ယေဇကျေလ အနာဂတ္တိ

အခန်းကြီး ၁၃

ပရောဖက်အတုများ

၁ တဖန်ထာဝရဘုရား၏ နှုတ်ကပတ်တော်သည် ငါဆီသို့ရောက်လာ၍၊ ၂ အချင်းလူသား ကိုယ်အလိုအလျောက် ပရောဖက်ပြု၍ ဟောပြောတတ်သော ဣသရေလအမျိုး ပရောဖက်တို့တဘက်၌ ပြောလော့။ ထာဝရဘုရား၏အမိန့်တော်ကိုနားထောင်ကြလော့၊ ဟုသူတို့အားပြောလော့။ ၃ အရှင်ထာဝရဘုရား မိန့်တော်မူသည်ကား၊ အဘယ်အရာကိုမျှမမြင်ဘဲ၊ ကိုယ်စိတ်အလိုသို့လိုက်တတ်သော ပရောဖက်မိုက်တို့သည် အမင်္ဂလာရှိကြ၏။ ၄ အိုဣသရေလအမျိုး၊ သင်၏ပရောဖက်တို့သည် တော၌နေသော မြေခွေးနှင့်တူကြ၏။ ၅ ဣသရေလအမျိုးသည် ထာဝရဘုရား၏နေ့ရောက်မှ စစ်တိုက်၍ခံနိုင်မည်အကြောင်း၊ သူတို့သည် မြို့ရိုးပျက်အပေါ်သို့တက်၍ ပြုပြင်ခြင်းအမှုကိုမပြုဘဲနေကြ၏။ ၆ အချည်းနှီးသောအရာကိုမြင်ကြပြီ။ ထာဝရဘုရား စေလွှတ်တော်မမူဘဲ၊ ထာဝရဘုရားမိန့်တော်မူသည် ဟုဆိုလျက်၊ လှည့်စား၍ပရောဖက်ပြုကြပြီ။ ကိုယ်စကားပြည့်စုံမည်၊ ဟုသူတပါးယုံစေခြင်းငှါ ပြုကြပြီ။ ၇ ငါမပြောဘဲ ထာဝရဘုရားမိန့်တော်မူသည်၊ ဟုသင်တို့ဆိုလျက် အချည်းနှီးသောအရာကို မြင်ကြပြီမဟုတ်လော။ လှည့်စား၍ ပရောဖက်ပြုကြပြီ မဟုတ်လော။

ပရောဖက်တို့ကိုတရားစီရင်မည်

CROSS REFERENCES

ယေဇ ၆း၁၃
၁၃ ရုပ်တုဆင်းတု အပေါင်းတို့အား နံ့သာပေါင်းကို ပူဇော်ရာအရပ်၊ ယဇ်ပလ္လင်များပတ်လည်၊ မြင့်သောကုန်း၊ တောင်ထိပ်ရှိသမျှတို့အပေါ် စိမ်းသောသစ်ပင်၊ အရိပ်ကောင်းသော သပိတ်ပင်ရှိသမျှတို့အောက်၌၊ ရုပ်တုဆင်းတုတို့တွင် သူရဲတို့သည်လည်း သေလျက်ရှိကြသောအခါ၊ ငါသည်ထာဝရဘုရားဖြစ်ကြောင်းကို သိရကြလိမ့်မည်။

ယေဇ ၁၁း၁၁
၁၁ ဤမြို့သည်သင်တို့၏အိုးကင်းမဖြစ်ရ၊ သင်တို့သည်လည်းအိုးကင်း၌ အမဲသား မဖြစ်ရကြ။ ဣသရေလပြည်စွန်းမှာငါစစ်ကြောစီရင်သဖြင့်၊ ငါသည်ထာဝရဘုရားဖြစ်ကြောင်းကိုသင်တို့သိရကြလိမ့်မည်။

ယေဇ ၁၂း၁၅
၁၅ လူအမျိုးမျိုးတို့တွင်ကွဲပြားစေ၍၊ အတိုင်းတိုင်းအပြည်ပြည်သို့ဖြန့်ကြဲသောအခါ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။

ယေဇ ၁၂း၂၀
၂၀ လူနေသောမြို့တို့သည်လည်းပျက်စီး၍တပြည်လုံးဆိတ်ညံ့လျက်ရှိရလိမ့်မည်။ ငါသည်ထာဝရဘုရားဖြစ်ကြောင်းကိုသင်တို့သိရကြလိမ့်မည် ဟုမိန့်တော်မူ၏။

