၁ ရှေ့ဦးစွာကပင်ဖြစ်၍၊ ငါတို့သည် ကိုယ်တိုင်ကြားလျက်၊ [A] ကိုယ်မျက်စိနှင့်မြင်လျက်၊ [B] စေ့စေ့ကြည့်ရှု၍ [C] လက်နှင့်စမ်းသပ်ခဲ့ပြီးသော [D] အရာတည်းဟူသော၊ အသက်ရှင်သော နှုတ်ကပတ်တော် [E]နှင့် ဆိုင်သောအရာတို့ကို၊ သင်တို့အား ပြသကြ၏။ ၂ ထိုအသက်သည် ထင်ရှားခဲ့ပြီ။ ငါတို့လည်း မြင်ရကြပြီ။ ခမည်းတော်နှင့် အတူရှိဘူး၍၊ ငါတို့အား ထင်ရှားခဲ့ပြီးသော၊ ထိုထာဝရအသက်ကို ငါတို့သည်၊ သင်တို့အား သက်သေခံ၍ ပြသကြ၏။ ၃ ငါတို့သည် ခမည်းတော်နှင့်၎င်း၊ သားတော် ယေရှုခရစ်နှင့်၎င်း၊ မိဿဟာယဖွဲ့ရသည်ဖြစ်၍၊ သင်တို့သည် ငါတို့နှင့် မိဿဟာယဖွဲ့စေခြင်းငှာ၊ ငါတို့ကြားမြင်ရသော အရာကို သင်တို့အား ပြသကြ၏။၄ သင်တို့၏ ဝမ်းမြောက်စရာ အကြောင်း စုံလင်စေခြင်းငှါလည်း၊ ဤအရာများကို ငါတို့သည် ရေးလိုက်ကြ၏။

ယေရှုအသွေးဖြင့် အပြစ်အားလုံးဆေးကြော

CROSS REFERENCES

၁ တိ ၆း၁၆

ယာကုပ် ၁း၁၇

၁ တိ ၆း၁၆
၁၆ အဘယ်သူမျှ မချဉ်းကပ်နိုင်သော အလင်းထဲ၌ နေတော်မူထသော၊ အဘယ်သူမျှ မမြင်ဘူးရာ၊ မမြင်နိုင်ရာ ဖြစ်တော်မူထသော၊ မင်္ဂလာရှိသော တပါးတည်းသော အရှင်ဖြစ်တော်မူထသော၊ ဘုရင်တကာတို့၏ ဘုရင်၊ သခင်တကာတို့၏ သခင်သည်၊ ကာလအချိန်ရောက်သောအခါ၊ သခင်ယေရှုခရစ်၏ ထင်ရှားပေါ်ထွန်းခြင်းကို ပြတော်မူလိမ့်မည်။ ထိုဘုရားသခင်သည် ထာဝရ ဂုဏ်အသရေ အစွမ်းသတ္တိ ရှိတော်မူစေသတည်း။ အာမင်။ s လောကစည်းစိမ်ထက် ဘုရား ကိုးစားဖို့ ပညတ်လော့

ယာကုပ် ၁း၁၇
၁၇ ထိုအဘသည် ရွေ့လျော့တိမ်းယိမ်းခြင်းမရှိ၊ ပြောင်းလဲခြင်းအရိပ်နှင့် ကင်းလွတ်တော်မူ၏။ s သမ္မာတရားအားဖြင့် ငါတို့ကိုမွေးဖွားစေ

CROSS REFERENCES

ဟေရှာ ၂း၅

ဟေရှာ ၂း၅
၅ အိုယာကုပ်အမျိုးသားတို့၊ လာကြလော့။ ထာဝရဘုရား၏ အလင်းတော်၌ ကျင်လည်ကြကုန်အံ့။

