၁ ထိုသို့ဖြစ်လျှင်၊ ကောင်းကင်ဘုံနှင့် စပ်ဆိုင်သော၊ ခေါ်ဖိတ်တော်မူခြင်း ကျေးဇူးကိုခံရသောသူ၊ သန့်ရှင်းသော ညီအစ်ကိုတို့၊ ငါတို့ဝန်ခံသော တမန်တော်နှင့် ယဇ်ပုရောဟိတ်မင်း တည်းဟူသော၊ ယေရှု၏အကြောင်းကို စေ့စေ့ဆင်ခြင်ကြလော့။ ၂ မောရှေသည် ဘုရားသခင်၏ အိမ်တော်တအိမ်လုံး၌ သစ္စာစောင့်သကဲ့သို့၊ ယေရှုသည် မိမိကို ခန့်ထားတော်မူသော သူ၏အမှုတော်၌ သစ္စာစောင့်တော်မူ၏။ ၃ အိမ်ကိုဆောက်သောသူသည် အိမ်ထက်သာ၍ ကြီးသော အသရေရှိသကဲ့သို့၊ ယေရှုသည် မောရှေထက်သာ၍ ကြီးသောအသရေကို ခံထိုက်သောသူဖြစ်သည်။ ဟုထင်မှတ်စရာ အကြောင်းရှိ၏။ ၄ အိမ်မည်သည်ကား၊ တစုံတယောက်သောသူ ဆောက်သောကြောင့်ဖြစ်၏။ အလုံးစုံတို့ကို တည်ဆောက်သော သူကား၊ ဘုရားသခင်ပေတည်း။ ၅ မောရှေသည်၊ နောက်ဟောပြောလတံ့သော အရာတို့ကို သက်သေခံခြင်းအလိုငှါ၊ အစေခံကဲ့သို့ အိမ်တော် တအိမ်လုံး၌ သစ္စာစောင့်၏။ ၆ ခရစ်တော်မူကား၊ သားကဲ့သို့ အိမ်တော်ကို အုပ်စိုး၍ သစ္စာစောင့်တော်မူ၏။ ငါတို့သည်ကား၊ ရဲရင့်ခြင်း၌၎င်း၊ မြော်လင့်ခြင်း [A]နှင့် စပ်ဆိုင်သော ဝါကြွားဝမ်းမြောက်ခြင်း၌၎င်း၊ အဆုံးတိုင်အောင် တည်ကြည်လျှင်၊ ထိုအိမ်တော်ဖြစ်သတည်း။

CROSS REFERENCES

ဆာလံ ၉၅း၈-၁၁

ဆာလံ ၉၅း၈-၁၁
၈ ယနေ့တွင် သင်တို့သည် ဗျာဒိတ်တော်အသံကို ကြားလျက် ခိုင်မာသော စိတ်နှလုံး မရှိကြနှင့်။

ခိုင်မာသောစိတ်နှလုံးမရှိကြနှင့် [B]

CROSS REFERENCES

ဟေဗြဲ ၁၀း၂၅

ဟေဗြဲ ၁၀း၂၅
၂၅ လူအချို့တို့၏ ထုံးစံရှိသည်အတိုင်း၊ အချင်းချင်း စည်းဝေးခြင်းအမှုကို မရှောင်လွှဲကြနှင့်။ အချင်းချင်းတို့ကို တိုက်တွန်းနှိုးဆော်ကြလော့။ ကာလအချိန် ရောက်လုနီးသည်ကို ထောက်သဖြင့်၊ သာ၍ကြိုးစားကြလော့။ s ဘုရားလက်တော်သို့ ကျရောက်ခြင်းသည် ကြောက်မက်ဘွယ်

