ဗျာဒိတ်ကျမ်း

အခန်းကြီး ၈

သန့်ရှင်းသူများဆုတောင်းခြင်းနံ့သာပေါင်းကဲ့သို့

CROSS REFERENCES

ဆာ ၁၄၁း၂
၂ အကျွန်ုပ်၏ ပဌနာသည် မီးရှို့သော နံ့သာပေါင်းကဲ့သို့၎င်း၊ လက်ကိုချီခြင်းသည် ညဦးယံ ပူဇော်သက္ကာကဲ့သို့၎င်း၊ ရှေ့တော်၌ ပြင်ဆင်လျက် ရှိပါစေသော််။

ဗျာ ၅း၈
၈ ထိုစာစောင်ကိုခံယူသောအခါ၊ သတ္တဝါလေးပါးနှင့် အသက်ကြီးသူ နှစ်ဆယ်လေးပါးတို့သည်၊ သန့်ရှင်းသူတို့၏ ပဌနာတည်းဟူသော မီးရှို့ရာနံ့သာပေါင်းနှင့် ပြည့်သော ရွှေဖလားတို့ကို၎င်း၊ စောင်းတို့ကို၎င်း၊ အသီးသီးကိုင်၍၊ သိုးသငယ်ရှေ့၌ ပြပ်ဝပ်လျက်၊

CROSS REFERENCES

မဿဲ ၂၄းရ
၇ လူတမျိုးနှင့် တမျိုး၊ တနိုင်ငံနှင့် တနိုင်ငံ၊ ရန်ဘက်ပြု ကြလိမ့်မည်။ အရပ်ရပ်တို့၌ အစာခေါင်းပါးခြင်း၊ ကာလနာ များပြားခြင်း၊ မြေကြီး လှုပ်ခြင်းတို့သည် ဖြစ်ကြလိမ့်မည်။

ဗျာ ၆း၁၂
၁၂ ဆဌမတံဆိပ်ကို ဖွင့်သောအခါ ငါကြည့်လျှင်၊ ကြီးစွာသော မြေလှုပ်ခြင်းဖြစ်၏။ နေသည် အမွေးဖြင့်ရက်သော အဝတ်ကြမ်းကဲ့သို့မည်း၏။ လအလုံးသည် အသွေးကဲ့သို့ဖြစ်၏။

ဗျာ ၁၁း၁၃
၁၃ ထိုအချိန်နာရီ၌ ကြီးစွာသော မြေလှုပ်ခြင်းဖြစ်၍၊ မြို့ရိုးဆယ်စုတစုပြိုလေ၏။ ထိုမြေလှုပ်ခြင်း၌ လူခုနစ်ထောင်သေကြ၏။ ကြွင်းသောသူတို့သည်ကြောက်ရွံ့၍၊ ကောင်းကင်ဘုံ၏ အရှင်ဘုရားသခင်ကို ချီးမွမ်းကြ၏။

ဗျာ ၁၆း၁၈
၁၈ လျှပ်စစ်ပြက်ခြင်း၊ အသံမြည်ခြင်း၊ မိုးချုန်းခြင်း၊ ကြီးစွာသော မြေလှုပ်ခြင်းဖြစ်ကြ၏။ မြေကြီးအပေါ်မှာ လူတို့ဖြစ်သည့် ကာလမှစ၍၊ ထိုသို့သော လက္ခဏာနှင့် ထိုမျှလောက် ပြင်းထန်စွာသော မြေလှုပ်ခြင်းသည် မဖြစ်စဖူး။

