ဗျာဒိတ်ကျမ်း

အခန်းကြီး ၆

ပဌမတံဆိပ်မြင်းဖြူ၊ ခရစ်တော်အတု

၁ သိုးသငယ်သည် တံဆိပ်ခုနစ်ချက်တွင် တချက်ကိုဖွင့်သောအခါ ငါကြည့်လျှင်၊ မိုးကြိုးသံမြည်သကဲ့သို့၊ သတ္တဝါလေးပါးတွင်တပါးက၊ လာ၍ ကြည့်လော့၊၊ ဟုဆိုသည်ကိုငါကြား၏။ ၂ ထိုအခါ ငါကြည့်လျှင်၊ မြင်းဖြူတစီးရှိ၏။ မြင်းစီးသောသူသည် လေးကိုကိုင်၏။ သူ၌ သရဖူကို ပေးတော်မူ၏။ အောင်မြင်လျက်၎င်း၊ အောင်မြင်ခြင်းငှါ၎င်း၊ ထွက်သွား၏။(a)

ဒုတိယတံဆိပ်မြင်းနီ၊ စစ်ဖြစ်

၃ ဒုတိယတံဆိပ်ကို ဖွင့်သောအခါ၊ ဒုတိယသတ္တဝါက၊ လာ၍ ကြည့်လော့၊၊ ဟုဆိုသည်ကို ငါကြား၏။ ၄ ထိုအခါ မြင်းနီတစီးထွက်၍၊ စီးသောသူသည် ငြိမ်ဝပ်ခြင်းကို မြေကြီးက ရုပ်သိမ်းခြင်းငှါ၎င်း၊ မြေကြီးသားတို့ကို အချင်းချင်း အသေသတ်စေခြင်းငှါ၎င်း၊ အခွင့်ရ၏။ သူ၌ ဓါးကြီးကို ပေးတော်မူ၏။(b)

တတိယတံဆိပ်မြင်းနက်၊ အစာခေါင်းပါး

CROSS REFERENCES

မဿဲ ၂၀း၂

မဿဲ ၂၀း၂
၂ ထိုသူသည် တစ်နေ့လျှင် ဒေနာရိတစ်ပြားစီ ပေးမည်ဟူ၍ လုပ်ဆောင်သော သူတို့နှင့် ဝန်ခံပြီးမှ၊ စပျစ်ဥယျာဉ်သို့ စေလွှတ်လေ၏။

၅ တတိယတံဆိပ်ကို ဖွင့်သောအခါ၊ တတိယသတ္တဝါက၊ လာ၍ ကြည့်လော့၊ ဟုဆိုသည်ကိုငါကြား၏။ ထိုအခါ ငါကြည့်လျှင်၊ မြင်းနက်တစီးရှိ၏။ မြင်းစီးသောသူသည် ချိန်ခွင်ကိုကိုင်၏။ ၆ သတ္တဝါလေးပါးအလယ်၌ ပြောသံဟူမူကား၊ ဒေနာရိတပြား [A] နှင့် ဂျုံဆန်တခွက်ကိုရ၏။ မုယောဆန်သုံးခွက်ကိုရ၏။ ဆီနှင့်စပျစ်ရည်ကို မပျက်စေနှင့်၊၊ ဟုဆိုသည်ကိုငါကြား၏။(c)

စတုတ္ထတံဆိပ်မြင်းမွဲ၊ လူများစွာသေ

၇ စတုတ္ထတံဆိပ်ကို ဖွင့်သောအခါ၊ စတုတ္ထသတ္တဝါက၊ လာ၍ ကြည့်လော့၊၊ ဟုဆိုသည်ကို ငါကြား၏။ ၈ ထိုအခါငါ ကြည့်လျှင်၊ မြင်းမွဲတစီးရှိ၏။ မြင်းစီးသောသူသည် မရဏာဟူသော အမည်ရှိ၏။ မရဏာနိုင်ငံသည် ထိုသူနောက်သို့ လိုက်လေ၏။ သူသည် မြေကြီး လေးစိတ်တစိတ်ကို အစိုးရ၍ ဓါးဘေး၊ မွတ်သိပ်ခြင်းဘေး၊ နာ၍သေဘေး၊ မြေသားရဲဘေးအားဖြင့် သတ်ပိုင်သောအခွင့်ကိုရ၏။

