၁ တဖန်ထာဝရဘုရား၏နှုတ်ကပတ်တော်သည် ငါ့ဆီသို့ရောက်လာ၍၊ ၂ အချင်းလူသားယေရုရှလင်မြို့သည် မိမိ၌ စက်ဆုပ်ရွံရှာဘွယ်သောအမှုအရာတို့ကို သိမည်အကြောင်းပြုလော့။ ၃ ထာဝရဘုရားသည် ယေရုရှလင်မြို့အားမိန့်တော်မူသောစကားကို သင်ဆင့်ဆိုရမည်မှာ၊ [A] သင်၏မူလ၊ သင်၏မွေးဖွားရာဌာနသည် ခါနာန်ပြည်၌ရှိ၏။ သင်၏အဘသည်အမောရိလူ၊ သင်၏အမိသည်ဟိတ္တိအမျိုးဖြစ်၏။ [B] ၄ သင့်ကိုဖွားခြင်းအကြောင်းအရာဟူမူကား၊ ဖွားသောနေ့၌ ချက်ကြိုးကိုမဖြတ်၊ သန့်ရှင်းစေခြင်းငှါရေမချိုး၊ ဆားနှင့်မလူး၊ အဝတ်နှင့်မပတ်ရစ်၊ [C] ၅ ကရုဏာစိတ်နှင့်ထိုသို့ပြုစုခြင်းငှါ၊ သင့်ကိုမြင်၍ အဘယ်သူမျှမသနား၊ ဖွားသောနေ့၌သင်သည်၊ ကိုယ်ကိုရွံရှာရသည်တိုင်အောင် လယ်ပြင်၌ ပစ်ထားခြင်းကိုခံရ၏။ ၆ ငါသည်လျှောက်သွား၍၊ အသွေးနှင့်လူးလျက်ရှိသော သင့်ကိုမြင်သောအခါ၊ အသက်ရှင်လော့၊ ဟုသင်သည်အသွေး၌ ရှိစဉ်ငါဆို၏။ ၇ မြက်ပင်ကဲ့သို့ငါကြီးပွားစေသဖြင့်၊ [D](a) သင်သည်အစဉ်အတိုင်းကြီး၍၊ လှသောအဆင်းနှင့်ပြည့်စုံ၏။ ရင်သားထ၍ကိုယ်၌လည်း အမွေးပေါက်၏။ အရင်ကအဝတ်မရှိ၊ အချည်းစည်းနေရ၏။

ဘုရားသခင်ကဣသရေလကိုလက်ထပ်

CROSS REFERENCES

ကမ္ဘာ ၂း၂၅

ကမ္ဘာ ၃းရ

ကမ္ဘာ ၂း၂၅
၂၅ ထိုသူလင်မယား နှစ်ဦးတို့သည်၊ အဝတ်မဝတ်ဘဲနေ၍၊ ရှက်ကြောက်ခြင်းနှင့် %fo(a) ကင်းလွတ်ကြ၏။ %ln

ကမ္ဘာ ၃းရ
၇ ထိုသူနှစ်ယောက်တို့သည် မျက်စိပွင့်လင်း၍၊ မိမိတို့၌အဝတ်အချည်းစည်း ရှိသည်ကိုသိမြင်လျှင်၊မိမိတို့ဝတ်ရန်ဖို့ သင်္ဘောသဖန်းပင် အရွက်တို့ကို ချုပ်စပ်၍ ခါးစည်းကိုလုပ်ကြ၏။ s လူလင်မယားထံဘုရားရှင်လာ

ကမ္ဘာ ၉း၂၀-၂၂
၂၀ နောဧသည် လယ်လုပ်သော အတတ်ကိုပြုစု၍၊ စပျစ်ဥယျာဉ်ကို စိုက်လေ၏။

တရားဟော ၂၈း၄၈
၄၈ ထာဝရဘုရား စေလွှတ်တော်မူသော ရန်သူ၏ အမှုကို သင်သည် မွတ်သိပ်ခြင်း၊ ရေငတ်ခြင်း၊ အဝတ်အချည်းစည်းရှိခြင်းနှင့်တကွ၊ အရာရာ၌ ဆင်းရဲစွာ ဆောင်ရွက်ရလိမ့်မည်။ သင်သည် မပျက်စီးမှီ တိုင်အောင် သင့်လည်ပင်း၌ သံထမ်းပိုးကို တင်ထားတော်မူမည်။

ရုသ ၃း၉
၉ သင်သည် အဘယ်သူနည်း၊ ဟုမေးလျှင်၊ ကျွန်မသည် ကိုယ်တော်၏ကျွန်မ ရုသဖြစ်ပါ၏။ ကိုယ်တော်သည် ရွေးပိုင်သော အမျိုးသားချင်း ဖြစ်သောကြောင့်၊ ကိုယ်တော်၏ ကျွန်မကို အဝတ်တော်စွန်းနှင့် ဖုံးပါတော့၊ ဟုဆိုသော်၊

၂ ဓမ္မ ၆း၂၀
၂၀ ထိုနောက် ဒါဝိဒ်သည် နန်းတော်သားတို့ကို ကောင်းကြီးပေးခြင်းငှာ သွား၍ ရောက်သောအခါ၊ ရှောလု၏သမီး မိခါလသည် ဆီး၍ ကြိုလျက်၊ လျှပ်ပေါ်သောသူသည် အရှက်မရှိဘဲ ကိုယ်အဝတ်ကို ချွတ်သကဲ့သို့၊ ယနေ့ ကျွန်ယောကျ်ား ကျွန်မိန်းမများရှေ့တွင် အဝတ်တော်ကို ချွတ်သော ဣသရေလ ရှင်ဘုရင်သည်၊ ယနေ့ အဘယ်မျှလောက် ဘုန်းကြီး တော်မူပါသည်တကား၊ ဟုဆို၏။

ယောဘ ၁း၂၀-၂၁
၂၀ ထိုအခါ ယောဘသည် ထ၍၊ မိမိဝတ်လုံကို ဆုတ်လေ၏။ ဆံပင်ကိုလည်းရိတ်၍ မြေပေါ်မှာဝပ်လျက်ကိုးကွယ်ပြီးလျှင်၊ ငါသည်အဝတ်မပါဘဲ အမိဝမ်းထဲကထွက်လာ၏။

ယောဘ ၂၄းရ
၇ ချမ်းသောကာလ၌ ကိုယ်ကို ဖုံးလွှမ်းစရာအဝတ်မရှိ။ အချည်းစည်း အိပ်ရကြ၏။

ဟေရှာယ ၂၀း၂-၄
၂ ထာဝရဘုရားက၊ သင်သည်သွား၍ ခါးစည်းသော လျှော်တေအဝတ်နှင့် ခြေနင်းကို ချွတ်လော့ ဟုအာမုတ်သား ဟေရှာယကို မိန့်တော်မူသည်အတိုင်း၊ သူသည်ပြု၍ အဝတ်ကိုမဝတ်၊ ခြေနင်းကို မစီးဘဲ သွားလာလျက်နေ၏။

ဟေရှာယ ၄ရး၃
၃ သင်သည် အဝတ်အချည်းစည်းရှိ၍၊ အရှက်ကွဲခြင်းကိုခံရမည်။ ငါသည် အပြစ်ဒဏ်ကိုပေးမည်။ အဘယ်သူနှင့်မျှ မိဿဟာယမဖွဲ့။%fo(a)

ယေရမိမြည် ၁း၈
၈ ယေရုရှလင်မြို့ ပြစ်မှားသောအပြစ်သည် အလွန်များသောကြောင့်၊ ရွံရှာဖွယ်ဖြစ်လေ၏။ သူ့ကိုရိုသေဘူးသောသူ အပေါင်းတို့သည် သူ၌အချည်းစည်းရှိခြင်းကို မြင်သောကြောင့် မထီမဲ့မြင်ပြုကြ၏။ သူသည်လည်း ညည်းတွား၍ နောက်သို့ ပြန်သွားလေ၏။

ယေဇ ၁၆း၈
၈ တဖန်ငါသည်လျှောက်သွား၍ သင့်ကိုမြင်သောအခါ၊ သင်၌ချစ်လိုဘွယ်သောအချိန် အရွယ်ရှိသောကြောင့်၊ ငါသည်ကိုယ်အဝတ်စွန်းကိုဖြန့်၍၊ သင်၌အချည်းစည်းရှိခြင်းကိုဖုံးအုပ်၏။ ကျိန်ဆိုခြင်းပြု၍သင်နှင့်ပဋိညာဉ်ဖွဲ့သဖြင့်၊ သင်သည်ငါ၏ခင်ပွန်းဖြစ်လေ၏။%fo(b)

