ရှင်ယောဟန်ခရစ်ဝင်

အခန်းကြီး ၂၀

ယေရှုရှင်ပြန်ထမြောက်

CROSS REFERENCES

မဿဲ ၂၂း၂၉

မာကု ၁၂း၂၄

တမန် ၁း၈

တမန် ၆း၈

မဿဲ ၂၂း၂၉
၂၉ ယေရှုကလည်း၊ သင်တို့သည် ကျမ်းစာကို နားမလည်၊ ဘုရားသခင်၏ တန်ခိုးတော်ကို မသိသောကြောင့်၊ မှားသော အယူကို ယူကြ၏။

မာကု ၁၂း၂၄
၂၄ ယေရှုကလည်း၊ သင်တို့သည် ကျမ်းစာကိုနားမလည်၊ ဘုရားသခင်၏ တန်ခိုးတော်ကို မသိသောကြောင့်၊ မှားသောအယူကို ယူကြ၏။

တမန် ၁း၈
၈ ထိုသို့မရှိသော်လည်း၊ သင်တို့အပေါ်သို့ သန့်ရှင်းသော ဝိညာဉ်တော် ဆင်းသက်သောအခါ၊ သင်တို့သည် တန်ခိုးကိုခံရ၍၊ ယေရုရှလင်မြို့မှစသော ယုဒပြည်၊ ရှမာရိပြည်၊ မြေကြီးစွန်းတိုင်အောင် ငါ၏သက်သေ ဖြစ်ကြလိမ့်မည်ဟု%fo(a) မိန့်တော်မူ၏။

တမန် ၆း၈
၈ သတေဖန်သည် ကျေးဇူးတော်နှင့်၎င်း၊ တန်ခိုးတော်နှင့်၎င်း၊ ပြည့်စုံသဖြင့် ကြီးစွာသော နိမိတ်လက္ခဏာ၊ အံ့ဘွယ်သောအမှုတို့ကို လူများရှေ့မှာ ပြုလေ၏။

၁ ခုနစ်ရက်တွင် ပဌမနေ့ရက်၊ မိုးမလင်းမှီ စောစောအချိန်၌၊ မာဂဒလမာရိသည် သင်္ချိုင်းတော်သို့သွား၍၊ တွင်းဝ၌ ပိတ်သော ကျောက်သည် ရွှေ့လျက်ရှိသည်ကို မြင်လျှင်၊ ၂ ရှိမုန်ပေတရုနှင့် ယေရှုချစ်တော်မူသော အခြားတပည့်တော်ဆီသို့ ပြေးသွား၍၊ သင်္ချိုင်းတော်မှ သခင်ကိုယူသွားကြပြီ။ အဘယ်မှာ ထားကြသည်ကို မသိဟုပြောဆို၏။ ၃ ထိုအခါ ပေတရုနှင့် အခြားသောတပည့်တော်သည် ထွက်၍၊ သင်္ချိုင်းတော်သို့ သွားကြ၏။ ၄ ထိုသူနှစ်ယောက်တို့သည် အတူပြေးသည်တွင်၊ အခြားသော တပည့်တော်သည် ပေတရုကိုလွန်၍၊ သင်္ချိုင်းတော်သို့ အရင်ရောက်သည်ရှိသော် ငုံ့၍ကြည့်သဖြင့်၊ ၅ ပိတ်ပုဆိုးရှိရစ်သည်ကို မြင်လျှင်၊ မဝင်ဘဲနေ၏။ ၆ ရှိမုန်ပေတရုသည် နောက်သို့လိုက်၍၊ ရောက်သောအခါ တွင်းထဲသို့ဝင်လျှင်၊ ပိတ်ပုဆိုးရှိရစ်သည်ကို၎င်း၊ ၇ ခေါင်းတော်၌ ရှိသောပဝါသည်၊ ပုဆိုးနှင့်အတူမရှိဘဲ တခြားဆီ လိပ်လျက်ရှိသည်ကို၎င်း မြင်လေ၏။ ၈ ထိုအခါ သင်္ချိုင်းတော်သို့ အရင်ရောက်သော အခြားတပည့်တော်သည်၊ ဝင်၍ မြင်သဖြင့်ယုံလေ၏။ ၉ ကိုယ်တော်သည် သေခြင်းမှ ထမြောက်ရမည်ဟူသော ကျမ်းစကားကို၊ တပည့်တော်တို့သည် နားမလည်ကြသေး။ [A] ၁၀ နောက်မှ ထိုသူနှစ်ယောက်တို့သည်၊ မိမိတို့ အပေါင်းအသင်းရှိရာသို့ ပြန်သွားကြ၏။

