၁ ယုဒရှင်ဘုရင် ဩဇိမင်း၊ ယောသံမင်း၊ အာခတ်မင်း၊ ဟေဇကိမင်းတို့လက်ထက်၌၊ အာမုတ်၏သား ဟေရှာယသည်၊ ယေရုရှလင်မြို့မှစ၍၊ ယုဒပြည်နှင့်ဆိုင်သော ဗျာဒိတ်တော်ကို ခံရသည်မှာ၊ ၂ ထာဝရဘုရား မိန့်တော်မူသည်ဖြစ်၍၊ အိုကောင်းကင်၊ ကြားလော့၊ အိုမြေကြီး၊ နားထောင်လော့။ [A] မိန့်တော်မူချက်ဟူမူကား၊ ငါကျွေးမွေးပြုစုသော သားသမီးတို့သည်၊ ငါ့ကို ပုန်ကန်ကြပြီ။ ၃ နွားသော်လည်း မိမိအရှင်ကိုသိ၏။ မြည်းသော်လည်း မိမိသခင်၏ မြည်းဇောင်းကိုသိ၏။ ဣသရေလ အမျိုးသားတို့မူကား ငါ့ကိုမသိကြ။ ငါ၏လူမျိုးမူကား၊ မဆင်ချင်တတ်ပါတကား။ [B]

ထာ၀ရဘုရားကို စွန့်ကြပြီ

CROSS REFERENCES

ဟေရှာယ ၁း၄

ဟေရှာယ ၁း၂၈

ဟေရှာယ ၁း၄
၄ ဆိုးယုတ်သောအမျိုး၊ ဒုစရိုက်ဝန်ကို ထမ်းရွက်သောလူစု၊ မတရားသဖြင့် ပြုသောအနွယ်၊ ဖောက်ပြန်သော သားသမီးပါတကား။ ထာဝရဘုရားကို စွန့်ကြပြီ။ ဣသရေလအမျိုး၏ သန့်ရှင်းသောဘုရားကို မရိုမသေပြု၍ ပယ်ကြပြီ။ ကျောခိုင်း၍ ခွာသွားကြပြီ။

ဟေရှာယ ၁း၂၈
၂၈ လွန်ကျူးသောသူနှင့် ပြစ်မှားသောသူတို့သည် ပျက်စီးခြင်းသို့ အတူရောက်၍၊ ထာဝရဘုရားကို စွန့်သောသူတို့သည် ဆုံးရှုံးကြလိမ့်မည်။

ယေရမိအ ၂း၁၃
၁၃ ငါ၏လူတို့သည်၊ အသက်စမ်းရေတွင်းတည်းဟူသော၊ ငါ့ကိုစွန့်ပယ်၍၊ ရေမလုံ၊ ပဲ့ပျက်သောရေကျင်းတို့ကို တူးသောအားဖြင့် ဒုစရိုက်နှစ်ပါးကို ပြုကြပြီ။ sဘုရားစွန့်သောအမှု

ယေရမိအ ၅း၇
၇ ထိုသို့သောအပြစ်မှ သင့်ကို အဘယ်သို့ ငါလွှတ်နိုင်သနည်း။ သင်၏သားသမီးတို့သည် ငါ့ကိုစွန့်၍၊ ဘုရားမဟုတ်သော သူတို့ကိုတိုင်တည်လျက် ကျိန်ဆိုကြပြီ။ ငါသည် ဝစွာကျွေးသောအခါ သူတို့သည် ပြည်တန်ဆာအိမ်၌ စည်းဝေး၍ မှားယွင်းကြပြီ။

ဟောရှေ ၁း၂
၂ သင်သွား၍ ပြည်တန်ဆာ မိန်းမနှင့်တကွ၊ သူဖွားမြင်သော သားသမီးတို့ကို သိမ်းပိုက်လော့။ အကြောင်းမူကား၊ ပြည်သားတို့သည် ထာဝရဘုရားကို စွန့်ပစ်၍ အထပ်ထပ် မှားယွင်းကြပြီ၊ ဟုဟောရှေအား မှာထားတော်မူသည် အတိုင်း၊

ဟောရှေ ၄း၁၁
၁၁ အကြောင်းမူကား၊ စိတ်နှလုံးကို ယစ်မူးစေတတ်သောကာမဂုဏ်၌ ပျော်မွေ့ခြင်း၊ စပျစ်ရည်နှင့် သေရည်သေရက်ကို သောက်ခြင်း၌ မှီဝဲသောကြောင့်၊ ထာဝရဘုရားကို စွန့်ပစ်ကြပြီ။

CROSS REFERENCES

ကမ္ဘာ ၁၉း၂၄

ကမ္ဘာ ၁၉း၂၄
၂၄ ထိုအခါ ထာဝရဘုရားသည် ကောင်းကင်ထက်၊ အထံတော်မှ သောဒုံမြို့နှင့်ဂေါမောရမြို့အပေါ်သို့ ကန့်နှင့်မီးမိုးကို ရွာစေတော်မူ၏။

၄ ဆိုးယုတ်သောအမျိုး၊ ဒုစရိုက်ဝန်ကို ထမ်းရွက်သောလူစု၊ မတရားသဖြင့် ပြုသောအနွယ်၊ ဖောက်ပြန်သော သားသမီးပါတကား။ ထာဝရဘုရားကို စွန့်ကြပြီ။ [C] ဣသရေလအမျိုး၏ သန့်ရှင်းသောဘုရားကို မရိုမသေပြု၍ ပယ်ကြပြီ။ ကျောခိုင်း၍ ခွာသွားကြပြီ။ ၅ သူတို့ကိုအဘယ်သို့ ဒဏ်ပေးရဦးမည်နည်း၊ အဘယ်သို့ထပ်၍ ဆုံးမရဦးမည်နည်း။ ဦးခေါင်းသည် အနာသက်သက်ရှိ၏၊ နှလုံးသည်လည်း ခွန်အားအလျှင်းမရှိ။ ၆ ခြေဘဝါးမှသည် ဦးခေါင်းတိုင်အောင်၊ ကျန်းမာခြင်းမရှိ။ စုတ်ရှသောအနာ၊ ထိခိုက်၍ရောင်သောအနာ၊ ရိယွဲသောအနာသက်သက်ရှိ၏။ ထိုအနာများကို မနှိပ်မနယ်ရ။ အဝတ်နှင့်မစည်းရ၊ ဘယောင်းဆီနှင့် မပြော့စေရသေး။ ၇ သင်တို့ပြည်သည် လူဆိတ်ညံလျက်ရှိ၏။ သင်တို့မြို့များသည် မီးလောင်ပြီ။ သင်တို့မြေများကိုလည်း တကျွန်းတနိုင်ငံသားတို့သည်၊ သင်တို့ မျက်မှောက်၌စားကြ၏။ ရန်သူဖျက်ပြီးသကဲ့သို့ လူဆိတ်ညံလျက်ရှိ၏။ ၈ ဇိအုန်သတို့သမီးသည်လည်း၊ စပျစ်ဥယျာဉ်၌တဲကဲ့သို့၎င်း၊ သခွါးတောင်ယာ၌လင့်စင်ကဲ့သို့၎င်း၊ ရန်သူဝိုင်းသောမြို့ကဲ့သို့၎င်း၊ ကျန်ရစ်လေ၏။ ၉ ကောင်းကင်ဗိုလ်ခြေ အရှင်ထာဝရဘုရားသည်၊ ငါတို့၌အနည်းငယ်မျှ ကြွင်းစေတော်မမူလျှင်၊ ငါတို့သည် သောဒုံမြို့ကဲ့သို့ဖြစ်၍ ဂေါမောရမြို့နှင့်တူ ကြပြီ။ [D]

ပူဇော်သော ယဇ်များဘုရားမနှစ်သက်

CROSS REFERENCES

၁ ဓမ္မ ၁၅း၂၂
၂၂ ရှမွေလကလည်း၊ ထာဝရဘုရား၏ အမိန့်တော်ကို နားထောင်ခြင်း၌ အားရတော်မူ သကဲ့သို့၊ မီးရှို့ရာယဇ် အစရှိသော ယဇ်မျိုးတို့ကို ပူဇော်ခြင်း၌ အားရတော်မူမည်လော။ အလိုတော်သို့ လိုက်ခြင်းသည် ယဇ်မျိုးထက်သာ၍ ကောင်း၏။ နားထောင်ခြင်းသည် သိုးထီးဆီဥထက် သာ၍ကောင်း၏။

ဆာလံ ၄၀း၆-၈
၆ ကိုယ်တော်သည် ယဇ်နှင့် ပူဇော်သက္ကာကို အလိုတော်မရှိသည် ဖြစ်၍ အကျွန်ုပ်နားကို ဖွင့်တော်မူပြီ၊ မီးရှို့ရာယဇ်နှင့် အပြစ်ဖြေရာယဇ်များကို တောင်းတော် မမူသောအခါ၊