ပဉ္စမတံဆိပ်အသတ်ခံသောဝိညာဉ်များ

၉ ပဥ္စမတံဆိပ်ကိုဖွင့်သောအခါ၊ ဘုရားသခင်၏ နှုတ်ကပတ်တော်ကြောင့်၎င်း၊ မိမိတို့ သက်သေခံချက်ကြောင့်၎င်း၊ အသေသတ်ခြင်းကို ခံရသောသူတို့၏ ဝိညာဉ်များကို၊ ယဇ်ပလ္လင်အောက်၌ ငါမြင်၏။(d) ၁၀ သူတို့ကလည်း၊ သန့်ရှင်း ဟုတ်မှန်၍ အစိုးပိုင်တော်မူသော အရှင်၊ မြေပေါ်မှာ နေသောသူတို့သည်၊ ငါတို့အသွေးကို သွန်းကြသောအပြစ်နှင့် အလျောက်၊ ဒဏ်မပေးဘဲ အဘယ်မျှလောက် ကာလပတ်လုံး နေတော်မူမည်နည်း၊၊ ဟုကြီးသောအသံနှင့် ကြွေးကြော်ကြ၏။ ၁၁ ထိုသူတို့၌ ဖြူသောဝတ်လုံကို ပေးတော်မူ၏။ သူတို့နည်းတူ အသေသတ်ခြင်းကို ခံရလတံ့သော မိမိလုပ်ဖေါ်ဆောင်ဘက် ညီအစ်ကိုတို့သည် ပြည့်စုံခြင်းသို့မရောက်မှီ၊ ခဏငြိမ်သက်စွာ နေရကြဦးမည်၊ ဟုသူတို့အားမိန့်တော်မူ၏။

ဆဌမတံဆိပ်၊ ကမ္ဘာသားများသေခြင်းရှာ

CROSS REFERENCES

မဿဲ ၂၄းရ
၇ လူတမျိုးနှင့် တမျိုး၊ တနိုင်ငံနှင့် တနိုင်ငံ၊ ရန်ဘက်ပြု ကြလိမ့်မည်။ အရပ်ရပ်တို့၌ အစာခေါင်းပါးခြင်း၊ ကာလနာ များပြားခြင်း၊ မြေကြီး လှုပ်ခြင်းတို့သည် ဖြစ်ကြလိမ့်မည်။

ဗျာ ၈း၅
၅ ကောင်းကင်တမန်သည် လင်ပန်းကိုယူ၍ ယဇ်ပလ္လင်၏မီးနှင့် ပြည့်စေပြီးမှ၊ မြေကြီးအပေါ်သို့ ချလိုက်သည်ဖြစ်၍၊ အသံမြည်ခြင်း၊ မိုးချုန်းခြင်း၊ လျှပ်စစ်ပြက်ခြင်း၊ မြေကြီးလှုပ်ခြင်း ဖြစ်ကြ၏။ s ပဌမတံပိုးမှုတ်ခြင်း

ဗျာ ၁၁း၁၃
၁၃ ထိုအချိန်နာရီ၌ ကြီးစွာသော မြေလှုပ်ခြင်းဖြစ်၍၊ မြို့ရိုးဆယ်စုတစုပြိုလေ၏။ ထိုမြေလှုပ်ခြင်း၌ လူခုနစ်ထောင်သေကြ၏။ ကြွင်းသောသူတို့သည်ကြောက်ရွံ့၍၊ ကောင်းကင်ဘုံ၏ အရှင်ဘုရားသခင်ကို ချီးမွမ်းကြ၏။

ဗျာ ၁၆း၁၈
၁၈ လျှပ်စစ်ပြက်ခြင်း၊ အသံမြည်ခြင်း၊ မိုးချုန်းခြင်း၊ ကြီးစွာသော မြေလှုပ်ခြင်းဖြစ်ကြ၏။ မြေကြီးအပေါ်မှာ လူတို့ဖြစ်သည့် ကာလမှစ၍၊ ထိုသို့သော လက္ခဏာနှင့် ထိုမျှလောက် ပြင်းထန်စွာသော မြေလှုပ်ခြင်းသည် မဖြစ်စဖူး။

CROSS REFERENCES

ထွက် ၁၀း၂၁-၂၂
၂၁ တဖန် ထာဝရဘုရားက၊ အဲဂုတ္တုပြည် တလျှောက်လုံး၌ မှောင်မိုက် သာမည မဟုတ်၊ စမ်းသပ်၍ တွေ့ရသော မှောင်မိုက် ဖြစ်စေခြင်းငှာ၊ သင်၏လက်ကို မိုးကောင်းကင်သို့ ဆန့်လော့၊ ဟုမောရှေအား မိန့်တော်မူသည်အတိုင်း၊

