တမန်တော်၀တ္ထု

အခန်းကြီး ၆

ယေရုရှလင်အသင်းတော်၌ အစာဝေမည့်သူရွေး

၁ ထိုကာလ၌ တပည့်တော်တို့သည် များပြားသည်ရှိသော်၊ နေ့ရက်အစဉ်အတိုင်း လုပ်ကြွေးသောအခါ၊ ဟေလေနစ်အမျိုး မုဆိုးမတို့ကို မလုပ်မကြွေး၊ ဟုထိုအမျိုးအသားတို့သည် မြည်တမ်း၍၊ ဟေဗြဲလူတို့ကို အပြစ်တင်ကြ၏။ ၂ ထိုအခါ တကျိပ်နှစ်ပါးသော တမန်တော်တို့သည်၊ တပည့်တော် အပေါင်းတို့ကို ခေါ်ပြီးလျှင်၊ ငါတို့သည် ဘုရားသခင်၏ နှုတ်ကပတ်တရားတော်ကို ထား၍၊ စားပွဲ၌ လုပ်ကျွေးမှုကို မဆောင်သင့်။ ၃ ထိုကြောင့် ညီအစ်ကိုတို့၊ ဝိညာဉ်တော်နှင့်၎င်း၊ ပညာနှင့်၎င်း ပြည့်စုံလျက်၊ အသရေရှိသော လူခုနစ်ယောက်တို့ကို၊ သင်တို့တွင် ရှာကြလော့။ ဤအမှုကို ဆောင်ရွက်စေခြင်းငှါ၊ ထိုသူတို့ကို ငါတို့သည်ခန့်ထားကြမည်။ ၄ ငါတို့မူကား ဆုတောင်းပဌနာပြုခြင်း၊ နှုတ်ကပတ်တရားတော်ကို ဟောပြောခြင်း၊ အမှုတို့ကိုအမြဲပြု၍ နေမည်၊ ဟုဆိုကြ၏။ ၅ ထိုစကားကို လူအစုအဝေး အပေါင်းတို့သည် နှစ်သက်ကြသဖြင့်၊ ယုံကြည်ခြင်းနှင့်၎င်း၊ သန့်ရှင်းသော ဝိညာဉ်တော်နှင့်၎င်း၊ ပြည့်စုံသော သတေဖန်(Stephen)မှစ၍ ဖိလိပ္ပု(Philip)၊ ပြောခေါ်(Prochorus)၊ နိကနော်(Nicanor)၊ တိမုန်(Timon)၊ ပါမေန(Parmenas)၊ ယုဒဘာသာဝင်သော အန္တိအုတ်မြို့သား နိကောလ(Nicolas)တို့ကို ရွေးကောက်၍၊ ၆ တမန်တော်တို့ရှေ့၌ ထားကြ၏။ တမန်တော်တို့သည်လည်း ဆုတောင်းပြီးလျှင်၊ ထိုသူတို့၏ ခေါင်းပေါ်၌ လက်ကိုတင်ကြ၏။

သတေဖန်နှင့် ငြင်းခုံခြင်း

CROSS REFERENCES

မဿဲ ၂၂း၂၉
၂၉ ယေရှုကလည်း၊ သင်တို့သည် ကျမ်းစာကို နားမလည်၊ ဘုရားသခင်၏ တန်ခိုးတော်ကို မသိသောကြောင့်၊ မှားသော အယူကို ယူကြ၏။

မာကု ၁၂း၂၄
၂၄ ယေရှုကလည်း၊ သင်တို့သည် ကျမ်းစာကိုနားမလည်၊ ဘုရားသခင်၏ တန်ခိုးတော်ကို မသိသောကြောင့်၊ မှားသောအယူကို ယူကြ၏။

ယောဟန် ၂၀း၉
၉ ကိုယ်တော်သည် သေခြင်းမှ ထမြောက်ရမည်ဟူသော ကျမ်းစကားကို၊ တပည့်တော်တို့သည် နားမလည်ကြသေး။

တမန် ၁း၈
၈ ထိုသို့မရှိသော်လည်း၊ သင်တို့အပေါ်သို့ သန့်ရှင်းသော ဝိညာဉ်တော် ဆင်းသက်သောအခါ၊ သင်တို့သည် တန်ခိုးကိုခံရ၍၊ ယေရုရှလင်မြို့မှစသော ယုဒပြည်၊ ရှမာရိပြည်၊ မြေကြီးစွန်းတိုင်အောင် ငါ၏သက်သေ ဖြစ်ကြလိမ့်မည်ဟု%fo(a) မိန့်တော်မူ၏။

CROSS REFERENCES

ယောဟန် ၂း၁၉
၁၉ ယေရှုကလည်း၊ ဤဗိမာန်တော်ကို ဖြိုဖျက်ကြလော့။ သုံးရက်အတွင်းတွင် ငါတည်ဆောက်မည်၊ ဟုမိန့်တော်မူ၏။

