တမန်တော်၀တ္ထု

အခန်းကြီး ၄

တမန်တော်များကို ဖမ်းဆီးစစ်ဆေး

CROSS REFERENCES

တမန် ၂း၄၁
၄၁ ထိုစကားကို အသင့်နှလုံး သွင်းမိသော သူတို့သည် ဗတ္တိဇံကိုခံ၍၊ ထိုနေ့၌ အရေအတွက်အားဖြင့် သုံးထောင်မျှလောက်သော သူတို့သည်ဝင်ကြ၏။ sယုံကြည်သူများ နေ့တိုင်းပေါင်းဖော်ကြ

၁ ထိုသို့ တမန်တော်တို့သည် လူများတို့အား ဟောပြောစဉ်တွင်၊ ဗိမာန်တော်မှူးမှစသော ယဇ်ပုရောဟိတ်တို့နှင့်၊ ဇဒ္ဒုကဲများ တို့သည် လာကြသဖြင့်၊ ၂ တမန်တော်တို့သည် လူများတို့အား ဆုံးမဩဝါဒပေး၍၊ ယေရှုကို အကြောင်းပြုလျက် သေခြင်းမှ ထမြောက်ခြင်းတရားကို ဟောသောကြောင့်၊ ထိုမင်းများတို့သည် စိတ်ပူပန်ခြင်းရှိသည်နှင့်၊ ၃ တမန်တော်တို့ကို ဖမ်းဆီးပြီးမှ၊ ညအချိန်ဖြစ်သောကြောင့်၊ နက်ဖြန်နေ့တိုင်အောင် နှောင်အိမ်၌ ချုပ်ထားကြ၏။ ၄ တရားနာသောသူများတို့သည်၊ ယုံကြည်ခြင်းသို့ ရောက်၍၊ အရေအတွက်အားဖြင့် လူငါးထောင်မျှ လောက်ရှိကြ၏။ [A]၅ နက်ဖြန်နေ့ရောက်သော် မင်းအရာရှိ၊ လူအကြီး အကဲ၊ ကျမ်းပြုဆရာတို့နှင့်၊ ၆ ယဇ်ပုရောဟိတ်မင်း အန္နတ်၊ ကယာဖ၊ ယောဟန်၊ အာလေဇန္ဒြုမှစ၍ ယဇ်ပုရောဟိတ်မင်းမျိုး ရှိသမျှတို့သည်၊ ယေရုရှလင်မြို့၌ စုဝေးကြပြီးလျှင်၊ ၇ တမန်တော်တို့ကို အလယ်၌ ထား၍၊ သင်တို့သည် အဘယ်သို့သောတန်ခိုး၊ အဘယ်သူ၏ နာမအားဖြင့် ဤအမှုကိုပြုသနည်း၊ ဟုမေးမြန်းကြ၏။

ပေတရုက ရဲဝင့်စွာ သခင်ယေရှုနာမပြော

CROSS REFERENCES

ဆာ ၁၁၈း၂၂
၂၂ တိုက်ကိုတည်လုပ်သော သူများ ပယ်ထားသော ကျောက်သည် နောက်တဖန် တိုက်ထောင့်အထွဋ်ဖျားသို့ ရောက်ပြန်၏။

မဿဲ ၂၁း၄၂
၄၂ ယေရှုကလည်း၊ တိုက်ကို တည်လုပ်သောသူများ ပယ်ထားသော ကျောက်သည်၊ နောက်တဖန် တိုက်ထောင့် အထွဋ်ဖျားသို့ ရောက်ပြန်၏။ ထိုအမှုသည် ထာဝရဘုရား ပြုတော်မူသော အမှုဖြစ်၏ ငါတို့မျက်မှောက်၌လည်း အံ့ဩဘွယ်ဖြစ်၏၊ ဟူသော စကားကို ကျမ်းစာ၌ သင်တို့သည် တရံတခါမျှ မဖတ်ဘူးသလော။