မာရိကို ယေရှုကနှုတ်ဆက်

၁၁ မာရိသည် သင်္ချိုင်းတော်အနားမှာ ငိုကြွေးလျက်ရပ်နေ၏။ ငိုကြွေးစဉ် ငုံ့၍တွင်းထဲသို့ ကြည့်လျှင်၊ ၁၂ ကောင်း ကင်တမန်နှစ်ပါးတို့သည်၊ ဖြူသောအဝတ်ကို ဝတ်ဆင်လျက်၊ ယေရှု၏ အလောင်းတော် လျောင်းရာအရပ်၊ ခေါင်းရင်း၌တပါး၊ ခြေရင်း၌တပါး ထိုင်ကြသည်ကိုမြင်လျှင်။ ၁၃ ထိုသူတို့က၊ အချင်းမိန်းမ၊ အဘယ်ကြောင့် ငိုကြွေးသနည်း၊ ဟုမေးလျှင်၊ ကျွန်မ၏ သခင်ကို ယူသွားကြပြီ။ အဘယ်မှာ ထားကြသည်ကိုမသိပါ၊ ဟုပြောဆို၏။ ၁၄ ထိုသို့ဆိုပြီးမှ နောက်သို့လှည့်လျှင်၊ ယေရှုရပ် လျက်နေတော်မူသည်ကို မြင်သော်လည်း၊ ယေရှု ဖြစ်တော်မူသည်ကို မသိ။ ၁၅ ယေရှုကလည်း၊ အချင်းမိန်းမ အဘယ်ကြောင့် ငိုကြွေးသနည်း၊ အဘယ်သူကို ရှာသနည်း၊ ဟုမေးတော်မူ၏။ မာရိက၊ သင်သည်သူ့ကို ဆောင် သွားသည်မှန်လျှင်၊ အဘယ်မှာထားသည်ကို ကျွန်မအားပြောပါ၊ ကျွန်မယူသွားပါမည်အရှင်၊ ဟုထိုသူကို ဥယျာဉ်စောင့်ဖြစ်သည်၊ ဟုထင်မှတ်လျက်ဆို၏။ ၁၆ ယေရှုကလည်း မာရိ၊ ဟုခေါ်တော်မူလျှင်၊ မာရိသည်လှည့်၍ ရဗ္ဗုနိ၊ ဟုထူးလေ၏။ ရဗ္ဗုနိအနက်ကား ဆရာ (a) ဟုဆိုလိုသတည်း။ ၁၇ ယေရှုကလည်း၊ ငါ့ကိုမဘက်နှင့်ဦး။ ငါသည် ငါ့ခမည်းတော်ထံသို့ မတက်ရသေး။(b) ငါ့ညီတို့ရှိရာသို့ သွားလော့။ ငါ၏ ခမည်းတော်တည်းဟူသော သင်တို့၏ခမည်းတော်၊ ငါ၏ဘုရားသခင်တည်းဟူသော သင်တို့၏ ဘုရားသခင့်ထံတော်သို့၊ ငါတက်ရမည် အကြောင်းအရာကို ကြားပြောလော့၊ ဟုမိန့်တော်မူသည်နှင့်အညီ၊ ၁၈ မာဂဒလမာရိသည် သွား၍၊ မိမိသည်သခင်ကို တွေ့မြင်သည်ကို၎င်း၊ ထိုသို့မိန့်တော်မူသည်ကို၎င်း၊ တပည့်တော်တို့အား ကြားပြောလေ၏။

ယေရှုတပည့်တော်များထံ ထင်ရှား

CROSS REFERENCES

ယောဟန် ၃း၅
၅ ယေရှုကလည်း၊ ရေ နှင့် ဝိညာဉ်တော် မမွေးသောသူမည်သည်ကား၊ ဘုရားသခင်၏ နိုင်ငံတော်သို့ မဝင်ရ၊ ဟုငါအမှန်အကန်ဆို၏။