ယေဇ ၁၃း၉
၉ အချည်းနှီးသောအရာကိုမြင်၍၊ မုသာစကားကို ဟောပြောတတ်သောပရောဖက်တို့ကို ငါဆီးတားသဖြင့်၊ သူတို့သည် ငါ၏ပရိသတ်စည်းဝေးရာသို့ မဝင်ရကြ။ ဣသရေလအမျိုး၏ စာရင်း၌ သူတို့အမည်ကို မသွင်းရ။ ဣသရေလပြည်၌ နေရာမချရ။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်။

ယေဇ ၁၃း၁၄
၁၄ ထိုသို့သင်တို့သည် အင်္ဂတေနှင့်မွမ်းမံသော အုတ်ရိုးကိုမြေတိုင်အောင် ငါဖြိုချ၍၊ အမြစ်ကိုလှန်သဖြင့်၊ အုတ်ရိုးသည်လဲ၍ ဖိမိလျက်၊ သင်တို့သည် အသက်ဆုံးကြလိမ့်မည်။ ငါသည်ထာဝရဘုရားဖြစ်ကြောင်းကို ထိုအခါသိရကြလိမ့်မည်။

ယေဇ ၁၃း၂၃
၂၃ နောက်တဖန်သင်တို့သည်အချည်းနှီးသောအရာကို မမြင်ရကြ။ ပရောဖက်ပြု၍ မဟောရကြ။ ငါ၏လူတို့ကို သင်တို့လက်မှ ငါကယ်နှုတ်မည်။ ငါသည် ထာဝရဘုရားဖြစ်ကြောင်းကို သင်တို့သိရကြလိမ့်မည်၊ ဟုမိန့်တော်မူ၏။

ယေဇ ၁၄း၈
၈ ထိုသူတဘက်၌ ငါသည်မျက်နှာထား၍သူ့ကိုနိမိတ်ဖြစ်စေမည်။ စကားပုံလည်းဖြစ်စေမည်။ ထိုသူကိုငါ့၏လူထဲမှပယ်ရှားမည်။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်။

ယေဇ ၁၆း၆၂
၆၂ ထိုအခါငါ၏ပဋိညာဉ်ကိုသင်နှင့်ငါဖွဲ့မည်။ ငါသည်ထာဝရဘုရားဖြစ်ကြောင်းကို သင်သိရလိမ့်မည်။

ယေဇ ၂၂း၁၆
၁၆ လူအမျိုးမျိုးတို့ရှေ့မှာ၊ သင်သည်ကိုယ်တိုင်အသရေရှုတ်ချခြင်းကိုခံရ၍၊ ငါသည်ထာဝရဘုရားဖြစ်ကြောင်းကိုသိရလိမ့်မည် ဟုအရှင်ထာဝရဘုရားမိန့်တော်မူ၏။

ယေဇ ၂၄း၂၇
၂၇ ထိုအခါလွတ်သောသူနှင့်တွေ့သဖြင့်သင်၏နှုတ်ပွင့်လိမ့်မည်။ စကားမပြောဘဲနေချိန်လွန်၍ ဟောပြောရလိမ့်မည်။ ထိုသို့သင်သည်သူတို့အားပုပ္ပနိမိတ်ဖြစ်၍ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်ဟုမိန့်တော်မူ၏။

ယေဇ ၂၅း၇
၇ ငါသည်သင့်ကိုတိုက်၍ လူအမျိုးမျိုးလုယူဘို့ရာအပ်မည်။ လူနေရာ အတိုင်းတိုင်းအပြည်ပြည်ထဲက သင့်ကိုသုတ်သင်ပယ်ရှင်းမည်။ ငါသည်ထာဝရဘုရားဖြစ်ကြောင်းကို သင်သိရလိမ့်မည်၊ ဟုအရှင်ထာဝရဘုရား မိန့်တော်မူ၏။ sမောဘပြည်နှင့်ပတ်သက်၍

ယေဇ ၂၅း၁၁
၁၁ မောဘပြည်ကိုလည်း ငါသည်အပြစ်ဒဏ်စီရင်၍ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည် ဟုအရှင်ထာဝရဘုရား မိန့်တော်မူ၏။ sဧဒုံပြည်နှင့်ပတ်သက်၍

ယေဇ ၂၅း၁၇
၁၇ ပြင်းစွာသောဆုံးမခြင်းနှင့်တကွ ကြီးစွာသော အပြစ်ဒဏ်ကိုပေးမည်။ ထိုသို့ငါ၏ချင်ရဲပြေစေခြင်းငှါ ဒဏ်ပေးသောအခါ၊ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။ ဟုအရှင်ထာဝရဘုရား မိန့်တော်မူ၏။