ယေဇ ၁၆း၃၆
၃၆ အရှင်ထာဝရဘုရား မိန့်တော်မူသည်ကား၊ သင်၏ရည်းစားများ၊ စက်ဆုပ်ရွံ့ရှာဘွယ်သော ရုပ်တုအပေါင်းတို့နှင့် မှားယွင်းခြင်းအားဖြင့်၎င်း၊ သူတို့အားပေးသော သားသမီးတို့၏အသွေးအားဖြင့်၎င်း၊ သင်သည်ကိုယ်ရှက်ကြောက်ခြင်း၊ အဝတ်အချည်းစည်းရှိခြင်းကိုထင်ရှားစွာဖေါ်ပြသောကြောင့်၊

ယေဇ ၂၃း၁၈
၁၈ ထိုသို့မတရားသောမေထုန်ကိုပြုခြင်း၊ အဝတ်အချည်းစည်းရှိခြင်း ကိုထင်ရှားဖော်ပြသောကြောင့်၊ ငါသည်သူ့အစ်မကို ရွံရှာသကဲ့သို့၊ သူ့ကိုလည်းရွံရှာ၏။

ဟောရှေ ၂း၉-၁၀
၉ သို့ဖြစ်၍၊ စပါးရိတ်ရာကာလ၌ ငါ့စပါးကို၎င်း၊ စပျစ်ရည်လုပ်ရာကာလ၌ ငါ့စပျစ်ရည်ကို၎င်း၊ သူ၏ကိုယ်ကိုဖုံးလွှမ်းစရာ ငါ့သိုးမွေးနှင့်ပိုက်ဆန်ကို၎င်း၊ ငါသိမ်းယူမည်။

မိက္ခာ ၁း၈
၈ ထိုအမှုကြောင့် ငါသည် ငိုကြွေးမြည်တမ်းမည်။ အဝတ်ကိုချွတ်၍ အချည်းစည်းလည်သွားမည်။ မြေခွေးကဲ့သို့အူလျက်၊ ကုလားအုပ်ငှက်ကဲ့သို့ မြည်လျက်နေမည်။

နာဟုန် ၃း၅
၅ ထိုအမှုသည် ယာကုပ်လွန်ကျူး၍၊ ဣသရေလအမျိုး ပြစ်မှားသောကြောင့် ရောက်သတည်း။ ယာကုပ်လွန်ကျူးရာ ကားအဘယ်သို့နည်း။ ရှမာရိမြို့မဟုတ်လော။ ယုဒ၏ မြင့်ရာအရပ်ကား အဘယ်မှာရှိသနည်း။ ယေရုရှလင်မြို့၌ ရှိသည်မဟုတ်လော။

ဟဗက္ကုတ် ၂း၁၅
၁၅ မိမိအိမ်နီးချင်း၌ အဝတ်အချည်းစည်းရှိခြင်းကိုမြင်လို၍၊ သူ့ကိုယစ်မူးစေခြင်းငှါ သေရည်သေရက်ကို လောင်း၍သောက်စေသောသူသည်အမင်္ဂလာရှိ၏။

မဿဲ ၂၅း၃၆
၃၆ ငါသည် အဝတ်အချည်းစည်း ရှိသောအခါ၊ သင်တို့သည် အဝတ်နှင့် ဖုံးလွှမ်းကြ၏။ ငါသည် အနာရောဂါ စွဲသောအခါ၊ သင်တို့သည် ကြည့်ရှုပြုစုကြ၏။ ငါသည် ထောင်ထဲမှာ နေရသောအခါ၊ သင်တို့သည် ငါ့ထံသို့ လာကြ၏၊ ဟုမိန့်တော်မူလျှင်၊

ယာကုပ် ၂း၁၅-၁၆
၁၅ ညီအစ်ကိုနှမတို့သည် အဝတ်အချည်းစည်းရှိ၍၊ နေ့တိုင်းစားရသောအစာမရှိသောအခါ၊

မာကု ၅း၁၅
၁၅ အထံတော်သို့ ရောက်သောအခါ၊ နတ်ဆိုး လေဂေါင်စွဲသောသူသည် အဝတ်ကိုဝတ်၍ ပကတိစိတ်နှင့် ထိုင်နေသည်ကို မြင်လျှင်၊ ကြောက်ရွံ့ခြင်းသို့ ရောက်ကြ၏။

ရော ၈း၃၆
၃၆ အကယ်စင်စစ် ကိုယ်တော်အတွက် အကျွန်ုပ်တို့သည်၊ အစဉ်မပြတ် အသေသတ်ခြင်းကို ခံရကြပါ၏။ သတ်ဖို့ရာ ထားသော သိုးကဲ့သို့၊ အကျွန်ုပ်တို့ကို သူတပါး မှတ်တတ်ကြပါ၏။ ဟုကျမ်းစာလာသည် နှင့်အညီ၊ ဆင်းရဲငြိုငြင်ခြင်း၊ ညှဉ်းဆဲနှိပ်စက်ခြင်း၊ မွတ်သိပ်ခြင်း၊ အဝတ်အချည်းစည်းရှိခြင်း၊ ဘေးနှင့်တွေ့ကြုံခြင်း၊ ကွပ်မျက်ခြင်းကို ခံရသော်လည်း၊ ထိုအမှုတို့တွင် အဘယ်အမှုသည်၊ ခရစ်တော်၏ ချစ်ခြင်း မေတ္တာတော်နှင့်၊ ငါတို့ကို ကွာစေမည်နည်း။

ဗျာ ၃း၁ရ-၁၈
၁၇ သင်ကလည်း၊ ငါသည် ဥစ္စာရတတ်၏။ ဘဏ္ဍာများကိုဆည်းဖူးပြီ။ တစုံတခုကိုမျှ မလိုဟုပြောဆို၍၊ ကိုယ်တိုင်ပင်ပန်းခြင်း၊ သနားဘွယ်ဖြစ်ခြင်း၊ ဆင်းရဲခြင်း၊ မျက်စိကန်းခြင်း၊ အဝတ်အချည်းစည်း ရှိခြင်းဖြစ်သည်ကို၊ မသိပါတကား။

ဗျာ ၁၆း၁၆
၁၆ အသံတော်ကား သူခိုးကဲ့သို့ ငါလာ၏။ အဝတ် အချည်းစည်းနှင့် သွားလာ၍၊ သူတပါးရှေ့၌ ရှက်စရာအကြောင်းမရှိ စေခြင်းငှာ နိုးလျက်နေ၍၊ ကိုယ်အဝတ်ကို စောင့်သောသူသည် မင်္ဂလာရှိ၏။ s သတ္တမဖလား အလွန်ပြင်းထန်သောမြေလှုပ်

CROSS REFERENCES

ထွက် ၂၄း၃-၈
၃ မောရှေသည်လည်း လူများတို့ရှိရာသို့ လာ၍၊ ထာဝရဘုရား၏ စကားတော် အလုံးစုံကို၎င်း၊ စီရင်တော်မူချက် အလုံးစုံကို၎င်း ပြန်ကြား၍၊ လူများအပေါင်းကလည်း၊ ထာဝရဘုရား မိန့်တော်မူသမျှအတိုင်း၊ အကျွန်ုပ်တို့ ပြုပါမည် ဟုတသံတည်း ပြန်ပြောကြ၏။

ဟေရှာယ ၅၄း၅
၅ အကြောင်းမူကား၊ သင့်ကို ဖန်ဆင်းသောသူသည် သင်၏လင်ဖြစ်တော်မူ၏။ နာမတော်ကား၊ ကောင်းကင် ဗိုလ်ခြေ အရှင်ထာဝရဘုရားတည်း။ သင့်ကိုရွေးချယ်သောသူသည် ဣသရေလ အမျိုး၌ သန့်ရှင်းသော ဘုရားဖြစ်တော်မူသည်။ မြေကြီးတပြင်လုံးကို အစိုးရသော ဘုရားဟူ၍ ခေါ်ရကြ၏။

ယေရမိအ ၂း၁-၂
၁ တဖန်ထာဝရဘုရား၏ နှုတ်ကပတ်တော်သည် ငါ့ဆီသို့ရောက်၍၊ သင်သည် ယေရုရှလင်မြို့သို့သွားပြီးလျှင်၊

