၁ ယောရှုအနိစ္စ ရောက်သောနောက်၊ ဣသရေလအမျိုးသားတို့က၊ အကျွန်ုပ်တို့တွင် အဘယ်သူသည် ခါနနိလူတို့ရှိရာသို့ ရှေ့ဦးစွာ ချီသွားရပါမည်နည်း၊ ဟုထာဝရဘုရားအား မေးလျှောက်ကြလျှင်၊ ၂ ထာဝရဘုရားက၊ ယုဒသည် ချီသွားရမည်။ ထိုပြည်ကို သူ၏လက်၌ ငါအပ်မည်၊ ဟုမိန့်တော်မူ၏။ ၃ ယုဒသည် မိမိအစ်ကို ရှိမောင်အား၊ ခါနနိလူတို့ကို တိုက်ခြင်းငှာ၊ ငါ့အမွေမြေသို့ ငါနှင့်အတူ လိုက်ပါ။ သင့်အမွေမြေသို့လည်း သင်နှင့်အတူ ငါလိုက်သွားမည်၊ ဟုဆိုသည်အတိုင်း ရှိမောင်သည် လိုက်သွားလေ၏။ ၄ ယုဒချီသွား၍ ထာဝရဘုရားသည် ခါနနိလူ၊ ဖေရဇိလူတို့ကို အပ်တော်မူသဖြင့်၊ [A] ဗေဇက်မြို့၌ လူတထောင်ကို သတ်လေ၏။ ၅ အဒေါနိဗေဇက်မင်းကို ဗေဇက်မြို့၌တွေ့၍၊ ခါနနိလူ၊ ဖေရဇိလူတို့ကို သတ်သောအခါ၊ ၆ အဒေါနိဗေဇက်သည် ပြေးလေ၏။ ယုဒလူတို့သည်လိုက်၍ ဖမ်းမိပြီးလျှင်၊ လက်မ၊ ခြေမတို့ကိုဖြတ်ကြ၏။ ၇ အဒေါနိဗေဇက်ကလည်း၊ လက်မနှင့်ခြေမ ဖြတ်သော မင်းကြီးခုနစ်ဆယ်တို့သည် အထက်က ငါ့စားပွဲအောက်၌ စားနုပ်စားပေါက်ကို ကောက်၍ စားရကြ၏။ ငါပြုဖူးသည်အတိုင်း၊ ဘုရားသခင်သည် ငါ၌အပြစ်ပေးတော်မူပြီ၊ ဟုဆို၏။ ထိုမင်းကို ယေရုရှလင်မြို့သို့ပို့၍ သူသည် ထိုမြို့မှာသေလေ၏။ ၈ ယုဒအမျိုးတို့သည် ယေရုရှလင်မြို့ကိုတိုက်၍၊ ဓားနှင့်လုပ်ကြံပြီးမှ မီးရှို့ကြ၏။ ၉ ထိုနောက်တောင်ပေါ်၌၎င်း၊ တောင်မျက်နှာ၌၎င်း၊ ချိုင့်ထဲ၌၎င်း၊ နေသောခါနနိလူတို့ကို တိုက်ဘို့သွားကြ၏။

ကာလက်ကို သမီးက စမ်းရေတွင်းတောင်း

၁၀ တဖန် ယုဒအမျိုးသည်၊ ကိရယသာဘ အမည်ဟောင်းရှိသော ဟေဗြုန်မြို့၌ နေသော ခါနနိလူတို့ရှိရာသို့ ချီသွား၍၊ ရှေရှဲ၊ အဟိမန်၊ တာလမဲတို့ကို လုပ်ကြံကြ၏။ ၁၁ တဖန် ကိရယဿေဖာ အမည်ဟောင်းရှိသော ဒေဗိရမြို့သားတို့ရှိရာသို့ ချီပြန်၍၊ ၁၂ ကာလက်က၊ ကိရယဿေဖာမြို့ကို တိုက်ယူ လုပ်ကြံသူအား၊ ငါသည် သမီးအာခသကို ပေးစားမည်၊ ဟုဆိုလျှင်၊ ၁၃ ကာလက်ညီ ကေနတ်၏သား ဩသံယေလသည် ထိုမြို့ကိုတိုက်ယူ၍၊ ကာလက်သည် သမီးအာခသကို သူ့အား ပေးစားလေ၏။၁၄ ထိုမိန်းမသည် ခရီးသွားစဉ်အခါ၊ လယ်တကွက်ကို အဘ၌ တောင်းခြင်းငှာ၊ လင်နှင့်တိုင်ပင်ပြီးမှ၊ မြည်းပေါ်က ဆင်းလေ၏။ အဘကာလက်က၊ အဘယ်အလိုရှိသနည်း၊ ဟုမေးလျှင်၊ ၁၅ သမီးက၊ ကောင်းကြီး ပေးစေချင်ပါ၏။ ကိုယ်တော်သည် တောင်မျက်နှာအရပ်ကို ပေးပါပြီ။ စမ်းရေတွင်းတို့ကိုလည်း ပေးတော်မူပါဦး၊ ဟုတောင်းသည်အတိုင်း အဘသည် အထက်စမ်းရေတွင်း၊ အောက်စမ်းရေတွင်းတို့ကို ပေးလေ၏။

