၁ ပသခါပွဲ [A] ခံချိန် ခြောက်ရက်လိုသေးသောအခါ၊ အထက်က သေလွန်၍ သေခြင်းမှ ထမြောက်စေတော်မူသော၊ လာဇရုနေရာအရပ်၊ ဗေသနိရွာသို့ယေရှုသည် ရောက်တော်မူ၏။ ၂ ထိုကြောင့် ထိုသူတို့သည် ပွဲလုပ်ကြသဖြင့် မာသသည် လုပ်ကျွေးမှုကို ဆောင်၍၊ လာဇရုသည် ကိုယ်တော်နှင့်အတူ လျောင်းသောသူတို့အဝင်ဖြစ်၏။ ၃ ထိုအခါ မာရိသည် အဘိုးများစွာထိုက်သော နာဒုဆီမွှေးစစ်အကျပ် သုံးဆယ်ကိုယူ၍၊ ယေရှု၏ခြေတော်ကို လိမ်းပြီးလျှင်၊ မိမိဆံပင်နှင့် သုတ်သဖြင့်၊ ထိုဆီ၏အမွှေးသည် တအိမ်လုံးကိုနှံ့ပြား၏။ ၄ တပည့်တော်တို့အဝင်ဖြစ်၍ ကိုယ်တော်ကိုအပ်နှံမည့်သူ၊ ရှိမုန်၏သား ယုဒရှကာရုတ်က၊ ၅ ထိုဆီမွှေးကို ဒေနာရိ အပြားသုံးရာအဘိုးနှင့် ရောင်း၍၊ ဆင်းရဲသောသူတို့အား အဘယ်ကြောင့် မပေးသနည်း၊ ဟုဆို၏။ ၆ ထိုသို့ဆိုသော် ဆင်းရဲသောသူတို့အကျိုးကို ထောက်၍ဆိုသည် မဟုတ်။ မိမိသည် သူခိုးဖြစ်လျက်၊ တပည့်တော်များသုံးရန် ငွေအိတ်ကိုဆောင်၍ နှိုက်ယူတတ်သောကြောင့် သာဆိုသတည်း။ ၇ ယေရှုသည်လည်း၊ ထိုမိန်းမကိုရှိစေတော့။ ငါ၏အလောင်းကို သင်္ဂြိုလ်ခြင်းငှါ ပြင်ဆင်သောနေ့ တိုင်အောင်သူသည် ဤဆီမွှေးကိုသိုထားပြီ။ ၈ ဆင်းရဲသောသူတို့ကား သင်တို့၌ အစဉ်ရှိကြ၏။ ငါမူကား၊ အစဉ်ရှိသည်မဟုတ်၊ ဟုမိန့်တော်မူ၏။

လာဇရုကိုပါ သတ်ဘို့စီရင်

၉ ထိုအရပ်၌ ယေရှုရှိတော်မူသည်ကို ယုဒလူများအပေါင်းတို့သည် သိလျှင်၊ ကိုယ်တော်ကြောင့် သာလာသည်မဟုတ်။ သေခြင်းမှ ထမြောက်စေတော်မူသော လာဇရုကိုမြင်ခြင်းငှါ လာကြ၏။ ၁၀ ထိုသို့ယုဒလူများတို့သည် လာဇရုကို အကြောင်းပြုသဖြင့်ထွက်သွား၍၊ ၁၁ ယေရှုကို ယုံကြည်သောကြောင့်၊ ယဇ်ပုရောဟိတ်အကြီးတို့သည် လာဇရုကိုလည်း သတ်ခြင်းငှါ တိုင်ပင်စီရင်ကြ၏။