ယေရမိအ ၃း၁၄
၁၄ အိုဖောက်ပြန်သော သူငယ်တို့၊ ပြန်လာကြလော့ဟု ထာဝရဘုရား မိန့်တော်မူ၏။ ငါသည် သင်၏ လင်ဖြစ်သော်လည်း၊%fo(a) သင်တို့မြို့များထဲက တမြို့လျှင် လူတယောက်၊ အမျိုးသားချင်းအစုစုထဲက တစုလျှင် လူနှစ်ယောက်ကိုရွေးယူ၍ ဇိအုန်မြို့သို့ ပို့ဆောင်မည်။

ယေရမိအ ၃၁း၃၂
၃၂ ငါသည် သူတို့၏လင် ဖြစ်ဘူးသော်လည်း %fo(b)အရင်ငါပေးဘူးသော ပဋိညာဉ်တရားကို သူတို့သည် ဖျက်၍၊ ငါသည်လည်း သူတို့ကို ရွံရှာ၏။

ယေဇ ၂၃း၄
၄ အစ်မကား၊ အဟောလ၊ ညီမကားအဟောလိဗအမည်ရှိ၏။ ထိုသူနှစ်ယောက်တို့သည် ငါ၏ခင်ပွန်းဖြစ်၍ သားသမီးတို့ကိုဖွားမြင်ကြ၏။ အဟောလအမည်သည် ရှမာရိဟူ၍၎င်း၊ အဟောလိဗ အမည်သည် ယေရုရှလင်ဟူ၍၎င်း၊ ဆိုလိုသတည်း။ sအဟောလကိုသူ့ရည်းစားအာရှုရိထံအပ်

CROSS REFERENCES

ကမ္ဘာ ၂၄း၂၂
၂၂ ကုလားအုပ်များကို ရေသောက်စေပြီးနောက်၊ ယောက်ျားသည် အချိန်ငါးမူးရှိသော ရွှေနှာဆွဲ၊ အကျပ်တဆယ် အချိန်ရှိသောရွှေလက်ကောက်တရံကို ထုတ်၍၊

ကမ္ဘာ ၂၄း၄ရ
၄၇ ကျွန်ုပ်ကလည်း၊ သင်သည်အဘယ်သူ၏သမီး ဖြစ်သနည်းဟုမေးသော်၊ သူက၊ ကျွန်ုပ်သည် မိလခါဖွားမြင်သော နာခေါ်သား ဗေသွေလ၏သမီး ဖြစ်သည်၊ ဟုပြောဆို၏။ ကျွန်ုပ်သည်လည်း၊ သူ၏မျက်နှာ၌ နှာဆွဲကို၎င်း၊ သူ၏လက်၌ လက်ကောက်တို့ကို၎င်း၊ ထည့်ပြီးလျှင်၊

ထွက် ၁၂း၃၅-၃၆
၃၅ မောရှေစီရင်သည်အတိုင်း၊ ဣသရေလ အမျိုးသားတို့သည် ငွေတန်ဆာ၊ ရွှေတန်ဆာ၊ အဝတ်တန်ဆာများကို အဲဂုတ္တုလူတို့၌ တောင်းကြ၏။

ဟေရှာ ၃း၁၆-၂၄
၁၆ တဖန် ထာဝရဘုရား မိန့်တော်မူသည်ကား၊ ဇိအုန်သတို့သမီးတို့သည် စိတ်မြင့်၍၊ မိမိလည်ပင်းကို ပြလျက်၊ မျက်စိလော်လည်လျက်၊ ခြေချင်းတန်ဆာမြည်လျက်၊ စိတ်စိတ် လှမ်းသွားတတ်သောကြောင့်၊

CROSS REFERENCES

၃ ဓမ္မ ၁၀း၁

၃ ဓမ္မ ၁၀း၂၄

၃ ဓမ္မ ၁၀း၁
၁ ရှေဘပြည်ကိုအစိုးရသော မိဖုရားသည် ရှောလမုန်၏ ဂုဏ်အသရေနှင့် ထာဝရဘုရား၏ နာမတော် သိတင်းကိုကြားလျှင်၊ နက်နဲခက်ခဲသော ပြဿနာအားဖြင့် သူ့ကို စုံစမ်းခြင်းငှါလာ၏။

၃ ဓမ္မ ၁၀း၂၄
၂၄ ရှောလမုန်၏ နှလုံး၌ ဘုရားသခင် သွင်းပေးတော်မူသော ပညာကို မြေကြီးသား အပေါင်းတို့သည် ကြားရအံ့သောငှါ၊ မျက်နှာတော်ကို ဖူးလာကြ၏။

၈ တဖန်ငါသည်လျှောက်သွား၍ သင့်ကိုမြင်သောအခါ၊ သင်၌ချစ်လိုဘွယ်သောအချိန် အရွယ်ရှိသောကြောင့်၊ ငါသည်ကိုယ်အဝတ်စွန်းကိုဖြန့်၍၊ သင်၌အချည်းစည်းရှိခြင်းကိုဖုံးအုပ်၏။ [E] ကျိန်ဆိုခြင်းပြု၍သင်နှင့်ပဋိညာဉ်ဖွဲ့သဖြင့်၊ သင်သည်ငါ၏ခင်ပွန်းဖြစ်လေ၏။(b) [F] ၉ ထိုအခါသင့်ကိုရေချိုး၍၊ သင်၌လူးသောအသွေးရှိသမျှကို ငါဆေးကြော၏၊ ဆီနှင့်လိမ်း၏။ ၁၀ ချယ်လှယ်သောအဝတ်ကိုဝတ်စေ၏။ တဟာရှသားရေခြေနင်းကိုစီးစေ၏။ ဖဲ၊ ပိတ်ချောနှင့်ခြုံစေ၏။ ၁၁ လက်ကောက်နှင့်လည်ဆွဲအစရှိသော၊တန်ဆာမျိုးကိုဆင်စေ၏။ ၁၂ နားထောင်း၊ နှာဆွဲ၊ လှသောပေါင်းကိုလည်းဆင်စေ၏။ [G] ၁၃ ထိုသို့သင်သည် ရွှေငွေနှင့်တကွ၊ ဖဲ၊ ပိတ်ချော၊ ချယ်လှယ်သောအဝတ်တန်ဆာတို့ကိုဆင်လျက်၊ မုန့်ညက်၊ ပျားရည်ဆီကိုစားလျက်၊ အလွန်တရာလှသောအဆင်းနှင့်ပြည့်စုံ၍၊ မိဖုရားအရာကိုခံရ၏။ ၁၄ ငါသည်ကိုယ်အသရေကို သင်၌အပ်ပေးသောကြောင့်၊ သင်သည်လှသောအဆင်းနှင့်စုံလင်၍၊ အတိုင်းတိုင်းအပြည်ပြည်၌၊ ကျော်စောလေ၏။ [H]

ဣသရေလဖေါက်ပြန်

CROSS REFERENCES

ဟေရှာယ ၅၇း၃
၃ စုန်းမသား၊ နောက်မီးလင်းသော မိန်းမသား၊ ပြည်တန်ဆာ မိန်းမသားတို့၊ ချဉ်းကပ်ကြလော့။

ယေရမိအ ၂း၂၀
၂၀ ရှေးကာလ၌ သင်ထမ်းရသောထမ်းပိုး၊ သင်၌ချည်သော နှောင်ဖွဲ့ခြင်းကို ငါချိုးချွတ်၍သင်က၊ အကျွန်ုပ်သည် မမှားယွင်းဘဲ နေပါမည်ဟု ဂတိထားသော်လည်း၊ မြင့်သောတောင် ရှိသမျှအပေါ်၌၎င်း၊ စိမ်းသောသစ်ပင် ရှိသမျှအောက်၌၎င်း၊ ကိုယ်ကိုချ၍ ပြည်တန်ဆာလုပ်လေ၏။

ယေရမိအ ၃း၃
၃ မိုးခေါင်၍ နောက်မိုးတိုင်အောင် မရွာသော်လည်း၊ သင်သည် ပြည်တန်ဆာနဖူး ရှိ၍ ရှက်ခြင်းသဘောကို ပယ်ရှားပြီ။

