုံကို ယူဆောင်ကြလော့။ ၁၄ သစ္စာတည်းဟူသော ခါးပန်းကို စည်းလျက်၊ ဖြောင့်မတ်ခြင်း ပါရမီတည်းဟူသော ရင်အုပ်တန်ဆာကို ဝတ်ဆင်လျက်၊ ၁၅ ငြိမ်သက်ခြင်းနှင့် ယှဉ်သော ဧဝံဂေလိတရားကို၊ ဟောပြောအံ့သောငှါ ပြင်ဆင်သော အဖြစ်တည်းဟူသော၊ ခြေစွပ်ကိုစွပ်လျက် ခံရပ်ကြလော့။ ၁၆ မာရ်နတ်ပစ်ခတ်သော မီးစက်လက်နက်ကို၊ ကာသတ်နိုင်သော ယုံကြည်ခြင်းတည်း ဟူသော၊လွှားကိုလည်း ခပ်သိမ်းသော လက်နက်တို့အပေါ်မှာ၊ ထပ်ဆင့်၍ ယူဆောင်ကြလော့။ ၁၇ ကယ်တင်ခြင်း တည်းဟူသော သံခမောက်လုံးကို၎င်း၊ ဘုရားသခင်၏ နှုတ်ကပတ်တည်းဟူသော၊ ဝိညာဉ်တော်၏ ဓါးကို၎င်း ယူကြလော့။

ကာလအစဉ် ဆုတောင်းကြလော့

CROSS REFERENCES

ဒံ ၂း၁၈-၁၉
၁၈ ငါတို့သည် အခြားသော ဗာဗုလုန် ပညာရှိတို့နှင့် အတူ မသေမပျောက်စေခြင်းငှါ၊ ဤနက်နဲသောအရာ၌ ကရုဏာ ကျေးဇူးတော်ကို ခံရမည်အကြောင်း၊ ကောင်းကင်ဘုံ ရှင်ဘုရားသခင်ကို ဆုတောင်းကြကုန်အံ့၊ ဟုပြောဆို၏။ sဘုရားသခင်က အိပ်မက်ကိုဖေါ်ပြ

ဒံ ၂း၂၈-၃၀
၂၈ နက်နဲသောအရာ တို့ကို ဖွင့်ပြ၍၊ နောင်ကာလ၌ ဖြစ်လတံ့သော အရာတို့ကို နေဗုခဒ်နေဇာ မင်းကြီးအား ကြားပြောတော်မူသော ဘုရားသခင် တဆူသည် ကောင်းကင်ဘုံမှာ ရှိတော်မူ၏။

ဒံ ၂း၄ရ
၄၇ ကိုယ်တော်သည် ဤနက်နဲသောအရာကို ဖွင့်ပြနိုင်သည် ဖြစ်၍၊ အကယ်စင်စစ် ကိုယ်တော်၏ ဘုရားသခင်သည် ဘုရားတို့၏ဘုရား၊ ဘုရင်တို့၏အရှင်၊ နက်နဲသောအရာကို ဖွင့်ပြတော်မူသော သခင်ဖြစ်တော်မူ၏၊ ဟုမိန့်တော်မူ၍၊

ဒံ ၄း၉
၉ အချင်း မာဂုဆရာချုပ် ဗေလတရှာဇာ၊ သင်သည် သန့်ရှင်းသော ဘုရားသခင်၏ ဝိညာဉ်တော်နှင့် ပြည်စုံသည်ကို၎င်း၊ နက်နဲသောအရာ ရှိသမျှတို့ကို ဖွင့်ပြနိုင်သည်ကို၎င်း ငါသိ၏။ သို့ဖြစ်၍၊ ငါမြင်မက်သော အိပ်မက်၏ အနက်ကို ဖော်ပြလော့။

