ယေရမိ အနာဂတ္တိ

အခန်းကြီး ၇

ထာ၀ရဘုရား၏ ဗိမာန်တော်ဟု ဆိုကြ

CROSS REFERENCES

၃ ဓမ္မ ၉း၃
၃ သင်သည် ငါ့ရှေ့မှာ ဆုတောင်း ပဌနာပြုသော စကားကို ငါကြားပြီ။ သင်တည်ဆောက်သော ဤအိမ်ကို ငါသန့်ရှင်းစေ၍၊ ငါ့နာမကို အစဉ်တည်စေမည်။ အစဉ်ငါကြည့်ရှုလျက် နှလုံးစွဲလမ်းလျက် နေမည်။

၁ ထာဝရဘုရား၏ အထံတော်က နှုတ်ကပတ်တော်သည် ယေရမိသို့ ရောက်လာ၍၊ သင်သည် ဗိမာန်တော်တံခါးဝ၌ ရပ်လျက် ကြွေးကြော်ရမည့် စကားဟူမူကား၊ ၂ ထာဝရဘုရားကို၊ ကိုးကွယ်ခြင်းငှါ၊ ဤတံခါးတို့အတွင်းသို့ ဝင်သောယုဒအမျိုးသား အပေါင်းတို့၊ ထာဝရဘုရား၏ နှုတ်ကပတ်တော်ကို နားထောင်ကြလော့။ ၃ ဣသရေလအမျိုး၏ ဘုရားသခင်၊ ကောင်းကင် ဗိုလ်ခြေအရှင် ထာဝရဘုရား မိန့်တော်မူသည်ကား၊ သင်တို့ဘာသာဓလေ့နှင့် သင်တို့အကျင့်များကို ပြုပြင်ကြလော့။ သို့ပြုလျှင် သင်တို့ကို ဤအရပ်၌ ငါနေစေမည်။ ၄ ဤသည်ကား၊ ထာဝရဘုရား၏ ဗိမာန်တော်၊ ထာဝရဘုရား၏ ဗိမာန်တော်၊ ထာဝရဘုရား၏ ဗိမာန်တော်ဖြစ်သတည်းဟု (a) [A] မုသာစကားကို ပြောသောသူတို့၌ မမှီဝဲကြနှင့်။ ၅ သင်တို့ဘာသာဓလေ့နှင့် သင်တို့အကျင့်များကို စုံလင်စွာ ပြုပြင်လျှင်၎င်း၊ အမှုသည်ချင်းတို့ကိုသေချာစွာတရားသဖြင့်စီရင်လျှင်၎င်း၊ ၆ ဧည့်သည်အာဂန္တု၊ မိဘမရှိသောသူငယ်၊ မုဆိုးမကိုမညှဉ်းဆဲ၊ အပြစ်မရှိသောသူ၏အသက်ကိုဤအရပ်၌ မသတ်၊ ကိုယ်အကျိုးကိုဖျက်၍ အခြားတပါးသော ဘုရားတို့ကို မချဉ်းကပ်ဘဲနေလျှင်၎င်း၊ ၇ သင်တို့ဘိုးဘေးတို့အား၊ ငါသည် အစဉ်မပြတ်ပေးသော ပြည်တည်းဟူသော၊ ဤအရပ်ဌာန၌ သင်တို့ကို ငါနေစေမည်။

ငါ့အိမ်တော်ကို ဓါးပြတွင်းထင်ကြ

CROSS REFERENCES

မဿဲ ၂၁း၁၃

မာကု ၁၁း၁ရ

လုကာ ၁၉း၄၆

မဿဲ ၂၁း၁၃
၁၃ ငါ့အိမ်ကို ဆုတောင်းရာအိမ်ဟူ၍ ခေါ်ဝေါ်ကြလတံ့၊ ဟုကျမ်းစာ၌ လာသော်လည်း၊ သင်တို့သည် ထိုအိမ်ကို ဓားပြတွင်း ဖြစ်စေကြပြီး တကား၊ ဟုမိန့်တော်မူ၏။