ယေရှုရှင်ဘုရင်အဖြစ် ပေးအပ်

CROSS REFERENCES

ဇာခရိ ၉း၉

ဇာခရိ ၉း၉
၉ အိုဇိအုန်သတို့သမီး အလွန်ဝမ်းမြောက်လော့။ အိုယေရုရှလင်မြို့ သတို့သမီး ကြွေးကြော်လော့။ တရားသဖြင့် စီရင်၍၊ ကယ်တင်ခြင်းသို့ ရောက်သောသခင်၊ သင်၏အရှင်မင်းကြီးသည် မြည်းမနှင့် မြည်းကလေးကိုစီး၍ နူးညံ့သိမ်မွေ့သောစိတ်နှင့် သင်ရှိရာသို့ ကြွလာတော်မူသည်ကို ကြည့်ရှုလော့။

၁၂ နက်ဖြန်နေ့၌ ယေရှုသည် ယေရုရှလင်မြို့သို့ ကြွလာတော်မူသည်ကို၊ ထိုပွဲသို့လာသော သူအစုအဝေးအပေါင်းတို့သည် ကြားရလျှင်၊ ၁၃ စွန်ပလွံခက်များကို ကိုင်လျက်၊ ကိုယ်တော်ကို ခရီးဦးကြိုပြုအံ့သောငှါ ထွက်သွားကြ၍၊ ဟောရှဏ္ဏဖြစ်စေသတည်း။ ထာဝရဘုရား၏အခွင့်နှင့် ကြွလာတော်မူသော ဣသရေလရှင်ဘုရင်သည်၊ မင်္ဂလာရှိစေသတည်း၊ ဟုကြွေးကြော်ကြ၏။ ၁၄ ကျမ်းစာ၌လာသည်ကား၊ ၁၅ အိုဇိအုန်သတို့သမီး၊ မစိုးရိမ်နှင့်။ သင်၏အရှင်မင်းကြီးသည် မြည်းကလေး ကိုစီး၍ သင်ရှိရာသို့ ကြွလာတော်မူသည်ကို ကြည့်ရှုလော့၊ ဟုရေးထားသည်နှင့်အညီ၊ ယေရှုသည် မြည်းကလေးကိုတွေ့၍ စီးတော်မူ၏။ [B] ၁၆ ထိုအကြောင်းအရာကို တပည့်တော်တို့သည်၊ အစအဦး၌ နားမလည်သော်လည်း၊ ကိုယ်တော်ကိုရည်မှတ်၍ ထိုသို့ရေးထားသည်ကို၎င်း၊ ကိုယ်တော်အား ထိုသို့ပြုကြသည်ကို၎င်း၊ ဘုန်းပွင့်တော်မူသည် နောက်သတိရ၍ မှတ်မိကြ၏။ ၁၇ နောက်တော်သို့ လိုက်သောလူ အစုအဝေးတို့သည်ကား၊ လာဇရုကို သင်္ချိုင်းတွင်းမှခေါ်၍၊ သေခြင်းမှ ထမြောက်စေတော်မူသည် အကြောင်းကို သက်သေခံကြ၏။၁၈ ထိုနိမိတ်လက္ခဏာကို ပြတော်မူသည်၊ ဟုလူများတို့သည် သိတင်းကြားသောကြောင့်၊ ခရီးဦးကြိုပြုအံ့သောငှါ ထွက်သွားကြ၏။ ၁၉ ဖာရိရှဲအချင်းချင်းတို့လည်း၊ သင်တို့သည် အလျှင်းမတတ်နိုင်။ ဤလောကသည် ထိုသူနောက်သို့ လိုက်သွားပါပြီတကား၊ ဟုပြောဆိုကြ၏။

