၁ ကောင်းကင်သစ်နှင့် မြေကြီးသစ်ကိုလည်း ငါမြင်၏။ အဘယ်သို့နည်းဟူမူကား၊ ရှေးကောင်းကင်နှင့် ရှေးမြေကြီးသည် ရွေ့သွားကြပြီ၊ [A] ထိုအခါမှစ၍ သမုဒ္ဒရာမရှိ။ ၂ သန့်ရှင်းသော မြို့တည်းဟူသော ယေရုရှလင်မြို့သစ်သည်၊ မိမိခင်ပွန်းဖို့တန်ဆာဆင်သော မင်္ဂလာဆောင်သတို့ သမီး [B]ကဲ့သို့ ပြင်ဆင်လျက် ဘုရားသခင့်အထံတော်၊ ကောင်းကင်ဘုံမှ ဆင်းသက်သည်ကို ငါမြင်၏။ ၃ ကောင်းကင်မှ ကြီးသောအသံကား၊ ဘုရားသခင်၏ တဲတော်သည် လူတို့တွင်ရှိ၏။ လူတို့နှင့်အတူ ကျိန်းဝပ်တော်မူမည်။ သူတို့သည် ကိုယ်တော်၏လူ ဖြစ်ကြလိမ့်မည်။ ဘုရားသခင်သည် ကိုယ်တော်တိုင် သူတို့နှင့်အတူ ရှိနေ၍၊ သူတို့၏ ဘုရားသခင် ဖြစ်တော်မူမည်။ ၄ ဘုရားသခင်သည် သူတို့၏ မျက်စိ၌ မျက်ရည်ရှိသမျှတို့ကို သုတ်တော်မူမည်။ [C] နောက်တဖန် သေဘေးမရှိရ။ စိတ်မသာ ညည်းတွားခြင်း၊ အော်ဟစ်ခြင်း၊ ပင်ပန်းခြင်းလည်း မရှိရ။ အကြောင်းမူကား၊ ရှေးဖြစ်ဘူးသောအရာတို့သည် ရွေ့သွားကြပြီ။

ခပ်သိမ်းသောအရာတို့ကိုအသစ်ဖန်ဆင်းပြီ

CROSS REFERENCES

ဗျာ ၁း၈

ဗျာ ၂၂း၁၃

ဗျာ ၁း၈
၈ ငါသည် အာလဖဖြစ်၏။ ဩမေဃလည်း ဖြစ်၏။ ဟုအနန္တတန်ခိုးနှင့် ပြည့်စုံတော်မူ၍၊ ပစ္စုပ္ပန်၊ အတိတ်၊ အနာဂတ်ကာလ အစဉ်ရှိတော်မူသော ထာဝရအရှင် ဘုရားသခင်မိန့်တော်မူ၏။ s ယောဟန်ကို အသင်းတော်များထံစာရေးခိုင်း

ဗျာ ၂၂း၁၃
၁၃ ငါသည်အာလဖ (Alpha) ဖြစ်၏။ ဩမေဃ(Omega)လည်းဖြစ်၏။ အဦးဆုံးသောသူ၊ နောက်ဆုံးသောသူဖြစ်၏။ အစနှင့်အဆုံးလည်း ဖြစ်၏။ s သခင်ယေရှုဘုရားလာခဲ့ပါ

CROSS REFERENCES

ဟေရှာယ ၅၅း၁
၁ အိုရေငတ်သောသူ အပေါင်းတို့၊ ရေရှိရာသို့ လာကြလော့။ ငွေမရှိသောသူတို့၊ လာကြ။ ဝယ်၍ စားသောက်ကြလော့။ ငွေမပါဘဲ အဘိုးကိုမပေးဘဲ လာ၍ စပျစ်ရေနှင့် နို့ကိုဝယ်ကြလော့။

ယောဟန် ၄း၁၀
၁၀ ယေရှုကလည်း၊ ဘုရားသခင့် ကျေးဇူးတော်ကို၎င်း၊ ငါသောက်ဖို့ ရေပေးပါ၊ ဟုဆိုသောသူကား အဘယ်သူဖြစ်သည်ကို၎င်း၊ သင်သည်သိလျှင် ထိုသူကို တောင်းလိမ့်မည်။ ထိုသူသည်လည်း အသက်ရေကို ပေးလိမ့်မည်၊ ဟုပြန်၍မိန့်တော်မူသော်၊