မာကု ၁၁း၁ရ
၁၇ ငါ့အိမ်ကို လူအမျိုးမျိုးဆုတောင်း ရာအိမ်ဟူ၍၊ ခေါ်ဝေါ်ကြလတံ့၊ ၊ ဟုကျမ်းစာ၌ လာသည်မဟုတ်လော။ သို့သော်လည်း သင်တို့သည်၊ ထိုအိမ်ကို ဓါးပြတွင်း ဖြစ်စေကြပြီတကား ဟူ၍၊ ဆုံးမဩဝါဒ ပေးတော်မူ၏။

လုကာ ၁၉း၄၆
၄၆ ငါ့အိမ်သည်ဆု တောင်းရာအိမ်ဖြစ်၏၊ ဟုကျမ်းစာ၌ လာသော်လည်း၊ သင်တို့သည် ထိုအိမ်ကို ဓါးပြတွင်းဖြစ်စေကြပြီတကား၊ ဟုမိန့်တော်မူ၏။

၈ အကျိုးမရှိဘဲ မုသာစကားကို ပြောသောသူတို့၌ သင်တို့သည် ခိုလှုံကြ၏။ ၉ သင်တို့သည် သူ့ဥစ္စာကိုခိုးလျက်၊ လူအသက်ကိုသတ်လျက်၊ သူ့မယားကို ပြစ်မှားလျက်၊ မဟုတ်မမှန်ဘဲ ကျိန်ဆိုလျက်၊ ဗာလဘုရားရှေ့၌ နံ့သာပေါင်းကိုမီးရှို့လျက်၊ ကိုယ်မသိဘူးသော အခြားတပါးသော ဘုရားတို့ နောက်သို့လိုက်လျက်နှင့်၊ ၁၀ ငါ၏နာမဖြင့် သမုတ်သော ဤအိမ်တော်၌၊ ငါ့ရှေ့မှာဝင် ၍ရပ်လျက်၊ ဤရွံရှာဘွယ်သော အမှုအလုံးစုံတို့ကို ပြုသောကြောင့်၊ အကျွန်ုပ်တို့သည် ကယ်နှုတ်တော်မူခြင်း ကျေးဇူးတော်ကို ခံရပါပြီဟု လျှောက်ရကြမည်လော။ ၁၁ ငါ၏နာမဖြင့်သမုတ်သော ဤအိမ်တော်ကို၊ သင်တို့သည် ဓားပြတွင်းကဲ့သို့ ထင်ကြသလော။ [B] ဤအမှုကို ငါကိုယ်တိုင်မြင်ပြီဟု ထာဝရဘုရား မိန့်တော်မူ၏။

ဘုရားသခင်က ဗိမာန်တော်ကိုလည်း စွန့်မည်

CROSS REFERENCES

၂ ရာဇဝင်ချုပ် ၃၆း၁၅
၁၅ ဘိုးဘေးတို့၏ ဘုရားသခင် ထာဝရဘုရားသည်၊ မိမိလူမျိုးနှင့် မိမိနေတော်မူရာ အရပ်ကို သနားသောကြောင့်၊ စောစောထ၍ အထပ်ထပ် စေလွှတ်သော တမန်တို့အားဖြင့် မှာလိုက် တော်မူသော်လည်း၊

ယေရမိအ ၁၁းရ
၇ အကြောင်းမူကား၊ ငါ့စကားကို နားထောင်ကြလော့ဟု သင်တို့၏ဘိုးဘေးများကို အဲဂုတ္တုပြည်က ငါနှုတ်ဆောင်သော နေ့မှစ၍ ယနေ့တိုင်အောင်၊ ငါသည် စောစောထ၍ အထပ်ထပ်ဆုံးမသော်လည်း၊