အသက်နှမြောသူ အသက်ဆုံးမည်

၂၀ ကိုးကွယ်ခြင်းအမှုနှင့် ထိုပွဲသို့ရောက်လာသောသူတို့တွင် ဟေလသလူအချို့ပါ၏။ ၂၁ ထိုသူတို့သည် ဂါလိလဲပြည် ဗက်ဇဲဒမြို့သားဖြစ်သော ဖိလိပ္ပုထံသို့သွား၍၊ အကျွန်ုပ်တို့သည် ယေရှုကိုမြင်ချင်ပါသည်ခင်ဗျား၊ ဟုတောင်းပန်ကြ၏။ ၂၂ ဖိလိပ္ပုသည်သွား၍ အန္ဒြေကိုကြားပြောပြီးမှ၊ ထိုသူနှစ်ယောက်တို့သည် ယေရှုကိုလျှောက်၏။ ၂၃ ယေရှုကလည်း လူသားသည် ဘုန်းပွင့်ရသောအချိန် ရောက်လာပြီ။ ၂၄ ငါအမှန်အကန်ဆိုသည်ကား၊ မြေ၌ ကျသော စပါးစေ့သည် မပျက်လျှင် တခုတည်းနေ၏။ ပျက်လျှင်မူကား များစွာသော အသီးကိုသီးတတ်၏။ ၂၅ မိမိအသက်ကို နှမြောသောသူသည် အသက်ရှုံး(a) လိမ့်မည်။ ဤလောက၌ မိမိအသက်ကို မုန်းသောသူမူကား၊ ထာဝရအသက်ကို စောင့်ရှောက်လျက်နေ၏။ ၂၆ ငါ၏အမှုကို ဆောင်ရွက်သောသူဖြစ်လျှင် ငါ့နောက်သို့လိုက်ရမည်။ ငါ၏ အမှုဆောင်သည်လည်း ငါရှိရာအရပ်၌ရှိလိမ့်မည်။ ငါ၏အမှုကို ဆောင်ရွက်သောသူဖြစ်လျှင် ထိုသူကို ခမည်းတော်သည် ချီးမြောက်တော်မူလတံ့။

ကောင်းကင်ကအသံ

CROSS REFERENCES

ဆာ ၂း၇
၇ ဗျာဒိတ်တော်အချက်ကို ငါပြန်ကြားပေအံ့။ ထာဝရဘုရားက သင်သည် ငါ့သားဖြစ်၏။ ယနေ့ပင် သင့်ကိုငါ ဖြစ်ဖွားစေပြီ။

ဟေရှာယ ၄၂း၁
၁ ငါထောက်မသော ငါ့ကျွန်ရင်း၊ ငါနှစ်သက်မြတ်နိုးရာ ငါရွေးချယ်သော သူကို ကြည့်ရှုလော့။ ထိုသူ၏အပေါ်၌ ငါ့ဝိညာဉ်ကို ငါတည်စေမည်။ သူသည် လူအမျိုးမျိုးတို့ကို တရားပေးလိမ့်မည်။

မဿဲ ၃း၁ရ
၁၇ ဤသူကား ငါနှစ်သက်မြတ်နိုးရာ၊ ငါ၏ချစ်သားပေတည်း၊ ဟုကောင်းကင်က အသံတော်ဖြစ်လေ၏။ %ln

မဿဲ ၁၂း၁၈
၁၈ ငါရွေးချယ်သော ငါ့ကျွန်ရင်း၊ ငါနှစ်သက် မြတ်နိုးသောသူကို ကြည့်ရှုလော့။ ထိုသူ၏အပေါ်၌ ငါ့ဝိညာဉ်ကို ငါတည်စေမည်။ သူသည် လူအမျိုးမျိုးတို့ကို တရားပေးလိမ့်မည်။

မဿဲ ၁၇း၅
၅ ထိုသို့ လျှောက်စဉ်တွင်၊ ထွန်းလင်းသော မိုးတိမ်သည် ထိုသူတို့ကို လွှမ်းမိုး၍၊ ဤသူသည် ငါနှစ်သက် မြတ်နိုးရာ ငါ၏ချစ်သား ပေတည်း။ သူ၏စကားကို နားထောင်ကြလော့၊ ဟုမိုးတိမ်က အသံတော် ဖြစ်လေ၏။

မာကု ၁း၁၁
၁၁ သင်ကား ငါနှစ်သက်မြတ်နိုးရာ၊ ငါ၏ ချစ်သားပေတည်း၊ ဟုကောင်းကင်က အသံတော်ဖြစ်လေ၏။