ဆာ ၅၀း၈
၈ မီးရှို့သော ယဇ်မှစ၍ ယဇ်ပူဇော်ခြင်း အမျိုးမျိုးအတွက် ငါသည်သင်၌ အပြစ်မတင်။ ထိုယဇ်တို့သည် ငါ့ရှေ့မှာ အစဉ်ရှိကြ၏။

ဆာ ၅၁း၁၆-၁၇
၁၆ ယဇ်ပူဇော်ခြင်းကို အလိုတော်မရှိ။ သို့မဟုတ်လျှင် ယဇ်ပူဇော်ပါမည်။ မီးရှို့သော ယဇ်ပူဇော်ခြင်းကိုပင် နှစ်သက်တော်မမူ။

ဟေရှာယ ၁း၁၁-၁၇
၁၁ ထာဝရဘုရား မိန့်တော်မူသည်ကား၊ သင်တို့ပူဇော်သောယဇ်အများကို၊ ငါသည်အဘယ်သို့ဆိုင်သနည်း။ မီးရှို့၍ပူဇော်သောသိုးကောင်၊ ဆူဖြိုးအောင်ကျွေးသော တိရစ္ဆာန်တို့၏ ဆီဥနှင့်ငါဝပြီ။ နွားနှင့်သိုးသငယ်၊ ဆိတ်တို့၏အသွေးကို ငါမနှစ်သက်။

ယေရမိအ ၆း၂၀
၂၀ ရှေဘပြည်မှ လောဗန်ကို၎င်း၊ ဝေးသောပြည်မှ မွှေးသောကြံကို၎င်း၊ အဘယ်ကြောင့် ငါ့ထံသို့ ဆောင်ခဲ့သနည်း။ သင်တို့ မီးရှို့ရာယဇ်တို့ကို ငါအလိုမရှိ။ ပူဇော်သော ယဇ်အမျိုးမျိုးကို ငါမနှစ်သက်။ sမြောက်မျက်နှာမှ လူမျိုးခေါ်လာမည်

ယေရမိအ ရး၂၂-၂၃
၂၂ အကြောင်းမူကား၊ သင်တို့ ဘိုးဘေးများကို အဲဂုတ္တုပြည်မှ ငါနှုတ်ဆောင်သောအခါ၊ မီးရှို့ရာယဇ် အစရှိသော ယဇ်များအတွက် သူတို့ကို ငါမှာထားသည်မဟုတ်။

အာမုတ် ၅း၂၁-၂၂
၂၁ သင်တို့ စောင့်သောပွဲနေ့တို့ကို ငါမုန်း၏။ စက်ဆုပ်ရွံရှာ၏။ ချိုးခြံစွာကျင့်သော နေ့ရက်တို့၌ ငါမမွေ့လျော်၊

မိက္ခာ ၆း၆-ရ
၆ ငါသည် ထာဝရဘုရား ရှေ့တော်သို့ အဘယ် ပူဇော်သက္ကာ ပါလျက်ချဉ်းကပ်၍၊ အမြင့်ဆုံးသော ဘုရားသခင် ရှေ့တော်၌ ကိုးကွယ်ရမည်နည်း။ မီးရှို့ရာယဇ်နှင့် အခါလည်သော နွားသငယ်တို့ကို ဆောင်လျက် ချဉ်းကပ်ရမည်လော။

မာလခိ ၁း၁၀
၁၀ သင်တို့တွင် အဘယ်သူသည် ငါတံခါးတို့ကို ပိတ်လိမ့်မည်နည်း။ သင်တို့သည် ငါ့ယဇ်ပလ္လင်ပေါ်မှာ မီးကိုအချည်းနှီးမညှိရကြ။ သင်တို့ကို ငါအလိုမရှိ။ သင်တို့ပြုသော ပူဇော်သက္ကာကို ငါလက်မခံ၊ ဟု ကောင်းကင်ဗိုလ်ခြေအရှင် ထာဝရဘုရား မိန့်တော်မူ၏။

ဟေဗြဲ ၁၀း၅-၉
၅ ထိုကြောင့်၊ ခရစ်တော်သည် ဤလောကသို့ ကြွလာသောအခါ၊ အိုဘုရားသခင်၊ ကိုယ်တော်သည် ယဇ်နှင့် ပူဇော်သက္ကာကို အလိုတော်မရှိသည်ဖြစ်၍၊ အကျွန်ုပ်အဘို့ ကိုယ်ခန္ဓာကို ပြင်ဆင်တော်မူပြီ။

CROSS REFERENCES

ဟေရှာယ ၆၆း၃

ဟေရှာယ ၆၆း၃
၃ တဖန်မိန့်တော်မူသည်ကား၊ နွားကို သတ်သောသူသည် လူကိုသတ်သောသူနှင့် တူ၏။ သိုးသငယ်ကို ယဇ်ပူဇော်သောသူသည် ခွေးလည်ပင်းကို ဖြတ်သောသူနှင့် တူ၏။ အလှူဒါနကို လှူဒါန်းသောသူသည် ဝက်သွေးကို လှူဒါန်းသောသူနှင့် တူ၏။ လောဗန်ကို မီးရှို့သောသူသည် ရုပ်တုကို ကောင်းကြီးပေးသောသူနှင့် တူ၏။ အကယ်စင်စစ် ထိုသူတို့သည် မိမိအလိုရှိရာ လမ်းကို ရွေးကြ၏။ မိမိဆိုးညစ်သော အမှုတို့၌ မွေ့လျော်ကြ၏။

CROSS REFERENCES

၁ ရာဇဝင်ချုပ် ၂၃း၃၁

၁ ရာဇဝင်ချုပ် ၂၃း၃၁
၃၁ ပညတ် တရားတော်အတိုင်း ဥပုသ်နေ့၊ လဆန်းနေ့၊ ဓမ္မပွဲနေ့၊ အစဉ်မပြတ် ထာဝရဘုရား ရှေ့တော်၌ မီးရှို့ရာယဇ်မျိုးတို့ကို ပူဇော်ရကြမည်။

CROSS REFERENCES

ထွက် ၁၆း၂၃-၂၈
၂၃ သူကလည်း၊ နက်ဖြန်နေ့သည် ထာဝရဘုရားရှေ့၌ သန့်ရှင်းသော ဥပုသ်နေ့၊ ငြိမ်ဝမ်စွာ နေရသောနေ့ဖြစ်၏။ မုန့်ကို ပေါင်းချင်သည်အတိုင်း ပေါင်းကြလော့။ ပြုတ်ချင်သည်အတိုင်း ပြုတ်ကြလော့။ ကျန်သောအရာကို နံနက်တိုင်အောင် စောင့်၍ သိုထားကြလော့၊ ဟုထာဝရဘုရား မိန့်တော်မူကြောင်းကို ပြန်ပြောလေ၏။

ထွက် ၂၀း၈-၁၀
၈ ဥပုသ်နေ့ကို သန့်ရှင်းစေခြင်းငှာ၊ ထိုနေ့ရက်ကို အောက်မေ့လော့။

ထွက် ၃၁း၁၃-၁၆
၁၃ ငါသည် သင်တို့ကို သန့်ရှင်းစေသော ထာဝရဘုရား ဖြစ်ကြောင်းကို သင်တို့သိစေခြင်းငှာ၊ ငါနှင့် သင်တို့၏ သားစဉ်မြေးဆက် စပ်ကြား၌ လက္ခဏာ သက်သေဖြစ်ရာဖို့၊ ငါ့ဥပုသ်နေ့ကို စင်စစ်စောင့်ရကြမည်။

ထွက် ၃၅း၂-၃
၂ ခြောက်ရက်ပတ်လုံး အလုပ်လုပ်ရမည်။ သတ္တမနေ့ရက်သည် သင်တို့၌ သန့်ရှင်းသောနေ့၊ ထာဝရဘုရားအဖို့ ငြိမ်ဝပ်စွာ နေရသော ဥပုသ်နေ့ဖြစ်၏။ ထိုနေ့၌ အလုပ်လုပ်သောသူ မည်သည်ကား အသေခံရမည်။

ဝတ်ပြု ၁၆း၃၁
၃၁ ထိုနေ့ရက်သည် ထာဝရ ပညတ်တော်အတိုင်း၊ သင်တို့ ငြိမ်ဝပ်ရာ ဥပုသ်နေ့၊ ခြိုးခြံစွာ ကျင့်ရသောနေ့ ဖြစ်သတည်း။

ဝတ်ပြု ၁၉း၃
၃ လူတိုင်း ကိုယ်မိဘကို ရိုသေရမည်။ ငါ့ဥပုသ်နေ့ တို့ကိုလည်း စောင့်ရမည်။ ငါသည် သင်တို့၏ ဘုရားသခင် ထာဝရဘုရားဖြစ်၏။

ဝတ်ပြု ၁၉း၃၀
၃၀ ငါ့ဥပုသ်နေ့ တို့ကိုစောင့်၍၊ ငါ့သန့်ရှင်းရာ ဌာနတော်ကို ရိုသေရမည်။ ငါသည် ထာဝရဘုရား ဖြစ်၏။

