၁ ကြည့်ရှုလော့။ ငါသွားရာလမ်းကို ပြင်ရသော ငါ၏တမန်ကို ငါစေလွှတ်မည်။ [A]သင်တို့ရှာသော သခင်၊ သင်တို့ တောင့်တသော ပဋိညာဉ် တမန်တော်သည်၊ မိမိဗိမာန်တော်သို့ ချက်ခြင်းလာလိမ့်မည်။ ကြည့်ရှုလော့၊ ထိုသခင် လာလိမ့်မည်၊ ဟုကောင်းကင်ဗိုလ်ခြေ အရှင်ထာဝရဘုရား မိန့်တော်မူ၏။ ၂ လာတော်မူသော နေ့ရက်ကို အဘယ်သူသည် မတိမ်းမရှောင်ဘဲ နေလိမ့်မည်နည်း။ ပေါ်ထွန်းတော်မူသောအခါ အဘယ်သူ သည်ခံရလိမ့်မည်နည်း။ ထိုသခင်သည် ငွေစစ်သောသူ၏မီး၊ ခဝါသည်သုံးသော ဆပ်ပြာကဲ့သို့ ဖြစ်တော်မူမည်။ [B] ၃ ငွေကိုချွတ်၍ သန့်ရှင်းစေသော သူကဲ့သို့ထိုင်လျက်၊ ရွှေငွေကို ချွတ်သကဲ့သို့၊ လေဝိသားတို့ကို ချွတ်၍ သန့်ရှင်း စေတော်မူသဖြင့်၊ [C] သူတို့သည် ထာဝရဘုရားအဘို့ ဖြစ်၍၊ ဖြောင့်မတ်ခြင်း ပူဇော်သက္ကာကို ပူဇော်ကြလိမ့်မည်။ ၄ ယုဒပြည်သူ ယေရုရှလင်မြို့သားတို့၏ ပူဇော်သက္ကာသည် ရှေးလွန်လေပြီးသော နှစ်၊ လ၊ နေ့ရက်ကာလ၌ ဖြစ်သကဲ့သို့၊ ထာဝရဘုရား နှစ်သက်တော်မူဘွယ် ဖြစ်လိမ့်မည်။ ၅ သင်တို့ကို စစ်ကြောစီရင်ခြင်းငှါ ငါချဉ်းမည်။ ပြုစားတတ်သောသူ၊ သူ့မယားကို ပြစ်မှားသောသူ၊ မမှန်သော ကျိန်ဆိုခြင်းကို ပြုသောသူ၊ သူငှါးကို အခမပေး ညှဉ်းဆဲသောသူ၊ မိဘမရှိသော သူငယ်နှင့် မုဆိုးမကို ညှဉ်းဆဲသောသူ၊ ဧည့်သည်ကို မတရားသဖြင့် စီရင်သောသူ၊ ငါ့ကို မကြောက်ရွံ့သောသူတို့ တဘက်၌၊ [D] ငါသည်လျှင်မြန်သော သက်သေဖြစ်မည်၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ ၆ ငါသည် ထာဝရဘုရားဖြစ်၏၊ ပြောင်းလဲခြင်းမရှိ။ [E] ထိုကြောင့် ယာကုပ်အမျိုးသားတို့၊ သင်တို့သည် ဆုံးရှုံးခြင်းသို့ မရောက်ကြ။

ဆယ်ဘို့တဘို့ကို ပေးကြလော့

CROSS REFERENCES

ယောဘ ၂၂း၂၃

ဟေရှာယ ၃၁း၆

ယောဘ ၂၂း၂၃
၂၃ အနန္တတန်ခိုးရှင်ထံတော်သို့ ပြန်လာလျှင် တည်ဆောက်ခြင်း ရှိလိမ့်မည်။ သင့်အိမ်မှ ဒုစရိုက်ကို ပယ်ရှားလျှင်၊

ဟေရှာယ ၃၁း၆
၆ အိုဣသရေလ အမျိုးသားတို့၊ သင်တို့သည် အလွန်လွှဲရှောင်ပယ်ထားသော ဘုရားထံတော်သို့ ပြန်လာကြလော့၊၊

ဟေရှာယ ၄၄း၂၂
၂၂ သင်၏ ဒုစရိုက်တို့ကို တိမ်တိုက်ကဲ့သို့၎င်း၊ သင်၏အပြစ်တို့ကို တိမ်လွှာကဲ့သို့၎င်း ငါချေပြီ။ ငါ့ထံသို့ ပြန်လာလော့။၊ သင့်ကို ငါရွေးနှုတ်ပြီ။