၁ သတ္တမတံဆိပ်ကို ဖွင့်သောအခါ၊ ကောင်းကင်ဘုံ၌ နာရီဝက်မျှ တိတ်ဆိတ်စွာနေကြ၏။ ၂ ဘုရားသခင့်ရှေ့တော်၌ ရပ်နေသော ကောင်းကင်တမန်ခုနစ်ပါးကို ငါမြင်၏။ သူတို့၌ တံပိုးခုနစ်လုံးကို ပေး၏။ ၃ ကောင်းကင်တမန်တပါးသည် လာ၍၊ ရွှေလင်ပန်းကို ကိုင်လျက် ယဇ်ပလ္လင်နားမှာ ရပ်နေ၏။ ပလ္လင်တော်ရှေ့၌ ရှိသောရွှေယဇ်ပလ္လင်ပေါ်မှာ၊ သန့်ရှင်းသူအပေါင်းတို့၏ ပဌနာနှင့်အတူ ဆက်ကပ်ခြင်းငှါ၊ မီးရှို့သော နံ့သာပေါင်းအများကို ထိုသူ၌ ပေး၏။ [A] ၄ မီးရှို့သော နံ့သာပေါင်း၏ အခိုးအငွေ့သည်၊ သန့်ရှင်းသူတို့၏ ပဌနာများနှင့်အတူ၊ ကောင်းကင်တမန်၏ လက်ထဲက ဘုရားသခင့်ရှေ့တော်သို့ တက်လေ၏။ ၅ ကောင်းကင်တမန်သည် လင်ပန်းကိုယူ၍ ယဇ်ပလ္လင်၏မီးနှင့် ပြည့်စေပြီးမှ၊ မြေကြီးအပေါ်သို့ ချလိုက်သည်ဖြစ်၍၊ အသံမြည်ခြင်း၊ မိုးချုန်းခြင်း၊ လျှပ်စစ်ပြက်ခြင်း၊ မြေကြီးလှုပ်ခြင်း ဖြစ်ကြ၏။ [B]

ပဌမတံပိုးမှုတ်ခြင်း

၆ တံပိုးခုနစ်လုံးရှိသော ကောင်းကင်တမန် ခုနစ်ပါးတို့သည်၊ မှုတ်အံ့သောငှါ မိမိတို့ကို ပြင်ဆင်ကြ၏။ ၇ ပဌမသူသည် တံပိုးမှုတ်သောအခါ မိုးသီးဖြစ်၏။ အသွေးနှင့်ရောနှောသော မီးလည်းဖြစ်၏။ မြေကြီးအပေါ်သို့ ချလိုက်၍၊ မြေသုံးစုတစု၊ သစ်ပင်သုံးစုတစု၊ စိမ်းသောမြက်ပင်ရှိသမျှတို့ကို ကျွမ်းလောင်လေ၏။

ဒုတိယတံပိုးမှုတ်ခြင်း

၈ ဒုတိယကောင်းကင်တမန်သည် တံပိုးမှုတ်သောအခါ၊ မီးလောင်သောတောင်ကြီးကို ပင်လယ်ထဲသို့ချလိုက်သကဲ့သို့ဖြစ်၍၊ ပင်လယ်သုံးစုတစုသည် အသွေးဖြစ်၏။ ၉ ပင်လယ်၌ အသက်ရှင်သော သတ္တဝါသုံးစုတစုလည်း သေ၏။ သင်္ဘောသုံးစုတစုလည်း ပျက်၏။

တတိယတံပိုးမှုတ်ခြင်း

၁၀ တတိယကောင်းကင်တမန်သည် တံပိုးမှုတ်သောအခါ၊ မီးခွက်ကဲ့သို့ထွန်းတောက်သော ကြယ်ကြီးသည် ကောင်းကင်ကကျ၍၊ မြစ်သုံးစုတစုသို၎င်း၊ စမ်းရေတွင်းသို့၎င်း ရောက်၏။ ၁၁ ထိုကြယ်သည် ဒေါနရွက်ဟူသော အမည်ရှိ၏။ ရေသုံးစုတစုသည် ဒေါနရွက်ဖြစ်၍ ရေခါးသောကြောင့်၊ လူအများတို့သည်သေကြ၏။

စတုတ္ထတံပိုးမှုတ်ခြင်း

CROSS REFERENCES

ထွက် ၁၀း၂၁-၂၂
၂၁ တဖန် ထာဝရဘုရားက၊ အဲဂုတ္တုပြည် တလျှောက်လုံး၌ မှောင်မိုက် သာမည မဟုတ်၊ စမ်းသပ်၍ တွေ့ရသော မှောင်မိုက် ဖြစ်စေခြင်းငှာ၊ သင်၏လက်ကို မိုးကောင်းကင်သို့ ဆန့်လော့၊ ဟုမောရှေအား မိန့်တော်မူသည်အတိုင်း၊