ဝတ်ပြု ၂၃း၃
၃ ခြောက်ရက်ပတ်လုံး အလုပ်လုပ်ရမည်။ သတ္တမနေ့ရက်သည် ငြိမ်ဝပ်စွာ နေသော ဥပုသ်နေ့၊ ဓမ္မစည်းဝေးခြင်းကို ပြုရသောနေ့ ဖြစ်၏။ ထိုနေ့၌ သင်တို့သည် အလုပ်မလုပ်ရကြ။ သင်တို့ နေရာအရပ်ရပ်၌ ထာဝရဘုရား၏ ဥပုသ်နေ့ဖြစ်၏။ sပသခါနှင့်အဇုမပွဲ

ဝတ်ပြု ၂၃း၁၁
၁၁ သင်တို့သည် စိတ်တော်နှင့် တွေ့ခြင်းငှာ၊ ယဇ်ပုရောဟိတ်သည် ဥပုသ်နေ့လွန်မှ၊ နက်ဖြန်နေ့တွင် ထိုကောက်လှိုင်းကို ထာဝရဘုရား ရှေ့တော်၌ ချီလွှဲရမည်။

ဝတ်ပြု ၂၃း၁၅-၁၆
၁၅ ချီလွှဲရာ ပူဇော်သက္ကာ ကောက်လှိုင်းကို ဆောင်ခဲ့သောနေ့၊ ဥပုသ်နေ့ အလွန် နက်ဖြန်နေ့ကစ၍၊ သီတင်း ခုနစ်သီတင်း စေ့အောင် ရေတွက်ရမည်။

ဝတ်ပြု ၂၃း၂၄
၂၄ သင်တို့သည် သတ္တမလ၊ ပဌမနေ့ရက်၌ တံပိုးမှုတ်ပွဲ၊ ဓမ္မစည်းဝေးခြင်းကို ပြုရသော ဥပုသ်နေ့ကို စောင့်ရကြမည်။

ဝတ်ပြု ၂၃း၃၇
၃၇ ဤရွေ့ကား၊ ထာဝရဘုရား၏ ဥပုသ်နေ့၊ ထာဝရဘုရားအား ဆက်ကပ်ရသော အလှူဒါန၊

ဝတ်ပြု ၂၄း၈
၈ ထာဝရဘုရား၏ ပဋိညာဉ်နှင့်အညီ၊ ဣသရေလ အမျိုးသားတို့လက်မှ ခံယူသော ထိုမုန့်ကို၊ အာရုန်သည် ထာဝရဘုရား ရှေ့တော်၌ ဥပုသ်နေ့ တိုင်း အစဉ်အမြဲ ပြင်ဆင်ရမည်။

ဝတ်ပြု ၂၆း၂
၂ ငါ့ဥပုသ်နေ့ တို့ကို စောင့်၍၊ ငါ့သန့်ရှင်းရာ ဌာနတော်ကို ရိုသေရမည်။ ငါသည် ထာဝရဘုရား ဖြစ်၏။ sပညတ်စောင့်လျှင် မြေသီးနှံပေါများမည်

ဝတ်ပြု ၂၆း၃၄-၃၅
၃၄ ထိုသို့သင်တို့သည် ရန်သူပြည်၌ နေ၍၊ ကိုယ်ပြည်သည် လူဆိတ်ညံလျက် နေသော ကာလပတ်လုံး ငြိမ်ဝပ်စွာနေ၍၊ မိမိဥပုသ်နေ့တို့၌ မွေ့လျော်ရမည်။

ဝတ်ပြု ၂၆း၄၃
၄၃ ထိုပြည်သည် သူတို့လက်မှ လွတ်၍၊ သူတို့မရှိဘဲ လူဆိတ်ညံလျက် နေစဉ်တွင်၊ မိမိဥပုသ်နေ့တို့၌ မွေ့လျော်လိမ့်မည်။ သူတို့သည် င့ါစီရင် ထုံးဖွဲ့ချက်များကို ရွံရှာ၍ မထီမဲ့မြင်ပြုသော အပြစ်ကြောင့်၊ ခံရသောဒဏ်ကို ဝန်ခံရကြလိမ့်မည်။

တောလည် ၁၅း၃၂
၃၂ ဣသရေလ အမျိုးသားတို့သည် တော၌ ရှိကြသောအခါ၊ တနေ့သော ဥပုသ်နေ့ ၌ ထင်းခွေသော သူတယောက်ကို တွေ့လေ၏။

တောလည် ၂၈း၁၀
၁၀ သွန်းလောင်းရာ ပူဇော်သက္ကာ မှတပါး၊ ဥပုသ်နေ့ရက်၌ အခါမလည် အပြစ်မပါသော သိုးသူငယ် နှစ်ကောင်ကို၎င်း၊ သွန်းလောင်းရာ ပူဇော်သက္ကာ ပါလျက်၊ ဘောဇဉ် ပူဇော်သက္ကာဖို့၊ ဆီရောသော မုန့်ညက်နှစ်ဩမဲကို၎င်း ပူဇော်ရမည်။

တရားဟော ၅း၁၂-၁၅
၁၂ သင်၏ ဘုရားသခင် ထာဝရဘုရား မှာထားတော်မူသည်အတိုင်း၊ ဥပုသ်နေ့ကို သန့်ရှင်းစေခြင်းငှာ၊ ထိုနေ့ရက်ကို စောင့်လော့။

၄ ဓမ္မ ၄း၂၃
၂၃ ခင်ပွန်းက၊ အဘယ်ကြောင့် ယနေ့သွားချင်သနည်း။ လဆန်းနေ့မဟုတ်၊ ဥပုသ်နေ့ လည်းမဟုတ်၊ ဟုဆိုသော်၊ မိန်းမက ကောင်းပါလိမ့်မည်၊ ဟုပြန်ပြော၏။

၄ ဓမ္မ ၁၁း၅-၉
၅ ယောယဒကလည်း၊ သင်တို့ပြုရသော အမှုဟူမူကား၊ ဥပုသ်နေ့၌ ဝင်သောလူ သုံးစုတစ်စုသည် နန်းတော်တံခါးကို စောင့်ရမည်။

၁ ရာ ၉း၃၂
၃၂ သူ၏ ညီအစ်ကိုနှင့် အခြားသော ကောရသိ အဆွေအမျိုးသားတို့သည် ဥပုသ်နေ့၌ ရှေ့တော်မုန့်ကို ပြင်ဆင်ရကြ၏။

၁ ရာ ၂၃း၃၁
၃၁ ပညတ် တရားတော်အတိုင်း ဥပုသ်နေ့၊ လဆန်းနေ့၊ ဓမ္မပွဲနေ့၊ အစဉ်မပြတ် ထာဝရဘုရား ရှေ့တော်၌ မီးရှို့ရာယဇ်မျိုးတို့ကို ပူဇော်ရကြမည်။

၂ ရာ ၂း၄
၄ ဣသရေလ အမျိုးသည် အစဉ်ကျင့်ရသော တရားအတိုင်း ဘုရားရှေ့မှာ နံ့သာပေါင်းကို မီးရှို့ခြင်းငှါ၎င်း၊ ရှေ့တော်မုန့်ကို အစဉ်တင်ခြင်းငှါ၎င်း၊ ညဦး၊ နံနက်၊ ဥပုသ်နေ့၊ လဆန်းနေ့၊ ငါတို့ ဘုရားသခင် ထာဝရဘုရား၏ ဓမ္မပွဲနေ့တို့၌၊ မီးရှို့ရာယဇ် ပူဇော်ခြင်းငှါ၎င်း၊ ငါ၏ ဘုရားသခင် ထာဝရဘုရား၏ နာမတော်အဖို့ အိမ်တော်ကို တည်ဆောက်၍ ပူဇော်ရမည်။

၂ ရာ ၈း၁၃
၁၃ ထိုမှတပါးဥပုသ်နေ့ နှင့်လဆန်းနေ့၌ ၎င်း၊ အဇုမပွဲ၊ ခုနစ်သီတင်းပွဲ၊ သကေနေပွဲ တည်းဟူသောတနှစ်တနှစ်လျှင်ဓမ္မပွဲသုံးပွဲခံသောနေ့၌၎င်း၊ ယဇ်ပူဇော်လေ့ရှိ၏။

၂ ရာ ၂၃း၄
၄ သင်တို့ပြုရသော အမှုဟူမူကား၊ ဥပုသ်နေ့ ၌ ဝင်သော ယဇ်ပုရောဟိတ်သား လေဝိသား သုံးစုတစုတို့သည် တံခါးစောင့်လုပ်ရမည်။

၂ ရာ ၂၃း၈
၈ ထိုသို့ ယဇ်ပုရောဟိတ် ယောယဒမှာ ထားသမျှတိုင်း၊ လေဝိသားများနှင့် ယုဒအမျိုးသား အပေါင်းတို့သည် ပြု၍၊ ယဇ်ပုရောဟိတ် ယောယဒသည် ဖွဲ့မြဲဖွဲ့သော အသင်းတို့ကို မဖျက်သောကြောင့် ဥပုသ်နေ့၌ ထွက်ရသောသူနှင့် ဝင်ရသောသူ အသီးအသီးတို့ကို ခေါ်ထားကြ၏။