ယောဟန် ၄း၂၃-၂၄
၂၃ ကိုးကွယ်သောသူ မှန်သမျှတို့သည်၊ ခမည်းတော်ကို ဝိညာဉ်နှင့်၎င်း၊ သမ္မာတရား %fo(b)နှင့်၎င်း၊ ကိုးကွယ်ရမည့် အချိန်ကာလသည်လာ၍၊ ယခုပင် ရောက်လျက်ရှိ၏။ အကြောင်းမူကား၊ ထိုသို့ ကိုးကွယ်သောသူတို့ကို၊ ခမည်းတော်သည် အလိုရှိတော်မူ၏။

ယောဟန် ၆း၆၃
၆၃ ဝိညာဉ်သာလျှင် အသက်ရှင်စေ၏။ ကိုယ်ကာယသည် အလျှင်းမတတ်နိုင်။ ငါပြောသော စကားသည် ဝိညာဉ်ဖြစ်၏။ အသက်လည်းဖြစ်၏။

ယောဟန် ရး၃၉
၃၉ ထိုသို့မိန့်တော်မူသော်၊ ယုံကြည်သောသူတို့သည်၊ ခံရလတံ့သော ဝိညာဉ်တော်ကိုရည်မှတ်၍ မိန့်တော်မူ၏။ ယေရှုသည် ဘုန်းပွင့်တော်မမူသေး သောကြောင့်၊ သန့်ရှင်းသော ဝိညာဉ်တော်ကို ပေးတော်မမူသေး။

ယောဟန် ၁၄း၁၆-၁ရ
၁၆ ခမည်းတော်သည် သမ္မာတရားကို ပြသော ဝိညာဉ်တော်တည်းဟူသော၊ တပါးသော ဥပဇ္ဈာယ်ဆရာကို သင်တို့နှင့်အတူ အစဉ်မပြတ် တည်နေစေခြင်းငှါ၊ သင်တို့အား ပေးတော်မူမည်။

ယောဟန် ၁၅း၂၆
၂၆ ခမည်းတော်ထံမှ ထွက်လာ၍ သမ္မာတရားနှင့် ပြည့်စုံသော ဝိညာဉ်တော်တည်းဟူသော ခမည်းတော်ထံမှ သင်တို့ဆီသို့ ငါစေလွှတ်လတံ့သော ဥပဇ္ဈာယ်ဆရာသည် ရောက်လာသောအခါ၊ ငါ၏အကြောင်းကို သက်သေခံလိမ့်မည်။

ယောဟန် ၁၆းရ
၇ ငါအမှန်အကန်ဆိုသည်ကား၊ ငါသွားလျှင် သင်တို့အကျိုးရှိလိမ့်မည်။ အကြောင်းမူကား၊ ငါမသွားလျှင် ဥပဇ္ဈာယ်ဆရာ %fo(a)သည် သင်တို့ဆီသို့မလာ။ ငါသွားလျှင် ထိုသူကို သင်တို့ဆီသို့ ငါစေလွှတ်မည်။

ယောဟန် ၁၆း၁၃-၁၅
၁၃ သမ္မာတရားနှင့် ပြည့်စုံသော ထိုဝိညာဉ်တော်သည် ရောက်လာသောအခါ၊သမ္မာတရားကို သင်တို့အား အကြွင်းမဲ့ သွန်သင်ပြသလိမ့်မည်။ ထိုဝိညာဉ်တော်သည် ကိုယ်အလိုအလျောက် ဟောပြောမည်မဟုတ်။ ကြားသမျှတို့ကို ဟောပြောလိမ့်မည်။ နောင်လာလတံ့သော အရာတို့ကိုလည်း သင်တို့အား ဖေါ်ပြလိမ့်မည်။

ယောဟန် ၂၀း၂၂
၂၂ ထိုသူတို့အပေါ်မှာ မှုတ်လျက်၊ သင်တို့သည် သန့်ရှင်းသော ဝိညာဉ်တော်ကို ခံကြလော့။

တမန် ၂း၄
၄ ထိုသူအပေါင်းတို့သည်လည်း၊ သန့်ရှင်းသော ဝိညာဉ်တော်နှင့်ပြည့်၍၊ ဝိညာဉ်တော်သည် ဟောပြောသောအခွင့်ကို ပေးတော်မူသည်အတိုင်း၊ အမျိုးမျိုးသော ဘာသာစကားအားဖြင့် ဟောပြောကြ၏။ sအမျိုးမျိုးသော စကားဖြင့်ဟောကြ

