ဗျာဒိတ်ကျမ်း

အခန်းကြီး ၁၁

ဗိမာန်တော်ကိုတိုင်းခိုင်း

၁ တဖန်တုံလှံတံနှင့်တူသောကျူပင်တလုံးကို၊ ငါ့အားပေး၍ ငါ့ကိုပြောဆိုသည်ကား၊ ထလော့။ ဘုရားသခင်၏ ဗိမာန်တော်နှင့် ယဇ်ပလ္လင်ကိုတိုင်းလော့။ ဗိမာန်တော်၌ ကိုးကွယ်သော သူတို့ကိုလည်း ရေတွက်လော့။ ၂ ဗိမာန်တော်တန်တိုင်းကို မတိုင်းနှင့်၊ ပယ်ထားလော့။ တပါးအမျိုးသားတို့၌ အပ်ပေးပြီ။ သူတို့သည် သန့်ရှင်းသော မြို့တော်ကို၊ လလေးဆယ်နှစ်လ ပတ်လုံး နင်းကြလိမ့်မည်။

သက်သေခံနှစ်ပါး

CROSS REFERENCES

ဇာခရိ ၄း၃

ဇာခရိ ၄း၁၁-၁၄

ဗျာ ၁၁း၃-၄

ဇာခရိ ၄း၃
၃ ဆီအိုးလက်ျာဘက်၌ သံလွင်ပင်တပင်၊ လက်ဝဲဘက်၌တပင်၊ မီးခုံကိုလွှမ်းမိုးသော သံလွင်ပင် နှစ်ပင်ရှိပါသည်၊ ဟုဆိုပြီမှ၊

ဇာခရိ ၄း၁၁-၁၄
၁၁ ငါကလည်း၊ မီးခုံလက်ျာဘက်၊ လက်ဝဲဘက်၌ရှိသော ထိုသံလွင်ပင်နှစ်ပင်ကား၊ အဘယ်သို့နည်းဟူ၍၎င်း၊

ဗျာ ၁၁း၃-၄
၃ ငါ၏သက်သေခံနှစ်ပါးကို ငါအခွင့်ပေးမည်။ သူတို့သည် လျှော်တေအဝတ်ကို ဝတ်လျက်၊ အရက်တထောင်နှစ်ရာခြောက်ဆယ်ပတ်လုံး၊ ပရောဖက်ပြုကြလိမ့်မည်။

၃ ငါ၏သက်သေခံနှစ်ပါးကို ငါအခွင့်ပေးမည်။ သူတို့သည် လျှော်တေအဝတ်ကို ဝတ်လျက်၊ အရက်တထောင်နှစ်ရာခြောက်ဆယ်ပတ်လုံး၊ ပရောဖက်ပြုကြလိမ့်မည်။ ၄ ထိုသူတို့သည်ကား၊ မြေကြီးအရှင်၏ ရှေ့တော်၌ စိုက်ထားသော၊ သံလွင်ပင်နှစ်ပင် [‌A] နှင့် မီးခွက်နှစ်လုံးဖြစ်သတည်း။ ၅ တစုံတယောက်သောသူသည်၊ သူတို့ကိုညှဉ်းဆဲခြင်းငှါ အလိုရှိလျှင်၊ သူတို့၏ ခံတွင်းထဲက မီးထွက်၍ ရန်သူတို့ကို မျိုတတ်၏။ တစုံတယောက်သောသူသည်၊ ထိုသူတို့ကို ညှဉ်းဆဲခြင်းငှါ အလိုရှိလျှင်၊ ထိုသို့အသေသတ်ခြင်းကို ခံရမည်။ ၆ ထိုသူတို့သည် ပရောဖက်ပြုသော နေ့ရက်ကာလ၌၊ မိုးမရွာစေခြင်းငှါ၊ မိုးကောင်းကင်ကို ပိတ်ရသောအခွင့်၊ မြစ်ရေ၊ တွင်းရေကို အသွေးဖြစ်စေရသောအခွင့်၊ မိမိတို့ အလိုရှိသမျှသောအခါ၌၊ ဘေးအမျိုးမျိုးဖြင့် မြေကြီးကို ဒဏ်ခတ်ရသောအခွင့်ကို ရကြ၏။

သက်သေခံနှစ်ပါးကိုသတ်ကြ

၇ သူတို့သည် သက်သေခံပြီးသောအခါ၊ အနက်ဆုံးသော တွင်းထဲက တက်သောသားရဲသည်၊ သူတို့ကိုစစ်တိုက်၍ အောင်လိမ့်မည်။ အသက်ကိုသတ်ပြီးမှ၊ ၈ သူတို့သခင်သည် လက်ဝါးကပ်တိုင်မှာ၊ အသေခံတော်မူသော အရပ်တည်းဟူသော၊ သောဒုံဟူ၍၎င်း၊ အဲဂုတ္တုဟူ၍၎င်း၊ အတွင်းအနက်အားဖြင့် ခေါ်ဝေါ်သောမြို့ကြီး၏ လမ်း၌၊ အလောင်းကောင်တို့သည် နေရစ်ကြလိမ့်မည်။ ၉ အသီးအသီးဘာသာစကားကို ပြောသောလူအမျိုးအနွယ်တို့သည်၊ သုံးရက်ခွဲပတ်လုံး အလောင်းကောင်တို့ကို မြင်ရ၍၊ သင်္ဂြိုလ်ခြင်းကို မြစ်တားကြလိမ့်မည်။