မာကု ၁၂း၁၀-၁၁
၁၀ တိုက်ကိုတည်လုပ်သော သူများပယ်ထားသော ကျောက်သည်၊ နောက်တဖန် တိုက်ထောင့်အထွဋ်ဖျားသို့ ရောက်ပြန်၏။ ထိုအမှုသည် ထာဝရဘုရား ပြုတော်မူသော အမှုဖြစ်၏။

လုကာ ၂၀း၁ရ
၁၇ ကိုယ်တော်သည် ထိုသူတို့ကို ကြည့်ရှု၍၊ တိုက်ကိုတည်လုပ်သောသူများ ပယ်ထားသောကျောက်သည်၊ နောက်တဖန် တိုက်ထောင့်အထွဋ်ဖျားသို့ ရောက်ပြန်၏၊ ဟူသောကျမ်းစာချက်သည် အဘယ်သို့ဆိုလိုသနည်း။

ဧဖက် ၂း၂၀
၂၀ အဘယ်သို့ နည်းဟူမူကား၊ တမန်တော်မှစ၍ ပရောဖက်များ တည်းဟူသော၊ တိုက်မြစ်အပေါ်၌ သင်တို့သည်၊ ထပ်ဆင့်၍ တည်ဆောက်လျက် ရှိကြ၏။

၁ ပေ ၂းရ-၈
၇ သို့ဖြစ်၍ ယုံကြည်ခြင်းရှိသော သင်တို့၌ကား ဘုန်းအသရေရှိ၏။ နားမထောင်သော သူတို့၌ကား၊ တိုက်ကိုတည်လုပ်သောသူများ ပယ်ထားသော ကျောက်သည်၊ နောက်တဖန် တိုက်ထောင် အထွဋ်အဖျားသို့ ရောက်ပြန်၏။

၈ ထိုအခါ ပေတရုသည် သန့်ရှင်းသော ဝိညာဉ်တော်နှင့် ပြည့်လျက်၊ လူများကိုအစိုးရသော မင်းတို့နှင့် ဣသရေလအမျိုး အကြီးအကဲတို့၊ ၉ အင်္ဂါချို့တဲ့သောသူကို ကျေးဇူးပြု၍၊ သူသည် အနာရောဂါနှင့် အဘယ်သို့ ကင်းလွတ်သနည်း။ ဟုငါတို့သည် ယနေ့အစစ်ခံရလျှင်၊ ၁၀ သင်တို့သည် လက်ဝါးကပ်တိုင်မှာ ကွပ်မျက်၍၊ ဘုရားသခင်သည် သေခြင်းမှ ထမြောက် စေတော်မူသော၊ နာဇရက်မြို့သား ယေရှုခရစ်၏ နာမတော်အားဖြင့်၊ ဤသူသည် သင်တို့မျက်မှောက်၌ ကျန်းမာလျက်ရှိသည်ကို သင်တို့မှစ၍၊ ဣသရေလလူအပေါင်းတို့ သိမှတ်ကြလော့။ ၁၁ ထိုသခင်ကား၊ သင်တို့သည် တိုက်ကို တည်လုပ်သောအခါ ပယ်ထား၍၊ နောက်တဖန် တိုက်ထောင့် အထွဋ်ဖျားသို့ ရောက်ပြန်သော၊ ကျောက်ဖြစ်တော်မူ၏။ [B] ထိုသခင်မှတပါး အဘယ်သူမျှ ကယ်တင်ခြင်းအမှုကို မတတ်နိုင်။ ၁၂ ထိုသခင်၏ နာမတော်မှတပါး၊ ငါတို့ကို ကယ်တင်နိုင်သော နာမ တစုံတခုမျှ ကောင်းကင်အောက်လူတို့တွင်၊ မပေါ်မရှိ၊ ဟုပေတရုသည် ထိုသူတို့အား မြွက်ဆို၏။