မာကု ၉း၇
၇ ထိုအခါ မိုးတိမ်သည် သူတို့ကိုလွှမ်းမိုး၍၊ ဤသူသည် ငါ၏ချစ်သားပေတည်း။ သူ၏စကားကို နားထောင်ကြလော့၊ ဟုမိုးတိမ်က အသံတော်ဖြစ်လေ၏။

လု ၃း၂၂
၂၂ သန့်ရှင်းသော ဝိညာဉ်တော်သည်၊ ချိုးငှက်ကဲ့သို့ ကိုယ်ထင်ရှားလျက် ကိုယ်တော်အပေါ်၌ ဆင်းသက်တော်မူ၍၊ သင်ကား၊ ငါနှစ်သက်မြတ်နိုးရာ၊ ငါ၏ချစ်သားပေတည်း၊ ဟုကောင်းကင်က အသံတော်ဖြစ်လေ၏။ sယေရှု၏ဆွေတော်စဉ်မျိုးစဉ်ဆက်

လု ၉း၃၅
၃၅ ဤသူကား ငါ၏ချစ်သားပေတည်း။ သူ၏စကားကို နားထောင်ကြလော့၊ ဟုမိုးတိမ်က အသံတော်ဖြစ်လေ၏။

ယောဟန် ၁၂း၂၈
၂၈ အိုအဘ၊ ကိုယ်တော်၏ နာမတော်ကို ချီးမြှောက်တော်မူပါ၊ ဟုမိန့်မြွက်တော်မူ၏။ ထိုအခါကောင်းကင်မှ စကားသံကား၊ ငါချီးမြှောက်ခဲ့ပြီ၊ တဖန်ချီးမြှောက်ဦးမည်၊ ဟုလာ၏။

၂၇ ငါသည် ယခုစိတ်နှလုံးပူပန်ခြင်းရှိ၏။ အဘယ်သို့ ငါလျှောက်ရမည်နည်း။ ထိုအချိန်မှအကျွန်ုပ်ကို ကယ်တင်တော်မူပါ၊ အဘ၊ ဟုလျှောက်ရမည်လော။ အကြောင်းရှိ၍သာ ထိုအချိန်သို့ရောက်လာပြီ။ ၂၈ အိုအဘ၊ ကိုယ်တော်၏ နာမတော်ကို ချီးမြှောက်တော်မူပါ၊ ဟုမိန့်မြွက်တော်မူ၏။ ထိုအခါကောင်းကင်မှ စကားသံကား၊ ငါချီးမြှောက်ခဲ့ပြီ၊ တဖန်ချီးမြှောက်ဦးမည်၊ [C] ဟုလာ၏။ ၂၉ ၀န်းရံလျက်ရှိသော လူအစုအဝေးတို့သည်ကြားလျှင်၊ မိုးချုန်းသည်၊ ဟုဆိုကြ၏။ အချို့ကလည်း ကိုယ်တော်အား ကောင်းကင်တမန် မြွက်သည်၊ ဟုဆိုကြ၏။ ၃၀ ယေရှုက ထိုစကားသံသည် ငါ့အဘို့အလိုငှါ လာသည်မဟုတ်၊ သင်တို့အဘို့ အလိုငှါလာ၏။

လူသားသည် မြှောက်ထားခြင်းခံရမည်

CROSS REFERENCES

ယောဟန် ၁၄း၃၀

ယောဟန် ၁၄း၃၀
၃၀ ယခုမှစ၍ ငါသည် သင်တို့နှင့် များစွာမပြောရ။ အကြောင်းမူကား ဤလောကကို အစိုးရသောမင်းသည် လာဆဲဖြစ်၏။ လာသော်လည်း ငါ၌ အဘယ်အခွင့်အရာကိုမျှ မတွေ့ရ။ ငါသည် ခမည်းတော်ကို ချစ်သည်ကို၎င်း၊ ခမည်းတော် မှာတော်မူသည်အတိုင်း ငါပြုသည်ကို၎င်း လောကီသားတို့ သိမည်အကြောင်းတည်း။ ဤအရပ်မှထ၍ သွားကြကုန်အံ့။