ယေဇ ၂၆း၆
၆ လယ်ပြင်၌ရှိသော သတို့သမီးသည် ဓါးဖြင့်သေ၍၊ ငါသည်ထာဝရဘုရားဖြစ်ကြောင်းကို သိရကြလိမ့်မည် ဟုမိန့်တော်မူ၏။

ယေဇ ၂၉း၆
၆ ငါသည်ထာဝရဘုရားဖြစ်ကြောင်းကို အဲဂုတ္တုပြည်သားအပေါင်းတို့သည် သိရကြလိမ့်မည်။ အကြောင်းမူကား၊ သင်သည်ဣသရေလ အမျိုး၌ ကျူတောင်ဝှေးဖြစ်လေပြီ။

ယေဇ ၂၉း၉
၉ အဲဂုတ္တုပြည်သည်လူဆိတ်ညံလျက်၊ ပျက်စီးလျက်ရှိသောအခါ၊ ငါသည်ထာဝရဘုရားဖြစ်ကြောင်းကိုသိရလိမ့်မည်။ သင်ကငါ့မြစ်ကိုငါပိုင်၏။ ငါဖန်ဆင်းပြီဟုဆိုမိသောကြောင့်၊

ယေဇ ၂၉း၁၆
၁၆ ဣသရေလအမျိုးသားတို့သည်ထိုပြည်သားတို့ကိုမြော်လင့်၍၊ မိမိတို့အပြစ်ကိုငါအောက်မေ့စေသဖြင့်၊ နောက်တဖန်ထိုပြည်သည်သူတို့ခိုလှုံရာမဖြစ်ရာ။ ငါသည်ထာဝရဘုရားဖြစ်ကြောင်းကိုသိရကြလိမ့်မည် ဟုမိန့်တော်မူ၏။ sဗာဗုလုန်စစ်သူရဲများအားတုရုမြို့သိမ်းခအဲဂုတ္တုကိုပေးမည်

ယေဇ ၂၉း၂၁
၂၁ ထိုကာလ၌ ဣသရေလအမျိုး၏ချိုကိုငါပေါက်စေ၍၊ သူတို့အထဲမှာသင်ဟောပြောရသောအခွင့်ကိုငါပေးမည်။ ငါသည်ထာဝရဘုရားဖြစ်ကြောင်းကိုသူတို့သိရကြလိမ့်မည် ဟုမိန့်တော်မူ၏။

ယေဇ ၃၀း၈
၈ ငါသည်အဲဂုတ္တုပြည်၌ မီးညှိ၍ထိုပြည်ကို မစသမျှသောသူတို့သည် ပျက်စီးကြသောအခါ၊ ငါသည်ထာဝရဘုရား ဖြစ်ကြောင်းကို သိရကြလိမ့်မည်။

ယေဇ ၃၀း၁၉
၁၉ ထိုသို့အဲဂုတ္တုပြည်၌ ငါသည်အပြစ်ဒဏ်စီရင်၍ ထာဝရဘုရားဖြစ်ကြောင်းကို သူတို့သိရကြလိမ့်မည် ဟုမိန့်တော်မူ၏။

ယေဇ ၃၀း၂၅
၂၅ ဗာဗုလုန် ရှင်ဘုရင်၏ လက်ရုံးတို့ကို ငါခိုင်မာစေမည်၊ ဖာရောဘုရင်၏ လက်မူကား၊ အောက်သို့ကျလိမ့်မည်။ ငါ့ဓါးကိုဗာဗုလုန်ရှင်ဘုရင်၏လက်၌ ငါအပ်၍၊ သူသည်အဲဂုတ္တုပြည်ကို ထိုဓါးနှင့်ခုတ်သောအခါ၊ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။

ယေဇ ၃၃း၂၉
၂၉ ပြည်သားတို့သည် ပြုမိသောစက်ဆုပ်ဘွယ် အမှုအလုံးစုံတို့ကြောင့်၊ ထိုပြည်ကိုငါသုတ်သင်ပယ်ရှားသောအခါ၊ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။ sနှုတ်နှင့်ကောင်းမွန်စွာပြောသော်လည်း စိတ်ကလောကစွဲလမ်း