ဗျာ ၂၂း၁ရ
၁၇ ၀ိညာဉ်တော်နှင့် မင်္ဂလာဆောင်သတို့သမီးက၊ လာခဲ့ပါ၊ ဟုဆိုကြ၏။ ကြားသောသူကလည်း လာခဲ့ပါဟုဆိုပါစေ၊ ရေငတ်သောသူသည် လာပါစေ။ အလိုရှိသောသူသည် အဘိုးကိုမပေးဘဲ အသက်ရေကိုယူပါစေ။ s ဤစာစောင်၌ ထပ်မထည့်ရနှုတ်မပယ်ရ

CROSS REFERENCES

တမန် ၂၀း၃၂
၃၂ ညီအစ်ကိုတို့၊ ယခုငါသည် သင်တို့ကို ဘုရားသခင်၌ အပ်နှံ၏။ သင်တို့ကို တည်ဆောက်ခြင်းငှါ၎င်း၊ သန့်ရှင်းသော သူအပေါင်းတို့နှင့်အတူ သင်တို့အား အမွေပေးခြင်းငှါ၎င်း၊ တတ်နိုင်သော ဘုရားသခင်၏ ကျေးဇူးတော်တရား၌ လည်း၊ သင်တို့ကို ငါအပ်နှံ၏။

ရော ၈း၁ရ
၁၇ သားမှန်လျှင် အမွေခံ၊ ဘုရားသခင်၏ အမွေခံ ဖြစ်ကြ၏။ ခရစ်တော်နှင့်အတူ ဘုန်းဝင်စားမည် အကြောင်း၊ ထိုသခင်နှင့်အတူ ဆင်းရဲဒုက္ခကို ခံရလျှင်၊ ထိုသခင်နှင့် ဆက်ဆံသော အမွေခံလည်း ဖြစ်ကြ၏။ sဤလောကသည် အနိစ္စနိုင်ငံသို့လိုက်

ဂလာ ၃း၂၉
၂၉ ခရစ်တော်နှင့် စပ်ဆိုင်လျှင်၊ အာဗြဟံ၏ အမျိုးအနွယ်ပင်ဖြစ်၍၊ ဂတိတော်အတိုင်း အမွေခံ၏အရာ၌ တည်ကြ၏။

ဂလာ ၄းရ
၇ သို့ဖြစ်၍ သင်တို့သည် နောက်တဖန် အစေအပါကျွန်မဖြစ်၊ သားပင်ဖြစ်ကြ၏။ သားဖြစ်လျှင် ခရစ်တော်အားဖြင့် ဘုရားသခင်၏ အမွေခံလည်း ဖြစ်ကြ၏။ sလောကီတရား၌ ကျွန်ပြန်ခံ

ဧဖက် ၁း၁၁
၁၁ မိမိစေတနာ၏ အလိုတော်သို့ လိုက်၍၊ အလုံးစုံတို့ကို စီရင် ပြုပြင်တော်မူတတ်သော သူ၏ကြံစည်ခြင်း ရှိသည်အတိုင်း၊ ရှေးမဆွက ခွဲခန့် မှတ်သားတော်မူသည် နှင့်အညီ၊ ငါတို့သည် ထိုခရစ်တော်အားဖြင့် အမွေခံဖြစ်ကြ၏။

ဖက် ၃း၆
၆ ငါတို့သည် ယေရှုခရစ်အားဖြင့်၊ သားအရာကို ရမည်အကြောင်း၊ အလိုတော်ရှိသော စေတနာအတိုင်း၊ ရှေးမဆွက ခွဲခန့်မှတ်သားတော်မူ၏။

တိတု ၃းရ
၇ အကြောင်းမူကား၊ ငါတို့သည် ဘုရားသခင်၏ ကျေးဇူးတော်အားဖြင့်၊ ဖြောင့်မတ်ရာသို့ရောက်၍၊ ထာဝရအသက်ကို မြော်လင့်သည်နှင့်အညီ၊ အမွေခံဖြစ်မည် အကြောင်းတည်း။ s အကျိုးရှိမည့်အရာများကျင့်ဘို့ ဟောပြောပါ

ဟေဗြဲ ၁း၁၄
၁၄ ကောင်းကင်တမန်များတို့ကား၊ ကယ်တင်တော်မူခြင်း ကျေးဇူးကို အမွေခံလတံ့သောသူတို့ကို ပြုစုစေခြင်းငှါ၊ စေလွှတ်တော်မူသော အစေခံ ဝိညာဉ်ဖြစ်ကြသည် မဟုတ်လော။ %ln

ဗျာ ၂၁းရ
၇ အောင်မြင်သောသူသည် ဤအရာတို့ကို အမွေခံရလိမ့်မည်။ ငါသည်သူ၏ ဘုရားသခင် ဖြစ်မည်။သူသည်လည်း ငါ၏သားဖြစ်လိမ့်မည်။