၂ ရာ ၃၁း၃
၃ ထာဝရဘုရား၏ ပညတ္တိကျမ်း၌ ရေးထားသည်အတိုင်း၊ နေ့ရက်အစဉ် နံနက်အချိန်၊ ညဦးအချိန်၊ ဥပုသ်နေ့၊ လဆန်းနေ့၊ ဓမ္မပွဲနေ့တွင် မီးရှို့ရာယဇ် ပူဇော်စရာအဘို့၊ ဘဏ္ဍာတော်ထဲက ဥစ္စာတဘို့ကိုထုတ်၍ လှူတော်မူ၏။

၂ ရာ ၃၆း၂၁
၂၁ ထိုသို့ ဣသရေလ မြေသည် ဥပုသ်နေ့ တို့ကို မွေ့လျော်စေခြင်းငှါ၊ ယေရမိဆင့်ဆိုသော ထာဝရဘုရား၏ အမိန့်တော်သည် ပြည့်စုံရ၏။ ထိုပြည်သည် လူဆိတ်ညံလျက် နေသောကာလ၊ အနှစ်ခုနစ်ဆယ် စေ့အောင် ဥပုသ်နှစ်တို့ကို စောင့်သော အခွင့်ရှိသတည်း။ %fo(a)

နေဟမိ ၉း၁၄
၁၄ သန့်ရှင်းသော ဥပုသ်နေ့ရက်တော် ကို ဖေါ်ပြ၍၊ ကိုယ်တော် ကျွန်မောရှေအားဖြင့် နည်းနာ ဥပဒေသ ပညတ်တရားတို့ကိုလည်း ထားတော်မူ၏။

နေဟမိ ၁၀း၃၁-၃၂
၃၁ ပြည်သားတို့သည် ဥပုသ်နေ့၌ ဥစ္စာ၊ စားစရာကို ရောင်းခြင်းငှါ ယူခဲ့လျှင်၊ ဥပုသ်နေ့ ဖြစ်စေ၊ အခြားသော ဓမ္မနေ့ဖြစ်စေမဝယ်၊ သတ္တမနှစ်တွင် လယ်လုပ်ခြင်းအမှုကို မပြု၊ ကြွေးကိုအနိုင် မတောင်းဘဲ နေပါမည်ဟူ၍၎င်း၊ ကျိန်ဆိုလျက် သစ္စာဂတိထားကြ၏။ sဘုရားထံပူဇော်ခြင်းနှင့် ဆိုင်သောအရာ အမျိုးမျိုးဆောင်ကြ

နေဟမိ ၁၃း၁၅-၂၂
၁၅ ထိုကာလ၊ ယုဒပြည်မှာ အချို့တို့သည် ဥပုသ်နေ့၌ စပျစ်သီးကို နယ်လျက်၊ ကောက်လှိုင်းကို သွင်းလျက်၊ မြည်းပေါ်မှာ ဝန်ကို တင်လျက်၊ လုပ်ဆောင်ကြသည်ကို၎င်း၊ ဥပုသ်နေ့ ၌ စပျစ်ရည်၊ စပျစ်သီး၊ သင်္ဘောသဖန်းသီး အစရှိသည်တို့ကို တင်၍ ယေရုရှလင်မြို့သို့ ဆောင်ခဲ့ကြသည်ကို၎င်း ငါမြင်၍၊ ဤမည်သော နေ့ရက်၌သာ စားစရာများကို ရောင်းအပ်သည်၊ ဟုသူတို့အား ကြားပြောကြ၏။

ဟေရှာယ ၁း၁၃
၁၃ အချည်းနှီးသောပူဇော်သက္ကာကို နောက်တဖန် မဆောင်ခဲ့ကြနှင့်။ သင်တို့မီးရှို့သော နံ့သာပေါင်းကို ငါရွံ့ရှာ၏။ လဆန်းနေ့၊ ဥပုသ်နေ့၊ ပရိသတ်စည်းဝေးသောနေ့ကိုလည်း ရွံရှာ၏။ အဓမ္မအမှုနှင့် ရောနှောသော ဓမ္မစည်းဝေးခြင်းတို့ကို သည်းမခံနိုင်။

ဟေရှာယ ၅၆း၂-၆
၂ ထိုသို့ပြုသောသူ၊ အမြဲစွဲလမ်းသော လူသားသည်၊ ဥပုသ်နေ့ကို မရှုတ်ချ၊ စောင့်ရှောက်၍ ဒုစရိုက်ကို မပြုမည်အကြောင်း၊ မိမိလက်ကို ချုပ်တည်းလျှင်လည်း မင်္ဂလာရှိ၏။ sတပါးအမျိုးသားနှင့် မိန်းမလျှာတို့

ဟေရှာယ ၅၈း၁၃
၁၃ သင်သည် ဥပုသ်နေ့ ကိုမရှုတ်ချ။ ငါ၏သန့်ရှင်းသောနေ့မှာ ကိုယ်အလိုသို့မလိုက်၊ ဥပုသ်နေ့ကို မွေ့လျော်ရာနေ့၊ ထာဝရဘုရားအဘို့ သန့်ရှင်းသောနေ့၊ ရိုသေဘွယ်သော နေ့ဟူ၍ ခေါ်သဖြင့် ကိုယ်အမှုကိုမပြု၊ ကိုယ်အလိုသို့မလိုက်၊ ကိုယ်စကားကို မပြောဘဲနေ၍ ထိုနေ့ကိုရိုသေလျှင်၊

ဟေရှာယ ၆၆း၂၃
၂၃ လူသတ္တဝါ အပေါင်းတို့သည် ငါ့ရှေ့မှာ ကိုးကွယ်ခြင်းငှါ လဆန်းနေ့နှင့် ဥပုသ်နေ့အစဉ်အတိုင်း လာကြလိမ့်မည်၊ ဟုထာဝရဘုရား မိန့်တော်မူ၏။

ယေရမိအ ၁ရး၂၁-၂ရ
၂၁ ထာဝရဘုရား မိန့်တော်မူသည်ကား၊ ဥပုသ်နေ့၌ ဝန်ကိုမထမ်းမရွက်၊ ယေရုရှလင်မြို့ တံခါးဖြင့် မဆောင်မသွင်းမည်အကြောင်း၊ သတိပြုကြလော့။

ယေရမိမြည် ၂း၆
၆ ဝင်းတော်ကို တောင်ယာခြံကဲ့သို့အမှတ်ပြု၍ ချိုးဖျက်တော်မူပြီ။ မိမိပွဲသဘင်တော်ကို ဖျက်ဆီးတော်မူပြီ။ ဇိအုန်မြို့၌ ခံသောဓမ္မပွဲနေ့၊ ဥပုသ်နေ့တို့ကို ထာဝရဘုရား မေ့စေတော်မူပြီ။ အမျက်တော် အရှိန်ပြင်း၍ ရှင်ဘုရင်နှင့် ယဇ်ပုရောဟိတ်ကို မရှုမမှတ်ပြုတော်မူပြီ။

ယေဇ ၂၀း၁၂-၁၃
၁၂ ထိုမှတပါးငါထာဝရဘုရားသည်သူတို့ကိုသန့်ရှင်းစေသည်ဟုသူတို့သည်သိမည်အကြောင်း၊ ငါနှင့်သူတို့စပ်ကြားမှာလက္ခဏာသက်သေဖြစ်စေခြင်းငှါ၊ ငါ၏ဥပုသ်နေ့တို့ကိုငါခန့်ထား၏။

ယေဇ ၂၀း၁၃
၁၃ သို့ရာတွင် ဣသရေလ အမျိုးသည် တော၌ ငါ့ကို ပုန်ကန်ကြ၏။ ကျင့်သောသူ၌ အသက်ရှင်စရာ အကြောင်း ဖြစ်သော ငါ၏ စီရင်ထုံးဖွဲ့ချက်တို့ကို မစောင့်ရှောက်၊ မထီမဲ့မြင် ပြု၍ ငါ၏ ဥပုသ်နေ့တို့ကို အလွန် ရှုတ် ချကြ၏။ ထိုအခါ သူတို့ ဖျက်ဆီးခြင်းငှါ၊ တော၌ သူတို့ အပေါ်သို့ ငါ့အမျက်အရှိန်ကို သွန်းလောင်းမည်၊ ဟုအကြံရှိ၏။

ယေဇ ၂၀း၂၀-၂၁
၂၀ ငါ၏ ဥပုသ်နေ့တို့ ကိုလည်း သန့်ရှင်းစေလော့။ ငါသည် သင်တို့၏ ဘုရားသခင် ထာဝရဘုရား ဖြစ်သည်၊ ဟုသင်တို့သည် သိမည်အကြောင်း၊ ထိုဥပုသ်နေ့တို့ကို ငါနှင့် သင်တို့ စပ်ကြားမှာ လက္ခဏာ သက်သေ ဖြစ်စေကြလော့၊ ဟုငါဆို၏။