ယေရမိအ ၂၅း၃-၄
၃ ယုဒရှင်ဘုရင်အာမုန်သားယောရှိနန်းစံဆယ်သုံးနှစ်မှစ၍ ယခုတိုင်အောင်၊ အနှစ်နှစ်ဆယ်သုံးနှစ်ပတ်လုံးထာဝရဘုရား၏နှုတ်ကပတ်တော်သည်ငါ့ဆီသို့ရောက်လာသည်အတိုင်း၊ ငါသည် စောစောထ၍အမိန့်တော်ကိုအထပ်ထပ်ဆင့်ဆိုသော်လည်း၊ သင်တို့သည်နားမထောင်ဘဲနေကြ၏။

ယေရမိအ ၂၆း၅
၅ ငါသည်စောစောထ၍သင်တို့ရှိရာသို့အထပ်ထပ်စေလွှတ်သောငါ၏ကျွန်ပရောဖက်တို့၏စကားကိုနားမထောင်ဘဲနေသကဲ့ သို့၊ ယခုလည်းနားမထောင်ဘဲနေလျှင်၊

ယေရမိအ ၂၉း၁၈
၁၈ အကြောင်းမူကား၊ ငါသည် စောစောထ၍၊ အထပ်ထပ်မှာထားစေလွှတ်သော ငါ၏ကျွန် ပရောဖက်တို့၏စကားကို၊ သူတို့သည်နားမထောင်ကြဟု ထာဝရဘုရား မိန့်တော်မူ၏။ sပရောဖက်အတုများ အသတ်ခံရမည်

ယေရမိအ ၃၂း၃၃
၃၃ သူတို့သည် ငါ့ကိုမျက်နှာမပြုဘဲ ကျောခိုင်းကြပြီ။ ငါသည် စောစောထ၍ အထပ်ထပ် ဆုံးမသွန်သင်သော်လည်း၊ ငါ၏ဩဝါဒကို ခံလိုသောငှါ နားမထောင်ကြ။

ယေရမိအ ၃၅း၁၄
၁၄ စပျစ်ရည်ကို မသောက်ရဟု ရေခပ်သား ယောနဒပ်သည် မိမိသားတို့၌ ထားသော ပညတ်စကားအတိုင်း၊ သူတို့သည်ကျင့်၍ ယနေ့တိုင်အောင် စပျစ်ရည်ကို မသောက်ဘဲ နေလျက်၊ အဘ၏ ပညတ်စကားကို နားထောင်ကြ၏။ ငါသည်စောစောထ၍ သင်တို့ကို အထပ်ထပ် ပြောသော်လည်း၊ သင်တို့သည် ငါ့စကားကို နားမထောင်ကြ။

ယေရမိအ ၄၄း၄
၄ ငါ၏ကျွန်ပရောဖက်အပေါင်းတို့ကိုငါသည်စောစောထ၍သင်တို့ရှိရာသို့အထပ်ထပ်စေလွှတ်လျက်၊ ငါမုန်းသောအမှု၊ ဤစက်ဆုပ်ရွံရှာဘွယ်သောအမှုကိုမပြုပါနှင့်ဟုပြောသော်လည်း၊