၃၁ ယခုတွင် ဤလောကသည် တရားစီရင်ခြင်းကိုခံရ၏။ ယခုတွင် ဤလောကကို အစိုးရသောမင်းသည် [D] ပြင်သို့နှင်ထုတ်ခြင်းကို ခံရလိမ့်မည်။ ၃၂ ငါသည်လည်း မြေကြီးနှင့်ခွါ၍ မြှောက်ထားခြင်းကိုခံရလျှင်၊ လူအပေါင်းတို့ကို ငါ့ထံသို့ငါဆွဲမည်၊ ဟုမိန့်တော်မူ၏။ ၃၃ ထိုသို့မိန့်တော်မူသော်၊ မိမိသည် အဘယ်သို့သေရမည်အရိပ်ကို ပေးတော်မူ၏။ ၃၄ လူများတို့လည်း၊ ခရစ်တော်သည် အစဉ်အမြဲတည်သည်။ ဟုပညတ္တိကျမ်း၌ လာကြောင်းကို အကျွန်ုပ်တို့ကြားသိရပြီ။ သို့ဖြစ်လျှင် လူသားသည် မြှောက်ထားခြင်းကိုခံရမည်၊ ဟုသင်သည် အဘယ်သို့ဆိုသနည်း။ ထိုလူသားသည် အဘယ်သို့သောသူနည်း၊ ဟုဆိုကြ၏။

ကြီးစွာသော နိမိတ်ပြသော်လည်း မယုံကြ

CROSS REFERENCES

ဟေရှာယ ၅၃း၁

ဟေရှာယ ၅၃း၁
၁ ငါတို့ဟောပြောသော သိတင်းစကားကို အဘယ်သူယုံသနည်း။ ထာဝရဘုရား၏ လက်တော်သည် အဘယ်သူအား ထင်ရှားတော်မူသနည်း။

CROSS REFERENCES

တရားဟော ၂၉း၄
၄ သို့သော်လည်း နားလည်နိုင်သော နှလုံး၊ မြင်နိုင်သော မျက်စိ၊ ကြားနိုင်သော နားတို့ကို ယနေ့တိုင်အောင် ထာဝရဘုရားသည် ပေးတော်မမူသေး။

ဟေရှာယ ၆း၉-၁၀
၉ ထာဝရဘုရားကလည်း ထိုလူမျိုးရှိရာသို့ သွားပြီးလျှင်၊ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲ မြင်ကြလိမ့်မည်၊ ဟုပြောလော့။

မဿဲ ၁၃း၁၃-၁၅
၁၃ ထိုကြောင့် သူတို့သည် မြင်လျက်မမြင်၊ ကြားလျက်မကြား၊ အနက်ကိုလည်း နားမလည်သောကြောင့် ဥပမာကို ဆောင်၍ ငါဟောပြော၏။

မာကု ၄း၁၂
၁၂ ပြင်၌ ရှိသောထိုသူတို့မူကား၊ မြင်လျက်ပင် အာရုံမပြုဘဲ မြင်၍၊ ကြားလျက်ပင် အနက်ကို နားမလည်ဘဲကြားသဖြင့်၊ သူတို့အကျင့်မပြောင်းလဲ၊ အပြစ်မလွှတ် ရသည်တိုင်အောင် သူတို့အား ဟောသမျှကို ဥပမာအားဖြင့် ဟောရ၏။

လု ၈း၁၀
၁၀ ကိုယ်တော်က၊ သင်တို့သည် ဘုရားသခင့် နိုင်ငံတော်၏ နက်နဲသောအရာတို့ကို သိရသောအခွင့်ရှိကြ၏။ ကြွင်းသောသူတို့မူကား၊ မြင်လျက်ပင် အာရုံမပြုဘဲမြင်၍၊ ကြားလျက်ပင် အနက်ကို နားမလည်ဘဲ ကြားရသည်တိုင်အောင်၊ သူတို့အား ဥပမာဖြင့် ဟောရ၏။