ကေနိအမျိုးသားများ

၁၆ မောရှေယောက္ခမ၏ သားမြေးဖြစ်သော ကေနိအမျိုးသားတို့သည်၊ ယုဒအမျိုးသားနှင့်အတူ စွန်ပလွံမြို့မှ အာရဒ်မြို့တောင်ဘက်၊ ယုဒတောသို့လိုက်သွား၍ နေရာကျကြ၏။

ယုဒအမျိုးသားများ

CROSS REFERENCES

ကမ္ဘာ ၃၉း၂

ယောရှု ၆း၂၇

တရားသူ ၁း၁၉

ကမ္ဘာ ၃၉း၂
၂ ထာဝရဘုရားသည် ယောသပ်ဘက်၌ ရှိတော်မူသဖြင့် သူသည် အကြံထမြောက်တတ်၏။ အဲဂုတ္တုအမျိုးသား မိမိသခင်၏အိမ်၌ နေရလေ၏။

ယောရှု ၆း၂၇
၂၇ ထိုသို့ ထာဝရဘုရားသည် ယောရှုနှင့် အတူရှိတော်မူ၍၊သူ၏ သတင်းသည် တပြည်လုံး၌ နှံ့ပြားကျော်စောလေ၏။

တရားသူ ၁း၁၉
၁၉ ထာဝရဘုရားသည် ယုဒနှင့်အတူရှိတော်မူ၍၊ သူသည်တောင်ပေါ်မှာ နေသောသူတို့ကို နှင်ထုတ်လေ၏။ ချိုင့်သားတို့ကို မနှင်ထုတ်နိုင်။ အကြောင်းမူကား၊ သူတို့သည် သံရထားရှိကြ၏။

၁၇ တဖန်ယုဒသည် အစ်ကိုရှိမောင်နှင့်အတူသွား၍၊ ဇေဖတ်မြို့၌နေသော ခါနနိလူတို့ကိုလုပ်ကြံ၍၊ မြို့ကိုရှင်းရှင်းဖျက်ဆီးပြီးလျှင်၊ ထိုမြို့ကို ဟောမာအမည်ဖြင့် သမုတ်ကြ၏။ ၁၈ ယုဒသည် ဂါဇမြို့နှင့်မြို့နယ်၊ အာရှကေလုန်မြို့နှင့်မြို့နယ်၊ ဧကြုန်မြို့နှင့်မြို့နယ် တို့ကိုလည်းတိုက်ယူလေ၏။ ၁၉ ထာဝရဘုရားသည် ယုဒနှင့်အတူရှိတော်မူ၍၊ [B] သူသည်တောင်ပေါ်မှာ နေသောသူတို့ကို နှင်ထုတ်လေ၏။ ချိုင့်သားတို့ကို မနှင်ထုတ်နိုင်။ အကြောင်းမူကား၊ သူတို့သည် သံရထားရှိကြ၏။ ၂၀ မောရှေမှာထားသည်အတိုင်း၊ ဟေဗြုန်မြို့ကို ကာလက်အားပေးကြ၍၊ သူသည် အာနကသားသုံးယောက်တို့ကို ထိုမြို့မှနှင်ထုတ်လေ၏။

ဗင်္ယာမိန်အမျိုးသားများ

၂၁ ဗင်္ယာမိန်အမျိုးသားတို့သည်၊ ယေရုရှလင်မြို့၌နေသော ယေဗုသိလူတို့ကို မနှင်ထုတ်ဘဲ၊ သူတို့သည် ယနေ့တိုင်အောင် ဗင်္ယာမိန်အမျိုးသားတို့နှင့်အတူ ယေရုရှလင်မြို့၌ နေကြသတည်း။