သက်သေခံတို့သေခြင်းအပေါ်ဝမ်းမြောက်ကြ

၁၀ မြေကြီးပေါ်မှာနေသောသူတို့သည်၊ ထိုအလောင်းကောင်တို့ကို မြင်သောအခါ၊ ဝမ်းမြောက်၍ ပျော်မွေ့ခြင်းကို ပြုကြလိမ့်မည်။ တယောက်ကိုတယောက် လက်ဆောင်ပေးလိုက်ကြလိမ့်မည်။ အကြောင်းမူကား၊ အထက်က ထိုပရောဖက်နှစ်ပါးတို့သည်၊ မြေကြီးပေါ်မှာ နေသောသူတို့ကို၊ ပြင်းစွာနှောင့်ယှက်ညှဉ်းဆဲကြသည်၊၊ ဟုငါ့အားပြောဆိုလေ၏။

သက်သေခံများရှင်ပြန်၍ကောင်းကင်သို့တက်

CROSS REFERENCES

မဿဲ ၂၄းရ
၇ လူတမျိုးနှင့် တမျိုး၊ တနိုင်ငံနှင့် တနိုင်ငံ၊ ရန်ဘက်ပြု ကြလိမ့်မည်။ အရပ်ရပ်တို့၌ အစာခေါင်းပါးခြင်း၊ ကာလနာ များပြားခြင်း၊ မြေကြီး လှုပ်ခြင်းတို့သည် ဖြစ်ကြလိမ့်မည်။

ဗျာ ၆း၁၂
၁၂ ဆဌမတံဆိပ်ကို ဖွင့်သောအခါ ငါကြည့်လျှင်၊ ကြီးစွာသော မြေလှုပ်ခြင်းဖြစ်၏။ နေသည် အမွေးဖြင့်ရက်သော အဝတ်ကြမ်းကဲ့သို့မည်း၏။ လအလုံးသည် အသွေးကဲ့သို့ဖြစ်၏။

ဗျာ ၈း၅
၅ ကောင်းကင်တမန်သည် လင်ပန်းကိုယူ၍ ယဇ်ပလ္လင်၏မီးနှင့် ပြည့်စေပြီးမှ၊ မြေကြီးအပေါ်သို့ ချလိုက်သည်ဖြစ်၍၊ အသံမြည်ခြင်း၊ မိုးချုန်းခြင်း၊ လျှပ်စစ်ပြက်ခြင်း၊ မြေကြီးလှုပ်ခြင်း ဖြစ်ကြ၏။ s ပဌမတံပိုးမှုတ်ခြင်း

ဗျာ ၁၆း၁၈
၁၈ လျှပ်စစ်ပြက်ခြင်း၊ အသံမြည်ခြင်း၊ မိုးချုန်းခြင်း၊ ကြီးစွာသော မြေလှုပ်ခြင်းဖြစ်ကြ၏။ မြေကြီးအပေါ်မှာ လူတို့ဖြစ်သည့် ကာလမှစ၍၊ ထိုသို့သော လက္ခဏာနှင့် ထိုမျှလောက် ပြင်းထန်စွာသော မြေလှုပ်ခြင်းသည် မဖြစ်စဖူး။

၁၁ ထိုနောက် သုံးရက်ခွဲလွန်ပြီးလျှင်၊ ဘုရားသခင့်အထံတော်က၊ အသက်ဝိညာဉ်သည် သူတို့၌ ဝင်သဖြင့်၊ သူတို့သည် မတ်တတ်ထ၍ မြင်သမျှသောသူတို့သည်၊ အလွန်ကြောက်ရွံ့ကြ၏။ ၁၂ ကောင်းကင်ကထွက်သောအသံကြီးကား၊ ဤအရပ်သို့တက်ကြလော့၊၊ ဟုမိမိတို့အား ပြောဆိုသည်ကို သူတို့သည်ကြားလျှင်၊ မိုးတိမ်ဖြင့် ကောင်းကင်သို့တက်၍၊ ရန်သူတို့သည် မြင်ကြ၏။ ၁၃ ထိုအချိန်နာရီ၌ ကြီးစွာသော မြေလှုပ်ခြင်းဖြစ်၍၊ မြို့ရိုးဆယ်စုတစုပြိုလေ၏။ ထိုမြေလှုပ်ခြင်း၌ လူခုနစ်ထောင်သေကြ၏။ ကြွင်းသောသူတို့သည်ကြောက်ရွံ့၍၊ ကောင်းကင်ဘုံ၏ အရှင်ဘုရားသခင်ကို ချီးမွမ်းကြ၏။ [B] ၁၄ ဒုတိယအမင်္ဂလာလွန်ပြီ။ တတိယအမင်္ဂလာသည်အလျှင်အမြန်လာလိမ့်မည်။

