ရှင်ယောဟန်ခရစ်ဝင်

အခန်းကြီး ၁၁

လာဇရုနာ

CROSS REFERENCES

လု ရး၃၈
၃၈ နောက်တော်၌ ခြေတော်အနီးမှာ ရပ်လျက် ငိုကြွေး၍ ခြေတော်ပေါ်သို့ မျက်ရည်ကျလျှင် မိမိဆံပင်နှင့် သုတ်လေ၏။ ခြေတော်ကိုလည်းနမ်း၍ ဆီမွှေးနှင့် လိမ်းလျက်နေ၏။

ယောဟန် ၁၂း၃
၃ ထိုအခါ မာရိသည် အဘိုးများစွာထိုက်သော နာဒုဆီမွှေးစစ်အကျပ် သုံးဆယ်ကိုယူ၍၊ ယေရှု၏ခြေတော်ကို လိမ်းပြီးလျှင်၊ မိမိဆံပင်နှင့် သုတ်သဖြင့်၊ ထိုဆီ၏အမွှေးသည် တအိမ်လုံးကိုနှံ့ပြား၏။

၁ ညီအစ်မမာရိနှင့် မာသတို့နေသော ဗေသနိရွာသား၊ လာဇရုအမည်ရှိသောသူ တယောက်သည် နာလျက်နေလေ၏။ ၂ နာလျက်နေသော လာဇရု၏နှမမာရိကား၊ သခင်ဘုရားကို ဆီမွှေးနှင့်လိမ်း၍ ခြေတော်ကို မိမိဆံပင်နှင့်သုတ်သော မာရိဖြစ်သတည်း။ [A] ၃ ညီအစ်မတို့သည် အထံတော်သို့ စေလွှတ်၍၊ သခင်၊ ကိုယ်တော် ချစ်တော်မူသောသူသည် နာလျက်နေပါသည်၊ ဟုလျှောက်ကြ၏။ ၄ ထိုစကားကို ယေရှုသည်ကြားတော်မူလျှင်၊ ထိုအနာသည် သေနာမဟုတ်။ ဘုရားသခင်၏ ဘုန်းတော်ကို ထင်ရှားစေသော အနာဖြစ်၏။ ထိုအနာကြောင့် ဘုရားသခင်၏ သားတော်သည်၊ ဘုန်းထင်ရှားခြင်း ရှိလိမ့်မည်၊ ဟုမိန့်တော်မူ၏။ ၅ ယေရှုသည် မာသကို၎င်း၊ သူ၏ညီမနှင့် လာဇရုကို၎င်း၊ ချစ်တော်မူ၏။ ၆ လာဇရုနာသည် ကိုကြားတော်မူလျှင်၊ ကြွတော်မမူဘဲ ထိုအရပ်၌ နှစ်ရက်နေတော်မူ၏။

အလင်း၌ သွားလျှင်မလဲတတ်

၇ ထိုနောက်မှ တပည့်တော်တို့အား၊ ယုဒပြည်သို့တဖန် သွားကြကုန်အံ့၊ ဟုမိန့်တော်မူလျှင်၊ ၈ တပည့်တော်တို့က၊ ဆရာ၊(a) ယုဒလူတို့သည် ယခုပင် ကိုယ်တော်ကိုခဲနှင့် ပစ်ခြင်းငှါရှာကြံလျက်ပင်၊ ထိုအရပ်သို့ တဖန်ကြွတော်မူဦးမည်လော၊ ဟုလျှောက်ကြ၏။ ၉ ယေရှုကလည်း၊ တနေ့တွင် တဆယ့်နှစ်နာရီ ရှိသည်မဟုတ်လော။ လူသည် နေ့အချိန်၌ သွားလာလျှင်၊ နေရောင်အလင်းကို မြင်ရသောကြောင့် ထိမိ၍မလဲတတ်။ ၁၀ ညအချိန်၌ သွားလာလျှင်မူကား၊ အလင်းမရှိသောကြောင့် ထိမိ၍လဲတတ်၏၊ ဟုမိန့်တော်မူပြီးမှ၊

လာဇရုသေပြီ

၁၁ ငါတို့အဆွေ လာဇရုသည် အိပ်ပျော်၏။ သူ့ကိုနှိုးခြင်းအလိုငှါ ငါသွားမည် ဟုမိန့်တော်မူ၏။ ၁၂ တပည့်တော်တို့ကလည်း၊ သခင်၊ သူသည် အိပ်ပျော်လျှင် သက်သာရလိမ့်မည်၊ ဟုလျှောက်ကြ၏။ ၁၃ ယေရှုသည် လာဇရုသေကြောင်းကို ရည်မှတ်၍ မိန့်တော်မူသော်လည်း၊ ပကတိ အိပ်ပျော်ကြောင်းကို မိန့်တော်မူသည်၊ ဟုတပည့်တော်တို့သည် ထင်မှတ်ကြ၏။ ၁၄ ထိုကြောင့်ယေရှုက၊ လာဇရုသေပြီ။ သင်တို့သည် ယုံကြည်မည်အကြောင်း၊ ၁၅ ထိုအရပ်၌ ငါမရှိသည်ကို ထောက်၍၊ သင်တို့အတွက် ငါဝမ်းမြောက်ခြင်းရှိ၏။ သူ့ဆီသို့ ယခုသွားကြကုန်အံ့၊ ဟုအတည့်အလင်းမိန့်တော်မူ၏။ ၁၆ ဒိဒုမုအမည်ရှိသောသောမက၊ အကျွန်ုပ်တို့လည်းလိုက်၍၊ သခင်နှင့်အတူ အသေခံကြကုန်အံ့၊ ဟုတပည့်တော်ချင်းတို့အား ပြောဆို ၏။

ယေရှုကလာဇရုထမြောက်မည်ဟုဆို

CROSS REFERENCES

ဒံ ၁၂း၂
၂ ထိုကာလအခါ မြေမှုန့်၌ အိပ်ပျော် သောသူများတို့သည် နိုးကြလိမ့်မည်။ အချို့တို့ကား ထာဝရ အသက်ရှင်ခြင်းနှင့်၎င်း၊ အချို့တို့ကား ရှက်ကြောက်ခြင်း၊ ထာဝရ အသရေ ပျက်ခြင်းနှင့်၎င်း၊ နိုးကြလိမ့်မည်။