မဿဲ ၂၆း၆၁
၆၁ ဤသူက ငါသည် ဘုရားသခင်၏ ဗိမာန်တော်ကို ဖြိုဖျက်၍၊ သုံးရက်အတွင်းတွင် တည်ဆောက်နိုင်သည်၊ ဟုပြောပါသည်၊ ဟုသက်သေခံကြ၏။

မဿဲ ၂ရး၃၉
၃၉ လမ်းမှာ သွားလာသော သူတို့ကလည်း၊ ဗိမာန်တော်ကို ဖြိုဖျက်၍ သုံးရက်အတွင်းတွင် တည်ဆောက် ပြန်သောသူ၊ ကိုယ်ကိုကိုယ် ကယ်တင်လော့။

မာကု ၁၄း၅၈
၅၈ ဤဗိမာန်တော်ကို ငါဖြိုဖျက်၍၊ လူတို့လက်ဖြင့် မလုပ်သော ဗိမာန်တော်တဆူကို၊ တည်ဆောက်မည်၊ ဟုပြောဆိုသည်ကို အကျွန်ုပ်တို့ကြားရပါပြီ၊ ဟုသက်သေခံကြ၏။

မာကု ၁၅း၂၉
၂၉ လမ်းမှာသွားလာ သောသူတို့ကလည်း၊ ဟဲ့၊ ဗိမာန်တော်ကို ဖြိုဖျက်၍ သုံးရက်အတွင်းတွင် တည်ဆောက်ပြန်သောသူ၊

၇ ဘုရားသခင်၏ သာသနာတော်သည် တိုးပွားသဖြင့်၊ ယေရုရှလင်မြို့၌ တပည့်တော်တို့သည် အလွန်ပွားများ၍၊ ယဇ်ပုရောဟိတ် အပေါင်းတို့သည်၊ ယုံကြည်ခြင်း တရားကို နားထောင်ကြ၏။ ၈ သတေဖန်သည် ကျေးဇူးတော်နှင့်၎င်း၊ တန်ခိုးတော်နှင့်၎င်း၊ [A] ပြည့်စုံသဖြင့် ကြီးစွာသော နိမိတ်လက္ခဏာ၊ အံ့ဘွယ်သောအမှုတို့ကို လူများရှေ့မှာ ပြုလေ၏။ ၉ ထိုအခါ လိဗေရတိန် အပေါင်းအသင်းဝင်သောသူ မှစ၍၊ ကုရေနေပြည်သား၊ အာလေဇန္ဒြိပြည်သား၊ ကိလိကိပြည်သား၊ အာရှိပြည်သားအချို့တို့သည် ထ၍၊ သတေဖန်နှင့် ငြင်းခုံခြင်းကို ပြုစဉ်တွင်၊ ၁၀ သူဟောပြော၍ သုံးစွဲသောပညာနှင့်၊ ဝိညာဉ်တော်ကို မခံမဆီးနိုင်ကြ။ ၁၁ ထိုအခါ ဤသူသည် မောရှေကို၎င်း၊ ဘုရားသခင်ကို၎င်း၊ လွန်ကျူး၍ ပြောသည်ကို ငါတို့ကြားရပါပြီ၊ ဟုသက်သက်ခံမည့်သူတို့ကို တိတ်ဆိတ်စွာခေါ်၍ ထားကြပြီးလျှင်၊ ၁၂ လူများကို၎င်း၊ အကြီးအကဲ ကျမ်းပြုဆရာတို့ကို၎င်း၊ နှိုးဆော်၍ သတေဖန်ထံသို့ လာသဖြင့် ဖမ်းဆီး၍ လွှတ်တော်သို့ပို့ကြ၏။ ၁၃ မမှန်သော သက်သေခံတို့ကိုခေါ်၍၊ ဤသူသည် သန့်ရှင်းသော အရပ်ဌာနတော်နှင့်၊ ပညတ်တရားတော်ကို လွန်ကျူး၍၊ အစဉ်မပြတ် ပြောဆိုလျက်နေပါ၏။ ၁၄ ထိုနာဇရက်မြို့သား ယေရှုသည် ဤအရပ်ဌာနတော်ကို ဖျက်ဆီး၍၊ [B] ငါတို့အား မောရှေအပ်ပေးသော ထုံးနည်းဥပဒေသကို ပြောင်းလဲစေမည်၊ ဟုဤသူဆိုသည်ကို ကျွန်ုပ်တို့သည် ကြားရပါပြီ၊ ဟုသက်သေခံကြ၏။ ၁၅ လွှတ်တော်၌ ထိုင်လျက်ရှိသောသူ အပေါင်းတို့သည်၊ သတေဖန်ကို စေ့စေ့ကြည့်ရှုလျှင်၊ သူ၏မျက်နှာသည်၊ ကောင်းကင် တမန်၏ မျက်နှာကဲ့သို့ဖြစ်သည်၊ ဟုထင်မှတ်ကြ၏။