ယောသပ်အမျိုးသားများ

၂၂ ယောသပ်အမျိုးသားတို့သည်လည်း၊ ဗေသလမြို့သို့ ချီသွား၍၊ ထာဝရဘုရားသည် သူတို့နှင့်အတူ ရှိတော်မူ၏။ ၂၃ လုဇအမည်ဟောင်းရှိသော ထိုမြို့ကို စူးစမ်းစေခြင်းငှာ စေလွှတ်သော သူလျှိုတို့သည်၊ ၂၄ မြို့ထဲက ထွက်လာသော လူတယောက်ကို တွေ့မြင်၍၊ မြို့ထဲသို့ ဝင်သောလမ်းကို ပြပါတော့။ သို့ပြုလျှင် သင့်ကို ချမ်းသာပေးမည်၊ ဟုဆိုသော်၊ ၂၅ ထိုသူသည် မြို့ထဲသို့ဝင်သော လမ်းကိုပြသဖြင့်၊ သူတို့သည် မြို့သားတို့ကို ဓားနှင့်လုပ်ကြံ၍၊ ထိုလူနှင့် သူ၏အိမ်သား အပေါင်းတို့ကို လွှတ်ကြ၏။ ၂၆ ထိုသူသည် ဟိတ္တိပြည် သို့သွားပြီးလျှင် မြို့ကို တည်ထောင်၍ လုဇအမည်ဖြင့် သမုတ်လေ၏။ ယနေ့တိုင်အောင် ထိုသို့ခေါ်ဝေါ်ကြသတည်း။

မနာရှေအမျိုးသားများ

၂၇ မနာရှေအမျိုးသည်၊ ဗက်ရှန်မြို့ရွာများ၊ တာနက်မြို့ရွာများ၊ ဒေါရမြို့ရွာများ၊ ဣဗလံမြို့ရွာများ၊ မေဂိဒ္ဒေါမြို့ရွာများ၌ နေသောသူတို့ကို မနှင်ထုတ်ဘဲ၊ ခါနနိလူတို့သည် အနိုင်နေကြ၏။ ၂၈ တဖန် ဣသရေလအမျိုးသားတို့သည် အားကြီးသောအခါ၊ ခါနနိလူတို့ကို မနှင်ထုတ်သော်လည်း၊ အခွန်ကိုဆက်သွင်းစေကြ၏။

ဧဖရိမ်အမျိုးသားများ

၂၉ ထိုအတူဧဖရိမ်အမျိုးသည် ဂေဇာမြို့၌ နေသောခါ နနိလူတို့ကို မနှင်ထုတ်ဘဲ သူတို့သည် ဂဇောမြို့၌ ရောနှောလျက် နေကြ၏။

ဇာဗုလုန်အမျိုးသားများ

၃၀ ထိုအတူ ဇာဗုလုန်အမျိုးသည် ကိတရုန်မြို့သား၊ နာဟာလောလမြို့သားတို့ကို မနှင်ထုတ်ဘဲ၊ ခါနနိလူတို့သည် ရောနှောလျက်နေ၍ အခွန်ပေးကြ၏။

အာရှာအမျိုးသားများ

၃၁ ထိုအတူ အာရှာအမျိုးသည် အက္ခောမြို့သား၊ ဇိဒုန်မြို့သား၊ အာလပ်မြို့သား၊ အာခဇိပ်မြို့သား၊ ဟေလဗမြို့သား၊ အာဖိတ်မြို့သား၊ ရဟောဘမြို့သားတို့ကို မနှင်ထုတ်ဘဲ၊ ၃၂ အာရှာအမျိုးသားတို့သည် ပြည်သား ခါနနိလူတို့နှင့် ရောနှော၍ နေကြ၏။

နဿလိအမျိုးသားများ

၃၃ ထိုအတူ နဿလိအမျိုးသည် ဗက်ရှေမက်မြို့သား၊ ဗေသနတ်မြို့သားတို့ကို မနှင်ထုတ်ဘဲ၊ ပြည်သား ခါနနိလူတို့နှင့် ရောနှော၍နေကြ၏။ သို့ရာတွင် ဗက်ရှေမက်မြို့သား၊ ဗေသနတ်မြို့သားတို့သည် အခွန်ပေးလျက်နေကြ၏။

ဒန်အမျိုးသားများ

၃၄ အာမောရိ လူတို့သည်လည်း ဒန်အမျိုးသားတို့ကို တောင်ပေါ်သို့နှင်သဖြင့်၊ ချိုင့်ထဲမှာ နေရသောအခွင့်ကို မပေးကြ။ ၃၅ အာမောရိ လူတို့သည် ဟေရက် တောင်ပေါ်မြို့၊ အာဇလုန်မြို့၊ ရှာလဗိမ်မြို့၌ အနိုင်နေကြ၏။ သို့ရာတွင် ယောသပ် အမျိုးသားတို့သည် အားကြီးသဖြင့် အာမောရိလူတို့သည် အခွန်ပေးရကြ၏။ ၃၆ အာမောရိလူ နေရသော အရပ်သည် အကရဗ္ဗိမ်ကုန်းနား၊ သေလမြို့မှစ၍ အထက်အရပ်ပေတည်း။