ယောဟန် ၅း၂၈-၂၉
၂၈ ဤအမှုအရာကို အံ့ဩခြင်း မရှိကြနှင့်။ သင်္ချိုင်းများမှာ ရှိသောသူ အပေါင်းတို့သည်၊ သားတော်၏ စကားသံကိုကြား၍၊

ယောဟန် ၁၁း၂၄
၂၄ မာသကလည်း၊ နောက်ဆုံးသော နေ့တည်းဟူသော၊ ထမြောက်ရာကာလ၌သူသည်ထမြောက်လိမ့်မည်ကို၊ ကျွန်မသိပါသည်၊ ဟုလျှောက်၏။ sယေရှုသည်ထမြောက်ခြင်းအသက်ရှင်ခြင်းဖြစ်

တမန် ၂၄း၁၅
၁၅ ဖြောင့်မတ်သောသူ၊ မဖြောင့်မတ်သောသူ ရှိသမျှတို့သည်၊ သေခြင်းမှ ထမြောက်ကြလိမ့်မည်ဟူ၍၊ သူတို့မြော်လင့်သည်နည်းတူ၊ အကျွန်ုပ်လည်း ဘုရားသခင်ကိုအမှီပြု၍ မြော်လင့်ပါ၏။

၁၇ ယေရှုသည် ရောက်တော်မူသောအခါ၊ လာဇရုကို သင်္ဂြိုလ်၍ သင်္ချိုင်းတွင်း၌ လေးရက်လွန်လေပြီ။ ၁၈ ဗေသနိရွာသည် ယေရုရှလင်မြို့နှင့်တတိုင် (နှစ်မိုင်နီးပါး) လောက်သာ ကွာသည်ဖြစ်၍၊ ၁၉ မာသနှင့်မာရိတို့၏ မောင်သေသောကြောင့်၊ သူတို့ကို နှစ်သိမ့်စေလိုသောငှါ ယုဒလူများတို့သည် လာကြ၏။ ၂၀ ယေရှု ကြွလာတော်မူကြောင်းကို မာသသည်ကြားလျှင်၊ ကိုယ်တော်ကို ခရီးဦးကြိုပြုခြင်းငှါ သွား၏။ မာရိမူကား အိမ်၌ ထိုင်လျက်နေရစ်၏။ ၂၁ မာသက၊ သခင်၊ ကိုယ်တော်ရှိတော်မူလျှင် ကျွန်မ၏မောင် မသေပါ။ ၂၂ ယခုသေလျက်ရှိသော်လည်း၊ ကိုယ်တော်သည် ဘုရားသခင်ကို ဆုတောင်းတော်မူသမျှ အတိုင်း၊ ဘုရားသခင်ပေးတော်မူမည်ကို ကျွန်မသိပါသည်၊ ဟုလျှောက်၏။ ၂၃ ယေရှုကလည်း၊ သင်၏ မောင်သည် ထမြောက်လိမ့်မည်၊ ဟုမိန့်တော်မူ၏။ ၂၄ မာသကလည်း၊ နောက်ဆုံးသော နေ့တည်းဟူသော၊ ထမြောက်ရာကာလ၌ [B]သူသည်ထမြောက်လိမ့်မည်ကို၊ ကျွန်မသိပါသည်၊ ဟုလျှောက်၏။

ယေရှုသည်ထမြောက်ခြင်းအသက်ရှင်ခြင်းဖြစ်

CROSS REFERENCES

မဿဲ ၂၄း၄၀-၄၁

၁ ကော ၁၅း၅၁-၅၃

၁ သက် ၄း၁၃-၁ရ

မဿဲ ၂၄း၄၀-၄၁
၄၀ ထိုအခါလယ်၌ ရှိသောသူ နှစ်ယောက်တို့တွင်၊ တယောက်ကို သိမ်းယူ %fo(g) ၍ တယောက်မူကား နေရစ်ရလတံ့။

၁ ကော ၁၅း၅၁-၅၃
၅၁ နက်နဲသောအရာ တခုကို ငါပြဦးမည်၊ ငါတို့ရှိသမျှသည် အိပ်ပျော်ရကြမည် မဟုတ်။

၁ သက် ၄း၁၃-၁ရ
၁၃ ညီအစ်ကိုတို့၊ မြော်လင့်ခြင်းမရှိသော အခြားသူတို့သည် ဝမ်းနည်းသကဲ့သို့၊ သင်တို့သည် ဝမ်းမနည်းမည်အကြောင်း၊ အိပ်ပျော်သောသူတို့၏ အမူအရာကို မသိဘဲနေစေခြင်းငှါ ငါတို့အလိုမရှိ။

CROSS REFERENCES

မဿဲ ၁၆း၁၆

မဿဲ ၁၆း၁၆
၁၆ ရှိမုန်ပေတရုက၊ ကိုယ်တော်သည် ခရစ်တော်တည်းဟူသော အသက်ရှင်တော်မူသော ဘုရားသခင်၏ သားတော် ဖြစ်တော်မူသည်၊ ဟုလျှောက်လေ၏။