ရော ၁၁း၂၅
၂၅ ညီအစ်ကိုတို့၊ သင်တို့သည် ဝါကြွားသော စိတ်မရှိစေမည်အကြောင်း တပါးအမျိုးသား အပေါင်းတို့သည် မဝင်မှီတိုင်အောင်၊ ဣသရေလလူအချို့တို့ကို မှောင်မိုက်ဖုံးလွမ်းခြင်း အကြောင်းတည်းဟူသော၊ နက်နဲသောအရာကို မသိဘဲနေစေခြင်းငှါ ငါအလိုမရှိ။

ဧဖက် ၁း၉-၁၀
၉ ဘုရားသခင်သည်၊ နှလုံးသွင်းတော်မူသော စေတနာတော်နှင့် လျော်သော အလိုတော်၏ နက်နဲသောအရာကို၊ ငါတို့အား ပြတော်မူ၏။ s ကောင်းကင်နှင့် မြေကြီးပေါ်ရှိသမျှ ခရစ်တော်၌ ချုပ်ခြာစေမည်

ဧဖက် ၃း၃-၅
၃ ကျေးဇူးတော် သာသနာကို အပ်ပေးသည် အကြောင်းဟူမူကား၊ ငါသည် အထက်က အနည်းငယ် ရေးထားသည်အတိုင်း၊ ဘုရားသခင်သည် ဗျာဒိတ်တော်အားဖြင့်၊ နက်နဲသောအရာ ကို ငါ့အားပြတော်မူ၏။

ဧဖက် ၃း၆-၈
၆ ထိုနက်နဲသော အရာဟူမူကား၊ တပါးအမျိုးသားတို့သည်၊ ဧဝံဂေလိတရားအားဖြင့်၊ ယုဒအမျိုးသားတို့နှင့် အမွေခံ၍၊ တလုံးတဝ တကိုယ်တည်း ဖြစ်လျက်၊ ခရစ်တော်နှင့် ဆိုင်သော ဂတိတော်ကို ဆက်ဆံရကြသတည်း။

ဧဖက် ၅း၃၂
၃၂ ဤအရာသည် အလွန်နက်နဲသောအရာ ဖြစ်ပေ၏။ ထိုသို့ငါဆိုသော်၊ ခရစ်တော်နှင့် အသင်းတော်ကို ရည်မှတ်၍ ဆိုသတည်း။

ဧဖက် ၆း၂၀
၂၀ သံတမန်အမှုကို ပြုရသည်ဖြစ်၍၊ ထိုတရား၏ နက်နဲသောအရာ ကို ဖေါ်ပြခြင်းငှါ၊ ငါသည် နှုတ်ကို ရဲရင့်စွာ ဖွင့်လှစ်ခြင်း အခွင့်ရှိမည် အကြောင်းကို၎င်း၊ ထိုတရားကို ဟောပြောအပ်သည်နှင့် အညီ၊ ရဲရင့်စွာ ဟောပြောမည်အကြောင်းကို၎င်း၊ ငါ့အဘို့လည်း ဆုတောင်းကြလော့။ s ပေါလု၏ အခြေအနေသိနိုင်ရန် တုခိတ်ကိုစေလွှတ်

ကောလော ၁း၂ရ
၂၇ တပါးအမျိုးသားတို့တွင် ဤနက်နဲသောအရာ နှင့်ဆိုင်သော မဟာစည်းစိမ်ကား၊ အဘယ်မျှလောက် ကြီးသည်ကို သန့်ရှင်းသူတို့သည် သိစေခြင်းငှါ၊ ဘုရားသခင် အလိုရှိတော်မူ၏။ ထိုစည်းစိမ်ကား၊ ဘုန်းအသရေကို မြော်လင့်ခြင်းအကြောင်းတည်းဟူသော သင်တို့အထဲ၌ တည်တော်မူသော ခရစ်တော်ပေတည်း။