ဆာလံ ၁၀၅း၂၈
၂၈ မှောင်မိုက်ကို စေလွှတ်၍၊ မိုက်မဲစေတော်မူ၏။ သူတို့သည် နှုတ်ကပတ်တော်ကို ဆန့်ကျင်ဘက်မပြုရ။

ယေဇ ၃၂းရ-၈
၇ သင့်ကိုဆုံးစေသောအခါ မိုးကောင်းကင်ကို ငါဖုံးလွှမ်း၍ ကြယ်တို့ကို မိုက်စေရမည်။ နေကိုမိုးအုံစေ၍ လသည်လည်း အလင်းကိုမပေးရ၊၊

မဿဲ ၂ရး၄၅
၄၅ မွန်းတည့်အချိန်မှစ၍ သုံးချက်တီး အချိန်တိုင်အောင် မြေတပြင်လုံး၌ မှောင်မိုက်အတိ ဖြစ်လေ၏။

မာကု ၁၅း၃၃
၃၃ မွန်းတည့်အချိန်မှစ၍ သုံးချက်တီး အချိန်တိုင်အောင်၊ မြေတပြင်လုံး၌ မှောင်မိုက်အတိ ဖြစ်လေ၏။

လု ၂၃း၄၄
၄၄ ထိုအချိန်သည် မွန်းတည့် အချိန်လောက်ဖြစ်၍၊ သုံးချက်တီး အချိန်တိုင်အောင် မြေတပြင်လုံး၌ မှောင်မိုက်အတိဖြစ်လေ၏။

ဗျာ ၈း၁၂
၁၂ စတုတ္ထကောင်းကင်တမန်သည် တံပိုးမှုတ်သောအခါ၊ နေသုံးစုတစု၊ လသုံးစုတစု၊ ကြယ်သုံးစုတစုကြတ်၍ သုံးစုတစုမိုက်လေ၏။ နေ့သုံးစုတစု၊ ညသုံးစုတစုသည် အလင်းမရှိ။

ဗျာ ၁၆း၁၀
၁၀ ပဥ္စမ ကောင်းကင်တမန်သည် မိမိဖလားကို၊ သားရဲ၏ ပလ္လင်ပေါ်သို့ သွန်းလောင်းလျှင်၊ သူ၏နိုင်ငံသည် မှောင်မိုက်အတိ ဖြစ်လေ၏။ နိုင်ငံသားတို့သည် ပင်ပန်းအားကြီးသည်နှင့်၊ မိမိတို့လျှာကို ကိုက်ခဲကြ၏။

CROSS REFERENCES

ဟေရှာယ ၃၄း၄
၄ ခပ်သိမ်းသော ကောင်းကင် တန်ဆာတို့သည် ပြုတ်၍၊ မိုးကောင်းကင်သည် စာလိပ်ကဲ့သို့ လိပ်လျက်ရှိလိမ့်မည်၊၊ စပျစ်နွယ်ပင်မှ အရွက် ကျသကဲ့သို့၎င်း၊ သင်္ဘောသဖန်းပင်မှ အသီး ကျသကဲ့သို့၎င်း၊ ခပ်သိမ်းသော ကောင်းကင် တန်ဆာတို့သည် ကျကြလိမ့်မည်။

ဟေရှာယ ၅၁း၆
၆ မိုးကောင်းကင်ကို မျှော်ကြည့်ကြလော့။ မြေကြီးကိုလည်းငုံ့၍ ကြည့်ကြလော့။ မိုးကောင်းကင်သည် မီးခိုးကဲ့သို့ကွယ် ပျောက်၍၊ မြေကြီးသည် အဝတ်ကဲ့သို့ ဟောင်းနွမ်းလိမ့်မည်။ မြေကြီးသားတို့သည် ခြင်ကောင်ကဲ့သို့ သေကြလိမ့်မည်။ ငါ့၏ ကယ်တင်ခြင်းတရားမူကား၊ အစဉ်အမြဲတည်လိမ့်မည်။ ငါ့၏ ဖြောင့်မတ်ခြင်းတရားလည်း ပပျောက်ခြင်း မရှိနိုင်ရာ။ sလူတို့ကဲ့ရဲ့ခြင်းမကြောက်နှင့်