၂၅ ယေရှုကလည်း၊ ငါသည်ထမြောက်ခြင်းအကြောင်း၊ အသက်ရှင်ခြင်း အကြောင်းဖြစ်၏။ ငါ့ကိုယုံကြည်သောသူသည် သေလွန်သော်လည်း ရှင်လိမ့်မည်။ ၂၆ ငါ့ကိုယုံကြည်၍ အသက်ရှင်သောသူ ရှိသမျှတို့သည်လည်း၊ သေခြင်းနှင့်အစဉ်မ ပြတ် ကင်းလွတ်ကြလိမ့်မည်။ [C] ငါ့စကားကို ယုံသလော၊ ဟုမေးတော်မူလျှင်၊ မာသက၊ ဟုတ်ပါ၏သခင်။ ၂၇ ကိုယ်တော်သည် ခရစ်တော်တည်းဟူသော၊ ဤလောကသို့ ကြွလာတော်မူသော ဘုရားသခင်၏ သားတော်ဖြစ်တော်မူသည်ကို၊ [D] ကျွန်မယုံပါသည်၊ ဟုလျှောက်၏။ ၂၈ ထိုသို့လျှောက်ပြီးမှ မာသသည်သွား၍ မိမိညီမမာရိအား၊ ဆရာ(b) ရောက်လာတော်မူပြီ။ သင့်ကိုခေါ်တော်မူသည်၊ ဟုတိတ်ဆိတ် စွာခေါ်လေ၏။ ၂၉ မာရိသည် ထိုစကားကိုကြားလျှင်၊ အလျှင်တဆောထ၍ အထံတော်သို့သွားလေ၏။ ၃၀ ထိုအခါယေရှုသည် ရွာထဲသို့မဝင်သေး။ မာသခရီးဦးကြိုပြုသော အရပ်၌ရှိတော်မူသတည်း။ ၃၁ ထိုကြောင့် နှစ်သိမ့်စေသောစကားကို ပြောလျက် မာရိနှင့်အတူ အိမ်၌ ရှိသော ယုဒလူတို့သည်၊ မာရိအလျှင်တဆောထ၍ ထွက်သွားသည်ကို မြင်ကြလျှင်၊ ငိုကြွေးခြင်းငှါ သင်္ချိုင်းသို့သွားပြီ၊ ဟုဆို၍၊ သူ့နောက်သို့ လိုက်ကြ၏။ ၃၂ မာရိသည် ယေရှုရှိတော်မူရာ အရပ်သို့ရောက်၍ ကိုယ်တော်ကိုမြင်လျှင် ခြေတော်ရင်း၌ ပြပ်ဝပ်လျက်၊ သခင်၊ ကိုယ်တော်ရှိတော်မူလျှင် ကျွန်မ၏မောင်မသေပါ၊ ဟုလျှောက်၏။ ၃၃ မာရိမှစ၍ လိုက်လာသော ယုဒလူတို့သည် ငိုကြွေးကြသည်ကို ယေရှုသည် မြင်တော်မူသောအခါ၊ အလွန်ညှိုးငယ်ခြင်း၊ စိတ်ပူပန်ခြင်းရှိ၍၊ ၃၄ အလောင်းကို အဘယ်မှာထားကြသနည်း၊ ဟုမေးတော်မူလျှင်၊ သခင်ကြွ၍ ကြည့်တော်မူပါ၊ဟုလျှောက်ကြ၏။

ယေရှုသည်မျက်ရည်ကျတော်မူ၏

CROSS REFERENCES

မဿဲ ၂၃း၃ရ-၃၉
၃၇ အိုယေရုရှလင်မြို့၊ ယေရုရှလင်မြို့၊ သင်သည် ပရောဖက်တို့ကို သတ်မြဲရှိ၏။ သင်ရှိရာသို့ စေလွှတ်သော သူတို့ကိုလည်း၊ ကျောက်ခဲနှင့် ပစ်မြဲရှိ၏။ ကြက်မသည် မိမိသားငယ်တို့ကို အတောင်အောက်၌ စုရုံးသကဲ့သို့၊ သင်၏သားတို့ကို စုရုံးစေခြင်းငှာ ကြိမ်ဖန်များစွာ ငါအလိုရှိပြီ။ သင်မူကား အလိုမရှိ။

လု ၁၃း၃၄-၃၅
၃၄ အိုယေရုရှလင်မြို့၊ ယေရုရှလင်မြို့၊ သင်သည်ပရောဖက်တို့ကို သတ်မြဲရှိ၏။ သင်ရှိရာသို့ စေလွှတ်သောသူတို့ကိုလည်း၊ ကျောက်ခဲနှင့် ပစ်မြဲရှိ၏။ ကြက်မသည် မိမိသားငယ်တို့ကို အတောင်အောက်၌ စုရုံးသကဲ့သို့၊ သင်၏သားတို့ကို စုရုံးစေခြင်းငှါ ကြိမ်ဖန်များစွာ ငါအလိုရှိ၏။ သင်မူကားအလိုမရှိ။

လု ၁၉း၄၁-၄၄
၄၁ ယေရုရှလင်မြို့ အနီးသို့ရောက်၍ ကြည့်မြင်လျက် ငိုကြွေးတော်မူ၍၊

ယောဟန် ၁၁း၃၅
၃၅ ယေရှုသည် မျက်ရည်ကျတော်မူ၏။

ဟေဗြဲ ၅းရ
၇ ထိုခရစ်တော်သည် လူဇာတိအဖြစ်၌ နေစဉ်ကာလ၊ သေခြင်းမှ ကယ်လွှတ်နိုင် တော်မူသောသူကို၊ ကြီးစွာသော ကြွေးကြော်ခြင်း၊ မျက်ရည်ကျခြင်းနှင့် ဆုတောင်းပဌနာပြုသဖြင့်၊ ကြောက်ရွံ့ရာအမှု၌ ချမ်းသာရသည်ဖြစ်၍၊

CROSS REFERENCES

မဿဲ ၁၇း၂၀

မာကု ၉း၂၃

မဿဲ ၁၇း၂၀
၂၀ သင်တို့သည် ယုံကြည်ခြင်း မရှိသောကြောင့် မနှင်ထုတ်နိုင်ကြ၊ ငါအမှန်ဆိုသည်ကား၊ သင်တို့သည် မုန်ညင်းစေ့ခန့်မျှ လောက်သော ယုံကြည်ခြင်း ရှိလျှင် ထိုတောင်ကို နေရာမှ ရွေ့လော့၊ ဟုဆိုကြသော်၊ နေရာမှ ရွေ့လိမ့်မည်။ ယုံကြည်ခြင်းရှိလျှင် သင်တို့ မတတ်နိုင်သော အမှုမရှိ။

မာကု ၉း၂၃
၂၃ ယေရှုကလည်း၊ သင်သည် ယုံကြည်နိုင်သလော။ ယုံကြည်သောသူဖြစ်လျှင် ခပ်သိမ်းသောအမှုတို့ကို တတ်နိုင်သည်၊ ဟုမိန့်တော်မူ၏။