၁၂ ရှေ့ဦးစွာ ငါ၏နာမကို ငါတည်စေသောအရပ်၊ ရှိလော(c) ၌ ရှိသော ငါ့အရပ်ဌာနသို့ သွား၍၊ ငါ၏အမျိုးဣသရေလလူတို့၏ အပြစ်ကြောင့်၊ ထိုအရပ်ကို အဘယ်သို့ ငါပြုဘူးသည်ကို ကြည့်ရှုကြလော့။ ၁၃ ယခုတွင် ထာဝရဘုရား မိန့်တော်မူသည်ကား၊ သင်တို့သည် ဤအမှုအလုံးစုံတို့ကို ပြုသောကြောင့်၎င်း၊ ငါသည် စောစောထ၍ အထပ်ထပ်ပြောသော်လည်း၊ [C] သင်တို့သည် နားမထောင်၊ ငါခေါ်၍ သင်တို့သည်မထူးသောကြောင့်၎င်း၊ ၁၄ ရှိလောရွာကို ငါပြုသကဲ့သို့၊ ငါ၏နာမဖြင့် သမုတ်သော၊ သင်တို့ခိုလှုံသော ဤအိမ်တော်၊ သင်တို့နှင့်ဘိုးဘေးတို့အား ငါပေးသောအရပ်ဌာနကို ငါပြုမည်။ ၁၅ သင်တို့ညီအစ်ကိုဧဖရိမ် (b) အမျိုးသားရှိသမျှတို့ကို ငါနှင်ထုတ်သကဲ့သို့၊ သင်တို့ကို ငါ့ထံမှ ငါနှင့်ထုတ်မည်။

ယေရမိကို ဣသရေလအတွက် ဆုမတောင်းဘို့မြစ်တား

CROSS REFERENCES

ယေရမိအနာ ၁၁း၁၄

ယေရမိအနာ ၁၄း၁၁

ယေရမိအနာ ၁၁း၁၄
၁၄ သို့ဖြစ်၍ သင်သည် ဤလူမျိုးအဘို့ ပဌနာမပြုနှင့်။ သူတို့အဘို့ အော်ဟစ်ခြင်း၊ ဆုတောင်းခြင်းကို မပြုနှင့်။ ဘေးရောက်သည်ကာလ၊ သူတို့အော်ဟစ်သော စကားကို ငါနားမထောင်။

ယေရမိအနာ ၁၄း၁၁
၁၁ ထာဝရဘုရားသည် ငါ့အား မိန့်တော်မူသည်ကား၊ ဤလူမျိုးအဘို့ မေတ္တာပို့၍ ဆုမတောင်းနှင့်။

၁၆ သင်သည်လည်း ဤလူမျိုးအဘို့ ပဌနာမပြုနှင့်။ သူတို့အဘို့ အော်ဟစ်ခြင်း၊ ဆုတောင်းခြင်းကို မပြုနှင့်။ [D] ငါ့ကို မသွေးဆောင်နှင့်။ သင်၏စကားကို ငါနားမထောင်။ ၁၇ သူတို့သည် ယုဒမြို့များ၊ ယေရုရှလင်လမ်း များတို့၌ ပြုကြသောအမှုကို မမြင်သလော။ ၁၈ ငါ့ကို နှောင့်ရှက်မည်အကြံနှင့်၊ ကောင်းကင် မိဖုရားအဘို့ မုန့်ပြားတို့ကိုလုပ်၍၊ အခြားတပါးသော ဘုရားတို့ရှေ့မှာ သွန်းလောင်းရာ ပူဇော်သက္ကာကို ပြုခြင်းငှါ၊ သားတို့သည် ထင်းခွေကြ၏။ အဘတို့သည် မီးထည့်ကြ၏။ မိန်းမတို့သည် မုန့်နယ်ကြ၏။ ၁၉ ထိုသို့ပြု၍ ငါ့ကိုနှောင့်ရှက်ကြသလော။ မိမိတို့မျက်နှာကို ဖျက်မည်အကြောင်း၊ မိမိတို့ကိုယ်ကိုသာ နှောင့်ရှက်ကြသည် မဟုတ်လောဟု ထာဝရဘုရားမိန့်တော်မူ၏။ ၂၀ သို့ဖြစ်၍၊ အရှင်ထာဝရဘုရား မိန့်တော်မူသည်ကား၊ ဤအရပ်၌ ရှိသောလူ၊ တိရစ္ဆာန်၊ သစ်ပင်၊ မြေအသီးအနှံအပေါ်မှာ ငါသည် ဒေါသအမျက်မီးကို သွန်းလောင်း၍၊ ထိုမီးသည် မငြိမ်းဘဲ လောင်လိမ့်မည်။