ယေရမိအ ၅း၇
၇ ထိုသို့သောအပြစ်မှ သင့်ကို အဘယ်သို့ ငါလွှတ်နိုင်သနည်း။ သင်၏သားသမီးတို့သည် ငါ့ကိုစွန့်၍၊ ဘုရားမဟုတ်သော သူတို့ကိုတိုင်တည်လျက် ကျိန်ဆိုကြပြီ။ ငါသည် ဝစွာကျွေးသောအခါ သူတို့သည် ပြည်တန်ဆာအိမ်၌ စည်းဝေး၍ မှားယွင်းကြပြီ။

ယေဇ ၁၆း၁၅
၁၅ သို့ရာတွင်သင်သည်၊ ကိုယ်လှသောအဆင်းကိုကိုးစား၍၊ ဂုဏ်အသရေကျော်စောသောကြောင့်၊ ပြည်တန်ဆာလုပ်၍ ခရီးသွားသောသူအပေါင်းတို့နှင့် မတရားသောမေထုန်ကို အနှံ့အပြားပြုသဖြင့်၊ ယောက်ျားတိုင်းအခွင့်ရ၏။

ယေဇ ၁၆း၃၁-၃၅
၃၁ သင်၏ရုပ်ပွား၊ စေတီ %fo(c)ကိုခပ်သိမ်းသောလမ်း၌ တည်၍၊ လမ်းရှိတိုင်းမြင့်သောအရပ်ကိုလုပ်သဖြင့်၊ အခကိုငြင်းသောကြောင့် ပြည်တန်ဆာနှင့်မတူ။

ယေဇ ၁၆း၄၁
၄၁ သင့်အိမ်တို့ကိုလည်းမီးရှို့၍၊ များစွာသောမိန်းမတို့ရှေ့မှာသင့်ကိုအပြစ်ပေးကြသဖြင့်၊ သင်သည်နောက်တဖန်ပြည်တန်ဆာမလုပ်ဘဲနေစေခြင်းငှါငါပြုမည်။ နောက်တဖန်သင်သည်သူတပါးတို့ကိုမငှါးရ။

ယေဇ ၂၃း၄၃-၄၄
၄၃ ငါကလည်း၊ ထိုသူတို့သည် ဤမိန်းမနှင့်ပင် အကယ်၍မတရားသောမေထုန်ကို ပြုကြလိမ့်မည်လော၊ ဟုအိုသည်တိုင် အောင် ပြည်တန်ဆာလုပ်သော ထိုမိန်းမကို ရည်မှတ်၍ဆိုသော်၊

ဟောရှေ ၁း၂
၂ သင်သွား၍ ပြည်တန်ဆာ မိန်းမနှင့်တကွ၊ သူဖွားမြင်သော သားသမီးတို့ကို သိမ်းပိုက်လော့။ အကြောင်းမူကား၊ ပြည်သားတို့သည် ထာဝရဘုရားကို စွန့်ပစ်၍ အထပ်ထပ် မှားယွင်းကြပြီ၊ ဟုဟောရှေအား မှာထားတော်မူသည် အတိုင်း၊

ဟောရှေ ၂း၂
၂ သင်တို့အမိနှင့် ဆွေးနွေးကြလော့။ သူသည် ငါ့မယားမဟုတ်၊ ငါသည်လည်း သူ့လင်မဟုတ်ကြောင်းကို ဆွေးနွေးကြလော့။ ပြည်တန်ဆာ မျက်နှာကိုပယ်၍ မှားယွင်းခြင်းအမှုကို ရှောင်စေ။

ဟောရှေ ၃း၃
၃ သင်သည်ငါ့အဘို့နေ့ရက်များစွာစောင့်၍နေရမည်။ ပြည်တန်ဆာ မလုပ်ရ။ အခြားသောယောက်ျားနှင့်မပေါင်းဖေါ်ရ။ သို့ပြုလျှင်၊ သင့်အဘို့ငါစောင့်၍နေမည်ဟုပြောထား၏။

ဟောရှေ ၄း၁၄-၁၅
၁၄ သင်တို့သမီးတို့သည်ယောက်ျားနှင့်မှားယွင်း၍၊ ချွေးမတို့သည်လည်း နောက်မီးလင်းသော်လည်း ငါမစစ်ကြော။ အကြောင်းမူကား၊ ယောက်ျားတို့သည် ကိုယ်မယားကို စွန့်ပစ်၍၊ ပြည်တန်ဆာ တို့နှင့်ပေါင်းဖေါ်တတ်ကြ၏။ မိန်းမရွှင်တို့နှင့်အတူယဇ်ပူဇော်တတ်ကြ၏။ သို့ဖြစ်၍၊ ပညာမရှိသောသူတို့သည်ဆုံးရှုံးကြလိမ့်မည်။

၁၅ သို့ရာတွင်သင်သည်၊ ကိုယ်လှသောအဆင်းကိုကိုးစား၍၊ ဂုဏ်အသရေကျော်စောသောကြောင့်၊ ပြည်တန်ဆာလုပ်၍ [I] ခရီးသွားသောသူအပေါင်းတို့နှင့် မတရားသောမေထုန်ကို အနှံ့အပြားပြုသဖြင့်၊ ယောက်ျားတိုင်းအခွင့်ရ၏။ ၁၆ သင်၏ အဝတ်ကိုလည်းယူ၍၊ မြင့်သောအရပ်တို့ကို ထူးခြားသောအဆင်းအရောင်နှင့်ဆင်ပြင်၍ တခါမျှမဖြစ်စဖူး၊ နောက်၌ လည်းမဖြစ်လတံ့သောအမှု၊ မတရားသောမေထုန်ကို ထိုအရပ်၌ ပြုလေပြီ။ ၁၇ ငါပေးသောရွှေငွေတန်ဆာမြတ်တို့ကိုလည်းယူ၍၊ ယောက်ျားရုပ်တုကိုလုပ်ပြီးလျှင်၊ သူတို့နှင့်မှားယွင်းလေပြီတကား။ ၁၈ ချယ်လှယ်သောအဝတ်ကိုလည်းယူ၍၊ ထိုရုပ်တုတို့ကိုခြုံပြီးလျှင်၊ ငါ့ဆီနှင့်ငါ့နံ့သာပေါင်းကို သူတို့ရှေ့မှာတင်ထားလေပြီ။ ၁၉ ငါပေးသောဘောဇဉ်၊ သင့်ကိုငါကျွေးသောမုန့်ညက်၊ ဆီ၊ ပျားရည်ကိုလည်း သူတို့ရှေ့မှာမွှေးကြိုင်စရာဘို့ တင်ထားလေပြီတကား။ ၂၀ ထိုမှတပါး၊ သင်ဖွားသောငါ၏ သားသမီးတို့ကိုယူ၍၊ ထိုရုပ်တုတို့အားကျွေးမွေးခြင်းငှါ ယဇ်ပူဇော်လေပြီ။ ၂၁ သင်သည်မတရားသောမေထုန်ကိုပြု၍၊ စိတ်မပြေသောကြောင့် ငါ၏သားသမီးတို့ကိုသတ်၍၊ ရုပ်တုတို့အားမီးဖြင့်ပူဇော်ရမည်လော။ ၂၂ သင်ပြုသောစက်ဆုပ်ရွံ့ရှာဘွယ်အမှု၊ မတရားသောမေထုန်အမှုအပေါင်းကိုပြုစဉ်တွင်၊ အရွယ်ငယ်သောအခါအဝတ်မရှိ၊ အချည်းစည်းရှိကြောင်း၊ ကိုယ့်အသွေး၌ လူးလဲလျက်ရှိနေကြောင်းကို မအောက်မေ့ပါတကား။

မတရားသောမေထုန်ပြု

၂၃ သင်သည်အမင်္ဂလာရှိ၏။ အမင်္ဂလာရှိ၏။ ၂၄ ဒုစရိုက်အပေါင်းကိုပြုပြီးမှ၊ ကိုယ်နေဘို့ရုပ်ပွား၊ စေတီ(c) ကိုတည်၍၊ လမ်းရှိတိုင်းမြင့်သောအရပ်ကိုလုပ်လေ၏။ ၂၅ သင်သည်မြင့်သောအရပ်ကို လမ်းဦးတိုင်းလုပ်၍၊ ကိုယ်လှသောအဆင်းကို ရွံ့ရှာဘွယ်ဖြစ်သည်တိုင်အောင်ပြုလျက်၊ ခရီးသွားသောသူအပေါင်းတို့အား ပေါင်တို့ကိုခွါဖွင့်၍၊ မတရားသောမေထုန်အမှုတို့ကို များပြားစေ၏။ ၂၆ ဆူဖြိုးသောသင်၏အိမ်နီးချင်း အဲဂုတ္တုလူတို့နှင့်မှားယွင်း၍၊ ငါ့အမျက်ကိုနှိုးဆော်လျက် မတရားသောမေထုန်အမှုတို့ကို များပြားစေ၏။