၃၅ ယေရှုသည် မျက်ရည်ကျတော်မူ၏။ [E] ၃၆ ယုဒလူတို့က၊ ကြည့်ပါ၊ လာဇရုကို အလွန်ချစ်တော်မူပါသည် တကား၊ ဟုဆိုကြ၏။ ၃၇ အချို့တို့က၊ မျက်စိကန်းသောသူကို မြင်စေတော်မူသော ဤသခင်သည်၊ လာဇရုကို မသေစေခြင်းငှါ မတတ်နိုင်သလော၊ ဟုဆိုကြ၏။ ၃၈ တဖန်ယေရှုသည် အလွန်ညှိုးငယ်သောစိတ်နှင့် သင်္ချိုင်းတွင်းသို့ ရောက်တော်မူ၏။ ထိုတွင်းသည် မြေတွင်းဖြစ်၏။ ကျောက်နှင့်ပိတ်ထား၏။ ၃၉ ကျောက်ကိုရွေ့ကြလော့၊ ဟုယေရှုသည်မိန့်တော်မူလျှင်၊ သေလွန်သောသူ၏ နှမမာသက၊ သခင်၊ ယခုဖြစ်လျှင် နံလိမ့်မည်။ လေးရက်ရှိပါပြီ၊ ဟုလျှောက်၏။ ၄၀ ယေရှုကလည်း၊ သင်သည်ယုံလျှင် ဘုရားသခင်၏ ဘုန်းအာနုဘော်တော်ကို မြင်ရလိမ့်မည်၊ [F] ငါပြောပြီမဟုတ်လော၊ ဟုမိန့်တော်မူ၏။

လာဇရုကိုထမြောက်စေ

၄၁ ထိုအခါ သေလွန်သောသူ၏အင်္ချိုင်းမှ ကျောက်ကိုရွေ့ကြ၏။ ယေရှုသည်လည်း အထက်သို့ ကြည့်မျှော်လျက်၊ အဘ၊ ကိုယ်တော်သည် အကျွန်ုပ်စကားကို နားထောင်တော်မူသော ကျေးဇူးတော်ကြီးလှပါ၏။ ၄၂ ကိုယ်တော်သည်အကျွန်ုပ်စကားကို အစဉ်မပြတ် နားထောင်တော်မူသည်ကို အကျွန်ုပ်သိပါ၏။ သို့သော်လည်း ကိုယ်တော်သည်အကျွန်ုပ်ကို စေလွှတ်တော်မူသည်ကို၊ ဝန်းရံလျက်ရှိသော ဤလူအပေါင်းတို့သည်၊ ယုံကြည်စေခြင်းငှါ သူတို့၏အကျိုးကို ထောက်၍၊ ဤသို့အကျွန်ုပ်လျှောက်ပါ၏၊ ဟုမိန့်မြွက်တော်မူပြီးမှ၊ ၄၃ လာဇရုထွက်၍လာလော့၊ ဟုကြီးသောအသံနှင့် ဟစ်ခေါ်တော်မူ၏။ ၄၄ ထိုအခါ သေလွန်သောသူသည် မိမိခြေလက်၌ ပုဆိုးနံငယ်နှင့် ရစ်ပတ်လျက်၊ မျက်နှာကိုလည်းပဝါနှင့်စည်းလျက် ထွက်လာ၏။ ယေရှုကလည်း၊ သူ့ကိုဖြည်၍ လွှတ်ကြလော့၊ ဟုမိန့်တော်မူ၏။

လာဇရုထမြောက်ခြင်းကြောင့်ဂရက်ရိုက်

၄၅ ထိုအခါ မာရိဆီသို့လာသော ယုဒလူအများတို့သည်၊ ယေရှုပြုတော်မူသောအမှုကို မြင်လျှင်၊ ကိုယ်တော်ကို ယုံကြည်ကြ၏။ ၄၆ အချို့မူကား၊ ဖာရိရှဲတို့ထံသို့သွား၍ ယေရှုပြုတော်မူသောအမှုကို ကြားပြောကြ၏။ ၄၇ ထိုအခါ ယဇ်ပုရောဟိတ်အကြီးတို့နှင့် ဖာရိရှဲများသည် လွှတ်အရာရှိတို့ကို စည်းဝေးစေပြီးလျှင်၊ ငါတို့သည် အဘယ်သို့ပြုလျက် နေကြသနည်း။ ထိုသူသည် များစွာသော နိမိတ်လက္ခဏာကို ပြ၏။ ၄၈ သူ့ကို ဤသို့အလွတ်ထားလျှင် လူခပ်သိမ်းတို့သည် ယုံကြည်ကြလိမ့်မည်။ ရောမလူတို့သည်လည်းလာ၍ ငါတို့အရပ်ဌာနကို၎င်း၊ ငါတို့အမျိုးကို၎င်း၊ သုတ်သင် ပယ်ရှင်းကြလိမ့်မည်၊ ဟုပြောဆိုကြ၏။၄၉ ထိုသူတို့အဝင်၊ ထိုနှစ်တွင် ယဇ်ပုရောဟိတ်မင်းဖြစ်သော ကယာဖအမည်ရှိသောသူက၊ သင်တို့သည် အလျှင်းမသိကြ။ ၅၀ ယုဒလူမျိုးအကုန်အစင် ပျက်စီးသည်ထက်၊ လူတယောက်သည် လူများတို့အတွက် သေသော်သာ၍ကောင်းသည်ကို၊ သင်တို့သည် မဆင်ခြင်ပါတကား၊ ဟုပြောဆို၏။ ၅၁ ထိုစကားကို ကိုယ်အလို အလျောက်ပြောဆိုသည် မဟုတ်။ ထိုနှစ်တွင် ယဇ်ပုရောဟိတ်မင်းဖြစ်လျက်၊ ယေရှုသည် ထိုအမျိုးအတွက် သေရမည်ဟူ၍၎င်း၊ ၅၂ ထိုအမျိုးအတွက်သာမက၊ အရပ်ရပ်တို့၌ ကွဲပြာလျက်ရှိသော ဘုရားသခင်၏သားများကို အတူစုဝေးစေခြင်းငှါ သေရမည်ဟူ၍၎င်း၊ ပရောဖက်ဥာဏ်နှင့် ဟောပြော၏။