ယေဇ ၂၀း၂၄
၂၄ အကြောင်းမူကား၊ သူတို့သည် ဘိုးဘေးတို့ကိုးကွယ်သော ရုပ်တုများကို ငဲ့ကွက်သောကြောင့်၊ ငါ၏ စီရင်ထုံးဖွဲ့ချက်တို့ကို မစောင့်ရှောက် မထီမဲ့မြင် ပြု၍ ငါ၏ ဥပုသ်နေ့တို့ကို ရှုတ်ချကြ၏။

ယေဇ ၂၂း၈
၈ သင်သည်ငါ၏သန့်ရှင်းသောအရာတို့ကိုမထီမဲ့မြင်ပြုပြီ။ ငါ၏ဥပုသ်နေ့တို့ကိုရှုတ်ချပြီ။

ယေဇ ၂၂း၂၆
၂၆ ယဇ်ပုရောဟိတ်တို့သည်လည်း ငါ၏တရားကိုဖျက်၍၊ ငါ၏သန့်ရှင်းရာဌာကိုလည်းညစ်ညူးစေကြ၏။ သန့်ရှင်းသောအရာ၊ မသန့်ရှင်းသောအရာတို့ကိုမပိုင်းခြား၊ စင်ကြယ်သောအရာ၊ မစင်ကြယ်သောအရာတို့ကိုရောနှောကြ၏။ ငါ၏ဥပုသ်နေ့တို့မှလည်းမျက်နှာလွှဲကြ၏။ သူတို့အလယ်၌ ငါသည်ရှုတ်ချခြင်းကိုခံရ၏။

ယေဇ ၂၃း၃၈
၃၈ ထိုမှတပါး ငါ၌ပြုသောအမှုတို့ဟူမူကား၊ ထိုနေ့ခြင်းတွင်ငါ၏သန့်ရှင်းရာဌာနကို ညစ်ညူးစေခြင်းငှါ ငါ၏ဥပုသ်နေ့ကိုရှုတ်ချကြ၏။

ယေဇ ၄၄း၂၄
၂၄ တရားတွေ့မှုကိုစီရင်လျှင်ငါ၏ ဓမ္မသတ်ပွဲတို့ကိုဆောင်ရွက်လျှင်ငါစီရင်ထုံးဖွဲ့ချက်တို့ကို၎င်း၊ ငါ၏ဥပုသ်နေ့တို့ကို၎င်း၊ စောင့်ရှောက်ကြရမည်။

ယေဇ ၄၅း၁၇
၁၇ မင်းသားသည်လည်းပွဲသဘင်နေ့လဆန်းနေ့ဥပုသ်နေ့ဣသရေလအမျိုးပရိသတ်စည်းဝေးသောနေ့ရက်အစဉ်အတိုင်းမီးရှို့ရာယဇ်ဘောဇဉ်ပူဇော်သက္ကာသွန်းလောင်းရာပူဇော်သက္ကာတို့ကိုပူဇော်ရမည်။ ဣသရေလ အမျိုး၏အပြစ်ကိုဖြေခြင်းငှါအပြစ်ဖြေရာယဇ်ဘောဇဉ်ပူဇော်သက္ကာမီးရှို့ရာယဇ်မိဿဟာယယဇ်ကိုလည်းပူဇော်ရမည်။

ယေဇ ၄၆း၁-၄
၁ အရှင်ထာဝရဘုရား မိန့်တော်မူသည်ကား အရှေ့သို့မျက်နှာပြုသော အတွင်းတန်တိုင်းတံခါးကို အလုပ်လုပ်သောနေ့ခြောက်ရက်ပတ်လုံး ပိတ်ထားရမည်။ ဥပုသ်နေ့နှင့် လဆန်းနေ့၌ ဖွင့်ထားရမည်။

ယေဇ ၄၆း၁၂
၁၂ မင်းသားသည် အလိုလိုပြုသော မီးရှို့ရာယဇ် မိဿဟရယဇ်ကို မိမိအလိုအလျောက်ထာဝရဘုရားအား ပူဇော်သက္ကာပြုသောအခါ အရှေ့သို့မျက်နှာပြုသော တံခါးကိုဖွင့်ရမည်။ သူသည်ဥပုသ်နေ့၌ မီးရှို့ရာယဇ်မိဿဟာရယဇ်ကို ပူဇော်သကဲ့သို့ပူဇော်ရမည်။ ပူဇော်ပြီးမှ ထွက်သွား၍ တံခါးကိုပိတ်ထားရမည်။

ဟောရှေ ၂း၁၁
၁၁ သူရွှင်လန်းစရာအကြောင်းရှိသမျှနှင့်ပွဲခံခြင်း၊ လဆန်းနေ့၊ ဥပုသ်နေ့စောင့်ခြင်း၊ ပရိသတ်စည်းဝေးခြင်းအလုံးစုံတို့ကိုငါပြတ်စေမည်။

အာမုတ် ၈း၄
၄ ငါတို့သည် စပါးကို ရောင်းအံ့သောငှါ လဆန်းနေ့လွန်ပါစေ။ ဂျုံကိုရောင်းအံ့သောငှါ ဥပုသ်နေ့ လွန်ပါစေ၊ ဟုဆိုလျက်၊

မဿဲ ၁၂း၁-၂
၁ ထိုကာလအခါ ယေရှုသည် ဥပုသ်နေ့၌ဂျုံစပါး၊ လယ်ကွက်တို့ကို လျှောက်ကြွတော်မူလျှင်၊ တပည့်တော်တို့သည် ဆာမွတ်သောကြောင့် စပါးအသီးအနှံကို ဆွတ်၍စားကြ၏။

မဿဲ ၁၂း၅-၈
၅ ယဇ်ပုရောဟိတ် တို့သည်လည်း ဗိမာန်တော်တွင် ဥပုသ်နေ့၌ ဥပုသ်ပျက်သော်လည်း၊ အပြစ် မသင့်သည်ကို ပညတ္တိကျမ်း၌ မဖတ်ဘူးသလော။

မဿဲ ၁၂း၁၀-၁၂
၁၀ လူအချို့တို့က၊ ဥပုသ်နေ့၌) ရောဂါကို ငြိမ်းစေအပ်သလောဟု ကိုယ်တော်၌ အပြစ်တင်ခွင့်ကို ရှာ၍ မေးလျှောက်ကြ၏။

မဿဲ ၂၄း၂၀
၂၀ သင်တို့ ပြေးရသော အချိန်သည်၊ ဆောင်းကာလ၌မကျ၊ ဥပုသ်နေ့၌လည်း မကျမည်အကြောင်း၊ ဆုတောင်းကြလော့။%fo(d)

မဿဲ ၂၈း၁
၁ ဥပုသ်နေ့လွန်၍ ခုနစ်ရက်တွင် ပဌမနေ့ရက်%fo(a) မိုးလင်းအံ့ဆဲဆဲ အချိန်၌၊ မာဂဒလမာရိနှင့် အခြားသော မာရိသည် သင်္ချိုင်းတော်ကို အကြည့်အရှု သွားကြ၏။

မာကု ၁း၂၁
၂၁ ကပေရနောင်မြို့သို့ သွားကြလျှင်၊ ဥပုသ်နေ့၌ကိုယ်တော်သည် ချက်ချင်း တရားစရပ်သို့ဝင်၍ ဆုံးမဩဝါဒပေးတော်မူ၏။

မာကု ၂း၂၃-၂၄
၂၃ ဥပုသ်နေ့၌ ကိုယ်တော်သည် ဂျုံစပါး လယ်ကွက်တို့ကို လျှောက်ကြွတော်မူလျှင်၊ တပည့်တော်တို့သည် စပါးအသီးအနှံကို ဆွတ်လျက် ခရီးသွားကြ၏။

မာကု ၂း၂ရ-၂၈
၂၇ ထိုမှတပါး ဥပုသ်နေ့သည် လူအဘို့ဖြစ်၏။ လူသည် ဥပုသ်နေ့အဘို့ ဖြစ်သည်မဟုတ်။ ၂၈ သို့ဖြစ်၍ လူသားသည် ဥပုသ်နေ့ကို ပင်အစိုးရသည်၊ ဟုမိန့်တော်မူ၏။

မာကု ၃း၂-၄
၂ ဥပုသ်နေ့၌ သူ၏ ရောဂါကို ငြိမ်းစေမည် မငြိမ်းစေမည်ကို ထိုသူတို့သည် ကိုယ်တော်၌ အပြစ်တင်ခွင့်ကိုရှာ၍ ချောင်းကြည့်ကြ၏။

မာကု ၆း၂
၂ ဥပုသ်နေ့ရောက်လျှင် တရားစရပ်၌ ဆုံးမဩဝါဒ ပေးတော်မူ၏။ လူများတို့သည် ကြားနာရလျှင် မိန်းမောတွေဝေခြင်းသို့ ရောက်၍၊ ဤသူသည် ဤအရာတို့ကို အဘယ်မှာရသနည်း။ သူရသော ပညာကား အဘယ်ပညာနည်း။ ဤမျှလောက်သော တန်ခိုးများကို အဘယ်သို့ပြနိုင်သနည်း။