ရော ၈း၁၅
၁၅ အကြောင်းမူကား၊ သင်တို့သည် တဖန် ကြောက်ရွံ့တတ်သောကျွန်၏ ဝိညာဉ် %fo(a) ကိုရကြသည်မဟုတ်။ အဗ္ဗအဘ၊ ဟုခေါ်ရသောအခွင့်နှင့်၊ သားဖြစ်ခြင်း၏ ဝိညာဉ်%fo(a)ကိုရကြပြီ။

၁ ကော ၂း၁၂
၁၂ ငါတို့သည် လောကီဝိညာဉ်ကို မခံရကြ။ ဘုရားသခင် ပေးတော်မူသောအရာတို့ကို သိခြင်းအလိုငှါ၊ ဘုရားသခင့်ထံမှ ကြွလာသော ဝိညာဉ်ကို ခံရကြပြီ။

၁ ယော ၂း၂ရ
၂၇ သို့သော်လည်း သန့်ရှင်းတော်မူသော ဘုရား၏လက်မှ သင်တို့ခံရသော ဘိသိက်ကျေးဇူးတော်သည် သင်တို့၌ရှိသည်ဖြစ်၍၊ အဘယ်သူမျှ သင်တို့ကို ဆုံးမဩဝါဒပေးစရာ အကြောင်းမရှိ။ ထိုဘိသိက် ကျေးဇူးတော်သည် ဖြစ်ယောင်ဆောင် သည်မဟုတ်၊ အမှန်ဖြစ်လျက် ခပ်သိမ်းသော အရာတို့ကို သင်တို့အား သွန်သင်တော်မူသည်အတိုင်း၊ သင်တို့သည် သားတော်၌ တည်နေကြလော့။

CROSS REFERENCES

မဿဲ ၁၆း၁၉

မဿဲ ၁၈း၁၈

ယောဟန် ၂၀း၂၃

မဿဲ ၁၆း၁၉
၁၉ ကောင်းကင် နိုင်ငံတော်၏ သော့%fo(h)တို့ကိုလည်း သင့်အား ငါပေးမည်။ သင်သည် မြေကြီးပေါ်မှာ ချည်နှောင်သမျှသည် ကောင်းကင်ဘုံ၌ ချည်နှောင်လျက် ရှိလိမ့်မည်။ မြေကြီးပေါ်မှာ ဖြည်လွှတ်သမျှသည် ကောင်းကင်ဘုံ၌ ဖြည်လွှတ်လျက် ရှိလိမ့်မည်၊ ဟုမိန့်တော်မူပြီးလျှင်၊

မဿဲ ၁၈း၁၈
၁၈ ငါအမှန်ဆိုသည်ကား၊ မြေကြီးပေါ်မှာ သင်တို့ ချည်နှောင်သမျှသည် ကောင်းကင်ဘုံ၌ ချည်နှောင်လျက် ရှိလိမ့်မည်။ မြေကြီးပေါ်မှာ ဖြည်လွှတ် သမျှသည် ကောင်းကင်ဘုံ၌ ဖြည်လွှတ်လျက် ရှိလိမ့်မည်။ s လူနှစ်ဦးသုံးဦးရှိရာ

ယောဟန် ၂၀း၂၃
၂၃ အကြင်သူ၏အပြစ်ကို သင်တို့လွှတ်လျှင်၊ ထိုသူသည် အပြစ်လွတ်လျက် ရှိ၏။ အကြင်သူ၏အပြစ်ကို သင်တို့တည်စေလျှင်၊ ထိုသူသည် အပြစ်တည်လျက်ရှိ၏၊ဟုမိန့်တော်မူ၏။ sသောမပြန်ယုံ