ယဇ်ပူဇော်ဘို့မဟုတ် စကားနားထောင်ဘို့မှာထား

CROSS REFERENCES

၁ ဓမ္မ ၁၅း၂၂
၂၂ ရှမွေလကလည်း၊ ထာဝရဘုရား၏ အမိန့်တော်ကို နားထောင်ခြင်း၌ အားရတော်မူ သကဲ့သို့၊ မီးရှို့ရာယဇ် အစရှိသော ယဇ်မျိုးတို့ကို ပူဇော်ခြင်း၌ အားရတော်မူမည်လော။ အလိုတော်သို့ လိုက်ခြင်းသည် ယဇ်မျိုးထက်သာ၍ ကောင်း၏။ နားထောင်ခြင်းသည် သိုးထီးဆီဥထက် သာ၍ကောင်း၏။

ဆာလံ ၄၀း၆-၈
၆ ကိုယ်တော်သည် ယဇ်နှင့် ပူဇော်သက္ကာကို အလိုတော်မရှိသည် ဖြစ်၍ အကျွန်ုပ်နားကို ဖွင့်တော်မူပြီ၊ မီးရှို့ရာယဇ်နှင့် အပြစ်ဖြေရာယဇ်များကို တောင်းတော် မမူသောအခါ၊

ဆာ ၅၀း၈
၈ မီးရှို့သော ယဇ်မှစ၍ ယဇ်ပူဇော်ခြင်း အမျိုးမျိုးအတွက် ငါသည်သင်၌ အပြစ်မတင်၊၊ ထိုယဇ်တို့သည် ငါ့ရှေ့မှာ အစဉ်ရှိကြ၏၊၊

ဆာ ၅၁း၁၆-၁၇
၁၆ ယဇ်ပူဇော်ခြင်းကို အလိုတော်မရှိ၊၊ သို့မဟုတ်လျှင် ယဇ်ပူဇော်ပါမည်၊၊ မီးရှို့သော ယဇ်ပူဇော်ခြင်းကိုပင် နှစ်သက်တော်မမူ၊၊

ဟေရှာယ ၁း၁၁-၁၇
၁၁ ထာဝရဘုရား မိန့်တော်မူသည်ကား၊ သင်တို့ပူဇော်သော ယဇ်အများကို၊ ငါသည် အဘယ်သို့ဆိုင်သနည်း၊၊ မီးရှို့၍ ပူဇော်သော သိုးကောင်၊ ဆူဖြိုးအောင် ကျွေးသော တိရစ္ဆာန်တို့၏ ဆီဥနှင့်ငါဝပြီ၊၊ နွားနှင့်သိုးသငယ်၊ ဆိတ်တို့၏အသွေးကို ငါမနှစ်သက်၊၊

ယေရမိအ ၆း၂၀
၂၀ ရှေဘပြည်မှ လောဗန်ကို၎င်း၊ ဝေးသောပြည်မှ မွှေးသောကြံကို၎င်း၊ အဘယ်ကြောင့် ငါ့ထံသို့ ဆောင်ခဲ့သနည်း။ သင်တို့ မီးရှို့ရာယဇ်တို့ကို ငါအလိုမရှိ။ ပူဇော်သော ယဇ်အမျိုးမျိုးကို ငါမနှစ်သက်။ sမြောက်မျက်နှာမှ လူမျိုးခေါ်လာမည်

ယေရမိအ ရး၂၂-၂၃
၂၂ အကြောင်းမူကား၊ သင်တို့ ဘိုးဘေးများကို အဲဂုတ္တုပြည်မှ ငါနှုတ်ဆောင်သောအခါ၊ မီးရှို့ရာယဇ် အစရှိသော ယဇ်များအတွက် သူတို့ကို ငါမှာထားသည်မဟုတ်။

