ယေရမိ အနာဂတ္တိ

အခန်းကြီး ၁၅

မောရှေနှင့် ရှမွေလတို့ ဆုတောင်းပေးသော်လည်း မရ

၁ တဖန်ထာဝရဘုရားသည် ငါ့အား မိန့်တော်မူသည်ကား၊ မောရှေနှင့် ရှမွေလသည် ငါ့ရှေ့မှာ ဆုတောင်းသော်လည်း၊ ငါ့လူမျိုးကို ငါမသနား။ ငါ့ထံမှ ထွက်သွားစေခြင်းငှါ နှင်ထုတ်လော့။ ၂ အကျွန်ုပ်တို့သည် အဘယ်အရပ်သို့ ထွက်သွားရပါမည်နည်းဟု မေးမြန်းလျှင်၊ သင်ကလည်း၊ သေတန်သောသူတို့သည် သေခြင်းသို့၎င်း၊ ကွပ်မျက်တန်သောသူတို့သည် ကွပ်မျက်ခြင်းသို့၎င်း၊ ငတ်မွတ်တန်သောသူတို့သည် ငတ်မွတ်ခြင်းသို့၎င်း၊ သိမ်းသွား ချုပ်ထားတန်သောသူတို့သည် သိမ်းသွားချုပ်ထားခြင်းသို့၎င်း၊ ထွက်သွားကြဟု ထာဝရဘုရား မိန့်တော်မူကြောင်းကို သူတို့အား ဆင့်ဆိုလော့။ ၃ သူတို့ကို သတ်ရသောထား၊ ဆွဲဖြတ်ရသောခွေး၊ ကိုက်စားရသော မိုးကောင်းကင်ငှက်နှင့် သားရဲတည်းဟူသော ရန်သူလေးမျိုးကို၊ သူတို့တဘက်၌ ငါခန့်ထားမည်။ ၄ ယုဒရှင်ဘုရင် ဟေဇကိသား မနာရှေမင်းသည် ယေရုရှလင်မြို့၌ ပြုသောအမှုကြောင့်၊ ထိုသူတို့ကို မြေကြီးပေါ်မှာ အတိုင်းတိုင်းအပြည် ပြည်တို့၌ အနှောင့်အရှက်ကို ခံစေမည်။ ၅ အိုယေရုရှလင်မြို့၊ သင့်ကိုအဘယ်သူ သနားလိမ့်မည်နည်း။ သင်နှင့်အတူ အဘယ်သူ ညည်းတွားလိမ့်မည်နည်း။ သင့်ကို ကျန်းမာ၏လောဟု မေးအံ့သောငှါ၊ အဘယ်သူ လမ်းလွှဲမည်နည်း။

ငါ့ကိုစွန့်သောကြောင့် သူတို့ကို ဖျက်ဆီးမည်

CROSS REFERENCES

မဿဲ ၃း၁၂

မဿဲ ၃း၁၂
၁၂ လက်တော်တွင် စံကောပါလျက်၊ မိမိကောက်နယ်တလင်းကို ရှင်းလင်းစေသဖြင့်၊ မိမိဂျုံစပါးကို ကျီ၌ စုသိမ်းသွင်းထား၍၊ အဖျင်းကိုကား မငြိမ်းနိုင်သော မီးနှင့်ရှို့တော်မူလတံ့၊ ဟုယောဟန်ဟောပြော၏။ sယေရှုဗတ္တိဇံခံ