ယေရှုကိုသတ်ဘို့ရှာကြံကြ

CROSS REFERENCES

မဿဲ ၁၂း၁၄
၁၄ ထိုအခါ ဖာရိရှဲတို့သည် ထွက်၍ ကိုယ်တော်ကို အဘယ်သို့ ဖျက်ဆီးရအံ့နည်း၊ ဟု တိုင်ပင်ကြ၏။

မဿဲ ၂၆း၄
၄ ယေရှုကို ပရိယာယ်အားဖြင့် ဖမ်းဆီး၍ သတ်အံ့သောငှာ တိုင်ပင်ကြ၏။

မာကု ၁၄း၁
၁ ထိုနောက် နှစ်ရက်လွန်လျှင် ပသခါအဇုမပွဲရှိ၏။ ယဇ်ပုရောဟိတ် အကြီးတို့နှင့် ကျမ်းပြုဆရာတို့သည်၊ ကိုယ်တော်ကို အဘယ်သို့ ပရိယာယ်အားဖြင့် ဖမ်းဆီး၍၊ သတ်ရအံ့နည်း၊ ဟုရှာကြံကြ၏။

လု ၂၂း၂
၂ ယဇ်ပုရောဟိတ်အကြီးတို့နှင့် ကျမ်းပြုဆရာတို့သည်၊ ကိုယ်တော်ကို အဘယ်သို့ သတ်ရအံ့နည်း၊ ဟုရှာကြံကြ၏။အဘယ်ကြောင့် ရှာကြံရကြသနည်းဟူမူကား၊ လူများတို့ကို ကြောက်ကြ၏။

ယောဟန် ရး၃၀
၃၀ ကိုယ်တော်ကို ဖမ်းဆီးခြင်းအခွင့်ကိုရှာကြ၏။ သို့သော်လည်း ကိုယ်တော်၏ အချိန်မစေ့မရောက် သေးသောကြောင့် အဘယ်သူမျှ မဖမ်းမဆီးကြ။ sယေရှုက ငါ့ကိုရှာသော်လည်း မတွေ့ရကြ

ယောဟန် ၇း၄၄
၄၄ သို့သော်လည်း အဘယ်သူမျှ မဖမ်းမဆီးကြ။ sမင်းလုလင်တို့က ခရစ်တော်ကို မဖမ်းကြ

ယောဟန် ၈း၅၉
၅၉ ထိုအခါ ကိုယ်တော်ကို ခဲနှင့်ပစ်ခြင်းငှါ ကျောက်ခဲတို့ကို ကောက်ယူကြ၏။ ယေရှုသည် တိမ်းရှောင်၍ ထိုသူတို့အလယ်၌ လျှောက်သွားပြီးလျှင် ဗိမာန်တော်မှ ထွက်ကြွတော်မူ၏။ %ln

ယောဟန် ၁၀း၃၁
၃၁ ထိုအခါယုဒလူတို့သည်၊ ကိုယ်တော်ကို ခဲနှင့်ပစ်ခြင်းငှါ၊ တဖန်ကျောက်ခဲတို့ကို ကောက်ယူကြ၏။

ယောဟန် ၁၀း၃၉
၃၉ ထိုအခါ ကိုယ်တော်ကို ဖမ်းဆီးခြင်းငှါ တဖန်ရှာကြပြန်လျှင်၊ ထိုသူတို့၏လက်မှ ထွက်ကြွတော်မူ၏။

ယောဟန် ၁၁း၅၃
၅၃ ထိုနေ့မှစ၍ ကိုယ်တော်၏ အသက်ကိုသတ်ခြင်းငှါ၊ တိုင်ပင်ကြံစည်ကြ၏။

CROSS REFERENCES

ထွက် ၁၂း၁၁

ထွက် ၁၂း၂၁

ထွက် ၁၂း၂ရ

ထွက် ၁၂း၄၃း ထွက် ၁၂း၄၈

ထွက် ၁၂း၁၁
၁၁ အဘယ်သို့ စားရမည်နည်းဟူမူကား၊ ခါးစည်းကိုစည်းလျက်၊ ခြေနင်းကိုစီးလျက်၊ တောင်ဝေးကိုကိုင်လျက်၊ အလျင်အမြန်စားရမည်။ ထာဝရဘုရား၏ ပသခါ ဖြစ်သတည်း။ sသားဦးများနှင့် အဲဂုတ္တုဘုရားတို့ကို တရားစီရင်မည်

ထွက် ၁၂း၂၁
၂၁ ထိုအခါ မောရှေသည်၊ ဣသရေလအမျိုး အသက်ကြီးသူအပေါင်းတို့ကို ခေါ်၍၊ သင်တို့သည် အိမ်ထောင်များ အသီး အသီး၊ကိုယ်စီကိုယ်စီ သိုးသူငယ်တို့ကိုယူ၍ ပသခါပွဲ ဖို့ သတ်ကြလော့။

ထွက် ၁၂း၂ရ
၂၇ ထာဝရဘုရားသည် အဲဂုတ္တုလူတို့ကိုဒဏ်ခတ်၍၊ ငါတို့အိမ်များကို ချမ်းသာပေးတော်မူသောအခါ၊ အဲဂုတ္တုပြည်၌ ဣသရေလအမျိုးသားတို့၏ အိမ်များကို လွန်သွားတော်မူသော၊ ထာဝရဘုရား၏ ပသခါယဇ်ဖြစ်သတည်း၊ ဟုပြန်ပြောရကြမည်၊ ဟုမောရှေဆိုပြီးလျှင်၊ ထိုသူတို့သည် ဦးညွတ်ချ၍ ကိုးကွယ်ကြ၏။

ထွက် ၁၂း၄၃း ထွက် ၁၂း၄၈
၄၃ ပသခါပွဲတရားဟူမူကား၊ တပါးအမျိုးသား မစားရ။

ထွက် ၃၄း၂၅
၂၅ ငါ့ယဇ်ကောင်အသွေးကို တဆေးနှင့်ရော၍ မပူဇော်ရ။ ပသခါပွဲ ယဇ်ကောင်ကို၊ နံနက်တိုင်အောင် မကြွင်းစေရ။