ယောဟန် ၁၂း၄၀
၄၀ သူတို့မျက်စိမမြင်၊ စိတ်နှလုံးနားမလည်၊ အကျင့်မပြောင်းလဲ၊ သူတို့အနာရောဂါကို ငါမငြိမ်းစေသည် တိုင်အောင်၊ သူတို့မျက်စိကို ကွယ်စေတော်မူ၏။ သူတို့စိတ်နှလုံးကို မိုက်စေတော်မူ၏၊ ဟူသော စကားကြောင့် ထိုသူတို့သည် ယုံကြည်ခြင်းသို့ မရောက်နိုင်ကြ။

တမန် ၂၈း၂၆-၂၇
၂၆ သင်တို့သည် ကြားလျက်ပင် အနက်ကို နားမလည်ဘဲ ကြားကြလိမ့်မည်။ မြင်လျက်ပင် အာရုံမပြုဘဲ မြင်ကြလိမ့်မည်၊ ဟုထိုလူမျိုးရှိရာသို့သွား၍ ပြောလော့။

ရော ၁၁း၈
၈ ထိုသို့နှင့်အညီ ကျမ်းစာလာသည်ကား၊ ဘုရားသခင်သည် အိပ်ချင်သောသဘောကို၎င်း၊ မမြင်နိုင်သော မျက်စိကို၎င်း၊ မကြားနိုင်သော နားကို၎င်း၊ ထိုသူတို့အား ပေးတော်မူပြီ၊ ဟုလာ၏။ ထိုကျမ်းစာချက်သည် ယနေ့တိုင်အောင် ပြည့်စုံသတည်း။

၃၅ ယေရှုကလည်း၊ အလင်းသည် သင်တို့တွင်ခဏသာရှိ၏။ အလင်းရှိစဉ်အခါ သွားလာကြလော့။ သို့မဟုတ်လျှင် မှောင်မိုက်သည် သင်တို့ကိုမှီလိမ့်မည်။ မှောင်မိုက်၌ သွားသောသူသည် အဘယ်ဆီသို့ မိမိသွားသည်ကို မိမိမသိ။ ၃၆ အလင်းရှိစဉ်အခါ အလင်း၏သားဖြစ်အံ့သောငှါ၊ အလင်းကို ယုံကြည်ကြလော့၊ ဟုမိန့်တော်မူ၏။ ထိုသို့မိန့်တော်မူပြီးမှ ယေရှုသည်ထွက်ကြွ၍ ထိုသူတို့ကို တိမ်းရှောင်လျက် နေတော်မူ၏။ ၃၇ ထိုမျှလောက်ကြီးစွာသော နိမိတ်လက္ခဏာတို့ကို၊ သူတို့မျက်မှောက်၌ ပြတော်မူသော်လည်း၊ သူတို့သည် ယုံကြည်ခြင်းသို့ မရောက်ကြ။ ၃၈ ပရောဖက် ဟေရှာယဟောဘူးသည်ကား၊ အိုထာဝရဘုရား၊ အကျွန်ုပ်တို့ဟော ပြောသောသိတင်းစကားကို အဘယ်သူယုံပါသနည်း။ ထာဝရဘုရား၏ လက်တော်သည်၊ အဘယ်သူအား ထင်ရှားတော်မူသနည်း၊ ဟူသောစကားသည် ပြည့်စုံခြင်းသို့ရောက်သတည်း။ [E] ၃၉ တဖန်ပရောဖက် ဟေရှာယဟောပြန်သည်ကား၊ ၄၀ သူတို့မျက်စိမမြင်၊ စိတ်နှလုံးနားမလည်၊ အကျင့်မပြောင်းလဲ၊ သူတို့အနာရောဂါကို ငါမငြိမ်းစေသည် တိုင်အောင်၊ သူတို့မျက်စိကို ကွယ်စေတော်မူ၏။ သူတို့စိတ်နှလုံးကို မိုက်စေတော်မူ၏၊ ဟူသော စကားကြောင့် ထိုသူတို့သည် ယုံကြည်ခြင်းသို့ မရောက်နိုင်ကြ။ [F]၄၁ ဟေရှာယသည် ဘုန်းအာနုဘော်ကိုမြင်၍၊ ဗျာဒိတ်တော်ကို ပြန်စဉ်တွင် ထိုစကားကို ဟောပြောသတည်း။ ၄၂ သို့သော် လည်း အရာရှိအများတို့သည် ကိုယ်တော်ကို ယုံကြည်ကြ၏။ တရားစရပ်မှ ဖာရိရှဲတို့သည် နှင်ထုတ်မည်ကို စိုးရိမ်သောကြောင့် ထင်ရှားစွာဝန်မခံကြ။ ၄၃ အကြောင်းမူကား၊ ဘုရားသခင် ပေးတော်မူသော ဘုန်းအသရေထက်၊ လူတို့ပေးသော ဘုန်းအသရေကိုသာ၍ နှစ်သက်ကြ၏။

