၁ တဖန်ထာဝရဘုရား၏ နှုတ်ကပတ်သည် ငါ့ဆီသို့ရောက်လာ၍၊ ၂ အချင်းလူသား၊ သင်သည်အမ္မုန်အမျိုးသားတို့တဖက်၌ မျက်နှာထား၍ ပရောဖက်ပြုလျက်၊ ၃ ဆင့်ဆိုရမည်မှာ၊ အရှင်ထာဝရဘုရား၏ အမိန့်တော်ကို နားထောင်ကြလော့။ အရှင်ထာဝရဘုရား မိန့်တော်မူသည်ကား၊ ရှုတ်ချလျက်ရှိသော ငါ၏သန့်ရှင်းရာဌာနကို၎င်း၊ လူဆိတ်ညံခြင်းသို့ ရောက်သောဣသရေလပြည်ကို၎င်း၊ သိမ်းသွားခြင်းကိုခံရသော ယုဒအမျိုးကို၎င်း၊ အေဟေ့၊ ဟုသင်ဆိုမိသောကြောင့်၊ ၄ သင့်ကိုအရှေ့ပြည်သားတို့အား ငါအပိုင်ပေးမည်။ သူတို့သည်သင်၏အထဲ၌ ဘုံဗိမာန်ကိုတည်ဆောက်၍ နေရာကျလိမ့်မည်။ သင်၏အသီးအနှံကိုစား၍၊ သင်၏နို့ကိုသောက်ကြလိမ့်မည်။ ၅ ရဗ္ဗာမြို့ကို ကုလားအုပ်တင်းကုပ်၊ အမ္မုန်ပြည်ကို သိုးကျက်စားရာငါဖြစ်စေမည်။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်၊၊ [A]၆ သင်သည်ဣသရေလပြည်ကို မနာလိုသောစိတ်အားကြီးလျက်၊ လက်ခုပ်တီးခြင်း၊ ခြေနှင့်ဆောင့်ခြင်းကို ဝမ်းမြောက်စွာ ပြုသောကြောင့်၊ ၇ ငါသည်သင့်ကိုတိုက်၍ လူအမျိုးမျိုးလုယူဘို့ရာအပ်မည်။ လူနေရာ အတိုင်းတိုင်းအပြည်ပြည်ထဲက သင့်ကိုသုတ်သင်ပယ်ရှင်းမည်၊၊ ငါသည်ထာဝရဘုရားဖြစ်ကြောင်းကို သင်သိရလိမ့်မည်၊ [A] ဟုအရှင်ထာဝရဘုရား မိန့်တော်မူ၏။

မောဘပြည်နှင့်ပတ်သက်၍

CROSS REFERENCES

ယေဇ ၆း၁၃

ယေဇ ၁၁း၁၁

၈ တဖန်မောဘပြည်နှင့် စိရမြို့က၊ ယုဒအမျိုးသည် တပါးအမျိုးသားအပေါင်းတို့နှင့်တူသည်၊ ဟုဆိုသောကြောင့်၊ ၉ အရှင်ထာဝရဘုရား မိန့်တော်မူသည်ကား၊ မောဘနံပါး၊ ပြည်စွန်းနားမှာ နိုင်ငံ၏ဘုန်းဖြစ်သော၊ ဗက်ယေရှိမုတ်မြို့၊ ဗာလမောင်မြို့၊ ကိရယသိမ်မြို့တို့ကို ငါလှန်ထားမည်။ ၁၀ ထိုမြို့တို့ကို အမ္မုန်အမျိုးသားတို့နှင့်တကွ အရှေ့ပြည်သားတို့အား အပိုင်ပေးမည်၊၊ အမ္မုန်ပြည်သားတို့ကို တိုင်းနိုင်ငံစုတွင်မမှတ်ရ။ ၁၁ မောဘပြည်ကိုလည်း ငါသည်အပြစ်ဒဏ်စီရင်၍ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည် [A] ဟုအရှင်ထာဝရဘုရား မိန့်တော်မူ၏။

ဧဒုံပြည်နှင့်ပတ်သက်၍

၁၂ တဖန်ဧဒုံပြည်သည် ချင်ရဲပြေစေခြင်းငှါ၊ ယုဒအမျိုးတဘက်၌နေ၍ အလွန်ပြစ်မှားသဖြင့် အပြစ်ဒဏ်စီရင်သောကြောင့်၊ ၁၃ အရှင်ထာဝရဘုရား မိန့်တော်မူသည်ကား၊ ဧဒုံပြည်ကိုငါတိုက်၍ လူနှင့်တိရစ္ဆာန်တို့ကို ပယ်ဖြတ်မည်၊၊ တေမန်မြို့မှစ၍ လူဆိတ်ညံစေမည်။ ဒေဒန်မြို့တိုင်အောင် ဓါးဖြင့်ဆုံးရလိမ့်မည်။ ၁၄ ငါ၏လူ ဣသရေလအမျိုးအားဖြင့်၊ ဧဒုံပြည်ကို ငါ၏ချင်ရဲပြေစေခြင်းငှါ ဒဏ်ပေးမည်။ သူတို့သည် ငါ၏အမျက်အရှိန် အားကြီးသည်အတိုင်း၊ ဧဒုံပြည်ကို ပြုကြလိမ့်မည်။ ငါပေးသော အပြစ်ဒဏ်ကို သိရကြလိမ့်မည်၊ ဟုအရှင်ထာဝရဘုရား မိန့်တော်မူ၏။

ဖိလိတ္တိလူတို့နှင့်ပတ်သက်၍