အာမုတ် ၅း၂၁-၂၂
၂၁ သင်တို့ စောင့်သောပွဲနေ့တို့ကို ငါမုန်း၏။ စက်ဆုပ်ရွံရှာ၏။ ချိုးခြံစွာကျင့်သော နေ့ရက်တို့၌ ငါမမွေ့လျော်၊

မိက္ခာ ၆း၆-ရ
၆ ငါသည် ထာဝရဘုရား ရှေ့တော်သို့ အဘယ် ပူဇော်သက္ကာ ပါလျက်ချဉ်းကပ်၍၊ အမြင့်ဆုံးသော ဘုရားသခင် ရှေ့တော်၌ ကိုးကွယ်ရမည်နည်း။ မီးရှို့ရာယဇ်နှင့် အခါလည်သော နွားသငယ်တို့ကို ဆောင်လျက် ချဉ်းကပ်ရမည်လော။

မာလခိ ၁း၁၀
၁၀ သင်တို့တွင် အဘယ်သူသည် ငါတံခါးတို့ကို ပိတ်လိမ့်မည်နည်း။ သင်တို့သည် ငါ့ယဇ်ပလ္လင်ပေါ်မှာ မီးကိုအချည်းနှီးမညှိရကြ။ သင်တို့ကို ငါအလိုမရှိ။ သင်တို့ပြုသော ပူဇော်သက္ကာကို ငါလက်မခံ၊ ဟု ကောင်းကင်ဗိုလ်ခြေအရှင် ထာဝရဘုရား မိန့်တော်မူ၏။

ဟေဗြဲ ၁၀း၅-၉
၅ ထိုကြောင့်၊ ခရစ်တော်သည် ဤလောကသို့ ကြွလာသောအခါ၊ အိုဘုရားသခင်၊ ကိုယ်တော်သည် ယဇ်နှင့် ပူဇော်သက္ကာကို အလိုတော်မရှိသည်ဖြစ်၍၊ အကျွန်ုပ်အဘို့ ကိုယ်ခန္ဓာကို ပြင်ဆင်တော်မူပြီ။

CROSS REFERENCES

ထွက် ၁၉း၅-၆

ထွက် ၁၉း၅-၆
၅ ထိုကြောင့် ယခုတွင် သင်တို့သည် ငါ့စကားကို အမှန်နားထောင်၍ ငါ့ပဋိညာဉ်ကို စောင့်ရှောက်လျှင်၊ %fo(a)အခြားသော လူမျိုးတကာတို့ထက် သင်တို့သည် ငါပိုင်ထိုက်သော ဘဏ္ဍာတော် ဖြစ်ရကြလိမ့်မည်။%fo(b) မြေကြီးရှိသမျှသည် ငါ၏ဥစ္စာဖြစ်၏။

၂၁ ဣသရေလ အမျိုး၏ ဘုရားသခင်၊ ကောင်းကင် ဗိုလ်ခြေ အရှင်ထာဝရဘုရား မိန့်တော်မူသည်ကား၊ သင်တို့မီးရှို့ရာယဇ်များကို အခြားသော ယဇ်များနှင့်အတူ ထား၍၊ အမဲသားကို စားကြလော့။ ၂၂ အကြောင်းမူကား၊ သင်တို့ ဘိုးဘေးများကို အဲဂုတ္တုပြည်မှ ငါနှုတ်ဆောင်သောအခါ၊ မီးရှို့ရာယဇ် အစရှိသော ယဇ်များအတွက် သူတို့ကို ငါမှာထားသည်မဟုတ်။ [E] ၂၃ ငါမှာထားသော အရာဟူမူကား၊ ငါ့စကားကို နားထောင်ကြလော့။ သို့ပြုလျှင်၊ ငါသည် သင်တို့၏ ဘုရားသခင် ဖြစ်မည်။ [F] သင်တို့သည်လည်း ငါ၏လူမျိုး ဖြစ်ကြလိမ့်မည်။ သင်တို့သည် ကိုယ်အကျိုးကို စောင့်လိုသောငှါ၊ ငါစီရင်သမျှသော တရားလမ်းသို့လိုက်ရကြမည်ဟု မှာထား၏။