ဘုရားကရန်သူလက်သို့အပ်

၂၇ ထိုကြောင့်ငါသည် လက်ကိုဆန့်လျက် သင်၏ရိက္ခာကိုဖြတ်၍၊ သင့်ကိုမုန်းသောသူ၊ သင့်ဆိုးညစ်သောအမှုများကြောင့်၊ ရှက်တတ်သော ဖိလိတ္တိအမျိုးသမီးတို့ လက်သို့အပ်ရ၏။ ၂၈ သင်သည်ကိလေသာစိတ် မပြေသောကြောင့်၊ အာရှုရိလူတို့နှင့်မှားယွင်းလေ၏။ ထိုသို့မှားယွင်းသော်လည်း စိတ်မပြေနိုင်။ ၂၉ ထိုမှတပါး၊ ခါနာန်ပြည်မှသည် ခါလဒဲပြည်တိုင်အောင်မတရားသောမေထုန်အမှုတို့ကို များပြားစေသော်လည်း စိတ်မပြေနိုင်။ ၃၀ အစိုးတရပြု၍ သီလပျက်သောမိန်းမပြုတတ်သမျှသော ဤအမှုတို့ကိုသင်သည်ပြုမိလျက်၊ သင့်စိတ်နှလုံးသည် အလွန်မိုက်ပါသည်တကား။

ပြည့်တန်ဆာမနှင့်မတူအခမရ

CROSS REFERENCES

၃၁ သင်၏ရုပ်ပွား၊ စေတီ (c) ကိုခပ်သိမ်းသောလမ်း၌ တည်၍၊ လမ်းရှိတိုင်းမြင့်သောအရပ်ကိုလုပ်သဖြင့်၊ အခကိုငြင်းသောကြောင့် ပြည်တန်ဆာနှင့်မတူ။ [I] ၃၂ ကိုယ်မဆိုင်သော ယောက်ျားကို၊ ကိုယ်လင်၏ကိုယ်စား လက်ခံ၍ နောက်မီးလင်းသော မိန်းမနှင့်တူ၏။ ၃၃ ပြည်တန်ဆာမိန်းမ ရှိသမျှတို့သည် လက်ဆောင်ကိုခံယူတတ်ကြ၏။ သင်မူကား၊ သင်၏ရည်းစားအပေါင်းတို့အား လက်ဆောင်ကို ပေးတတ်၏။ အရပ်ရပ်တို့ကလာ၍ မတရားသောမေထုန်ကို ပြုစေခြင်းငှါ သူတပါးတို့ကို ငှါးတတ်၏။ ၃၄ သို့ဖြစ်၍သင်သည် အခြားသောပြည်တန်ဆာတို့နှင့် ခြားနားစွာပြုတတ်၏။ သင်ပြုသကဲ့သို့ အဘယ်သူမျှ၊ မတရားသောမေထုန်ကို မပြုတတ်။ သင်သည်အခကိုမခံ၊ သူတပါးတို့အားပေးသောကြောင့် အခြားသောမိန်းမတို့နှင့်ခြားနား၏။

ဒါဏ်ခတ်မည်

CROSS REFERENCES

ဟေရှာယ ၂၄း၂၃
၂၃ လသည်လည်း မျက်နှာပျက်လိမ့်မည်။ နေသည်လည်း အရှက်ကွဲလိမ့်မည်။ အကြောင်းမူကား၊ ကောင်းကင် ဗိုလ်ခြေ အရှင်ထာဝရဘုရားသည်၊ ဇိအုန်တောင်ပေါ်မှာ ယေရုရှလင်မြို့၌ မင်းပြု၍၊ အသက်ကြီးသူတို့ရှေ့တွင် ဘုန်းကြီးတော်မူလတံ့။ %ln

ယေရမိအ ၂း၂၆
၂၆ ဖမ်းမိသောသူခိုးသည် ရှက်သကဲ့သို့၊ ဣသရေလအမျိုး၏ ရှင်ဘုရင်၊ မင်းသား၊ ယဇ်ပုရောဟိတ်၊ ပုရောဖက်နှင့်တကွ အမျိုးသားများတို့သည် ရှက်ကြ၏။

ယေရမိအ ၂း၃၆
၃၆ သင်သည်အရပ်ရပ်သို့ ပြောင်းလဲခြင်းငှါ၊ အဘယ်ကြောင့် ဤမျှလောက်လှည့်လည်သနည်း။ အာရှုရိပြည်ကို ရှက်ကြောက်သည်နည်းတူ၊ အဲဂုတ္တုပြည်ကို ရှက်ကြောက်လိမ့်မည်။

ယေဇ ၁၆း၆၃
၆၃ သင်ပြုဘူးသမျှသောအမှုတို့ကိုငါမမှတ်။ စိတ်ပြေသောအခါ၊ သင်သည်အောက်မေ့၍ရှက်ကြောက်ခြင်းနှင့်မျက်နှာပျက်ခြင်းကြောင့်၊ နှုတ်ကိုမဖွင့်ဘဲနေရလိမ့်မည်၊ ဟုအရှင်ထာဝရဘုရားမိန့်တော်မူ၏။ %ln

CROSS REFERENCES

၃၅ သို့ဖြစ်၍၊ အိုပြည်တန်ဆာမိန်းမ၊ ထာဝရဘုရား၊ အမိန့်တော်ကိုနားထောင်လော့။ ၃၆ အရှင်ထာဝရဘုရား မိန့်တော်မူသည်ကား၊ သင်၏ရည်းစားများ၊ စက်ဆုပ်ရွံ့ရှာဘွယ်သော ရုပ်တုအပေါင်းတို့နှင့် မှားယွင်းခြင်းအားဖြင့်၎င်း၊ သူတို့အားပေးသော သားသမီးတို့၏အသွေးအားဖြင့်၎င်း၊ သင်သည်ကိုယ်ရှက်ကြောက်ခြင်း၊ [J] အဝတ်အချည်းစည်းရှိခြင်း [K]ကိုထင်ရှားစွာဖေါ်ပြသောကြောင့်၊ ၃၇ သင့်ကိုချစ်သောရည်းစားရှိသမျှတို့နှင့် သင်ချစ်သောသူ၊ မုန်းသောသူအပေါင်းကို ငါစုဝေးစေမည်။ သင့်တဘက်ပတ်လည်၌ စုဝေးစေ၍၊ သင်၌ အဝတ်အချည်းစည်းရှိခြင်းကိုငါပြသဖြင့်၊ ထိုသူအပေါင်းတို့သည် သင်၌ အဝတ်အချည်း စည်းရှိသမျှကိုမြင်ရကြလိမ့်မည်။ ၃၈ နောက်မီးလင်းသောမိန်းမနှင့် လူအသက်ကိုသတ်သောမိန်းမတို့ကို စီရင်သကဲ့သို့၊ သင့်ကိုငါစီရင်၍၊ ပြင်းစွာသောဒေါသအမျက်အသွေးကို ငါတိုက်မည်။ ၃၉ သင့်ကိုသူတို့လက်သို့ငါအပ်သဖြင့်၊ သူတို့သည်သင်၏ ရုပ်ပွား၊ စေတီ(c) ကိုဖျက်၍၊ သင်၏မြင့်သောအရပ်တို့ကိုဖြိုချကြလိမ့်မည်။ သင့်အဝတ်တို့ကိုချွတ်၍လှသောတန်ဆာတို့ကိုလုယူပြီးလျှင်၊ သင့်ကိုအဝတ်မပေး၊ အချည်းစည်းရှိစေခြင်းငှါပစ်ထားကြလိမ့်မည်။ ၄၀ လူအလုံးအရင်းကိုလည်းခေါ်သဖြင့်၊ သူတို့သည်ခဲနှင့်ပစ်၍ဓါးနှင့်ခုတ်ကြလိမ့်မည်။ ၄၁ သင့်အိမ်တို့ကိုလည်းမီးရှို့၍၊ များစွာသောမိန်းမတို့ရှေ့မှာသင့်ကိုအပြစ်ပေးကြသဖြင့်၊ သင်သည်နောက်တဖန်ပြည်တန်ဆာမလုပ်ဘဲနေစေခြင်းငှါငါပြုမည်။ နောက်တဖန်သင်သည်သူတပါးတို့ကိုမငှါးရ။ ၄၂ ထိုသို့ဒေါသစိတ်ကိုငါဖြေမည်။ သင့်ကိုမယုံ။ အလွန်ပူပန်သောစိတ်ငြိမ်း၍၊ ငါသည်အမျက်မထွက်ဘဲငြိမ်သက်စွာနေမည်။ ၄၃ သင်သည်အသက်ငယ်သောကာလကိုမအောက်မေ့၊ အရာရာ၌ ငါ့စိတ်ကိုနှောင့်ရှက်သောကြောင့်၊ သင့်အပြစ်ကိုသင့်ခေါင်းပေါ်သို့ငါသက်ရောက်စေမည်။ စက်ဆုပ်ရွံ့ရှာဘွယ်သောအမှုရှိသမျှတို့အပေါ်မှာ၊ ဆိုးညစ်သောအကြံကိုထပ်၍ထိုအကြံအတိုင်းမပြုရ။