CROSS REFERENCES

၂ ဓမ္မ ရး၁၄
၁၄ ငါသည် သူ၏အဘဖြစ်မည်။ သူသည်လည်း ငါ၏သား ဖြစ်လိမ့်မည်။ သူသည် ဒုစရိုက်ကို ပြုလျှင် လူသုံးတတ်သော ကြိမ်လုံးနှင့် ငါဆုံးမမည်။ လူသား ရိုက်တတ်သကဲ့သို့ ငါရိုက်မည်။

ဆာလံ ၈၉း၂၆
၂၆ သူကလည်း၊ ကိုယ်တော်သည် အကျွန်ုပ်၏အဘ၊ အကျွန်ုပ်၏ ဘုရားသခင်၊ အကျွန်ုပ်ကို ကယ်တင်ရာ ကျောက်ဖြစ်တော်မူ၏၊ ဟုငါ့ကိုကြွေးကြော်လိမ့်မည်။

ဆာ ၈၉း၅၂
၅၂ ထာဝရ ဘုရားသည် ကမ္ဘာအဆက်ဆက် မင်္ဂလာ ရှိတော်မူစေသတည်း။ အာမင်နှင့် အာမင်။ %ln %ft(a) ကောင်းကင်မြဲမြံသကဲ့သို့ မြဲမြံစေမည်

၂ ကော ၆း၁၆
၁၆ ဘုရားသခင်၏ ဗိမာန်တော်သည် ရုပ်တုတို့နှင့်အဘယ်သို့ စပ်ဆိုင်ရမည်နည်း။ ဘုရားသခင် မိန့်တော်မူသည်ကား၊ သူတို့တွင် ငါကျိန်းဝပ်မည်။ သူတို့တွင်လှည့်လည်၍ သူတို့၏ဘုရားသခင်ဖြစ်မည်။ သူတို့သည်လည်း ငါ၏လူဖြစ်ကြလိမ့်မည်။ ဟုမိန့်တော်မူသည်နှင့်အညီ၊ သင်တို့သည် အသက်ရှင်တော်မူသော ဘုရားသခင်၏ ဗိမာန်တော်ဖြစ်ကြ၏။

၂ ကော ၆း၁၈
၁၈ သင်တို့၏ အဘဖြစ်မည်။ သင်တို့သည်လည်း ငါ၏သားသမီးဖြစ်ကြလိမ့်မည်။ ဟုအနန္တတန်ခိုးနှင့်ပြည့်စုံသော ထာဝရဘုရား မိန့်တော်မူ၏။

ဗျာ ၂၁း၃
၃ ကောင်းကင်မှ ကြီးသောအသံကား၊ ဘုရားသခင်၏ တဲတော်သည် လူတို့တွင်ရှိ၏။ လူတို့နှင့်အတူ ကျိန်းဝပ်တော်မူမည်။ သူတို့သည် ကိုယ်တော်၏လူ ဖြစ်ကြလိမ့်မည်။ ဘုရားသခင်သည် ကိုယ်တော်တိုင် သူတို့နှင့်အတူ ရှိနေ၍၊ သူတို့၏ ဘုရားသခင် ဖြစ်တော်မူမည်။

၅ ပလ္လင်တော်ပေါ်မှာ ထိုင်တော်မူသောသူ ကလည်း၊ ငါသည် ခပ်သိမ်းသောအရာတို့ကို၊ အသစ်ဖန်ဆင်းသည်၊ ဟုမိန့်တော်မူ၏။ တဖန်တုံ၊ ရေးထားလော့၊ ဤစကားသည်သစ္စာစကား၊ ဟုတ်မှန်သောစကားဖြစ်၏ ဟူ၍၎င်း၊ ၆ အမှုပြီးပြီ။ ငါသည်အာလာဖ(Alpha)ဖြစ်၏။ ဩမေဃ(Omega)လည်း ဖြစ်၏။ [D]အစနှင့်အဆုံးလည်း ဖြစ်၏။ ရေငတ်သောသူအား အသက်စမ်းရေကို အဘိုးမယူဘဲ ငါပေးမည်။ [E] ၇ အောင်မြင်သောသူသည် ဤအရာတို့ကို အမွေခံ [F]ရလိမ့်မည်။ ငါသည်သူ၏ ဘုရားသခင် ဖြစ်မည်။ [G]သူသည်လည်း ငါ၏သားဖြစ်လိမ့်မည်။ ၈ ကြောက်တတ်သောသူ၊ မယုံကြည်သောသူ၊ စက်ဆုပ်ရွံရှာဘွယ်သောသူ၊ လူအသက်ကို သတ်သောသူ၊ မတရားသောမေထုန်၌ မှီဝဲသောသူ၊ ပြုစားတတ်သောသူ၊ ရုပ်တုကိုကိုးကွယ်သောသူ၊ သစ္စာပျက်သောသူ အပေါင်းတို့မူကား၊ ဒုတိယသေခြင်းတည်းဟူသော၊ ကန့်နှင့်လောင်သော မီးအိုင်ထဲ၌ ၊ မိမိတို့အဘို့ကို ရကြလိမ့်မည် ဟူ၍၎င်း၊ ငါ့အားမိန့်တော်မူ၏။