ယေရှုနာမဖြင့် မဟောပြောဘို့မြစ်တား

၁၃ ထိုသူတို့သည် ပေတရုနှင့်ယောဟန်တို့၏ ရဲရင့်သတ္တိကိုမြင်၍၊ စာမသင်သောသူ၊(a) လူသာမညသာ ဖြစ်သည်ကို သိမှတ်သဖြင့် အံ့ဩ၍နေကြ၏။ ထိုသူနှစ်ယောက်တို့သည် အထက်က ယေရှုနှင့်အတူရှိသည်ကို သတိရ၍၎င်း၊ ၁၄ အနာကင်းလွတ်သောသူသည် ထိုသူတို့နှင့်အတူ ရှိနေသည်ကို မြင်၍၎င်း၊ ငြင်းခုံဆိုဘွယ်ရာ မရှိ၊ မတွေ့ကြ။ ၁၅ တမန်တော်တို့ကို လွှတ်တော်မှ ထွက်သွားစေပြီးလျှင်၊ ဤသူတို့ကို အဘယ်သို့ပြုရမည်နည်း။ ၁၆ သူတို့သည် ထင်ရှားစွာသော နိမိတ်လက္ခဏာကို ပြပြီးသည်ကို၊ ယေရုရှလင်မြို့၌ နေသောသူအပေါင်းတို့သည် သိမြင်ကြ၏။ ငါတို့သည်လည်း ငြင်းခုံခြင်းငှါ မတတ်နိုင်ပြီ။ ၁၇ သို့သော်လည်း လူများထဲ၌ သာ၍ မနှံ့မပြားစေခြင်းငှါ၊ နောက်တဖန် ထိုနာမကို အမှီပြုလျက် အဘယ်သူကိုမျှ မဟောမပြောနှင့်ဟူ၍၊ သူတို့ကိုကျပ်တည်းစွာ ခြိမ်းခြောက်ကြကုန်အံ့၊ ဟုအချင်းချင်းတိုင်ပင်ပြီးမှ၊ ၁၈ တမန်တော်တို့ကိုခေါ်၍၊ ယေရှု၏နာမကို အမှီပြုလျက် ဟောပြောသွန်သင်ခြင်းကို အလျှင်းမပြုနှင့်၊ ဟုအမိန့်ရှိကြ၏။

ကြားလျက်မြင်လျက် ရှိသောအရာ မပြောဘဲမနေနိုင်

၁၉ ပေတရုနှင့် ယောဟန်တို့ကလည်း၊ ဘုရားသခင်၏ စကားတော်ကို နားထောင်သည်ထက်၊ သင်တို့၏ စကားကိုသာ၍ နားထောင်သော်၊ ဘုရားသခင့်ရှေ့မှာ ကောင်းမည်မကောင်းမည်ကို ဆင်ခြင်၍ စီရင်ကြလော့။ ၂၀ ငါတို့သည် ကြားလျက်၊ မြင်လျက်ရှိသောအရာတို့ကို၊ မဟောမပြောဘဲမနေနိုင်၊ ဟုထိုသူတို့အား ဆိုကြ၏။ ၂၁ ထိုအခါ တမန်တော်တို့၌ အပြစ်ဒဏ် ပေးသင့်သော အကြောင်းကိုမတွေ့သဖြင့် တဖန်ခြိမ်းခြောက်ပြီးလျှင် လွှတ်ကြ၏။ ၂၂ အကြောင်းမူကား၊ အနာကင်းခြင်း နိမိတ်လက္ခဏာကို ခံရသောသူသည် အသက်လေးဆယ်ကျော် ရှိသည်ဖြစ်၍၊ လူအပေါင်းတို့သည် ထိုအမှုကိုထောက်လျက် ဘုရားသခင်၏ ဂုဏ်တော်ကို ချီးမွမ်းကြ၏။