ငါ့ကိုယုံကြည်သူသည်ငါ့ကို စေလွှတ်သူယုံကြည်

CROSS REFERENCES

ယောဟန် ၁း၁၈
၁၈ ဘုရားသခင်ကို အဘယ်သူမျှ မမြင်စဖူးသော်လည်း၊ ခမည်းတော်၏ ရင်ခွင်၌ ရှိသော တစ်ပါးတည်းသော သားတော်သည်၊ ဘုရားသခင်ကို ထင်ရှားစေတော်မူပြီ။ s တော၌ဟစ်ကြော်သောသူ ယောဟန်၏အသံ

ယောဟန် ၁၀း၃၀
၃၀ ငါသည် ငါ့ခမည်းတော်နှင့် တလုံးတဝတည်းဖြစ်သည်၊ ဟုမိန့်တော်မူ၏။ s ယေရှုကိုခဲနှင့်ပစ်ဘို့ကြံ

ယောဟန် ၁၂း၄၅
၄၅ ငါ့ကို ကြည့်မြင်သောသူသည်၊ ငါ့ကို စေလွှတ်တော်မူသောသူကို ကြည့်မြင်၏။

ယောဟန် ၁၄း၉
၉ ယေရှုက၊ ဖိလိပ္ပုဤ မျှကာလပတ်လုံးငါသည် သင်တို့နှင့်အတူရှိပြီးမှ သင်သည် ငါ့ကိုမသိသေးသလော။ ငါ့ကိုမြင်သောသူသည် ခမည်းတော်ကိုမြင်၏။ သို့ဖြစ်လျှင်၊ ခမည်းတော်ကို အကျွန်ုပ်တို့အား ပြတော်မူပါ၊ ဟုသင်သည် အဘယ်သို့ဆိုရသနည်း။

ကောလော ၁း၁၅
၁၅ ထိုသားတော်သည် မျက်မြင်မရသော၊ ဘုရားသခင်၏ ပုံသဏ္ဍာန်တော်ဖြစ်၏။ ဝေနေယျသတ္တာဝါ အပေါင်းတို့တွင်လည်း၊ သားဦးဖြစ်တော်မူ၏။

ဟေဗြဲ ၁း၃
၃ ထိုသားတော်သည်၊ ဘုရားသခင်၏ ဘုန်းတော်ရောင်ခြည်နှင့် ဇာတိအဖြစ်တော်၏ ပုံသဏ္ဍာန်ဖြစ်၍၊ တန်ခိုးနှင့် ပြည့်စုံသော မိမိအမိန့်တော်အားဖြင့်၊ ခပ်သိမ်းသောအရာတို့ကို မစတော်မူသောသူဖြစ်လျက်၊ ငါတို့အပြစ်များကို ကိုယ်တော်တိုင်အားဖြင့် သုတ်သင်ပယ်ရှင်းပြီးလျှင်၊ မြင့်သောအရပ်မှာ တန်ခိုးအားနုဖေါ်တော်၏ လက်ျာဘက်၌ ထိုင်တော်မူ၏။