မင်္ဂလာဆောင်သတို့သမီး

CROSS REFERENCES

၂ ကော ၁၁း၂

ဧဖက် ၅း၂၅-၂၆

ဗျာ ၂၁း၂

ဗျာ ၂၁း၂
၂ သန့်ရှင်းသော မြို့တည်းဟူသော ယေရုရှလင်မြို့သစ်သည်၊ မိမိခင်ပွန်းဖို့တန်ဆာဆင်သော မင်္ဂလာဆောင်သတို့ သမီး ကဲ့သို့ ပြင်ဆင်လျက် ဘုရားသခင့်အထံတော်၊ ကောင်းကင်ဘုံမှ ဆင်းသက်သည်ကို ငါမြင်၏။

၉ နောက်ဆုံးသော ဘေးဒဏ်ခုနစ်ပါးနှင့်၊ ပြည့်စုံသော ဖလားခုနစ်လုံးကို၊ ဆောင်သော ကောင်းကင်တမန်ခုနစ်ပါးတွင် တပါးသည်လာပြီးလျှင်၊ ငါ့ကိုနှုတ်ဆက်၍၊ လာခဲ့ပါ။ သိုးသငယ်၏ ခင်ပွန်းတည်းဟူသော၊ မင်္ဂလာဆောင် သတို့သမီး [H]ကို ငါပြမည်၊ ဟုပြောဆိုလျက်၊ ၁၀ ကြီးမြင့်သော တောင်သို့ ဝိညာဉ်တော်အားဖြင့်၊ ငါ့ကိုဆောင်သွား၍ သန့်ရှင်းသော ယေရုရှလင်မြို့သည်၊ ဘုရားသခင်၏ ဘုန်းတော်နှင့် ပြည့်စုံလျက်၊ ဘုရားသခင့်အထံတော်၊ ကောင်းကင်ဘုံမှ ဆင်းသက်သည်ကို ငါ့အားပြလေ၏။

ယေရုရှလင်မြို့

၁၁ ထိုမြို့၏အရောင်အဝါသည်၊ ကျောက်သလင်း နဂါးသွဲ့ကဲ့သို့၊ အမြတ်ဆုံးသော ကျောက်မျက်မွန်နှင့်တူ၏။ ၁၂ ကြီးမြင့်သောမြို့ရိုးလည်းရှိ၏။ ၁၃ အရှေ့ဘက်၌ တံခါးသုံးပေါက်၊ မြောက်ဘက်၌ သုံးပေါက်၊ တောင်ဘက်၌ သုံးပေါက်၊ အနောက်ဘက်၌ သုံးပေါက်၊ တံခါးတဆယ်နှစ်ပေါက်ရှိ၏၊ ထိုတံခါးတဆယ်နှစ်ပေါက်၌ ၊ ကောင်းကင်တမန် တဆယ်နှစ်ပါးရှိ၏၊ ဣသရေလအမျိုး တဆယ်နှစ်မျိုး၏ နာမတို့သည်၊ ထိုတံခါးပေါ်၌ ရေးထားလျက်ရှိ၏။ ၁၄ မြို့ရိုးအမြစ်သည် တဆယ်နှစ်ထပ်ရှိ၏။ သိုးသငယ်၏ တမန်တော်တဆယ်နှစ်ပါး၏ နာမတို့သည်၊ မြို့ရိုးအမြစ်ပေါ်၌ ရေးထားလျက်ရှိကြ၏။