ရဲဝင့်စွာ ဟောပြောမည့်အကြောင်း ဆုတောင်းကြ

CROSS REFERENCES

ဆာ ၂း၁-၂

ဆာ ၂း၁-၂
၁ လူမျိုးတို့သည် အဘယ်ကြောင့် ရုန်းရင်းခတ်ပြုကြသနည်း။ လူစုတို့သည် အဘယ်ကြောင့် အချည်းနှီး ကြံစည်ကြသနည်း။

၂၃ တမန်တော်တို့သည် လွှတ်သောအခါ၊ မိမိတို့ အပေါင်းအသင်းရှိရာသို့ သွား၍၊ မိမိတို့အား ယဇ်ပုရောဟိတ် အကြီးတို့နှင့် လူအကြီးအကဲတို့ ပြောဆိုသမျှကို ပြန်ကြားကြ၏။ ၂၄ ထိုသူများတို့သည် ကြားလျှင်၊ တညီတညွတ်တည်း ဘုရားသခင်ထံသို့ အသံကိုလွှင့်လျက်၊ အစိုးရတော်မူသော အရှင်၊ ကိုယ်တော်သည် ကောင်းကင်၊ မြေကြီး၊ သမုဒ္ဒရာမှစ၍ ထိုအရပ်တို့၌ ရှိသမျှတို့ကို ဖန်ဆင်းတော်မူသော ဘုရားသခင်ဖြစ်တော်မူ၏။ ၂၅ ကိုယ်တော်ကလည်း၊ လူမျိုးတို့သည် အဘယ်ကြောင့် ရုန်းရင်းခတ်ပြုကြသနည်း။ လူစုတို့သည် အဘယ်ကြောင့် အချည်းနှီးကြံစည်ကြသနည်း။ ၂၆ လောကီရှင်ဘုရင်တို့သည် ထကြ၍၊ မှူးမတ်အရာရှိတို့လည်း၊ ထာဝရဘုရားနှင့် ခရစ်တော်ကို၊ ရန်ဘက်ပြုလျက် စည်းဝေးကြ၏ [C]ဟုကိုယ်တော်ကျွန် ဒါဝိဒ်၏နှုတ်ဖြင့်၊ ဗျာဒိတ် ထားတော်မူသည်နှင့်အညီ၊ ၂၇ ဟေရုဒ်မင်း၊ ပုန္တိပိလတ်မင်းမှစ၍ ဣသရေလအမျိုးသား၊ တစ်ပါးအမျိုးသားတို့သည်၊ ၂၈ ကိုယ်တော်၏ အလိုရှိသည်အတိုင်း၊ ရှေးမဆွက လက်တော်ဖြင့် ခွဲခန့် မှတ်သားတော်မူနှင့် သမျှတို့ကို ပြုခြင်းငှါ၊ ဘိသိက်ပေးတော်မူသော သားတော် မြတ်ယေရှုကို၊ ဤမြို့၌ ရန်ဘက်ပြု၍ စည်းဝေးကြပြီ အမှန်ဖြစ်ပါ၏။ ၂၉ အိုထာဝရဘုရား၊ ယခုအခါ ထိုသူတို့၏ ခြိမ်းခြောက်ခြင်းကို မှတ်တော်မူပါ။ ၃၀ အနာရောဂါ ငြိမ်းစေခြင်းငှါ လက်တော်ကိုဆန့်တော်မူ၍၊ သန့်ရှင်းသော သားတော်ယေရှု၏ နာမတော်အားဖြင့် နိမိတ်လက္ခဏာ၊ အံ့ဩဘွယ်သောအမှုတို့ကို ဖြစ်တော်မူစဉ်တွင်၊ ကိုယ်တော်၏ ကျွန်တို့သည် နှုတ်ကပတ် တရားတော်ကို ရဲရင့်စွာ ဟောပြောပါမည်အကြောင်း၊ ကယ်မသနားတော်မူပါ၊ ဟုဆုတောင်းကြ၏။ ၃၁ ထိုသို့ဆုတောင်းပဌနာပြုပြီးမှ၊ စုဝေးသောအရပ်သည် တုန်လှုပ်၍၊ ထိုသူအပေါင်းတို့သည် သန့်ရှင်းသော ဝိညာဉ်တော်နှင့် ပြည့်သဖြင့်၊ ဘုရားသခင်၏ နှုတ်ကပတ်တရားတော်ကို၊ ရဲရင့်စွာ ဟောပြောကြ၏။