ဝတ်ပြု ၂၃း၅
၅ ပဌမလ ဆယ့်လေးရက်နေ့ ညဦးယံ၌၊ ထာဝရဘုရား၏ ပသခါပွဲဖြစ်၏။

တောလည် ၉း၂-၆
၂ ဣသရေလ အမျိုးသားတို့သည်၊ ချိန်းချက်သော ကာလအချိန်၌ ပသခါပွဲ ကို ခံရကြမည်။

တောလည် ၉း၁၀-၁၄
၁၀ သင်တို့အမျိုးသားသည် အသေကောင်အားဖြင့် ညစ်ညူးခြင်း ရှိသော်၎င်း၊ ဝေးသောအရပ်သို့ ခရီးသွားသော်၎င်း၊ ထာဝရဘုရားအဖို့ ပသခါပွဲ ကို ခံရမည်။

တော ၂၈း၁၆
၁၆ ပဌမလ တစ်ဆယ့်လေးရက်နေ့၌ ၊ ထာဝရဘုရား၏ ပသခါပွဲဖြစ်၏။

တောလည် ၃၃း၃
၃ ပဌမလ တစ်ဆယ့် ငါးရက်နေ့၌ ရာမသက်မြို့မှ ထွက်လာကြ၏။ ပသခါပွဲ ကို ခံပြီးသောနောက်၊ နက်ဖြန်နေ့၌ ဣသရေလ အမျိုးသားတို့သည် အဲဂုတ္တု လူအပေါင်းတို့ရှေ့မှာ ဝါကြွားသော အခြင်းအရာနှင့် ထွက်လာကြ၏။

တရားဟော ၁၆း၁-၆
၁ သင်၏ ဘုရားသခင် ထာဝရဘုရားသည် အဗိဗလ၊ ညအခါ၌ သင့်ကို အဲဂုတ္တုပြည်မှ နှုတ်ဆောင် တော်မူသောကြောင့်၊ အဗိဗလကို မှတ်၍၊ သင်၏ ဘုရားသခင် ထာဝရဘုရားအား ပသခါပွဲကို ခံလော့။

ယောရှု ၅း၁၀-၁၁
၁၀ ဣသရေလ အမျိုးသားတို့သည် ဂိလဂါလ အရပ်တွင် တပ်ချ၍၊ ထိုလ တစ်ဆယ့်လေးရက်နေ့၊ ညဦးယံ၌ ယေရိခေါလွင်ပြင်မှာ ပသခါပွဲ ကို ခံကြ၏။

၄ ဓမ္မ ၂၃း၂၁-၂၂
၂၁ တဖန် ရှင်ဘုရင်ကလည်း၊ ဤပဋိညာဉ်ကျမ်းစာ၌ လာသည်အတိုင်း၊ သင်တို့၏ ဘုရားသခင် ထာဝရဘုရားအား ပသခါပွဲကို ဆောင်ကြလော့၊ ဟုလူအပေါင်းတို့ကို မိန့်တော်မူ၏။

၂ ရာ ၃၀း၁-၂
၁ တဖန် ဧဖရိမ်အမျိုး၊ မနာရှေအမျိုးနှင့်တကွ ဣသရေလအမျိုး၊ ယုဒအမျိုးသား အပေါင်းတို့သည် ယေရုရှလင်မြို့၊ ဗိမာန်တော်သို့ လာ၍၊ ဣသရေလအမျိုး၏ ဘုရားသခင်ထာဝရဘုရားအား၊ ပသခါပွဲ ကိုခံစေခြင်းငှါ၊ ဟေဇကိသည် စာရေး၍ ပေးလိုက်လေ၏။

၂ ရာ ၃၀း၄-၅
၄ ရှင်ဘုရင်နှင့် စည်းဝေးသော သူအပေါင်းတို့သည် ထိုအမှုကို နှစ်သက်သောကြောင့်၎င်း၊ ကျမ်းစာ၌ လာသည်အတိုင်း၊ ကြာမြင့်စွာသော ကာလပတ်လုံး၊ ပသခါပွဲကို မခံသောကြောင့်၎င်း၊

၂ ရာ ၃၀း၁၅
၁၅ ဒုတိယလ တဆယ်လေးရက်နေ့တွင်၊ ပသခါသိုးငယ်တို့ကို သတ်ကြ၏။ ယဇ်ပုရောဟိတ်၊ လေဝိသားတို့သည် သတိရ၍ ကိုယ်ကိုသန့်ရှင်းစေလျက်၊ မီးရှို့ရာယဇ်တို့ကို ဗိမာန်တော်ထဲသို့ သွင်းကြ၏။

၂ ရာ ၃၀း၁ရ-၁၈
၁၇ မသန့်ရှင်းသောသူ အများတို့သည် ပရိသတ်၌ ပါသောကြောင့်၊ ထိုမသန့်ရှင်းသောသူ ရှိသမျှတို့ကို၊ ထာဝရဘုရား အဘို့ သန့်ရှင်းစေခြင်းငှါ၊ ပသခါသိုးငယ် သတ်ခြင်းအမှုကို၊ လေဝိသားတို့သည် စောင့်ရကြ၏။

၂ ရာ ၃၅း၁
၁ တဖန် ယောရှိမင်းသည် ယေရုရှလင်မြို့၌ ထာဝရဘုရားအဘို့ ပသခါပွဲကို ခံတော်မူ၍ ပဌမလ တဆယ်လေးရက်နေ့တွင်၊ ပသခါ သိုးသငယ်ကို သတ်ကြ၏။

၂ ရာ ၃၅း၆-၉
၆ ထိုသို့ ပသခါ သိုးသငယ်ကိုသတ်၍ ကိုယ်ကို သန့်ရှင်းစေကြလော့။ သင်တို့ ညီအစ်ကိုတို့သည် မောရှေအားဖြင့် ထာဝရဘုရား မှာထားတော်မူသည်အတိုင်း ပြုစေခြင်းငှါ၊ သူတို့ကိုလည်း ပြင်ဆင်ကြလော့ဟု မိန့်တော်မူ၏။ sမင်းမှုးမတ်များ လေဝိသားတို့က တိရစ္ဆာန်များပေးကြ