မာကု ၁၆း၁
၁ ဥပုသ်နေ့လွန်မှ မာဂဒလမာရိ၊ ယာကုပ်၏ အမိဖြစ်သော မာရိနှင့် ရှာလုံတို့သည် သွား၍၊ အလောင်းတော်ကို လိမ်းခြင်းငှါ နံ့သာမျိုးကို ဝယ်ပြီးလျှင်၊

လု ၄း၁၆
၁၆ ကြီးပွား တော်မူရာ နာဇရက်မြို့သို့ ပြန်ရောက်လျှင်၊ ထုံးစံတော် ရှိသည်အတိုင်း ဥပုသ်နေ့၌ တရားဇရပ်သို့ ဝင်၍၊ ကျမ်းစာကို ဖတ်ရွတ်ခြင်းငှာ ထတော်မူ၏။

လု ၄း၃၁
၃၁ ဂါလိလဲပြည် ကပေရနောင်မြို့သို့ ရောက်လျှင်၊ ဥပုသ်နေ့၌ ဆုံးမဩဝါဒ ပေးတော်မူ၏။

လု ၆း၁-၂
၁ ဒုတိယဥပုသ်နေ့၌ %fo(a) ကိုယ်တော်သည်၊ ဂျုံစပါးလယ်ကွက်တို့ကို လျှောက်ကြွတော်မူလျှင်၊ တပည့်တော်တို့သည် စပါးအသီးအနှံကို ဆွတ်၍၊ လက်နှင့်ပွတ်နယ်လျက် စားကြ၏။

လု ၆း၅-ရ
၅ ထိုမှတပါး လူသားသည် ဥပုသ်နေ့ကိုပင် အစိုးရသည်၊ ဟုမိန့်တော်မူ၏။ sဥပုသ်နေ့၌ လက်သေသူကျန်းမာစေ

လု ၆း၉
၉ ယေရှုကလည်း၊ သင်တို့ကိုငါမေးမည်။ ဥပုသ်နေ့၌ အဘယ်သို့ပြုအပ်သနည်း။ ကျေးဇူးပြုအပ်သလော။ သူ့အကျိုးကို ဖျက်ဆီးအပ်သလော။ အသက်ကို ကယ်အပ်သလော၊ သတ်အပ်သလော၊ ဟုပရိသတ်တို့အား မေးတော်မူပြီးလျှင်၊

လု ၁၃း၁၁
၁၁ တဆယ်ရှစ်နှစ်ပတ်လုံး နတ်စွဲ၍၊ ရောဂါ နှိပ်စက်ခြင်းကိုခံရသော မိန်းမတယောက်ရှိ၏။ ထိုမိန်းမသည် ကျောကုန်း၍၊ ကိုယ်ကို အလျှင်းမဆန့်နိုင်။

လု ၁၃း၁၄-၁၆
၁၄ ထိုသို့ဥပုသ်နေ့၌ ယေရှုသည် အနာရောဂါကို ငြိမ်းစေတော်မူသောကြောင့်၊ တရားစရပ်မှူးသည် အမျက်ထွက်၍၊ အလုပ်လုပ်ရသော နေ့ရက်ခြောက်ရက်ရှိ၏၊ ထိုနေ့ရက်တွင်လာ၍ အနာရောဂါ ငြိမ်းစေခြင်းကျေးဇူးကို ခံကြလော့။ ဥပုသ်နေ့၌ မလာမခံကြနှင့်။ ဟုပရိသတ်တို့အားဆို၏။

လု ၁၄း၁-၅
၁ တနေ့သောဥပုသ်နေ့၌ ၊ ကိုယ်တော်သည် အစာကို သုံးဆောင်ခြင်းငှါ၊ အရာရှိဖြစ်သော ဖာရိရှဲတယောက်၏ အိမ်သို့ဝင်တော်မူပြီးလျှင်၊ ထိုသူတို့သည် ကိုယ်တော်ကို ချောင်းကြည့်ကြ၏။

လု ၂၃း၅၃-၅၆
၅၃ အလောင်းတော်ကိုချ၍ ပိတ်ချောနှင့် ပတ်ရစ်ပြီးလျှင်၊ တယောက်ကိုမျှ မသင်္ဂြိုလ်ဘူးသော ကျောက်သင်္ချိုင်းတွင်း၌ ထားလေ၏။

ယောဟန် ၅း၁၀
၁၀ ထိုနေ့သည် ဥပုသ်နေ့ဖြစ်၏။ ထိုကြောင့် ယုဒလူတို့က ဥပုသ်နေ့ဖြစ်၏။ အိပ်ရာကို မဆောင်အပ်၊ ဟုရောဂါကင်းသောသူအား ဆိုကြ၏။

ယောဟန် ၅း၁၆-၁၈
၁၆ ထိုအမှုကို ဥပုသ်နေ့၌ ပြုတော်မူသောကြောင့်၊ ယုဒလူတို့သည် ယေရှုကို ညှဉ်းဆဲကြ၏။

ယောဟန် ရး၂၂-၂၃
၂၂ မောရှေသည် အရေဖျားလှီးခြင်း တရားကို သင်တို့အားပေး၏။ ထိုသို့ဆိုသော် မောရှေမှအစစွာခံရသည်ဟုမဆိုလို။ ဘိုးဘေးများမှ ဆက်ခံရသတည်း။ ထိုကြောင့် ဥပုသ်နေ့၌ သင်တို့သည် အရေဖျားလှီးခြင်းကို ပေးကြ၏။

ယောဟန် ၉း၁၄
၁၄ ယေရှုသည် ရွှံ့လုပ်၍သူ၏မျက်စိကို ဖွင့်တော်မူသောနေ့သည် ဥပုသ်နေ့ဖြစ်သတည်း။

ယောဟန် ၁၉း၃၁
၃၁ ထိုနေ့သည် အဘိတ်နေ့ဖြစ်၍၊ နက်ဖြန်နေ့လည်း ကြီးမြတ်သော ဥပုသ်နေ့ဖြစ်သည်ကို ယုဒလူတို့သည်ထောက်၍၊ အ လောင်းကောင်တို့ကို ဥပုသ်နေ့၌ လက်ဝါးကပ်တိုင်ပေါ်မှာ မရှိစေခြင်းငှါ၊ ပိလတ်မင်းထံသို့ဝင်ပြီးလျှင်၊ ခြေကိုချိုး၍ ထိုအလောင်းကောင်တို့ကို ယူသွားရမည်အကြောင်း အခွင့်တောင်းကြ၏။

တမန် ၁း၁၂
၁၂ ထိုအခါ ယေရုရှင်လင်မြို့နှင့် ဥပုသ်နေ့တနေ့ခရီးသာကွာ၍၊ သံလွင်အမည်ရှိသော တောင်မှ၊ ယေရုရှလင်မြို့သို့ တမန်တော်တို့သည် ပြန်ကြ၏။

တမန် ၁၃း၁၄
၁၄ ပေရဂေမြို့မှ ထွက်သွားပြန်လျှင်၊ ပိသိဒိပြည်၊ အန္တိအုတ်မြို့သို့ ရောက်လျှင်၊ ဥပုသ်နေ့၌ တရားစရပ်သို့ဝင်၍ ထိုင်ကြ၏။

တမန် ၁၃း၂၇
၂၇ ယေရုရှလင်မြို့၌ နေသောသူတို့နှင့်တကွ မင်းများတို့သည် ထိုသခင်ကို၎င်း၊ ဥပုသ်နေ့တိုင်း အစဉ်ဖတ်ရွက်သော ပရောဖက်တို့၏ စကားကို၎င်း၊ မသိနားမလည်သောကြောင့်၊ ထိုသခင်ကို စီရင်သောအားဖြင့်၊ ထိုပရောဖက်တို့၏ စကားကိုပြည့်စုံ စေကြပြီ။

တမန် ၁၃း၄၂-၄၄
၄၂ လူများတို့သည် တရားစရပ်မှ ထွက်သွားကြစဉ်၊ ထိုအကြောင်း အရာတို့ကို မိမိတို့အား၊ နောက်ဥပုသ်နေ့၌ ဟောပြောပါမည်အကြောင်း တောင်းပန်ကြ၏။

တမန် ၁၅း၂၁
၂၁ အကြောင်းမူကား မောရှေ၏ ပညတ္တိကျမ်းကို တရားစရပ်၌၊ ဥပုသ်နေ့တိုင်း ဖတ်ရွတ်သဖြင့်၊ မောရှေ၏တရားကို ရှေးကာလမှစ၍၊ ခပ်သိမ်းသောမြို့တို့၌ ဟောပြောလေ့ရှိသည်၊ ဟုယာကုပ်ပြောဆို၏။ sဆွေးနွေးဆုံးဖြတ်ချက် စာကိုပို့

တမန် ၁၆း၁၃
၁၃ ဥပုသ်နေ့၌ ငါတို့သည် မြို့ပြင်သို့ထွက်လျှင်၊ ပဌနာစရပ်ရှိတတ်ရာ မြစ်နားသို့သွား၍ ထိုင်ပြီးမှ၊ ထိုအရပ်၌ စည်းဝေးသော မိန်းမတို့အား ဟောပြောကြ၏။