သတ္တမတံပိုးမှုတ်၊ ခရစ်တော်နိုင်ငံဖြစ်ပြီ

CROSS REFERENCES

ဗျာ ၁း၈

ဗျာ ၁၁း၁ရ

ဗျာ ၁၆း၅

ဗျာ ၁း၈
၈ ငါသည် အာလဖဖြစ်၏။ ဩမေဃလည်း ဖြစ်၏၊၊ ဟုအနန္တတန်ခိုးနှင့် ပြည့်စုံတော်မူ၍၊ ပစ္စုပ္ပန်၊ အတိတ်၊ အနာဂတ်ကာလ အစဉ်ရှိတော်မူသော ထာဝရအရှင် ဘုရားသခင်မိန့်တော်မူ၏။ s ယောဟန်ကို အသင်းတော်များထံစာရေးခိုင်း

ဗျာ ၁၁း၁ရ
၁၇ အနန္တတန်ခိုးနှင့် ပြည့်စုံ၍၊ ပစ္စုပ္ပန်၊ အတိတ်၊ အနာဂတ် ကာလအစဉ်ရှိတော်မူသော၊ ထာဝရအရှင်ဘုရားသခင်၊ ကိုယ်တော်၏ မဟာတန်ခိုးတော်ကို ယူဆောင်၍၊ စိုးစံတော်မူသော ကျေးဇူးတော်ကို ကျွန်ုပ်တို့သည် ချီးမွမ်းပါ၏။

ဗျာ ၁၆း၅
၅ ကောင်းကင်တမန်ကလည်း ပစ္စုပ္ပန်၊ အတိတ်၊ အနာဂတ် ကာလအစဉ် ရှိတော်မူသောအရှင်၊ ကိုယ်တော်သည် ဤသို့ တရားစီရင်တော်မူသည့် အမှုမှာ ဖြောင့်မတ်တော်မူ၏။

၁၅ သတ္တမကောင်းကင်တမန်သည် တံပိုးမှုတ်သောအခါ၊ ကောင်းကင်ဘုံ၌ ကြီးသောအသံတို့က၊ လောကီနိုင်ငံသည် ငါတို့အရှင်၏ နိုင်ငံဖြစ်လေပြီ။ ထိုအရှင်၏ ခရစ်တော်နိုင်ငံ ဖြစ်လေပြီ။ သူသည်လည်း ကမ္ဘာအဆက်ဆက် စိုးစံတော်မူမည်၊ ဟုပြောဆိုကြ၏။ ၁၆ ဘုရားသခင့် ရှေ့တော်၌၊ မိမိတို့ပလ္လင်ပေါ်မှာ ထိုင်သော အသက်ကြီးသူ နှစ်ဆယ်လေးပါးတို့သည်၊ ပြပ်ဝပ်၍ ဘုရားသခင်ကို ကိုးကွယ်လျက်၊ ၁၇ အနန္တတန်ခိုးနှင့် ပြည့်စုံ၍၊ ပစ္စုပ္ပန်၊ အတိတ်၊ အနာဂတ် ကာလအစဉ်ရှိတော်မူသော၊ ထာဝရအရှင်ဘုရားသခင်၊ [C] ကိုယ်တော်၏ မဟာတန်ခိုးတော်ကို ယူဆောင်၍၊ စိုးစံတော်မူသော ကျေးဇူးတော်ကို ကျွန်ုပ်တို့သည် ချီးမွမ်းပါ၏။ ၁၈ လူမျိုးတို့သည် အမျက်ထွက်ကြသည်ဖြစ်၍၊ အမျက်တော်သည်လည်း ရောက်ပါပြီ။ သေလွန်သောသူတို့ကို တရားစီရင် ဆုံးဖြတ်တော်မူ၍၊ ကိုယ်တော်၏ကျွန် တည်းဟူသော ပရောဖက်တို့အား၎င်း၊ သန့်ရှင်းသူတို့အား၎င်း၊ ကိုယ်တော်ကို ကြောက်ရွံ့ရိုသေသောသူ အကြီးအငယ်တို့အား၎င်း၊ ဆုကျေးဇူးကို ပေးသနားတော်မူ၍၊ မြေကြီးကို ဖျက်ဆီးသောသူတို့ကို ဖျက်ဆီးတော်မူသော အချိန်ရောက်ပါပြီ၊၊ ဟုလျှောက်ဆိုကြ၏။ ၁၉ တဖန်ကောင်းကင်ဘုံ၌ ဘုရားသခင်၏ ဗိမာန်တော်ကို ဖွင့်ထား၍ ဗိမာန်တော်ထဲမှာ ပဋိညာဉ်သေတ္တာတော် ထင်ရှားလေ၏။ လျှပ်စစ်ပြက်ခြင်း၊ အသံမြည်ခြင်း၊ မိုးချုန်းခြင်း၊ မြေလှုတ်ခြင်း၊ အလုံးကြီးစွာသော မိုးသီးကျခြင်းဖြစ်ကြ၏။