၂ ရာ ၃၅း၁၁-၁၂
၁၁ ပသခါ သိုးသငယ်ကို သတ်၍၊ ယဇ်ပုရောဟိတ်တို့သည် အသွေးကိုလက်နှင့် ဖြန်းလျက်၊ လေဝိသားတို့သည် အရေကိုခွါလျက် ပြုကြ၏။

၂ ရာ ၃၅း၁၆-၁၉
၁၆ ထိုသို့ ယောရှိမင်းကြီး မိန့်တော်မူသည်အတိုင်း ပသခါပွဲကိုခံ၍၊ ထာဝရဘုရား၏ ယဇ်ပလ္လင်ပေါ်မှာ မီးရှို့ရာယဇ်တို့ကို ပူဇော်ခြင်းငှါ၊ ထာဝရဘုရားအား ပြုရသော ဝတ်အလုံးစုံကို၊ ထိုနေ့ခြင်းတွင် ပြင်ဆင်ကြ၏။

ဧဇရ ၆း၁၉-၂၁
၁၉ သိမ်းသွားခြင်းကိုခံရသော အမျိုးသားတို့သည် ပဌမလ တဆယ်လေးရက်နေ့တွင် ပသခါပွဲ ကိုလည်း ခံကြ၏။

ယေဇ ၄၅း၂၁
၂၁ ပဌမလတဆယ့်လေးရက်နေ့တွင်ပသခါပွဲကိုခံရမည်။ ခုနစ်ပတ်လုံးပွဲခံစဉ်တွင်တဆေးမဲ့မုန့်ကိုသာစားရမည်။

မဿဲ ၂၆း၂
၂ နှစ်ရက်လွန်မှ ပသခါပွဲနေ့ရောက်မည်ကို သင်တို့သိကြ၏။ ထိုအခါ လူသားကို လက်ဝါးကပ်တိုင်မှာ ရိုက်သတ်စေခြင်းငှာ အပ်နှံကြလိမ့်မည်၊ ဟုမိန့်တော်မူ၏။

မဿဲ ၂၆း၁ရ-၁၉
၁၇ အဇုမပွဲ ပဌမနေ့၌ တပည့်တော်တို့သည် အထံတော်သို့ ချဉ်းကပ်၍၊ ကိုယ်တော်သည် ပသခါပွဲကို စားတော်မူဖို့ရာ၊ အဘယ်အရပ်၌ အကျွန်ုပ်တို့သည် ပြင်ဆင်စေခြင်းငှာ၊ အလိုရှိတော်မူသနည်း၊ ဟုမေးလျှောက်ကြသော်၊

မာကု ၁၄း၁၂-၁၆
၁၂ ပသခါ သိုးသငယ်ကို သတ်သောနေ့တည်းဟူသော အဇုမပွဲပဌမနေ့၌၊ တပည့်တော်တို့သည် အထံတော်သို့ ချဉ်းကပ်၍၊ ကိုယ်တော်သည် ပသခါပွဲကို စားတော်မူဘို့ရာ အဘယ်အရပ်၌ အကျွန်ုပ်တို့သည်သွား၍၊ ပြင်ဆင်စေခြင်းငှါ အလိုရှိတော်မူသနည်း၊ ဟုမေးလျှောက်ကြသော်။

လု ၂း၄၁-၄၂
၄၁ မိဘတို့သည် နှစ်တိုင်းအစဉ် ပသခါပွဲခံချိန်ရောက်လျှင်၊ ယေရုရှလင်မြို့သို့ သွားကြ၏။

လု ၂၂း၁
၁ ပသခါအမည်ရှိသော အဇုမပွဲခံခါနီးတွင်၊

လု ၂၂းရ-၈
၇ ပသခါ သိုးသငယ်ကို သတ်ရသောနေ့ တည်းဟူသော၊ အဇုမပွဲနေ့ ရောက်သောအခါ၊

လု ၂၂း၁၁-၁၃
၁၁ ငါသည် ငါ့တပည့်တို့နှင့်တကွ၊ ပသခါပွဲကိုစားရသော ဧည့်သည်အခန်းကား အဘယ်မှာရှိသနည်း၊ ဆရာကမေးသည်၊ ဟုအိမ်ရှင်ကိုပြောကြလော့။

လု ၂၂း၁၅-၁၆
၁၅ ငါသည် အသေမခံမှီ ဤပသခါပွဲကို သင်တို့နှင့်အတူ စားခြင်းငှါ၊ အလွန်အလိုရှိလေပြီ။

ယောဟန် ၂း၁၃
၁၃ ယုဒပသခါပွဲ ခံချိန်နီးသည်ရှိသော်၊ ယေရုရှလင်မြို့သို့ ကြွတော်မူ၏။

ယောဟန် ၂း၂၃
၂၃ ပသခါပွဲအတွင်းတွင်၊ ယေရှုသည် ယေရုရှလင်မြို့၌ရှိ၍၊ ပြတော်မူသော နိမိတ်လက္ခဏာတို့ကို၊ များစွာသောသူတို့သည် မြင်ရသဖြင့် ကိုယ်တော်ကို ယုံကြည်ခြင်းသို့ ရောက်ကြ၏။

ယောဟန် ၆း၄
၄ ထိုအခါ ယုဒလူတို့၏ ပသခါပွဲခံချိန် ရောက်လုနီးသတည်း။

ယောဟန် ၁၁း၅၅
၅၅ ယုဒပသခါပွဲ ခံခါနီးတွင်၊ လူများတို့သည် မိမိတို့ကို သန့်ရှင်းစေခြင်းငှါ၊ ပွဲမခံမှီအရပ်ရပ်တို့မှ ယေရုရှလင်မြို့သို့ လာကြ၏။

ယောဟန် ၁၂း၁
၁ ပသခါပွဲ ခံချိန် ခြောက်ရက်လိုသေးသောအခါ၊ အထက်က သေလွန်၍ သေခြင်းမှ ထမြောက်စေတော်မူသော၊ လာဇရုနေရာအရပ်၊ ဗေသနိရွာသို့ယေရှုသည် ရောက်တော်မူ၏။

