၁ တိမောသေ ဩဝါဒစာ

အခန်းကြီး ၁

နှုတ်ခွန်းဆက်စကား

၁ ငါတို့ကို ကယ်တင်တော်မူသော အရှင်ဘုရားသခင်နှင့်၊ ငါတို့မျှော်လင့်ခြင်းအကြောင်းဖြစ်သော ယေရှုခရစ်၏ ပညတ်တော်အားဖြင့်၊ ထိုသခင်၏ တမန်တော်ဖြစ်သော ငါပေါလုသည်၊ ၂ ယုံကြည်ခြင်းအားဖြင့် ငါ့သားစစ်ဖြစ်သော တိမောသေကိုကြား လိုက်ပါ၏။ ငါတို့သခင်ယေရှုခရစ်နှင့်၊ ငါတို့အဘတည်းဟူသော၊ ဘုရားသခင့်အထံတော်က ကျေးဇူး၊ ကရုဏာ၊ ငြိမ်သက်ခြင်း ရှိပါစေသော်။

ပေါလုကတိမောသေကို ဧဖက်မြို့၌ နေခိုင်း

CROSS REFERENCES

မဿဲ ရး၁၅
၁၅ အတွင်း၌ ကြမ်းတမ်းသော တောခွေးဖြစ်လျက်၊ သိုးရေကိုခြုံ၍ သင်တို့ရှိရာသို့ လာသော မိစ္ဆာပရောဖက်တို့ကို သတိနှင့် ရှောင်ကြလော့။

၂ ကော ၁၁း၄
၄ သင်တို့ရှိရာသို့ ရောက်လာသောသူသည်၊ ငါတို့ မဟောမပြောသေးသော ယေရှုတစ်ပါးကို ဟောပြောသော်၎င်း၊ သင်တို့သည် မခံရသေးသော ဝိညာဉ်တော်တစ်ပါးကို ခံရသော်၎င်း၊ နားမထောင်သေးသော ဧဝံဂေလိတရားစကားကို နားထောင်သော်၎င်း၊ ထိုသူကို သည်းခံကောင်း၏။ sပေါလုသည် ကောရိန္သုအသင်းတော်ကို မနှောင့်ယှက်

ဂလာ ၁း၆-၉
၆ ခရစ်တော်၏ ကျေးဇူးအားဖြင့်၊ သင်တို့ကို ခေါ်တော်မူသောသူနှင့်၊ ဤမျှလောက် မြန်မြန်ခွာ၍ သင်တို့သည်၊ အခြားသော ဧဝံဂေလိတရားကို ခံယူကြသောကြောင့်၊ ငါသည် အံ့ဩခြင်းရှိ၏။

၂ သက် ၃း၆
၆ တနည်းကား၊ ညီအစ်ကိုတို့၊ ငါတို့ထံ၌ခံသော နည်းဥပဒေသအတိုင်းမကျင့်ဘဲ၊ မတရားစွာပြုသော ညီအစ်ကိုရှိသမျှတို့ကို ရှောင်ကြလော့၊ဟုငါတို့သခင်ယေရှုခရစ်၏ နာမတော်အားဖြင့်၊ ငါတို့သည် ပညတ်ထားကြ၏။

၂ သက် ၃း၁၄
၁၄ ဤစာ၌ ငါတို့ရေးထားသော ပညတ်စကားကို၊ တစုံတယောက်သောသူသည်၊ နားမထောင်ဘဲနေလျှင်၊ ထိုသူကိုမှတ်ကြလော့။ ရှက်ကြောက်စေခြင်းငှါ၊ အပေါင်းအဖေါ်မလုပ်ကြနှင့်။