ယေရမိအ ၃း၁
၁ ယောက်ျားစွန့်ပစ်သော မိန်းမသည် ထွက်သွား၍၊ အခြားသောသူ၏ မယားဖြစ်ပြီးမှ၊ အရင်လင်သည် ထိုမိန်းမကိုပြန်၍ယူ သင့်သလော။ ထိုသို့ပြုသော ပြည်သည် ညစ်ညူးသည် မဟုတ်လော ဟု ဆိုလေ့ရှိလျက်နှင့်၊ သင်သည် များစွာသော ရည်းစားတို့၌ မှီဝဲ၍၊ မှားယွင်းသော်လည်း၊ ငါ့ထံသို့ပြန်လာပါ၊ ဟုထာဝရဘုရား မိန့်တော်မူ၏။

ဇာခရိ ၁း၃
၃ သို့သော်လည်း၊ ကောင်းကင်ဗိုလ်ခြေ အရှင်ထာဝရဘုရား၏ အမိန့်တော်ကို သူတို့အား ဆင့်ဆိုရမည်မှာ၊ ငါ့ထံသို့ပြန်၍ လာကြလော့၊ ဟုကောင်းကင်ဗိုလ်ခြေ အရှင်ထာဝရဘုရား မိန့်တော်မူ၏။

မာလခိ ၃းရ
၇ ဘိုးဘေးတို့ လက်ထက်မှစ၍၊ သင်တို့သည် ငါစီရင်ထုံးဖွဲ့ချက်တို့ကို မစောင့်၊ တိမ်းရှောင်ကြပြီ။ ငါ့ထံသို့ ပြန်လာကြလော့။ ငါသည်လည်း သင်တို့ဆီသို့ ပြန်လာမည်၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ အကျွန်ုပ်တို့သည် အဘယ်သို့ ပြန်လာရပါမည်နည်း၊ ဟုသင်တို့မေးကြသည်တကား။

CROSS REFERENCES

တရားဟော ၁၂း၆

တရားဟော ၁၄း၂၂

တရားဟော ၁၂း၆
၆ ထိုအရပ်သို့ သင်တို့သည် မီးရှို့ရာယဇ် အစရှိသော ယဇ်များ၊ ဆယ်ဘို့တစ်ဘို့ ပူဇော်သက္ကာ၊ အလိုလိုပြုသော ပူဇော်သက္ကာမှစ၍၊ သိုးနွားတွင် အဦးဖွားသော သားငယ်တို့ကို ဆောင်ခဲ့ရကြမည်။

တရားဟော ၁၄း၂၂
၂၂ လယ်ယာ၌ တစ်နှစ်တစ်နှစ်တွင် သိမ်းရသော အသီးအနှံ ဆယ်ဘို့တစ်ဘို့ကို အမှန်ခွဲထားရမည်။

၇ ဘိုးဘေးတို့ လက်ထက်မှစ၍၊ သင်တို့သည် ငါစီရင်ထုံးဖွဲ့ချက်တို့ကို မစောင့်၊ တိမ်းရှောင်ကြပြီ။ ငါ့ထံသို့ ပြန်လာကြလော့။ [F] ငါသည်လည်း သင်တို့ဆီသို့ ပြန်လာမည်၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ အကျွန်ုပ်တို့သည် အဘယ်သို့ ပြန်လာရပါမည်နည်း၊ ဟုသင်တို့မေးကြသည်တကား။ ၈ လူသည် ဘုရားသခင်၏ ဥစ္စာတော်ကို လုယူရမည်လော။ သို့သော်လည်း သင်တို့သည် ငါဥစ္စာကို လုယူကြပြီ။ အကျွန်ုပ်တို့သည် အဘယ်သို့ လုယူပါသနည်း၊ ဟုသင်တို့မေးလျှင်၊ ဆယ်ဘို့တဘို့ကို၎င်း၊ ပူဇော်သက္ကာတို့ကို၎င်း၊ လုယူကြပြီ။ ၉ သင်တို့သည် ကျိန်ခြင်း အမင်္ဂလာကို ခံရကြ၏။ အကြောင်းမူကား၊ ပြည်သူ ပြည်သား အပေါင်းတို့သည်၊ ငါ့ဥစ္စာကို လုယူကြပြီ။ ၁၀ ဆယ်ဘို့တဘို့ ရှိသမျှကို ဘဏ္ဍာတိုက်ထဲသို့ သွင်း၍၊ ငါ့အိမ်တော်၌ စားစရာရှိစေခြင်းငှါ၊ ပြုကြလော့။ [G] ငါသည် မိုးကောင်းကင် ပြတင်းပေါက်တို့ကို ဖွင့်၍၊ ကောင်းကြီး မင်္ဂလာကို အကုန်အစင် သွန်းလောင်းမည်၊ မသွန်းလောင်းမည်ကို ထိုသို့စုံစမ်းကြလော့၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ ၁၁ ကိုက်စားတတ်သော အကောင်ကို သင်တို့အတွက် ငါဆုံးမ၍၊ သင်တို့၏ မြေအသီးအနှံကို မဖျက်ဆီးရ။ သင်တို့၏ စပျစ်ဥယျာဉ်သည် အသီးမသီးဘဲ မနေရ၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ ၁၂ လူမျိုးအပေါင်းတို့သည် သင်တို့ကို မင်္ဂလာရှိသောသူ ဟူ၍၊ ခေါ်ဝေါ်ကြလိမ့်မည်။ သင်တို့ပြည်သည်လည်း နှစ်သက်ဘွယ်သော ပြည်ဖြစ်လိမ့်မည်၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။