ယေဇ ၃၅း၁၅
၁၅ ဣသရေလ အမျိုးသားတို့အမွေပျက်စီးသည်ကို သင်သည်ဝမ်းမြောက်သောကြောင့်၊ ထို့အတူသင်၌ ငါပြုမည်။ အိုစိရတောင်၊ သင်နှင့်တကွ ဧဒုံပြည်သည် အကုန်အစင်ပျက်စီး၍၊ ငါသည်ထာဝရဘုရားဖြစ်ကြောင်းကို သိရကြလိမ့်မည် ဟုမိန့်တော်မူ၏။

ယေဇ ၃၆း၃၈
၃၈ ပျက်စီးသောမြို့တို့သည်သန့်ရှင်းသောသိုးစုတည်းဟူသော၊ ဓမ္မပွဲခံချိန်တွင်ယေရုရှလင် သိုးစုကဲ့သို့သောလူစုတို့နှင့်ပြည့်စုံ၍၊ ငါသည်ထာဝရဘုရားဖြစ်ကြောင်းကို သိရကြလိမ့်မည် ဟုမိန့်တော်မူ၏။

CROSS REFERENCES

၈ ထိုကြောင့်အရှင်ထာဝရဘုရား၊ မိန့်တော်မူသည်ကား၊ သင်တို့သည် အချည်းနှီးသောစကားကို ပြော၍၊ မုသာရူပါရုံကိုမြင်သောကြောင့်၊ ငါသည်သင်တို့တဘက်၌နေ၏။ ၉ အချည်းနှီးသောအရာကိုမြင်၍၊ မုသာစကားကို ဟောပြောတတ်သောပရောဖက်တို့ကို ငါဆီးတားသဖြင့်၊ သူတို့သည် ငါ၏ပရိသတ်စည်းဝေးရာသို့ မဝင်ရကြ။ ဣသရေလအမျိုး၏ စာရင်း၌ သူတို့အမည်ကို မသွင်းရ။ ဣသရေလပြည်၌ နေရာမချရ။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်။ [A] ၁၀ ငြိမ်သက်ခြင်း မရှိသော်လည်း၊ ငြိမ်သက်ခြင်းရှိသည် ဟုသင်တို့ဆိုလျက်၊ ငါ၏လူတို့ကို လှည့်စားသောကြောင့်၎င်း၊ တယောက်ကား အုတ်ရိုးကို တည်လျက်၊ တယောက်ကား အင်္ဂတေနှင့်မွမ်းမံလျက် ပြုသောကြောင့်၎င်း၊ ၁၁ ထိုအုတ်ရိုးသည်ပြိုလဲမည်၊ ဟုအင်္ဂတေနှင့် မွမ်းမံသောသူတို့အားပြောလော့။ မိုးရေလွှမ်းမိုးလိမ့်မည်။ ကြီးစွာသောမိုးသီးကျလိမ့်မည်။ မိုးသက်မုန်တိုင်း တိုက်ဖျက်လိမ့်မည်။ ၁၂ ထိုအုတ်ရိုးသည် ပြိုလဲပြီးမှ သင်တို့မွမ်းမံသောအင်္ဂတေသည် အဘယ်မှာရှိသနည်း၊ ဟုသင်တို့အား သူတပါးမေးလိမ့်မည်မဟုတ်လော။ ၁၃ ထိုကြောင့်အရှင်ထာဝရဘုရား မိန့်တော်မူသည်ကား၊ ငါသည်အမျက်ထွက်၍၊ သင်တို့အုတ်ရိုးကို မိုးသက်မုန်တိုင်းအားဖြင့် တိုက်ဖျက်မည်။ ငါ၏ဒေါသအရှိန်ကြောင့် မိုးရေလွှမ်းမိုး၍၊ ကြီးစွာသောမိုးသီးနှင့် ဆုံးစေမည်။ ၁၄ ထိုသို့သင်တို့သည် အင်္ဂတေနှင့်မွမ်းမံသော အုတ်ရိုးကိုမြေတိုင်အောင် ငါဖြိုချ၍၊ အမြစ်ကိုလှန်သဖြင့်၊ အုတ်ရိုးသည်လဲ၍ ဖိမိလျက်၊ သင်တို့သည် အသက်ဆုံးကြလိမ့်မည်။ ငါသည်ထာဝရဘုရားဖြစ်ကြောင်းကို ထိုအခါသိရကြလိမ့်မည်။ [A] ၁၅ ထိုသို့အုတ်ရိုး၌၎င်း၊ အင်္ဂတေနှင့်မွမ်းမံသောသူတို့၌၎င်း၊ ငါသည်ကိုယ်အမျက်ကိုဖြေမည်။ အုတ်ရိုးမရှိဟူ၍၎င်း၊ အင်္ဂတေနှင့်မွမ်းမံသော သူတည်းဟူသော၊ ၁၆ ငြိမ်သက်ခြင်းမရှိသောအခါ ယေရုရှလင်မြို့အဘို့ ငြိမ်သက်ခြင်းရူပါရုံကိုမြင်၍ ဟောပြောသောဣသရေလ ပရောဖက်များမရှိကြဟူ၍၎င်း၊ သူတို့အား ငါပြောမည်ဟုအရှင်ထာဝရဘုရားမိန့်တော်မူ၏။