၁ တိ ၁း၃
၃ ခြားနားသော အယူဝါဒသစ်ကို မသွန်သင်ကြနှင့် ဟူ၍၎င်း၊ ဒဏ္ဍာရီစကားကို နားမထောင်ကြနှင့် ဟူ၍၎င်း၊ ယုံကြည်ခြင်း၌ တည်သော ဘုရားသခင်၏ သာသနာတော်ကို ပြုစုသည်ထက်၊ အချင်းချင်း ငြင်းခုံခြင်းကိုသာ၍ ပြုစုတတ်သော၊ ပြင်ဆင်၍မကုန်နိုင်သော၊ ဆွေစဉ်မျိုးဆက် စာရင်းများကို ပမာဏမပြုကြနှင့် ဟူ၍၎င်း၊ သင်သည် အချို့သောသူတို့ကို ပညတ်ထား၍၊

၁ တိ ၆း၃-၅
၃ ခြားနားသော ဩဝါဒကို သင်ပေး၍၊ငါတို့သခင် ယေရှုခရစ်၏စကား တည်းဟူသော စင်ကြယ်သောစကားကို၎င်း၊ ဘုရားဝတ်၌ မွေ့လျော်ခြင်းနှင့်အညီ ဖြစ်သောဩဝါဒကို၎င်း၊ ဝန်မခံသောသူမည်သည်ကား၊

CROSS REFERENCES

လု ၅း၁၇

တမန် ၅း၃၄

၁ တိ ၁း၇

လု ၅း၁၇
၁၇ တနေ့သ၌ ကိုယ်တော်သည် ဆုံးမဩဝါဒ ပေးတော်မူစဉ်၊ ယေရုရှလင်မြို့ မှစသော ယုဒပြည်၊ ဂါလိလဲပြည် မြို့ရွာများတို့က ရောက်လာသော ဖာရိရှဲတို့နှင့် နိဿရည်းဆရာ%fo(b) တို့သည် ထိုင်လျက် ရှိကြ၍၊ အနာရောဂါကို ငြိမ်းစေခြင်းငှာ သခင်ဘုရား၏ တန်ခိုးတော်သည် ထင်ရှား၏။

တမန် ၅း၃၄
၃၄ ထိုအခါ လူအပေါင်းတို့ ရိုသေသောသူ၊ ဂါမလျေလအမည်ရှိသော နိဿရည်းဆရာ၊%fo(a) ဖာရိရှဲတယောက်သည် လွှတ်တော်ပေါ်၌ ထ၍၊ တမန်တော်တို့ကို ပြင်သို့ခဏထွက်စေပြီးလျှင်၊

၁ တိ ၁း၇
၇ အဘယ်သို့သော တရားဘက်၌ မိမိတို့ခိုင်မာစွာ နေသည်ကို မသိဘဲလျက်၊ နိဿရည်းဆရာ%fo(a) လုပ်ချင်ကြသည်တကား။ s ပညတ်တရားကို မတရားသဖြင့် ကျင့်သူအတွက်ပေး

၃ ခြားနားသော အယူဝါဒသစ်ကို [A] မသွန်သင်ကြနှင့် ဟူ၍၎င်း၊ ဒဏ္ဍာရီစကားကို နားမထောင်ကြနှင့် ဟူ၍၎င်း၊ ယုံကြည်ခြင်း၌ တည်သော ဘုရားသခင်၏ သာသနာတော်ကို ပြုစုသည်ထက်၊ အချင်းချင်း ငြင်းခုံခြင်းကိုသာ၍ ပြုစုတတ်သော၊ ပြင်ဆင်၍မကုန်နိုင်သော၊ ဆွေစဉ်မျိုးဆက် စာရင်းများကို ပမာဏမပြုကြနှင့် ဟူ၍၎င်း၊ သင်သည် အချို့သောသူတို့ကို ပညတ်ထား၍၊ ၄ ဧဖက်မြို့၌ နေရစ်စေခြင်းငှာ၊ ငါသည် မာကေဒေါနိပြည်သို့ သွားသောအခါ၊ တောင်းပန်သည်အတိုင်း နေရစ်လော့။ ၅ ထိုသို့ပညတ်ထားခြင်း၏ အချုပ်အခြာမူကား၊ စင်ကြယ်သော စိတ်နှလုံးနှင့်၎င်း၊ ကိုယ်ကိုကိုယ်သိသောစိတ် ကြည်လင်ခြင်းနှင့်၎င်း၊ မှန်သော ယုံကြည်ခြင်းနှင့်၎င်း၊ စပ်ဆိုင်သော ချစ်ခြင်းမေတ္တာ ဖြစ်သတည်း။ ၆ ထိုသို့သောအကျင့်ကို လူအချို့တို့သည် အမြဲမကျင့်၊ အချည်းနှီးသော စကားပြောခြင်းသို့ လွဲသွားကြပြီ။ ထိုသူတို့သည် မိမိတို့ပြောသောအရာကို နားမလည်။ ၇ အဘယ်သို့သော တရားဘက်၌ မိမိတို့ခိုင်မာစွာ နေသည်ကို မသိဘဲလျက်၊ နိဿရည်းဆရာ [B](a) လုပ်ချင်ကြသည်တကား။