တမန် ၁ရး၂
၂ ပေါလုသည် မိမိထုံးစံရှိသည်အတိုင်း ထိုစရပ်သို့ဝင်၍၊ ဥပုသ်နေ့သုံးရက်တွင် ကျမ်းစာကိုအမှီပြု၍၊ ထိုသူတို့နှင့် ဆွေးနွေးနှီးနှောသဖြင့်၊

တမန် ၁၈း၄
၄ ပေါလုသည်လည်း ဥပုသ်နေ့မပြတ် တရားစရပ်၌ ဆွေးနွေးဟောပြော၍၊ ယုဒလူနှင့် ဟေလသလူတို့ကို ဖြားယောင်း သွေးဆောင်လေ၏။

တမန် ၂ရး၉
၉ ကာလကြာသည်ရှိသော်၊ ကြီးစွာသော ဥပုသ်နေ့လွန်၍၊ ပင်လယ်မကူးသင့်သော လဥတုအချိန်ဖြစ်သည်ကို ပေါလုသည် ထောက်၍၊

ကောလော ၂း၁၆
၁၆ ထိုကြောင့် စားသောက်ခြင်းအမှု၊ ပွဲနေ့၊ လဆန်းနေ့၊ ဥပုသ်နေ့တို့ကို စောင့်ခြင်းအမှုတွင် သင်တို့ကို အဘယ်သူမျှမစစ် ကြောမစီရင်စေနှင့်။

CROSS REFERENCES

ဟေရှာယ ရး၁၃

ဟေရှာယ ၄၃း၂၄

ဟေရှာယ ရး၁၃
၁၃ ထိုအခါဟေရှာယက၊ အိုဒါဝိဒ်အမျိုးသားတို့၊ နားထောင်ကြလော့။ သင်တို့သည် လူကိုငြီးငွေ့စေသည်သာမက၊ ငါကိုးကွယ်သောဘုရားသခင်ကို ငြီးငွေ့စေကြမည်လော။ sအပျိုကညာသည်သားယောက်ျားဖွားမည်

ဟေရှာယ ၄၃း၂၄
၂၄ သင်သည် မွှေးသောကြံကို ငါ့ဘို့ငွေနှင့်မဝယ်။ ပူဇော်သော ယဇ်ကောင်ဆီဥနှင့် ငါ့ကိုဝစွာမကျွေး။ သင်သည် ဒုစရိုက်အပြစ်နှင့် ငါ့ကိုအမှုထမ်းစေပြီတကား။ အဓမ္မအမှုကိုပြု၍ ငါ့ကို ပင်ပန်းစေပြီတကား။

CROSS REFERENCES

ဟေရှာယ ၈း၁ရ

ဟေရှာယ ၅၉း၂

ဟေရှာယ ၈း၁ရ
၁၇ ယာကုပ်အမျိုးသားတို့တွင် မျက်နှာတော်ကို ကွယ်ထားတော်မူသော ထာဝရဘုရားကို ငါသည် ဆိုင်းငံ့လျက်မြော်လင့်မည်။

ဟေရှာယ ၅၉း၂
၂ သင်တို့ဒုစရိုက်သည် သင်တို့ကို ဘုရားသခင်နှင့် ကွာစေပြီ။ ကြားတော်မမူစေခြင်းငှါ၊ သင်တို့အပြစ်သည် မျက်နှာတော်ကို လွှဲစေပြီ။

CROSS REFERENCES

မိက္ခာ ၃း၄

မိက္ခာ ၃း၄
၄ သင်တို့သည် ထာဝရဘုရားကို အော်ဟစ်ကြသော်လည်း နားထောင်တော်မမူ။ ဒုစရိုက်ကို ပြုကြသည်နှင့်အညီ၊ ထိုကာလ၌ မျက်နှာတော်ကို လွှဲတော်မူလိမ့်မည်။

၁၀ သောဒုံမြို့ကို အစိုးရသောမင်းတို့၊ ထာဝရဘုရား၏ နှုတ်ကပတ်တော်ကို ကြားကြလော့။ ဂေါမောရမြို့သားတို့၊ ငါတို့ ဘုရားသခင်၏ တရားတော်ကို နားထောင်ကြလော့။ (a) ၁၁ ထာဝရဘုရား မိန့်တော်မူသည်ကား၊ သင်တို့ပူဇော်သောယဇ်အများကို၊ ငါသည်အဘယ်သို့ဆိုင်သနည်း။ [E] မီးရှို့၍ပူဇော်သောသိုးကောင်၊ ဆူဖြိုးအောင်ကျွေးသော တိရစ္ဆာန်တို့၏ ဆီဥနှင့်ငါဝပြီ။ နွားနှင့်သိုးသငယ်၊ ဆိတ်တို့၏အသွေးကို ငါမနှစ်သက်။ ၁၂ သင်တို့သည် ငါရှေ့မှာ မျက်နှာပြခြင်းငှါ လာကြသောအခါ၊ ငါ့တန်တိုင်းတော်ကို ကျော်နင်းသောသင်တို့၌၊ ထိုသို့သောဝတ်ကို အဘယ်သူတောင်းသနည်း။ ၁၃ အချည်းနှီးသောပူဇော်သက္ကာကို နောက်တဖန် မဆောင်ခဲ့ကြနှင့်။ သင်တို့မီးရှို့သော နံ့သာပေါင်းကို ငါရွံ့ရှာ၏။ [F] လဆန်းနေ့၊ [G] ဥပုသ်နေ့၊ [H] ပရိသတ်စည်းဝေးသောနေ့ကိုလည်း ရွံရှာ၏။ အဓမ္မအမှုနှင့် ရောနှောသော ဓမ္မစည်းဝေးခြင်းတို့ကို သည်းမခံနိုင်။ ၁၄ ငါ့ဝိညာဉ်သည် သင်တို့လဆန်းနေ့များနှင့် သင်တို့ပွဲများကိုမုန်း၏။ ငါ့ကိုနှောင့်ယှက်စရာဖြစ်၏။ သည်းခံခြင်းအားဖြင့်ငါပင်ပန်း၏။ [I] ၁၅ သင်တို့သည် လက်ဝါးတို့ကို ဖြန့်ကြသောအခါ၊ ငါသည် မျက်စိကိုလွှဲမည်။ [J] များစွာသောပဌနာကို ပြုကြသောအခါ ငါသည်နားမထောင်။ [K] သင်တို့လက်တို့သည် အသွေးနှင့် ပြည့်ကြ၏။ ၁၆ ကိုယ်ကိုကိုယ် ဆေးကြောကြလော့။ ကိုယ်ကိုကိုယ် စင်ကြယ်စေကြလော့။ သင်တို့ဒုစရိုက်များကို ငါ့မျက်မှောက်မှ ပယ်ရှားကြလော့။ မကောင်းသောအကျင့်ကို ဖြတ်ကြလော့။ ၁၇ ကောင်းသော အကျင့်ကိုကျင့်အံ့သောငှါ သင်ကြလော့၊ တရားသဖြင့် ပြုခြင်းငှါ ရှာကြံကြလော့။ ကောက်သောအရာကို ဖြောင့်စေကြလော့။ မိဘမရှိသောသူတို့အဘို့ တရားသဖြင့် စီရင်ကြလော့။ မုဆိုးမတို့၏အမှုကို စောင့်ကြလော့။

လာကြတရားစီရင်ကြကုန်အံ့

CROSS REFERENCES

ဟေရှာယ ၄၁း၁
၁ တကျွန်း တနိုင်ငံအရပ်တို့၊ ငါရှေ့မှာ ငြိမ်ဝပ်စွာနေကြ။ လူအမျိုးမျိုးတို့၊ အားဖြည့်ကြ၊ ချဉ်းကပ်၍ ပြောကြ။ တရားတွေ့ကြကုန်အံ့။

ဟေရှာယ ၄၁း၂၁
၂၁ သင်တို့၏အမှုကို စောင့်ကြလော့၊ ဟုထာဝရဘုရား မိန့်တော်မူ၏။ သင်တို့၏ ခိုင်ခံ့သော သက်သေများကို ထုတ်ပြကြလော့၊ ဟုယာကုပ်အမျိုး၏ ရှင်ဘုရင် မိန့်တော်မူ၏။

ဟေရှာယ ၄၃း၂၆
၂၆ ငါ့ကို သတိပေးလော့၊ တရားတွေ့ကြကုန်အံ့။ သင်သည် အပြစ် လွတ်မည်အကြောင်း ပြောလော့။

မိက္ခာ ၆း၂
၂ အိုတောင်တို့၊ ခိုင်ခံ့သော မြေအမြစ်တို့၊ ထာဝရဘုရား၏ တရားတွေ့မှုကို နားထောင်ကြလော့။ ထာဝရဘုရားသည် မိမိလူမျိုးနှင့် တရားတွေ့စရာရှိ၏။ ဣသရေလ အမျိုးနှင့် ဆွေးနွေးငြင်းခုံတော်မမူ။