မိက္ခာ ၁း၄
၄ မီးရှေ့မှာ ဖယောင်းကဲ့သို့၎င်း၊ ချောက်ကြီးမှ ဆင်းသောရေကဲ့သို့၎င်း၊ ရှေ့တော်၌ တောင်တို့သည် အရည်ဖြစ်၍၊ ချိုင့်တို့သည်လည်း အက်ကွဲကြလိမ့်မည်။

မဿဲ ၂၄း၃၅
၃၅ ကောင်းကင်နှင့် မြေကြီး မတည်သော်လည်း၊ ငါ့စကားတည်လိမ့်မည်။ s နောဧလက်ထက်၌ ဖြစ်သကဲ့သို့

၂ ပေ ၃း၁၀
၁၀ သူခိုးသည် ညအခါလာသကဲ့သို့၊ ထာဝရဘုရား၏နေ့ရက်သည် လာလိမ့်မည်။ ထိုနေ့၌ မိုးကောင်းကင်သည် ကြီးစွာသောအသံနှင့်တကွ ပျောက်သွားလိမ့်မည်။ လောကဓာတ်တို့သည် ပူအားကြီး၍ ပျက်ကြလိမ့်မည်။ မြေကြီးကိုယ်မှစ၍၊ မြေကြီးပေါ်မှာ ပြုလုပ်သမျှသောအရာတို့သည် ကျွမ်းလောင်ကြလိမ့်မည်။ s သန့်ရှင်းခြင်းဘုရားဝတ်၌ မွေ့လျော်ခြင်းရှိကြလော့

ဗျာ ၆း၁၄
၁၄ မိုးကောင်းကင်သည် စာစောင်လိပ်သကဲ့သို့ လွင့်သွား၏။ တောင်များ၊ ကျွန်းများအပေါင်းတို့သည် မိမိတို့နေရာအရပ်မှ ရွေ့ကြ၏။

ဗျာ ၂၀း၁၁
၁၁ တဖန်တုံ၊ ဖြူသော ပလ္လင်ကြီးကို၎င်း၊ ပလ္လင်ပေါ်မှာ ထိုင်တော်မူသောသူကို၎င်း၊ ငါမြင်၏။ ကောင်းကင်နှင့် မြေကြီးသည် မျက်နှာတော်ရှေ့မှ ပြေးလွင့်၍ သူတို့နေစရာအရပ်မရှိ။

ဗျာ ၂၁း၁
၁ ကောင်းကင်သစ်နှင့် မြေကြီးသစ်ကိုလည်း ငါမြင်၏။ အဘယ်သို့နည်းဟူမူကား၊ ရှေးကောင်းကင်နှင့် ရှေးမြေကြီးသည် ရွေ့သွားကြပြီ၊ ထိုအခါမှစ၍ သမုဒ္ဒရာမရှိ။

CROSS REFERENCES

ဟေရှာယ ၅၄း၁၀
၁၀ တောင်ကြီးတို့သည်ရွေ့၍၊ တောင်ငယ်တို့သည် လှုပ်ရှားသော်လည်း၊ ငါ၏မေတ္တာသည် သင်မှမရွေ့ရ။ ငါ၏ငြိမ်သက်ခြင်း ပဋိညာဉ်လည်း မလှုပ်ရှားရ၊ ဟုသင်၌ သနားခြင်း ကရုဏာစိတ် ရှိတော်မူသော ထာဝရဘုရား မိန့်တော်မူ၏၊၊ sဘုရားက ကြည့်ရှုပြုစုမည်

ယေရမိ ၄း၂၄
၂၄ တောင်တို့ကိုလည်း ငါကြည့်ရှု၍၊ သူတို့နှင့်တကွ ကုန်းရှိသမျှတို့သည် တုန်လှုပ်လျက် နေကြ၏။

ယေဇကျေလ ၃၈း၂၀
၂၀ ပင်လယ်ငါး၊ မိုးကောင်းကင်ငှက်၊ တောတိရစ္ဆာန်နှင့်မြေ၌ တွားတတ်သော တိရစ္ဆာန်၊ မြေပေါ်မှာရှိသော လူအပေါင်းတို့သည်၊ ငါ့ရှေ့မှာ တုန်လှုပ်ကြလိမ့်မည်။ တောင်တို့သည် ပြိုလျက် အစောက်မြင့်သော အရပ်တို့သည် လဲလျက်၊ အလုံးစုံသော အုတ်ရိုးပြိုလျက် ရှိကြလိမ့်မည်။