ဆာလံ ၁၀၅း၂၈
၂၈ မှောင်မိုက်ကို စေလွှတ်၍၊ မိုက်မဲစေတော်မူ၏။ သူတို့သည် နှုတ်ကပတ်တော်ကို ဆန့်ကျင်ဘက်မပြုရ။

ယေဇ ၃၂းရ-၈
၇ သင့်ကိုဆုံးစေသောအခါ မိုးကောင်းကင်ကို ငါဖုံးလွှမ်း၍ ကြယ်တို့ကို မိုက်စေရမည်။ နေကိုမိုးအုံစေ၍ လသည်လည်း အလင်းကိုမပေးရ။

မဿဲ ၂ရး၄၅
၄၅ မွန်းတည့်အချိန်မှစ၍ သုံးချက်တီး အချိန်တိုင်အောင် မြေတပြင်လုံး၌ မှောင်မိုက်အတိ ဖြစ်လေ၏။

မာကု ၁၅း၃၃
၃၃ မွန်းတည့်အချိန်မှစ၍ သုံးချက်တီး အချိန်တိုင်အောင်၊ မြေတပြင်လုံး၌ မှောင်မိုက်အတိ ဖြစ်လေ၏။

လု ၂၃း၄၄
၄၄ ထိုအချိန်သည် မွန်းတည့် အချိန်လောက်ဖြစ်၍၊ သုံးချက်တီး အချိန်တိုင်အောင် မြေတပြင်လုံး၌ မှောင်မိုက်အတိဖြစ်လေ၏။

ဗျာ ၈း၁၂
၁၂ စတုတ္ထကောင်းကင်တမန်သည် တံပိုးမှုတ်သောအခါ၊ နေသုံးစုတစု၊ လသုံးစုတစု၊ ကြယ်သုံးစုတစုကြတ်၍ သုံးစုတစုမိုက်လေ၏။ နေ့သုံးစုတစု၊ ညသုံးစုတစုသည် အလင်းမရှိ။

ဗျာ ၁၆း၁၀
၁၀ ပဥ္စမ ကောင်းကင်တမန်သည် မိမိဖလားကို၊ သားရဲ၏ ပလ္လင်ပေါ်သို့ သွန်းလောင်းလျှင်၊ သူ၏နိုင်ငံသည် မှောင်မိုက်အတိ ဖြစ်လေ၏။ နိုင်ငံသားတို့သည် ပင်ပန်းအားကြီးသည်နှင့်၊ မိမိတို့လျှာကို ကိုက်ခဲကြ၏။

၁၂ စတုတ္ထကောင်းကင်တမန်သည် တံပိုးမှုတ်သောအခါ၊ နေသုံးစုတစု၊ လသုံးစုတစု၊ ကြယ်သုံးစုတစုကြတ်၍ သုံးစုတစုမိုက်လေ၏။ နေ့သုံးစုတစု၊ ညသုံးစုတစုသည် အလင်းမရှိ။ [C] ၁၃ ထိုအခါ ငါကြည့်လျှင်၊ လင်းယုန်တကောင်က (a) ၊ ကြွင်းသေးသော ကောင်ကင်တမန် သုံးပါးမှုတ်လုလတံ့သော တံပိုးသံကြောင့်၊ မြေကြီးသားတို့သည် အမင်္ဂလာ၊ အမင်္ဂလာ၊ အမင်္ဂလာရှိကြ၏၊ ဟုကောင်းကင်အလယ်၌ ပျံဝဲ၍ကြီးသောအသံနှင့် ဆိုသည်ကို ငါကြား၏။

_________________________
Footnotes

(a)

၁၃ ဤနေရာ၌ အင်္ဂလိပ်ကျမ်းစာအုပ် King James Version ကသာလျှင် ကောင်းကင်တမန်တပါး။ ဟုဘာသာပြန်၍၊ အခြားသော ဘာသာပြန်အားလုံးက လင်းယုန်တကောင်၊ ဟုဘာသာပြန်ကြသည်။ မြန်မာကျမ်းစာအုပ်၌ ရွှေလင်းတကောင် ၊ ဟုဘာသာပြန်ထားသည်။