ပညတ်တရားကို မတရားသဖြင့် ကျင့်သူအတွက်ပေး

CROSS REFERENCES

နာဟုံ ၃း၄
၄ အဆင်းလှ၍ ပြုစားတတ်လျက်၊ မတရားသောမေထုန်အမှုနှင့် စုန်းမအတတ်အားဖြင့်၊ လူအမျိုးမျိုးအနွယ်နွယ်တို့ကို ကုန်သွယ်လုပ်တတ်သော ပြည်တန်ဆာမိန်းမသည် မတရားသောမေထုန်ကို ပြုဖန်များပြားသောကြောင့်၊

ကောလော ၃း၅
၅ ထိုကြောင့်မတရားသောမေထုန်၌ မှီဝဲခြင်း၊ ညစ်ညူးစွာကျင့်ခြင်း၊ ကိလေသာပူပန်ခြင်း၊ ဆိုးညစ်သောတပ်မက်ခြင်း၊ ရုပ်တုကို ကိုးကွယ်ခြင်း ဖြစ်သော လောဘလွန်ကျူးခြင်း တည်းဟူသော၊ မြေကြီးပေါ်မှာ ရှိသောသင်တို့၏ ကိုယ်အင်္ဂါတို့ကို သေစေကြလော့။

၁ သက် ၄း၃
၃ ဘုရားသခင်၏ အလိုတော်ဟူမူကား၊ သင်တို့သည် မတရားသောမေထုန်ကို ကြဉ်ရှောင်၍ သန့်ရှင်းစေခြင်းငှါ၎င်း၊

၁ တိ ၁း၁၀
၁၀ ဘုရားကို မကိုးကွယ်သောသူ၊ အပြစ်ထင်ရှားသောသူ၊ မသန့်ရှင်းသောသူ၊ ဘုရားတရားကို မရိုမသေပြုသောသူ၊ မိဘကို ညှဉ်းဆဲသောသူ၊ လူအသက်ကို သတ်သောသူ၊ မတရားသောမေထုန်၌ မှီဝဲသောသူ၊ ယောကျ်ားချင်း မေထုန်ကိုပြုသောသူ၊ လူကိုခိုးသွားသောသူ၊ မုသာစကားကို သုံးသောသူ၊ မဟုတ်မမှန်ဘဲ ကျိန်ဆိုသောသူမှစ၍၊ စင်ကြယ်သောဩဝါဒနှင့် ဆန့်ကျင်ဘက် ဖြစ်သမျှတို့အဖို့၊ ပညတ်တရားကို ထားသည်၊ ဟုသိမှတ်၍၊ ထိုတရားကို တရားသဖြင့် သုံးသောသူ၌ ပညတ်တရားသည် အကျိုးကို ပေးတတ်သည်၊ ဟုငါတို့သိကြ၏။