ကောလော ၂း၂-၃
၂ မေတ္တာချင်းထုံးဖွဲ့၍၊ ခမည်းတော်ဘုရားနှင့် ခရစ်တော်၏၊ နက်နဲသောအရာ ကိုနားလည်နိုင်သော၊ ယုံမှားခြင်းနှင့်ကင်းစင်သောဥာဏ်၏ %fo(a) စည်းစိမ်အပေါင်းနှင့် ပြည့်စုံ၍၊ စိတ်နှလုံး သက်သာစေမည်အကြောင်း၊ အဘယ်မျှလောက်ကြီးသော တိုက်လှန်ခြင်းကို ငါခံရသည်၊ ဟုသင်တို့သိစေခြင်းငှါ ငါအလိုရှိ၏။

ကောလောသဲ ၄း၃-၄
၃ ငါသည် ခရစ်တော်၏ နက်နဲသောအရာကြောင့်၊ အချည်အနှောင်ခံရသည်ဖြစ်၍၊

၁၈ ကာလအစဉ် စိတ်နှလုံးပါလျက်၊ ဆုတောင်း ပဌနာပြုခြင်း အမျိုးမျိုးတို့ဖြင့် ဆုတောင်းကြလော့။ ထိုသို့ဆုတောင်းခြင်းငှါ အားမလျော့ဘဲလျက်၊ ငါမှစ၍ သန့်ရှင်းသူ အပေါင်းတို့အဘို့၊ ဆုတောင်းလျက် စောင့်ရှောက်ကြလော့။ ၁၉ ငါသည် ဧဝံဂေလိတရားကြောင့်၊ သံကြိုးနှင့် ချည်နှောင်ခြင်းကို ခံလျက်၊ ၂၀ သံတမန်အမှုကို ပြုရသည်ဖြစ်၍၊ ထိုတရား၏ နက်နဲသောအရာ [B] ကို ဖေါ်ပြခြင်းငှါ၊ ငါသည် နှုတ်ကို ရဲရင့်စွာ ဖွင့်လှစ်ခြင်း အခွင့်ရှိမည် အကြောင်းကို၎င်း၊ ထိုတရားကို ဟောပြောအပ်သည်နှင့် အညီ၊ ရဲရင့်စွာ ဟောပြောမည်အကြောင်းကို၎င်း၊ ငါ့အဘို့လည်း ဆုတောင်းကြလော့။

ပေါလု၏ အခြေအနေသိနိုင်ရန် တုခိတ်ကိုစေလွှတ်

၂၁ သင်တို့သည်ငါ၌ ဖြစ်သော၊ အကြောင်းအရာများကို သိစေခြင်းငှါ၊ သခင်ဘုရားထံ၌ သစ္စာရှိသော ဆရာတည်းဟူသော၊ ငါချစ်သောညီ တုခိတ် (Tychicus)သည်၊ အလုံးစုံတို့ကို သင်တို့အား ဖေါ်ပြလိမ့်မည်။ ၂၂ သင်တို့သည် ငါတို့၏ အကြောင်း အရာများကို၊ သိမည်အကြောင်းနှင့်၊ ထိုသူသည် သင်တို့ စိတ်နှလုံးကို သက်သာစေမည် အကြောင်း၊ ထိုသူကို သင်တို့ဆီသို့ ငါစေလွှတ်၏။ ၂၃ ညီအစ်ကိုတို့၌ ငြိမ်သက်ခြင်း ရှိပါစေသော်။ ခမည်းတော် ဘုရားနှင့်သခင် ယေရှုခရစ် ပေးတော်မူသော၊ ယုံကြည်ခြင်းနှင့် ချစ်ခြင်း မေတ္တာရှိပါစေသော်။ ၂၄ ငါတို့သခင် ယေရှုခရစ်ကို အမှန်ချစ်သော သူအပေါင်းတို့၌၊ ကျေးဇူးတော် ရှိစေသတည်း။ အာမင်။

ဧဖက်ဩဝါဒစာပြီး၏။