၁၉ ခုနစ်ရက်တွင် ပဌမနေ့ဖြစ်သော ထိုနေ့၌ ညအချိန်ရောက်သောအခါ၊ ယုဒလူတို့ကိုကြောက်၍ တံခါးများကို ပိတ်ထားလျက်၊ တပည့်တော်တို့သည် စည်းဝေးကြသော အရပ်သို့ယေရှုသည် ကြွလာ၍၊ အလယ်မှာ ရပ်တော်မူလျက်၊ သင်တို့၌ ငြိမ်သက်ခြင်း ရှိစေသတည်း၊ ဟုမိန့်တော်မူ၏။ ၂၀ ထိုသို့မိန့်တော်မူပြီးမှ လက်တော်နှင့် နံဖေးတော်ကို ပြတော်မူ၏။ တပည့်တော်တို့သည် သခင်ကိုမြင်လျှင် ဝမ်းမြောက်ခြင်းရှိကြ၏။ ၂၁ တဖန်ယေရှုက၊ သင်တို့၌ငြိမ်သက်ခြင်းရှိစေသတည်း။ ခမည်းတော်သည် ငါ့ကိုစေလွှတ်တော်မူသည်နည်းတူ၊ သင်တို့ကို ငါစေလွှတ်သည်၊ ဟုမိန့်တော်မူပြီးလျှင်၊ ၂၂ ထိုသူတို့အပေါ်မှာ မှုတ်လျက်၊ သင်တို့သည် သန့်ရှင်းသော ဝိညာဉ်တော်ကို ခံကြလော့။ [B] ၂၃ အကြင်သူ၏အပြစ်ကို သင်တို့လွှတ်လျှင်၊ ထိုသူသည် အပြစ်လွတ်လျက် ရှိ၏။ အကြင်သူ၏အပြစ်ကို သင်တို့တည်စေလျှင်၊ ထိုသူသည် အပြစ်တည်လျက်ရှိ၏၊ [C]ဟုမိန့်တော်မူ၏။

သောမပြန်ယုံ

CROSS REFERENCES

ယောဟန် ၂၀း၂၉

၁ ပေ ၁း၈

ယောဟန် ၂၀း၂၉
၂၉ ယေရှုကလည်း၊ သင်သည် ငါ့ကိုမြင်သောကြောင့် ယုံခြင်းရှိ၏။ ငါ့ကိုမမြင်ဘဲ ယုံသောသူတို့သည် မင်္ဂလာရှိကြ၏၊ ဟုမိန့်တော်မူ၏။

၁ ပေ ၁း၈
၈ ထိုသခင်ကို သင်တို့သည် မမြင်ဘူးသော်လည် ချစ်ကြ၏။ ယခုမှာလည်း မမြင်ဘဲလျက် ယုံကြည်သောအားဖြင့် ဘုန်းအသရေနှင့်စပ်ဆိုင်သော၊ ပြော၍မမှီနိုင်သော ရွှင်လန်းခြင်းစိတ်နှင့် ဝမ်းမြောက်ကြသည်ဖြစ်၍၊

၂၄ ထိုသို့ယေရှုသည် ကြွလာတော်မူသောအခါ တမန်တော် တကျိပ်နှစ်ပါးအဝင်၊ ဒိဒုမုဟုအမည်ရှိသော သောမသည် ထိုတပည့်တော်တို့နှင့် အတူမရှိ။ ၂၅ ထိုသူတို့ကလည်း၊ အကျွန်ုပ်တို့သည် သခင်ကိုမြင်ရကြပြီ၊ ဟုသောမအား ပြောဆိုကြလျှင်၊ သောမက လက်တော်၌ သံရိုက်ရာချက်ကိုမမြင်၊ သံရိုက်ရာချက်ကို လက်ညှိုးနှင့်မတို့မစမ်း၊ နံဖေးတော်ကိုလည်း လက်နှင့် မစမ်းမသပ်ရလျှင်၊ အကျွန်ုပ်မယုံ၊ ဟုဆို၏။ ၂၆ ထိုနောက် ရှစ်ရက်မြောက်သောနေ့၌၊ တပည့်တော်တို့သည် တဖန်အထဲမှာရှိကြ၍ သောမလည်းပါ၏။ တံခါးများကို ပိတ်ထားစဉ်အခါ ယေရှုသည်ကြွလာ၍၊ အလယ်မှာ ရပ်တော်မူလျက်၊ သင်တို့၌ ငြိမ်သက်ခြင်း ရှိစေသတည်း၊ ဟုမိန့်တော်မူ၏။ ၂၇ ထိုအခါသောမအား၊ သင်၏လက်ညှိုးကိုဆန့်၍ ငါ့လက်ကို ကြည့်လော့။ သင်၏ လက်ကိုဆန့်၍ ငါ့နံဖေးကို စမ်းသပ်လော့။ ယုံမှားခြင်းမရှိနှင့် ယုံလော့၊ ဟုမိန့်တော်မူ၏။ ၂၈ သောမကလည်း၊ အကျွန်ုပ်၏အရှင်၊ အကျွန်ုပ်၏ ဘုရားသခင်ပါတကား၊ ဟုပြန်၍လျှောက်၏။ ၂၉ ယေရှုကလည်း၊ သင်သည် ငါ့ကိုမြင်သောကြောင့် ယုံခြင်းရှိ၏။ ငါ့ကိုမမြင်ဘဲ ယုံသောသူတို့သည် မင်္ဂလာရှိကြ၏၊ [D] ဟုမိန့်တော်မူ၏။ ၃၀ ဤကျမ်းစာ၌ ရေး၍မထားသော အခြားနိမိတ်လက္ခဏာများ တို့ကိုလည်း၊ ယေရှုသည် တပည့်တော်တို့ မျက်မှောက်၌ ပြတော်မူ၏။ ၃၁ ယေရှုသည် ခရစ်တော်တည်းဟူသော ဘုရားသခင်၏ သားတော် ဖြစ်တော်မူသည်ကို၊ သင်တို့သည် ယုံမည်အကြောင်း၊ ထိုသို့ယုံ၍ နာမတော်အားဖြင့်၊ အသက်ကို ရမည်အကြောင်း၊ ဤမျှလောက် ရေးထားလျက်ရှိသတည်း။