ပရောဖက်မိန်းမများ

၁၇ ထိုမှတပါး၊ အချင်းလူသား၊ ကိုယ်အလိုအလျောက် ပရောဖက်ပြုသော သင်၏အမျိုးသမီးတို့တဘက်၌ မျက်နှာပြု၍၊ ၁၈ အရှင်ထာဝရဘုရား၏ အမိန့်တော်ကို ဟောပြောဆင့်ဆိုရမည်မှာ၊ အသက်ဝိညာဉ်တို့ကို ဖမ်းခြင်းငှါ ခပ်သိမ်းသောသူတို့၏ နံပါး၌ခေါင်းအုံးကိုထည့်၍၊ လူအကြီးအငယ်တို့ခေါင်းပေါ်မှာ ဦးထုတ်တို့ကိုတင်ထားသော မိန်းမတို့သည် အမင်္ဂလာရှိကြ၏။ ငါ့လူတို့၏ အသက်ဝိညာဉ်ကိုဖမ်း၍၊ ကိုယ်အသက်ဝိညာဉ်ကို သေခြင်းမှကယ်ချွတ်ကြလိမ့်မည်လော။ ၁၉ မုယောဆန်တလက်ဆွန်းနှင့် မုန့်တဖဲ့ကိုရအံ့သောငှါ ငါ၏လူတို့တွင် င့ါကိုရှုတ်ချကြလိမ့်မည်လော။ မုသာစကားကိုနားထောင်တတ်သော ငါ၏လူတို့အား မုသာစကားကိုပြောသောအားဖြင့်၊ မသေအပ်သောသူတို့၏ အသက်ကိုသတ်၍၊ မရှင်အပ်သောသူတို့ကို အသက်ချမ်းသာပေးကြလိမ့်မည်လော။

သင်တို့ဖမ်းသောဝိညာဉ်တို့ကို ကယ်နှုတ်မည်

CROSS REFERENCES

၂၀ ထိုကြောင့်အရှင်ထာဝရဘုရား မိန့်တော်မူသည်ကား၊ သင်တို့သည် အသက်ဝိညာဉ်တို့ကို ရအောင်ဖမ်းလျက်၊ သုံးတတ်သော ခေါင်းအုံးတို့ကို ငါသည်ရန်ဘက်ပြု၍ သင်တို့နံပါးမှဆွဲနှုတ်ပြီးလျှင်၊ သင်တို့ရအောင် ဖမ်းသောအသက် ဝိညာဉ်တို့ကို ငါလွှတ်မည်။ ၂၁ သင်တို့ဦးထုတ်တို့ကိုလည်း ငါဆုတ်၍၊ ငါ၏လူတို့ကိုသင်တို့လက်မှ ကယ်နှုတ်မည်။ နောက်တဖန်သူတို့သည် အဖမ်းခံ၍၊ သင်တို့လက်သို့မရောက်ရကြ။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်။ ၂၂ ငါမညှိုးငယ်စေသောလူကောင်းတို့ကို သင်တို့သည်မုသာစကားအားဖြင့် ညိုးငယ်စေခြင်းကြောင့်၎င်း၊ လူဆိုးတို့သည် ဆိုးသောလမ်းကိုမရှောင်စေခြင်းငှါ၊ အသက်ချမ်းသာပေး၍၊ သူတို့ကိုခိုင်မာစေသောကြောင့်၎င်း၊ ၂၃ နောက်တဖန်သင်တို့သည်အချည်းနှီးသောအရာကို မမြင်ရကြ။ ပရောဖက်ပြု၍ မဟောရကြ။ ငါ၏လူတို့ကို သင်တို့လက်မှ ငါကယ်နှုတ်မည်။ ငါသည် ထာဝရဘုရားဖြစ်ကြောင်းကို သင်တို့သိရကြလိမ့်မည်၊ [A] ဟုမိန့်တော်မူ၏။