ယုံကြည်သူများ တညီတညွတ်တည်း ပေါင်းဖေါ်ကြ

CROSS REFERENCES

တမန် ၄း၃၆
၃၆ ယောသေ အမည်ရှိ၍ သက်သာစေခြင်း၏သား၊ ဟုဆိုလိုသော ဗာနဗ အမည်သစ်ကို တမန်တော်တို့ သမုတ်ခြင်းအားဖြင့်ရသော၊ ကုပရုပြည်သား လေဝိလူတယောက်သည်၊

တမန် ၉း၂ရ
၂၇ ထိုအခါ ဗာနဗသည် သူ့ကိုခေါ်၍၊ တမန်တော်များထံသို့ ပို့ဆောင်ပြီးလျှင်၊ အထက်က ရှောလုသည် လမ်းခရီး၌ သခင်ဘုရားကို မြင်သည်ဟူ၍၎င်း၊ သူ့အား မိန့်တော်မူသည်ဟူ၍၎င်း၊ ဒမာသက်မြို့၌ ယေရှု၏နာမတော်ကို အမှီပြုလျက်၊ ရဲရင့်စွာ ဟောသည်ဟူ၍၎င်း ပြောလေ၏။

တမန် ၁၁း၂၂
၂၂ ထိုအကြောင်းအရာကို၊ ယေရုရှလင်မြို့၌ ရှိသော အသင်းတော်သည် ကြားလျှင်၊ အန္တိအုတ်မြို့တိုင်အောင် သွားစေမည် အကြောင်း ဗာနဗကို စေလွှတ်လေ၏။

တမန် ၁၁း၂၅
၂၅ ဗာနဗသည်လည်း ရှောလုကို ရှာလျက် တာရှုမြို့သို့သွား၏၊ တွေ့လျှင် အန္တိအုတ်မြို့သို့ ခေါ်ခဲ့၏။

တမန် ၁၁း၃၀
၃၀ စီရင်ကြသည်နှင့်အညီ ဗာနဗနှင့် ရှောလုတို့တွင်၊ သင်းအုပ်တို့ထံသို့ ပေးလိုက်ကြ၏။

တမန် ၁၂း၂၅
၂၅ ဗာနဗနှင့် ရှောလုတို့သည် လုပ်ကျွေးခြင်းအမှုကို ဆောင်ရွက်ပြီးလျှင်၊ မာကုအမည်သစ်ကိုရသော ယောဟန်ကိုလည်းခေါ်ခဲ့၍ ယေရုရှလင်မြို့မှ ပြန်ကြ၏။

တမန် ၁၃း၁
၁ အန္တိအုတ်မြို့တွင်ရှိသော အသင်းတော်၌ ၊ ဗာနဗမှစ၍ နိဂါဟုခေါ်ဝေါ်သော ရှုမောင်၊ ကုရေနေပြည်သားလုကိ၊ စော်ဖွားဟေရုဒ်၏ သူငယ်ချင်း အရင်းဖြစ်သော မာနင်နှင့်၊ ရှောလုတည်းဟူသော ပရောဖက်ပြုသူ၊ ဆရာပြုသူရှိကြ၏။

တမန် ၁၃း၂
၂ ထိုသူတို့သည် သခင်ဘုရား ဝတ်ကိုပြု၍ အစာကိုရှောင်ကြစဉ်၊ သန့်ရှင်းသော ဝိညာဉ်တော်က၊ ငါခန့်ထားသောအမှုကို ဆောင်ရွက်စေခြင်းငှါ၊ ဗာနဗနှင့် ရှောလုတို့ကို ရွေးချယ်ခွဲထားကြလော့၊ ဟုမိန့်တော်မူသည်အတိုင်း၊