_________________________
Footnotes

၁၆ (a) မူရင်းဂရိတ်ကျမ်း၌ Διδάσκαλε အင်္ဂလိပ်အသံထွက် Didaskale ကိုမြန်မာကျမ်းစာအုပ်၌ "အရှင်ဘုရား" ဟုဘာသာပြန်ထားသည်။ ထိုအရာသည် "ဆရာ" ဖြစ်သည်။

၁၇ (b) သခင်ယေရှုက မာရိထံ ငါ့ကိုမဘက်နှင့်ဦး။ ငါသည် ငါ့ခမည်းတော်ထံသို့ မတက်ရသေး။ ဟုဆိုသောကြောင့် ယေရှုသည် သူ့အလောင်း သင်္ချိုင်းထဲ၌ ရှိစဉ်တွင် ကောင်းကင်မတက် ဟုထင်မှတ်ကြသည်။ သို့သော် လုကာ ၂၃း၄၃ ၌ယေရှုကလည်း၊ ငါအမှန်ဆိုသည်ကား၊ ယနေ့တွင် သင်သည်ငါနှင့်အတူ ပရဒိသုဘုံ၌ ရှိလိမ့်မည်၊ ဟုမိန့်တော်မူ၏။ ဟုဆိုသောကြောင့် ယေရှုသည် ဝိညာဉ်အားဖြင့် ပရိဒိသုဘုံတည်းဟူသော ကောင်းကင်နိုင်ငံသို့တက်ခဲ့ပြီ။ သို့ဖြစ်လျှင်အဘယ်ကြောင့် မာရိထံတွင် ငါသည် ခမည်းတော်ထံသို့မတက်သေး၊ ဟုဆိုသနည်း။ သခင်ယေရှုသည် အသေခံသောအခါ ယဇ်ကောင်အနေဖြင့်သေ၍ ရှင်ပြန်ထမြောက်သောအခါ ယဇ်ပုရောဟိတ်မင်း အဖြစ်သူ၏အသွေးကို ကောင်းကင်ရှိခမည်းတော်ထံတွင် ယူဆောင်လာရသည်။ ထို့ကြောင့် မာရိထံတွင် ငါသည်ယဇ်ပုရောဟိတ်မင်း အနေဖြင့်မတက်ရသေး ဟုဆိုခြင်းဖြစ်သည်။ ယဇ်ပုရောဟိတ်မင်းများ သည် တစ်နှစ်လျှင်တစ်ကြိမ် အပြစ်ဖြေရာနေ့၌ အသန့်ရှင်းဆုံးဌါနထဲသို့ အသွေးနှင့်ဝင်တတ်သည်။ ထိုအချိန်တွင် သူ့ကိုမည် သူ ကမျှမထိရချေ။