၆ ထာဝရဘုရား မိန့်တော်မူသည်ကား၊ သင်သည် င့ါကိုစွန့်ပစ်၍ ဆုတ်သွားပြီ။ ထိုကြောင့်၊ ငါသည် လက်ကိုဆန့်၍ သင့်ကို ဖျက်ဆီးမည်။ ငါသည် နောင်တရ၍ ငြီးငွေ့ပြီ။ ၇ ပြည်တံခါးဝ၌ သူတို့ကို စံကောနှင့်ငါလှေ့မည်။ [A] သူတို့သားသမီးများကို ငါရှုံးစေမည်။ ငါ၏လူမျိုးသည် မိမိလိုက်သွားသော လမ်းမှ မပြန်လာသောကြောင့်၊ သူတို့ကို ငါဖျက်ဆီးမည်။ ၈ သူတို့မုဆိုးမတို့သည် သမုဒ္ဒရာသဲလုံးနှင့် အမျှမက၊ ငါ့ရှေ့မှာ များပြားကြလိမ့်မည်။ မွန်းတည့်ချိန်၌ အမိကို တိုက်ဖျက်သော လုလင်ကို ငါခေါ်ခဲ့၍၊ ကြောက်မက်ဘွယ်သော လုပ်ကြံခြင်းကို ချက်ချင်း ဖြစ်စေမည်။ ၉ သားခုနစ်ယောက်ကို ဖွားမြင်သော မိန်းမသည် အားလျော့၍ အသက်ချုပ်လေ၏။ ညအချိန်မရောက်မှီ သူ၏ နေဝင်လေ၏။ သူသည် ရှက်ကြောက်မှိုင်တွေလျက် နေရ၏။ ကျန်ကြွင်းသောသူတို့ကိုလည်း၊ ရန်သူတို့ရှေ့မှာ၊ ထား၌အပ်မည်ဟု ထာဝရဘုရား မိန့်တော်မူ၏။

ငါ၌အမင်္ဂလာ

CROSS REFERENCES

ယေရမိ ၂၀း၁၄

ယောဘ ၃

ယေရမိ ၂၀း၁၄
၁၄ ငါဖွားသောနေ့ရက်သည် အမင်္ဂလာ ရှိပါစေသော်။ ငါ့ကိုငါ့အမိဖွားသော နေ့ရက်သည် ကောင်းကြီးမင်္ဂလာကို မခံပါစေနှင့်။

ယောဘ ၃
၁ ထိုနောက်၊ ယောဘသည် နှုတ်ကိုဖွင့်၍ မိမိဖွားသော နေ့ရက်ကို ကျိန်ဆဲလျက် မြွက်ဆိုသည်ကား၊

၁၀ အိုအကျွန်ုပ်၏မိခင်၊ ငါ၌အမင်္ဂလာရှိ၏။ အကျွန်ုပ်၏ မိခင်သည် တပြည်လုံးရန်တွေ့သောသူ၊ ငြင်းဆန်သောသူဖြစ်သော ငါ့ကို ဖွားမြင်ပါပြီ။ [B] ငါသည် သူတပါးကို အတိုးနှင့်မချေး။ သူတပါးသည်လည်း ငါ့ကိုအတိုးနှင့် မချေး။ သို့သော်လည်း၊ လူခပ်သိမ်းတို့သည် ငါ့ကို ကျိန်ဆဲတတ်ကြ၏။ ၁၁ ထာဝရဘုရား မိန့်တော်မူသည်ကား၊ အကယ် စင်စစ် သင့်ကို ငါချမ်းသာပေးမည်။ အမှုရောက်သောကာလ၊ ညှဉ်းဆဲခြင်းကို ခံရသောကာလ၌၊ ရန်သူသည် သင့်ထံမှာ တောင်းပန်မည်အကြောင်း၊ အကယ်စင်စစ် ငါစီရင်မည်။ ၁၂ သံကို ချိုးနိုင်သောသူ ရှိသလော။ မြောက်ဖက်မှ သံသို့မဟုတ် ကြေးဝါကို ချိုးနိုင်သောသူ ရှိသလော။(a) ၁၃ သင်၏ ပြည်တရှောက်လုံး၌ သင်ပြုသော အပြစ်များကြောင့်၊ သင်၏ဥစ္စာဘဏ္ဍာကို အဘိုးမခံဘဲ လုယူသောလက်သို့ ငါပေးမည်။ ၁၄ သင်မသိသော ပြည်သို့ ရန်သူနှင့်အတူ သင့်ကိုငါသွားစေမည်။ သင်တို့ကို လောင်သောမီးသည် ငါ့အမျက်အားဖြင့် ရှို့လျက်ရှိ၏။