တမန် ၁၃းရ
၇ ဗာယေရှုအမည်ရှိသော ယုဒအမျိုးသား၊ မိစ္ဆာပရောဖက် ဖြစ်သော နတ်ဝိဇ္ဇာအတတ် သမားကို၊ မြို့ဝန်မင်း သေရဂိပေါလုထံ၌ တွေ့ကြ၏။ ထိုမြို့ဝန်သည် ပညာသတိရှိသဖြင့်၊ ဗာနဗနှင့် ရှောလုတို့ကို ခေါ်ပင့်၍၊ ဘုရားသခင်၏ နှုတ်ကပတ် တရားတော်ကို နာလိုသောစိတ်ရှိသော်၊

တမန် ၁၃း၄၃
၄၃ အစည်းအဝေးပျက်၍ ပြန်ကြသောအခါ၊ ယုဒလူမှစ၍ ဘုရားကို ကိုးကွယ်သော ဘာသာဝင်သူများတို့သည် ပေါလုနှင့် ဗာနဗနောက်သို့ လိုက်ကြသည်ဖြစ်၍၊ ထိုသူတို့သည် ဘုရားသခင်၏ ကျေးဇူးတော်၌ တည်ကြည်မည်အကြောင်း၊ တမန်တော်တို့သည် ဖြားယောင်း၍ ဆုံးမဩဝါဒပေးလေ၏။

တမန် ၁၃း၄၆
၄၆ ထိုအခါ ပေါလုနှင့် ဗာနဗတို့က ဘုရားသခင်၏ နှုတ်ကပတ်တရားတော်ကို၊ သင်တို့အား ရှေ့ဦးစွာဟောပြောရ၏။ သို့သော်လည်း သင်တို့သည်ပယ်၍ ထာဝရအသက်ကို မိမိတို့မခံထိုက်သည်၊ ဟုမိမိတို့စီရင်ကြသောကြောင့်၊ ထာဝရဘုရားသည် မှာတော်မူသည်အတိုင်း ငါတို့သည်မျက်နှာကိုလွှဲ၍၊ တပါးအမျိုးသားတို့ဆီသို့ လှည့်ကြ၏။

တမန် ၁၃း၅၀
၅၀ ထိုအခါ ဘုရားကိုကိုးကွယ်၍ အသရေရှိသော မိန်းမတို့နှင့်၊ ထိုမြို့၌ အကြီးအကဲ ဖြစ်သောသူများကို ယုဒလူတို့သည် နှိုးဆော်၍၊ ပေါလုနှင့် ဗာနဗတို့ကို ညှဉ်းဆဲစေသဖြင့်၊ ထိုပြည်၏နယ်မှ နှင်ထုတ်ကြ၏။

တမန် ၁၄း၁၂
၁၂ ပေါလုသည် သာ၍ဟောပြောသောကြောင့် သူ့ကိုဟေရမေဟူ၍၎င်း၊ ဗာနဗကို ဇုသဟူ၍၎င်း၊ ခေါ်ဝေါ်ကြ၏။ sပေါလုနှင့်ဗာနဗတို့သည် ဘုရားဟုထင်ကြ

တမန် ၁၄း၁၄
၁၄ တမန်တော်ဗာနဗနှင့် ပေါလုတို့သည် သတင်းကြားလျှင်၊ မိမိတို့အဝတ်ကို ဆုတ်၍ လူစုထဲသို့ ပြေးဝင်လျက်၊