CROSS REFERENCES

ယောဟန် ၁း၉

ယောဟန် ၈း၁၂

ယောဟန် ၉း၅

ယောဟန် ၁း၉
၉ ဟုတ်မှန်သော အလင်းမူကား၊ ဤလောကသို့ ကြွလာလျက်၊ ခပ်သိမ်းသော လူအပေါင်းတို့အား အလင်းကို ပေးသောသူ ဖြစ်သတည်း။

ယောဟန် ၈း၁၂
၁၂ တဖန်တုံယေရှုက၊ ငါသည်ဤလောက၏ အလင်းဖြစ်၏။ ငါ့နောက်သို့ လိုက်သောသူသည် မှောင်မိုက်၌ မသွားမလာ၊ အသက်၏ အလင်းကိုရလိမ့်မည်၊ ဟုမိန့်တော်မူ၏။

ယောဟန် ၉း၅
၅ ငါသည် ဤလောက၌ ရှိစဉ်တွင် ဤလောက၏ အလင်းဖြစ်၏၊ ဟုမိန့်တော်မူပြီးလျှင်၊

၄၄ ယေရှုကလည်း၊ ငါ့ကိုယုံကြည်သောသူသည် ငါ့ကိုသာယုံကြည်သည် မဟုတ်၊ ငါ့ကိုစေလွှတ်တော်မူသောသူကို ယုံကြည်၏။ ၄၅ ငါ့ကို ကြည့်မြင်သောသူသည်၊ ငါ့ကို စေလွှတ်တော်မူသောသူကို ကြည့်မြင်၏။ [G] ၄၆ ငါ့ကို ယုံကြည်သမျှသောသူတို့သည် မှောင်မိုက်၌ မနေစေခြင်းငှါ၊ ငါသည်အလင်းဖြစ်လျက် [H] ဤလောကသို့ကြွလာပြီ။ ၄၇ ငါ့စကားကို ကြားသောသူသည် မယုံကြည်ဘဲနေလျှင်၊ ထိုသူကို ငါသည်အပြစ်မစီရင်။ လောကီသားတို့ကို အပြစ်စီရင်အံ့သောငှါ ငါလာသည်မဟုတ်၊ လောကီသားတို့ကို ကယ်တင်အံ့သောငှါ ငါလာ၏။ ၄၈ ငါ့ကိုပယ်၍ ငါ့စကားကို နားမခံသောသူအား၊ အပြစ်စီရင်သောသူရှိသေး၏။ ငါဟောပြောသော စကားပင် နောက်ဆုံးသောနေ့၌ ထိုသူအား အပြစ်စီရင်လိမ့်မည်။ ၄၉ အကြောင်းမူကား၊ ငါသည် ကိုယ်အလိုအလျောက် ဟောသည်မဟုတ်၊ ငါ့ကို စေလွှတ်တော်မူသော ခမည်းတော်သည်၊ အဘယ်သို့ ငါဆုံးမဟောပြောရမည်ကို ပညတ်ပေးတော်မူပြီ။ ခမည်းတော်၏ ပညတ်တော်သည် ထာဝရအသက် ဖြစ်သည်ကို ငါသိ၏။ ၅၀ ထိုကြောင့် ဟောပြောသမျှတို့ကို ခမည်းတော် မှာထားတော်မူသည်အတိုင်း ငါဟောပြောသည်၊ ဟုကြွေးကြော်၍ မိန့်တော်မူ၏။

_________________________
Footnotes

၂၅ (a) ἀπολλύει အင်္ဂလိပ်အသံထွက် apollyei ၏အဓိပ္ပါယ် "loses" ကိုမြန်မာကျမ်းစာအုပ်၌ "ဆုံး" ဟုရေးထားသည်။ ထိုအရာသည် "ရှုံး" ဖြစ်ရမည်။