၁၈ ထာဝရဘုရား မိန့်တော်မူသည်ကား၊ လာကြ။ တရားစီရင်ကြကုန်အံ့။ [L] သင်တို့အပြစ်သည် နီသော အဆင်းရှိသော်လည်း၊ မိုးပွင့်ကဲ့သို့ ဖြူလိမ့်မည်။ ကတ္တီပါနီ (b) နှင့်အမျှ နီသော်လည်း၊ သိုးမွေးကဲ့သို့ ဖြစ်လိမ့်မည်။ ၁၉ သင်တို့သည် ကြည်ညိုနားထောင်လျှင်၊ မြေအသီး အနှံကို စားရကြလိမ့်မည်။ ၂၀ သို့မဟုတ်၊ ငြင်းဆန်ပုန်ကန်လျှင် ဓါးလက်နက်ဖြင့် ဆုံးရကြလိမ့်မည်၊ ဟုထာဝရဘုရား၏ နှုတ်တော်ထွက် အမိန့်တော်ရှိ၏။

မတရားသဖြင့် စီရင်ကြ

CROSS REFERENCES

ဟေရှာယ ၅ရး၃

ဟေရှာယ ၅ရး၉

ယေရမိ ၂း၂၀

ဟေရှာယ ၅ရး၃
၃ စုန်းမသား၊ နောက်မီးလင်းသော မိန်းမသား၊ ပြည်တန်ဆာ မိန်းမသားတို့၊ ချဉ်းကပ်ကြလော့။

ဟေရှာယ ၅ရး၉
၉ ဆီးမွှေးပါလျက်၊ ရှင်ဘုရင့်ထံသို့ သွားပြီ။ နံ့သာမျိုးများကို သုံးပြီ။ တမန်တို့ကို ဝေးသောအရပ်သို့ စေလွှတ်၍၊ မရဏာနိုင်ငံတိုင်အောင် မိမိကို မိမိနှိမ့်ချပြီ။

ယေရမိ ၂း၂၀
၂၀ ရှေးကာလ၌ သင်ထမ်းရသောထမ်းပိုး၊ သင်၌ချည်သော နှောင်ဖွဲ့ခြင်းကို ငါချိုးချွတ်၍သင်က၊ အကျွန်ုပ်သည် မမှားယွင်းဘဲ နေပါမည်ဟု ဂတိထားသော်လည်း၊ မြင့်သောတောင် ရှိသမျှအပေါ်၌၎င်း၊ စိမ်းသောသစ်ပင် ရှိသမျှအောက်၌၎င်း၊ ကိုယ်ကိုချ၍ ပြည်တန်ဆာလုပ်လေ၏။

၂၁ သစ္စာရှိသောမြို့သည် အဘယ်သို့ နောက်မီးလင်းပြန်သနည်း။ (c) [M]အထက်က ဖြောင့်မတ်စွာ စီရင်ခြင်းနှင့်ပြည့်၏။ တရားသည်သူ၏အထဲမှာ နေရာကျ၏။ ယခုမူကား၊ လူအသက်ကို သတ်သောသူတို့သည် နေရာကျကြ၏။ ၂၂ သင်၏ငွေသည်လည်း ချော်ဖြစ်လေပြီ။ သင်၏စပျစ်ရည်သည် ရေနှင့်ရောလျက်ရှိ၏။ ၂၃ သင်၏မင်းတို့သည် ပုန်ကန်ကြပြီ။ သူခိုးလက်ခံဖြစ်ကြပြီ။ ထိုမင်းအပေါင်းတို့သည် လက်ဆောင်ကို အလိုရှိကြ၏။ တံစိုးကိုစားကြ၏။ မိဘမရှိသော သူတို့အဘို့ တရားမစီရင်ကြ။ မုဆိုးမအမှုကို နားမထောင်ကြ။

ထာဝရဘုရား တရားစီရင်တော်မူမည်

CROSS REFERENCES

ဒံ ၁၂း၁၀

မာလခိ ၃း၃

ဒံ ၁၂း၁၀
၁၀ လူအများတို့သည် သန့်ရှင်းဖြူစင်ခြင်းသို့ ရောက်၍၊ စုံစမ်းခြင်းကို ခံရကြလိမ့်မည်။ မတရားသောသူတို့သည် မတရားသဖြင့်ပြု၍၊ တယောက်မျှ နားမလည်ရ။ ပညာရှိသောသူတို့မူကား၊ နားလည်ကြလိမ့်မည်။

မာလခိ ၃း၃
၃ ငွေကိုချွတ်၍ သန့်ရှင်းစေသော သူကဲ့သို့ထိုင်လျက်၊ ရွှေငွေကို ချွတ်သကဲ့သို့၊ လေဝိသားတို့ကို ချွတ်၍ သန့်ရှင်း စေတော်မူသဖြင့်၊ သူတို့သည် ထာဝရဘုရားအဘို့ ဖြစ်၍၊ ဖြောင့်မတ်ခြင်း ပူဇော်သက္ကာကို ပူဇော်ကြလိမ့်မည်။

CROSS REFERENCES

၂၄ ထိုကြောင့်၊ ဣသရေလအမျိုး၌ တန်ခိုးကြီးသောဘုရား၊ ကောင်းကင် ဗိုလ်ခြေသခင်အရှင် ထာဝရဘုရား မိန့်တော်မူသည်ကား၊ အဲ၊ ငါ့တဘက်၌ နေသောသူတို့ကို ပယ်ရှားပြီးမှ ငါချင်ရဲပြေမည်။ ကိုယ်အဘို့ကို စောင့်၍ ငါ့ရန်သူတို့ကိုအပြစ်နှင့် အလျောက်စီရင်မည်။ ၂၅ သင့်ကိုလည်း ငါကိုင်ယူပြီးလျှင်၊ ချော်နှင့် ရှင်းရှင်းကင်းစင်စေ၍ သင်၏ ကြေးဖြူရှိသမျှကိုလည်း ပယ်ရှားမည်။ [N] ၂၆ သင်၏ တရားသူကြီးတို့နှင့် တိုင်ပင်မှူးမတ်တို့ကို ရှေ့ဦးစွာ ခန့်ထားသည်နည်းတူ၊ တဖန်ငါခန့်ထားဦးမည်။ ထိုနောက်မှ၊ သင်၏နာမကို တရားသောမြို့၊ သစ္စာစောင့်သောမြို့၊ ဟုသမုတ်ကြလိမ့်မည်။ ၂၇ ဇိအုန်မြို့သည် တရားအားဖြင့်၎င်း၊ မြို့သူမြို့သားတို့သည် ဖြောင့်မတ်သောအားဖြင့်၎င်း၊ ရွေးနှုတ်ခြင်းကို ခံရကြလိမ့်မည်။ ၂၈ လွန်ကျူးသောသူနှင့် ပြစ်မှားသောသူတို့သည် ပျက်စီးခြင်းသို့ အတူရောက်၍၊ ထာဝရဘုရားကို စွန့်သောသူတို့သည် [C] ဆုံးရှုံးကြလိမ့်မည်။ ၂၉ သင်တို့သည် တပ်မက်ဘူးသော သပိတ်ပင် တို့ကြောင့် ရှက်ကြလိမ့်မည်။ သင်တို့သည် ရွေးယူဘူးသော ဥယျာဉ်တို့ကြောင့် မျက်နှာပျက်ကြလိမ့်မည်။ ၃၀ အကြောင်းမူကား၊ အရွက်နွမ်းသော သပိတ်ပင်ကဲ့သို့၎င်း၊ ရေမရှိသော ဥယျာဉ်ကဲ့သို့၎င်း၊ ဖြစ်ကြလိမ့်မည်။ ၃၁ ခွန်အားကြီးသောသူသည် ပိုက်ဆန်လျှော်ဖြစ်လျက်၊ သူ၏အမှုသည် မီးပွားဖြစ်လျက်၊ ထိုနှစ်ပါးသည် အတူလောင်ကြလိမ့်မည်။ ထိုမီးကိုအဘယ်သူမျှ မသတ်ရ။

_________________________
Footnotes

၁၀ (a) ဤနေရာ၌ ယေရုရှလင်မြို့၌ အုပ်စိုးသူများကို သောဒုံမြို့ကိုအုပ်စိုးသောသူတို့ ဂေါမောရမြို့သားတို့၊ ဟုဘုရား သခင်က တင်စား၍ပြောခြင်းဖြစ်သည်။ သောဒုံနှင့် ဂေါမောရမြို့သားတို့သည် လိင်တူဆက်ဆံခြင်း အပြစ်ကြောင့် ဘုရားသခင်က မီးဖြင့်ဖျက်ဆီးခဲ့သည် (ကမ္ဘာ ၁၉း၂၄)။

၁၈ (b) ကတ္တီပါ သည်ကြက်သွေးရောင်ဖြစ်သည်။

၂၁ (c) မြန်မာကျမ်းစာအုပ်၌ "မြောက်မထား" ဟုရေးထားသည်။ "နောက်မီးလင်း" ဆိုသည်မှာ လင်မယားအကြား ဖောက်ပြန်ခြင်းကို ဆိုလိုသည်။