၅ ထိုနှုတ်ကပတ်တော်ထံ၌ ငါတို့သည် ကြားရ၍၊ သင်တို့အား ပြသသော တရားစကားဟူမူကား၊ ဘုရားသခင်သည် အလင်းဖြစ်တော်မူ၏။ [F]ဘုရားသခင်၌ မှောင်မိုက်အလျှင်းမရှိ။ ၆ ငါတို့သည် ဘုရားသခင်နှင့် မိဿဟာဖွဲ့ပြီ၊ ဟုဆိုလျက်ပင်၊ မှောင်မိုက်၌ ကျင်လည်လျှင်၊ သမ္မာတရားကိုမကျင့်၊ မုသာကို သုံးသောသူဖြစ်ကြ၏။ ၇ ဘုရားသခင်သည် အလင်း၌ ရှိတော်မူသကဲ့သို့၊ ငါတို့သည်အလင်း၌ ကျင်လည်လျှင်၊ [G] အချင်းချင်း မိဿဟာယဖွဲ့ခြင်း ရှိကြသည်ဖြစ်၍၊ ဘုရားသခင်၏ သားတော် ယေရှုခရစ်၏ အသွေးတော်သည်၊ ငါတို့အပြစ်ရှိသမျှကို ဆေးကြောတော်မူ၏။

အပြစ်ဝန်ချတောင်းပန်လျှင် အပြစ်နှင့်ကင်းစင်စေ

CROSS REFERENCES

ယောဘ ၁၅း၁၄
၁၄ လူသည် အဘယ်သို့သော သူဖြစ်၍ သန့်ရှင်းနိုင်သနည်း။ မိန်းမဖွားသော သူသည် အဘယ်သို့သော သူဖြစ်၍ ဖြောင့်မတ်နိုင်သနည်း။

သု ၂၀:၉
၁ တဖန် တေမန်အမျိုးသား ဧလိဖတ် မြွက်ဆိုသည်ကား၊

ရော ၃း၁၀
၁၀ ကျမ်းစာလာသည်ကား၊ ဖြောင့်မတ်သောသူမရှိ၊ တယောက်မျှမရှိ။

ယာကုပ် ၃း၂
၂ ငါတို့ရှိသမျှသည် များသောအားဖြင့် မှားတတ်ကြ၏။ စကားအားဖြင့် မှားခြင်းမရှိသောသူ မည်သည်ကား၊ စုံလင်သောသူဖြစ်၏။ မိမိကိုယ်တကိုယ်လုံးကို ချုပ်တည်းနိုင်သောသူ ဖြစ်၏။

CROSS REFERENCES

ဆာ ၃၂း၅

သု ၂၈း၁၃

ဆာ ၃၂း၅
၅ တဖန်အကျွန်ုပ်သည် ကိုယ်အပြစ်ကို ရှေ့တော်၌ ဝန်ချပါ၏။ ပြုမိသော ဒုစရိုက်ကိုဝှက်၍ မထားပါ။ ငါလွန်ကျူးသော အရာကို ထာဝရဘုရားအား ဖေါ်ပြ တောင်းပန်မည်၊ ဟုပြောဆိုသောအခါ၊ ကိုယ်တော်သည် အကျွန်ုပ် ပြစ်မှားခြင်းအပြစ်ကို လွှတ်တော်မူ၏။

သု ၂၈း၁၃
၁၃ မိမိအပြစ်ကိုဝှက်ထားသောသူသည်ချမ်းသာမရ။ မိမိအပြစ်ကိုဖေါ်ပြဝန်ချ၍စွန့်ပစ်သောသူမူကား၊ ကရုဏာတော်ကိုခံရလိမ့်မည်။

၈ ကိုယ်အပြစ်မရှိ ၊ ဟုငါတို့သည်ဆိုလျှင်၊ [H]ကိုယ်ကိုကိုယ် လှည့်ဖြားကြ၏။ ငါတို့၌ သမ္မာတရားမရှိ(a) ။ ၉ ကိုယ်အပြစ်တို့ကို ဖော်ပြတောင်းပန်လျှင်၊ [I] ငါတို့အပြစ်များကိုလွှတ်၍ ဒုစရိုက်ရှိသမျှနှင့် ကင်းစင်စေခြင်းငှာ ဘုရားသခင်သည် သစ္စာတရားနှင့်၎င်း၊ ဖြောင့်မတ်ခြင်းတရားနှင့်၎င်း၊ ပြည့်စုံတော်မူ၏။ ၁၀ ဒုစရိုက်ကိုမပြုပြီ၊ ဟုငါတို့သည်ဆိုလျှင်၊ ဘုရားသခင်ကို မုသာအပြစ်တင်ကြ၏။ နှုတ်ကပတ်တော်လည်း ငါတို့၌မရှိ။

_________________________
Footnotes

(a) သစ္စာတရား