ဘုရားအမှုဆောင်သော်လည်း အကျိုးမရှိဟုဆို

၁၃ သင်တို့သည် ငါ့တဘက်၌ ရဲရင့်စွာ ပြောကြပြီ၊ ဟုထာဝရဘုရား မိန့်တော်မူ၏။ သို့ရာတွင်၊ အကျွန်ုပ်သည် ကိုယ်တော် တဘက်၌ အဘယ်သို့ ပြုမိတော်မူပါသနည်း၊ ဟုသင်တို့ မေးကြသည်တကား။ ၁၄ ထာဝရဘုရား၏ အမှုကို ဆောင်ရွက်သော်လည်း အကျိုးမရှိ။ စီရင် ထုံးဖွဲ့တော်မူချက်ကို စောင့်၍၊ ကောင်းကင်ဗိုလ်ခြေ အရှင်ထာဝရဘုရား ရှေ့မှာ ညှိုးငယ်စွာ ကျင့်ကြံပြုမူခြင်းအားဖြင့် အဘယ်ကျေးဇူးရှိသနည်း။ ၁၅ မာန ထောင်လွှားသောသူတို့ကို မင်္ဂလာရှိသောသူဟူ၍ ငါတို့သည် ခေါ်ဝေါ်ကြ၏။ အကယ်စင်စစ် ဒုစရိုက်ကို ပြုသောသူတို့သည် အောင်တတ်ကြ၏။ အကယ်စင်စစ် ဘုရားသခင်ကို စုံစမ်းသော်လည်း ချမ်းသာရတတ်ကြ၏၊ ဟုသင်တို့သည်ပြောကြပြီ။

အမှုဆောင်သောသူ မဆောင်သောသူ ပိုင်းခြား၍သိမည်

၁၆ ထိုအခါ ထာဝရဘုရားကို ကြောက်ရွံ့သောသူတို့သည်၊ တယောက်ကို တယောက် နှုတ်ဆက်၍ ပြောဆိုကြ၏။ ထာဝရ ဘုရားသည်လည်း နားထောင်၍ ကြားတော်မူ၏။ ထာဝရဘုရားကို ကြောက်ရွံ့၍၊ နာမတော်ကို အောက်မေ့သောသူတို့အဘို့၊ ရှေ့တော်တွင် စာရင်း၌ မှတ်သားလျက်ရှိ၏။ ၁၇ ထိုသူတို့သည် ငါစီရင်သော နေ့ရက်၌ ငါပိုင်ထိုက်သော ဘဏ္ဍာတော် ဖြစ်ကြလိမ့်မည်။ အဘ၏အမှုကို ဆောင်သောသားကို အဘနှမြောသကဲ့သို့၊ ထိုသူတို့ကို ငါနှမြောမည်၊ ဟုကောင်းကင် ဗိုလ်ခြေ အရှင်ထာဝရဘုရား မိန့်တော်မူ၏။ ၁၈ တဖန်သင်တို့သည် ပြောင်းလဲ၍ဖြောင့်မတ်သောသူ၊ မဖြောင့်မတ်သောသူ၊ ဘုရားသခင်၏ အမှုတော်ကို ဆောင်သောသူ၊ မဆောင်သောသူတို့ကို ပိုင်းခြား၍ သိရကြလိမ့်မည်။