မြို့အတိုင်းအရှည်နှင့်မြို့ရိုးများ

၁၅ ငါနှင့်စကားပြောသောသူသည်၊ မြို့ကို၎င်း၊ တံခါးတို့ကို၎င်း၊ မြို့ရိုးကို၎င်း၊ တိုင်းခြင်းငှါ တိုင်းစရာရွှေကျူလုံးပါ၏။၁၆ မြို့သည် စတုရန်းလေးထောင့်ဖြစ်၏။ ထိုသူသည် ကျူလုံးနှင့်မြို့ကို တိုင်း၍မြို့၏အနံ၊ အလျား၊ အမြင့်၊ ယူဇနာတရာနှစ်ဆယ်စီရှိ၏။(a) မြို့ရိုးထုကိုတိုင်း၍၊ လူအတောင်ကဲ့သို့သော ကောင်းကင်တမန် အတောင်အားဖြင့်၊ တရာလေးဆယ်လေး တောင်ရှိ၏။ ၁၈ မြို့ရိုးကိုယ်သည် နဂါးသွဲ့ကျောက်ဖြစ်၏။ မြို့သည်လည်း ကြည်လင်သော ဖန်နှင့်တူသော ရွှေစင်ဖြစ်၏။ ၁၉ မြို့ရိုးအမြစ်တို့သည် ကျောက်မြတ်အမျိုးမျိုးနှင့် ပြည့်စုံကြ၏။ ပဌမအမြစ်ကား နဂါးသွဲ့ဖြစ်၏။ ဒုတိယအမြစ် ကားနီလာ၊ တတိယအမြစ်ကား မဟူရာ၊ စတုတ္ထအမြစ်ကား မြ၊ ၂၀ ပဥ္စမအမြစ်ကား ကြောင်၊ ဆဌမအမြစ်ကား ကျောက်နီ၊ သတ္တမအမြစ်ကား ခရုသုလိတ်၊ အဌမအမြစ်ကား မျက်ရွဲ၊ နဝမအမြစ်ကား ဥဿဖရား၊ ဒသမအမြစ်ကား ခရုသုပြတ်၊ ဧကဒသမအမြစ်ကား ဝါကိသု၊ ဒွါဒသမအမြစ်ကား ဂေါ်မုတ်ဖြစ်သတည်း။ ၂၁ တံခါးရွက် တဆယ်နှစ်ရွက် အသီးသီးတို့သည် ပုလဲတပြားစီဖြင့်ပြီး၍ ပုလဲတဆယ်နှစ်ပြားဖြစ် ကြ၏။ မြို့လမ်းမသည် ကြည်လင်သော ဖန်ကဲ့သို့သော ရွှေစင်ဖြစ်၏။

ဘုရားသခင်နှင့်သိုးသငယ်အလင်း

၂၂ မြို့ထဲ၌ ဗိမာန်တော်ကိုငါမမြင်။ အကြောင်းမူကား၊ အနန္တတန်ခိုးနှင့် ပြည့်စုံတော်မူသော ထာဝရအရှင် ဘုရားသခင်နှင့် သိုးသငယ်သည်၊ ထိုမြို့၏ ဗိမာန်တော် ဖြစ်တော်မူ၏။ ၂၃ ထိုမြို့သည် နေ၏အရောင်၊ လ၏အရောင်ကို အလိုမရှိ၊ အကြောင်းမူကား၊ ဘုရားသခင်၏ ဘုန်းတော်သည် ထိုမြို့ကို လင်းစေ၏။ သိုးသငယ်သည်လည်း ထိုမြို့၏ ဆီမီးဖြစ်၏။ ၂၄ လူအမျိုးမျိုးတို့သည် ထိုမြို့၏အလင်းကို အမှီပြု၍၊ သွားလာကြလိမ့်မည်။ လောကီရှင်ဘုရင် တို့သည်လည်း၊ မိမိတို့ဘုန်းအသရေကို ထိုမြို့ထဲသို့ ဆောင်ခဲ့ကြလိမ့်မည်။ ၂၅ မြို့တံခါးတို့ကို နေ့အချိန်၌ အလျှင်းမပိတ်တတ်။ ညမူကားမရှိ။ ၂၆ လူအမျိုးမျိုးတို့သည် မိမိတို့ဘုန်းအသရေကို၊ ထိုမြို့ထဲသို့ ဆောင်ခဲ့ကြလိမ့်မည်။ ၂၇ ညစ်ညူးသောအရာ၊ စက်ဆုပ်ဘွယ်သောအရာ၊ သစ္စာပျက်သောအရာ၊ တစုံတခုမျှမဝင်ရဘဲ၊ သိုးသငယ်၏အသက်စာစောင်၌ စာရင်းဝင်သောသူတို့သာလျှင် ဝင်ရ၏။

_________________________
Footnotes

၁၆ (a) မိုင် ၁၄၀၀ ခန့် ၁၂,၀၀၀ stadia