၇ ထိုကြောင့်၊ သန့်ရှင်းသောဝိညာဉ်တော် မိန့်တော်မူသည်ကား၊ ယနေ့တွင် သင်တို့သည် သူ၏အသံတော်(a) ကို ကြားလျက်ရှိသည်ဖြစ်၍၊ ၈ ခိုင်မာသော စိတ်နှလုံး မရှိကြနှင့်။ သင်တို့အဘများသည်၊ အနှစ်လေးဆယ်ပတ်လုံး ငါ့ကို အနည်းနည်း စုံစမ်း၍၊ ၉ ငါ၏ အမှုတို့ကို မြင်ရသောတောတွင်၊ ငါ့ကို ဆန့်ကျင်ဘက်ပြု၍ စုံစမ်းရာကာလ၌ ရှိသကဲ့သို့ မရှိစေကြနှင့်။ ၁၀ ထိုလူမျိုးကို ငါရွံသည်ဖြစ်၍၊ သူတို့သည် အစဉ် စိတ်သဘော မှားယွင်းတတ်ကြ၏။ ငါ၏ အလေ့အလာတို့ကို နားမလည်ကြ၊ ဟုငါဆိုရ၏။ ၁၁ ထိုကြောင့်၊ သူတို့သည် ငါ၏ချမ်းသာထဲသို့ မဝင်ရကြ၊ ဟုအမျက်ထွက်၍ ငါကျိန်ဆိုသည်၊ ဟုမိန့်တော်မူချက် ရှိသည်နှင့်အညီ၊ ၁၂ ညီအစ်ကိုတို့၊ သင်တို့သည် အသက်ရှင်တော်မူသော ဘုရားသခင့် ထံတော်မှ၊ ထွက်သွားသောအားဖြင့် မယုံကြည်တတ်၊ ဆိုးညစ်သော စိတ်နှလုံးမရှိစေခြင်းငှါ သတိပြုကြလော့။ ၁၃ ဒုစရိုက်၏ လှည့်ဖြားခြင်းအားဖြင့်၊ သင်တို့စိတ်နှလုံး မခိုင်မာစေခြင်းငှါ၊ ယနေ့ဟူ၍ခေါ်ဝေါ်သောအချိန်၊ နေ့တိုင်းအစဉ် အချင်းချင်း တယောက်ကိုတယောက် တိုက်တွန်းနှိုးဆော်ကြလော့။ [C]

ဣသရေလလူများမယုံကြည်သောကြောင့်ခါနန်ပြည်မဝင်ရ

၁၄ ငါတို့သည် စိတ်စွဲလမ်းခြင်းကို အစပြုသကဲ့သို့၊ အဆုံးတိုင်အောင် တည်ကြည်လျှင်၊ ခရစ်တော်နှင့် ဆက်ဆံသောသူဖြစ်ကြ၏။ ၁၅ ယနေ့တွင် သင်တို့သည် ဗျာဒိတ်တော်အသံကို ကြားလျက် ရှိသည်ဖြစ်၍၊ ဆန့်ကျင်ဘက် ပြုရာကာလ၌ ရှိသကဲ့သို့၊ ခိုင်မာသော စိတ်နှလုံး မရှိကြနှင့်၊ ဟုကျမ်းစာ လာသည်အရာမှာ၊ ၁၆ ကြားပြီးမှ ဆန့်ကျင်ဘက် ပြုသောသူတို့ကား၊ အဘယ်သူနည်း။ မောရှေနောက်သို့လိုက်၍၊ အဲဂုတ္တု (Egypt)ပြည်မှ ထွက်လာသော သူအပေါင်းတို့သည်၊ ထိုသို့ပြုကြသည် မဟုတ်လော။ ၁၇ အနှစ်လေးဆယ်ပတ်လုံး နှစ်သက်တော်မမူသော သူတို့ကား၊ အဘယ်သူနည်း။ ဒုစရိုက်အပြစ်ကို ပြုသောကြောင့်၊ တော၌လဲ၍ သေသောသူပင်မဟုတ်လော။ ၁၈ သင်တို့သည် ငါ၏ချမ်းသာထဲသို့ မဝင်ရကြ။ ဟုကျိန်ဆိုတော်မူသော သူတို့ကား၊ မယုံကြည်သောသူမှ တပါးအဘယ်သူနည်း။ ၁၉ သို့ဖြစ်၍၊ သူတို့သည် မယုံကြည်သောကြောင့်သာ မဝင်နိုင်သည်ကို ငါတို့ သိမြင်ကြ၏။

_________________________
Footnotes

၇ (a) φωνῆς αὐτοῦ "သူ၏အသံတော်" ကိုမြန်မာကျမ်းစာအုပ်၌ "ဗျာဒိတ်တော်အသံ" ဟုဘာသာပြန်ထားသည်။ "ဗျာဒိတ်တော်" ဟုဆိုသောအခါ၊ အနာဂတ်အတွက် ပရောဖက်ပြုချက်၊ ဟုလွဲမှားနိုင်သောကြောင့်၊ "သူ၏အသံတော်" ဟုပြင်ရခြင်းဖြစ်သည်။