ယောဟန် ၁၃း၁
၁ ပသခါပွဲမခံမီ၌ယေရှုသည်၊ ဤလောကမှ ခမည်းတော်ထံသို့ ပြောင်းရသောအချိန် ရောက်သည်ကို သိတော်မူသည်ဖြစ်၍၊ ဤလောက၌ ရှိသောမိမိလူတို့ကို ချစ်တော်မူသောကြောင့်၊ အဆုံးတိုင်အောင် ချစ်တော်မူ၏။

ယောဟန် ၁၈း၂၈
၂၈ နံနက်အချိန်ရောက်လျှင်၊ ယေရှုကို ကယာဖထံမှအိမ်တော်ဦးသို့ ဆောင်သွားကြ၏။ ထိုသူတို့သည် အာပတ်(အပြစ်)နှင့် ကင်းလွတ်၍ ပသခါပွဲကို ခံမည်အကြောင်း၊ အိမ်တော်ဦးထဲသို့ ကိုယ်တိုင်မဝင်ကြ။

ယောဟန် ၁၈း၃၉
၃၉ ပသခါပွဲ ၌လူတယောက်ကို သင်တို့အား ငါလွှတ်မြဲထုံးစံရှိသည်ဖြစ်၍၊ ယုဒရှင်ဘုရင်ကို လွှတ်စေချင်သလော၊ ဟုမေးလျှင်၊

ယောဟန် ၁၉း၁၄
၁၄ ထိုနေ့အချိန်ကား၊ ပသခါ အဘိတ်နေ့ တချက်တီးအချိန်လောက်ရှိ၏။ ပိလတ်မင်းကလည်း၊ သင်တို့၏ ရှင်ဘုရင်ကို ကြည့်ကြလော့၊ ဟုယုဒလူတို့အားပြောဆိုလျှင်၊ sပိလတ်မင်းကယေရှုကိုလက်ဝါးကပ်တိုင်မှာရိုက်ခွင့်ပေး

တမန် ၁၂း၄
၄ ပေတရုကိုလည်း ဖမ်းဆီးပြီးမှ၊ ပသခါပွဲလွန်လျှင် လူများတို့အား ထုတ်ပေးမည်အကြံနှင့်၊ အစောင့်အရှောက် စစ်သူရဲ တကျိန်ခြောက်ယောက်တို့၌ အပ်၍၊ ထောင်ထဲမှာ လှောင်ထားလေ၏။

၁ ကော ၅းရ
၇ သင်တို့သည် တဆေးမဲ့ဖြစ်သည်နှင့်အညီ၊ အသစ်သော မုန့်စိမ်းဖြစ်မည်အကြောင်း၊ ဟောင်းသောတဆေးကို၊ သုတ်သင်ပယ်ရှင်းကြလော့။ အကြောင်းမူကား၊ ခရစ်တော်တည်းဟူသော၊ ငါတို့ ပသခါသိုးသငယ်သည် ငါတို့အဘို့ ယဇ်ပူဇော်ရာဖြစ်၏။

ဟေဗြဲ ၁၁း၂၈
၂၈ သားဦးများကိုဖျက်ဆီးသောသူသည်၊ ဣသရေလလူတို့ကို ဒဏ်မခတ်စေခြင်းငှါ၊ ယုံကြည်ခြင်းအားဖြင့် ပသခါပွဲကို၎င်း၊ အသွေးဖြန်းဆွတ်ခြင်းကို၎င်း၊ စောင့်လေ၏။

၅၃ ထိုနေ့မှစ၍ ကိုယ်တော်၏ အသက်ကိုသတ်ခြင်းငှါ၊ တိုင်ပင်ကြံစည်ကြ၏။ [G] ၅၄ ထိုကြောင့်၊ ယေရှုသည် နောက်တဖန် ယုဒလူတို့တွင် ထင်ရှားစွာမလှည့်လည်ဘဲ၊ ထိုအရပ်မှထွက်၍ တောနှင့်အနီး၊ ဧဖရိမ်အမည်ရှိသော မြို့သို့ကြွ၍၊ တပည့်တော်တို့နှင့်အတူ နေတော်မူ၏။ ၅၅ ယုဒပသခါပွဲ [H] ခံခါနီးတွင်၊ လူများတို့သည် မိမိတို့ကို သန့်ရှင်းစေခြင်းငှါ၊ ပွဲမခံမှီအရပ်ရပ်တို့မှ ယေရုရှလင်မြို့သို့ လာကြ၏။ ၅၆ ထိုသူတို့သည် ယေရှုကိုရှာဖွေ၍၊ အချင်းတို့၊ အဘယ်သို့ထင်ကြသနည်း။ သူသည် ပွဲသို့မလာသလော၊ ဟုဗိမာန်တော်၌ရပ်လျက် အချင်းချင်းမေးမြန်းကြ၏။ ၅၇ ထိုအခါအဘယ်သူသည်၊ ယေရှုရှိရာအရပ်ကိုသိလျှင် သူ့ကိုဖမ်းဆီးစေခြင်းငှါ၊ ပြညွှန်ရမည်၊ ဟုယဇ်ပုရောဟိတ်အကြီးတို့နှင့် ဖာရိရှဲတို့သည်မှာခဲ့ကြပြီ။

_________________________
Footnotes

၈ (a) မူရင်းဂရိတ်ကျမ်း၌ Διδάσκαλος အင်္ဂလိပ်အသံထွက် Didaskalos ကိုမြန်မာကျမ်းစာအုပ်၌ "အရှင်ဘုရား" ဟုဘာသာပြန်ထားသည်။ ထိုအရာသည် "ဆရာ" ဖြစ်သည်။

၂၈ (b) မူရင်းဂရိတ်ကျမ်း၌ Ῥαββί အင်္ဂလိပ်အသံထွက်Rhabbi ကိုမြန်မာကျမ်းစာအုပ်၌ "အရှင်ဘုရား"ဟုဘာသာပြန်ထားသည်။ ထိုအရာသည် "ဆရာ" သို့မဟုတ် "သခင်" ဖြစ်သည်။