နားမထောင်၊ နှလုံးခိုင်မာ၊ ကျောခိုင်း

၂၄ သို့ရာတွင်၊ သူတို့သည်နားမထောင်၊ နားကိုမလှည့်ဘဲဆိုးညစ်သောနှလုံးခိုင်မာသည်နှင့်အညီကျင့်ကြံပြုမူ၍မျက်နှာမပြု၊ ကျောခိုင်းလျက်နေကြ၏။ ၂၅ သင်တို့အဘများသည် အဲဂုတ္တုပြည်မှ ထွက်သွားသောနေ့မှစ၍ ယနေ့တိုင်အောင်၊ ငါသည်နေ့တိုင်း စောစောထ၍၊ ငါ၏ကျွန် ပရောဖက်အပေါင်းတို့ကို သင်တို့ရှိရာသို့ အထပ်ထပ် စေလွှတ်သော်လည်း၊ ၂၆ သင်တို့သည် ငါ့စကားကိုနားမထောင်၊ မနာမယူဘဲနေ၍ မိမိတို့လည်ပင်းကို ခိုင်မာစေသဖြင့်၊ အဘများထက်သာ၍ ဆိုးသွမ်းကြ၏။ ၂၇ သင်သည် ဤစကားအလုံးစုံကို သူတို့အား ပြောသော်လည်း၊ သူတို့သည် နားမထောင်ကြ။ ခေါ်သော်လည်း မထူးကြ။ ၂၈ သို့ဖြစ်၍ သင်ကလည်း၊ ဤလူမျိုးသည် မိမိတို့ဘုရားသခင် ထာဝရဘုရား၏ စကားတော်ကို နားမထောင်၊ ဆုံးမ၍မနိုင်သော အမျိုးဖြစ်၏။ သစ္စာစကားကိုမပြော၊ သစ္စာပျက်သောအမျိုးဖြစ်သည်ဟု သူတို့အား ပြောဆိုရမည်။ ၂၉ သင်၏ သစ္စာဆံပင်ကိုရိတ်၍ ပစ်လိုက်လော့။ မြင့်သောအရပ်၌ မြည်တမ်းခြင်းကို ပြုလော့။ အကြောင်းမူကား၊ ထာဝရဘုရားသည် မိမိလူမျိုးကို ပယ်တော်မူပြီ။ အမျက်တော်သင့်ရောက်သော အမျိုးကို စွန့်ပစ်တော်မူပြီ။