၄၄ စကားပုံကိုသုံးတတ်သောသူအပေါင်းတို့က၊ အမိကဲ့သို့သမီးဖြစ်၏၊ ဟုသင့်ကိုရည်မှတ်၍စကားပုံကိုပြောကြလိမ့်မည်။ ၄၅ သင်သည်လင်နှင့်သားသမီးကိုရွံရှာသောမိန်းမ၏သမီးဖြစ်၏။ လင်နှင့်သားသမီးကိုရွံရှာသောမိန်းမ၏ညီမလည်းဖြစ်၏။ သင့်အမိသည်ဟိတ္တိအမျိုး၊ သင့်အဘသည်အာမောရိလူဖြစ်၏။ ၄၆ သင့်အစ်မသည်မိမိသားသမီးတို့နှင့်တကွ၊ သင့်လက်ဝဲ ဘက်၌ နေသောရှမာရိမြို့ဖြစ်၏။ သင့်ထက်အသက်ငယ်သောသင်၏ညီမသည်၊ မိမိသမီးတို့နှင့်တကွသင့်လကျ်ာဘက်၌ နေသော သောဒုံမြို့ဖြစ်၏။ ၄၇ သို့ရာတွင်သင်သည်သူတို့ထုံးစံကိုမလိုက်၊ သူတို့ပြုသောရွံရှာဘွယ်အမှုမျှသာပြုသည်မဟုတ်၊ ထိုအမှုကိုသာမညအမှုဟူ၍ထင်မှတ်သဖြင့်၊ သင်သည်အရာရာ၌ သူတို့ထက်သာ၍ဆိုးညစ်ပေ၏။ ၄၈ ငါအသက်ရှင်သည် အတိုင်း၊ သင်သည်ကိုယ့်သားသမီးတို့နှင့်တကွပြုသကဲ့သို့၊ ညီမသောဒုံနှင့်သူ၏သမီးတို့သည်မပြုကြ။ ၄၉ သင့်ညီမသော ဒုံ၏အပြစ်ဟူမူကား၊ သူနှင့်သူ့သမီးတို့သည်မာနကြီးခြင်း၊ ဝစွာစားသောက်ခြင်း၊ ငြိမ်ဝပ်စွာကောင်းစားခြင်းရှိ၍၊ ဆင်းရဲငတ်မွတ်သောသူတို့ကိုမထောက်ပံ့ဘဲနေကြ၏။ ၅၀ မာနထောင်လွှား၍၊ ငါ့ရှေ့မှာစက်ဆုပ်ရွံ့ရှာဘွယ်သောအမှုတို့ကိုပြုကြ၏။ ထိုကြောင့်၊ သင်မြင်သည်အတိုင်းသူတို့ကိုငါပယ်ရှားပြီ။ ၅၁ ရှမာရိသည်လည်း၊ သင်ပြုမိသောဒုစရိုက်တဝက်ကိုမျှမပြုမိ။ သင်မူကား၊ ညီအစ်မတို့၏အပြစ်ကိုမထင်ရှားစေသည်တိုင်အောင်၊ စက်ဆုပ်ရွံရှာဘွယ်သောအမှုတို့ကိုသူတို့ထက်မကများပြားစွာ ပြုလေပြီတကား။ ၅၂ သင်သည်ညီအစ်မတို့ကိုအပြစ်တင်၍စီရင်လျက်ပင်၊ သူတို့ပြုသည်ထက်စက်ဆုပ်ရွံ့ရှာဘွယ်သော အမှုတို့ကိုသာ၍ပြုသောကြောင့်၊ အရှက်ကွဲခြင်းကိုခံလော့။ သူတို့သည်သင့်ထက်သာ၍အပြစ်နည်းကြ၏။ သင်မူကား၊ ညီအစ်မတို့၏အပြစ်ကိုမထင်ရှားစေသည်တိုင်အောင်ပြုသောကြောင့်စိတ်ပျက်၍အရှက်ကွဲခြင်းကိုခံလော့။

၅၃ သိမ်းသွင်းခြင်းကိုခံရသောသောဒုံနှင့်သူ၏သားသမီးများ၊ ရှမာရိနှင့်သူ၏သားသမီးများကိုတဖန်ငါဆောင်ခဲ့သောအခါ၊ သိမ်းသွင်းခြင်းကိုခံရသောသင်၏လူတို့ကိုသူတို့နှင့်အတူငါဆောင်ခဲ့မည်။ ၅၄ သို့ဖြစ်၍၊ သင်သည်သူတို့ကိုနှစ်သိမ့်စေ၍၊ ပြုလေသမျှတို့ကြောင့်စိတ်ပျက်လျက်၊ အရှက်ကွဲခြင်းကိုခံရလိမ့်မည်။ ၅၅ သင်၏ညီအစ်မသောဒုံနှင့်သူ၏သားမီးများ၊ ရှမာရိ နှင့်သူ၏သမီးများတို့သည်၊ အရင်နေရာသို့ပြန်ရောက်သောအခါ၊ သင်သည်လည်းသင်၏သားသမီးတို့နှင့်တကွ၊ အရင်နေရာသို့ပြန်ရောက်ရလိမ့်မည်။ ၅၆ ရှုရိသမီးများနှင့်သူတို့ပတ်လည်၌ နေသောသူအပေါင်းတို့သည်သင့်ကိုကဲ့ရဲ့၍၊ သင့်ပတ်လည်၌ နေသောဖိလိတ္တိသားသမီးတို့သည်မထီမဲ့မြင်ပြုကြသဖြင့်၊ ၅၇ သင်ပြုသောဒုစရိုက်အပြစ်မထင်ရှားမှီသင်သည်မာန ထောင်လွှားစဉ်ကာလတွင်သင့်ညီမသောဒုံ၏နာမကိုအလျှင်းနှုတ်မမြွက်။ ၅၈ ယခုမူကားသင်သည်ကိုယ်ဆိုးညစ်သောအမှုနှင့်စက်ဆုပ်ရွံရှာဘွယ်သောအမှုတို့၏အပြစ်ကိုခံရမည်၊ ဟုထာဝရဘုရားမိန့်တော်မူ၏။

CROSS REFERENCES

ဟေရှာယ ၅၅း၃
၃ နူးညွတ်သော နားနှင့် ငါ့ထံသို့လာကြလော့။ နားထောင်ကြလော့။သို့ပြုလျှင် သင်တို့၏ ဝိညာဉ်သည် အသက်ရှင်ရလိမ့်မည်။ ငါသည်လည်း၊ သင်တို့နှင့် ထာဝရ ပဋိညာဉ်ပြု၍၊ ဒါဝိဒ်၌ မြဲမြံသော ကျေးဇူးတော်ကို သင်တို့အားပေးမည်။

ယေရမိအ ၃၂း၃၈
၃၈ သူတို့သည် ငါ၏လူ ဖြစ်ကြလိမ့်မည်။ ငါသည်လည်း သူတို့၏ ဘုရားသခင်ဖြစ်မည်။

ယေရမိ ၃၂း၄၁
၄၁ သူတို့အား ကျေးဇူးပြုခြင်းအမှု၌ ငါသည် အားရဝမ်းမြောက်၍၊ ငါ့စိတ် နှလုံးနှင့် ဝိညာဉ် အကြွင်းမဲ့ပါလျက်၊ သူတို့ကို ဤပြည်၌ ဆက်ဆက်နေရာချမည်။