တမန် ၁၄း၁ရ
၁၇ သို့သော်လည်း၊ သင်တို့အား ကျေးဇူးပြုလျက်၊ အစာအာဟာရနှင့် ဝပြော၍ ဝမ်းမြောက်စေခြင်းငှာ၊ မိုးကောင်းကင်မှ မိုးရွာစေတော်မူ၍၊ အသီးအနှံတို့ကို သီးစေတတ်သော ဥတုကို ပေးတော်မူသောအားဖြင့်၊ ကိုယ်တော် ရှိတော်မူသည်ကို သက်သေမခံဘဲ နေတော်မမူ၊ ဟုပေါလုနှင့် ဗာနဗသည် ကြွေးကြော်လေ၏။

တမန် ၁၄း၂၀
၂၀ တပည့်တော်တို့သည် ဝန်းရံ၍ နေကြစဉ်၊ ပေါလုသည်ထ၍ မြို့ထဲသို့ဝင်ပြန်၏။ နက်ဖြန်နေ့၌ ဗာနဗနှင့်တကွ ဒေရဗေမြို့သို့ ထွက်သွားလေ၏။

၁ ဣကောနိမြို့ သို့ရောက်လျှင်၊ ထိုသူနှစ်ယောက်တို့သည်၊ ယုဒတရားစရပ်သို့ဝင်၍ ဟောပြောသဖြင့်၊ ယုဒလူ၊ ဟေလသလူများ အပေါင်းတို့သည်၊ ယုံကြည်ခြင်းသို့ ရောက်ကြ၏။

၃၂ ယုံကြည်သောသူ အပေါင်းတို့သည် စိတ်နှလုံး တညီတညွတ်တည်းရှိကြ၍၊ အဘယ်သူမျှ မိမိဥစ္စာ တစုံတခုကို ငါ့ဥစ္စာဟူ၍ မဆိုဘဲလျက်၊ ရှိသမျှသော ဥစ္စာတို့ကို ဆက်ဆံသဖြင့် သုံးဆောင်ကြ၏။ ၃၃ သခင်ယေရှု ထမြောက်တော်မူခြင်း အကြောင်းကို တမန်တော်တို့သည် ကြီးသောတန်ခိုးနှင့် သက်သေခံ၍၊ ထိုသူအပေါင်းတို့သည် ကြီးသော ကျေးဇူးတော်နှင့် ပြည့်စုံကြ၏။ ၃၄ ထိုသူတို့တွင် ဆင်းရဲသောသူ တစ်ယောက်မျှမရှိ၊ အကြောင်းမူကား၊ အိမ်၊ မြေကွက်ကို ပိုင်သောသူ ရှိသမျှတို့သည် ရောင်းပြီးလျှင် ရသောအဘိုးကို ယူဆောင်ခဲ့၍၊ ၃၅ တမန်တော်တို့၏ ခြေရင်း၌ ထားကြသဖြင့်၊ လူများဆင်းရဲသည်အတိုင်း အသီးသီးတို့အား ဝေငှပေးကမ်းကြ၏။ ၃၆ ယောသေ အမည်ရှိ၍ သက်သာစေခြင်း၏သား၊ ဟုဆိုလိုသော ဗာနဗ [D] အမည်သစ်ကို တမန်တော်တို့ သမုတ်ခြင်းအားဖြင့်ရသော၊ ကုပရုပြည်သား လေဝိလူတယောက်သည်၊ ၃၇ မိမိပိုင်သောမြေကို ရောင်းပြီးလျှင်၊ ရသောငွေကိုယူဆောင်ခဲ့၍ တမန်တော်တို့၏ ခြေရင်း၌ ထားလေ၏။

_________________________
Footnotes

၁၃ (a) ἀγράμματοί အင်္ဂလိပ်အသံထွက် agrammatoi ကိုမြန်မာကျမ်းစာအုပ်၌ "လူတတ် မဟုတ်" ဟုရေးထားသည်။ ထိုအရာကို "ကျောင်းမတက်သောသူ" သို့မဟုတ် "စာမသင်သောသူ" ဟူ၍ဖြစ်သည်။