ယုဒ ၁းရ
၇ ထိုနည်းတူ၊ သောဒုံမြို့နှင့် ဂေါမောရမြို့ မှစ၍ပတ်ဝန်းကျင်၌ ရှိသော(အာဒမာမြို့၊ ဇေဘိုင်မြို့) မြို့တို့သည်၊ အထက်က ဆိုခဲ့ပြီးသော လူဆိုးကဲ့သို့၊ မတရားသောမေထုန်ကို အလွန်ပြု၍၊ ကိုယ်ခင်ပွန်း မဟုတ်သောသူ(strange flesh ကောင်းကင်တမန်) တို့နှင့်မှားယွင်းခြင်းအမှု၌ ၊ ကျင်လည်သောကြောင့်၊ ထာဝရမီးနှင့် ကျွမ်းလောင်ခြင်း ဒဏ်ကိုခံရ၍ ပုံသက်သေ ထင်ရှားလျက် ရှိကြ၏။ s အဓ္ဓမလူတို့သည်နားမလည်သောအရာတို့ကိုကဲ့ရဲ့တတ်

၈ ပညတ်တရားကို တရားသဖြင့် ကျင့်သောသူအဖို့မထား။ ၉ မတရားသဖြင့် ကျင့်သောသူ၊ နားမထောင်သောသူ၊ ၁၀ ဘုရားကို မကိုးကွယ်သောသူ၊ အပြစ်ထင်ရှားသောသူ၊ မသန့်ရှင်းသောသူ၊ ဘုရားတရားကို မရိုမသေပြုသောသူ၊ မိဘကို ညှဉ်းဆဲသောသူ၊ လူအသက်ကို သတ်သောသူ၊ မတရားသောမေထုန်၌ [C] မှီဝဲသောသူ၊ ယောကျ်ားချင်း မေထုန်ကိုပြုသောသူ၊ လူကိုခိုးသွားသောသူ၊ မုသာစကားကို သုံးသောသူ၊ မဟုတ်မမှန်ဘဲ ကျိန်ဆိုသောသူမှစ၍၊ စင်ကြယ်သောဩဝါဒနှင့် ဆန့်ကျင်ဘက် ဖြစ်သမျှတို့အဖို့၊ ပညတ်တရားကို ထားသည်၊ ဟုသိမှတ်၍၊ ထိုတရားကို တရားသဖြင့် သုံးသောသူ၌ ပညတ်တရားသည် အကျိုးကို ပေးတတ်သည်၊ ဟုငါတို့သိကြ၏။ ၁၁ ထိုသို့ဆိုသော်၊ မင်္ဂလာရှိတော်မူသော ဘုရားသခင်၏ ဘုန်းကြီးသော၊ ဧဝံဂေလိတရားနှင့် ညီသတည်း။

ပေါလုသည် မယုံကြည်ခဲ့စဉ် ကြမ်းကြုတ်ညှဉ်းဆဲသောသူဖြစ်ခဲ့

၁၂ ထိုတရားကိုငါ၌ အပ်ပေးတော်မူသည်ဖြစ်၍၊ ငါ့ကိုခွန်အားနှင့် ပြည့်စုံစေတော်မူသော ငါတို့သခင်ယေရှုခရစ်၏ ကျေးဇူးတော်ကို ငါချီးမွမ်း၏။ ၁၃ ငါသည်ကဲ့ရဲ့သောသူ၊ ညှဉ်းဆဲသောသူ၊ ကြမ်းကြုတ်သောသူ ဖြစ်ဘူးသော်လည်း၊ သစ္စာရှိသောသူ၊ ဟုထိုသခင်သည် မှတ်၍၊ ဓမ္မဆရာအရာ၌ ခန့်ထားတော်မူ၏။ ထိုသို့ ငါပြုသောအခါယုံခြင်းမရှိ၊ အမှန်မသိဘဲ ပြုသောကြောင့်၊ ကရုဏာတော်ကို ငါခံရပြီ။ ၁၄ ငါတို့သခင်ဘုရား၏ ကျေးဇူးတော်သည်လည်း၊ ယေရှုခရစ်၌ ယုံကြည်ခြင်း၊ ချစ်ခြင်းနှင့်တကွ အတိုင်းထက် အလွန်ကြွယ်ဝပြီ။

ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှာကြွလာ

CROSS REFERENCES

မာကု ၂း၁၇

လု ၁၅း၂-၃၂

လု ၁၉း၁၀

မာကု ၂း၁၇
၁၇ ယေရှုသည် ကြားတော်မူလျှင်၊ ကျန်းမာသောသူတို့သည် ဆေးသမားကို အလိုမရှိကြ။ နာသောသူတို့သာလျှင် အလိုရှိကြ၏။ ဖြောင့်မတ်သောသူတို့ကို နောင်တသို့ ခေါ်ခြင်းငှါ ငါလာသည်မဟုတ်၊ ဆိုး သောသူတို့ကို ခေါ်ခြင်းငှါ ငါလာသတည်း၊ ဟုမိန့်တော်မူ၏။ s အစာရှောင်ခြင်း

လု ၁၅း၂-၃၂
၂ ဖာရိရှဲနှင့် ကျမ်းပြုဆရာတို့က၊ ဤသူသည် ဆိုးသောသူတို့ကို လက်ခံ၍၊ သူတို့နှင့်အတူ စားပါသည်တကား၊ ဟုကဲ့ရဲ့အပြစ်တင်ကြ၏။ sပျောက်သောသိုး

လု ၁၉း၁၀
၁၀ လူသားသည် ပျောက်သောသူတို့ကို ရှာ၍၊ ကယ်တင်အံ့သောငှါ ကြွလာသတည်း၊ ဟုဇက္ခဲကိုမိန့်တော်မူ၏။ s ၁၀ မြို့အုပ် s ၅ မြို့အုပ်

၁၅ ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှါ၊ [D] ဤလောကသို့ ကြွလာတော်မူသည်ဟူသောစကားသည်၊ သစ္စာစကားဖြစ်၏။ အကြွင်းမဲ့ခံယူအပ်သော စကားလည်းဖြစ်၏။ အပြစ်ရှိသောသူတို့တွင်၊ ငါသည် အကြီးဆုံးဖြစ်၏။ ၁၆ သို့သော်လည်း၊ ထာဝရအသက်အလိုငှာ ယုံကြည်လတံ့သောသူတို့ လိုက်စရာ ပုံသက်သေဖြစ်စေခြင်းငှာ၊ အကြီးဆုံးသော အပြစ်ရှိသောငါ၌ ၊ ယေရှုခရစ်သည် ခပ်သိမ်းသော ခန္တီတော်ကို ပြတော်မူမည်အကြောင်း၊ ငါ့ကိုသနားတော်မူပြီ။ ၁၇ လောကဓာတ်တို့၏ ဘုရင်တည်းဟူသော၊ ဖောက်ပြန် ပျက်စီးခြင်းနှင့် ကင်းလွတ်တော်မူထသော၊ မျက်မြင်မရ၊ အရူပဖြစ်တော်မူထသော၊ တဆူတည်းသော ဘုရားသခင်သည်၊ ကမ္ဘာအဆက်ဆက် ဂုဏ်အသရေ၊ ဘုန်းအာနုဘော် ရှိတော်မူစေသတည်း။ အာမင်။

တိမောသေကို ကောင်းသောစစ်တိုက်ဖို့ထား

CROSS REFERENCES

၁ ကော ၉း၇
၇ အဘယ်သူသည် ကိုယ်စရိတ်ကို သုံး၍၊ စစ်မှုကို ထမ်းရသနည်း။ အဘယ်သူသည် ဥယျာဉ်ကိုစိုက်၍၊ အသီးကိုမစားဘဲ နေရသနည်း။ အဘယ်သူသည် သိုးထိန်းလုပ်၍၊ သိုးနို့ကို မသုံးဘဲနေရသနည်း။

၂ ကော ၁၀း၄
၄ ငါတို့စစ်တိုက်၍ သုံးစွဲသောလက်နက်သည် ဇာတိပကတိလက်နက် မဟုတ်။ ဘုရားသခင်၏ တန်ခိုးတော်အားဖြင့်၊ မြို့ရိုးမြို့ပြတို့ကို ဖြိုဖျက်နိုင်သော လက်နက်ဖြစ်၏။