ယေဇကျေ ၃ရး၂၆
၂၆ ထိုမှတပါး၊ သူတို့နှင့် မိဿဟာယပဋိညာဉ်ကို ငါဖွဲ့၍၊ ထိုပဋိညာဉ်သည် နိစ္စထာဝရ ပဋိညာဉ်ဖြစ်လိမ့်မည်။ သူတို့ကိုနေရာချ၍ များပြားစေမည်။ ငါ၏ သန့်ရှင်းရာဌာနကို သူတို့အလယ်၌ အစဉ်အမြဲထားမည်။ ငါ၏ ဗိမာန်တော်သည်လည်း သူတို့၌ရှိ၍၊ ငါသည် သူတို့၏ ဘုရားသခင်ဖြစ်မည်။ သူတို့သည်လည်း ငါ၏လူ ဖြစ်ကြလိမ့်မည်။

CROSS REFERENCES

ယေဇ ၆း၁၃
၁၃ ရုပ်တုဆင်းတု အပေါင်းတို့အား နံ့သာပေါင်းကို ပူဇော်ရာအရပ်၊ ယဇ်ပလ္လင်များပတ်လည်၊ မြင့်သောကုန်း၊ တောင်ထိပ်ရှိသမျှတို့အပေါ် စိမ်းသောသစ်ပင်၊ အရိပ်ကောင်းသော သပိတ်ပင်ရှိသမျှတို့အောက်၌၊ ရုပ်တုဆင်းတုတို့တွင် သူရဲတို့သည်လည်း သေလျက်ရှိကြသောအခါ၊ ငါသည်ထာဝရဘုရားဖြစ်ကြောင်းကို သိရကြလိမ့်မည်။

ယေဇ ၁၁း၁၁
၁၁ ဤမြို့သည်သင်တို့၏အိုးကင်းမဖြစ်ရ၊ သင်တို့သည်လည်းအိုးကင်း၌ အမဲသား မဖြစ်ရကြ။ ဣသရေလပြည်စွန်းမှာငါစစ်ကြောစီရင်သဖြင့်၊ ငါသည်ထာဝရဘုရားဖြစ်ကြောင်းကိုသင်တို့သိရကြလိမ့်မည်။

ယေဇ ၁၂း၁၅
၁၅ လူအမျိုးမျိုးတို့တွင်ကွဲပြားစေ၍၊ အတိုင်းတိုင်းအပြည်ပြည်သို့ဖြန့်ကြဲသောအခါ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။

ယေဇ ၁၂း၂၀
၂၀ လူနေသောမြို့တို့သည်လည်းပျက်စီး၍တပြည်လုံးဆိတ်ညံ့လျက်ရှိရလိမ့်မည်။ ငါသည်ထာဝရဘုရားဖြစ်ကြောင်းကိုသင်တို့သိရကြလိမ့်မည် ဟုမိန့်တော်မူ၏။

ယေဇ ၁၃း၉
၉ အချည်းနှီးသောအရာကိုမြင်၍၊ မုသာစကားကို ဟောပြောတတ်သောပရောဖက်တို့ကို ငါဆီးတားသဖြင့်၊ သူတို့သည် ငါ၏ပရိသတ်စည်းဝေးရာသို့ မဝင်ရကြ။ ဣသရေလအမျိုး၏ စာရင်း၌ သူတို့အမည်ကို မသွင်းရ။ ဣသရေလပြည်၌ နေရာမချရ။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်။

ယေဇ ၁၃း၁၄
၁၄ ထိုသို့သင်တို့သည် အင်္ဂတေနှင့်မွမ်းမံသော အုတ်ရိုးကိုမြေတိုင်အောင် ငါဖြိုချ၍၊ အမြစ်ကိုလှန်သဖြင့်၊ အုတ်ရိုးသည်လဲ၍ ဖိမိလျက်၊ သင်တို့သည် အသက်ဆုံးကြလိမ့်မည်။ ငါသည်ထာဝရဘုရားဖြစ်ကြောင်းကို ထိုအခါသိရကြလိမ့်မည်။

ယေဇ ၁၃း၂၃
၂၃ နောက်တဖန်သင်တို့သည်အချည်းနှီးသောအရာကို မမြင်ရကြ။ ပရောဖက်ပြု၍ မဟောရကြ။ ငါ၏လူတို့ကို သင်တို့လက်မှ ငါကယ်နှုတ်မည်။ ငါသည် ထာဝရဘုရားဖြစ်ကြောင်းကို သင်တို့သိရကြလိမ့်မည်၊ ဟုမိန့်တော်မူ၏။

ယေဇ ၁၄း၈
၈ ထိုသူတဘက်၌ ငါသည်မျက်နှာထား၍သူ့ကိုနိမိတ်ဖြစ်စေမည်။ စကားပုံလည်းဖြစ်စေမည်။ ထိုသူကိုငါ့၏လူထဲမှပယ်ရှားမည်။ ငါသည်ထာဝရဘုရားဖြစ်ကြောင်းကို သင်တို့သိရကြလိမ့်မည်။

ယေဇ ၁၆း၆၂
၆၂ ထိုအခါငါ၏ပဋိညာဉ်ကိုသင်နှင့်ငါဖွဲ့မည်။ ငါသည်ထာဝရဘုရားဖြစ်ကြောင်းကို သင်သိရလိမ့်မည်။

ယေဇ ၂၂း၁၆
၁၆ လူအမျိုးမျိုးတို့ရှေ့မှာ၊ သင်သည်ကိုယ်တိုင်အသရေရှုတ်ချခြင်းကိုခံရ၍၊ ငါသည်ထာဝရဘုရားဖြစ်ကြောင်းကိုသိရလိမ့်မည် ဟုအရှင်ထာဝရဘုရားမိန့်တော်မူ၏။

ယေဇ ၂၄း၂၇
၂၇ ထိုအခါလွတ်သောသူနှင့်တွေ့သဖြင့်သင်၏နှုတ်ပွင့်လိမ့်မည်။ စကားမပြောဘဲနေချိန်လွန်၍ ဟောပြောရလိမ့်မည်။ ထိုသို့သင်သည်သူတို့အားပုပ္ပနိမိတ်ဖြစ်၍ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်ဟုမိန့်တော်မူ၏။

ယေဇ ၂၅း၇
၇ ငါသည်သင့်ကိုတိုက်၍ လူအမျိုးမျိုးလုယူဘို့ရာအပ်မည်။ လူနေရာ အတိုင်းတိုင်းအပြည်ပြည်ထဲက သင့်ကိုသုတ်သင်ပယ်ရှင်းမည်။ ငါသည်ထာဝရဘုရားဖြစ်ကြောင်းကို သင်သိရလိမ့်မည်၊ ဟုအရှင်ထာဝရဘုရား မိန့်တော်မူ၏။ sမောဘပြည်နှင့်ပတ်သက်၍

ယေဇ ၂၅း၁၁
၁၁ မောဘပြည်ကိုလည်း ငါသည်အပြစ်ဒဏ်စီရင်၍ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည် ဟုအရှင်ထာဝရဘုရား မိန့်တော်မူ၏။ sဧဒုံပြည်နှင့်ပတ်သက်၍

ယေဇ ၂၅း၁၇
၁၇ ပြင်းစွာသောဆုံးမခြင်းနှင့်တကွ ကြီးစွာသော အပြစ်ဒဏ်ကိုပေးမည်။ ထိုသို့ငါ၏ချင်ရဲပြေစေခြင်းငှါ ဒဏ်ပေးသောအခါ၊ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။ ဟုအရှင်ထာဝရဘုရား မိန့်တော်မူ၏။

ယေဇ ၂၆း၆
၆ လယ်ပြင်၌ရှိသော သတို့သမီးသည် ဓါးဖြင့်သေ၍၊ ငါသည်ထာဝရဘုရားဖြစ်ကြောင်းကို သိရကြလိမ့်မည် ဟုမိန့်တော်မူ၏။

ယေဇ ၂၉း၆
၆ ငါသည်ထာဝရဘုရားဖြစ်ကြောင်းကို အဲဂုတ္တုပြည်သားအပေါင်းတို့သည် သိရကြလိမ့်မည်။ အကြောင်းမူကား၊ သင်သည်ဣသရေလ အမျိုး၌ ကျူတောင်ဝှေးဖြစ်လေပြီ။