အကျွန်ုပ်ကို သုတ်သင်ပယ်ရှင်းတော် မမူပါနှင့်

၁၅ အိုထာဝရဘုရား၊ ကိုယ်တော်သည် သိတော်မူ၏။ အကျွန်ုပ်ကို အောက်မေ့လျက် အကြည့်အရှုကြွလာ၍၊ အကျွန်ုပ်ကို ညှဉ်းဆဲသောသူတို့ကို တရားသဖြင့် ဒဏ်ပေးတော်မူပါ။ သူတို့ကို သည်းခံ၍၊ အကျွန်ုပ်ကို သုတ်သင် ပယ်ရှင်းတော်မမူပါနှင့်။ အကျွန်ုပ်သည် ကိုယ်တော်အတွက် ကဲ့ရဲ့ခြင်းခံရကြောင်းကို အောက်မေ့တော်မူပါ။ ၁၆ ကောင်းကင် ဗိုလ်ခြေအရှင်ဘုရားသခင် ထာဝရဘုရား၊ အကျွန်ုပ်တွေ့သော နှုတ်ကပတ်စကားကို ခံယူပါပြီ။ နှုတ်ကပတ်တော်သည် အကျွန်ုပ် ဝမ်းမြောက်ရွှင်လန်းစရာ အကြောင်းဖြစ်ပါ၏။ နာမတော်ဖြင့် အကျွန်ုပ်ကို ခေါ်ဝေါ် ပါ၏။ ၁၇ ပွဲခံသောသူ အစည်းအဝေး၌ အကျွန်ုပ် မထိုင်ပါ။ ပျော်ရွှင်ခြင်းအမှုကို မပြုပါ။ လက်တင်တော်မူသောကြောင့်၊ တယောက်တည်း ထိုင်ပါပြီ။ အကျွန်ုပ်ကို ဒေါသအမျက်နှင့် ပြည့်စေတော်မူပြီ။ ၁၈ အကျွန်ုပ်ခံရသော ဝေဒနာသည် အဘယ်ကြောင့် မြဲပါသနည်း။ မပျောက်လို၊ မပျောက်နိုင်သော အနာကို အဘယ်ကြောင့်ခံရပါသနည်း။ အကယ်စင်စစ် ကိုယ်တော်သည် ကြောက်တတ်၍၊ လှည့်စားသော ရေကဲ့သို့ ကျွန်ုပ်၌ ဖြစ်တော်မူပါသည်တကား။

သင့်ဘက်၌ငါနေမည်

၁၉ ထိုကြောင့်၊ ထာဝရဘုရား မိန့်တော်မူသည်ကား၊ သင်သည် ပြန်လာလျှင်၊ သင့်ကို ငါဆောင်ခဲ့၍၊ သင်သည် ငါ၏အမှုကို ထမ်းရလိမ့်မည်။ သင်သည် မြတ်သောအရာနှင့် ယုတ်သောအရာတို့ကို ပိုင်းခြားခွဲထားလျှင် ငါ့နှုတ်ကဲ့သို့ ဖြစ်ရလိမ့်မည်။ သူတို့သည် သင့်ထံသို့ ပြန်လာကြလိမ့်မည်။ သင်သည် သူတို့ရှိရာသို့ပြန်၍ မသွားရ။ ၂၀ ငါသည်လည်း သင့်ကို ဤလူမျိုးတဘက်၌ ခိုင်ခံ့သော ကြေးဝါမြို့ရိုးဖြစ်စေမည်။ သူတို့သည် သင့်ကိုတိုက်၍ မနိုင်ရကြ။ ငါသည် သင့်ကို နှုတ်ယူကယ်တင်ခြင်းငှါ သင့်ဘက်၌ နေမည်။ ၂၁ လူဆိုးလက်မှ သင့်ကိုငါနှုတ်၍၊ ကြောက်မက်ဘွယ်သော သူတို့လက်မှ ရွေးယူမည်ဟုထာဝရဘုရား မိန့်တော်မူ၏။

_________________________
Footnotes

(a) v၁၂ မြန်မာကျမ်းစာအုပ်၌ "သံချင်းတိုက်သောအခါ မြောက်ပြည်သံကို၎င်း၊ သံမဏိကို၎င်း ချိုးနိုင်သလော။" ဟုရေးထားသည်။ “Can anyone smash iron, Iron from the north, or bronze?