၁ တိ ၁း၁၈
၁၈ ငါ့သားတိမောသေ၊ သင့်ကိုရည်မှတ်၍ ဟောပြောခဲ့ပြီးသော၊ အနာဂတ္တိစကားကို သင်သည်အမှီပြု၍၊ ယုံကြည်ခြင်း ကို၎င်း၊ ကိုယ်ကိုကိုယ်သိသောစိတ် ကြည်လင်ခြင်းကို၎င်း၊ စွဲလမ်း၍၊ ကောင်းသောစစ်ကို တိုက်စေခြင်းငှာ၊ ထားခဲ့ပြီးသော ထိုအနာဂတ္တိစကားနှင့် အညီ၊ အထက်ငါဆိုခဲ့ပြီးသော ပညတ်ထားခြင်းအခွင့်ကို သင်၌ ငါအပ်ပေး၏။

၂ တိ ၂း၃
၃ ထိုသို့အလိုငှာ သင်သည်၊ ယေရှုခရစ်ထံ၌ ကောင်းသောစစ်သူရဲကဲ့သို့၊ ဆင်းရဲဒုက္ခကိုသည်းခံလော့။

CROSS REFERENCES

၁ ကော ၅း၅

၁ ကော ၅း၅
၅ ထိုသူ၏ ဝိညာဉ်သည်၊ ယေရှုခရစ်၏ နေ့ရက်၌၊ ကယ်တင်ခြင်းသို့ရောက်မည် အကြောင်း၊ သူ၏ကိုယ်ခန္ဓာပျက်စီးဘို့ရာ၊ သူ့ကိုစာတန်လက်သို့ အပ်နှံကြစေ၊ ဟုငါစီရင်၏။%fo(a) sယုံကြည်သူများတဆေးမဲ့မုန့်

၁၈ ငါ့သားတိမောသေ၊ သင့်ကိုရည်မှတ်၍ ဟောပြောခဲ့ပြီးသော၊ အနာဂတ္တိစကားကို သင်သည်အမှီပြု၍၊ ယုံကြည်ခြင်း ကို၎င်း၊ ကိုယ်ကိုကိုယ်သိသောစိတ် ကြည်လင်ခြင်းကို၎င်း၊ စွဲလမ်း၍၊ ကောင်းသောစစ်ကို တိုက်စေခြင်းငှာ၊ [E] ထားခဲ့ပြီးသော ထိုအနာဂတ္တိစကားနှင့် အညီ၊ အထက်ငါဆိုခဲ့ပြီးသော ပညတ်ထားခြင်းအခွင့်ကို သင်၌ ငါအပ်ပေး၏။ ၁၉ ထိုယုံကြည်ခြင်းမှစသည်တို့ကို အချို့သောသူတို့သည် ပယ်ပြီးလျှင်၊ ယုံကြည်ခြင်း သင်္ဘောပျက်၍ ဆုံးရှုံးကြပြီ။ ၂၀ ထိုသူတို့တွင် ဟုမေနဲနှင့် အာလေဇန္ဒြု ပါသတည်း။ ထိုသူတို့သည် ကဲ့ရဲ့သောစကားကို ကြဉ်ရှောင်ခြင်းငှာ သင်ရမည်အကြောင်း၊ စာတန်၏လက်သို့ ငါအပ်လိုက်ခဲ့ပြီ။ [F] (b)

_________________________
Footnotes

၇ (a) နိဿရေးဆရာသည် ဂရိတ်လို νομοδιδάσκαλος အင်္ဂလိပ်အသံထွက် (nomodidaskalos) အဓိပ္ပါယ် မှာ teachers of the law ပညတ်တော်၌ ကျွမ်းကျင်သောဆရာ ဖြစ်သည်။

၂၀ (b) စာတန်လက်သို့ အပ်၌ခြင်းဆိုသည်မှာ အသင်းတော်မှနှင်ထုတ်ခြင်း ဖြစ်မည်။ အကြောင်းမှာ စာတန်သည် ဤလောက၏ ဘုရားဖြစ်၍ အသင်းတော်အတွင်းတွင် သခင်ယေရှုက အုပ်ချုပ်သည်။ အသင်းတော်အပြင်ဖက်ရောက်သွားလျှင် စာတန်က မိမိကြိုက်သလို နှိပ်စက်နိုင်သည်။