နာဟုန် ၁း၅
၅ အသီးအသီး ဒိုင်းလွှားကိုင်၍ သံခမောက်လုံးကို ဆောင်းသော ပေရသိပြည်သား(အီရန်)၊ ကုရှပြည်သား (ဆူဒန်)၊ ဖုတပြည်သား(လစ်ဗျား)၊

ဗျာ ၁၆း၂၀
၂၀ အချိန်အခွက်တစ်ဆယ် (ပေါင် ၁၀၀) ရှိသော မိုးသီးသည် ကောင်းကင်က လူတို့အပေါ်သို့ ကျလေ၏။ ထိုမိုးသီး ဘေးဒဏ် အလွန်ကြီးသည်ဖြစ်၍၊ လူတို့သည် မိုးသီးဘေးဒဏ်ကြောင့် ဘုရားသခင်ကို ကျိန်ဆဲကြ၏။

၁၂ ဆဌမတံဆိပ်ကို ဖွင့်သောအခါ ငါကြည့်လျှင်၊ ကြီးစွာသော မြေလှုပ်ခြင်းဖြစ်၏။ [B] နေသည် အမွေးဖြင့်ရက်သော အဝတ်ကြမ်းကဲ့သို့မည်း၏။ [C] လအလုံးသည် အသွေးကဲ့သို့ဖြစ်၏။ ၁၃ သင်္ဘောသဖန်းပင်ကို ပြင်းစွာသော လေတိုက်လျှင်၊ အချိန်မတန်သော အသီးကြွေသကဲ့သို့၊ ကောင်း ကင်ကြယ်တို့သည် မြေပေါ်သို့ကျကြ၏။ ၁၄ မိုးကောင်းကင်သည် စာစောင်လိပ်သကဲ့သို့ လွင့်သွား၏။ [D] တောင်များ၊ ကျွန်းများအပေါင်းတို့သည် မိမိတို့နေရာအရပ်မှ ရွေ့ကြ၏။ [E]၁၅ လောကီဘုရင်၊ မှူးမတ်၊ စစ်သူကြီး၊ သူဌေး၊ သူကြွယ်၊ ခွန်အားကြီးသောသူမှစ၍ ကျွန်များ၊ လူလွတ်များ အပေါင်းတို့သည် မြေတွင်း၌၎င်း၊ တောင်ပေါ်မှာရှိသော ကျောက်များ၌၎င်း၊ ပုန်းရှောင်လျက်နေ၍၊ ထိုတောင်များ၊ ကျောက်များတို့ကို ခေါ်လျက်၊ ၁၆ ငါတို့အပေါ်သို့ ကျကြပါ။ ပလ္လင်ပေါ်မှာ ထိုင်တော်မူသောသူ၏ မျက်နှာနှင့် သိုးသငယ်၏ အမျက်တော်ကို ကွယ်ကာ၍၊ ငါတို့ကို ဖုံးအုပ်ကြပါ။ ၁၇ အမျက်တော် ထင်ရှားသောနေ့ကြီး ရောက်ပါပြီတကား။ အဘယ်သူသည် ခံရပ်နိုင်မည်နည်း၊ ဟုပြောဆိုကြ၏။

_________________________
Footnotes

၂ (a) မဿဲ ၂၄း၄-၅ ၌ခရစ်တော် ကိုယ်တိုင်က ခရစ်တော်အတု ပေါ်မည်ဟူသောအရာနှင့် ထပ်တူထပ်မျှဖြစ်နေသည်။

၄ (b) မဿဲ ၂၄း၆-ရ ၌စစ်တိုက်မည်ဟူသောအရာနှင့် ကိုက်ညီနေသည်။

၆ (c) မဿဲ ၂၄းရ ၌အစာရေစာခေါင်းပါးမည်ဟူသော အရာဖြစ်သည်။ အစားအစာကို ချိန်ခွင်နှင့်ချိန်ခြင်းသည် ခွဲတန်းနှင့်ဝယ်ခြင်းကို ဆိုလိုသည်။

၉ (d) မဿဲ ၂၄း၉ ၌ယုံကြည်ခြင်းကြောင့် သင်တို့ကိုသတ်မည်၊ ဟုကြိုဟောခဲ့သည်။