တပြည်လုံး လူဆိတ်ညံရာအရပ် ဖြစ်လိမ့်မည်

၃၀ ထာဝရဘုရား မိန့်တော်မူသည်ကား၊ ယုဒအမျိုးသားတို့သည် ငါ့ရှေ့မှာ ဆိုးသောအမှုကို ပြုကြပြီ။ ငါ၏နာမဖြင့်သမုတ်သော အိမ်တော်ကို ညစ်ညူးစေခြင်းငှါ၊ ရွံရှာဘွယ်သော အရာတို့ကို သွင်းထားကြပြီ။ ၃၁ ငါမမှာထား၊ ငါအလျှင်းအလိုမရှိသော်လည်း၊ သူတို့သားသမီးများကို မီးရှို့ခြင်းငှါ ဟိန္နုံသား၏ချိုင့်၌ ရှိသော တောဖက်ကုန်းတို့ကို တည်ကြပြီ။ ၃၂ သို့ဖြစ်၍၊ ထာဝရဘုရား မိန့်တော်မူသည်ကား၊ ထိုချိုင့်ကို တောဖက်ချိုင့်ဟူ၍ မခေါ်၊ ဟိန္နုံသား၏ချိုင့်ဟူ၍မခေါ်၊ ကွပ်မျက်ရာချိုင့်ဟူ၍ ခေါ်ရသောအချိန်ကာလ ရောက်လိမ့်မည်။ တောဖက်၌ မြေလွတ်မရှိသည်တိုင်အောင် သင်္ဂြိုလ်ကြလိမ့်မည်။ ၃၃ ဤလူမျိုး အသေကောင်တို့သည် မိုးကောင်းကင်ငှက်နှင့် တောသားရဲစားစရာဘို့ ဖြစ်ကြလိမ့်မည်။ ထိုတိရစ္ဆာန်တို့ကို အဘယ်သူမျှ မမောင်းရ။ ၃၄ ယုဒမြို့များ၊ ယေရုရှလင်လမ်းများတို့၌ ဝမ်းမြောက်သောအသံ၊ ရွှင်လန်းသောအသံ၊ မင်္ဂလာဆောင် သတို့သားအသံနှင့် မင်္ဂလာဆောင်သတို့သမီး အသံကို ငါစဲစေမည်။ တပြည်လုံးသည် လူဆိတ်ညံရာအရပ် ဖြစ်လိမ့်မည်ဟု မိန့်တော်မူ၏။

_________________________
Footnotes

(a) အဘယ်ကြောင့် ဣသရေလလူများက၊ ဤသည်ကား၊ ထာဝရဘုရား၏ ဗိမာန်တော်ဟုဆို ကြသနည်းဟူမူကား၊ ၃ ဓမ္မ ၉း၃ ၌ ထာ၀ရဘုရားက ရှောလမုန်ထံ၊ သင်သည် ငါ့ရှေ့မှာ ဆုတောင်းပဌနာပြုသောစကားကို ငါကြားပြီ။ သင်တည်ဆောက်သောဤ အိမ်ကိုငါသန့်ရှင်းစေ၍၊ ငါ့နာမကို အစဉ်တည်စေမည်။ အစဉ် ငါကြည့်ရှုလျက် နှလုံးစွဲလမ်းလျက်နေမည်ဟု ဆိုသောကြောင့် ဖြစ်သည်။ ပရောဖက်ယေရမိက၊ ယေရုရှလင်မြို့နှင့် ယုဒပြည်ကို ဗာဗုလုန်များက တိုက်ခိုက်သိမ်းပိုက်မည်ဟု ပြောသောအခါ၊ ဘုရားသခင်အနေဖြင့် သူ၏ဗိမာန်တော်ကို အဖျက်မခံ၊ စောင့်ရှောက်မည်ဟု ယူဆကြသည်။ ထိုသို့ဗိမာန်တော်ကိုစောင့်ရှောက်သော အခါ၊ သူတို့ကိုလည်း စောင့်ရှောက်မည်ဟု ယူဆကြသည်။ ဘုရားသခင်၏ စကားနားမထောင်ဘဲ၊ သူ၏ဗိမာန်တော်ကို အားကိုးကြ သည်။

_________________________
Footnotes

(b) ဧဖရိမ်သည် ဣသရေလကို ဆိုလိုခြင်းဖြစ်သည်။ ဣသရေလသည် မြောက်ဖက်နိုင်ငံဖြစ်၍ ရုပ်တုကိုသာ ကိုးကွယ်သော ကြောင့်၊ ဘုရားသခင်က အာရှုရိလက်ထဲတွင်ပေးကာ၊ သူတို့နိုင်ငံသို့ ခေါ်ဆောင်သွားခဲ့သည်။

_________________________
Footnotes

(c) မြန်မာကျမ်းစာအုပ်၌ "ရှိလောရွာ" ဟုတွေ့ရသည်။ မူရင်းကျမ်း၌ ရှိလောရွာဟုမတွေ့ရပါ။ "ရှိလော" ဟုသာလျှင်တွေ့ရသည်။