ယေဇ ၂၉း၉
၉ အဲဂုတ္တုပြည်သည်လူဆိတ်ညံလျက်၊ ပျက်စီးလျက်ရှိသောအခါ၊ ငါသည်ထာဝရဘုရားဖြစ်ကြောင်းကိုသိရလိမ့်မည်။ သင်ကငါ့မြစ်ကိုငါပိုင်၏။ ငါဖန်ဆင်းပြီဟုဆိုမိသောကြောင့်၊

ယေဇ ၂၉း၁၆
၁၆ ဣသရေလအမျိုးသားတို့သည်ထိုပြည်သားတို့ကိုမြော်လင့်၍၊ မိမိတို့အပြစ်ကိုငါအောက်မေ့စေသဖြင့်၊ နောက်တဖန်ထိုပြည်သည်သူတို့ခိုလှုံရာမဖြစ်ရာ။ ငါသည်ထာဝရဘုရားဖြစ်ကြောင်းကိုသိရကြလိမ့်မည် ဟုမိန့်တော်မူ၏။ sဗာဗုလုန်စစ်သူရဲများအားတုရုမြို့သိမ်းခအဲဂုတ္တုကိုပေးမည်

ယေဇ ၂၉း၂၁
၂၁ ထိုကာလ၌ ဣသရေလအမျိုး၏ချိုကိုငါပေါက်စေ၍၊ သူတို့အထဲမှာသင်ဟောပြောရသောအခွင့်ကိုငါပေးမည်။ ငါသည်ထာဝရဘုရားဖြစ်ကြောင်းကိုသူတို့သိရကြလိမ့်မည် ဟုမိန့်တော်မူ၏။

ယေဇ ၃၀း၈
၈ ငါသည်အဲဂုတ္တုပြည်၌ မီးညှိ၍ထိုပြည်ကို မစသမျှသောသူတို့သည် ပျက်စီးကြသောအခါ၊ ငါသည်ထာဝရဘုရား ဖြစ်ကြောင်းကို သိရကြလိမ့်မည်။

ယေဇ ၃၀း၁၉
၁၉ ထိုသို့အဲဂုတ္တုပြည်၌ ငါသည်အပြစ်ဒဏ်စီရင်၍ ထာဝရဘုရားဖြစ်ကြောင်းကို သူတို့သိရကြလိမ့်မည် ဟုမိန့်တော်မူ၏။

ယေဇ ၃၀း၂၅
၂၅ ဗာဗုလုန် ရှင်ဘုရင်၏ လက်ရုံးတို့ကို ငါခိုင်မာစေမည်၊ ဖာရောဘုရင်၏ လက်မူကား၊ အောက်သို့ကျလိမ့်မည်။ ငါ့ဓါးကိုဗာဗုလုန်ရှင်ဘုရင်၏လက်၌ ငါအပ်၍၊ သူသည်အဲဂုတ္တုပြည်ကို ထိုဓါးနှင့်ခုတ်သောအခါ၊ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။

ယေဇ ၃၃း၂၉
၂၉ ပြည်သားတို့သည် ပြုမိသောစက်ဆုပ်ဘွယ် အမှုအလုံးစုံတို့ကြောင့်၊ ထိုပြည်ကိုငါသုတ်သင်ပယ်ရှားသောအခါ၊ ငါသည်ထာဝရဘုရားဖြစ်ကြောင်းကို သူတို့သိရကြလိမ့်မည်။ sနှုတ်နှင့်ကောင်းမွန်စွာပြောသော်လည်း စိတ်ကလောကစွဲလမ်း

ယေဇ ၃၅း၁၅
၁၅ ဣသရေလ အမျိုးသားတို့အမွေပျက်စီးသည်ကို သင်သည်ဝမ်းမြောက်သောကြောင့်၊ ထို့အတူသင်၌ ငါပြုမည်။ အိုစိရတောင်၊ သင်နှင့်တကွ ဧဒုံပြည်သည် အကုန်အစင်ပျက်စီး၍၊ ငါသည်ထာဝရဘုရားဖြစ်ကြောင်းကို သိရကြလိမ့်မည် ဟုမိန့်တော်မူ၏။

ယေဇ ၃၆း၃၈
၃၈ ပျက်စီးသောမြို့တို့သည်သန့်ရှင်းသောသိုးစုတည်းဟူသော၊ ဓမ္မပွဲခံချိန်တွင်ယေရုရှလင် သိုးစုကဲ့သို့သောလူစုတို့နှင့်ပြည့်စုံ၍၊ ငါသည်ထာဝရဘုရားဖြစ်ကြောင်းကို သိရကြလိမ့်မည် ဟုမိန့်တော်မူ၏။

၅၉ အရှင်ထာဝရဘုရားမိန့်တော်မူသည်ကား၊ သင်သည်ဝန်ခံခြင်းပဋိညာဉ်ကိုဖျက်လိုသောငှါ၊ သစ္စာကတိကိုမရိုမသေပြုသည်နှင့်အညီသင်၌ ငါပြုမည်။ ၆၀ သို့သော်လည်း၊ ငါသည်သင့်အသက်ငယ်စဉ်ဖွဲ့သောပဋိညာဉ်ကိုအောက်မေ့၍၊ တဖန် ထာဝရပဋိညာဉ် [L]ကိုသင်နှင့်ဖွဲ့ရဦးမည်။ ၆၁ သင်သည်ဝန်ခံခြင်းပဋိညာဉ်ကိုမစောင့်ရသော်လည်း၊ ပဋိညာဉ်အားဖြင့်သင်၏ညီအစ်မတို့ကိုသင်၏သားသမီးများဖြစ်ဘို့ရာငါပေး၍၊ သင်သည်ထိုသူတို့ကိုလက်ခံသောအခါသင်ပြုမိသောအမှုများကိုအောက်မေ့၍ရှက်ကြောက်ရလိမ့်မည်။ ၆၂ ထိုအခါငါ၏ပဋိညာဉ်ကိုသင်နှင့်ငါဖွဲ့မည်။ ငါသည်ထာဝရဘုရားဖြစ်ကြောင်းကို သင်သိရလိမ့်မည်။ [M] ၆၃ သင်ပြုဘူးသမျှသောအမှုတို့ကိုငါမမှတ်။ စိတ်ပြေသောအခါ၊ သင်သည်အောက်မေ့၍ရှက်ကြောက်ခြင်းနှင့်မျက်နှာပျက်ခြင်းကြောင့်၊ နှုတ်ကိုမဖွင့်ဘဲနေရလိမ့်မည်၊ ဟုအရှင်ထာဝရဘုရားမိန့်တော်မူ၏။

_________________________
Footnotes

၇ (a) မြက်ပင်သည် စားပင်များထက် သာ၍ကြီးပွားတတ်သည်။ ဣသရေလလူများသည် အဲဂုတ္တုပြည်၌ ကျွန်ဖြစ်သော် လည်း အဲဂုတ္တုလူများက မနာလိုလောက်လောက် ကောင်းကြီးများစွာခံစားခဲ့ကြသည်။

၈ (b) וַתִּ֥הְיִי לִֽי׃ မူရင်းနှင့်အင်္ဂလိပ်ကျမ်းစာအုပ်များ၌ "သင်သည်ငါ့ဥစ္စာဖြစ်၏" ဟုတွေ့ရသည်။ ထိုအရာကိုမြန်မာကျမ်းစာအုပ်၌ "သင်သည်ငါ၏ခင်ပွန်းဖြစ်လေ၏" ဟုရေးထားသည်။ ဘုရားနှင့်ဣသရေလသည် ပဋိညာဉ်ဖွဲ့သောကြောင့် မြန်မာကျမ်းစာအုပ်၌ ရေးထားသည့်အတိုင်း၊ "သင်သည်ငါ၏ခင်ပွန်းဖြစ်လေ၏" ဟုရေးခြင်းသည်လက္ခံနိုင်စရာရှိသည်။ လင်နှင့်မယားသည် တယောက်နှင့်တယောက်ပိုင်ဆိုင်ကြသည် မဟုတ်လော။

၂၄ ၃၁ ၃၉ (c) גֶּ֑ב geḇ အင်္ဂလိပ်လို a shrine ကိုမြန်မာကျမ်းစာအုပ်၌ "ကုဋီတိုက်" ဟုရေးထားသည်။